Jayakhya-samhita [sanskrit]

41,582 words | ISBN-13: 9788179070383

The Sanskrit text of the Jayakhya-samhita: considered one of three most ancient of Vaishnava Agamas, belonging to the Pancaratra tradition. Important opics of the Jayakhya-samhita include Philosophy, Cosmology, Emancipation of sous (Jiva) and Tantric practices Alternative titles: Jayākhyasaṃhitā (जयाख्यसंहिता), Jayākhya-saṃhitā (जयाख्य-संहिता), Jayakhyasamhita.

nārada |
kāmyaṃ pretaṃ pitṛśrāddhaṃ tvatprasādānmayā śrutam |
idānīṃ śrotumicchāmi gatāsūnāṃ ca saṃskṛtim || 1 ||
[Analyze grammar]

tvacchāsanaprapannānāṃ kathayasva samāsataḥ |
udīritaṃ tvayā pūrvaṃ noditaṃ ca parisphuṭam || 2 ||
[Analyze grammar]

bhagavān |
vipannaṃ dīkṣitaṃ jñātvā prārthanīyo mahāguruḥ |
snehena kṛpayā vā'tha saha śiṣyaiḥ kṛtātmabhiḥ || 3 ||
[Analyze grammar]

yāyātkṛtāhnikaḥ śaśvadabhuktānno viśeṣataḥ |
śavasaṃskāravidhānam |
prāguktayā purā dṛṣṭyā avalokya ca taṃ dvija || 4 ||
[Analyze grammar]

śavasya snapanālaṅkaraṇe |
datvā'jñāṃ tu samutthāpya snāpayettu mṛtaṃ purā |
astramantrābhijaptena gomayena mṛdambhasā || 5 ||
[Analyze grammar]

sugandhāmalakaiḥ snāpya sarvauṣadhyudakena ca |
candanena samālipya sabāhlīkena nārada || 6 ||
[Analyze grammar]

sakaṣāye site vā'tha vāsasī hyadharottare |
paridhāpyopavītaṃ ca sottarīyaṃ tathā navam || 7 ||
[Analyze grammar]

pavitrakadvayaṃ tatra yojyāṅgulyoḥ kuśaiḥ kṛtam |
puṣpasragbhūṣitaṃ kṛtvā sthāpya yantre paṭāvṛte || 8 ||
[Analyze grammar]

śavasya saṃskārasthānanayanam |
gṛhītvā'tha svajātīyairdīkṣitairvā'pyadīkṣitaiḥ |
tannayetsaṃskṛtisthānamasthyaṅgārādivarjitam || 9 ||
[Analyze grammar]

saṃskṛtisthānasamīkaraṇam |
upalipya purā tadvai samīkṛtya yathāvidhi |
bhaikṣapātrādidravyāṇāṃ tadīyānāṃ tacchavena saha nayanam |
bhaikṣapātraṃ tathā daṇḍaṃ sruksruvau cākṣasūtrakam || 10 ||
[Analyze grammar]

pāduke āsanaṃ caiva yogapaṭṭaṃ tathaiva ca |
dāravaṃ bhadrapīṭhaṃ ca sārghyapātraṃ kamaṇḍalum || 11 ||
[Analyze grammar]

māṃtropakaraṇaṃ sarvaṃ padīyaṃ munisattama |
tatra varjyadravyāṇi |
hiraṇyavastraśāstraiśca ghaṇṭayā ca vivarjitam || 12 ||
[Analyze grammar]

tacchrāddhakāle dātavyaṃ tatprītyarthaṃ hi kasyacit |
pretasaṃskāropakaraṇadravyāṇāmagrato nayanam |
nayettasyāgrataḥ puṣpamarghyāmbukusumādikam || 13 ||
[Analyze grammar]

upayojyaṃ ca yattatra arcane homakarmaṇi |
aśvatthatarusaṃbhūtā aṣṭau tīkṣṇā hi śaṅkavaḥ || 14 ||
[Analyze grammar]

ayatnalabdhā viprendra anyasmādyatinaḥ svayam |
chindyādaśvatthavṛkṣaṃ tu pālāśādyamabhāvataḥ || 15 ||
[Analyze grammar]

pītaṃ vā susitaṃ sūtraṃ kṣaumaṃ kārpāsajaṃ tu vā |
samastadhānyāni tilāḥ kṛṣṇāssiddhārthakairyutāḥ || 16 ||
[Analyze grammar]

prabhūtamindhanaṃ śuṣkaṃ pālāśādyaṃ ca pāvanam |
tatra caiśānadigbhāgamāsādyopaviśedguruḥ || 17 ||
[Analyze grammar]

guruṇā'pyayakrameṇa svāṅganyāsasya kartavyatā |
samalaṅkṛtya cātmānamāpādācca śirontimam |
mantreṇāpyayayuktyā vai ṣaḍaṅgavidhinā purā || 18 ||
[Analyze grammar]

mṛtena yo'nuṣṭhito mantrastena prathamaṃ pūjanasya kartavyatā |
tadanuṣṭhānasaṃjñena prārambhe pūjayeddvija |
pariśiṣṭasya vā'nyasya ācāryasyāpi kasyacit || 19 ||
[Analyze grammar]

śāsanasthasya bhaktasya mantre cāvidite sati |
tadaparijñāne nārasihmamantreṇa pūjanavidhiḥ |
praṇavādyantaruddhena sāmānyena mahātmanā || 20 ||
[Analyze grammar]

nārasihmeṇa cogreṇa tasyoṅkāraḥ purā bhavet |
namo bhagavate kṛtvā nārasihmāya vai tata || 21 ||
[Analyze grammar]

dvādaśākṣaramantro'yaṃ sarvaiḥ sarvatra śasyate |
tannāmapūrvavarṇaṃ tu dīrghaiḥ ṣaḍbhirvibheditam || 22 ||
[Analyze grammar]

teṣāmādyāvasāne tu praṇavañcāpi yojayet |
prakalpya cāṅgaṣaṭkaṃ tu sāmānaysya ca saṃjñayā || 23 ||
[Analyze grammar]

kumbhasthāpanatatpūjanavidhiḥ |
antaḥsthaṃ pūjayitvā'dau bahistadanu pūjayet |
praṇavena purā pīṭhaṃ sādhāraṃ parikalpayet || 24 ||
[Analyze grammar]

tatrārcite nyasetpṛṣṭhe kalaśaṃ vāripūritam |
samāyaṃ vinyasenmantraṃ vilomoccārayogataḥ || 25 ||
[Analyze grammar]

astrādyamaṅgaṣaṭkaṃ tadvaiparītyena vinyaset |
hṛdyastraṃ hṛdayaṃ cāstre yathā bhavati nārada || 26 ||
[Analyze grammar]

kṛtvaivaṃ kalaśe nyāsaṃ taṃ yajedvidhinā tataḥ |
tatrāstrakalaśaṃ kuryādāsanaṃ tatra kalpayet || 27 ||
[Analyze grammar]

phaṭkāreṇa tu cakrākhyaṃ kevalaṃ raktarūpadhṛk |
nābhinemivihīnaṃ tu tadūrdhve kalaśaṃ nyaset || 28 ||
[Analyze grammar]

puṣpārghyadhūpairliptvā ca astramantraṃ tadantare |
visargaphaṭpadādyaṃ tu vaiparītyena coccaret || 29 ||
[Analyze grammar]

balidānāvasānaṃ tatpūjayitvā tato dvija |
atha maṇḍale pūjanavidhānam |
tadagre bhadrapīṭhaṃ tu yojayettadabhāvataḥ || 30 ||
[Analyze grammar]

bhūmāvupari vinyasya ādhāraṃ praṇavena tu |
aiśvaryādyaṃ tadūrdhve tu dharmāntaṃ cātha vinayset || 31 ||
[Analyze grammar]

hṛnmantreṇa tadūrdhve tu śeṣaṃ sapraṇavena tu |
kalpayenmuniśārdūla ratnapuñjanibhaṃ mahata || 32 ||
[Analyze grammar]

hṛdayāccaiva tatpṛṣṭhe mantramāvāhya vinyaset |
kevalaṃ layadehaṃ tu pūrvoccārakrameṇa tu || 33 ||
[Analyze grammar]

kuṇḍe havanavidhānam |
pūjayitvā yathānyāyaṃ tadagre'tha prakalpayet |
pramāṇarahitaṃ kuṇḍamekaṃ mekhalayā'nvitam || 34 ||
[Analyze grammar]

tatsaṃskṛtyaṃ purā tatra gaganādavatārya ca |
sūryakāntena maṇinā vaiṣṇavaṃ jātavedasam || 35 ||
[Analyze grammar]

laukikaṃ tadabhāvācca ānāyya tu tathā smaret |
tatra darbhāstaraṃ dadyātridhā dikṣvantarā graham || 36 ||
[Analyze grammar]

saṃskṛtya pāvakaṃ prāgvannamo'ntaṃ juhuyāttataḥ |
homaḥ |
mūlamantraṃ śataṃ sāṣṭaṃ tilairājyena vai tathā || 37 ||
[Analyze grammar]

saṃhārakramayogena smṛtvā mantraṃ tato'ntagam |
dadyātpūrṇāhutiṃ vipra tataścārghyāmbunā tu vai || 38 ||
[Analyze grammar]

atha śavasya prokṣaṇādi |
taṃ śavaṃ prokṣaṇīyaṃ ca tāḍayitvā'valokya ca |
cakṣuṣā jñānapūrṇena karuṇānugatena ca || 39 ||
[Analyze grammar]

datvā'rghyapuṣpe śirasi dūrasthaścāspṛśaṃśca tam |
ānāyya pṛṣṭhadeśaṃ tu kalaśābhyāṃ dvijottama || 40 ||
[Analyze grammar]

āsane tvapakṛṣṭe tu kāyaṃ sandhāya kenacit |
taṃ vīkṣamāṇaḥ kuṇḍastho gurustūpaviśettataḥ || 41 ||
[Analyze grammar]

prākkarmapariśuddhaṃ tu mṛtaṃ saṃskāravarjitam |
āhvānapūrvakaṃ jīvasya śavaśarīre yojanavidhānam |
jīvaṃ ca kevalībhūtaṃ sāmīpyapadavīgatam || 42 ||
[Analyze grammar]

mantreṇāhūya dehasthaṃ kṛtvā tadanu yojayet |
pūrvavacchavapiṇḍe tu ratnadīpojjvalaprabham || 43 ||
[Analyze grammar]

jīvāhvānamantraḥ |
praṇavāntaṃ śikhābījaṃ saṃjñāṃ tadanu yojayet |
tadante tu śikhābījaṃ prabhā vāntaṃ nyasetpunaḥ || 44 ||
[Analyze grammar]

āgaccha .... netasya praviśyā tha niyojayet |
evaṃ svasthānagaṃ kṛtvā jīvaṃ śukragataṃ tviha || 45 ||
[Analyze grammar]

svasthānaṃ gamitasya jīvasya paratattve saṃyojanavidhānam |
vyāpāraśaktisaṃyuktaṃ kāṣṭhasthamiva pāvakam |
dīkṣākhyena krameṇāsya layahomastu kevalaḥ || 46 ||
[Analyze grammar]

kartavyo guruṇā samyak prathivyādikrameṇa tu |
pare tattve tu saṃyojya pūrṇāhutyā tu pūrvavat || 47 ||
[Analyze grammar]

atha citākalpanavidhānam |
dakṣiṇenātmanaścātha prokṣya kṣmāmastravāriṇā |
tilaiḥ siddhārthakairdhānyairmiśrībhūtaistu nārada || 48 ||
[Analyze grammar]

nābhinemivihīnaṃ ca kālacakraṃ samāpayet |
vāmāvartadviṣaṭkāraṃ trikoṇaṃ tadbahiḥ puraḥ || 49 ||
[Analyze grammar]

taddehavarṇajvālāḍhyaṃ svastikatritayānvitam |
tadbahiścaturaśraṃ ca pañcaraṅgojjvalaṃ puram || 50 ||
[Analyze grammar]

pañcarekhānvitaṃ kuryādvajrāṣṭakavibhūṣitam |
vilomagatyā vāmena pāṇinā pātayedrajaḥ || 51 ||
[Analyze grammar]

vimānavaccitiṃ kāṣṭhairvicinvīyātpurā'hṛtaiḥ |
gomayairvā dvijāraṇyasaṃprāptaiḥ kuśamiśritaiḥ || 52 ||
[Analyze grammar]

antakāśāditaścātha nairṛtyāntaṃ tu śaṅkavaḥ |
ropaṇīyā hi sūtreṇa trirāvṛttena veṣṭayet || 53 ||
[Analyze grammar]

sarvasya pūjādravyasyopasaṃhṛtasya kuṇḍāgnau prakṣepaḥ |
pūjādravyaṃ samastaṃ ca naivedyāntaṃ hi nārada |
upasaṃhṛtya juhuyādagnau kuṇḍagate tataḥ || 54 ||
[Analyze grammar]

kumbhādisthānānmantrasyotsarjanam |
visarjya mantraṃ kumbhasthaṃ bhadrapīṭhāgnimadhyagam |
khātvā tu secayedbhūmiṃ kalaśasthena cāmbhasā || 55 ||
[Analyze grammar]

śavasya citāyāmāropaṇam |
sāsanaṃ ca tataḥ śāvaṃ dakṣiṇābhimukhaṃ tataḥ |
citopari sthitaṃ kuryāt |
yogapaṭṭādīnāṃ śavasya kaṇṭhādisthānaviśeṣe sthāpanam |
tasya kaṇṭhe vinikṣipet || 56 ||
[Analyze grammar]

vitataṃ yogapaṭṭaṃ ca dakṣiṇe cākṣasūtrakam |
vāmahaste'rdhyapātraṃ tu praṇītāṃ ca kamaṇḍalum || 57 ||
[Analyze grammar]

vāmataḥ pāduke chatraṃ uṣṇīṣaṃ dakṣiṇe nyaset |
agrato bhadrapīṭhaṃ ca śaṅkhamudrādikaṃ ca yat || 58 ||
[Analyze grammar]

saṃpūjya puṣpadhūpādyaiścandanena tu tāṃ citām |
citāprajjvālanaṃ pūrṇāhutiśca |
prajjvālya darbhapuñjīlaṃ kuṇḍasthena tu vahninā || 59 ||
[Analyze grammar]

jvālayeddakṣiṇāśāṃ ca vīkṣamāṇastu tāṃ citām |
guruścābhimukhaḥ sthitvā tasya pūrṇāhutiṃ kṣipet || 60 ||
[Analyze grammar]

mūrdhni vā vaktravivare tyajettatraiva sruksruvau |
citāparibhramaṇapūrvakamastrakalaśasya viyati prakṣepavidhiḥ |
tato'strakumbhamādāya varuṇāśādito dvija || 61 ||
[Analyze grammar]

vikṣipannaudakīṃ dhārāṃ vāmataśca paribhramet |
diśi kṣipeddakṣiṇasyāṃ kalaśaṃ gaganopari || 62 ||
[Analyze grammar]

atha snānavidhānam |
tatra saṃrakṣakāndatvā gururyāyājjalāśayam |
sacelaṃ jalamāviśya manasā copasaṃharet || 63 ||
[Analyze grammar]

pūrvoktaṃ vigrahanyāsaṃ snātvā'tha vidhinā tataḥ |
snānamācamanādyaṃ tu kṛtvā dadyājjalāñjalim || 64 ||
[Analyze grammar]

uttīrya paridhāyānyadambaraṃ śuci nirmalam |
gurvādibhiḥ kartavyo japavidhiḥ |
prāṅmukhastvāsane sthitvā manasā nṛhariṃ mune || 65 ||
[Analyze grammar]

japedaṣṭādhikaṃ bhaktyā sahasraṃ dhyānasaṃyutam |
voḍhārastu tadardhaṃ ca tadardhaṃ bhāṇḍavāhakāḥ || 66 ||
[Analyze grammar]

naktaṃ bhagavato yajanasya kartavyatā |
prāpte naktaṃ japānte vā viśeṣādacyutaṃ yajet |
japahomāvasāne ca samaśnīyāttato guruḥ || 67 ||
[Analyze grammar]

tadbāndhavaiḥ svaśiṣyaistu saṃvṛtaḥ śokaśāntaye |
asthisañcayanam |
asthisaṅghaṭanaṃ kuryāttṛtīye'hni samāgate || 68 ||
[Analyze grammar]

atravṛtaḥśokaṃ praśāntayet iti pāṭho yuktaḥ pratibhāti |
iṣṭā pūrvīśvīraṃ pūrvaṃ pūṣpārghyabalidhūpakaiḥ |
vimalāmbhasi nikṣipya agādhe vā nadījale || 69 ||
[Analyze grammar]

bhūmāvatha kṛte khāte hyadhastādviniveśayet |
na dīkṣitānāṃ viprendra kṣipedasthi tatastataḥ || 70 ||
[Analyze grammar]

ityeṣa vaiṣṇavānāṃ ca sadbhaktānāṃ mayoditaḥ |
śavasaṃskārasya sarvairavaśyakartavyatā |
dehapātikasaṃskāro hyapavargaphalapradaḥ || 71 ||
[Analyze grammar]

anuṣṭheyastatastasmācchiṣyāṇāṃ guruṇā sadā |
sacchiṣyairvā gurūṇāṃ tu strīṇāmatha mahāmate || 72 ||
[Analyze grammar]

dīkṣitānāṃ mahāyāge mātropakaraṇaṃ vinā |
saṃskārāścākhilā mantrāḥ pitrā'tha guruṇā'thavā || 73 ||
[Analyze grammar]

ātmajenātha patnyā vā kāryaścādīkṣitairapi |
kṛpayā'ghavighātārthamasandigdhatayā dhiyā || 74 ||
[Analyze grammar]

yatidharrāśrayāṇāṃ dāhe viśeṣaḥ |
yatidharmāśrayāṇāṃ tu karmasanyāsināṃ ca vai |
dāhamātraṃ tu vihitaṃ mantrapūjāvivarjitam || 75 ||
[Analyze grammar]

parokṣato mṛtānāṃ saṃskāravidhānaprakāraḥ |
parokṣato vipannānāṃ vidhānamadhunocyate |
yena yāti padaṃ viṣṇoḥ padaṃ yo'nyatarasthitaḥ || 76 ||
[Analyze grammar]

yadaiva dīkṣitastiṣṭhecchāsane'sminmayodite |
tadaivāptaṃ muniśreṣṭha taiḥ padaṃ vimalaṃ mama || 77 ||
[Analyze grammar]

kiṃ tu ye dīkṣitāḥ pūrvaṃ na nirvyūḍhāssadā'rcane |
mriyante cākṛtārthāśca samayajñāstu putrakāḥ || 78 ||
[Analyze grammar]

te svakarmavaśaṃ yānti kiñcitsthānamaśāśvatam |
bhūyastasmāccireṇaiva kenacidvigrahātmanā || 79 ||
[Analyze grammar]

kāle śubhe śubhe deśe utpadyante'śubhe'thavā |
puṇyaṃ kurvanti vā pāpaṃ deśe kāle tayorvaśāt || 80 ||
[Analyze grammar]

śubhena karmaṇā svargamaśubhenāpnuvantyadhaḥ |
evamasthitimāpnoti upasaṃhṛtya dīkṣitaḥ || 81 ||
[Analyze grammar]

mṛtaścāpi parokṣe tu yadā vai guruṇā tadā |
kṛpātmanā samarthena kāryamuddharaṇaṃ mahat || 82 ||
[Analyze grammar]

śarīradharmasaṃsthena yathā tadavadhāraya |
vidhivanmaraṇaṃ jñātvā purā bhaktasya kasyacit || 83 ||
[Analyze grammar]

svakāhnikāvasāne tu yajedarcādiṣu prabhum |
viśeṣavihitenaiva karmaṇā homapaścimam || 84 ||
[Analyze grammar]

śvetāṃ mṛdamathāloḍya pañcagavyena cāmbhasā |
dvādaśāṅgulamātraṃ tu mūrtiṃ kṛtvā tadākṛtim || 85 ||
[Analyze grammar]

āpādāccūlikāntaṃ ca sarvāṅgāvayavānvitām |
palāśāśvatthavalkotthadāruṇā pallavena vā || 86 ||
[Analyze grammar]

tāmagneḥ kuṇḍadeśasthāṃ kṛtvā yantrakṛtāṃ purā |
praṇavena tu sāstreṇa prokṣayetsaptadhā'mbunā || 87 ||
[Analyze grammar]

arghyapātroddhṛtenaiva tridhā'tha dvādaśātmanā |
phaḍantena dvidhā tāḍyaṃ tryakṣareṇārghyataṇḍulaiḥ || 88 ||
[Analyze grammar]

kusumairatha patrairvā darbhakāṇḍayutena tu |
tato'valokanaṃ kuryānmantravit jñānacakṣuṣā || 89 ||
[Analyze grammar]

sādhibhūtamathādhyātmasvarūpaṃ tattvasaṃgraham |
tataḥ sṛṣṭikrameṇaiva viniveśya yathā purā || 90 ||
[Analyze grammar]

sthānalakṣyakrameṇāpi dhyānamārgeṇa deśikaḥ |
homaṃ kṛtvā yathānyāyaṃ tridvyekāhutibhistu vā || 91 ||
[Analyze grammar]

tattvārṇamabhidhāyuktaṃ mūlasaṃpuṭayogataḥ |
āyāhipadasaṃmiśraṃ jñātvā dehi bhisandhaye || 92 ||
[Analyze grammar]

tattvaṃ tattvaṃ krameṇaiva prāguktavidhinā mune |
tato hṛtpuṇḍarīkasthaṃ mantraṃ dhyāyecca sarvagam || 93 ||
[Analyze grammar]

tajjīvānayane samyak bandhakakṣyasamanvitam |
karuṇānandasaṃpūrṇaṃ mahāmāṇikkadīdhitim || 94 ||
[Analyze grammar]

vijñāpya manasā tūrṇaṃ tridhā smṛtvā purā'malam |
mahāvibhūte ṣāḍguṇyaśarīra parameśvara || 95 ||
[Analyze grammar]

tadante mūlamantrastu saṃsmarenmūrtisaṃyutam |
yatra kutracidādāya padañcāvasthitaṃ tataḥ || 96 ||
[Analyze grammar]

tadante'mṛtabījaṃ tu vyomeśe bhūṣitaṃ smaret |
ānayeti dvidhā yojyaṃ tatsaṃjñāṃ tadanu dvija || 97 ||
[Analyze grammar]

namaskārānvitaṃ mantramidaṃ vai rocayedbahiḥ |
smaretsaṃpūritaṃ tena yadūrdhve yacca vidyate || 98 ||
[Analyze grammar]

tiryak pṛṣṭhe purastācca ābrahmabhavanāntimam |
svatejasā samākṛṣya jīvaṃ dūrasthitaṃ tvapi || 99 ||
[Analyze grammar]

kṣipraṃ dvija svasāmarthyātpataṅgaṃ pāvake yathā |
tatastamātmasātkuryānmantraṃ jīvasamanvitam || 100 ||
[Analyze grammar]

mantramātmani saṃśodhya jīvaṃ pratikṛtau nyaset |
prāgvatsandhānayogena pratiṣṭhoktena nārada || 101 ||
[Analyze grammar]

tatastasya vidhānena tattvadīkṣāṃ samāpayet |
prāguktenātha yogena yojayecchāśvate pade || 102 ||
[Analyze grammar]

pūrṇāhutipradānena tataḥ pratikṛtiṃ dahet |
tasmāccaivāgnikuṇḍāttu mantre cotthāpite sati || 103 ||
[Analyze grammar]

paścātsnānādikaṃ sarvaṃ pūrvoktaṃ tu samācaret |
samastadoṣaśāntyarthaṃ prāyaścittaṃ carettataḥ || 104 ||
[Analyze grammar]

Other editions:

Also see the following editions of the Sanskrit text or (alternative) English translations of the Jayakhya-samhita Chapter 24

Cover of edition (2002)

The Pancaratra Agamas (an Introduction)
by Swami Harshananda (2002)

[Publisher: Ramakrishna Math, Bangalore]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: