Chapter 105

janamejaya uvāca |
bhūya eva dvijaśreṣṭha yadusiṃhasya dhīmataḥ |
karmāṇyaparimeyāni śrotumicchāmi tattvataḥ || 1 ||
[Analyze grammar]

śrūyante vividhāni sma adbhutāni mahādyute |
asaṃkhyeyāni divyāni prākṛtānyapi sarvaśaḥ || 2 ||
[Analyze grammar]

yānyahaṃ vividhānyasya śrutvā prīye mahāmune |
prabrūyāḥ sarvaśastāta tāni me vaktumarhasi || 3 ||
[Analyze grammar]

vaiśaṃpāyana uvāca |
bahūnyāścaryabhūtāni keśavasya mahātmanaḥ |
karmāṇyuktāni vai rājanbhūyaścaiva śrutāni te || 4 ||
[Analyze grammar]

kathitāni mayā sādho nāntaṃ śakyaṃ hi karmaṇām |
gantuṃ bharataśārdūla vistarasya mahātmanaḥ || 5 ||
[Analyze grammar]

avaśyaṃ tu mayā vācyaṃ leśamātreṇa bhārata |
viṣṇoratulavīryasya prathitodārakarmaṇaḥ |
ānupūrvyā pravakṣyāmi śṛṇuṣvaikamanā nṛpa || 6 ||
[Analyze grammar]

dvāravatyāṃ nivasatā yadusiṃhena dhīmatā |
rāṣṭrāṇi nṛpamukhyānāṃ kṣobhitāni mahīkṣitām || 7 ||
[Analyze grammar]

yadūnāmantaraprepsurvicakro dānavo hataḥ || 8 ||
[Analyze grammar]

puraṃ prāgjyotiṣaṃ gatvā punastena mahātmanā |
samudramadhye duṣṭātmā narako dānavo hataḥ || 9 ||
[Analyze grammar]

vāsavaṃ ca raṇe jitvā pārijāto hṛto balāt |
nirjitaścaiva bhagavānvaruṇo lohitahrade || 10 ||
[Analyze grammar]

dantavakraśca kārūṣo nihato dakṣiṇāpathe |
śiśupālaśca saṃpūrṇe kilbiṣaikaśate hataḥ || 11 ||
[Analyze grammar]

gatvā ca śoṇitapuraṃ śaṃkareṇābhirakṣitaḥ |
baleḥ suto mahāvīryo bāṇo bāhusahasravān |
mahāmṛdhe mahārāja jitvā jīvanvisarjitaḥ || 12 ||
[Analyze grammar]

nirjitāḥ pāvakāścaiva girimadhye mahātmanā |
sālvaśca vijitaḥ saṃkhye saubhaśca vinipātitaḥ || 13 ||
[Analyze grammar]

vikṣobhya sāgaraṃ sarvaṃ pāñcajanyo vaśīkṛtaḥ |
hayagrīvaśca nihato nṛpāścānye mahābalāḥ || 14 ||
[Analyze grammar]

jarāsaṃdhasya nidhane mokṣitāḥ sarvapārthivāḥ |
rathena jitvā nṛpatīn gāndhāratanayā hṛtā || 15 ||
[Analyze grammar]

bhraṣṭarājyāśca śokārtāḥ pāṇḍavāḥ parirakṣitāḥ |
dāhitaṃ ca vanaṃ ghoraṃ puruhūtasya khāṇḍavam || 16 ||
[Analyze grammar]

gāṇḍīvaṃ cāgninā dattamarjunāyopapāditam |
dautyaṃ ca tatkṛtaṃ ghoraṃ vigrahe janamejaya || 17 ||
[Analyze grammar]

anena yadumukhyena yaduvaṃśaśca vardhitaḥ |
kuntyāśca pramukhe proktā pratijñā pāṇḍavānprati |
nivṛtte bhārate yuddhe pratidāsyāmi te sutān || 18 ||
[Analyze grammar]

api satyaṃ ca kṛtavān kuntyā niryātya pāṇḍavān || 18 ||
[Analyze grammar]

mokṣitaśca mahātejā nṛgaḥ śāpātsudāruṇāt |
yavanaśca hataḥ saṃkhye kāla ityabhiviśrutaḥ || 19 ||
[Analyze grammar]

vānarau ca mahāvīryau maindo dvivida eva ca |
vijitau yudhi durdharṣau jāmbavāṃśca parājitaḥ || 20 ||
[Analyze grammar]

sāṃdīpanestathā putrastava caiva pitā nṛpa |
gatau vaivasvatavaśaṃ jīvitau tasya tejasā || 21 ||
[Analyze grammar]

nirjitau haṃsaḍibhakau hiḍimbaścaiva rākṣasaḥ || 21 ||
[Analyze grammar]

saṃgrāmā bahavaścaiva ghorā naravarakṣayāḥ |
nihatāśca nṛpāḥ sarve kṛtvā tad rūpamadbhutam |
janamejaya yuddheṣu yathā te kathitaṃ purā || 22 ||
[Analyze grammar]