Jayakhya-samhita [sanskrit]

41,582 words | ISBN-13: 9788179070383

The Sanskrit text of the Jayakhya-samhita: considered one of three most ancient of Vaishnava Agamas, belonging to the Pancaratra tradition. Important opics of the Jayakhya-samhita include Philosophy, Cosmology, Emancipation of sous (Jiva) and Tantric practices Alternative titles: Jayākhyasaṃhitā (जयाख्यसंहिता), Jayākhya-saṃhitā (जयाख्य-संहिता), Jayakhyasamhita.

nārada |
anuṣṭhānalope niṣkṛtiprakāraprasnaḥ |
niyamasthasya bhagavansādhakasyābhiyoginaḥ |
mohādvā deśabhaṅgācca jvarādivyādhipīḍitāt || 1 ||
[Analyze grammar]

anuṣṭhānamasampannaṃ kadācitkarmadoṣataḥ |
kiṃ kāryaṃ tena vai nātha kiṃvā tasya bhavedvada || 2 ||
[Analyze grammar]

kriyājapārcanādīnāṃ luptānāṃ sādhakasya ca || 3 ||
[Analyze grammar]

pavitrāropaṇādvipra ṛte nānyā bhavedgatiḥ |
nārada |
pravitrāropaṇavidhānaprakārapraśnaḥ |
pavitrāropaṇaṃ viṣṇoḥ śrotumicchāmi tattvataḥ || 4 ||
[Analyze grammar]

yenāhaṃ kṛtakṛtyaḥ syāṃ kriyāsaktaḥ sadaiva hi |
śrībhagavān |
pavitrāropamakālavidhānam |
karkaṭasthe dvijāditye sihmakanyātulāsthite || 5 ||
[Analyze grammar]

dvādaśyāṃ śuklapakṣe tu rākāyāṃ yatra rocate |
japahomakriyālopaśāntaye vidhipūrvakam || 6 ||
[Analyze grammar]

yāgaṃ pavitrakoddeśe kṛtvā pūrvoditaśca yaḥ |
sūtrādidravyāṃṇāmadhivāsakālavidhānam |
daśamyāmadhivāsaṃ tu dravyāṇāṃ vidhipūrvakam || 7 ||
[Analyze grammar]

kuryāccaiva sasūtrāṇāṃ |
sūtrāṇāṃ kauseyatvādivikalpaḥ |
tatsūtraṃ viddhi paṭṭajam |
kārpāsamtha vākṣaumaṃ ślakṣṇaṃ dṛḍhamakṛtrimam || 8 ||
[Analyze grammar]

tasya śuddhiṃ purā kṛtvā dahanāpyāyanena ca |
pañcabhūtātmakaṃ dhyātvā vyāpakatvena tatpunaḥ || 9 ||
[Analyze grammar]

atha sūtraiḥ pavitranirmāṇavidhānam |
purā tatrriguṇaṃ kṛtvā tataḥ kuryāccaturguṇam |
samatāṃ sarvabhāvānāṃ dvijotpādayate yataḥ || 10 ||
[Analyze grammar]

ato na viṣamaiḥ kuryāttantubhiḥ sūtrameva tat |
tena sūtreṇa viprendra pavitrāṇyārabhettataḥ || 11 ||
[Analyze grammar]

maṇḍale pratimantraṃ samarpaṇīyapavitrasaṅkhyā |
mūlamantrādisarvasya mantracakrasya nārada |
trāṇi trīṇyathavā dve dve ekaikaṃ satyasambhave || 12 ||
[Analyze grammar]

pavitrakaṃ tu pratyekamanukalpeṣu nārada |
teṣāṃ pavitrāṇāṃ vyāsamānagrandhisakhyādividhānam |
vyāsādardhasamaiḥ kuryāddhārākāraṃ ca tantubhiḥ || 13 ||
[Analyze grammar]

śatenāṣṭottareṇādyaṃ dviguṇena dvitīyakam |
triguṇena tṛtīyaṃ tu vyāsamevaṃ tu tannayet || 14 ||
[Analyze grammar]

ṣaṭtriṃśadgrandhikaṃ cādyaṃ dvitīyaṃ dviguṇaṃ smṛtam |
tṛtīyaṃ triguṇaṃ vipra |
pravitragrandhīnāṃ rañjanādividhānam |
grandhiṃ vai kuṅkumena tu || 15 ||
[Analyze grammar]

rañjayeccandanādyena yathā śobhānurūpataḥ |
grandhiyuktena tulyena mṛdunā susitena tu || 16 ||
[Analyze grammar]

purayedgrandhayormadhye śaṅkhākāraṃ yathā bhavet |
maṇḍale mantramūrtīnāṃ pūjanārthaṃ tu nārada || 17 ||
[Analyze grammar]

vyāsamānaṃ tu kathitaṃ pavitrāṇāṃ ca sarvadā |
bimbasya śiraḥprabhṛtyavayavabhedena pavitrāṇāmākṛtibhedamānabhedavidhānam |
pratiṣṭhitasya bimbasya parādau dhātujasya vā || 18 ||
[Analyze grammar]

mālākṛtiṃ ca śirasi yathecchagrandhipūrakaiḥ |
dvitīyamaṃsayoryāvallamvitaṃ jānumaṇḍale || 19 ||
[Analyze grammar]

mūrdhnaḥ pādāvadhiryāvantritīyamativistṛtam |
pīṭhapavitrapramāṇavidhānam |
pṛthakpīṭhasya vai kuryātsvapramāṇena śobhanam || 20 ||
[Analyze grammar]

pratisarāṇāṃ vyāsāniyamaḥ |
bimbapratisarāṇāṃ ca vyāsaścāniyataḥ smṛtaḥ |
sūtramānaṃ ca pūrvoktaṃ dviguṇaṃ sambhave sati || 21 ||
[Analyze grammar]

triguṇaṃ vā muniśreṣṭha ālabhetpūrayettataḥ |
tryaṅgulāntaritā deyāssarveṣāṃ grandhayaḥ samāḥ || 22 ||
[Analyze grammar]

saṅkhyānena vinā samyaṅbhātuluṅgopamāḥ śubhāḥ |
kumbhādipavitranirmāṇaprakāravidhānam |
kumbhottamābhyāmagre tu vidyāpīṭhasya caivahi || 23 ||
[Analyze grammar]

sruksruvābhyāṃ ca ghaṇḍāyāmakṣasūtre ca nārada |
arghyapātrasya caikakaṃ sūtragarbheryathecchayā || 24 ||
[Analyze grammar]

gurvādīnāṃ ṣaṇṇāṃ yathākramaṃ pavitravidhānaprakārabhedaḥ |
gurvādisamayajñānāṃ yatīnāṃ bhāvitātmanām |
kuḍumbināṃ kramātkuryāttantubhirmunisattama || 25 ||
[Analyze grammar]

caturviṃśatibhiścaiva sūtraiḥ ṣoḍaśabhistathā |
tato dvādaśabhirbrahmannaṣṭabhistadanantaram || 26 ||
[Analyze grammar]

ṣaḍbhistribhistato deyā grandhayaḥ sūtrasaṅkhyayā |
rañjayetpūrvavidhinā na kuryādgarbhapūraṇam || 27 ||
[Analyze grammar]

pavitrādhivāsākyakarmavidhānam || 14 ||
[Analyze grammar]

saṃsthāpya vai dale bhāṇḍe palāśapuṭake'thavā |
ācchādya vāsasā paścātsusitenāhatena tu || 28 ||
[Analyze grammar]

saṃsthāpya vai dale bhāṇḍe ityādinā rātrau jāgaraṇaṃ kuryādityantograndhaḥ pavitrādhivāsākya karmavidhānaparaḥ |sāttvatasaṃhitāṃ vyācakṣāṇaiḥ prācīnaiḥ pavitrāropaṇaprakaraṇavyākhyā nāvasare daśamyekādaśyaḥ kartavyaṃ pavitrādhivāsākhyaṃ karmāhadaśamyāmityārabhya jāgareṇa niśāṃ nayet ityante netyuktam |
madye tu yāgadravyāṇāṃ tadbhāṇḍaṃ vinivesya ca |
nityārcanapūrvakaviśeṣayajanavidhānam |
snātvā tu pūrvavidhinā kuryānnityārcanaṃ hareḥ || 29 ||
[Analyze grammar]

tato viśeṣayajanaṃ dīkṣākhyena krameṇa tu |
dvārayāgādikaṃ kṛtvā sarvaṃ kalaśapūrvakam || 30 ||
[Analyze grammar]

saṃvidhānaṃ muniśreṣṭha havanena samanvitam |
evaṃ hi pūjanaṃ kṛtvā mantrasantarpaṇaṃ purā || 31 ||
[Analyze grammar]

mudrābandhajapāntaṃ ca dadyātpūrṇāhutiṃ tataḥ |
purā yasmindine vipra atīte vatsare kṛtaḥ || 32 ||
[Analyze grammar]

pavitrakopasaṃhārastaddinādāditaḥ smaret |
arghyapuṣpādibalibhiḥ pūjayetsarvamadhvaram || 33 ||
[Analyze grammar]

samācamya smaretsarvaṃ mantrabṛndaṃ krameṇa tu |
purā pratiṣṭhitaṃ bimbaṃ svayamanya taṃtu vā || 34 ||
[Analyze grammar]

nirgatya snāpayedbhaktyā pūrvoktavidhinā tataḥ |
pūjayitvā viśeṣeṇa datvā'rghyaṃ punareva ca || 35 ||
[Analyze grammar]

saṃsmṛtya mūlamantraṃ tu japamudrāsamanvitam |
smaretkṛtākṛtaṃ sarvaṃ pūrvavadvāsarīyakam || 36 ||
[Analyze grammar]

kṛtvā pradakṣiṇaṃ yāyādbhūyo yāganiketanam |
catuḥsthānārcanavidhānam |
sthalasthasya ca vai tatra mantramūrtternivedya ca || 37 ||
[Analyze grammar]

tāmbūladantakāṣṭhaṃ ca pañcagavyapurassaram |
agrato devadevasya sihmamūrttau tu dakṣiṇe || 38 ||
[Analyze grammar]

pradīpaṃ ca tathā dhūpaṃ darpaṇaṃ hemasūtrakam |
paścime kāpile mūrttau hemapātraṃ tu nārada || 39 ||
[Analyze grammar]

nivedya haviṣā pūrṇaṃ nārāhe cottare tataḥ |
mālyānyathauṣadhīstoyaṃ kṣīraṃ mākṣikameva ca || 40 ||
[Analyze grammar]

phalāni śālibījāni tvanyeṣāṃ dantadhāvanam |
tāmbūlena samāyuktaṃ tataḥ pratisaraṃ mune || 41 ||
[Analyze grammar]

nivedya pātrataḥ kṛtvā kumbhe'gnāvevameva hi |
bāhyataḥ pratimāyāṃ ca sarvaṃ pratisarāntakame || 42 ||
[Analyze grammar]

āmantraṇam |
tato nimantrayenmantramiṣyaṃ yena krameṇa tu |
āmantrito'si deveśa kṛto yāgo yathāvidhi || 43 ||
[Analyze grammar]

tamāharasva bhagavansarvakarmaprapūraṇam |
evaṃ saṃśrāvayitvā tu manubhedasthitaṃ vibhum || 44 ||
[Analyze grammar]

sūtreṇa yāgasadanaveṣṭanam |
sarvaṃ sitena sūtreṇa trirāvṛttena cāntarā |
seṣuṇā yāgasadanaṃ veṣṭayettadanantaram || 45 ||
[Analyze grammar]

pidhāya pātraiḥ sudṛḍhaiḥ pavitrāṇi pṛthak pṛthak |
pūrvoktaprakāreṇa prāsādaveṣṭanam |
tathaiva veṣṭayedvipra prāsādaṃ bāhyatastataḥ || 46 ||
[Analyze grammar]

bhūtabaliḥ |
samyagbhūtabaliṃ dadyādastramantreṇa nārada |
pañcagavyaprāśanādividhānam |
pañcagavyaṃ purā pītvā bhuktvā cānnaṃ carusthitam || 47 ||
[Analyze grammar]

saṃcarvya dantakāṣṭhaṃ tu tāmbūlaṃ vā yathecchayā |
ācamya nyāsapūrvaṃtu sakaḷīkṛtya vigraham || 48 ||
[Analyze grammar]

sthalasthamuddharenmantraṃ kalaśe nyasya vā'tmani |
rātrau jāgaraṇasya maṇḍalakarmaṇaḥ samāpanasya ca vidhāna |
rātrau jāgaraṇaṃ kuryānmaṇḍalaṃ ca samāpayet || 49 ||
[Analyze grammar]

rātrikṣaye tataḥ snāyādvibhavenācyutaṃ yajet |
pavitrāropaṇaprakāravidhānamtatra nityārcanapūrvaka catussthānārcanam |
nityakarma purā kṛtvā kuṃbhasthaṃ tu yajetkramāt || 50 ||
[Analyze grammar]

maṇḍalasthaṃ tataḥ paścādagnisthaṃ tadanantaram |
snānapūrvaṃ tu bimbasthaṃ prāsādābhyantare dvija || 51 ||
[Analyze grammar]

prathamaṃ kalaśasthasya pavitrāropaṇaprakāraḥ |
praviśya yāgasadanaṃ gatvā kalaśasannidhim |
pūjayitvā samudghāṭya pātraṃ prātisarīyakam || 52 ||
[Analyze grammar]

avalokya samādāya tasmindhyāyeddvijākhilam |
saṃvatsaraṃ tu yatkarma āprabhātānniśāntakam || 53 ||
[Analyze grammar]

dhyānotthaṃ niṣkaḷaṃ samyagapavargapadaṃ tu yat |
saṃsmṛtya niṣkaḷaṃ mantraṃ śuddhoccārakrameṇa tu || 54 ||
[Analyze grammar]

mantraṃ sandhāya tatsūtraṃ sūtre mantraṃ tathaiva ca |
ekīkṛtyātmanā sārdhaṃ dadyādvai mantramūrdhani || 55 ||
[Analyze grammar]

samādāya paraṃ sūtraṃ tasminsakaḷaniṣkaḷam |
jñānakarmasvarūpaṃ tu karma dhyāyecca vatsaram || 56 ||
[Analyze grammar]

smṛtvā cobhayarūpaṃ tu mantraṃ kalaśapūjitam |
pūrvavaccānusandhānaṃ kṛtvā dadyātpavitrakam || 57 ||
[Analyze grammar]

sakala A |
tataḥ pritasaraṃ vipra tṛtīyaṃ ca samāharet |
bāhyaṃ sāṃvatsaraṃ karma sakalaṃ cākhilaṃ smaret || 58 ||
[Analyze grammar]

pūjayantaṃ svamātmānamādhārācca parāvadhim |
layabhogādhikārākhyakrameṇa sakalātmanā || 59 ||
[Analyze grammar]

sakalaṃ mantranāthaṃ tu layabhogādivigraham |
smṛtvā kṛtvā ca sandhānaṃ dadyātpratisaraṃ tataḥ || 60 ||
[Analyze grammar]

arghyaiḥ puṣpaistathā mālyaiḥ dhūpāntaiśca vilepanaiḥ |
antarāntarayogena pṛjāṃ kuryātrridhā tathā || 61 ||
[Analyze grammar]

mūlamantrasya viprendra gāyatryopahṛtātmanā |
datvaivaṃ kalaśasthasya putrā vipra pavitrakam || 62 ||
[Analyze grammar]

gatvai A |
maṇḍalasthasya pavitrāropaṇam |
anena vidhinā dadyānmaṇḍalasthasya vai purā |
pavitrakatrayaṃ śubhraṃ bhogasthāne ca nārada || 63 ||
[Analyze grammar]

dadyātsamastamantrāṇāṃ trīṇyekaṃ vā yathecchayā |
agnisthasya tato bimbasthasya ca pavitrāropaṇam |
pūjayitvā tato'gnisthaṃ vibhuṃ bimbagataṃ tataḥ || 64 ||
[Analyze grammar]

kalaśoktaprayogeṇa bhūṣaṇaistu tribhistribhiḥ |
agnisthasya samarpaṇe viśeṣanirūpaṇam |
agnau nivedayedvipra bhūṣaṇaṃ na tu homayet || 65 ||
[Analyze grammar]

yasmātsanyāsamūrdhve tu vihitaṃ bhūṣaṇasya ca |
nāharttuṃ yujyate dagdhuṃ doṣamāharaṇaṃ vinā || 66 ||
[Analyze grammar]

pavitrakāvadherūrdhvaṃ sādhakānāṃ tu nārada |
mahāmantrajapavidhānam |
paścātpadmāsanaṃ badhvā devasyābhimukhasthitaḥ || 67 ||
[Analyze grammar]

sakṛjjapaṃ mahāmantraṃ sarvakarmapravardhanam |
nāśanaṃ sāmayānāṃ ca doṣāṇāṃ smaraṇādapi || 68 ||
[Analyze grammar]

atha vijñāpanam |
tataḥ saṃśrāvayeddevaṃ tristhānasthaṃ krameṇa tu |
kāmato'kāmato vā'pi na kṛtaṃ niyatārcanam || 69 ||
[Analyze grammar]

kenacidvighnadoṣeṇa mayā yatparameśvara |
tena me manasā'tīva santāpo dahanātmakaḥ || 70 ||
[Analyze grammar]

yataḥ samayadoṣeṇa bādhito'smi janārdana |
tvayoddiṣṭaṃ purā nātha bhaktānāṃ hitakāmyayā || 71 ||
[Analyze grammar]

doṣavidhvaṃsakṛcchuddhaṃ pavitraṃ tatkṛtaṃ mayā |
prasīda me kuru trāṇaṃ jahi kopaṃ hi lopajam || 72 ||
[Analyze grammar]

nimajjato bhavāmbhodhau samayapracyutasya ca |
namo namaste mantrātman prasīda parameśvara || 73 ||
[Analyze grammar]

pāhi pāhi trilokeśa keśavārttivināśana |
tvatprasādācca me māstu doṣaḥ samayasaṃjñi taḥ || 74 ||
[Analyze grammar]

adyāstu karmasaṃpattirnityanaimittikī prabho |
śrutvaivamādarāttasya saṃsārārtasya mantrarāṭ || 75 ||
[Analyze grammar]

pūrṇabhāvaṃ nayacchrīghraṃ hanti doṣāṃśca sāmayān |
atha guroḥ pūjanam |
evaṃ kṛtvā tato bhaktyā pūjayedviṣṇuvadgurum || 76 ||
[Analyze grammar]

dakṣiṇābhiryathāśakti vividhaiḥ pānabhojanaiḥ |
prāptā niyantritāścānye bhagavadbhāvinastu vai || 77 ||
[Analyze grammar]

pavitrotsavānte kṛtasya yatyādibhyo dānasya phalādhikyakathanam |
pañca vaikhānasāntāśca yatipūrvāśca nārada |
āptādipañcabhedena catvāro brāhmaṇādayaḥ || 78 ||
[Analyze grammar]

pañca yogaratādyāstu śāstrasandhāraṇāntimāḥ |
asaṃkhyaṃ yataye dattaṃ vaiṣṇavāya prakīrtim || 79 ||
[Analyze grammar]

viddhi koṭiguṇañcaiva dattamekāntine tu yat |
tasmāddaśaśatāṃśonaṃ dattaṃ yacchikhine tu vai || 80 ||
[Analyze grammar]

sātvatāya śatāṃśonaṃ daśāṃśonaṃ tu nārada |
viddhi vaikhānase dattaṃ dānaṃ pratisarāvadau || 81 ||
[Analyze grammar]

caturvidhe dvijāpte tu evamevamudāhṛtam |
ākoṭerdānahāsastu anāptānāmataḥ śruṇu || 82 ||
[Analyze grammar]

anāpte lakṣaguṇitaṃ brāhmaṇe parikīrtitam |
evameva tu dattaṃ ca buhuśo bahubhojanan || 83 ||
[Analyze grammar]

yo nirasyati viprendra sādhako vā'pyasādhakaḥ |
tasyāśu bhavate siddhiriha loke paratra ca || 84 ||
[Analyze grammar]

bāhya A |
ityetatsādhakānāṃ ca kriyāsaṃpūraṇaṃ mayā |
kathitaṃ muniśārdūla tatsahasraśatāṃśataḥ || 85 ||
[Analyze grammar]

śatāṃśonaṃ tadaṃśena dattameva nṛpāditaḥ |
lakṣārdhatriguṇaṃ dānaṃ tatastāmeti nārada || 86 ||
[Analyze grammar]

añjalīyakaviprāya yaddattaṃ vidhipūrvakam |
sahasrāṃśaśatāṃśena ... ... ... hrasecca tat || 87 ||
[Analyze grammar]

nṛpādiśūdraparyantaṃ vakṣye tvārambhiṇāmataḥ |
lakṣapādaguṇaṃ dānaṃ viprāyāraṃbhiṇe matam || 88 ||
[Analyze grammar]

sahasrāṃśāddaśāṃśonaṃ viddhi kṣatrādipūrvakam |
athāyutaguṇaṃ dānaṃ brāhmaṇe saṃpravartini || 89 ||
[Analyze grammar]

nṛpe sahasraguṇitaṃ vā'pi tacchatasaṃjñakam |
ato daśaguṇaṃ viddhi yogajñādiṣvataḥ śṛṇu || 90 ||
[Analyze grammar]

koṭikoṭiguṇaṃ dānaṃ bhagavadyogavedini |
vipre vedavidāṃ śreṣṭhe tatsahasrāṃśavarjitam || 91 ||
[Analyze grammar]

kṣatriye vaiśyajātau tu śatāṃśonaṃ tadeva tu |
daśāṃśahīnaṃ tacchūdre bhagavadyogasevini || 92 ||
[Analyze grammar]

koṭilakṣaguṇaṃ caiva japaniṣṭhe dvijottame |
sahasrāṃśaśatāṃśonaṃ daśāṃśonaṃ nṛpādiṣu || 93 ||
[Analyze grammar]

koṭisāhasraguṇitaṃ brāhmaṇe viṣṇutāpase |
prāgvadūnaṃ sahasrādestatkṣatrādiṣu nārada || 94 ||
[Analyze grammar]

nārāyaṇāgamajñe tu dānaṃ dvijavare tu yat |
dattaṃ kāle pavitre tu koṭīśataguṇaṃ smṛtam || 95 ||
[Analyze grammar]

rājanyavaiśyaśūdrāṇāṃ pūrvavatkalpayecca tat |
dhattā gamānāṃ yo vipro vaiṣṇavānāṃ ca bhaktitaḥ || 96 ||
[Analyze grammar]

koṭīdaśaguṇaṃ dānaṃ taddattaṃ bhavatīti ca |
kṣatrādiṣveva vihitaṃ tatsahasrādito bhavet || 97 ||
[Analyze grammar]

vaiṣṇavamātrasya pūjyatā |
yaḥ kaścidvaiṣṇavastasminkāle tatrāvatiṣṭhate |
sa pūjanīyo viprendra yathāśakti ca bhaktitaḥ || 98 ||
[Analyze grammar]

svabhāvavaiṣṇavo janturāstāṃ tāvanmahāmune |
vaiṣṇavaliṅgadhārimātrasya pūjyatā |
gṛhītvā vaiṣṇavaṃ liṅgaṃ bhakto yaḥ kaścidāgataḥ || 99 ||
[Analyze grammar]

arthyahaṃ vaiṣṇavo dehi brūte hyevamabhīkṣṇaśaḥ |
so'pi yatnādyathāśakti pūjyo'jñāto'pi nārada || 100 ||
[Analyze grammar]

āropitānāṃ pavitrāṇāṃ yāvadapanayanakālaṃ tathaiva maṇḍalādau saṃsthāpyatā |
ekarātraṃ trirātraṃ vā saptarātraṃ tu vā dvija |
pavitrakaṃ sthāpanīyaṃ maṇḍale'rcāgataṃ tathā || 101 ||
[Analyze grammar]

athavā'rccāgataṃ vipra tadvatsaṃsthāpya bhūṣaṇam |
yāvadekādaśī śuklā saṃprāptā kārtikasya tu || 102 ||
[Analyze grammar]

puṣpamātrasya pratyahamapanīyatā |
puṣpapūjāpanayanaṃ kṛtvā vai pratyahaṃ punaḥ |
pavitrakaṃ yojanīyaṃ saṃprāpte kālavāsare || 103 ||
[Analyze grammar]

pavitravisarjanaprakāravidhānam |
apanīya gurorbhaktyā nivedya brāhmaṇasya vā |
pañcakālaprasaktasya tadabhāvāttu nārada || 104 ||
[Analyze grammar]

ṣaṭkarmasaṃprasaktasya viṣṇubhaktasya tattvataḥ |
viśeṣayāgaṃ homāntaṃ kṛtvā'cāryaprapūjanam || 105 ||
[Analyze grammar]

vaiṣṇavāḥ pūrvavatpūjyā dadyādāccādanaṃ tataḥ |
teṣāṃ caiva yathāśakti abhāvādatha nārada || 106 ||
[Analyze grammar]

yugmamekaṃ tu vā vastramekasyāvaśyameva hi |
upavītāni cānyeṣāṃ sottarīyāṇi yojayet || 107 ||
[Analyze grammar]

yatīnāṃ sannidhau prārthanā |
prārthanā ca tataḥ kāryā yatīnāṃ saṃyatātmanām |
yuṣmatprasādasāmarthyānmamāstu paripūrṇatā || 108 ||
[Analyze grammar]

kriyāṅgānāṃ ca sarveṣāṃ mā me'stu samayacyutiḥ |
atha yatyādīnāṃ prativacanam |
evamastviti vaktavyaṃ sarvaistālasamanvitam || 109 ||
[Analyze grammar]

sāṃvatsaraḥ ka dā'kṛtyadoṣaḥ samayapūrvakaḥ |
nāśamāyāti vai kṣipraṃ pavitrārohaṇānmune || 110 ||
[Analyze grammar]

pavitraśabdanirvacanam |
pāti yasmātsadoṣaṃ hi patanātparirakṣati |
viśeṣeṇa dvijāṃ strāti pūrṇaṃ karma karoti ca || 111 ||
[Analyze grammar]

sādhake ca kriyāhīne tasmādukto mayā mahān |
yāga eva pavitrākhya uktalakṣaṇalakṣitaḥ || 112 ||
[Analyze grammar]

pavitrakarmavidhānānantaraṃ pālanīyā viśeṣaniyamāḥ |
kṛte pavitrake vip bhaktairmantrakriyāparaiḥ |
kaścidviśeṣaniyamaḥ pālanīyaḥ prayatnataḥ || 113 ||
[Analyze grammar]

yāvadekādaśī śuklā kārtikasyātipuṇyadā |
bhūyastadādi viprendra prayatnāddinapañcakam || 114 ||
[Analyze grammar]

kuryādvrataparaṃ kiñciddānapūjanapūrvakam |
samastadoṣaśamanaṃ samastasukhavardhanam || 115 ||
[Analyze grammar]

madhumāṃsamasatyaṃ ca maithunaṃ mṛgayānvitam |
tailābhyaṅgaṃ ca matsyaṃ ca bahuśo bahubhojanam || 116 ||
[Analyze grammar]

yo nirasyati viprendra sādhako vā'pyasādhakaḥ |
tathā'sya bhavate siddhiriha loke paratra ca || 117 ||
[Analyze grammar]

ityetatsādhakānāṃ ca kriyāsaṃpūraṇaṃ mayā |
kathitaṃ muniśārdūla pavitraṃ pāpanāśanam || 118 ||
[Analyze grammar]

mantrārādhanasaktānāmacirātsiddhidaṃ mahat |
mantratantravihīnānāṃ bhaktānāṃ bhuvanatraye || 119 ||
[Analyze grammar]

pavitrasya phalaṃ śaśvatpradadāti samāpanāt |
nārada |
ko'sau mantro jagatkarttaryo japtavyaḥ kriyāparaiḥ || 120 ||
[Analyze grammar]

pūjāvasānakāle tu yathāvatkathayasva me |
śrībhagavān |
pavitrakarmāvasāne japtavyatayā pūrvamukto mahāmantraḥ |
oṅkāratritayaṃ pūrvaṃ prathamaṃ kevalastataḥ || 121 ||
[Analyze grammar]

pavitra ṛtadhāmā'tha parā prakṛtireva ca |
tālalakṣmā tadante tu buddhirānandacihnitā || 122 ||
[Analyze grammar]

ākāreṇāṅkitaṃ dadyādrephaṃ ca tadanantaram |
kevalo'tha yakāraśca śāstā tadvaddvijottama || 123 ||
[Analyze grammar]

tvāṃ prapanno'smi tadanu rakṣarakṣa padānvitam |
tato makāramādāya vyomeśānandabhūṣitam || 124 ||
[Analyze grammar]

sa rvavajradvayañcānte damano vikramīyutaḥ |
nṛsihmaḥ siddhidaścānto yakārastryaśrabhūṣitaḥ || 125 ||
[Analyze grammar]

nṛdvayaṃ A |
ilāyudho'pyakārastho visargeṇa vibhūṣitaḥ |
tataḥ sakāramādāya varuṇasthastato'nalaḥ || 126 ||
[Analyze grammar]

makāra CL |
sakāraśca makāraśca susūkṣmastadanantaram |
oṃyukto vibudhādyastu bakāro vigrahānvitaḥ || 127 ||
[Analyze grammar]

satāra Y |
gakāro'tha yakārastha ākāreṇa vibhūṣitaḥ |
tṛptiṃ ca varuṇārūḍhamuddharetkālapāvakam || 128 ||
[Analyze grammar]

sakāraḥ kevalaścāthaṃ parā saṃvittato'nalaḥ |
gakāro'tha sakāraśca pārūḍhaścānalaḥ smṛtaḥ || 129 ||
[Analyze grammar]

ekāreṇāṅkitaścaiva śānto'tha varuṇaḥ sthitaḥ |
rephaṃ ca kevalaṃ dadyātsarvaśaktapadaṃ tataḥ || 130 ||
[Analyze grammar]

sarvādhārapadopetaṃ sarvāntarbahireva ca |
sthitevarṇadvayaṃ dadyātsarvavarṇadvayaṃ tataḥ || 131 ||
[Analyze grammar]

parāṃ prakṛtimādāya rephaṃ ca tadadho nyaset |
iṣṭenāpyaṅkayettacca yakāraṃ coddharettataḥ || 132 ||
[Analyze grammar]

ākāreṇa samāyuktamekadaṃṣṭramathoddharet |
gakāraṃ tadadho dadyādākāraṃ ca tato mune || 133 ||
[Analyze grammar]

dakāraṃ A |
ikāreṇāṅikataṃ dadyānnaraṃ tadanu nārada |
dvidhā makāraṃ tadanu pūrayeti padaṃ tataḥ || 134 ||
[Analyze grammar]

sarvāṇi padamādāya ṅakārastadanantaram |
uttamaṃ tadadho nyasyāddvidhā nārāyaṇaṃ tataḥ || 135 ||
[Analyze grammar]

dakāra A |
ākāreṇāṅkayetpūrvamikāreṇa paraṃ dvija |
dvidhā makārastadanu prakāśaya padaṃ dvidhā || 136 ||
[Analyze grammar]

sarvāṇi karaṇānīti padaṃ kālaṃ tato dvidhā |
svātmalābhe padaṃ cātha niyojaya padaṃ dvidhā || 137 ||
[Analyze grammar]

bhagavaṃstryakṣaramiti tryakṣaraṃ bhavaheti ca |
bhūtātmānamathādāya tadadhasthaṃ gadādharam || 138 ||
[Analyze grammar]

gopanenāṅkitaṃ mūrdhno rephaṃ vai yojayettataḥ |
vairājoparisaṃsthaṃ ca oṃkāreṇāṅkayecca tam || 139 ||
[Analyze grammar]

vyomeśāḍhyo hakāraśca śaṅkhaścānandabhūṣitaḥ |
ādāya caḍhcalaṃ vip īśvaraṃ tadadho nyaset || 140 ||
[Analyze grammar]

ānandenāṅkitaṃ kuryājjite pāṇipadaṃ tataḥ |
caturarṇaṃ tu saṃyojya makāraṃ ca tato nyaset || 141 ||
[Analyze grammar]

vyomeśākārasaṃbhinnaṃ satyaṃ tadanu coddharet |
tadante'bhayadaṃ nyasya gakāraṃ tadanantaram || 142 ||
[Analyze grammar]

vyomeśabhinno vaikuṇṭho vārāhastvinabhūṣitaḥ |
śārṅgabhṛdvaruṇārūḍho nyasyo vyomeśacihnitaḥ || 143 ||
[Analyze grammar]

saṃskāro'tha yakāraśca lipto'smi tryakṣaraṃ padam |
sakāro'tha makāraśca yakārastadanantaram || 144 ||
[Analyze grammar]

tato dhareśamādāya oṃkāreṇa vibhūṣitam |
pakāraśca vakāraśca lakṣaṇaṃ kebalāstvamī || 145 ||
[Analyze grammar]

viśvabhāvakamādāya kamaloparisaṃsthitam |
śirasā'vigrahākhyena varṇena paribhūṣitam || 146 ||
[Analyze grammar]

nakāraṃ kevalaṃ cātha padaṃ nirmalamityatha |
māpādaya padaṃ dadyātsakaleti padaṃ dvija || 147 ||
[Analyze grammar]

uddāmasthaṃ gakāraṃ tu lakāraṃ kevalaṃ tataḥ |
ādidevānvitaḥ panthā rāmopetaśca mādhavaḥ || 148 ||
[Analyze grammar]

pakāraśca takāraśca yakāro'vigrahānvitaḥ |
dvidhā jahi padaṃ deyaṃ kālaṃ tryaśrena cāṅkitam || 149 ||
[Analyze grammar]

caturgatisamārūḍhaṃ vairājamatha yojayet |
ānandākhyena cākrāntaṃ nyasedrephamato dvija || 150 ||
[Analyze grammar]

vairājoparisaṃsthaṃ tu someśākhyaṃ sthitaṃ punaḥ |
padaṃ tu mānasaṃ tedaṃ dadyātpañcākṣaraṃ dvija || 151 ||
[Analyze grammar]

soma śaṅkha A |
vācikāṃstryakṣaraṃ cāto duruktān kāyikāṃstataḥ |
ṣaḍakṣaraṃ kuvṛttīnvai tryakṣaraṃ tadanu nyaset || 152 ||
[Analyze grammar]

parameśvaraśabdaṃ tu dadyātpañcākṣaraṃ mune |
tataḥ paramamūrtau ca prasīda padameva ca || 153 ||
[Analyze grammar]

me prapannasya ca padaṃ nyasetpañcākṣaraṃ mune |
ādeśācchalavidhvaṃsī ikāreṇa vibhūṣitaḥ || 154 ||
[Analyze grammar]

rāmopetaṃ naraṃ dadyānmādhavaṃ tadadho nyaset |
bhindhi saṃsāramiti ca dadyātpañcākṣaraṃ mune || 155 ||
[Analyze grammar]

dakāraṃ bhuvanārūḍhaṃ visargeṇa samanvitam |
viśvabhāvanamādāya kevalaṃ ca tadantagam || 156 ||
[Analyze grammar]

ikāraṃ A |
uddhareddvijaśārdūla śāśvataṃ tadanantaram |
vyomeśānantasaṃbhinnaṃ vāmanaṃ proddharettataḥ || 157 ||
[Analyze grammar]

panthānaṃ mādhavārūḍhaṃ vyomeśānantabhūṣitam |
kakāraścaiva rephaśca dvāvetau bhuvanopari || 158 ||
[Analyze grammar]

akāra A |
ekāreṇāṅkitaḥ kālo vairājo rāmabhūṣitaḥ |
sarvebhyo'nugrahaṃ caiva padaṃ saptākṣaraṃ tataḥ || 159 ||
[Analyze grammar]

jñānātmano padaṃ dadyātpuruṣottamasaṃyutam |
mahātamaḥ praviṣṭasya padamaṣṭākṣaraṃ tvidam || 160 ||
[Analyze grammar]

... ... ... mādāya jagadyonivibhūṣitam |
vijñānālokaśabdaṃ tu pradāne tryakṣaraṃ padam || 161 ||
[Analyze grammar]

pradhāne A |
hakārañca makāraṃ ca sarvadehamathoddharet |
kramāt trayāṇāṃ yoktavyā nā moddāmo'pi vikramī || 162 ||
[Analyze grammar]

bhakāraśca vakāraśca vyāpakaḥ kevalāstvamī |
rārūḍhaḥ padmanābhasya sragdharo rāmabhūṣitaḥ || 163 ||
[Analyze grammar]

hakāra A |
ārūḍha A |
hakāraśca takāraśca puṇḍarīkaśca kevalaḥ |
vairājastho'tha kamalaśśaṅkhastryaśreṇa cāṅkitaḥ || 164 ||
[Analyze grammar]

kakāra A |
paramātmā'tha sūkṣmasthaḥ puṇḍarīkaśca kevalaḥ |
rāmastatastakārasthaḥ sūkṣmasthaścāmṛtastataḥ || 165 ||
[Analyze grammar]

kālaścaikārasaṃbhinnassamuddharapadaṃ tataḥ |
ajitastu padaṃ tryarṇaṃ mama janmapadaṃ dvija || 166 ||
[Analyze grammar]

kevalaśca tato hasvo nakārastrāsanasthitaḥ |
tryailokyaiśvaryadopeto ghātayeti padaṃ dvidhā || 167 ||
[Analyze grammar]

nakaro CL |
jñānaiśvaryapadaṃ dadyāllīlāsaktapadaṃ tvanu |
padmanābhaśca rārūḍhaḥ kamaloṛtathātma gaḥ || 168 ||
[Analyze grammar]

iṣṭopetastu kamalo vairājaṃ bhuvanordhvagam |
kevalaḥ padmanābhastu dhanvī cānaṅgabhūṣitaḥ || 169 ||
[Analyze grammar]

hakāraśca nakāraśca vakāro rāmabhūṣitaḥ |
āhlādasthaṃ tato bhānuṃ madanena samanvitam || 170 ||
[Analyze grammar]

tryailokyaiśvaryadopetaṃ paramātmānamuddharet |
sragdharaṃ varuṇārūḍhaṃ tryailokyaiśvaryadānvitam || 171 ||
[Analyze grammar]

mama trātā padaṃ yojyaṃ sakaleti padaṃ tataḥ |
jakāraśca nakāraśca śaraṇeti padaṃ tataḥ || 172 ||
[Analyze grammar]

śaraṇāgato'kṣaraṃ dadyātpadaṃ vi pra ṣaḍakṣaram |
tryaśrānvitaṃ ca vairājaṃ kuruvīpsāpadaṃ tataḥ || 173 ||
[Analyze grammar]

dakāraṃ kevalaṃ śaṅkhaṃ gopanenāṅkitaṃ nyaset |
nakāraṃ ca dvidhā dadyādantyaṃ vai gopanāṅkitam || 174 ||
[Analyze grammar]

deyo bhuvanapālasca sakāraḥ śaṅkhasaṃsthitaḥ |
panthā gopanasaṃbhinnaḥ kevalaḥ sarvarodhakaḥ || 175 ||
[Analyze grammar]

puṇḍarīkākṣaśabdaṃ tu paramaṃ tryakṣaraṃ padam |
padaṃ karāṇi ketyuktvā tato bhaktajanena ca || 176 ||
[Analyze grammar]

padaṃ vatsalamādāya piṇḍabhāvanasaṃyutam |
viśvātmā ca tataḥ śabdaṃ viśveśvarapadaṃ tataḥ || 177 ||
[Analyze grammar]

naṃ A |
hṛṣīkeśapadaṃ dadyānmokṣalakṣmīpadaṃ tataḥ |
padmanābhaśca rephastho dakāraḥ kevalastataḥ || 178 ||
[Analyze grammar]

bhagavansarvamantrātman padamaṣṭākṣaraṃ śubham |
narastryaśreṇa saṃbhinnassarvamantrapadaṃ tataḥ || 179 ||
[Analyze grammar]

kevalaṃ puṇḍarīkaṃ ca rephaṃ vai viṣṇunā'ṅkitam |
bhūyastaṃ vikramīyuktaṃ tryailokyaiśvaryadānvitam || 180 ||
[Analyze grammar]

namo namaḥpadopetaṃ pañcadhā'tha trikaṃ nyaset |
krameṇa dvijaśārdūla kūṭa sūryāmṛtābhidhām || 181 ||
[Analyze grammar]

visargeṇāṅkayetpūrvaṃ vyomeśena padaṃ tataḥ |
tṛtīyamaurvasaṃjñena caturthaṃchādanena tu || 182 ||
[Analyze grammar]

pañcamaṃ yogadhātrā tu yojyaḥ ṣaṣṭhena nārada |
avigrahaḥ saptame tu devadattaṃ niyojayet || 183 ||
[Analyze grammar]

tārakaṃ tvaṣṭame vipra viṣṭaraṃ navame tataḥ |
daśame ṛtadhāmānamūrjamekādaśaṃ mune || 184 ||
[Analyze grammar]

dvādaśe'bhyudayaṃ viddhi nyasedviṣṇuṃ trayodaśe |
rāmaṃ dvisaptame vipra vinyasettadanantaram || 185 ||
[Analyze grammar]

ānandaṃ pañcadaśame bīje tadanu nārada |
praṇavassanamasko'nte tadante praṇavaḥ punaḥ || 186 ||
[Analyze grammar]

bhūyaḥ praṇavamādāya bhagavatpadameva ca |
mameti dvyakṣaraṃ śabde vivekapadameva ca || 187 ||
[Analyze grammar]

pakāraṃ kevalaṃ dadyāddakāraṃ gopanāṅkitam |
tālalakṣmāṇamante tu aprameyojjhitaṃ mune || 188 ||
[Analyze grammar]

samayotthānataḥ śabdaṃ doṣaṃ jñānāṅkuśena vai |
padaṃ saptākṣaraṃ dadyātkamalaṃ kevaṃla tataḥ || 189 ||
[Analyze grammar]

viśvarūpasamārūḍhaṃ daṇḍadhāraṃ nyasettataḥ |
tadante kamalaṃ dadyāddaṇḍadhāramathoddharet || 190 ||
[Analyze grammar]

vṛṣakarmā ca tadadhaḥ akarāḷastato dvija |
akhaṇḍavikramī deyastadadhasthaḥ pratardanaḥ || 191 ||
[Analyze grammar]

śaśvacchabdastato vipra candrāṃśuścandapṛṣṭhataḥ |
ānandenāṅkitaḥ kāryo vyomeśenāṅkitena tu || 192 ||
[Analyze grammar]

rāmāṅkaṃ sragdharaṃ cādho māpādaya padaṃ tataḥ |
kālatryaśrāṅkitaṃ dadyānnaraṃ rāmāṅkitaṃ tataḥ || 193 ||
[Analyze grammar]

analaṃ varuṇaṃ caiva kevalaṃ yojayetkramāt |
puṇḍarīko'gnirūpaśca vaikuṇṭhastu tṛtīyakaḥ || 194 ||
[Analyze grammar]

chandastryaśrāṅkito yojyaśca ndrāṃśuṃ proddharettataḥ |
chandaḥpatisamārūḍhamānandenātha cāṅkayet || 195 ||
[Analyze grammar]

gakāraṃ kevalaṃ dadyādvaikuṇṭhaṃ vyomarāḍyutam |
pūjayeti vadedvīpsāṃ sūryaṃ tadanu coddharet || 196 ||
[Analyze grammar]

sāmadāma kamasyānte dīptimantamanantaram |
utphullanayanascānte caturṇāṃ yojayetkramāt || 197 ||
[Analyze grammar]

tryailokyaiśvaryadaṃ mūrdhni prajñādāramathāsane |
tato jhaṣaṃ samādāya jvālārūḍhaṃ tu nārada || 198 ||
[Analyze grammar]

vyomeśena samāyuktaṃ gharmāṃśuṃ proddharettataḥ |
tasyāsane tu liṅgātmā yojanīyo'vasānataḥ || 199 ||
[Analyze grammar]

aprameyojjhitaḥ sragvī ādheyaścātha lāṅgalī |
āsane bhagavānasya vairājastasya pūrvakam || 200 ||
[Analyze grammar]

dvidhā'nalaṃ samuddhṛtya nyasyastābhyāmatha kramāt |
lāṅgalī viśvarūpaśca vyāpī bāhyāttu mastake || 201 ||
[Analyze grammar]

prathamasyāsane yojyaṃ nāmnā varṇaṃ prasāraṇam |
dīrghaghoṇaṃ dvitīyasya yojayettadanantaram || 202 ||
[Analyze grammar]

athānalaṃ dvijādāya tadadhaḥ sāmaphāṭhakam |
aśeṣabhuvanādhārarūḍhaṃ kṛtvā'sya mūrdhani || 203 ||
[Analyze grammar]

aiśvaryasaṃvṛtaṃ vyoma nyasedekaṃ dvidhā mune |
tato'nalaṃ samādāya sūryaṃ nyasyedadhastataḥ || 204 ||
[Analyze grammar]

asya cādho'nalaṃ cordhve vyomacairāvamasthitam |
tatastu rephamādāya jhaṣopari gataṃ mune || 205 ||
[Analyze grammar]

tadadhopari tejasvī tadadho hyanalaṃ punaḥ |
lokeśoparisaṃsthaṃ tu aṃkāraścāsya mūrdhani || 206 ||
[Analyze grammar]

paṭkāradvitayaṃ cānte kevalo lāṅgalī tataḥ |
rāmāṅkito daṇḍadhara sragvī tenaiva cāṅkitaḥ || 207 ||
[Analyze grammar]

mahāmantreti ca padaṃ śabdeneti padaṃ tataḥ |
vighno'yamiti vai deyaṃ samayeti padaṃ tataḥ || 208 ||
[Analyze grammar]

doṣahṛddanta dante tu avidyānicayaṃ tataḥ |
badharībhūtāmiti vai śīghraṃ kuru kuru dvija || 209 ||
[Analyze grammar]

tataḥ praṇavamādāya sūryo yojyastato mune |
sūparṇaṃ ca tadante tu prāṇastadanu nārada || 210 ||
[Analyze grammar]

kūṭastadavasāne tu sarvalokeśasaṃsthitaḥ |
vyomeśabhūṣitaścaiva bhagavanme padaṃ tataḥ || 211 ||
[Analyze grammar]

saṃpūrṇe ca padaṃ dadyāddānavarṇayutaṃ tataḥ |
karmaṇiśabdamatha ca saṃpādaya padaṃ dvidhā || 212 ||
[Analyze grammar]

dvayaṃ A |
tadante kaustubhapadaṃ oṃbhagavanpadaṃ tataḥ |
tataścāmṛtamūrte vai samastapadameva hi || 213 ||
[Analyze grammar]

padaṃ mantragaṇaṃ cāto yakāraḥ kevalastataḥ |
nārāyaṇaḥ pradhānasthaśśāntidaḥ kevalastataḥ || 214 ||
[Analyze grammar]

vakāraḥ A |
naro'tha bhuvanārūḍho rārūḍho'tha gadādharaḥ |
otadehāṅkitaprāṇaśśaṅkasthaścātha śāntidaḥ || 215 ||
[Analyze grammar]

vyomeśayukto vairājaḥ sragdharaḥ kevalastataḥ |
tālalakṣmā tadante tu tṛptiṃ ca tadadho nyaset || 216 ||
[Analyze grammar]

tasyāpyadho varāhaṃ tu viṣṇo'yaṃ gopanāṅkitaḥ |
nārāyaṇo'tha caikākī bhūyassa damanordhvagaḥ || 217 ||
[Analyze grammar]

ādidevena cākrānto mandaro'thāṅkuśasthitaḥ |
aukārasaṃyutaḥ sragvī tryaśrayukto'tha dīptimān || 218 ||
[Analyze grammar]

kevalaśca tataḥ panthāssantarpayapadaṃ dvidhā |
somo'tha varūṇārūḍho dvidhā deyaśca nārada || 219 ||
[Analyze grammar]

vyāpī cāndrī tathā'nando yojyastadanu vai dvayoḥ |
varāho'thāmṛtasthastu tadadhaḥ puruṣeśvaraḥ || 220 ||
[Analyze grammar]

uddāmo hyatha tasyādho vyāpī cāndrī ca mūrdhani |
etadeva punardadyādbhuvanārṇena varjitam || 221 ||
[Analyze grammar]

viṣṇunālaṅkṛtaṃ kiṃ tu sānandamamṛtaṃ tataḥ |
tadadhaścāmṛtādhāraṃ śaṅkhaṃ tasyāpyadho nyaset || 222 ||
[Analyze grammar]

viśvāpyāyakarānandaṃ trailokyaiśvaryadānvitam |
parameśvarasaṃyuktaṃ nyasetsomamatha dvidhā || 223 ||
[Analyze grammar]

varuṇo bhūdharopetastvagnirūpo'tha kevalaḥ |
daṇḍadhārastato deyaḥ praṇavenāṅkito mune || 224 ||
[Analyze grammar]

namo namastataḥ svāhā mantro'yaṃ tridaśārcitaḥ |
śatāni paṭ ca varṇānāṃ varṇā dvādaśa ca dvija || 225 ||
[Analyze grammar]

ardhākṣarāṇi vai pañca ityetatkathitaṃ mune |
asya mahāmantrasya praśaṃsā |
mantro'yaṃ sūcitaḥ prāgvai rakṣaṇīyaḥ prayatnataḥ || 226 ||
[Analyze grammar]

chinnānāmapi bhinnānāṃ mantrāṇāṃ cārurūpiṇām |
eṣā mantravaraḥ śreṣṭhassarveṣāmapi pūrayet || 227 ||
[Analyze grammar]

tejasā'pi ca vīryeṇa saumyatvena sadaiva vā |
samastadoṣaśamano vighnavidhvaṃsakṛnmahān || 228 ||
[Analyze grammar]

mantro'yaṃ muniśārdūla gopanīyaḥ prayatnataḥ |
sāmānyaṃ sādhakānāṃ ca sacchāsananiṣeviṇām || 229 ||
[Analyze grammar]

anekavaktranayanamanekāṅghrikarānvitam |
anekādbhutadātāramanekābharaṇabhūṣitam || 230 ||
[Analyze grammar]

anekagandhapuṣpāḍhyamanekāyudhadhāriṇam |
anekadīptanayanamanekaphalabhūṣitam || 231 ||
[Analyze grammar]

anekamantrakoṭībhissaṃsmaretsevitaṃ sadā |
yastu naimittike yāge nitye vānanyamānasaḥ || 232 ||
[Analyze grammar]

Other editions:

Also see the following editions of the Sanskrit text or (alternative) English translations of the Jayakhya-samhita Chapter 21

Cover of edition (2002)

The Pancaratra Agamas (an Introduction)
by Swami Harshananda (2002)

[Publisher: Ramakrishna Math, Bangalore]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: