Jayakhya-samhita [sanskrit]

41,582 words | ISBN-13: 9788179070383

The Sanskrit text of the Jayakhya-samhita: considered one of three most ancient of Vaishnava Agamas, belonging to the Pancaratra tradition. Important opics of the Jayakhya-samhita include Philosophy, Cosmology, Emancipation of sous (Jiva) and Tantric practices Alternative titles: Jayākhyasaṃhitā (जयाख्यसंहिता), Jayākhya-saṃhitā (जयाख्य-संहिता), Jayakhyasamhita.

athābhiṣecayecchiṣyaṃ sarvalakṣaṇasaṃyutam |
sukhāntaṃ spaṣṭamanasaṃ saṃyataṃ devapūjakam || 1 ||
[Analyze grammar]

gurubhaktaṃ jitākṣaṃ ca pūrvoktasamayasthitam |
evaṃvidhasya satataṃ kartavyamabhiṣecanam || 2 ||
[Analyze grammar]

abhiṣekturācāryasya brāhmaṇajātīyasya sarveṣāmabhiṣekavidhāne'dhikāraḥ |
ācāryassarvavarṇānāmāśramāṇāṃ tathaiva ca |
tathā sāmayikādīnāṃ trayāṇāṃ ca viśeṣataḥ || 3 ||
[Analyze grammar]

prabhutvenābhiṣektavyamadhikārārthameva ca |
tenāpi sarvajantūnāṃ kāryo nityamanugrahaḥ || 4 ||
[Analyze grammar]

parituṣṭena satataṃ dātavyamabhiṣecanam |
brāhmaṇaḥ pañcakālajñaḥ kuryātsarveṣvanugraham || 5 ||
[Analyze grammar]

brāhmaṇādyabhāve kṣatriyādīnāṃ svasvāvaravarṇānāṃ śiṣyāṇāmanugrahābhiṣekakaraṇe'dhikāraḥ |
tadabhāvāddvijaśreṣṭha śāntātmā bhagavanmayaḥ |
bhāvitātmā ca sarvajñaḥ śāstrajñaḥ satkriyāparaḥ || 6 ||
[Analyze grammar]

siddhitrayasamāyukta ācāryatve'bhiṣecitaḥ |
kṣatraviṭśūdrajātīnāṃ kṣatriyonugrahakṣamaḥ || 7 ||
[Analyze grammar]

kṣatriyasyāpi ca gurora bhāvādīdṛśo yadi |
vaiśyaḥsyāttena vai kāryo dvayornityamanugrahaḥ || 8 ||
[Analyze grammar]

su jātīyena śūdreṇa tādṛśena mahādhiyā |
anugrahābhiṣekau ca kāryau śūdrasya sarvadā || 9 ||
[Analyze grammar]

uttamavarṇasyāviduṣa upāyena saṃbodhaprāpaṇam |
upāyena bhayāllobhātsarvairmūrkho dvijottamaḥ |
sanmārge viniyoktavyaḥ śāstreṇa kriyayā tathā || 10 ||
[Analyze grammar]

yāvatsaṃbodhamāpnoti svātmanā śubhalakṣaṇam |
prāptasaṃbodhasya tasya vinā'nugrahabuddhyā sakalakriyādhānapūrvakaṃ kālena kṛtakṛtyatāpādanam |
pūrvoktena vidhānena iṣṭvā yāgena cācyutam || 11 ||
[Analyze grammar]

vidhinā'gnau ca santarpya snāpayitvā dvijottama |
vinā'nugrahabudhyā vai tasya kāryā kriyā'khilā || 12 ||
[Analyze grammar]

mantreṇārcāpayedviṣṇumarthito hyupaveśitam |
kṛtakṛtyo yadā sa syātkramātkālāntareṇa ca || 13 ||
[Analyze grammar]

ācāreṇa tathā nītyā śāstreṇa kṛpayā tathā |
sajatīyasyāpi guroralābhena svasya svenaivānugrahābhiṣekayoḥ kartavyatā |
tathā śāstroktavidhinā svayamiṣṭvā jagadguruṇ || 14 ||
[Analyze grammar]

hutvā śāstroktavidhinā arcayitvā'cyutaṃ prabhum |
anugrahābhiṣekau ca svayamātmani kalpayet || 15 ||
[Analyze grammar]

svajātīyagurorvipra abhāvādidamācaret |
anukalpaṃ dvijādyaiśca ātmasaṃskārasiddhaye || 16 ||
[Analyze grammar]

sati gurau svenaiva kartavyatāyāḥ pratiṣedhaḥ |
gurau varṇottrame vipta vidyamāne śrute'pi vā |
svadeśato'pi vā'nyattra nedaṃ kāryaṃ śubhārthinā || 17 ||
[Analyze grammar]

svadeśato'pi yaḥ kuryādyatra yatra viparyayam |
tasyeha putranāśaḥ syāttasmācchāstroktamācaret || 18 ||
[Analyze grammar]

uttamavarṇasya dīkṣādividhāne'varavarṇasyānadhikāraḥ |
kṣatraviṭśūdrajātīyaḥ prātilomyānna dīkṣayet |
tritatvaviddvijātīyo dīkṣayedanulomataḥ || 19 ||
[Analyze grammar]

samayajñābhiṣekavidhānaprakāraḥ |
mūlamantropajaptena tadvyāptivibhavaṃ vinā |
samayajñasya saṃpādyaṃ guruṇācābhiṣecanam || 20 ||
[Analyze grammar]

putrakasyābhiṣekavidhānaprakāraḥ |
mantroccāraṇamātreṇa dhyānasaṃvittivarjitam |
dhyātvā'tha tattvaniśrerṇī navadhā bījasaṃsthitām || 21 ||
[Analyze grammar]

ekonādhiṣṭhitāṃ sravāṃ mūlena sakalātmanā |
tāṃ tu saṃpūjya saṃsmṛtya sṛṣṭidharmakrameṇa tu || 22 ||
[Analyze grammar]

manasā tu muniśreṣṭha puṣpairvā vividhaiḥ śubhaiḥ |
tato'bhiṣeko dātavyastattvākhyaḥ putrakasya ca || 23 ||
[Analyze grammar]

sādhakābhiṣekaprakāraḥ |
sādhakasyāpi vakṣyāmi abhiṣekavidhiṃ kramāt |
dhyātvā'tha tattvaniśreṇīṃ saṃhāraṃ sṛṣṭiyogataḥ || 24 ||
[Analyze grammar]

navadhā trividhenaiva bhinnāṃ sūkṣmādinā tvatha |
mantraśreṇīṃ ca navadhā kramānnyasya puroditām || 25 ||
[Analyze grammar]

tatraiva sṛṣṭiṃ yogena sakalaṃ niṣkalaṃ dvidhā |
pūjayitvā vidhānena kalaśeṣu pṛthak pṛthak || 26 ||
[Analyze grammar]

prāgvatsaṃsmṛtya saṃsmṛtya sādhakatvena putrakam |
tattvābhiṣecanaṃ dadyācchubhaṃ siddhikaraṃ mahat || 27 ||
[Analyze grammar]

tatvamantrāvadhiryāvatsādhakasyābhiṣecanam |
ācāryābhiṣecanam |
datvaivaṃ mantrasiddhasya gurutvena tato dvija || 28 ||
[Analyze grammar]

tasyaiva yādṛśaṃ dadyādabhiṣekaṃ hitaṃ śṛṇu |
īśvarādacalāntācca sādhibhūtādhidaivatām || 29 ||
[Analyze grammar]

tattvamālāṃ smaretsarvāṃ sṛṣṭinyāyena vai purā |
tatra vinyasya vitatāṃ mantraśreṇīṃ puroditām || 30 ||
[Analyze grammar]

trividhena prakāreṇa saptārṇādyāvadaṅkuśam |
prapūjya vidhinā paścātsaṃhārākhyakrameṇa tu || 31 ||
[Analyze grammar]

parijapyaṃ dvijaśreṣṭha yāvadvāṇī nivartate |
svabhāvastho guruḥ sākṣātpareṇānekabhedinā || 32 ||
[Analyze grammar]

tato'bhiṣeko dātavyo manasā vibhavena ca |
paratatvāvadhiṃ dhyātvā deśikañcābhiṣecayet || 33 ||
[Analyze grammar]

samayajñādīnāṃ caturṇāmabhiṣeke bhāvanīyaḥ parvabhedaḥ |
senāpatikrameṇaiva samayajñasya sarvadā |
mahāmantritvavidhinā putrakasyābhiṣecanam || 34 ||
[Analyze grammar]

yuvarājavidhānena dātavyaḥ sādhakasya ca |
rājopacāravidhinā abhiṣeko guroḥ smṛtaḥ || 35 ||
[Analyze grammar]

ācāryābhiṣekaprayogaḥ |
dīkṣāmaṇḍalavedyāṃ tu sitena rajasā gurum |
svastikaṃ maṇḍalaṃ kṛtvā tanmadhye maṇḍalaṃ śubham || 36 ||
[Analyze grammar]

dvihastaṃ śāśvataṃ padmaṃ yajñavṛkṣodbhavaṃ tu vā |
sukṛtaṃ cā'tha suślakṣṇaṃ sarvatrāṣṭāṅgulocchritam || 37 ||
[Analyze grammar]

mṛgacarma tu tatpṛṣṭhe sitaṃ vastraṃ tadūrdhvataḥ |
vitānenordhvatācchena sapuṣpeṇa sitena ca || 38 ||
[Analyze grammar]

pūrṇapātrānvitaṃ tatra dikṣu pūrṇaghaṭādikam |
dadyāddīpāṣṭakaṃ tatra lājādīn paritaḥ kṣipet || 39 ||
[Analyze grammar]

saṃsthāpya pīṭhanikaṭe bhramaddakṣiṇataḥ kramāt |
candanaṃ sitamarghyaṃ ca dūrvā jātiphalāni ca || 40 ||
[Analyze grammar]

tāṃbūlavyañjanaṃ daṇḍaṃ vicitre cāpyupānahau |
śaṅkhacakragadāpadmaśubhamudrācatuṣṭayam || 41 ||
[Analyze grammar]

vāsasī upavītaṃ ca kauśeyaṃ ca pavitrakam |
ghaṭikāṃ karaṇīṃ sūtramarghyapātraṃ kamaṇḍalum || 42 ||
[Analyze grammar]

gairikaṃ mukhavāsāṃsi sitamṛdgomayaṃ tathā |
kṛṣṇasāraruroścarma dantadhāvanameva ca || 43 ||
[Analyze grammar]

tataḥ sarvādhikārārthaṃ saṃhitāpustakādi ca |
īśadiṅbhaṇḍalasyātha sthalīṃ kṛtvā tathāvidhām || 44 ||
[Analyze grammar]

śobhitāṃ ca vitānādyaistatra mantreśvarastataḥ |
ādau tu kalaśe pūjyastato maṇḍalamadhyagaḥ || 45 ||
[Analyze grammar]

vahnimadhye tataḥ pūjyaḥ śiṣyadehe punaḥ punaḥ |
ātmasthaṃ ca purā devaṃ saṃpūjya tadanantaram || 46 ||
[Analyze grammar]

ānīya kalaśandivyān pūrvalakṣaṇalakṣitān |
sarvaratnaiśca saṃpūrṇānkadalīphalaśobhitān || 47 ||
[Analyze grammar]

tīrthodakena saṃpūrṇān prāguktaracanānvitān |
pradakṣiṇena vinyasya prāgādau maṇḍalādbahiḥ || 48 ||
[Analyze grammar]

svatattvasaṃkhyayā'cārye |
ācāryābhiṣekāt sādhakādyabhiṣeke kalaśasaṃkhyāyāṃ bhedaḥ |
sādhake putrake'tha ca |
ekaṃ vai samayajñasya drave karma vinikṣipet || 49 ||
[Analyze grammar]

evaṃvidhāṃstu kalaśānsatyādyaiśca pratiṣṭhitān |
purā kṛtvā vidhānena prāguktena krameṇa tu || 50 ||
[Analyze grammar]

mantraiḥ saṃjapya saṃpūjya saṃcitya ca yathākramam |
prāgādiṣvatha sarveṣu gandhapuṣpādibhiḥ kramāt || 51 ||
[Analyze grammar]

pūrvoditena vidhinā iṣṭvā mantrośvaraṃ vibhum |
prajāpayettataḥ śiṣyaṃ svātmīyena krameṇa tu || 52 ||
[Analyze grammar]

caruṇā ca tataḥpūjyamādhārādikrameṇa tu |
vedimadhyagataṃ caiva abhiṣekāsanaṃ śubham || 53 ||
[Analyze grammar]

mantrapīṭhatvamāpannaṃ lājaprakaraśobhitam |
tasyopari sthitaṃ kṛtvā śiṣyaṃ mantraśarīriṇam || 54 ||
[Analyze grammar]

gatvā'tha maṇḍalāgraṃ tu vijñāpyaḥ parameśvaraḥ |
tvacchāsanaprapannānāmadhikāraṃ karomyaham || 55 ||
[Analyze grammar]

śiṣyamātmasamaṃ bhaktamahaṃ yāsyāmi te layam |
labdhānujñastato vipra pūrvadiksaṃsthitaśca yaḥ || 56 ||
[Analyze grammar]

kalaśaṃ pūjayitvā taṃ svamantreṇa svamudrayā |
sahasraparijaptena samyagaṣṭādhikena ca || 57 ||
[Analyze grammar]

śatajaptena daśabhiḥ sakṛtgurvāditaḥ kramāt |
dhvātvā cāmṛtasaṃpūrṇaṃ mantraṃ ratnojjvalaṃ prabhum || 58 ||
[Analyze grammar]

tasya mūrdhni śubhaṃ datvā kalaśaṃ mantrapūjitam |
tataḥ krameṇa kalaśaiḥ sakalairabhiṣecayet || 59 ||
[Analyze grammar]

paṭhadbhirmāṅgalīyāni ṛksāmāni yajūṃṣi ca |
maṅgalairdīyamānaistu tantrīvādyasamanvitaiḥ || 60 ||
[Analyze grammar]

śaṅkhaśabdaiḥ sapaṭahairjayaśabdasamanvitaiḥ |
anena vidhinā kuryādācāryasyābhiṣecanam || 61 ||
[Analyze grammar]

mantropakaraṇaṃ sarvaṃ tasya saṃpratipādya ca |
hastadvayaṃ ca vaktavyaṃ praṇamyā saṃsthitasya ca || 62 ||
[Analyze grammar]

sahasrakiraṇābhaṃ tu sūryabījena cācyutam |
smareddakṣiṇahastasthaṃ padme cānantapallave || 63 ||
[Analyze grammar]

kalādvādaśasaṃyukte akārādyairadāruṇaiḥ |
dravyaśuddhividāhārthaṃ dravyotpattau tataḥ smaret || 64 ||
[Analyze grammar]

sitaṃ sahasrapatrāḍhyaṃ kalāṣoḍaśakesaram |
somabījena tanmadhye smarennārāyaṇaṃ prabhum || 65 ||
[Analyze grammar]

sravantamamṛtaṃ divyaṃ dravyotpādanakarmaṇi |
bhautaṃ tānmātrikaṃ māntraṃ vigrahaṃ cāsya darśayet || 66 ||
[Analyze grammar]

vijñānapadavīṃ sarvāṃ svānubhūtāmanekaśaḥ |
sthāvalakṣakrameṇaiva vaktvayā vividhāśca vai || 67 ||
[Analyze grammar]

vyākhyātāḥ pustake yāśca vijñānagatayaḥ śubhāḥ |
taccittaṃ hi kramāttāsāmanusandhāya vai guruḥ || 68 ||
[Analyze grammar]

ācāryasamayān paścādūrdhvasthāñchrāvayecchubhān |
ācāryapadāsādhāraṇā viśeṣasamayāḥ |
saṃsārabhayabhītānāṃ bhaktānāṃ parameśvare || 69 ||
[Analyze grammar]

śāstrakrameṇa vidhivadidaṃ śāstraṃ prakāśayet |
gacchaṃstiṣṭansvapan jāgradbhagavantaṃ smaretsadā || 70 ||
[Analyze grammar]

puṇḍarīkasya madhyasthaṃ dravyairdānasamudbhavaiḥ |
māntrabhāvādyajedviṣṇuṃ deśe taskarasaṃkaṭe || 71 ||
[Analyze grammar]

nābhimānācca vai bāhyā kriyā tyājyā kadācana |
cāturmāsyaṃ ca niyamamavatiṣṭhedavaśyataḥ || 72 ||
[Analyze grammar]

upabhuktaṃ pareṇaiva viśeṣāddīkṣitena tu |
chatropānahavastrādyaṃ nopayuñjīta jātu vai || 73 ||
[Analyze grammar]

asaṃpattāvathāpatsu na doṣaṃ kṣālite sati |
svagurordīkṣitānāṃ ca ācāryāṇāṃ sadaiva hi || 74 ||
[Analyze grammar]

upabhuktaṃ na doṣaḥ syātsvadattādāhṛtāttu vā |
bhagavadbhaktiniṣṇātāstaccittāstatparāyaṇāḥ || 75 ||
[Analyze grammar]

karmaṇā manasā vācā saṃmānyāśca sadaiva hi |
bhartavyāścaiva pūjyāśca vāgdānairmadhuraiḥ sadā || 76 ||
[Analyze grammar]

jātidharmamanujjhitvā tathāca svaguroḥ kramam |
svaśāstravihitaṃ cāpi jñānaṃ śikṣedaśikṣitam || 77 ||
[Analyze grammar]

ekataḥ samayāḥ sarve niyamāścaiva sarvaśaḥ |
ekato bhagavānviṣṇurgurustadbhāvino narāḥ || 78 ||
[Analyze grammar]

jñātvā jīrṇamasāraṃ ca idaṃ putra kalevaram |
svādhikāraṃ samāropya yogyasyāṭanamācaret || 79 ||
[Analyze grammar]

daṇḍī kaṣāyavāsāśca namo nārāyaṇāya vai |
bruvanpraṇavapūrvaṃ ca tyaktvā sarvaparicchadam || 80 ||
[Analyze grammar]

kṣetrāyatanatīrthānāmante brahmaṇi yojayet |
ātmatatvaṃ śarīraṃ ca agnau vā khecarādiṣu || 81 ||
[Analyze grammar]

tattvasanyāsayogena yena syācchāntirācyuti |
ityuktvā dakṣiṇe haste svayaṃ sañcintya vai guruḥ || 82 ||
[Analyze grammar]

mantrātmānaṃ paraṃ viṣṇuṃ paraṃ sakalaniṣkalam |
saṃpūjya gandhapuṣpādyairdadyāttasya ca mastake || 83 ||
[Analyze grammar]

śiṣyeṇa guroḥ pādodakaprāśanakartavyatā |
nyasyāsanaṃ tataḥ śiṣyaḥ pādayornikṣipecchiraḥ |
prakṣālya salilenātha guroścaraṇapaṅkajam || 84 ||
[Analyze grammar]

tenātmānaṃ tu saṃsicya pipedañjalinā tataḥ |
pūrvavatpūjayedbhaktyā ātmanā'tha dhanena ca || 85 ||
[Analyze grammar]

anena vidhinā kuryādācāryasyābhiṣecanam |
sādhakābhiṣekātideśaḥ |
evameva vidhānena sādhakaṃ cābhiṣecayet || 86 ||
[Analyze grammar]

Other editions:

Also see the following editions of the Sanskrit text or (alternative) English translations of the Jayakhya-samhita Chapter 18

Cover of edition (2002)

The Pancaratra Agamas (an Introduction)
by Swami Harshananda (2002)

[Publisher: Ramakrishna Math, Bangalore]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: