Chapter 32

tatas tasyāntikaṃ bhikṣoḥ kṣāntiśīlasya bhūpatiḥ |
sa trivikramaseno 'tra prāpa skandhe śavaṃ vahan || 1 ||
[Analyze grammar]

dadarśa taṃ ca śramaṇaṃ mārgābhimukham ekakam |
kṛṣṇapakṣakṣapāraudre śmaśāne tarumūlagam || 2 ||
[Analyze grammar]

asṛgliptasthale gaureṇāsthicūrṇena nirmite |
maṇḍale dikṣu vinyastapūrṇaśoṇitakumbhake || 3 ||
[Analyze grammar]

mahātailapradīpāḍhye hutapārśvasthavahnini |
saṃbhṛtocitasaṃbhāre sveṣṭadaivatapūjane || 4 ||
[Analyze grammar]

upāgāc ca sa taṃ rājā so 'pi bhikṣur vilokya tam |
ānītamaṭakaṃ harṣād utthāyovāca saṃstuvan || 5 ||
[Analyze grammar]

duḥkaro me mahārāja vihito 'nugrahas tvayā |
tvā dṛśāḥ kva kva ceṣṭeyaṃ deśakālau kva cedṛśau || 6 ||
[Analyze grammar]

niḥkampaṃ satyam evāhur mukhyaṃ tvāṃ kulabhūbhṛtām |
evam ātmānapekṣeṇa parārtho yena sādhyate || 7 ||
[Analyze grammar]

etad eva mahattvaṃ ca mahatām ucyate budhaiḥ |
pratipannād acalanaṃ prāṇānām atyaye 'pi yat || 8 ||
[Analyze grammar]

iti bruvan sa siddhārthamānī bhikṣur mahīpateḥ |
tasyāvatārayāmāsa skandhāt taṃ maṭakaṃ tadā || 9 ||
[Analyze grammar]

snapayitvā samālabhya baddhamālyaṃ vidhāya ca |
maṭakaṃ maṇḍalasyāntaḥ sthāpayāmāsa tasya tat || 10 ||
[Analyze grammar]

bhasmoddhūlitagātraś ca keśayajñopavītabhṛt |
prāvṛtapretavasano bhūtvā dhyānasthitaḥ kṣaṇam || 11 ||
[Analyze grammar]

tasmin mantrabalāhūtaṃ praveśya nṛkalevare |
taṃ vetālavaraṃ bhikṣuḥ pūjayāmāsa sa kramāt || 12 ||
[Analyze grammar]

dadau tasmai kapālārghapātreṇārghyaṃ sunirmalaiḥ |
naradantais tataḥ puṣpaṃ sugāndhi ca vilepanam || 13 ||
[Analyze grammar]

dattvā mānuṣanetraiś ca dhūpaṃ māṃsair baliṃ tathā |
samāpya pūjāṃ rājānaṃ tam uvāca sa pārśvagam || 14 ||
[Analyze grammar]

rājann ihāsya mantrādhirājasya kṛtasaṃvidheḥ |
praṇāmam aṅgair aṣṭābhir nipatya kuru bhūtale || 15 ||
[Analyze grammar]

yenābhipretasiddhiṃ te dāsyaty eṣa varapradaḥ |
śrutvaitat smṛtavetālavacā rājābravīt sa tam || 16 ||
[Analyze grammar]

nāhaṃ jānāmi tat pūrvaṃ pradarśayatu me bhavān |
tatas tathaiva tad ahaṃ kariṣye bhagavann iti || 17 ||
[Analyze grammar]

tato darśayituṃ yāvat sa bhikṣuḥ patito bhuvi |
tāvat khaḍgaprahāreṇa sa rājāsya śiro 'cchinat || 18 ||
[Analyze grammar]

ācakarṣa ca hṛtpadmam udarād asya pāṭitam |
vetālāya ca tasmai tacchirohṛtkamalaṃ dadau || 19 ||
[Analyze grammar]

sādhuvāde tato datte prītair bhūtagaṇais tataḥ |
tuṣṭo 'bravīt sa vetālo nṛpaṃ taṃ nṛkalevarāt || 20 ||
[Analyze grammar]

rājan vidyādharendratvaṃ bhikṣor āsīd yad īpsitam |
tat tāvad bhūmisāmrājyabhogānte te bhaviṣyati || 21 ||
[Analyze grammar]

kleśito 'si mayā yat tvaṃ tad abhīṣṭaṃ varaṃ vṛṇu |
ity uktavantaṃ vetālaṃ sa rājā tam abhāṣata || 22 ||
[Analyze grammar]

tvaṃ cet prasannaḥ ko nāma na siddho 'bhimato varaḥ |
tathāpy amoghavacanād idaṃ tvatto 'ham arthaye || 23 ||
[Analyze grammar]

ādyāḥ praśnakathā etā nānākhyānamanoramāḥ |
caturviṃśatir eṣā ca pañcaviṃśī samāptigā || 24 ||
[Analyze grammar]

sarvāḥ khyātā bhavantv etāḥ pūjanīyāś ca bhūtale |
iti tenārthito rājñā vetālo nijagāda saḥ || 25 ||
[Analyze grammar]

evam astu viśeṣaṃ ca śṛṇu vacmy atra bhūtale |
yāś caturviṃśatiḥ pūrvā yaiṣā caikā samāpinī || 26 ||
[Analyze grammar]

kathāvalīyaṃ vetālapañcaviṃśatikākhyayā |
khyātā jagati pūjyā ca śivā caiva bhaviṣyati || 27 ||
[Analyze grammar]

yaḥ ślokamātram apy asyāḥ kathayiṣyati sādaraḥ |
yo vā śroṣyati tau sadyo muktapāpau bhaviṣyataḥ || 28 ||
[Analyze grammar]

yakṣavetālakūṣmāṇḍaḍākinīrākṣasādayaḥ |
na tatra prabhaviṣyanti yatraiṣā kīrtayiṣyate || 29 ||
[Analyze grammar]

ity uktvā sa yayau tasmān nirgatya nṛkalevarāt |
yathābhirucitaṃ dhāma vetālo yogamāyayā || 30 ||
[Analyze grammar]

tatas tatra suraiḥ sārdhaṃ rājñas tasya maheśvaraḥ |
sākṣād āvirabhūt tuṣṭaḥ praṇataṃ cādideśa tam || 31 ||
[Analyze grammar]

sādhu vatsa hato 'dyāyaṃ yat tvayā kūṭatāpasaḥ |
vidyādharamahācakravartitāhaṭhakāmukaḥ || 32 ||
[Analyze grammar]

tvam ādau vikramādityaḥ sṛṣṭo 'bhūḥ svāṃśato mayā |
mleccharūpāvatīrṇānām asurāṇāṃ praśāntaye || 33 ||
[Analyze grammar]

adya coddāmadurvṛttadamanāya mayā punaḥ |
tvaṃ trivikramasenākhyo hīraḥ sṛṣṭo 'tra bhūpatiḥ || 34 ||
[Analyze grammar]

ataḥ sadvīpapātālāṃ sthāpayitvā mahīṃ vaśe |
vidyādharāṇam acirād adhirājo bhaviṣyasi || 35 ||
[Analyze grammar]

bhuktvā divyāṃś ciraṃ bhogān udvignaḥ svecchayaiva tān |
tyaktvā mamaiva sāyujyam ante yāsyasy asaṃśayam || 36 ||
[Analyze grammar]

aparājitanāmānaṃ khaḍgaṃ caitaṃ gṛhāṇa me |
yasya prasādāt sarvaṃ tvaṃ prāpsyasy etad yathoditam || 37 ||
[Analyze grammar]

ity uktvā khaḍgaratnaṃ tad dattvā tasmai mahībhṛte |
vākpuṣpābhyarcitas tena devaḥ śaṃbhus tirodadhe || 38 ||
[Analyze grammar]

atha dṛṣṭvaiva samāptaṃ kāryam aśeṣaṃ niśi prabhātāyām |
praviveśa sa trivikramasenaḥ svapuraṃ nṛpaḥ pratiṣṭhānam || 39 ||
[Analyze grammar]

tatra kramāvagatarātriviceṣṭitābhir abhyarcitaḥ prakṛtibhir vitatotsavābhiḥ |
snānapradānagiriśārcananṛttagītavādyādibhis tad akhilaṃ sa dinaṃ nināya || 40 ||
[Analyze grammar]

alpair eva ca vāsaraiḥ sa nṛpatiḥ śārvasya vīryād aseḥ sadvīpāṃ sarasā talāṃ ca bubhuje niḥkaṇṭakāṃ medinīm |
saṃprāpyātha harājñayā sumahatīṃ vidyādharādhīśatāṃ bhuktvā tāṃ suciraṃ jagāma bhagavatsāyujyam ante kṛtī || 41 ||
[Analyze grammar]

iti vikramakesarī sa mantrī ciramilitaḥ pathi śāpaviprayogāt |
abhidhāya punar mṛgāṅkadattaṃ prakṛtārthaṃ nijagāda rājaputram || 42 ||
[Analyze grammar]

evaṃ deva sa vṛddho vipro vetālapañcaviṃśatikām |
etāmākhyāya kathāṃ grāme tasminnuvāca māṃ bhūyaḥ || 43 ||
[Analyze grammar]

tatputra sa trivikramaseno rājā kilaivamaklībaḥ |
vetālānugrahataḥ kim iva na yatprāptavāniṣṭam || 44 ||
[Analyze grammar]

tasmād iha tvam api mantram imaṃ gṛhītvā mattaḥ prasādaya vimuktaviṣādavṛttiḥ |
vetālamukhyam amunā prabhuṇā mṛgāṅkadattena saṃgamamavāpsyasi vīra yena || 45 ||
[Analyze grammar]

nahyaprāpyaṃ kiṃcid utsāhabhājāṃ bhagnotsāho vatsa ko nāvasīdet |
tat te prītyā vacmi yat tat kuruṣva tvaṃ me bandhuḥ sarpadaṃśārtihartā || 46 ||
[Analyze grammar]

ity uktavatas tasmād viprād ādāya sakriyaṃ mantram |
taṃ cāmantrya tato 'haṃ devojjayinīṃ gato 'bhūvam || 47 ||
[Analyze grammar]

tatra śmaśāne maṭakaṃ rajanyām āhṛtya kṛtvā snapanādi tasya |
āhūya mantreṇa ca tena tasmin vetālamasmyarcitavānyathāvat || 48 ||
[Analyze grammar]

bhojyaṃ mahāmāṃsamadāyi tasmai tṛptyai tadā so 'pi tadāśu jagdhvā |
tṛpto 'smi naivānyadupānayeti mām abhyadhānmānuṣamāṃsagṛdhruḥ || 49 ||
[Analyze grammar]

kālaṃ yadā nākṣamatātra kiṃcid utkṛttya māṃsāni tadā nijāni |
prādāmahaṃ prītikarāṇi tasmai yogeśvarastena sa me 'bhyatuṣyat || 50 ||
[Analyze grammar]

athābravīn māṃ sa sakhe dṛḍhena sattvena tuṣṭo 'smyamunādhunā te |
tatpūrvavadvīra bhavākṣatāṅgo vṛṇīṣva matto varamīpsitaṃ cā || 51 ||
[Analyze grammar]

ity uktavantaṃ tam ahaṃ tadaiva pratyabravaṃ māṃ naya deva tatra |
yatra prabhurme sa mṛgāṅgadatto nātaḥ paro 'nyo 'bhimato varo me || 52 ||
[Analyze grammar]

etat sa vetālapatir niśamya mām abhyadhāttarhi mamāṃsapṛṣṭham |
āroha yāvattarasā bhavantaṃ tasyāntikaṃ svasya vibhornayābhi || 53 ||
[Analyze grammar]

ity eva tasyoktavatas tatheti skandhāgramārohamahaṃ prasahya |
tatovahanmāṃ sa nabhaḥpathena prātiṣṭhata pretatanupraviṣṭaḥ || 54 ||
[Analyze grammar]

ānīya cehādya vilokya yuṣmān mārge 'vatāryāmbarataś ca tena |
etena vetālavareṇa deva saṃprāpito 'haṃ tava pādamūlam || 55 ||
[Analyze grammar]

samāgataś ca prabhuṇāham adya gataḥ sa cāpy eṣa samāptakṛtyaḥ |
ity eṣa me mānada nāgaśāpād bhavadviyuktasya mahānudantaḥ || 56 ||
[Analyze grammar]

iti vikramakesariṇo nijasacivāc chrutaviyogavṛttāntaḥ |
mārge mṛgāṅkadatto gacchan kāntānimittam ujjayinīm || 57 ||
[Analyze grammar]

pārāvatākhyaśāpabhraṣṭakramamilitakatipayāmātyaḥ |
mumude sa rājaputraḥ saṃbhāvitasakalasādhyasaṃpattiḥ || 58 ||
[Analyze grammar]