Katyayana-smriti [sanskrit]

by Manmatha Nath Dutt | 2006 | 9,945 words | ISBN-10: 8171102794

The Sanskrit edition of the Katyayana-smriti referencing the English translation and grammatical analysis. The Katyayana-smriti is one of the minor works on Dharmashastra as mentioned in the Yajnavalkya-smriti. Katyayana is the author of a clear and full treatise on law and also wrote on grammar and other subjects. Alternative titles: Kātyāyanasmṛti (कात्यायनस्मृतिः), Kātyāyana-smṛti (कात्यायन-स्मृति).

na kaścidabhiyoktāraṃ divyeṣu viniyojayet |
abhiyuktāya dātavyaṃ divyaṃ divyaviśāradaiḥ || 1 [411] ||
[Analyze grammar]

pārthivaiḥ śaṅkitānāṃ tu tulādīni niyojayet |
ātmaśuddhividhāne ca na śirastatra kalpayet || 2 [412] ||
[Analyze grammar]

lokāpavādaduṣṭānāṃ śaṅkitānāṃ ca dasyubhiḥ |
tulādīni niyojyāni na śirastatra vai bhṛguḥ || 3 [413] ||
[Analyze grammar]

na śaṅkāsu śiraḥ kośe kalpayettu kadācana |
aśirāṃsi ca divyāni rājabhṛtyeṣu dāpayet || 4 [414] ||
[Analyze grammar]

śaṅkāviśvāsasaṃdhāne vibhāge rikthināṃ sadā |
kriyāsamūhakartṛtve kośaṃ eva pradāpayet || 5 [415] ||
[Analyze grammar]

dattasyāpahnavo yatra pramāṇaṃ tatra kalpayet |
steyasāhasayordivyaṃ svalpe'pyarthe pradāpayet || 6 [416] ||
[Analyze grammar]

sarvadravyapramāṇaṃ tu jñātvā hema prakalpayet |
hemapramāṇayuktaṃ tu tadā divyaṃ niyojayet || 7 [417] ||
[Analyze grammar]

jñātvā saṃkhyāṃ suvarṇānāṃ śatanāśe viṣaṃ smṛtam |
aśītestu vināśe vai dadyāccaiva hutāśanam || 8 [418] ||
[Analyze grammar]

ṣaṣṭyā nāśe jalaṃ deyaṃ catvāriṃśati vai ghaṭam |
viṃśaddaśavināśe vai kośapānaṃ vidhīyate || 9 [419] ||
[Analyze grammar]

pañcādhikasya vā nāśe tadardhārdhasya tandulāḥ |
tadardhārdhasya nāśe tu spṛśetputrādimastakam || 10 [420] ||
[Analyze grammar]

tadardhārdhasya nāśe tu laukikāśca kriyāḥ smṛtāḥ |
evaṃ vicārayanrājā dharmārthābhyāṃ na hīyate || 11 [421] ||
[Analyze grammar]

Like what you read? Consider supporting this website: