Kautilya Arthashastra [sanskrit]

37,100 words | ISBN-13: 9788171106417

The Sanskrit edition of Kautilya’s Arthashastra, an ancient encyclopedic treatise dealing with the ssience of politics, economics and warfare. Other topics include internal and foreign affairs, civil, military, commercial, fiscal, judicial, tables of weights, measures of length and divisions of time. Kautilya is also named Vishnugupta and Chanakya and his Artha-shastra can be dated to 321-296 B.C. Original title: Kauṭilya-Arthaśāstra (कौटिल्य-अर्थशास्त्र).

Chapter 7.6

< Previous

Next >

[English text for this chapter is available]

vijigīṣurdvitīyāṃ prakṛtimevamatisaṃdadhyāt || KAZ_07.6.01 ||

sāmantaṃ saṃhitaprayāṇe yojayettvamito yāhi ahamito yāsyāmi samāno lābhaḥ iti || KAZ_07.6.02 ||

lābhasāmye saṃdhiḥ vaiṣamye vikramaḥ || KAZ_07.6.03 ||

saṃdhiḥ paripaṇitaścāparipaṇitaśca || KAZ_07.6.04 ||

tvametaṃ deśaṃ yāhi ahamimaṃ deśaṃ yāsyāmi iti paripaṇitadeśaḥ || KAZ_07.6.05 ||

tvametāvantaṃ kālaṃ ceṣṭasva ahametāvantaṃ kālaṃ ceṣṭiṣye iti paripaṇitakālaḥ || KAZ_07.6.06 ||

tvametāvatkāryaṃ sādhaya ahamidaṃ kāryaṃ sādhayiṣyāmi iti paripaṇitārthaḥ || KAZ_07.6.07 ||

yadi vā manyeta śailavananadīdurgamaṭavīvyavahitaṃ chinnadhānyapuruṣavīvadhāsāramayavasendhanodakamavijñātaṃ prakṛṣṭamanyabhāvadeśīyaṃ vā sainyavyāyāmānāmalabdhabhaumaṃ vā deśaṃ paro yāsyati viparītamahamityetasminviśeṣe paripaṇitadeśaṃ saṃdhimupeyāt || KAZ_07.6.08 ||

yadi vā manyeta pravarṣoṣṇaśītamativyādhiprāyamupakṣīṇāhāropabhogaṃ sainyavyāyāmānāṃ cāuparodhikaṃ kāryasādhanānāmūnamatiriktaṃ vā kālaṃ paraśceṣṭiṣyate viparītamahamityetasminviśeṣe paripaṇitakālaṃ saṃdhimupeyāt || KAZ_07.6.09 ||

yadi vā manyeta pratyādeyaṃ prakṛtikopakaṃ dīrghakālaṃ mahākṣayavyayamalpamanarthānubandhamakalyamadharmyaṃ madhyamodāsīnaviruddhaṃ mitropaghātakaṃ vā kāryaṃ paraḥ sādhayiṣyati viparītamahamityetasminviśeṣe paripaṇitārthaṃ saṃdhimupeyāt || KAZ_07.6.10 ||

evaṃ deśakālayoḥ kālakāryayordeśakāryayordeśakālakāryāṇāṃ cāvasthāpanātsaptavidhaḥ paripaṇitaḥ || KAZ_07.6.11 ||

tasminprāgevārabhya pratiṣṭhāpya ca svakarmāṇi parakarmasu vikrameta || KAZ_07.6.12 ||

vyasanatvarāvamānālasyayuktamajñaṃ vā śatrumatisaṃdhātukāmo deśakālakāryāṇāmanavasthāpanātsaṃhitau svaḥ iti saṃdhiviśvāsena paracchidramāsādya praharedityaparipaṇitaḥ || KAZ_07.6.13 ||

tatraitadbhavati || KAZ_07.6.14 ||

sāmantenaiva sāmantaṃ vidvānāyojya vigrahe || KAZ_07.6.15ab ||

tato'nyasya haredbhūmiṃ chittvā pakṣaṃ samantataḥ || KAZ_07.6.15cd ||

saṃdherakṛtacikīrṣā kṛtaśleṣaṇaṃ kṛtavidūṣaṇamavaśīrṇakriyā ca || KAZ_07.6.16 ||

vikramasya prakāśayuddhaṃ kūṭayuddhaṃ tūṣṇīṃ yuddham || KAZ_07.6.17 ||

iti saṃdhivikramau || KAZ_07.6.18 ||

apūrvasya saṃdheḥ sānubandhaiḥ sāmādibhiḥ paryeṣaṇaṃ samahīnajyāyasāṃ ca yathābalamavasthāpanamakṛtacikīrṣā || KAZ_07.6.19 ||

kṛtasya priyahitābhyāmubhayataḥ paripālanaṃ yathāsambhāṣitasya ca nibandhanasyānuvartanaṃ rakṣaṇaṃ ca kathaṃ parasmānna bhidyeta iti kṛtaśleṣaṇam || KAZ_07.6.20 ||

parasyāpasaṃdheyatāṃ dūṣyātisaṃdhānena sthāpayitvā vyatikramaḥ kṛtavidūṣaṇam || KAZ_07.6.21 ||

bhṛtyena mitreṇa vā doṣāpasṛtena pratisaṃdhānamavaśīrṇakriyā || KAZ_07.6.22 ||

tasyāṃ gatāgataścaturvidhaḥ kāraṇādgatāgato viparītaḥ kāraṇādgato'kāraṇādāgato viparītaśceti || KAZ_07.6.23 ||

svāmino doṣeṇa gato guṇenāgataḥ parasya guṇena gato doṣeṇāgata iti kāraṇādgatāgataḥ saṃdheyaḥ || KAZ_07.6.24 ||

svadoṣeṇa gatāgato guṇamubhayoḥ parityajya akāraṇādgatāgataḥ calabuddhirasaṃdheyaḥ || KAZ_07.6.25 ||

svāmino doṣeṇa gataḥ parasmātsvadoṣeṇāgata iti kāraṇādgato'kāraṇādāgataḥ tarkayitavyaḥ paraprayuktaḥ svena vā doṣeṇāpakartukāmaḥ parasyocchettāramamitraṃ me jñātvā pratighātabhayādāgataḥ paraṃ vā māmucchettukāmaṃ parityajyānṛśaṃsyādāgataḥ iti || KAZ_07.6.26 ||

jñātvā kalyāṇabuddhiṃ pūjayedanyathābuddhimapakṛṣṭaṃ vāsayet || KAZ_07.6.27 ||

svadoṣeṇa gataḥ paradoṣeṇāgata ityakāraṇādgataḥ kāraṇādāgataḥ tarkayitavyaḥ chidraṃ me pūrayiṣyati ucito'yamasya vāsaḥ paratrāsya jano na ramate mitrairme saṃhitaḥ śatrubhirvigṛhītaḥ lubdhakrūrādāvignaḥ śatrusaṃhitādvā parasmāt iti || KAZ_07.6.28 ||

jñātvā yathābuddhyavasthāpayitavyaḥ || KAZ_07.6.29 ||

kṛtapraṇāśaḥ śaktihānirvidyāpaṇyatvamāśānirvedo deśalaulyamaviśvāso balavadvigraho vā parityāgasthānamityācāryāḥ || KAZ_07.6.30 ||

bhayamavṛttiramarṣa iti kauṭilyaḥ || KAZ_07.6.31 ||

ihāpakārī tyājyaḥ parāpakārī saṃdheyaḥ ubhayāpakārī tarkayitavya iti samānam || KAZ_07.6.32 ||

asaṃdheyena tvavaśyaṃ saṃdhātavye yataḥ prabhāvastataḥ pratividadhyāt || KAZ_07.6.33 ||

sopakāraṃ vyavahitaṃ guptamāyuḥkṣayāditi || KAZ_07.6.34ab ||

vāsayedaripakṣīyamavaśīrṇakriyāvidhau || KAZ_07.6.34cd ||

vikramayedbhartari vā siddhaṃ vā daṇḍacāriṇam || KAZ_07.6.35ab ||

kuryādamitrāṭavīṣu pratyante vānyataḥ kṣipet || KAZ_07.6.35cd ||

paṇyaṃ kuryādasiddhaṃ vā siddhaṃ vā tena saṃvṛtam || KAZ_07.6.36ab ||

tasyaiva doṣeṇādūṣya parasaṃdheyakāraṇāt || KAZ_07.6.36cd ||

atha vā śamayedenamāyatyarthamupāṃśunā || KAZ_07.6.37ab ||

āyatyāṃ ca vadhaprepsuṃ dṛṣṭvā hanyādgatāgatam || KAZ_07.6.37cd ||

arito'bhyāgato doṣaḥ śatrusaṃvāsakāritaḥ || KAZ_07.6.38ab ||

sarpasaṃvāsadharmitvānnityodvegena dūṣitaḥ || KAZ_07.6.38cd ||

jāyate plakṣabījāśātkapotādiva śālmaleḥ || KAZ_07.6.39ab ||

udvegajanano nityaṃ paścādapi bhayāvahaḥ || KAZ_07.6.39cd ||

prakāśayuddhaṃ nirdiṣṭe deśe kāle ca vikramaḥ || KAZ_07.6.40ab ||

vibhīṣaṇamavaskandaḥ pramādavyasanārdanam || KAZ_07.6.40cd ||

ekatra tyāgaghātau ca kūṭayuddhasya mātṛkā || KAZ_07.6.41ab ||

yogagūḍhopajāpārthaṃ tūṣṇīṃ yuddhasya lakṣaṇam || KAZ_07.6.41cd ||

Other editions:

Also see the following editions of the Sanskrit text or (alternative) English translations of the Arthashastra Chapter 7.6

The Kautiliya Arthasastra: 3 Volumes
by R.P. Kangle (2019)

[Publisher: Motilal Banarsidass Publishers Pvt. Ltd.]

Buy now!

A Dictionary of Technical Terms in Kautilya's Arthasastra
by Bijoya Goswami Dev And Debarchana Sarkar Dev (2005)

DSA (Sanskrit), Jadavpur University Series; [Publisher: Sanskrit Pustak Bhandar]

Buy now!

Kautilya's Arthasastra with Five Commentaris
by Acharya Vishnu Gupta (आचार्य विष्णु गुप्त) (1991)

1947 pages; Set of 4 Volumes; [Sampurnanand Sanskrit University]

Buy now!

The Arthasastra of Kautilya (Bengali Translation)
by Radhagovinda Basak (2015)

971 pages; Set of 2 Volumes; [Sanskrit Book Depot]

Buy now!

Arthasastra of Kautilya (Hindi Translation)
by Vachaspati Gairola (वाचस्पति गैरोला) (2017)

910 pages; कौटिलीय अर्थशास्त्रम् (संस्कृत एवम् हिन्दी अनुवाद); [Publisher: Chaukhambha Vidya Bhawan]

Buy now!

Kautiliya Arthasastra (Gujarati translation)
by Niteen R. Desai (નીતીન ર દેસાઈ) (2010)

359 pages; [Philosophical-Cultural Test] કૌટિલીય અર્થશાસ્ત્ર (દાર્શનિક -સાંસ્કૃતિક પરીક્ષણ); [Publisher: Lalbhai Dalpatbhai Bharatiya Sanskriti Vidyamandir, Ahemdabad]

Buy now!