Jayakhya-samhita [sanskrit]

41,582 words | ISBN-13: 9788179070383

The Sanskrit text of the Jayakhya-samhita: considered one of three most ancient of Vaishnava Agamas, belonging to the Pancaratra tradition. Important opics of the Jayakhya-samhita include Philosophy, Cosmology, Emancipation of sous (Jiva) and Tantric practices Alternative titles: Jayākhyasaṃhitā (जयाख्यसंहिता), Jayākhya-saṃhitā (जयाख्य-संहिता), Jayakhyasamhita.

ghyānārthaṃ nirjanasthānaṃ prati gamanam |
śrībhagavān |
sāstraṃ dūrvāṅkuraṃ datvā puṣpaṃ patraṃ tilāṃstu vā |
sodakānātmano mūrdhni śikhāsthāne ca nārada || 1 ||
[Analyze grammar]

nyā C. L |
tataścodakasampūrṇaṃ bhāṇḍamādāya pāṇinā |
ekāntanirjanaṃ yāyānmanojñaṃ doṣavarjitam || 2 ||
[Analyze grammar]

hṭanmadhyasthaṃ smare nmantraṃ prabuddhānalavigraham |
digantaramavīkṣanvai maunī saṃrodhitānilaḥ || 3 ||
[Analyze grammar]

sthānaprāptisamaye kartavyāṃśaḥ |
prāpya sthānaṃ svamantraṃ tu nāsāgreṇa virecayet |
bahirastraṃ ca vinyasya caraṇena hanetkṣitim || 4 ||
[Analyze grammar]

mantrapūrvaṃ smaredviṣṇuṃ sakalaṃ garuḍāsanam |
darbhādyāsanavikalpaḥ |
ekadeśaṃ samāsādya badnīyādrucirāsanam || 5 ||
[Analyze grammar]

darbhe carmaṇi vastre vā phalake yajñakāṣṭhake |
gurusmaraṇapūrvakamānasakriyānirvahaṇam |
abhivandya hariṃ bhaktyā manasā gurusantatim || 6 ||
[Analyze grammar]

gṛhītvā mānasīmājñāṃ tebhyastu śirasā nataḥ |
mānasīṃ nirvahetsarvāṃ kriyāṃ vipra yathāsthitām || 7 ||
[Analyze grammar]

āsanaśuddhiḥ |
mūlamantrābhijaptena toyena prokṣya cāsanam |
cchoṭikāṃ mantrasaṃyuktāṃ dadyāttacchuddhaye punaḥ || 8 ||
[Analyze grammar]

karaśuddhiḥ |
hastaśuddhiṃ tataḥ kuryādyathā tacchṛṇu nārada |
dve tale hastapṛṣṭhe dve sarvāścāḍgulayastathā || 9 ||
[Analyze grammar]

astramantreṇa saṃśodhya dhyānoccāraprayogataḥ |
kṛtvaivaṃ karaśuddhiṃ ca sthānaśuddhiṃ samācaret || 10 ||
[Analyze grammar]

sthānaśuddhiḥ |
dhyātvā devaṃ jvaladrūpaṃ sahasrārkasamaprabham |
jvālākoṭisamākīrṇaṃ vamantaṃ jvalanaṃ mukhāt || 11 ||
[Analyze grammar]

tena saṃpūrayetsarvamābrahmabhuvanāntimam |
digoghaṃ prajvalantaṃ ca bhāvayenmantratejasā || 12 ||
[Analyze grammar]

kṣmāmaṇḍalamidaṃ sarvaṃ smaranpavkaṃ ca vahninā |
mantrajena dvijaśreṣṭha mṛṇmayaṃ bhājanaṃ yathā || 13 ||
[Analyze grammar]

sthānaśuddhirbhavatyevaṃ sudhākallolasecanāt |
bhūtaśuddhiṃ śṛṇu mune yathāvadanupūrvaśaḥ || 14 ||
[Analyze grammar]

bhūtaśuddhiprakaraṇam |
pṛthvyaptejonilākāśaṃ śarīraṃ bhūtapañcakam |
indrajālopamaṃ viddhi jñānādyairujjhitaṃ guṇaiḥ || 15 ||
[Analyze grammar]

malinañcāsvatantra ca retoraktodbhavaṃ kṣayi |
yāvanna śodhitaṃ samyak dhāraṇābhirnirantaram || 16 ||
[Analyze grammar]

tāvadetadayogyaṃ syānmantranyāsādivastuṣu |
pṛthivyādibhūtānāṃ bījāni |
śaṅkaraścāgnirūpaśca somaḥsūryastadantakaḥ || 17 ||
[Analyze grammar]

somasūryāvanantaraḥ A |
varṇapañcakametadvai yuktaṃ kuryātkrameṇa tu |
dhareśena varāheṇa analenātha kambunā || 18 ||
[Analyze grammar]

pradhānena dvijaśreṣṭha sarveṣāṃ yojayettataḥ |
trailokyaiśvaryadopetamādidevaṃ ca mūrdhani || 19 ||
[Analyze grammar]

pṛthvīkāgnimarudvyomabījānyetānyanukramāt |
pṛthvyādisaṃjñāyuktāni huṃphaḍantāni nārada || 20 ||
[Analyze grammar]

prāgoṅkāreṇa yuktāni bhūtaśuddhau tridhoccaret |
bhūteśvarāṇāṃ pañcānāṃ paratvena kramātsthitāḥ || 21 ||
[Analyze grammar]

pṛthivyādibhūtānāṃ devatāḥ |
aniruddhādayaḥ pañca satyapūrvāḥ puroditāḥ |
śaktitvena ca vartante taiśca tānvyāharetkramāt || 22 ||
[Analyze grammar]

pṛthivyādimahābhūtāṃnāṃ svavigrahe praveśanatadvyāpanatadvilayanaprakārāḥ |
sauṣumnāddakṣiṇadvārānnirgamayya hariṃ bahiḥ |
sahasraravisaṅkāśaṃ vṛttamaṇḍalamadhyagam || 23 ||
[Analyze grammar]

taptakāñcanavarṇābhamāsīnaṃ parame pade |
mantrātmānaṃ tu taṃ dhyātvā hyupari dvādaśāṅgule || 24 ||
[Analyze grammar]

prabhācakraṃ tu tadadhastattvādhiṣṭātṛsaṃyutaḥ |
niṣkalaṃ mantradehaṃ tu dhyātvā tu tadadhaḥ kramāt || 25 ||
[Analyze grammar]

tatrādau pṛthivītattvanilayanam |
turyaśrāṃ pītabhāṃ bhūmiṃ cintayedvajralāñchitām |
śabdādyaiḥ pañcabhiryuktāṃ nagadrumasamākulām || 26 ||
[Analyze grammar]

puraprākārasusariddvīpārṇavapariṣkṛtām |
saṃviśantīṃ smaredbāhyātpūrakeṇa svavigrahe || 27 ||
[Analyze grammar]

proccārayaṃśca tanmantraṃ viśrāntāmatha cintayet |
jānvoḥ pādatalaṃ yāvattayā vyāptaṃ krameṇa tu || 28 ||
[Analyze grammar]

kumbhakena dvijaśreṣṭha mantramūrtau svake tataḥ |
śanaiḥ śanairlayam yātāṃ gandhaśaktau ca mantrarāṭ || 29 ||
[Analyze grammar]

jalatattvanilayanam |
gandhaśaktiṃ ca tāṃ paścādrecakena bahiḥkṣipet |
toyākhye ca mahādhāre tatastoyaṃ ca vaibhavam || 30 ||
[Analyze grammar]

samudrasasaritsroto rasaṣaṭkaṃ ca sauṣadhīḥ |
yāni yānyambubhūtāni bhūtāni bhuvanāntare || 31 ||
[Analyze grammar]

ardhacandrasamākāraṃ kamaladhvajaśobhitam |
vāruṇaṃ vibhavaṃ bāhye dhyātvā tenātha vigraham || 32 ||
[Analyze grammar]

saṃpūrya pūrakākhyena karaṇena śanaiśśanaiḥ |
ūrumūlācca jānvantaṃ śarīraṃ maṇḍalaṃ svakam || 33 ||
[Analyze grammar]

tenākhilaṃ tu saṃvyāptaṃ kumbhakena smareddvija |
tanmadhye vāruṇaṃ mantraṃ dhāraṇākhyaṃ vicintya ca || 34 ||
[Analyze grammar]

ammayaṃ vibhavaṃ sarvaṃ tanmadye vilayaṃ gatam |
tatastaṃ rasaśaktau ca sā śaktirvahnimaṇḍale || 35 ||
[Analyze grammar]

tejastattvanilayanam |
recakena vinikṣipya tato vānhaṃ ca vaibhavam |
trikoṇabhūvanākāraṃ dīptimadbhirvibhūṣitam || 36 ||
[Analyze grammar]

vidyuccandrārkanakṣatramaṇiratnaiśca dhātubhiḥ |
svaprakāśaśarīraistu aśarīraiśca khecaraiḥ || 37 ||
[Analyze grammar]

cinhitaṃ svastikairdīptairvyāpyaivaṃ vibhavaṃ mahat |
taijasaṃ muniśārdūla tanmānraṃ cātha saṃsmaret || 38 ||
[Analyze grammar]

tanmaṇḍalāntarasthaṃ tu proccaranvai tameva hi |
praviṣṭaṃ pūrvavaddhyāyettenaiva karaṇena tu || 39 ||
[Analyze grammar]

ānābheḥ pāyuparyantaṃ vyāptaṃ kṛtvā'vadhārya ca |
taṃ vipra vibhavaṃ sarvaṃ taijasaṃ paribhāvayet || 40 ||
[Analyze grammar]

pidhāya A |
tanmantravigrahe śrāntaṃ mantraṃ taccānalātmakam |
rupaśaktau layaṃ yātaṃ śaktissaṃvinmayī ca sā || 41 ||
[Analyze grammar]

vāyutattvanilayanam |
tayā mantraśarīraṃ svaṃ svaśaktyā vilayīkṛtam |
recakena kṛtāṃ śaktiṃ vāyvādhāre bahiḥ kṣipet || 42 ||
[Analyze grammar]

tatastu vāyavīyaṃ vai vaibhavaṃ bāhyataḥ smaret |
vṛttaṃ rājopalābhaṃ tu bimbairyuktaṃ tu taijasaiḥ || 43 ||
[Analyze grammar]

pūrṇaṃ nānāvidhairgandhairanekaistadguṇaistathā |
svamantreṇa samākrāntaṃ dhāraṇākhyena taṃ smaret || 44 ||
[Analyze grammar]

tathā svarūpaṃ tanmantraṃ dhyātvoccārya samāharet |
pūrvoktakaraṇenaivaṃ ghrāṇāgreṇa śanaiśśanaiḥ || 45 ||
[Analyze grammar]

ākaṇṭhānnābhideśāntaṃ tena vyāptaṃ tu bhāvayet |
prāguktakaraṇenaiva vāyavyaṃ vibhavaṃ tataḥ || 46 ||
[Analyze grammar]

adhiṣṭhātṛlayaṃ yātaṃ smṛtvā taṃ ca mahāmune |
sparśākhyāyāṃ mahāśaktau tāṃ śaktimavinaśvarīm || 47 ||
[Analyze grammar]

ākāśatattvanilayanam |
vyāptāṃ nityāmadṛśyāṃ ca svaśaktivibhavānvitām |
śabdākhye tu mahādhāre nikṣipedvyomamaṇḍale || 48 ||
[Analyze grammar]

dhyātvā'tha vibhavaṃ sarvaṃ vyomākhyaṃ vigrahādbahiḥ |
nānāśabdasamākīrṇaṃ nīrūpaṃ cāñjanaprabham || 49 ||
[Analyze grammar]

avigraheśśabdamayaiḥ pūrṇaṃ siddhairasaṅkhyakaiḥ |
tanmaghye dhāraṇānmantraṃ vyomākhyaṃ saṃsmareddvija || 50 ||
[Analyze grammar]

pūrva CL |
dhārayantaṃ svamātmānaṃ svasāmarthyena sarvadā |
śabdamatrāmarūpaṃ tu vyāpakaṃ vibhaveṣvapi || 51 ||
[Analyze grammar]

dhiyā ca saṃparicchannaṃ kṛtvā vinyasya vigrahe |
prāguktakaraṇenaiva tena vyāptaṃ tu bhāvayet || 52 ||
[Analyze grammar]

ākarṇādbrahmarandhrāntaṃ vyomākhyaṃ vibhavena ca |
sandhārya kumbhakenaiva yāvatkālaṃ tu yoginā || 53 ||
[Analyze grammar]

dhyāyetpariṇataṃ paścātsvamantre tu tathā mune |
vyomākhyaṃ dhāraṇāmantraṃ śabdaśaktau layaṃ gatam || 54 ||
[Analyze grammar]

śabdaśakteḥ kramāt gandhādiśaktinilayanāspadabhūtāyā niṣkale'nupraveśabhāvanam |
tāṃ śaktiṃ brahmarandhreṇa prayāntīmanubhāvayet |
yuktāṃ śakticatuṣkeṇa gandhādyenāvinaśvarīm || 55 ||
[Analyze grammar]

āśrayenniṣkaḷaṃ mantraṃ vyomātītaṃ nirañjanam |
śaktayo yāśca satyādyāstāsāmapi paraśca yaḥ || 56 ||
[Analyze grammar]

paṭkaṃ taṃ niṣkaḷaṃ viddhi vyāptiḥ prāguditā'sya ca |
samantraṃ vibhavaṃ bhautamevamastaṃ nayetkramāt || 57 ||
[Analyze grammar]

jīvasya padātpadāntaraprāpaṇakrameṇa dehāt sthūlāt prabhācakraviśeṣaprāpaṇena kaivalyasthitiprāpaṇam |
caitanyaṃ jīvabhūtaṃ yatprasphurattārakopamam |
bhāvanīyaṃ tu viśrāntaṃ nissṛtaṃ bhūtapañjarāt || 58 ||
[Analyze grammar]

niṣprapañce pare mantre pañcaśaktyākhyavigrahe |
anena kramayogena jīvamātmānamātmanā || 59 ||
[Analyze grammar]

ikṣate taddhṛdākāśe acalaṃ sūryavarcasam |
sphuraddyutisamākīrṇamīśvaraṃ vyāpakaṃ param || 60 ||
[Analyze grammar]

tato mantraśarīrasthaṃ samādhiṃ cābhyasetparam |
paraṃ mantraśarīraṃ yadvyaktamakṣarasantatau || 61 ||
[Analyze grammar]

sūryādivyomaparyantamatītaṃ śaktikāraṇaiḥ |
heyaṃ cetthamidaṃ budhvā yadā tatsthānabṛṃhitaḥ || 62 ||
[Analyze grammar]

atṛpto'kṛtakṛtyaśca mantrahṛtpadmasevanāt |
ṣaṭpadī hyātmatattvaṃ ca jñānarajvā'valaṃbya ca || 63 ||
[Analyze grammar]

hṛtkoṭarordhvānniryāntaṃ svātmānaṃ svātmanā smaret |
bhārūpānnāḍimārgeṇa mantravahneśśikhā hi sā || 64 ||
[Analyze grammar]

padmasūtrapratīkāśā suṣumnā cordhvagāminī |
tadbrahmarandhragāṃ smṛtvā supathā tena nārada || 65 ||
[Analyze grammar]

śanaiśśanaissvamātmānaṃ recya vijñānavāyunā |
māntraṃ kāraṇaṣaṭkaṃ ca evamavyāpakaṃ nayset || 66 ||
[Analyze grammar]

prāpnuyācca tadūrdhvāttu yaḥ parātprabhuvigrahāt |
uditaṃ dvijaśārdūla tejaḥpuñjo hyanūpamaḥ || 67 ||
[Analyze grammar]

tatpra bhācakranābhisthaṃ svānandānandananditam |
evaṃ padātpadasthasya ātmatattvasya nārada || 68 ||
[Analyze grammar]

tattva nirmuktadehasya kevalasya cidātmanaḥ |
ya udeti mahānandaḥ sā śaktirvaiṣṇavī parā || 69 ||
[Analyze grammar]

aluptakarmakartāraṃ jīvaṃ kṛtvā tamātmasāt |
yatroditā ca tatraiva punarevāvatiṣṭhate || 70 ||
[Analyze grammar]

tacca saṅkalpanirmuktamavācyaṃ viddhi nārada |
tyaktatayā bhāvitasyāsya bhautikadehasya prajvālanabhasmīkaraṇabhāvanam |
evaṃ svasthānamāsādya tyaktvā bhautaṃ ca vigraham || 71 ||
[Analyze grammar]

tatra sthito dahetpiṇḍaṃ śaktitanmātravrajitam |
ṣāṭkośikamasāraṃ ca nirdagdhatṛṇarūpiṇam || 72 ||
[Analyze grammar]

nirdaṇḍa S |
icchāgnimantraḥ |
icchānirmathanotthena mantrajena tu vahninā |
aśeṣabhuvanādhāraṃ caturgatisamanvitam || 73 ||
[Analyze grammar]

lokeśoparisaṃsthaṃ ca vyomni tasyopari nyaset |
praṇavādinamo'ntaṃ ca icchāgnervācakaḥ svayam || 74 ||
[Analyze grammar]

bhasmībhūtatvabhāvanam |
tenāṅghideśādārabhya taṃ piṇḍaṃ jvalitaṃ smaret |
śāntāgnimantraḥ |
bhasmarāśisamaprakhyaṃ śāntāgniṃ tadanu dvija || 75 ||
[Analyze grammar]

bhasmībhūtatayā bhāvitasya dhyānasamudbhūtasalilenāplāvanabhāvanā |
sāhlādena ca sūkṣmeṇa vyāpinoṅkārapūrviṇā |
namo'ntena tu tadbhasmapātaṃ dhyātvā'nvitastataḥ || 76 ||
[Analyze grammar]

bhasmāvaśeṣatayā bhāvitasya samāplāvanabhāvanā |
dhyānajenodakenātha bhūtiṃ saṃplāvya diggatām |
vinipātātsvamantreṇa siktena kṣīrarūpiṇā || 77 ||
[Analyze grammar]

athāpūrvatejoyaśarīrasṛṣṭibhāvanākramaḥ |
vagahamamṛtārūḍhaṃ trailokyaiśvaryadānvitam |
dīpakaṃ dvitayenaitatsaṃpuṭīkṛtya pūrvavat || 78 ||
[Analyze grammar]

tena kṣīrārṇavākārāddhyāyedviśvaṃ carācaram |
pātyamānaṃ tadūrdhve tu dhārāsaṅgho dvijāmṛtaḥ || 79 ||
[Analyze grammar]

turyasthānādviniṣkrānto bhāvanīyo muhurmuhuḥ |
tatrādhāramayīṃ śaktiṃ madye vinyasya vaiṣṇavīm || 80 ||
[Analyze grammar]

bījabhūtāṃ ca sarvasya tadutthaṃ cāmbujaṃ smaret |
ṣaḍadhvatattvabhūtaṃ ca sitaṃ tejomayaṃ śubham || 81 ||
[Analyze grammar]

maṇḍalatritayākīrṇaṃ spuratkiraṇabhāsvaram |
mantrātmānaṃ ca tanmadhye dhyāyennārāyaṇaṃ prabhum || 82 ||
[Analyze grammar]

niṣkalaṃ kevalaṃ śuddhaṃ pañcasanmantravigraham |
tanmantraśaktibhirbhūyo mūrcchitaṃ bhāvayeddvija || 83 ||
[Analyze grammar]

vyomādipañcabhūtīyaṃ mantramīśvarapañcakam |
tebhyo'tha prasarantaṃ ca vyomādyaṃ vibhavaṃ smaret || 84 ||
[Analyze grammar]

saṃyogajanitaṃ piṇḍaṃ dhyāyedvibhavapañjarāt |
sahasrasūryasaṅkāśaṃ śatacandragabhastimat || 85 ||
[Analyze grammar]

nirmalasphaṭikaprakhyaṃ jarāmaraṇavarjitam |
janitvaivaṃ sapiṇḍaṃ tu paramaṃ bhogamokṣayoḥ || 86 ||
[Analyze grammar]

sādhanaṃ muniśārdūla sahajaṃ sarvadehinām |
tamāsādya krameṇaivaṃ sisṛkṣālakṣaṇena ca || 87 ||
[Analyze grammar]

svapādānnistaraṅgācca kṛtvā śaktyā sahodayam |
jīvasya sṛṣṭe śarīre praveśanakramaḥ |
svānandaṃ ca mahānandātsvanantāccāśrayettataḥ || 88 ||
[Analyze grammar]

cinma A |
tsvānandā A |
mārīcaṃ nābhasaṃ cakraṃ tasmādrūpaṃ svakaṃ ca yat |
sūryakoṭikarābhāsaṃ praspurantaṃ svabhāsasā || 89 ||
[Analyze grammar]

kadambagoḷakākāraṃ niśāmbukaṇanirmalam |
evamātmānamānīya svasthānātsvātmanā dvija || 90 ||
[Analyze grammar]

viśenmantraśarīraṃ svaṃ brahmarandhreṇa pūrvavat |
jyotsnānāḍīpathenaiva puryaṣṭakakajāntaram || 91 ||
[Analyze grammar]

svavācakaṃ bhāvayanvai dhvaninā niṣkaḷena tu |
ātmamantraḥ |
aśeṣabhuvanādhāraṃ viśvāpyāyakareṇa tu || 92 ||
[Analyze grammar]

aṅkayedamṛtākhyaṃ ca tadante cātmane namaḥ |
sa tārakastvayaṃ mantro vijñeyo hyātmavācakaḥ || 93 ||
[Analyze grammar]

tatastu niṣkaḷo mantro yāvadbhānuṃ ca vigrahaḥ |
pañcakaṃ cābhimānaṃ tu āsādyālokavigraham || 94 ||
[Analyze grammar]

svadehasya mantramayatāpādanam |
svamantrādamṛtaughena secayedvigrahaṃ svakam |
tatassvatantraṃ taṃ bimbamākṛṣya hṛdi vinyaset || 95 ||
[Analyze grammar]

nistaraṅgā parā śaktirmahānandamayī ca sā |
svānandācca prabhācakraṃ rūpamātmīyabhāsvaram || 96 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Jayakhya-samhita Chapter 10

Cover of edition (2002)

The Pancaratra Agamas (an Introduction)
by Swami Harshananda (2002)

[Publisher: Ramakrishna Math, Bangalore]

Buy now!
Like what you read? Consider supporting this website: