Jayakhya-samhita [sanskrit]

41,582 words | ISBN-13: 9788179070383

The Sanskrit text of the Jayakhya-samhita: considered one of three most ancient of Vaishnava Agamas, belonging to the Pancaratra tradition. Important opics of the Jayakhya-samhita include Philosophy, Cosmology, Emancipation of sous (Jiva) and Tantric practices Alternative titles: Jayākhyasaṃhitā (जयाख्यसंहिता), Jayākhya-saṃhitā (जयाख्य-संहिता), Jayakhyasamhita.

Chapter 33

śrībhagavān |
atha yogavibhūtyarthaṃ yogaṃ yuñjīta vaiṣṇavaḥ |
sugupte vijane deśe nirdvande śubhalakṣaṇe || 1 ||
[Analyze grammar]

jitadarpāṃ matiṃ kṛtvā sarvabhūtahite sthitaḥ |
devāgnigurubhaktaśca sacchāstrābhiratassadā || 2 ||
[Analyze grammar]

bhūtadrohaparityāgī āste yaḥ saṃyatendriyaḥ |
āsane copaviṣṭastu suśubhe lakṣaṇānvite || 3 ||
[Analyze grammar]

śubhadārusamutthe tu caturviṃśāṅgulāyate |
dvādaśāṅgulakotsedhe sudhautenāpi vāsasā || 4 ||
[Analyze grammar]

kuśaiśca mṛdubhiśchanne pavitreṇātha carmaṇā |
tatropaviṣṭaḥ satataṃ yogāṅgāni samabhyaset || 5 ||
[Analyze grammar]

prāṇāyāmasya trevidhyam |
recakādicaturbhistu mātrābhedakṛtaistu saḥ |
kanīyānmadhyamo jyeṣṭhaḥ prāṇāyāmaḥ prakīrtitaḥ || 6 ||
[Analyze grammar]

pratyāhāraṃ tataḥ kuryāccittasaṃyamanaṃ tu saḥ |
buddhirmanastvahaṅkārastribhiścittaṃ prakīrtitam || 7 ||
[Analyze grammar]

tathāpi manasaḥ kuryātpratyāhāraṃ prayatnataḥ |
manaścaturvidhaṃ proktaṃ pratyāhāreṇa nirjitam || 8 ||
[Analyze grammar]

tiṣṭhate lakṣyamārge tu a nyathā tu kadācana |
dhyānaṃ lakṣyasya niṣpattiścintanaṃ tatprakīrtitam || 9 ||
[Analyze grammar]

dhāraṇā tu tato dhāryā śītadāhāpanuttaye |
pañcadhā pūrvavatsā tu pratimantravyavasthayā || 10 ||
[Analyze grammar]

japaṃ nimīlitākṣeṇa kuryānmantraṃ tu vācakam |
vācyasya pratipattyarthaṃ piṇḍabījapadātmakam || 11 ||
[Analyze grammar]

trividhaṃ vai samuddiṣṭaṃ prāguktavidhibhāvitam |
yogo'pi trividhaḥ proktastaṃ ca kārtsyena me śṛṇu || 12 ||
[Analyze grammar]

prākṛtaṃ pauruṣaṃ caiva aiśvaryaṃ ca tṛtīyakam |
uhastu kīrtyate tarkastacca siddhivicārakam || 13 ||
[Analyze grammar]

samādhistvātmalābhaḥ syādātmajaḥ parikīrtitaḥ |
sa tu lakṣyaṃ parityajya mantroccāraṇavarjitam || 14 ||
[Analyze grammar]

sadā vibhajyate brahman kalāṃśavidhivarjitam |
samādhau pariniṣpanne paramāpnoti pūruṣam || 15 ||
[Analyze grammar]

prāṇāyāmādito yāvatsamādhyantaṃ prakīrtitam |
dviguṇaṃ triguṇaṃ caiva mātrābhedena saṃsthitam || 16 ||
[Analyze grammar]

yogāsanasthaḥ kurvīta vidhimeva yathoditam |
yogāsanāni catvāri yogapaṭṭena bandhayet || 17 ||
[Analyze grammar]

paryaṅkaṃ kamalaṃ vā'pi bhadraṃ vā svastikaṃ dṛḍham |
eṣāmekatame sthitvā ṛjukāyordhvataḥ kramāt || 18 ||
[Analyze grammar]

spaṣṭāṅgasandhiḥ kurvīta vistīrṇoruḥ sa kandharaḥ |
bāhū parisamau kṛtvā kiñcidākuñcayecchiraḥ || 19 ||
[Analyze grammar]

nābhau jaghanamadhye vā hastau kacchapasaṃsthitau |
savyasya coparisthaṃ tu vāme savyamathāpi vā || 20 ||
[Analyze grammar]

uttānau tu karau kṛtvā kacchapītāṃ niyo jayeta |
grīvāṃ tu bibhṛyādyatnānnātistabdhāṃ na kuṃcitām || 21 ||
[Analyze grammar]

kiñcinnimīlayennetrai nāsāgramavalokayet |
samudbhavatpidhāyāsyaṃ dantairdantānasaṃspṛśan || 22 ||
[Analyze grammar]

sagarbhaṃ yogamātiṣṭhennirgarbhaṃ vā suyantritaḥ |
tataḥ pramathayedvāyuṃ prāṇākhyaṃ cittasaṃyutam || 23 ||
[Analyze grammar]

recakādicaturbhedaiḥ prāṇāyāmaḥ prakīrtitaḥ |
cittaṃ jayetsadā yatnāddurjayaṃ devadānavaiḥ || 24 ||
[Analyze grammar]

yadyapyabhyāsavairāgyaiścittaṃ saṃyamyate balāt |
tathāpi yatnādātiṣṭhetpūrvādhīnaṃ tu varjayet || 25 ||
[Analyze grammar]

dvividhāste tu vijñeyāssannikṛṣṭā manogatāḥ |
sannikṛṣṭāḥ sthānagatāścittopā sanayā kṛtāḥ || 26 ||
[Analyze grammar]

na daṃśamaśakākīrṇe niśśabde gandhavarjite |
nimīlitākṣassantiṣṭhetsarvendriyavivarjitaḥ || 27 ||
[Analyze grammar]

evaṃ parityajetsarvānupādhīnsannikarṣajān |
vāsanotthāṃśca vividhānsamyaglakṣyaṃ samāsthitaḥ || 28 ||
[Analyze grammar]

pratyāharet sadā cittaṃ vikṣiptaṃ sarvavastuṣu |
tāmasaṃ tattu boddhavyaṃ cittaṃ sarvatragaṃ sadā || 29 ||
[Analyze grammar]

gataṃ rāgādito jñeyamabhyāsādrājasaṃ tu tat |
sātvikaṃ kathyate cittaṃ saṃśliṣṭaṃ lakṣyagocare || 30 ||
[Analyze grammar]

saṃlīnaṃ ca tato jñeyaṃ guṇātītaṃ tapodhana |
dhyānamevaṃvidhaṃ kuryātsagarbhaṃ prāṇanigrahe || 31 ||
[Analyze grammar]

ucyate ca tato bhūyastrividhaṃ yogināṃ hitam |
sakalaṃ niṣkalaṃ viṣṇuṃ tṛtīyaṃ pararūpiṇam || 32 ||
[Analyze grammar]

anyatra trividhaṃ jñeyaṃ śabdaṃ vyoma savigraham |
vigrahaṃ devarūpasya lakṣyarūpaṃ vicintayet || 33 ||
[Analyze grammar]

dhyānamevaṃ samuddiṣṭaṃ yāvadvyomāntimaṃ bhavet |
tāvacca bhāvayellakṣyaṃ yāvallakṣyaṃ na bhāvayet || 34 ||
[Analyze grammar]

bhāve hyabhāvamāpanne svasvabhāvaḥ paraḥ smṛtaḥ |
sthūlaṃ pūrvaṃ samabhyasyettataḥ sūkṣmaṃ tataḥ param || 35 ||
[Analyze grammar]

evaṃ vilīyate cittaṃ lakṣyaṃ copādhibhissaha |
vigrahaṃ devadevasya dhyāyeddhṛtpadmagocare || 36 ||
[Analyze grammar]

tato'nyaccintayellakṣyaṃ stūlaṃ sūkṣmaṃ tataḥ param |
evamabhyasyamānasya guṇotkarṣaḥ prajāyate || 37 ||
[Analyze grammar]

candrārkāgnimayaṃ bimbaṃ ravimaṇḍalasannibham |
śuklarūpadharañcāpi guṇotkarṣapradāyakam || 38 ||
[Analyze grammar]

tataḥ sūkṣmataraṃ binduṃ rājamudgasamaprabham |
taṃ vidyātsarvamantrāṇāmūrdhvamākramya tiṣṭhati || 39 ||
[Analyze grammar]

tatastu rājakābījapramāṇaṃ cintayetkramāt |
utpādakamathāsyāpi yasyānte nādamāśritaḥ || 40 ||
[Analyze grammar]

taṃ vilīya samutpannamaśvavālapramāṇakam |
yassadā gacchati vyomni manaścāgacchate hṛdi || 41 ||
[Analyze grammar]

tato vicintayetsūkṣmaṃ śirovālapramāṇakam |
brahmanāḍīmanenāśu paśyanti dhyānasecanāt || 42 ||
[Analyze grammar]

tato'ṅgaromamātraṃ tu bisavālasamaṃ tataḥ |
dhyāyenniyamamāsthāya brahmanāḍīprakāśakam || 43 ||
[Analyze grammar]

tadā sā dṛśyate nāḍī sādṛśyarahitā parā |
tayā yāyātparaṃ sthānaṃ brahmarandhrapathena tu || 44 ||
[Analyze grammar]

evaṃ tu niṣkalaṃ dhyāyetso'pi līnaḥ pare pade |
paraṃ tvabhyasamānasya unmanastvaṃ prajāyate || 45 ||
[Analyze grammar]

tatastu vyajyate sattā svakīyā brahmarūpiṇī |
śabdarūpaṃ tu vā dhyāyedevaṃ sakalaniṣkalam || 46 ||
[Analyze grammar]

navā C L navāṃ S |
nārāyaṇātmakaṃ mantraṃ praṇavādinamontakam |
dhyāyecchabdamayo hyeṣa sakalaḥ parameśvaraḥ || 47 ||
[Analyze grammar]

niṣkalaṃ varṇamekaṃ tu kṣauṃ hrīṃ vā'pi cintayet |
tato'pi niṣkalaṃ binduṃ tanmūrdhasthaṃ tridaivatam || 48 ||
[Analyze grammar]

sā śaktistata utpannā pramāṇārdhapramāṇakā |
sā śaktirlīyate nāde nādo yāti layaṃ pare || 49 ||
[Analyze grammar]

evaṃ hi dhyānayogena paraṃ paśyanti śāśvatam |
atha vā'lokaśabdau hi prathayitvā vicintayet || 50 ||
[Analyze grammar]

svayaṃ vilīno yatraiva tatraiva paramaṃ padam |
athavā vyomarūpaṃ tu dhyeyaṃ tattvaṃ sanātanam || 51 ||
[Analyze grammar]

bāhyāntasthaṃ śikhātītaṃ trivyomaṃ cintayetsadā |
mukhye'ntasthaṃ paraṃ dhyātvā na bhūyo bhavabhākmavet || 52 ||
[Analyze grammar]

evaṃ dhyātvā bhavenmuktirbhuktistu sakale sthitā |
sakalo devadevasya vigraho viṣṇurūpiṇaḥ || 53 ||
[Analyze grammar]

śaṅkhapadmadharo devo gadāpadmavimūṣitaḥ |
caturbhujaścaturmūrtiścaturvakraḥ sulocanaḥ || 54 ||
[Analyze grammar]

lakṣmīvakṣāḥ khagārūḍhaḥ sarvaratnopaśobhitaḥ |
kṛṣṇassurottamo viṣṇurjiṣṇussarvatrago hariḥ || 55 ||
[Analyze grammar]

halahetirhayagrīvo harirūpadharaḥ prabhuḥ |
nṛharī kroḍarupī ca śaktyaṅgaśca maheśvaraḥ || 56 ||
[Analyze grammar]

hara V CL bala A |
evamāsthāya niyamaṃ piṇḍavattvaṃ parityajet |
parijñāya purā piṇḍaṃ pāka lakṣaṇamuttamam || 57 ||
[Analyze grammar]

dhyāya A |
niruddhaṃ sandhimārgaṃ tu kṛtvā dehasamīraṇam |
muktvā sadbrahmarandhreṇotkrāntikaraṇena tu || 58 ||
[Analyze grammar]

dhyātvā parityajeddehaṃ nityābhyāsarato yadi |
sa brahmaparamabhyeti vāsudevākhyamavyayam || 59 ||
[Analyze grammar]

nārada |
dehapātakālābhijñānaliṅgānukīrtanam2 |
bhagavan śrotumicchāmi etatsaṃkṣepatastvaham |
lakṣaṇaṃ dehapātasya vāyorgatinirodhanam || 60 ||
[Analyze grammar]

śrībhagavān |
yuktāhāravihārasya kriyāsaktasya nārada |
yuktasvapnāvabodhasya samadhātoḥ sadaiva hi || 61 ||
[Analyze grammar]

nirvartate sadāśabdo hṛdgato dundubhissvanaḥ |
sṛjacchītātape kāle na jānātyuṣṇaśītalau || 62 ||
[Analyze grammar]

sparśo'gninā'tape A |
dhyātvā jyotirbhruvormadhye dvādaśānte'tha nārada |
pratya meti vai śabdo na codetyathavā mune || 63 ||
[Analyze grammar]

śīghraṃ A |
na jānāti samādhistho hrādamābjaṃ yadāntare |
pariśuṣyati gātrasthaṃ śoṇitaṃ śleṣmalakṣaṇam || 64 ||
[Analyze grammar]

na vetti pārthivaṃ gandhaṃ sa bāhyābhyantare yadā |
piṇḍapātastadā vipra boddhavyo na cireṇa tu || 65 ||
[Analyze grammar]

pārthivyā saṃsthitaścaiva dhāraṇāyāṃ samāhitaḥ |
na vetti śabdaṃ prāguktaṃ pañcāhātpañcame kṣaṇe || 66 ||
[Analyze grammar]

sthitassamādhau vā'pyetau śītoṣṇau nānuvindati |
pateddinacatuṣkeṇa piṇḍastatkalite kṣaṇe || 67 ||
[Analyze grammar]

rūpadhyānaṃ samāsādya pūrvoktavidhinā yadi |
na bhāti hṛdayākāśe bahirvā jyotiṣāṃ patiḥ || 68 ||
[Analyze grammar]

piṇḍapāto hyavaśyaṃ syāttṛtīye'hni tathā kṣaṇe |
samādhau yadi vāyavye yogī nārada vartate || 69 ||
[Analyze grammar]

na vetti paramāhlādaṃ tṛṣitaḥ parikrampate |
dinadvayena piṇḍasya pātaḥ syāddvitaye kṣaṇe || 70 ||
[Analyze grammar]

sthito gaganabhāve tu prāguktavidhinā yadi |
na vetti vividhaṃ gandhamantarbāhye śubhāśubham || 71 ||
[Analyze grammar]

bhagana A |
tatraivāsya dine pātaḥ kṣaṇe prathamalakṣaṇe |
dhyātvaivaṃ muniśārdūla yogī dhyānaikamānasaḥ || 72 ||
[Analyze grammar]

svayamutkramate piṇḍādyāyādbrahmaniketanam |
praviśetpiṇḍamanyaṃ vā prāgvatsandhānayojitaḥ || 73 ||
[Analyze grammar]

kālo yaddehapātasya lakṣaṇena samāsataḥ |
kathitaḥ sārabhūtasya vāyossaṃrodha ucyate || 74 ||
[Analyze grammar]

sagarbhaṃ hṛdayāvāsāduddhṛtya katalāvadhi |
aprameyavihīnaṃ tu vikarālaṃ niyojayet || 75 ||
[Analyze grammar]

pradhānaṃ kaṇṭhakūpe tu na yāti hṛdayaṃ punaḥ |
smaredvijanmapuṭake pradhānaṃ vyāpakojjhitam || 76 ||
[Analyze grammar]

pandhānaṃ nanda.............yetprana thamavarjitam |
rodhamārgadvayasyaivaṃ dadyātsavyetarasya tu || 77 ||
[Analyze grammar]

dantakoṭisthaṃ A |
netranāsānanākhyasya tataścavyaktabhāsvaram |
mantrānte kevalaṃ vā'tha vaṣaḍ dhyāyetkharandhragam || 78 ||
[Analyze grammar]

prākrametparamātmānaṃ tyaktvā piṇḍamimaṃ mune |
paripavkasamānaṃ ca āśrayecchāśvataṃ padam || 79 ||
[Analyze grammar]

ityetatkathitaṃ sarvaṃ paṃcarātrārthamuttamam |
sarvasvamiva viprendra rakṣaṇīyaṃ prayatnataḥ || 80 ||
[Analyze grammar]

saṃhitāyā mahimānuvarṇanam3 |
sarvottamā saṃhitaiṣā sarvavijñānadīpikā |
nākhyeyā duṣṭabuddhīnāṃ narāṇāṃ kaluṣātmanām || 81 ||
[Analyze grammar]

matsarāṇāmabhaktānāṃ śaṭhānāṃ chadmacāriṇām |
garvānme śāstrasadvastunindakānāṃ viśeṣataḥ || 82 ||
[Analyze grammar]

madbhaktadūṣakāṇāṃ ca śuṣkatarkaratātmanām |
śāstrāpakartṝṇāmanyadarśane bhāvitātmanām || 83 ||
[Analyze grammar]

deyaṃ viviktabuddhīnāṃ svadharmaniratātmanām |
saṃsārabhayabhītānāṃ madbhaktiniratātmanām || 84 ||
[Analyze grammar]

macchāsanaprapannānāṃ ye paśyanti sadā mune |
madbhāvino matsamayāddṛṣṭyā cātiviśuddhayā || 85 ||
[Analyze grammar]

teṣāṃ vācyamidaṃ śāstraṃ dīkṣāṃ kṛtvā yathāvidhi |
pradarśya mantrasaṃghaṃ vā pūjitaṃ maṇḍalaṃ purā || 86 ||
[Analyze grammar]

śāstrārthamanuvaktavyaṃ śāstramādau prapūjya ca |
yenāśu vividhā siddhirdvayorbhavati śāśvatī || 87 ||
[Analyze grammar]

Other editions:

Also see the following editions of the Sanskrit text or (alternative) English translations of the Jayakhya-samhita Chapter 33

Cover of edition (2002)

The Pancaratra Agamas (an Introduction)
by Swami Harshananda (2002)

[Publisher: Ramakrishna Math, Bangalore]

Buy now!
Like what you read? Consider supporting this website: