Kubjikamatatantra [sanskrit]

27,635 words | ISBN-10: 8186569421 | ISBN-13: 9788186569429

The Sanskrit edition of the Kubjikamatatantra: an ancient and authoritative text exposing the Goddess Kubjika and belonging to the Kaula tradition praised in Tantric Shaktism and Shaivism. The extant Kubjikamata-tantra contains roughly 3,000 shlokas (metrical verses), although traditionally the text is derived from a version containing 24,000 verses (or even more). It is known also by the names Kubjinimata or Anamamata

śrībhairava uvāca |
padagranthisamālabdhastattvagranthisamāśritaḥ |
kubjigranthipadāntastho haṃsabhedapadaṃ vrajet || 1 ||
[Analyze grammar]

haṃsabhede parā śaktiḥ sahajā śivatattvagā |
sā vidyā prathamā jñeyā dvitīyā tu parāparā || 2 ||
[Analyze grammar]

catvāriṃśatpadā jñeyā vidyātattve niveśitā |
haṃsagranthisamārūḍhāṃ prakaṭārthaṃ vadāmi te || 3 ||
[Analyze grammar]

someśvaraṃ samuddhṛtya patitaṃ suranāyike |
śikhīśaṃ kevalaṃ paścāl lākulaṃ tadanantaram || 4 ||
[Analyze grammar]

arghīśāsanasaṃsthaṃ hi bindunā mastake hatam |
lākulaṃ punaruddhṛtya bhujaṅgāsanasaṃsthitam || 5 ||
[Analyze grammar]

trimūrtinā ca cākrāntaṃ śūnyamastakabhūṣitam |
śikhīśaṃ vahnisaṃyuktaṃ jhaṇṭīśena samanvitam || 6 ||
[Analyze grammar]

krūrānandena sambhinnaṃ lākulī tadanantaram |
bhujaṅgena tu sandīptamarghīśāsanasaṃsthitam || 7 ||
[Analyze grammar]

tadevaṃ lākulīśaṃ tu bhujaṅgādhāramīśvaram |
trimūrtinā tu cākrāntaṃ aṃ krūraṃ śirasi sthitam || 8 ||
[Analyze grammar]

bhujaṅgaṃ tu caturdhā vai kartavyaṃ tu kuleśvari |
kevalaṃ dvitayaṃ devi amarīśadvitayānvitam || 9 ||
[Analyze grammar]

lākulaṃ tu tato deyaṃ jhaṇṭīśena tu bheditam |
mahāsenāhataṃ devi lākulīśaṃ samuddharet || 10 ||
[Analyze grammar]

khaḍgīśaṃ kevalaṃ gṛhya lohitaṃ tadanantaram |
sūkṣmānandena sambhinnaṃ mahākālaṃ tu kevalam || 11 ||
[Analyze grammar]

khaḍgīśaṃ kevalaṃ paścādumākāntaṃ tataḥ punaḥ |
jhaṇṭānandena sambhinnaṃ śvetānandaṃ kulādhipe || 12 ||
[Analyze grammar]

kevalaṃ tu smṛtaṃ bhadre dviraṇḍaṃ tadanantaram |
trimūrtinā tu cākrāntaṃ mahākālaṃ tataḥ punaḥ || 13 ||
[Analyze grammar]

dviraṇḍaṃ tu punardevi trimūrtyālaṅkṛtaṃ kuru |
sūkṣmānandena sambhinnaṃ caṇḍānandaṃ yaśasvini || 14 ||
[Analyze grammar]

mahākālaṃ punaḥ paścādamarīśāsanasthitam |
bhujaṅgaṃ kevalaṃ devi śiveśaṃ sadyasaṃyutam || 15 ||
[Analyze grammar]

lākulī bhṛgusaṃyuktaṃ nugrahīśānvitaṃ priye |
krūradevaṃ śirasthaṃ hi lohitaṃ jhaṇṭināhatam || 16 ||
[Analyze grammar]

raktaṃ caivārghinā yuktaṃ bhujaṅgaṃ kevalaṃ punaḥ |
śivānandaṃ tu deveśi sadyojātena bheditam || 17 ||
[Analyze grammar]

lākulamarghinā yuktaṃ śūnyamastakabhūṣitam |
bhujaṅgaṃ jhaṇṭidevena bheditaṃ kuru pārvati || 18 ||
[Analyze grammar]

śivottamaṃ tataḥ paścātsadyojātena bhūṣitam |
kevalaṃ tu mahākālaṃ bhujaṅgaṃ kevalaṃ punaḥ || 19 ||
[Analyze grammar]

lohitaṃ tu punaḥ paścānmahāsenaṃ tataḥ punaḥ |
āsanasthaṃ bhṛgordevi lākulīśaṃ samuddharet || 20 ||
[Analyze grammar]

lākulīśaṃ punarbhadre bhujaṅgāsanasaṃsthitam |
trimūrtinā tu cākrāntaṃ krūrānandasamanvitam || 21 ||
[Analyze grammar]

jhaṇṭinā bheditaṃ devi bhujaṅgaṃ kārayettataḥ |
śivānandaṃ tatoddhṛtya sadyānandānvitaṃ kuru || 22 ||
[Analyze grammar]

śrīkaṇṭhaṃ kevalaṃ paścādbhauktikaṃ bindunā yutam |
eṣā parāparā devī uddhṛtā tu vilomataḥ || 23 ||
[Analyze grammar]

catvāriṃśaddvayo varṇā ardhavarṇānvitā priye |
eṣā vidyā tathā proktā vidyātattve niveśayet || 24 ||
[Analyze grammar]

devyā caivātmatattvasthā kriyāśaktyāparā punaḥ |
ardhasaptākṣarā devī vilomena tataḥ śṛṇu || 25 ||
[Analyze grammar]

patitamīśa somaṃ hi śikhīśaṃ kevalaṃ tataḥ |
lākulamarghinā yuktaṃ śikhīśaṃ bhujagānvitam || 26 ||
[Analyze grammar]

jhaṇṭīśena samāyuktaṃ lākulaṃ raktasaṃsthitam |
dvidhā bhūtaṃ tu kartavyaṃ bhedaṃ cātra vadāmi te || 27 ||
[Analyze grammar]

arghinā pūrva sambhinnamaparaṃ tu trimūrtinā |
bhauktikaṃ kevalaṃ devi uddhṛtaṃ paramākṣaram || 28 ||
[Analyze grammar]

bindunādānvitāḥ pañca kartavyāstu yaśasvini |
apareyamimā vidyā sarvasvaṃ yoginīkule || 29 ||
[Analyze grammar]

parāṃ devīṃ tato vakṣye śivatattvānusāriṇīm |
lākulaṃ bhṛgusaṃsthaṃ hi bhujaṅgena samanvitam || 30 ||
[Analyze grammar]

arghīśāsanamārūḍhaṃ'nugrahīśena bheditam |
bindunādakalākrāntamuddhṛtaṃ paramaṃ priye || 31 ||
[Analyze grammar]

praṇavoccārasaṃyuktā vidyā tattvatrayātmikā |
śabdamālinimūrtisthā vidyādehaguṇojjvalā || 32 ||
[Analyze grammar]

puryāṣṭakamaghoristhaṃ yathāvasthāṃ vadāmi te || 33 ||
[Analyze grammar]

hrīṃ ru aghore hrīṃ shauṃ aghoryāyai prathamaṃ śiraḥ || 34 ||
[Analyze grammar]

hrīṃ ru paramaghore hūṃ shauṃ paramaghorāyai mukham || 34 ||
[Analyze grammar]

hrīṃ ru shauṃ ghorarūpe shauṃ ghorarūpāyai hṛdi || 34 ||
[Analyze grammar]

hrīṃ ru shauṃ ghoramukhi shauṃ ghoramukhyai guhye || 34 ||
[Analyze grammar]

hrīṃ phaṭ bhīmanāme shauṃ bhīmāyai dakṣiṇabhuje || 34 ||
[Analyze grammar]

hrīṃ hūṃ bhīṣaṇe shauṃ bhīṣaṇāyai vāmato bhuje || 34 ||
[Analyze grammar]

shauṃ hrīṃ haḥ vama shauṃ vamanyai dakṣiṇoru || 34 ||
[Analyze grammar]

hrīṃ hūṃ phaṭ piba he shauṃ pibanyai vāmatoru || 34 ||
[Analyze grammar]

etatpuryāṣṭakaṃ devyā aghoryāṣṭakasaṃyutam |
nyasedaṣṭavidhāṅgaṃ tu aṣṭapattreṣu sādhakaḥ || 35 ||
[Analyze grammar]

atordhvaṃ dvādaśāṅgaṃ tu dehaniṣpattikāraṇam |
pādādau śiraso yāvannyasedaṅge yathoditam || 36 ||
[Analyze grammar]

siddhāīti sahaṃ padbhyāṃ ṛddhāī jānunī sahāṃ |
vidyutāyai sahimūrubhyāṃ sahīṃ lakṣmīti guhyagā || 37A ||
[Analyze grammar]

dīptāikā sahuṃ nābhau sahūṃ nālāikā hṛdi |
saheṃ śivāikā kaṇṭhe sahaiṃ vasumukhī mukhe || 37B ||
[Analyze grammar]

sahoṃ nāsā vamanyāyai karṇe nandinikā sahauṃ |
harikeśā sahaṃ tryakṣī mahāmukhyai sahaḥ śire || 37C ||
[Analyze grammar]

anena dṛḍhito hyātmā jīvabhūtaḥ sthirīkṛtaḥ |
ṣaḍaṅganyāsayogena vyaktatvaṃ bhajate tu saḥ || 38 ||
[Analyze grammar]

shāṃ sarvajña hṛdayāya namaḥ || 39 ||
[Analyze grammar]

amṛte tejomālini tṛpti śirase shīṃ svāhā || 39 ||
[Analyze grammar]

vedavedini hūṃ phaṭ shūṃ anādibodhāya śikhāyai vauṣaṭ || 39 ||
[Analyze grammar]

shaiṃ vajriṇe vajradharāya svatantra kavacāya hūṃ || 39 ||
[Analyze grammar]

shauṃ nit yamaluptaśakti shauṃ vauṃ dhauṃ sahaje trinetrarūpiṇe namastubhyamanantaśakti || 39 ||
[Analyze grammar]

shaḥ ślīṃ paśu hūṃ phaṭ pāśupatāstrāya sahasrākṣāya hūṃ phaṭ || 39 ||
[Analyze grammar]

ṣaḍaṅganyāsayogena parādehaṃ parādhvaram |
evaṃ niṣpannadehasya slokadvādaśamekhalā || 40 ||
[Analyze grammar]

tadgraheṇa tu yogena brahmasūtraṃ vilambayet |
śiraḥprabhṛti pādāntaṃ pañcaratnavibhūṣitam || 41 ||
[Analyze grammar]

yatra yatpadavinyāsaṃ tatkubjīśe-m-ataḥ śṛṇu || 42 ||
[Analyze grammar]

aiṃ haḥ a paramānande haḥ ā siddhidānandane haḥ i parāpare hrūṃ phreṃ phaṭ kṣaḥ ī śrīkulāmbike || 43 ||
[Analyze grammar]

aiṃ haḥ u kālarudrasthe haḥ ū ṛddhibalānvite haḥ ṛ śirohāre hrūṃ phreṃ phaṭ kṣaḥ ṝ śrīkulāmbike || 43 ||
[Analyze grammar]

aiṃ haḥ ḷ narakāntasthe haḥ ḹ guhyamahāmbike haḥ e sṛṣṭigate hrūṃ phreṃ phaṭ kṣaḥ ai śrīkulāmbike || 43 ||
[Analyze grammar]

aiṃ haḥ o kuṇḍalaguhyānte haḥ au kuṇḍalalakṣmike haḥ aṃ kuṇḍalinī hrūṃ phreṃ phaṭ kṣaḥ aḥ kulamālinī || 43 ||
[Analyze grammar]

aiṃ haḥ ka kamaladīpte haḥ kha kuṇḍalanābhige haḥ ga kālahare hrūṃ phreṃ phaṭ kṣaḥ gha svatejaśive || 43 ||
[Analyze grammar]

aiṃ haḥ ṅa kamalamāle haḥ ca kramasauhṛdi haḥ cha pāpahane hrūṃ phreṃ phaṭ kṣaḥ ja kāmarūpiṇī || 43 ||
[Analyze grammar]

aiṃ haḥ jha kaṇṭhakūpasthe haḥ ña śaivāmṛtātmike haḥ ṭa candrātmike hrūṃ phreṃ phaṭ kṣaḥ ṭha sukhadeśvarī || 43 ||
[Analyze grammar]

aiṃ haḥ ḍa kuharāntasthe haḥ ḍha saumukhyatāmane haḥ ṇa svānandane hrūṃ phreṃ phaṭ kṣaḥ ta kālanāśanī || 43 ||
[Analyze grammar]

aiṃ haḥ tha kālavamani haḥ da cogrānunāsike haḥ dha karoti sā hrūṃ phreṃ phaṭ kṣaḥ na kālarodanī || 43 ||
[Analyze grammar]

aiṃ haḥ pa śrāvaṇāntasthe haḥ pha siddhimāśrite haḥ ba karoti sā hrūṃ phreṃ phaṭ kṣaḥ bha pārameśvarī || 43 ||
[Analyze grammar]

aiṃ haḥ ma kālakalātīte haḥ ya śrībindunetrage haḥ ra śrīhārike hrūṃ phreṃ phaṭ kṣaḥ la sṛṣṭibinduge || 43 ||
[Analyze grammar]

aiṃ haḥ va prakaṭagupte haḥ śa mahāmukhe pare haḥ ṣa svākāśage hrūṃ phreṃ phaṭ kṣaḥ sa śrīkujāmbike || 43 ||
[Analyze grammar]

ajacakreśvarī rekhā dvitīyā kādibhāntagā |
mādisāntā tṛtīyā tu tribhi rekhaiḥ svareśvarī || 44 ||
[Analyze grammar]

ambikā śūladaṇḍasthā guhyaśaktyā vibhūṣitā |
bindunādasamāyuktā uddhṛtaṃ paramākṣaram || 45 ||
[Analyze grammar]

śrīkaṇṭha ambikā caiva dvidhārūpā tu kārayet |
punarambā ca phetkārī dīpanyāsanasaṃsthitā || 46 ||
[Analyze grammar]

prajñābhūṣitamekaṃ hi jñānadevyā dvitīyakam |
bindunādayute dve tu saṃhāryā icchayānvitā || 47 ||
[Analyze grammar]

śrīkaṇṭhādibhṛgo'ntā vai saṃsthitā kulapaddhatiḥ |
anena vidhinā devi bhinnā tu kulapaddhatiḥ || 48 ||
[Analyze grammar]

parāmṛtapadaṃ hyetat ślokānāṃ daśakaṃ dvikam |
etasminpaṭhite devi kṣubhyante mātaraḥ sadā || 49 ||
[Analyze grammar]

sadyāveśaḥ prajāyeta kavitvaṃ tasya jāyate |
ājñāvedhādikā siddhiḥ paṭhite' sminprajāyate || 50 ||
[Analyze grammar]

tvayā na kathyamabhakteṣvityājñā pārameśvarī |
ślokadvādaśakaṃ hyetadvaṭamālāvibhūṣitam || 51 ||
[Analyze grammar]

vaḍavānala mantavyaṃ pādādau mastakāvadhim |
mekhaleyaṃ nyaseddevi vilomenopadeśataḥ || 52 ||
[Analyze grammar]

uccāraṃ tasya cāveśaṃ sthāne sthāne pravartate |
gopanīyaṃ prayatnena na deyaṃ yasya kasyacit || 53 ||
[Analyze grammar]

jīvasya rakṣaṇaṃ hyetadanyathā hānikṛdbhavet |
tadgraho'nyaṃ nyaseddevi brahmasūtravibhūṣaṇam || 54 ||
[Analyze grammar]

dedīpyantaṃ pracaṇḍograṃ yathāvasthaṃ tathā śṛṇu || 55 ||
[Analyze grammar]

ana aiṃ | ā tha hrīṃ | i ṛ a | ī ṛ gho | u ḷ re | ū ḹ hrīṃ | ṛ ca hsaḥ | ṛ dha pa | ḷ ṇa ra | ḹ u ma | e ū gho | ai ī re | o ba hūṃ | au ka gho | aṃ kha ra | aḥ ga rū | ka gha pe | kha ṅa hsauṃ | ga i gho | gha a ra | ṅa va mu | ca bha khi | cha ya bhī | ja ḍa ma | jha ḍha bhī | ña ṭha ṣa | ṭa jha ṇe | ṭha ña va | ḍa aḥ ma | ḍha ṭa va | ṇa ra ma | ta ja pi | tha pa va | da sa pi | dha ha va | na cha ha | pa la he | pha ā ru | ba ṣa ru | bha kṣa ru | ma ma ru | ya śa ra | ra aṃ ra | la ta ra | va e ra | śa ai hrīṃ | ṣa o hūṃ | sa au phreṃ | ha da hsauṃ | kṣa pha aiṃ || 55 ||
[Analyze grammar]

rudraśaktitrayaṃ hyetadānandapadasaṃsthitam |
anyonyavalayākāraṃ pañcāśatpadabhūṣitam || 57 ||
[Analyze grammar]

vāmaraudrāntadakṣasthaṃ dakṣaraudrāntavāmagam |
raudrāraudrasamāyuktaṃ triraudraṃ tadgraho'pyayam || 58 ||
[Analyze grammar]

vāgeśvarī tathā māyā mohanī ca tṛtīyakā |
jñānadevī ca gāyatrī ratnāḥ pañca ime smṛtāḥ || 59 ||
[Analyze grammar]

nyāsamātreṇa cāveśamuccārādbhavate sphuṭam |
piṇḍasya bandhanaṃ hyetadduṣṭasiṃhavināśanam || 60 ||
[Analyze grammar]

tadgrahābaddhamūlaṃ tu pañcaratnopaśobhitam |
ratnāṅgī ratnadehā tu ratnānāṃ nirṇayaṃ śṛṇu || 61 ||
[Analyze grammar]

ratnānyamṛtamityuktaṃ pañcadhā tvamṛtaṃ priye |
piṇḍabandhaṃ vinā tena jīvitaṃ tu na vidyate || 62 ||
[Analyze grammar]

gaganāmṛtaratnaṃ tu svargaratnāmṛtaṃ tathā |
pātālamartyaratnaṃ ca nārakaṃ ratnapañcakam || 63 ||
[Analyze grammar]

devīdehātsamudbhūtaṃ devīdehādvinirgatam |
jñānavīryaḥ savīryastu ajñāte vīryahānikṛt || 64 ||
[Analyze grammar]

tṛtīyaṃ daśanaṃ devyā ātmahṛtsthaṃ nitambagam |
śikhāntasahitaṃ hyetatstanavāmoparisthitam || 65 ||
[Analyze grammar]

karṇabhūṣaṇavāmasthaṃ bījenāhatamastakam |
pañcaratnādiyogasya padoddhāraḥ prakīrtitaḥ || 66 ||
[Analyze grammar]

prāṇaṃ vahnisamārūḍhaṃ guhyaśaktyā vibhūṣitam |
bindumastaka cākrāntaṃ pañcaratnavibhedakam || 67 ||
[Analyze grammar]

ekaikaṃ rakṣitaṃ ratnaṃ yoginībhiryathā yathā |
tattathā śṛṇu kalyāṇi vyāptibhedo yathā sthitaḥ || 68 ||
[Analyze grammar]

catuḥṣaṣṭigaṇaṃ vyomni dvātriṃsatsvargacāriṇaḥ |
pātālaṃ ṣoḍaśairvyāptaṃ martyaṃ caivāṣṭakānvitam || 69 ||
[Analyze grammar]

nirayasthāstu catvāri ratnānāmadhidevatāḥ |
taddīptibhāsakā jñātā ajñātā dīptihārikāḥ || 70 ||
[Analyze grammar]

ratnaprabhāvamatulaṃ dedīpyārcisamujjvalam |
tatprabhāvādvarārohe yoginyo balavattarāḥ || 71 ||
[Analyze grammar]

ato'rthaṃ gopayantyetāstadvīryaguṇavattarāḥ |
rakṣanti svāminoddiṣṭā anādiṣṭaṃ haranti tāḥ || 72 ||
[Analyze grammar]

amīṣāṃ darśanātsparśātpadārthapadayogataḥ |
divyadehatvamāpnoti uccārātkṣobhakṛdbhavet || 73 ||
[Analyze grammar]

ṣoḍaśāvayavaṃ piṇḍaṃ ṣoḍhānyāsasuyantritam |
ślokamālānvitaṃ divyaṃ tadgrahāvalibhūṣitam || 74 ||
[Analyze grammar]

pañcaratnakṛtāṭopaṃ parāsyamakulānvitam |
evaṃ kṛtvā śarīrasthaṃ nyāsamaṇḍalabhṛttanum || 75 ||
[Analyze grammar]

devyā dehaṃ paraṃ hyetacchāmbhavaṃ padapūrvakam |
vaḍavānalayogasthaṃ padadehaṃ padodbhavam || 76 ||
[Analyze grammar]

padadehopadeśena yogīnyāsaparāyaṇaḥ |
kṛtvā nyāsamaśeṣaṃ tu yastiṣṭhati subhāvitaḥ || 77 ||
[Analyze grammar]

tasya duṣṭānyanekāni vighnāni prabhavanti na |
śākinībhūtavetālāḥ piśācoragarākṣasāḥ || 78 ||
[Analyze grammar]

siṃhavyāghragajā ṛkṣā duṣṭacittānyanekadhā |
ye hiṃsanti yadālabdhaṃ teṣāṃ pratyaṅgirā bhavet || 79 ||
[Analyze grammar]

āpado rakṣayetsarvā ātmanaśca parasya ca |
pracaṇḍayoginīghrāto nīto vā yamaśāsanam || 80 ||
[Analyze grammar]

nyastvā ṣoḍaśavāreyaṃ satyedaṃ na mriyettu saḥ |
sakṛnnyāse kṛte devi brahmahatyādipātakaiḥ || 81 ||
[Analyze grammar]

samparke'pi na lipyo'sau sādhayeditarāṃstu saḥ |
satyaṃ satyaṃ punaḥ satyaṃ pratyakṣedaṃ parādhvaram || 82 ||
[Analyze grammar]

kṛtanyāsaḥ patetpadbhyāṃ yasyāsau mriyate dhruvam |
gurostu na patetpāde yāvedaṃ dehasaṃsthitam || 83 ||
[Analyze grammar]

vyādhiduḥkhaṃ bhavettasya yadyākrośenmriyettu saḥ |
jñāte sati na kartavyaṃ yāvadgurukule vaset || 84 ||
[Analyze grammar]

guruhānikṛte śiṣyo na nandatyavaśaṃ priye |
ājñāniṣṭho guṇaśreṣṭhaḥ kramajñaughaviśāradaḥ || 85 ||
[Analyze grammar]

svādhikārī tu nānyo vai vācājyeṣṭho'bhivādayet |
pūrvasiddheṣu liṅgeṣu susiddhapratimāsu ca || 86 ||
[Analyze grammar]

kṛtanyāsaḥ patetpādau sphuṭatyāśu na saṃśayaḥ |
sadā pravartate yastu nyāsaṃ dehasya bhāvini || 87 ||
[Analyze grammar]

anuṣṭhānādṛte tasya ūrdhvenotkramaṇaṃ bhavet |
trikālanyāsayogena ardharātre tathā punaḥ || 88 ||
[Analyze grammar]

anena vidhinā kālaṃ kṣapayanti mahāmbike |
anyaṃ ca paramaṃ devi granthibhedaṃ sudurlabham || 89 ||
[Analyze grammar]

haṃsabhedaprayogena nyāsaṃ vakṣyāmi durlabham |
o-jā-pū-kāma-madhyasthaṃ hṛnnābhau liṅgamadhyagam || 90 ||
[Analyze grammar]

pīṭhaṃ vā padasaṃyuktamādyagranthicatuṣṭayam |
oghānandaṃ jayānandaṃ purānandaṃ tṛtīyakam || 91 ||
[Analyze grammar]

kamalānandasaṃyuktamādyabhedacatuṣṭayam |
ḍikkariyāṇa lampārṇaṃ mahānandapuraṃ tathā || 92 ||
[Analyze grammar]

karṇau mukhe tu nāsādyaṃ pīṭhaṃ vā padasaṃyutam |
dvitīyaṃ padagranthīnāṃ nyāso'yaṃ parikīrtitaḥ || 93 ||
[Analyze grammar]

aṣṭakoṭisuvistīrṇaṃ trikoṭyardhamataḥ śṛṇu |
āmardakaṃ dharāpīṭhaṃ girāṅkaṃ rūpiṇīpuram || 94 ||
[Analyze grammar]

dvau śaṅkhāv ūrdhvamāyāntaṃ madhyakoṭigataṃ nyaset |
pīṭhaṃ vā padasaṃyuktaṃ tristhaṃ granthicatuṣṭayam || 95 ||
[Analyze grammar]

māyānirodhimadhyasthamanyagranthicatuṣṭayam |
jñānaśṛṅgaṃ ramāśṛṅgamṛṣiśṛṅgaṃ tṛtīyakam || 96 ||
[Analyze grammar]

pūrṇaśṛṅgasamāyuktaṃ pīṭhaṃ vā padasaṃyutam |
siddhakramasamāyuktaṃ gurupaṅktisamanvitam || 97 ||
[Analyze grammar]

jñānadṛṣṭyā nyasettaṃ tu catuṣkedaṃ kulākulam |
etatkulākulaṃ divyaṃ sarvasādhāraṇaṃ param || 98 ||
[Analyze grammar]

padabhuktimatānāṃ ca padedaṃ parikīrtitam |
anyatparataro dehaḥ koṭidvādaśamāśritaḥ || 99 ||
[Analyze grammar]

akulīnapadādhvānaṃ nirādhāraṃ khagālayam |
akulavyāptirityeṣā kṣetrapīṭhasamākulā || 100 ||
[Analyze grammar]

sācārakulayogīnāṃ ṣaṇnavatyāpadānugā |
caturāśītipadairvyāptiḥ sā cānyatra prakāśitā || 101 ||
[Analyze grammar]

yeṣāṃ te tu punastatra vyāvṛtante punaḥ punaḥ |
ṣaṇnavatipado haṃsaḥ sa cāmnāyavidāṃ viduḥ || 102 ||
[Analyze grammar]

siddhakaulābhipannānāmitareṣāṃ na darśitaḥ |
tatra divyakramaḥ pūjyaḥ padacāreṇa yoginā || 103 ||
[Analyze grammar]

yena gacchennirācāraṃ tatpadaṃ paramaṃ śṛṇu |
dvādaśādhāramūrdhnisthaṃ catuṣpīṭhasamucchritam || 104 ||
[Analyze grammar]

kṣetrāṣṭakaṃ tato'dhastātsandohāni tato'pyadhaḥ |
ṣoḍaśaiva pramāṇena caturdvāraṃ tatastvadhaḥ || 105 ||
[Analyze grammar]

upaśabdasamopetamupadvāravivarjitam |
akulīnaśarīredaṃ catuḥṣaṣṭipadānvitam || 106 ||
[Analyze grammar]

tasmātsañjāyate sarvaṃ sarvaṃ tatraiva līyate |
tatra dhyānaṃ japaṃ yogaṃ tatra pūjākriyādhvaram || 107 ||
[Analyze grammar]

atra sthito na kenāpi vastunā bādhyate tu saḥ |
paro hyātmā parā vidyā paraḥ śaivaḥ sanātanaḥ || 108 ||
[Analyze grammar]

akulīnatanurbaddhaḥ paratattvatrayeṇa tu |
ātmatattvagataṃ piṇḍaṃ satataṃ yogamabhyaset || 109 ||
[Analyze grammar]

vidyātattvagatā mantrāḥ padayogasamanvitāḥ |
śivatattvagato yogaṃ rūpābhyāsaṃ samabhyaset || 110 ||
[Analyze grammar]

śivatattvagato yogaṃ rūpātītaṃ tu tatra vai |
piṇḍaṃ kuṇḍalinī śaktiḥ padaṃ haṃsaḥ prakīrtitaḥ || 111 ||
[Analyze grammar]

rūpaṃ binduḥ samākhyātaṃ rūpātītamanāmayam |
kuladehaṃ parityajya akulīnavapuḥsthitaḥ || 112 ||
[Analyze grammar]

sa ca vai sakalaḥ piṇḍaḥ kaulikānāṃ kujīmate |
aparaṃ pāśavaṃ sarvaṃ tritattvaguṇalakṣaṇam || 113 ||
[Analyze grammar]

śaivamārgavihīnānāṃ śaivānāmanyadharmiṇām |
prasiddhena tu mārgeṇa prasiddhyarthaṃ bhajanti te || 114 ||
[Analyze grammar]

aprasiddhojjhite siddhā na paśyantyakulāṃ tanum |
akulena vinā siddhiraihikā pātrikā na hi || 115 ||
[Analyze grammar]

prasiddhavihite mārge mokṣaścātra na saṃśayaḥ |
aprasiddhagatā ṛjvī ṣoḍaśāntāmṛtāhradam || 116 ||
[Analyze grammar]

āpūrya pūrayetsarvaṃ jīvāntaṃ jīvarūpiṇī |
suprasiddhākṣabhūtā tu kālasaṅkhyākarī tu sā || 117 ||
[Analyze grammar]

saṃsāre tu gatistasyā mokṣamārganiyāmikā |
viṃśatyekasahasrāṇi ṣaṭśataiśca samanvitā || 118 ||
[Analyze grammar]

saṃsārī kurute saṅkhyā hyahorātropadeśataḥ |
apareṇa tu mārgeṇa saṃsārapathalakṣaṇam || 119 ||
[Analyze grammar]

ahorātreṇa lakṣaikaṃ kālasaṅkhyāṃ karoti saḥ |
saptādaśāni lakṣāṇi koṭirekā tvahamiśi || 120 ||
[Analyze grammar]

caturāśīti padetyevaṃ kālaḥ kalati sarvathā |
padamārgavidānāṃ tu sakalādajarāmaraḥ || 121 ||
[Analyze grammar]

śivamārgavidānāṃ tu siddhamārge'nyathā śṛṇu |
koṭidvādaśakopetaṃ koṭilakṣacatuṣṭayam || 122 ||
[Analyze grammar]

ahorātrākṣasūtrasya saṅkhyeyaṃ hyakule tanau |
akuleśatanuṃ yāvatsācāraṃ kulayoginām || 123 ||
[Analyze grammar]

taccharīrabhṛtānando nirācārapadaṃ vrajet |
kulādhvarapadaṃ hṛtsthaṃ tatrasthaṃ paramaṃ kramam || 124 ||
[Analyze grammar]

pūjayeddhṛtstanau nābhiṃ siddhāvvāpīṭhapādukau |
śrīmadbarbaramoḍḍīśaṃ padasthaughamahārṇavam || 125 ||
[Analyze grammar]

pūjayitvā smarettasthāmabdenoktaphalaṃ labhet |
dvibhistu adhamā siddhistribhirmadhyamatāṃ vrajet || 126 ||
[Analyze grammar]

ṣaḍbhirdvādaśakābdena khecara madhyamottamaḥ |
adhamaṃ bhūcaraṃ karma madhyamaṃ bilasādhanam || 127 ||
[Analyze grammar]

uttamottamasiddhībhiḥ khecaraḥ khecarordhvagaḥ |
evaṃ devi samastedaṃ padayogakriyādhvaram || 128 ||
[Analyze grammar]

kathitaṃ sarahasyaṃ tu padamārgaṃ sudurlabham |
padasyāpi hi rūpo'sti rūpātītaṃ tu saṅkramaḥ || 129 ||
[Analyze grammar]

haṃsajñānapadaṃ proktaṃ rūpasthaṃ śṛṇu sāmpratam || 130 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Kubjikamatatantra Chapter 18

Cover of edition (2004)

A Journey in the World of the Tantras
by Mark S.G. Dyczkowski (2004)

[Indica Books, Varanasi]

Buy now!
Like what you read? Consider supporting this website: