Katyayana-smriti [sanskrit]

by Manmatha Nath Dutt | 2006 | 9,945 words | ISBN-10: 8171102794

The Sanskrit edition of the Katyayana-smriti referencing the English translation and grammatical analysis. The Katyayana-smriti is one of the minor works on Dharmashastra as mentioned in the Yajnavalkya-smriti. Katyayana is the author of a clear and full treatise on law and also wrote on grammar and other subjects. Alternative titles: Kātyāyanasmṛti (कात्यायनस्मृतिः), Kātyāyana-smṛti (कात्यायन-स्मृति).

samavetāstu ye kecicśalpino vaṇijo'pi vā |
avibhajya pṛthagbhūtaiḥ prāptaṃ tatra phalaṃ samam || 1 [624] ||
[Analyze grammar]

bhāṇḍapiṇḍavyayoddhāra bhārasārārthavīkṣaṇam |
kuryuste'vyabhicāreṇa samayena vyavasthitāḥ || 2 [625] ||
[Analyze grammar]

prayogaṃ kurvate ye tu hemadhānyarasādinā |
samanyūnādhikairaṃśairlābhasteṣāṃ tathāvidhaḥ || 3 [626] ||
[Analyze grammar]

bahūnāṃ saṃmato yastu dadyādeko dhanaṃ naraḥ |
ṛṇaṃ ca kārayedvāpi sarvaireva kṛtaṃ bhavet || 4 [627] ||
[Analyze grammar]

jñātisaṃbandhisuhṛdāṃ ṛṇaṃ deyaṃ sabandhakam |
anyeṣāṃ lagnakopetaṃ lekhyasākṣiyutaṃ tathā || 5 [628] ||
[Analyze grammar]

svecchādeyaṃ hiraṇyaṃ tu rasā dhānyaṃ ca sāvidhi |
deśasthityā pradātavyaṃ grahītavyaṃ tathaiva ca || 6 [629] ||
[Analyze grammar]

samavetaistu yaddattaṃ prārthanīyaṃ tathaiva tat |
na ca yāceta yaḥ kaścillābhātsa parihīyate || 7 [630] ||
[Analyze grammar]

corataḥ salilādagnerdravyaṃ yastu samāharet |
tasyāṃśo daśamo deyaḥ sarvavādeṣvayaṃ vidhiḥ || 8 [631] ||
[Analyze grammar]

śikṣakābhijñakuśalā ācāryaśceti śilpinaḥ |
ekadvitricaturbhāgānhareyuste yathottaram || 9 [632] ||
[Analyze grammar]

pararāṣṭrāddhanaṃ yatsyāccauraiḥ svāmyājñayāhṛtam |
rājño daśāṃśaṃ uddhṛtya vibhajeranyathāvidhi || 10 [633] ||
[Analyze grammar]

corāṇāṃ mukhyabhūtastu caturo'ṃśāṃstato haret |
śūro'ṃśāṃstrīnsamartho dvau śoṣāstvekaikaṃ eva ca || 11 [634] ||
[Analyze grammar]

teṣāṃ cetprasṛtānāṃ yo grahaṇaṃ samavāpnuyāt |
tanmokṣaṇārthaṃ yaddattaṃ vaheyuste yathāṃśataḥ || 12 [635] ||
[Analyze grammar]

nartakānāṃ eṣa eva dharmaḥ sadbhirudāhṛtaḥ |
tālajño labhate hyardhaṃ gāyanāstu samāṃśinaḥ |
pramukhā dvyaṃśaṃ arhanti so'yaṃ saṃbhūya kurvatām || 13 [636] ||
[Analyze grammar]

vaṇijāṃ karṣakāṇāṃ ca corāṇāṃ śilpināṃ tathā |
aniyamyāṃśakartṝṇāṃ sarveṣāṃ eṣa nirṇayaḥ || 14 [637] ||
[Analyze grammar]

Like what you read? Consider supporting this website: