Chapter 34

tataḥ so 'tra sarastīre kṛtapāraṇasusthitaḥ |
mṛgāṅkadattas taiḥ sākaṃ sacivaiḥ svair upāviśat || 1 ||
[Analyze grammar]

tatas te tadahaḥ prāptāścatvāro nijamantriṇaḥ |
tenāpṛcchyanta viśleṣakālavṛttāntamādarāt || 2 ||
[Analyze grammar]

atha sa vyāghrasenākhyas teṣāṃ madhyāt tam abravīt |
devāsmadīyavṛttāntaṃ śrūyatāṃ varṇayāmy aham || 3 ||
[Analyze grammar]

yadā pārāvatākhyasya tasya nāgasya śāpataḥ |
bhavadbhyo dūravibhraṣṭo jāto 'haṃ naṣṭacetanaḥ || 4 ||
[Analyze grammar]

tadā bhrāntvāṭavīṃ rātrau labdhasaṃjño 'py ahaṃ cirāt |
na diśo na ca panthānam apaśyaṃ tamasā vṛtaḥ || 5 ||
[Analyze grammar]

kṛcchrāc ca duḥkhadīrghāyāṃ gatāyāṃ viratiṃ niśi |
udite bhagavatyarke kramādāśāprakāśake || 6 ||
[Analyze grammar]

acintayamahaṃ hā dhik kva nu yātaḥ sa naḥ prabhuḥ |
asmadviyuktaś caikākī kathaṃ so 'tra bhaviṣyati || 7 ||
[Analyze grammar]

kathaṃ vā tamavāpsyāmi kutrānviṣyāmi kā gatiḥ |
varamujjayinīṃ yāmi tatra prāpyeta jātu saḥ || 8 ||
[Analyze grammar]

sā śaśāṅkavatīhetorgantavyā tasya hi sthitā |
ityāśayā śanaiḥ prāyāmahamujjayinīṃ prati || 9 ||
[Analyze grammar]

gāhamāno 'tha kaṣṭāṃ tāmaṭavīṃ durdaśāmiva |
dahyamāno 'rkakiraṇair agnicūrṇotkarair iva || 10 ||
[Analyze grammar]

kathaṃcitprāptavānasmi saraḥ phullotpalekṣaṇam |
haṃsādimadhurārāvaiḥ saṃbhāṣaṇamivācarat || 11 ||
[Analyze grammar]

prayuktavīcihastāgraṃ prasannavipulāśayam |
darśanādeva sarvārtiharaṃ satpuruṣaṃ yathā || 12 ||
[Analyze grammar]

tatra snātvā ca bhuktvā ca bisānyāpīya vāri ca |
yāvat sthito 'smi tāvat trīn etān adrākṣamāgatān || 13 ||
[Analyze grammar]

dṛḍhamuṣṭimatha sthūlabāhuṃ meghabalaṃ tathā |
sametya ca bhavadvārtā mitho 'smābhir apṛcchyata || 14 ||
[Analyze grammar]

ajānantaś ca sarve 'pi vayaṃ te pāpaśaṅkinaḥ |
akārṣma dehatyāgāya matiṃ tvadvirahāsahāḥ || 15 ||
[Analyze grammar]

tāvac ca tasminsarasi snātuṃ munikumārakaḥ |
āgamad dīrghatapasaḥ suto nāmnā mahātapāḥ || 16 ||
[Analyze grammar]

jaṭīkṛtanijajvālo bhūyo 'gniriva khāṇḍavam |
didhakṣurāśrito brāhmīṃ prajvalaṃstejasā tanum || 17 ||
[Analyze grammar]

kṛṣṇājinena saṃvītaḥ savyenāttakamaṇḍaluḥ |
dakṣiṇena kareṇākṣamālāvalayamudvahan || 18 ||
[Analyze grammar]

sahāgatamṛgaiḥ śṛṅgaprotkhātasnānamṛttikaḥ |
yuktaḥ katipayair anyaiḥ samānair muniputrakaiḥ || 19 ||
[Analyze grammar]

so 'smān upāgād dṛṣṭvaiva saraḥ prapatanodyatān |
karuṇārdrā hi sarvasya santo 'kāraṇabāndhavāḥ || 20 ||
[Analyze grammar]

avadac ca na kāryaṃ vaḥ pāpaṃ kāpuruṣocitam |
duḥkhāndhā hi patantyeva vipacchvabhreṣu kātarāḥ || 21 ||
[Analyze grammar]

dhīrāstu dṛṣṭasanmārgā vivekāmalacakṣuṣaḥ |
na patantyavaṭe prāpyamavaśyaṃ prāpnuvanti ca || 22 ||
[Analyze grammar]

yūyaṃ ca bhavyākṛtayaḥ kalyāṇaṃ prāpsyatha dhruvam |
tadbrūta kiṃ nu duḥkhaṃ vo mānasaṃ dūyate hi me || 23 ||
[Analyze grammar]

evam uktavate tasmai muniputrāya tatkṣaṇam |
āmūlānnijavṛttāntaṃ sarvaṃ kathitavānaham || 24 ||
[Analyze grammar]

tatastena vayaṃ taistair vākyair āyatidarśibhiḥ |
saṃbodhya sānugenāpi dehatyāgānnivartitā || 25 ||
[Analyze grammar]

atha snātvā tato nātidūraṃ sa muniputrakaḥ |
asmān anaiṣīd ātithyaṃ vidhitsuḥ pitur āśramam || 26 ||
[Analyze grammar]

tatroccaśākhordhvabhujair vedikāsūtthitasthitaiḥ |
prārabdhatapasīvārkaraśmipaiḥ pādapair api || 27 ||
[Analyze grammar]

upaveśyaikadeśe 'smāndattārghyānsa muneḥ sutaḥ |
ekaikamāśramataruṃ gatvā bhikṣāmayācata || 28 ||
[Analyze grammar]

apūryata kṣaṇāttasya phalaistebhyaḥ svataścyutaiḥ |
bhikṣāpātramathāgāttadgṛhītvā so 'smadantikam || 29 ||
[Analyze grammar]

adāc ca divyāsvādāni tānyasmabhyaṃ phalāni saḥ |
yair bhuktair amṛteneva tṛptā jātā vayaṃ tadā || 30 ||
[Analyze grammar]

kṣīṇe 'hni cābdhau patite sūrye jyotirbhir ambare |
tatpātocchalitair ambhaḥśīkarair iva pūrite || 31 ||
[Analyze grammar]

tadvair āgyādiva prācīśailaśṛṅgatapovanam |
saṃvītacandrikādhautavalkale śaśini śrite || 32 ||
[Analyze grammar]

ekasthānopaviṣṭānāṃ kṛtāśeṣasvakarmaṇām |
munīnāmāśrame tatra darśanāya gatā vayam || 33 ||
[Analyze grammar]

praṇipatyopaviṣṭāś ca kṛtātithyaiḥ priyaṃvadaiḥ |
kuto yūyamiti kṣiprātpṛṣṭāḥ smastair maharṣibhiḥ || 34 ||
[Analyze grammar]

tato munikumāreṇa tena tebhyo niveditaḥ |
tadāśramapraveśānto vṛttānto 'smannibandhanaḥ || 35 ||
[Analyze grammar]

athāsmān atra kaṇvākhyo jñānī munir abhāṣata |
kimevaṃ vīrapuruṣā api klaibyaṃ gatāḥ stha bhoḥ || 36 ||
[Analyze grammar]

āpadyabhagnadhair yatvaṃ saṃpadyanabhimānitā |
yadutsāhasya cātyāgastaddhi satpuruṣavratam || 37 ||
[Analyze grammar]

mahāntaś ca mahānty eva kṛcchrāṇy uttīrya dhairyataḥ |
mahato 'rthānsamāsādya mahacchabdamavāpnuvan || 38 ||
[Analyze grammar]

iyaṃ sundarasenasya tathā ca śrūyatāṃ kathā |
yathā mandāravatyarthe kleśastenānvabhūyata || 39 ||
[Analyze grammar]

ity uktvā sa muniḥ kaṇvaḥ sarveṣv atra maharṣiṣu |
asmāsu copaśṛṇvatsu kathāmetāmavarṇayat || 40 ||
[Analyze grammar]

astyalaṃkṛtakauberīdiṅmukho niṣadhābhidhaḥ |
deśastatrālakā nāma babhūva nagarīṃ purā || 41 ||
[Analyze grammar]

yasyāṃ sadaiva sarvārthasamṛddhisukhito janaḥ |
kevalaṃ ratnadīpānāmāsīcchaśvadanirvṛtiḥ || 42 ||
[Analyze grammar]

tasyāmanvarthanāmābhūnmahāseno mahīpatiḥ |
śarajanmādbhutāpyugragratāpapluṣṭaśātravaḥ || 43 ||
[Analyze grammar]

tasya rājño mahāmantrī guṇapālita ityabhūt |
śauryālayo mahībhāravoḍhā śeṣa ivāparaḥ || 44 ||
[Analyze grammar]

tasminnyastabharasyāsya sukhinaḥ kṣapitadviṣaḥ |
devyāṃ śaśiprabhākhyāyāmutpede nṛpateḥ sutaḥ || 45 ||
[Analyze grammar]

nāmnā sundaraseno yaḥ śiśurevāśiśurguṇaiḥ |
śauryasaundaryalakṣmībhyāṃ svayaṃvarapatirvṛtaḥ || 46 ||
[Analyze grammar]

tasya rājasutasyātra śūrāstulyavayoguṇāḥ |
ā bālyātsaha saṃvṛddhā babhūvuḥ pañca masntriṇaḥ || 47 ||
[Analyze grammar]

caṇḍaprabho bhīmabhujas tathā vyāghraparākramaḥ |
vīro vikramaśaktiś ca dṛḍhabuddhiś ca pañcamaḥ || 48 ||
[Analyze grammar]

te ca sarve mahāsattvā balabuddhisamanvitāḥ |
kulīnāḥ svāmibhaktāś ca rutajñā api pakṣiṇām || 49 ||
[Analyze grammar]

taiḥ samaṃ sa uvāsātra rājaputraḥ pitur gṛhe |
anurūpāṃ vinā bhāryāṃ taruṇo 'py aparigrahaḥ || 50 ||
[Analyze grammar]

anamrākramaṇaṃ śauryaṃ dhanaṃ nijabhujārjitam |
bhāryā rūpānurūpā ca puruṣasyeha pūjyate || 51 ||
[Analyze grammar]

anyathā tu kimetena trayeṇāpītyacintayat |
sa ca sundaraseno 'tha vīrastaiḥ sacivaiḥ saha || 52 ||
[Analyze grammar]

ekadā cānvitaḥ sainyair vayasyaistaiś ca pañcabhiḥ |
niryayau mṛgayāhetornagaryāḥ sa nṛpātmajaḥ || 53 ||
[Analyze grammar]

niryātaṃ ca dadarśaitaṃ dūradeśāntarāgatā |
kāpi kātyāyanī nāma prauḍhā pravrājikottamā || 54 ||
[Analyze grammar]

arohiṇīkaś candro 'yaṃ kiṃ vāpyaratikaḥ smaraḥ |
iti cāmānuṣaṃ vīkṣya tadrūpaṃ sā vyacintayat || 55 ||
[Analyze grammar]

buddhvā ca rājaputraṃ taṃ pṛṣṭāttatparivārataḥ |
dhātuḥ sā sargavaicitryaṃ praśaṃsantī visismiye || 56 ||
[Analyze grammar]

athārāttāradīrgheṇa rājaputraṃ svareṇa tam |
kumāra vijayasveti vadantī praṇanāma sā || 57 ||
[Analyze grammar]

so 'pi sundarasenastadanākarṇyaiva tatkṣaṇam |
yayau svasacivārabdhakathāvyagreṇa cetasā || 58 ||
[Analyze grammar]

athoccaiḥ śrāvayantī taṃ sā kruddhovāca tāpasī |
na śṛṇoṣyāśiṣaṃ kasmādrājaputra mamāpyaho || 59 ||
[Analyze grammar]

kasyāhaṃ nārcitā pṛthvyāṃ rājño rājasutasya vā |
evam eva ca darpo 'yaṃ yadi te yauvanādibhiḥ || 60 ||
[Analyze grammar]

tanmandāravatīṃ kanyāṃ haṃsadvīpeśvarātmajām |
jagallalāmabhūtāṃ ca bhāryātvena tvamāpsyasi || 61 ||
[Analyze grammar]

tato manye mahendrāderapi śroṣyasi na dhruvam |
madāvalepādvacanaṃ ke varākāstu mānuṣāḥ || 62 ||
[Analyze grammar]

evam uktavatīṃ śrutvā tāmāhūya sakautukaḥ |
prahvaḥ sundaraseno 'sau kṣamayām āsa tāpasīm || 63 ||
[Analyze grammar]

prajighāya ca bhṛtyānāṃ has te viśramaṇāya saḥ |
gṛhaṃ vikramaśaktestāṃ praṣṭukāmaḥ svamantriṇaḥ || 64 ||
[Analyze grammar]

tato gatvā kṛtākheṭaḥ pratyāgatya kṛtāhnikaḥ |
tāmānāyya sa papraccha kumāro bhuktabhojanām || 65 ||
[Analyze grammar]

bhagavatyucyatāṃ kaiṣā tvayādya parikīrtitā |
kanyā mandāravatyākhyā paraṃ kautūhalaṃ hi naḥ || 66 ||
[Analyze grammar]

tac chrutvā tāpasī sā tam uvāca śṛṇu vacmyadaḥ |
tīrthādihetoḥ sadvīpāṃ bhramāmi pṛthivīmimām || 67 ||
[Analyze grammar]

bhramantī prāptavatyasmi haṃsadvīpaṃ prasaṅgataḥ |
tatra mandāradevasya rājño dṛṣṭā mayā sutā || 68 ||
[Analyze grammar]

devaputropabhogārhā dṛśyā nāpuṇyakarmabhiḥ |
yā mandāravatītyākhyāṃ dhatte śrīriva nāndanī || 69 ||
[Analyze grammar]

bibhratī hāriṇīṃ mūrtiṃ darśanoddīpitasmarā |
dhātrā sudhāmayī sṛṣṭā yā cānyevaindavī tanuḥ || 70 ||
[Analyze grammar]

tasyā rūpeṇa sadṛśo nāstyevānyatra bhūtale |
jāne 'nuharati tveko bhavāṃstadrūpasaṃpadam || 71 ||
[Analyze grammar]

yaiḥ sā na dṛṣṭā viphale teṣāṃ netre ca janma ca |
iti śrutvā ca tāpasyā mukhādrājasuto 'bravīt || 72 ||
[Analyze grammar]

tasyāstattādṛśaṃ rūpaṃ paśyāmo 'mba vayaṃ katham |
etattadvacanaṃ śrutvā sāpi pravrājikābhyadhāt || 73 ||
[Analyze grammar]

ahaṃ citrapaṭe tāṃ ca tatkālalikhitāṃ rasāt |
vahe valgulikāntaḥsthāṃ kautukaṃ yadi dṛśyatām || 74 ||
[Analyze grammar]

evam uktavatī tasmai tuṣṭāya nṛpasūnave |
kṛṣṭvā valgulikātaḥ sā citrasthāṃ tāmadarśayat || 75 ||
[Analyze grammar]

so 'pi sundarasenas tāṃ kanyāṃ citragatāmapi |
vicitrarūpām ānandaniḥspandaṃ pravilokayan || 76 ||
[Analyze grammar]

romāñcakaṇṭakacitair aṅgair āste sma tatkṣaṇam |
kīlitaḥ puṣpacāpasya bāṇair iva nirantaraiḥ || 77 ||
[Analyze grammar]

śanair aśṛṇvannavadannapaśyaṃścaiva kiṃcana |
tanmayībhūya citrastha iva so 'py abhavacciram || 78 ||
[Analyze grammar]

taddṛṣṭvā mantriṇas tasya jagadustāṃ tapasvinīm |
ārye sundarasenaṃ tvaṃ devamatra paṭe likha || 79 ||
[Analyze grammar]

sadṛśālekhyavijñānaṃ tāvadvīkṣāmahe tava |
tac chrutvaiva lilekhaitaṃ kumāraṃ sā kṣaṇātpaṭe || 80 ||
[Analyze grammar]

taṃ cātisadṛśaṃ dṛṣṭvā sarve 'py atraivamabruvan |
nāstyālekhyavisaṃvādo bhagavatyā manāgiti || 81 ||
[Analyze grammar]

ayaṃ kumāra eveti citre 'smiñjāyate hi dhīḥ |
tanmandāravatīdevīrūpaṃ nātra visaṃvadet || 82 ||
[Analyze grammar]

ity uktavatsu saciveṣvāttacitrapaṭadvayaḥ |
prītaḥ sundarasenas tāṃ pūjayām āsa tāpasīm || 83 ||
[Analyze grammar]

visṛjya ca yathārhaṃ tāmekasthānānivāsinīm |
viveśābhyantaragṛhaṃ kāntācitrapaṭaṃ vahan || 84 ||
[Analyze grammar]

kiṃ mukhaṃ kimu kāntyāsyāḥ kṣālitāṅkamalaḥ śaśī |
rājyābhiṣekakalaśau smarasyaitāvuta stanau || 85 ||
[Analyze grammar]

laharyo rūpajaladheḥ kimetāstrivalīlatāḥ |
nitambaḥ kimayaṃ kiṃ vā vilāsaśayanaṃ rateḥ || 86 ||
[Analyze grammar]

iti citragatāṃ tatra pratyaṅgaṃ tā vibhāvayan |
sa mandāravatīṃ tasthau nipatya śayanīyake || 87 ||
[Analyze grammar]

tathaiva cānvahaṃ tiṣṭhannāhārādiparāṅmukhaḥ |
smarajvarabharākrāntaḥ so 'lpair evābhavaddinaiḥ || 88 ||
[Analyze grammar]

tadbuddhvāgatya pitarau tasya papracchatuḥ sakhīn |
śaśiprabhāmahāsenau svair amasvāsthyakāraṇam || 89 ||
[Analyze grammar]

tadvayasyāś ca te tābhyāṃ tathā sarvaṃ tadabruvan |
yathātra hetutāṃ prāptā haṃsadvīpanṛpātmajā || 90 ||
[Analyze grammar]

tataḥ sundarasenaṃ taṃ mahāseno jagāda saḥ |
putra kiṃ gūhyate sthāne khalvabhiṣvaṅga eṣa te || 91 ||
[Analyze grammar]

kanyāratnaṃ hi mandāravatī yogyā tavaiva sā |
mittraṃ mandāradevaś ca paramaṃ tatpitā mama || 92 ||
[Analyze grammar]

taddūtasādhye yukte ca kasminnarthe kadarthanā |
evaṃ tamuktvā saṃmantrya kanyāṃ tāṃ tasya yācitum || 93 ||
[Analyze grammar]

rājño mandāradevasya haṃsadvīpaṃ visṛṣṭavān |
dūtaṃ suratadevākhyaṃ sa mahāsenabhūpatiḥ || 94 ||
[Analyze grammar]

dadau sundarasenaṃ taṃ tāpasyā likhitaṃ tayā |
has te citrapaṭe tasya rūpotkarṣaprakāśakam || 95 ||
[Analyze grammar]

sa dūtaścaturaṃ gatvā prāpyāmbudhitaṭe puram |
mahendrādityanṛpateḥ śaśāṅkapurasaṃjñakam || 96 ||
[Analyze grammar]

tataḥ pravahaṇārūḍho haṃsadvīpamavāpa tat |
dinair mandāradevasya nṛpates tasya mandiram || 97 ||
[Analyze grammar]

dvāḥsthair āveditas tatra praviśyāntarvilokya saḥ |
yathāvṛttaṃ nṛpaṃ dūto dattakośaliko 'bhyadhāt || 98 ||
[Analyze grammar]

saṃdiṣṭaṃ te mahārāja mahāsenena bhūbhujā |
dehi sundarasenāya matputrāya nijāṃ sutām || 99 ||
[Analyze grammar]

paṭe ca likhitā sā hi kātyāyanyabhidhānayā |
tāpasyā kanyakāratnamityānīyeha darśitā || 100 ||
[Analyze grammar]

rūpānurūpyāc cāsmābhir jātecchair likhitaṃ paṭe |
rūpaṃ sundarasenasyāpyatra prahitamīkṣyatām || 101 ||
[Analyze grammar]

eṣa cāsadṛśo rūpe bhāryāṃ svasadṛśīṃ vinā |
necchatyudvāhamekā ca tvatsutāsyānukāriṇī || 102 ||
[Analyze grammar]

iti saṃdiśya has te me paṭo rājñāyamarpitaḥ |
dṛśyatāṃ yujyatāṃ devamadhunā mādhavī latā || 103 ||
[Analyze grammar]

etaddūtavacaḥ śrutvā harṣādānāyayannṛpaḥ |
suptāṃ sa mandāravatīṃ devīṃ tasyāś ca mātaram || 104 ||
[Analyze grammar]

tābhyāṃ saha tamuddhāṭya dṛṣṭvā citrapaṭaṃ ca saḥ |
tulyo madduhituḥ pṛthvyāṃ nāstītyetanmadaṃ jahau || 105 ||
[Analyze grammar]

jagāda cāmunā rājaputreṇa yadi yujyate |
tadasyā rūpanirmāṇaṃ sutāyāḥ saphalaṃ mama || 106 ||
[Analyze grammar]

anena rahitā hyeṣā rājate nānayāpyasau |
kā hy abjinī vinā haṃsaṃ kaś ca haṃso 'bjinīṃ vinā || 107 ||
[Analyze grammar]

iti rājñodite rājñyāṃ śraddhāvatyāmatīva ca |
sā mandāravatī jajñe sadyo madanamohitā || 108 ||
[Analyze grammar]

tasthau citrapaṭanyastaṅiścalotphullalocanā |
adhiṣṭhiteva supteva vinidrā likhiteva ca || 109 ||
[Analyze grammar]

tato mandāradevastāṃ sutāṃ dṛṣṭvā tathāvidhām |
aṅgīkṛtyaiva taddānaṃ sa taṃ dūtamapūjayat || 110 ||
[Analyze grammar]

anyedyuḥ prāhiṇottaṃ ca pratidūtaṃ ca sa svakam |
vipraṃ kumāradattākhyaṃ mahāsenanṛpaṃ prati || 111 ||
[Analyze grammar]

jagāda cobhāvapi tau gatvā tamalakeśvaram |
mama vākyānmahāsenaṃ rājānaṃ vadataṃ drutam || 112 ||
[Analyze grammar]

sauhārdena mayā tāvatkanyā dattā tad ucyatām |
tvatputraḥ kimihāyātu kiṃ kanyātra prahīyatām || 113 ||
[Analyze grammar]

iti rājñoktasaṃdeśau tataḥ pravahaṇena tau |
saha prayayaturdūtāvabdhimārgeṇa satvaram || 114 ||
[Analyze grammar]

śaśāṅkapuramāsādya tataḥ sthalapathena tau |
prāpatustāṃ purīmṛddhāmalakāmalakāmiva || 115 ||
[Analyze grammar]

upetya rājasadmātha praviśya ca yathocitam |
kṛtādaraṃ mahāsenaṃ rājānaṃ tāvapaśyatām || 116 ||
[Analyze grammar]

taṃ ca mandāradevoktaṃ pratisaṃdeśamūcatuḥ |
rājñe tasmai sa ca śrutvā tuṣṭastau dvāvapūjayat || 117 ||
[Analyze grammar]

pṛṣṭvā ca kanyājanmarkṣaṃ tasmāt tatpitṛdūtataḥ |
lagnaṃ vivāhe papraccha sūnoḥ sa gaṇakānnṛpaḥ || 118 ||
[Analyze grammar]

te ca māsatraye śuklapañcamyāṃ māsi kārtike |
lagnaṃ tasmai vadanti sma śubhaṃ vadhvā varasya ca || 119 ||
[Analyze grammar]

tasmiṃllagne vivāhaṃ ca sūnoś ca preṣaṇaṃ tadā |
tasmai mandāradevāya saṃdideśālakāpatiḥ || 120 ||
[Analyze grammar]

haste kumāradattasya taddūtasyāparasya ca |
candrasvāmyabhidhānasya svasya lekhe 'bhilikhya saḥ || 121 ||
[Analyze grammar]

tau ca dūtau tato gatvā lekhaṃ dattvā tathaiva ca |
haṃsadvīpeśvarasyāgre tasya sarvaṃ śaśaṃsatuḥ || 122 ||
[Analyze grammar]

so 'pi rājā tathety uktvā candrasvāminamarcitam |
vyasṛjyattaṃ mahāsenadūtaṃ svasvāmino 'ntikam || 123 ||
[Analyze grammar]

pratyāgate 'lakāṃ tasminnnuktakāryaviniścaye |
lagnapratīkṣās te tasthuḥ sarve 'pyubhayapakṣayoḥ || 124 ||
[Analyze grammar]

tāvac ca haṃsadvīpe sā prākcitrapaṭadarśanāt |
jātānurāgā mandāravatī taṃ cirabhāvinam || 125 ||
[Analyze grammar]

vivāhalagnaṃ buddhvā taṃ tāvatkālakramāsahā |
preyasyatyutsukā gāḍhaṃ saṃtepe madanāgninā || 126 ||
[Analyze grammar]

aṅgāravarṣamaṅge ca candanair api lepanam |
padminīpatraśayyāpi saṃtaptasikatāstaraḥ || 127 ||
[Analyze grammar]

dīpradāvānalaśikhāḥ sudhāṃśorapi raśmayaḥ |
tasyāḥ sundarasenotkacetaso vata jajñire || 128 ||
[Analyze grammar]

maunasthā varjitāhārā virahavratamāśritā |
ākulāptasakhīpṛṣṭā kṛcchrādevam uvāca sā || 129 ||
[Analyze grammar]

sakhi dūre vivāho me na ca śaknomi taṃ vinā |
varaṃ pratīkṣituṃ kālamalakādhipateḥ sutam || 130 ||
[Analyze grammar]

dūro deśaś ca kālaś ca vicitrā ca gatirvidheḥ |
tad atra madhye ko vetti kiṃ kasyeha bhaviṣyati || 131 ||
[Analyze grammar]

tanme martavyameveti vadantī virahāturā |
jagāma mandāravatī sadyaḥ sā viṣamāṃ daśām || 132 ||
[Analyze grammar]

tadbuddhvā tatsakhīvaktrāttāṃ ca dṛṣṭvā tathāvidhām |
sabhāryo mantrayām āsa tatpitā saha mantribhiḥ || 133 ||
[Analyze grammar]

rājā sa mittramasmākaṃ mahāseno 'lakāpatiḥ |
eṣā ca mandāravatī kālaṃ suḍhumihākṣamā || 134 ||
[Analyze grammar]

tatkā trapā yathā cāstu tatraiva preṣyatāmiyam |
kāntāntikasthā dhṛtyā hi kālakṣepaṃ sahiṣyate || 135 ||
[Analyze grammar]

ityālocya samāśvāsya tāṃ mandāravatīṃ sutām |
āropya ca pravahaṇe sadhanāṃ saparicchadām || 136 ||
[Analyze grammar]

śubhe 'hani tato haṃsadvīpādambudhivartmanā |
vivāhahetorvidhivajjananīkṛtamaṅgalām || 137 ||
[Analyze grammar]

vinītamatināmānaṃ saha dattvā svamantriṇam |
rājā mandāradevo 'sau visasarjālakāṃ prati || 138 ||
[Analyze grammar]

tato dināni katicidyāvat pravahaṇena sā |
prayāti mandāravatī rājaputrī mahodadhau || 139 ||
[Analyze grammar]

akasmāttāvaduttasthau garjañjaladataskaraḥ |
saśūtkāramaruddhoramuktadhārāśarotkaraḥ || 140 ||
[Analyze grammar]

kṣaṇāc ca duramākṛṣya vidhineva balīyasā |
vātena tasyā vahanaṃ hanyamānamabhajyata || 141 ||
[Analyze grammar]

magne tasmin parīvāre vinītamatinā saha |
mamajja tasyāḥ sakalaṃ bhāṇḍāgāraṃ mahodadhau || 142 ||
[Analyze grammar]

sā tvabdhinā rājaputrī jīvantyevormibāhunā |
utkṣipya nītvā nikaṭe kṣiptā velāvane tadā || 143 ||
[Analyze grammar]

kvābdhau pātaḥ kva cātyuccenormiṇā prāpaṇaṃ vane |
bhavitavyasya nāsādhyaṃ dṛśyate bata dṛśyatām || 144 ||
[Analyze grammar]

tataḥ sā tādṛśī trastavihvalā vijane vane |
dṛṣṭvaikākinamātmānaṃ duḥkhābdhāvapatatpunaḥ || 145 ||
[Analyze grammar]

kva prasthitāsmi kva prāptā kva ca me sa paricchadaḥ |
kva vinītamatirvṛttamakasmātkimidaṃ mama || 146 ||
[Analyze grammar]

mandabhāgyā kva gacchāmi hā hatāsmi karomi kim |
uttāritā hatavidhe kimahaṃ jaladhestvayā || 147 ||
[Analyze grammar]

hā tāta hāmba hā hāryaputra putrālakāpateḥ |
tvāmaprāpya vipadye 'haṃ paśya kiṃ trāyase na mām || 148 ||
[Analyze grammar]

ityādi vilapantī ca sā mandāravatī bhṛśam |
prarurodāśrubhiś chinnahāramuktāphalopamaiḥ || 149 ||
[Analyze grammar]

tāvac ca nātidūrasthāttatrāśramapadānmuniḥ |
ājagāma mataṅgākhyaḥ snātuṃ jalanidherjale || 150 ||
[Analyze grammar]

sa bālabrahmacāriṇyā duhitrā yamunākhyayā |
anvitastamṛṣistasyāḥ śuśrāva ruditadhvanim || 151 ||
[Analyze grammar]

upetya kṛpayā tāṃ ca dadarśa tanayāyutaḥ |
yuthabhraṣṭām iva mṛgīṃ dikṣu kṣiptārtalocanām || 152 ||
[Analyze grammar]

kā tvaṃ vane 'tra te prāptiḥ kathaṃ kasmāc ca rodiṣi |
iti tāṃ ca sa papraccha maharṣiḥ snigdhayā girā || 153 ||
[Analyze grammar]

tatas taṃ sakṛpaṃ dṛṣṭvā sā mandāravatī śanaiḥ |
āśvāsyākathayattasmai svavṛttāntaṃ trapānatā || 154 ||
[Analyze grammar]

atha sa praṇidhāyaitāṃ mataṅgamunirabravīt |
rājaputri viṣādena kṛtaṃ dhṛtimavāpnuhi || 155 ||
[Analyze grammar]

śirīṣapeśalāṅgīṃ tvāṃ bādhate kleśaviplavaḥ |
apekṣante hi vipadaḥ kiṃ pelavamapelavam || 156 ||
[Analyze grammar]

bhavatī tvacirādeva patiṃ prāpsyatyabhīpsitam |
tadāgacchāśramaṃ tāvannātidūramito mama || 157 ||
[Analyze grammar]

tatrānayā matsutāyā sahāssva svagṛhe yathā || 158 ||
[Analyze grammar]

iti tāṃ sa samāśvāsya kṛtvā snānaṃ mahāmuniḥ |
nināya mandāravatīmāśramaṃ svaṃ sutānvitaḥ || 159 ||
[Analyze grammar]

tatra sā saṃyatā tasthau bhartṛsaṃgamakāṅkṣiṇī |
paricaryāvinodena tasyarṣestatsutānvitā || 160 ||
[Analyze grammar]

atrāntare cālakāyāṃ dināni gaṇayansadā |
tasyāṃ sa mandāravatīvivāhadivasonmukhaḥ || 161 ||
[Analyze grammar]

kālaṃ sundaraseno 'pi cirotkaṇṭhākṛśo nayan |
āsīdāśvāsyamānaḥ svair mittraiścaṇḍaprabhādibhiḥ || 162 ||
[Analyze grammar]

kramāc ca lagnadivase pratyāsanne pitā nṛpaḥ |
tasya yātrāsamārambhaṃ haṃsadvīpaṃ prati vyadhāt || 163 ||
[Analyze grammar]

śubhe 'hni ca tataḥ prāyātkṛtaprasthānamaṅgalaḥ |
sainyaiḥ sundarasenaḥ kṣmāṃ kampayansa nṛpātmajaḥ || 164 ||
[Analyze grammar]

gacchan krameṇa ca prāpa tuṣṭaḥ svasacivānvitaḥ |
tīrābharaṇam ambhodhe sa śaśāṅkapuraṃ puram || 165 ||
[Analyze grammar]

tatra pratyudgato rājñā praśrayāvanatena saḥ |
buddhvā mahendrādityena praviveśānugaiḥ saha || 166 ||
[Analyze grammar]

vātyāyamānarūpaśrīḥ paurastrīpadminīvane |
samāsasāda cārūḍhavāraṇo rājamandiram || 167 ||
[Analyze grammar]

tatropacaritastena mahendrādityabhūbhujā |
pratipannānuyātreṇa sa viśaśrāma taddinam || 168 ||
[Analyze grammar]

api vāridhimuttīrya tāmahaṃ prāpnuyāṃ priyām |
navoḍhāsulabhapremalajjāsādhvasaśīlinīm || 169 ||
[Analyze grammar]

āliṅgyamānāṃ mā meti lapantīṃ śṛṇuyāṃ ca tām |
ityādibhir anaiṣīttāṃ yāminīṃ sa manorathaiḥ || 170 ||
[Analyze grammar]

prātaścātraiva nagare sthāpayitvā svasainikam |
mahendrādityasahitaḥ kūlaṃ vārinidheryayau || 171 ||
[Analyze grammar]

tatra tena samaṃ rājñā svayaṃ pravahaṇaṃ mahat |
ārurohaikamannāmbupūrṇaṃ svasacivair yutaḥ || 172 ||
[Analyze grammar]

dvitīyasmin pravahaṇe rājaputraḥ paricchadam |
avaśyaneyaṃ saṃkṣiptaṃ samāropitavāṃś ca saḥ || 173 ||
[Analyze grammar]

tato mukte pravahaṇe calavātapaṭadhvaje |
abhiprayayatuste dve diśaṃ dakṣiṇapaścimām || 174 ||
[Analyze grammar]

dvitreṣv ahaḥ su yāteṣu gacchatoścāmbudhau tayoḥ |
akasmādudabhūttatra mahānutpātamārutaḥ || 175 ||
[Analyze grammar]

aho vāyurapūrvo 'yamityāścaryavaśādiva |
vyāghūrṇante sma jaladhestaṭeṣu vanarājayaḥ || 176 ||
[Analyze grammar]

vyatyastāś ca muhurvātādadharottaratāṃ yayuḥ |
vāridhervārinicayā bhāvāḥ kālakramādiva || 177 ||
[Analyze grammar]

ākrandena samaṃ datte ratnair arghe mahābdhaye |
prayatnena sahāpāste karṇadhārair marutpaṭe || 178 ||
[Analyze grammar]

muktāsu jivitāśābhiḥ saha sarvaiḥ sasaṃbhramaiḥ |
śilāsu śṛṅkhalābaddhāsvatigurvīṣu sarvataḥ || 179 ||
[Analyze grammar]

taraṅgotkṣiptavikṣipte nāgabandhair ivāmbudhau |
prabhrematuḥ pravahaṇe prayuddha iva te ubhe || 180 ||
[Analyze grammar]

tataḥ sundarasenastaddṛṣṭvā dhair yādivāsanāt |
calitastam uvācedaṃ mahendrādityabhūpatim || 181 ||
[Analyze grammar]

mamāpuṇyair akāṇḍe vaḥ pralayo 'yam upasthitaḥ |
tan na śaknomyahaṃ draṣṭuṃ kṣipāmyātmānamambudhau || 182 ||
[Analyze grammar]

ity uktvā svottarīyeṇa baddhvā parikaraṃ drutam |
sa rājaputro jaladhau tatrātmānamapātayat || 183 ||
[Analyze grammar]

taddṛṣṭvā tadvayasyāste pañca caṇḍaprabhādayaḥ |
mahendrādityasahitāstatraivātmānamakṣipan || 184 ||
[Analyze grammar]

bāhubhyāṃ ca tarantas te nadīnāṃ gatasaṃbhramāḥ |
sarve 'pītastato jagmurvikṣiptā vīcivegataḥ || 185 ||
[Analyze grammar]

kṣaṇāc ca śānte pavane niḥśabdastimito 'mbudhiḥ |
dadau praśāntakopasya sajjanasya samānatām || 186 ||
[Analyze grammar]

tāvac ca vātena kuto 'pyānītāṃ yānapātrikām |
prāpa sundaraseno 'tra sahito dṛḍhabuddhinā || 187 ||
[Analyze grammar]

tamāruroha caikena samaṃ tena svamantriṇā |
sa jīvitapramayayor antardolāmivāparām || 188 ||
[Analyze grammar]

tato diśamajānānaḥ payomayamivākhilam |
prabhraṣṭapauruṣaḥ paśyandevatāśaraṇastadā || 189 ||
[Analyze grammar]

nāvā mandānukūlena daiveneva nabhasvatā |
saṃpreryamāṇayā tīraṃ prāpito 'bhūttribhir dinaiḥ || 190 ||
[Analyze grammar]

tatastīravilagnāyāṃ tasyāmātmadvitīyakaḥ |
sthalaṃ ca jīvitāśāṃ ca samamadhyāruroha saḥ || 191 ||
[Analyze grammar]

tatrasthaś ca samāśvasya dṛḍhabuddhim abhāṣata |
uttīrṇo 'py ambudherasmi pātālādapyadho gataḥ || 192 ||
[Analyze grammar]

yato vikramaśaktiṃ taṃ taṃ ca vyāghraparākramam |
caṇḍaprabhaṃ bhīmabhujaṃ sacivāṃstāṃs tathāvidhān || 193 ||
[Analyze grammar]

mahendrādityanṛpatiṃ taṃ cākāraṇabāndhavam |
vināśya sarvānadhunā kā śobhā jīvitena me || 194 ||
[Analyze grammar]

ity uktavantaṃ taṃ mantrī dṛḍhabuddhirjagāda saḥ |
deva dhair yaṃ gṛhāṇa tvaṃ jāne kalyāṇamasti naḥ || 195 ||
[Analyze grammar]

yathā hy āvāṃ tathā te 'pi tareyurjātu vāridhim |
śakyā hi kena niścetuṃ durjñānā niyatergatiḥ || 196 ||
[Analyze grammar]

ityādi tat tad yāvat taṃ dṛḍhabuddhir bravīti saḥ |
tāvad ājagmatus tatra snānārthaṃ tāpasāv ubhau || 197 ||
[Analyze grammar]

tau vilokya viṣaṇṇaṃ taṃ rājaputram upetya ca |
paripṛcchya ca vṛttāntaṃ sādhū sadayamūcatuḥ || 198 ||
[Analyze grammar]

sumate nānyathābhāvaṃ balinaḥ pūrvakarmaṇaḥ |
api devāḥ kṣamāḥ kartuṃ sukhaduḥkhapradāyinaḥ || 199 ||
[Analyze grammar]

hātumicchannato duḥkhaṃ dhīraḥ sukṛtamācaret |
sā hi pratikriyā tasya na śokaḥ śātanastanoḥ || 200 ||
[Analyze grammar]

tadviṣādaṃ jahīhi tvaṃ śarīraṃ rakṣa dhair yataḥ |
śarīre sati ko nāma puruṣārtho na siddhyati || 201 ||
[Analyze grammar]

kalyāṇalakṣaṇaścāsi bhāvyavaśyaṃ śubhaṃ tava |
ity uktvā tau samāśvāsya ninyatuḥ svāśramaṃ munī || 202 ||
[Analyze grammar]

tatra kāṃścic ca divasān pratīkṣan sa nṛpātmajaḥ |
tasthau sundaraseno 'tha dṛḍhabuddhisamanvitaḥ || 203 ||
[Analyze grammar]

atrāntare ca tanmantrī dorbhyāṃ bhīmabhujo 'mbudhim |
tīrtvā vikramaśaktiś ca dvau pṛthakprāpatustaṭam || 204 ||
[Analyze grammar]

asmadvaduttarejjātu so 'pītyāśāvaśāc ca tau |
mahāṭavīṃ viviśatuścinvānau duḥkhamohitau || 205 ||
[Analyze grammar]

śeṣau tatsacivau caṇḍaprabhavyāghraparākramau |
rājā mahendrādityaś ca tathaivottīrya vāridhim || 206 ||
[Analyze grammar]

ārtāḥ sundarasenaṃ tamanviṣyaprāpya duḥkhitāḥ |
alabdhabhagnavahanāstacchaśāṅkapuraṃ yayuḥ || 207 ||
[Analyze grammar]

tatas tau mantriṇau tatra taca prāksthāpitaṃ balam |
rudanto jñātavṛttāntā yayuḥ svāmalakāṃ purīm || 208 ||
[Analyze grammar]

prāpteṣv arājatanayeṣv anuśocatsu teṣu sā |
ākrandaikamayī jajñe purī praruditaprajā || 209 ||
[Analyze grammar]

mahāsenanṛpaścātra sadevīko niśamya tat |
sutodantaṃ na yatprāṇair jahe tadbalamāyuṣaḥ || 210 ||
[Analyze grammar]

dehatyāgodyataṃ taṃ ca sadevīkaṃ nyavārayan |
sacivā vacanaistastair darśitāśopapattibhiḥ || 211 ||
[Analyze grammar]

tataḥ sa nagarībāhye svayaṃbhvāyatane nṛpaḥ |
sūnoḥ pravṛttiṃ cinvānastapasyannāsta sānugaḥ || 212 ||
[Analyze grammar]

tāvanmandāradevo 'pi haṃsadvīpe sa bhūpatiḥ |
jāmāturduhituścābdhipātodantamabudhyata || 213 ||
[Analyze grammar]

śuśrāva cālakaprāptaṃ jāmātṛsacivadvayam |
mahāsenanṛpaṃ cāsthādhṛtaprāṇaṃ tapaḥ sthitam || 214 ||
[Analyze grammar]

tataḥ so 'pi sutāśokakātaro maraṇodyamāt |
vārito mantribhistaistaisteṣu nyastabharo nṛpaḥ || 215 ||
[Analyze grammar]

mahāsenanṛpasyāgātpārśvaṃ tasyālakāṃ purīm |
samaduḥkhasya sahito devyā kaṃdarpasenayā || 216 ||
[Analyze grammar]

yadvijñātasutodantaniścayaḥ sa kariṣyati |
tadevāhaṃ samaṃ tena kariṣyāmīti niścitaḥ || 217 ||
[Analyze grammar]

vijñātamandāravatīvṛttāntādhikaduḥkhinā |
mahāsenāvanīśena samāgamyānvaśocata || 218 ||
[Analyze grammar]

tenaiva saha tatrāsīttapasyanniyatendriyaḥ |
mitāśī darbhaśayano haṃsadvīpeśvaro 'pi saḥ || 219 ||
[Analyze grammar]

evaṃ dhātrā vikīrṇeṣu teṣu sarveṣvitas tataḥ |
māruteneva parṇeṣu prasthāya svāśramāttataḥ || 220 ||
[Analyze grammar]

daivātsundaraseno 'tra mataṅgarṣyāśramasya saḥ |
tasya prāpāntikaṃ yatra sā mandāravatī sthitā || 221 ||
[Analyze grammar]

tatra nānārasānekaparipakvaphalānataiḥ |
niruddhatīraṃ tarubhir dadarśācchajalaṃ saraḥ || 222 ||
[Analyze grammar]

śrāntas tasmin kṛtasnāno bhuktasvāduphalas tataḥ |
dṛḍhabuddhisakho gatvā prāpaikāṃ vananimnagām || 223 ||
[Analyze grammar]

tasyāstīreṇa gacchaṃś ca liṅgāyatanapārśvataḥ |
sa puṣpāvacayavyagrā dṛṣṭavān munikanyakāḥ || 224 ||
[Analyze grammar]

tāsāṃ madhye dadarśaikāṃ kanyāṃ kokaikasundarīm |
kāntyā prakāśayantīṃ tajjyotsnayevākhilaṃ vanam || 225 ||
[Analyze grammar]

vilokitena kurvāṇāṃ phullanīlotpalā diśaḥ |
tanvatīṃ caraṇanyāsair avanau nalinīvanam || 226 ||
[Analyze grammar]

keyaṃ sahasranayanaprekṣaṇīyā kimapsarāḥ |
vanaśrīrathavā puṣpalagnāgrakarapallavā || 227 ||
[Analyze grammar]

bahu divyāṅganāsargasiddhābhyāsena vedhasā |
etasyā nirmitamidaṃ nūnamatyadbhutaṃ vapuḥ || 228 ||
[Analyze grammar]

tasyāścānuharatyeṣā citradṛṣṭākṛteraho |
priyāyā mama mandāravatyāḥ saiva bhavennu kim || 229 ||
[Analyze grammar]

kathaṃ vaitatka sā haṃsadvīpe kvaitadvanāntaram |
tan na jānīmahe keyaṃ kutaḥ kutreha bhāminī || 230 ||
[Analyze grammar]

iti rājasutastaṃ ca dṛḍhabuddhiṃ jagāda saḥ |
dṛḍhabuddhiś ca dṛṣṭvā tāṃ varakanyāṃ tadābravīt || 231 ||
[Analyze grammar]

anyaiva deva kāpyasyā vanapuṣpamayeṣv api |
hārakāñcīkalāpādibhaṅgirābharaṇeṣviyam || 232 ||
[Analyze grammar]

na cedaṃ jāyate rūpaṃ saukumāryaṃ ca kānane |
taddivyā rājakanyā vā kāpyeṣā narṣikanyakā || 233 ||
[Analyze grammar]

uttiṣṭhāvaḥ kṣaṇaṃ jñātumiheti dṛḍhabuddhinā |
ukte tau tasthatus tatra pādapāntaritāvubhau || 234 ||
[Analyze grammar]

tāvac coccitapuṣpāstā munikanyāstayā saha |
varakanyakayā snātuṃ saritaṃ tāmavātaran || 235 ||
[Analyze grammar]

tatra tāsu jalakrīḍāpravṛttāsu vidhervaśāt |
grāheṇāgatya jagṛhe saivātra varakanyakā || 236 ||
[Analyze grammar]

tadvilokyaiva tatkālaṃ kanyās tās trastavihvalāḥ |
cakrandur ārtās trāyadhvaṃ trāyadhvaṃ vanadevatāḥ || 237 ||
[Analyze grammar]

eṣā hi mandāravatī snāntī nadyāmaśaṅkitam |
grāheṇāgatya tarasā gṛhītā hā vipadyate || 238 ||
[Analyze grammar]

etac chrutvaiva kiṃ saiva syātpriyeti pradhāvya saḥ |
drutaṃ sundarasenastaṃ grāhaṃ kṣurikayāvadhīt || 239 ||
[Analyze grammar]

mṛtyoriva mukhāttasmāddrutamutkṣipya rodhasi |
āśvāsayām āsa ca tāṃ sa mandāravatīṃ tataḥ || 240 ||
[Analyze grammar]

sāpi tīrṇabhayā dṛṣṭvā subhagaṃ tamacintayat |
mahātmā prāṇadaḥ ko 'yaṃ mama bhāgyair ihāgataḥ || 241 ||
[Analyze grammar]

citraṃ susadṛśaścaiṣa citradṛṣṭasya tasya me |
prāṇeśasyālakānāthatanayasya sujanmanaḥ || 242 ||
[Analyze grammar]

api nāma sa eva syāddhigdhigduścintitaṃ mama |
īdṛśaḥ sa videśasthaḥ śāntaṃ mā bhūtkadācana || 243 ||
[Analyze grammar]

tannānyapuruṣopānte sthātuṃ yuktaṃ mamādhunā |
vrajāmi taditaḥ svasti bhavatvasmai mahātmane || 244 ||
[Analyze grammar]

iti saṃcintya mandāravatī prāha sma tāḥ sakhīḥ |
praṇamyaitaṃ mahābhāgameta yāmo 'dhunā vayam || 245 ||
[Analyze grammar]

tac chrutvā bahusādhāro nāmaśravaṇamātrataḥ |
prāganucchinnasaṃdeho rājaputraḥ sa tatsakhīm || 246 ||
[Analyze grammar]

ekāṃ sundaraseno 'tra papracchākhyāyatāṃ śubhe |
kasyātmajā kīdṛśīyaṃ sakhī vaḥ kautukaṃ hi me || 247 ||
[Analyze grammar]

iti taṃ pṛṣṭavantaṃ sā munikanyaivam abhyadhāt |
rājño mandāradevasya haṃsadvīpapateriyam || 248 ||
[Analyze grammar]

sutā mandāravatyākhyā kumārī rājasūnave |
dātuṃ sundarasenāya nīyamānālakāṃ purīm || 249 ||
[Analyze grammar]

bhagnapravahaṇāmbhodhāvutkṣiptā vīcibhistaṭe |
ānīteha kila prāpya mataṅgamunināśramam || 250 ||
[Analyze grammar]

evam ukte tayā harṣaviṣādākulitaṃ sakhā |
nṛtyansundarasenaṃ taṃ dṛḍhabuddhir uvāca saḥ || 251 ||
[Analyze grammar]

diṣṭyādya mandāravatī devīlābhena vardhase |
saivaiṣā hi na yāsmākaṃ manorathapathe 'py abhūt || 252 ||
[Analyze grammar]

ity uktvā sā sakhī tasyāḥ pṛcchantīrmunikanyakāḥ |
abodhayattaṃ vṛttāntaṃ tāḥ sakhīṃ tāmanandayan || 253 ||
[Analyze grammar]

tataḥ sundarasenasya hāryaputretyudīrya sā |
papāta mandāravatī rudatī tasya pādayoḥ || 254 ||
[Analyze grammar]

so 'py āśliṣya rurodaitāṃ rudatos tatra caitayoḥ |
arudan karuṇārdrāṇi kāṣṭhāny api tṛṇāny api || 255 ||
[Analyze grammar]

gatvātha munikanyābhistābhiḥ sa śrāvito drutam |
ājagāma munis tatra mataṅgo yamunānvitaḥ || 256 ||
[Analyze grammar]

so 'tra sundarasenaṃ tamāśvāsya caraṇānatam |
mandāravatyā sahitaṃ nināya nijamāśramam || 257 ||
[Analyze grammar]

tadahaś ca tadātithyaviśrāntaṃ jātanirvṛtim |
anyedyuḥ sa tamāha sma rājaputraṃ mahāmuniḥ || 258 ||
[Analyze grammar]

śvetadvīpe mayā putra gantavyaṃ kāryato 'dhunā |
tanmandāravatīyukto gaccha tvamalakāṃ prati || 259 ||
[Analyze grammar]

tatra rājasutāmetāṃ pariṇīyānupālayeḥ |
suteti pratipannā hi tubhyameṣā mayārpitā || 260 ||
[Analyze grammar]

suciraṃ cānayā sārdhaṃ pṛthvīrājyaṃ kariṣyasi |
sacivāṃś ca nijānsarvānacirāttānavāpsyasi || 261 ||
[Analyze grammar]

ity uktvā savadhūkaṃ tamāmantrya nabhasā yayau |
muniryamunayā sākaṃ duhitrā sa svatulyayā || 262 ||
[Analyze grammar]

tataḥ sundaraseno 'pi sa mandāravatīyutaḥ |
dṛḍhabuddhisahāyaś ca proccacālāśramāttataḥ || 263 ||
[Analyze grammar]

prāpya vārinidhestīraṃ dadarśa nikaṭāgatam |
kenāpyadhiṣṭhitaṃ yūnā vaṇijā vahanaṃ laghu || 264 ||
[Analyze grammar]

yayāce cāśrayaṃ tasminnadhvasaukaryalobhataḥ |
dṛḍhabuddhimukhenārāttatpatiṃ taṃ vaṇiksutam || 265 ||
[Analyze grammar]

so 'pi tīre tathety asya vahanaṃ tad aḍhaukayat |
tāṃ mandāravatīṃ paśyan kuvaṇik smaramohitaḥ || 266 ||
[Analyze grammar]

tataḥ sundaraseno 'tra tām āropyāgrataḥ priyām |
taṭasthitaḥ sann āroḍhum ātmanā yāvad icchati || 267 ||
[Analyze grammar]

tāvat sa karṇadhārasya saṃjñāṃ kṛtvā vaṇigdrutam |
vahanaṃ cālayām āsa parastrīlolubhaḥ śaṭhaḥ || 268 ||
[Analyze grammar]

krandadrājasutaṃ tac ca kṣaṇenādṛṣṭigocaram |
abhūtsundarasenasya vahanaṃ tasya paśyataḥ || 269 ||
[Analyze grammar]

hā dhik cauraiḥ pramuṣito 'smīty ākrandan papāta saḥ |
vilapaṃś ca ciraṃ so 'tra jagade dṛḍhabuddhinā || 270 ||
[Analyze grammar]

uttiṣṭha muñca vaiklavyaṃ nāyaṃ vīrocitaḥ kramaḥ |
ehi cauraṃ tamanveṣṭuṃ gacchāvo 'nena vartmanā || 271 ||
[Analyze grammar]

iti prabodhitastena kathaṃciddṛḍhabuddhinā |
tīrātsundaraseno 'bdherutthāya prasthito 'bhavat || 272 ||
[Analyze grammar]

gacchan kramāc ca hā devi hā mandāravatīti saḥ |
vilapan sāśruniraśaṃ saṃtapto virahāgninā || 273 ||
[Analyze grammar]

nirāhāraḥ sabāṣpaikadṛḍhabuddhiparicchadaḥ |
viveśa sonāda iva vyāmohena mahadvanam || 274 ||
[Analyze grammar]

na cātra gaṇayām āsa sakhyus tasya vaco hitam |
tatra tatrābhyadhāvattu kevalaṃ dayitāmayaḥ || 275 ||
[Analyze grammar]

unnidrapuṣpābharaṇā vaṇik caurāt palāyitā |
āgatā hi priyā sā syād iti phullāsu valliṣu || 276 ||
[Analyze grammar]

bhayātsaronimagnā kiṃ vadanaṃ pakṣmalekṣaṇam |
unnamayyekṣate sā māmiti cābjeṣu sāliṣu || 277 ||
[Analyze grammar]

kiṃ vyāharati saiṣātra mugdhā māṃ mañjubhāṣiṇī |
iti patralatācchannakokilākūjiteṣv api || 278 ||
[Analyze grammar]

evaṃ pratipadaṃ muhyanyathārkeṇa tathendunā |
tāpyamānaḥ sa babhrāma tulyanaktaṃdinaściram || 279 ||
[Analyze grammar]

kathaṃcinnirgatastasmādvanātsadṛḍhabuddhikaḥ |
rājaputro 'tha sa prāpa mārgabhraṣṭo mahāṭavīm || 280 ||
[Analyze grammar]

udagrakhaḍgaviṣamāṃ siṃhādhiṣṭhānabhīṣaṇām |
senām iva sudurdarśāṃ dasyusenāniṣevitām || 281 ||
[Analyze grammar]

tāṃ gāhamānaḥ sulabhānekapāyāṃ nirāśrayām |
durdaśām iva sa prāpi pulindair udyatāyudhaiḥ || 282 ||
[Analyze grammar]

bhagavatyupahārārthaṃ cinvadbhiḥ puruṣān paśūn |
vindhyaketoḥ pulindendrasyājñayā tannivāsinaḥ || 283 ||
[Analyze grammar]

videśo virahakleśo nīcātparibhavo 'pi saḥ |
anāhāro 'dhvasaṃtāpa iti pañcāgniviplave || 284 ||
[Analyze grammar]

asṛjaddasyusaṃpātaṃ ṣaṣṭhamagnimaho vidhiḥ |
rājaputrasya tasyātra dhairyasyāntam avekṣitum || 285 ||
[Analyze grammar]

sa cātmanā dvitīyas tān grahaṇārthaṃ pradhāvitān |
pṛṣatkavarṣiṇo dasyūn bahūn kṣurikayāvadhīt || 286 ||
[Analyze grammar]

tadbuddhvā praiṣyata balaṃ rājñānyadvindhyaketunā |
tato 'pi subahūṃścaurānyuddhajño nijaghāna saḥ || 287 ||
[Analyze grammar]

tataḥ sa savayasyo 'pi vraṇitaklāntamūrcchitaḥ |
baddhvā kārāgṛhe nītvā śabaraistair nicikṣipe || 288 ||
[Analyze grammar]

tatra kīṭotkarākīrṇe jālakārālayāvile |
sūcyamānāhisaṃcāre nirmokair gartalambibhiḥ || 289 ||
[Analyze grammar]

gulphadaghnocchaladdhūlāvākhukhātabilolbaṇe |
antaḥ kṣiptasthitānekabhītāpannajanākule || 290 ||
[Analyze grammar]

nirayāṇāmivotpattidhāmni dvau tāvapaśyatām |
mantriṇau tadvadevādau baddhānītasthitāvubhau || 291 ||
[Analyze grammar]

yau tau praviśatāṃ tadvadaṭavīṃ tīrṇavāridhī |
tamanveṣṭuṃ prabhuṃ bhīmabhujavikramaśaktikau || 292 ||
[Analyze grammar]

tau rudantau parijñāya petatus tasya pādayoḥ |
so 'pi tau pratyabhijñātau kaṇṭhe bāṣpākulo 'grahīt || 293 ||
[Analyze grammar]

tataḥ śataguṇībhūtaduḥkhāste 'nyonyadarśanāt |
āśvāsayadbhir aparair ūcire bandhanasthitaiḥ || 294 ||
[Analyze grammar]

kṛtaṃ duḥkhena kiṃ śakyaṃ pūrvakarmātivartitum |
kiṃ na paśyatha sarveṣāṃ saha mṛtyum upasthitam || 295 ||
[Analyze grammar]

āgāminyāṃ caturdaśyāṃ pulindakṣmābhṛtāmunā |
devyāḥ paśūpahārārthaṃ vayamete hi saṃbhṛtāḥ || 296 ||
[Analyze grammar]

tatkiṃ śucā gatiścitrā jantuṣu krīḍato vidheḥ |
tadabhadraṃ yathā tadvaddadyādbhadraṃ sa eva vaḥ || 297 ||
[Analyze grammar]

ity uktā bandhanasthaiste baddhāstatrāvatasthire |
kaṣṭaṃ niranurodhatvamāpadāṃ sumahatsvapi || 298 ||
[Analyze grammar]

prāptāyāṃ ca caturdaśyāmatra rājājñayā tataḥ |
te sarve 'py upahārārthamanīyantāmbikāgṛham || 299 ||
[Analyze grammar]

dīpajvālācalajjihvaṃ ghaṇṭālīdantamālayā |
vyāsaktavīraśirasā ghoraṃ mṛtyumukhaṃ yathā || 300 ||
[Analyze grammar]

tatra sundarasenastāṃ dṛṣṭvāṃ devīṃ praṇamya saḥ |
bhaktiprahvena manasā stuvannevaṃ vyajijñapat || 301 ||
[Analyze grammar]

dāritoddāmadaityena triśikhenāsravarṣiṇā |
śamitāsurasaṃtāpe praṇatābhayadāyini || 302 ||
[Analyze grammar]

nirvāpaya prasannena locanenāmṛtaścyutā |
dṛṣṭā māṃ duḥkhadāvāgnidagdhaṃ devi namo 'stu te || 303 ||
[Analyze grammar]

iti rājasute tasminvyāharatyeva tatra saḥ |
āgāt pūjayituṃ devīṃ vindhyaketuḥ pulindarāṭ || 304 ||
[Analyze grammar]

taṃ dṛṣṭvaiva parijñāya bhillarājaṃ trapānataḥ |
sa tānsundarasenaḥ svānvayasyānsvair am abravīt || 305 ||
[Analyze grammar]

aho saiṣa pulindendro vindhyaketurupaiti yaḥ |
tātasya pārśve sevārthaṃ bhuṅkte caitāṃ mahāṭavīm || 306 ||
[Analyze grammar]

tad yad astu na vaktavyam asmābhir iha kiṃcana |
śreyān hi mānino mṛtyur nedṛgātmaprakāśanam || 307 ||
[Analyze grammar]

iti mantrayate yāvat sakhibhiḥ sa nṛpātmajaḥ |
tāvat sa vindhyaketuḥ svānrājā bhṛtyānabhāṣata || 308 ||
[Analyze grammar]

are pradarśayata taṃ pravīraṃ me mahāpaśum |
hatāḥ subahavo yodhā gṛhyamāṇena yena me || 309 ||
[Analyze grammar]

tac chrutvaiva sa śuṣkāsṛgdigdho vraṇitadhūsaraḥ |
tasya sundaraseno 'gre tadbhṛtyaiḥ prāpito 'bhavat || 310 ||
[Analyze grammar]

sa taṃ dṛṣṭvā pulindendraḥ parijñāya manāgiva |
brūhi kastvaṃ kutaśceti papraccha pariśaṅkitaḥ || 311 ||
[Analyze grammar]

yo 'haṃ yataḥ kurudhvaṃ yatprastutaṃ kimanena vaḥ |
iti sundaraseno 'pi bhillendraṃ pratyuvāca tam || 312 ||
[Analyze grammar]

tatas taṃ samyagālāpātpratyabhijñāya saṃbhramāt |
hā heti jalpannavanau vindhyaketuḥ papāta saḥ || 313 ||
[Analyze grammar]

hā mahārāja pāpena mahāsena mayādhunā |
paśya yuṣmatprasādānāmucitaṃ kīdṛśaṃ kṛtam || 314 ||
[Analyze grammar]

yatte prāṇasamaḥ sūnurnīto 'vasthāmihedṛśīm |
devaḥ sundaraseno 'yaṃ kuto 'pyevamihāgataḥ || 315 ||
[Analyze grammar]

ityādyāśliṣya taṃ rājaputraṃ sa vyalapat tathā |
vindhyaketuryathā sarve 'py atrābhūvannudaśravaḥ || 316 ||
[Analyze grammar]

etan na bahu yatpūrvaṃ pratyabhijñātavānasi |
rājaputramimaṃ paścādvṛtte 'rthe kiṃ vyadhāsyathāḥ || 317 ||
[Analyze grammar]

tatko viṣādo harṣe 'sminnityāśvāsyata taiś ca saḥ |
hṛṣṭaiḥ sundarasenasya vayasyair bhillabhūpatiḥ || 318 ||
[Analyze grammar]

tataś ca pādapatitaḥ sa rājā samamānayat |
prītyā sundarasenaṃ taṃ mocitākhilapuṃpaśum || 319 ||
[Analyze grammar]

kṛtārcanaś ca nītvainaṃ svapallīṃ savayasyakam |
kramādupācaratpathyair ābaddhavraṇapaṭṭikam || 320 ||
[Analyze grammar]

papraccha cehāgamanaṃ rājaputra kathaṃ nu te |
mahatkautukametaddhi mama tatkathyatāmiti || 321 ||
[Analyze grammar]

tataḥ sundarasenena svavṛttānte 'nuvarṇite |
citrīyamāṇacetāstaṃ śabarendro jagāda saḥ || 322 ||
[Analyze grammar]

kva mandāravatīhetoryātrā pātaḥ kva cāmbudhau |
kva mataṅgāśramaprāptiḥ kva tayā tatra saṃgamaḥ || 323 ||
[Analyze grammar]

kvāpahāraś ca vaṇijā tasyā viśvāsataḥ punaḥ |
kva cāṭavīpraveśas te kopahāsrāya bandhanam || 324 ||
[Analyze grammar]

kva cāsmābhiḥ pratyabhijñā mṛtyorāsyāc ca nirgamaḥ |
vicitravidhaye tasmai sarvathā vidhaye namaḥ || 325 ||
[Analyze grammar]

tan na kāryā tvayā cintā kāntāṃ prati yato vidhiḥ |
yathedamakarotkartā tathaitadapi te drutam || 326 ||
[Analyze grammar]

iti vādinamevaitaṃ pulindendraṃ drutāgataḥ |
nijasenāpatiḥ prītaḥ praviśyaivaṃ vyajijñapat || 327 ||
[Analyze grammar]

devādāya dhanaṃ bhūri strīratnaṃ cātirūpavat |
praviṣṭaḥ sānugajanaḥ ko 'pyetāmaṭavīṃ vaṇik || 328 ||
[Analyze grammar]

sa ca buddhvā mayā gatvā sabalena sahānugaḥ |
vaṣṭabhya sadhanastrīka ihānīto bahiḥ sthitaḥ || 329 ||
[Analyze grammar]

tac chrutvā kiṃ vaṇiksa syātsā mandāravatī ca kim |
iti sundaraseno 'ntarvindhyaketuś ca dadhyatuḥ || 330 ||
[Analyze grammar]

praveśyatāmihaivāsau strī cety uktavatostayoḥ |
prāveśayaccamūpastaṃ vaṇijaṃ tāṃ ca yoṣitam || 331 ||
[Analyze grammar]

tato dṛṣṭvaiva tau so 'tra dṛḍhabuddhirabhāṣata |
saiva mandāravatyeṣā devī caiṣa ca durvaṇik || 332 ||
[Analyze grammar]

hā devi gharmadagdheva latāvasthāmimāṃ katham |
gatāsyapuṣpābharaṇā viśuṣkādharapallavā || 333 ||
[Analyze grammar]

iti krandati tasmiṃś ca dṛḍhabuddhau pradhāvya saḥ |
priyāṃ sundarasenastāṃ kaṇṭhe sarabhaso 'grahīt || 334 ||
[Analyze grammar]

tato virahamālinyamaśrudhārājalena tau |
kṣālayantāvivānyonyaṃ priyau rurudatuściram || 335 ||
[Analyze grammar]

athobhau tau samāśvāsya vindhyaketur uvāca tam |
vaṇijaṃ kiṃ tvayā dārā viśvas tasya hṛtā iti || 336 ||
[Analyze grammar]

tato jagāda sa vaṇig bhayagadgadayā girā |
vṛthā mayedaṃ nāśāya kṛtameṣā tu rakṣitā || 337 ||
[Analyze grammar]

nijenādharṣaṇīyena mahasaiva manasvinī |
vahnijvāleva na spraṣṭum apy asau śakitā mayā || 338 ||
[Analyze grammar]

kiṃ ca nītvā nijaṃ deśaṃ śāntamanyuḥ prasāditā |
pariṇetumabhipretā pāpasyābhūdiyaṃ mama || 339 ||
[Analyze grammar]

ity uktavantamādiṣṭavadhaṃ tenātra bhūbhujā |
so 'tha sundarasenas taṃ rarakṣa vaṇijaṃ vadhāt || 340 ||
[Analyze grammar]

prāṇādhikaṃ tu tattasya dhanodrekamahārayat |
dine dine mriyante hi gatārthā na gatāsavaḥ || 341 ||
[Analyze grammar]

evaṃ sundarasenena tasminvaṇiji mocite |
prāṇalābhena saṃtuṣṭe yathecchaṃ kṛpaṇe gate || 342 ||
[Analyze grammar]

sa vindhyaketurādāya tāṃ mandāravatīṃ nṛpaḥ |
yuktāṃ sundarasenena svadevīmandiraṃ yayau || 343 ||
[Analyze grammar]

tatrādiśya sa devīṃ tāṃ snānavastrānulepanaiḥ |
saṃmānya mandāravatīṃ tadvat snātamalaṃkṛtam || 344 ||
[Analyze grammar]

svayaṃ sundarasenaṃ tam upaveśya varāsane |
prābhṛtair arcayām āsa muktāmṛgamadādibhiḥ || 345 ||
[Analyze grammar]

cakre tayoś ca daṃpatyoḥ saṃgamādbhṛśamutsavam |
sa rājā muditāśeṣapranṛttaśabarāṅganam || 346 ||
[Analyze grammar]

atha sundarasenastamanyedyurnṛpam abhyadhāt |
rūḍhaṃ vraṇair me siddhaṃ ca yatheṣṭaṃ tadito 'dhunā || 347 ||
[Analyze grammar]

yāmo vayaṃ svanagarīṃ tātāya preṣayāśu tat |
lekhahāraṃ savṛttāntaṃ madāgamanaśaṃsinam || 348 ||
[Analyze grammar]

ity ukto rājaputreṇa sa tena śabareśvaraḥ |
tathaiva dattasaṃdeśaṃ lekhahāraṃ visṛṣṭavān || 349 ||
[Analyze grammar]

sa lekhahārako yāvattāṃ prāpnotyalakāṃ purīm |
tāvattatra mahāsenaḥ sadevīkaḥ sa bhūpatiḥ || 350 ||
[Analyze grammar]

tasya sundarasenasya pravṛttyajñānaduḥkhitaḥ |
agnipraveśāyodyuktaḥ śaṃkarāyatanāgrataḥ || 351 ||
[Analyze grammar]

abhūtkilānuśocadbhiḥ pauraiḥ parivṛto 'khilaiḥ || 352 ||
[Analyze grammar]

taṃ dṛṣṭvā sa mahāsenaṃ nṛpatiṃ lekhahārakaḥ |
upājagāma śabaro dhāvannāveditātmakaḥ || 353 ||
[Analyze grammar]

dhūlīlipto dhanuṣpāṇirlatātvagbaddhamūrdhajaḥ |
śyāmaḥ kaṭīnivasanaṃ bilvapattramayaṃ dadhat || 354 ||
[Analyze grammar]

diṣṭyādya vardhase deva yanmandāravatīyutaḥ |
putraḥ sundarasenas te nistīryāmbhodhimāgataḥ || 355 ||
[Analyze grammar]

asmatprabhor vindhyaketoḥ sa hi prāpyantikaṃ prabho |
tenaiva sākamāgantuṃ pravṛttaḥ preṣya māṃ puraḥ || 356 ||
[Analyze grammar]

ity udīrya ca tasyātra rājñaḥ pādāntike nyadhāt |
lekhaṃ sa bhillabhūpālalekhahāro harañ śucam || 357 ||
[Analyze grammar]

tato hṛṣṭair janaiḥ sarvaiḥ kṛte kalakalārave |
lekhe ca vācite jñāte yathāvṛtte mahādbhute || 358 ||
[Analyze grammar]

satkṛtya lekhahāraṃ sa tyaktaśokaḥ kṛtotsavaḥ |
rājadhānīṃ mahāsenanṛpaḥ sarvaiḥ sahāviśat || 359 ||
[Analyze grammar]

utsukaś ca tato 'nyedyuḥ sūnostasyāgamiṣyataḥ |
agrato bhavituṃ prāyāddhaṃsadvīpeśvarānvitaḥ || 360 ||
[Analyze grammar]

cacāla caturaṅgaṃ ca balaṃ tasyāmitaṃ tathā |
asahyamardabhīteva cakampe vasudhā yathā || 361 ||
[Analyze grammar]

tāvat sundaraseno 'pi svagṛhābhimukhaṃ tataḥ |
pratasthe bhillapallītaḥ sa mandāravatīsakhaḥ || 362 ||
[Analyze grammar]

bandhanāgāralabdhena tena vikramaśaktinā |
sakhyā bhīmabhujenāpi yuktaḥ sadṛḍhabuddhikaḥ || 363 ||
[Analyze grammar]

vātaraṃhohayārūḍhaḥ sahito vindhyaketunā |
pulindasainyaiḥ pṛthivīṃ tanmayīm iva darśayan || 364 ||
[Analyze grammar]

gacchan katipayair eva dinair mārge dadarśa tam |
pitaraṃ saṃmukhāyātaṃ saparicchadabāndhavam || 365 ||
[Analyze grammar]

tato 'varuhya turagātsānandair vīkṣito janaiḥ |
upetya pādayos tasya savayasyo 'patatpituḥ || 366 ||
[Analyze grammar]

so 'pi taṃ putramālokya rākācandramivodadhiḥ |
ātmanyeva na māti sma harṣollāsataraṅgitaḥ || 367 ||
[Analyze grammar]

dṛṣṭvā ca mandāravatīṃ tāṃ pādāvanatāṃ snuṣām |
ātmānaṃ kṛtinaṃ mene kulaṃ caiva nananda ca || 368 ||
[Analyze grammar]

tāṃś ca trīn dṛḍhabuddhyādīn praṇatān putramantriṇaḥ |
tato 'dhikaṃ so 'bhyanandadvindhyaketuṃ ca taṃ nṛpaḥ || 369 ||
[Analyze grammar]

atha sundaraseno 'pi pitrā tena niveditam |
natvā mandāradevaṃ taṃ śvaśuraṃ mumude param || 370 ||
[Analyze grammar]

tau ca pūrvāgatau caṇḍaprabhavyāghraparākramau |
dṛṣṭvāṅghrilagnau sacivau pūrṇānmene manorathān || 371 ||
[Analyze grammar]

tatkṣaṇaṃ cātra so 'pyāgānmahendrādityabhūpatiḥ |
śaśāṅkapurataḥ prītyā śrutavṛttāntaharṣulaḥ || 372 ||
[Analyze grammar]

atha taiḥ samaṃ samagraiḥ sundarasenaḥ sa rājasutaḥ |
naḍakūbara iva rambhāṃ mandāravatīṃ vahandayitām || 373 ||
[Analyze grammar]

alakāpurīmayāsīnnijavasatiṃ vāhanottamārūḍhaḥ |
sakalasamṛddhiniketanabhūmiṃ bhūyiṣṭhapuṇyajanām || 374 ||
[Analyze grammar]

tasyāṃ ca vātāyanasaṃśritābhir netrotpalaiḥ paurajanāṅganābhiḥ |
ākīryamāṇaḥ priyayā sametaḥ sa rājadhānīṃ svapiturviveśa || 375 ||
[Analyze grammar]

ānandabāṣpākulalocanāyāḥ praṇamya mātuścaraṇau ca tatra |
sa rājaputro 'khilabandhubhṛtyabaddhotsavaṃ taṃ divasaṃ nināya || 376 ||
[Analyze grammar]

athāparedyurgaṇakopadiṣṭe lagne sa tasyāścirakāṅkṣitaṃ tam |
jagrāha pāṇiṃ janakārpitāyā mandāravatyā naranāthasūnuḥ || 377 ||
[Analyze grammar]

dadau ca tasmai śvaśuro mahārghāṇyaputrako mandaradevabhūpaḥ |
ratnāni bhūyāṃsi nijaṃ ca rājyaṃ prītaḥ svadehottarakālabhāvi || 378 ||
[Analyze grammar]

cakāra cecchāvibhavānurūpaṃ pitā mahāsenanṛpaś ca tasyā |
adugdhaguṃ mocitabandhanasthaṃ mahotsavaṃ vṛṣṭahiraṇyavastram || 379 ||
[Analyze grammar]

dṛṣṭvātha mandāravatīsamāgamāt kṛtārthatāṃ sundarasenamāgatam |
pramodamāsevya ca tadvivāhajaṃ pragītanṛtyannikhilāṅganāgaṇam || 380 ||
[Analyze grammar]

yayau mahāsenamahībhṛtārcitaḥ svamaṇḍalaṃ mandaradevabhūpatiḥ |
śaśāṅkapūrvaṃ ca puraṃ sa pārthivaḥ sa vindhyaketuś ca mahāṭavīpatiḥ || 381 ||
[Analyze grammar]

tato 'tra yāteṣu dineṣu sadguṇaṃ prajāpriyaṃ sundarasenamātmajam |
avekṣya rājye ca niveśya taṃ nije vanaṃ mahāsenanṛpo jagāma saḥ || 382 ||
[Analyze grammar]

saṃprāpya rājyamatha sundarasenadevaḥ so 'pi svabāhubalanirjitavair ivargaḥ |
tair mantribhiḥ saha mahīmakhilāṃ śaśāsa mandāravatyadhigamaprasaratpramodaḥ || 383 ||
[Analyze grammar]

iti tatra sarastīre vyākhyāya kathāṃ mṛgāṅkadattāya |
sa vyāghrasenanāmā sacivo nijagāda taṃ bhūyaḥ || 384 ||
[Analyze grammar]

etatsa kaṇvo munirāśramāntaḥ kathādbhutaṃ varṇitavān prabho naḥ |
kathāvasāne ca dayālur asmān āśvāsayann evam asāv avocat || 385 ||
[Analyze grammar]

tatputrakāḥ suviṣamāṇi duruttarāṇi kṛcchrāṇi dhīrahṛdayāḥ kila ye sahante |
te prāpnuvanti param ittham abhīpsitāni nānye tu ye galitasattvaviluptaceṣṭāḥ || 386 ||
[Analyze grammar]

tasmādimāṃ tyajata viklavatāṃ prayāta yuṣmākam apy adhipatiḥ sa mṛgāṅkadattaḥ |
saṃprāptasarvasacivaḥ suciraṃ pṛthivyāṃ rājyaṃ kariṣyati sametya śaśāṅkavatyā || 387 ||
[Analyze grammar]

iti tena vayaṃ maharṣiṇoktā dhṛtimālambya niśāṃ ca tatra nītvā |
calitāstata āśramādavāptāḥ kramaśaḥ kānanametadadhvakhinnāḥ || 388 ||
[Analyze grammar]

iha cātitṛṣā kṣudhā ca taptāḥ phalahetorgaṇanāthavṛkṣametam |
adhiruhya phalatvam eva yātās tapasā deva tavādya mocitāḥ smaḥ || 389 ||
[Analyze grammar]

ity asmākaṃ nāgaśāpopanīto vṛttānto 'yaṃ tvadviyoge caturṇām |
kṣīṇe śāpe cādhunāsmābhir etair yuktaḥ sarvaiḥ kāryasiddhyai prayāhi || 390 ||
[Analyze grammar]

etanmṛgāṅkadatto nijasacivādvyāghrasenataḥ śrutvā |
lābhe śaśāṅkavatyā labdhadhṛtistāṃ niśāmanayat || 391 ||
[Analyze grammar]