Chapter 96

vāsudeva uvāca |
bhavatāṃ puṇyakīrtīnāṃ tapobalasamādhibhiḥ |
apadhyānācca pāpātmā bhaumaḥ sa narako hataḥ || 1 ||
[Analyze grammar]

mokṣitaṃ bandhanādguptaṃ kanyāpuravaraṃ mahat |
maṇiparvatamutpāṭya śikharaṃ caitadāhṛtam || 2 ||
[Analyze grammar]

ayaṃ dhanaughaḥ sumahān kiṃkarairāhṛto mayā |
īśā bhavantastasyeti tānuktvā virarāma ha || 3 ||
[Analyze grammar]

tacchrutvā vāsudevasya bhojavṛṣṇyandhakā vacaḥ |
jahṛṣurhṛṣṭalomānaḥ pūjayanto janārdanam || 4 ||
[Analyze grammar]

ūcuścainaṃ nṛvīrāste kṛtāñjalipuṭāstataḥ |
naitaccitraṃ mahābāho tvayi devakinandana || 5 ||
[Analyze grammar]

yatkṛtvā duṣkaraṃ karma devairapi suduṣkaram |
lālayeḥ svajanaṃ bhogai ratnaiśca svayamarjitaiḥ || 6 ||
[Analyze grammar]

tataḥ sarvadaśārhāṇāmāhukasya ca yāḥ striyaḥ |
prīyamāṇāḥ sabhāṃ jagmurvāsudevadidṛkṣayā || 7 ||
[Analyze grammar]

devakīsaptamā devyo rohiṇī ca śubhānanā |
dadṛśuḥ kṛṣṇamāsīnaṃ rāmaṃ caiva mahābhujam || 8 ||
[Analyze grammar]

tau tu pūrvamatikramya rohiṇīmabhivādya ca |
abhyavādayatāṃ devau devakīṃ rāmakeśavau || 9 ||
[Analyze grammar]

sā tābhyāmṛṣabhākṣābhyāṃ putrābhyāṃ śuśubhe'dhikam |
aditirdevamāteva mitreṇa varuṇena ca || 10 ||
[Analyze grammar]

tataḥ prāptau narāgryau tu tasyā duhitaraṃ tadā |
ekānaṃśeti yāmāhurnarā vai kāmarūpiṇīm || 11 ||
[Analyze grammar]

tathā kṣaṇamuhūrtābhyāṃ yayā jajñe saheśvaraḥ |
yatkṛte sagaṇaṃ kaṃsaṃ jaghāna puruṣottamaḥ || 12 ||
[Analyze grammar]

sā kanyā vavṛdhe tatra vṛṣṇisadmani pūjitā |
putravatpālyamānā vai vāsudevājñayā tadā || 13 ||
[Analyze grammar]

tāmekāmāhurutpannāmekānaṃśeti mānavāḥ |
ekānaṃśeti yāmāhurutpannāṃ mānavā bhuvi |
yogakanyāṃ durādharṣāṃ rakṣārthaṃ keśavasya ca || 14 ||
[Analyze grammar]

tāṃ vai sarve sumanasaḥ pūjayanti sma yādavāḥ |
devavaddivyavapuṣā krṣṇaḥ saṃrakṣito yayā || 15 ||
[Analyze grammar]

tāṃ ca tatropasaṃgamya priyāmiva sakhīṃ sakhā |
dakṣiṇena karāgreṇa parijagrāha mādhavaḥ || 16 ||
[Analyze grammar]

tathaiva sāmo'tibalastāṃ pariṣvajya bhāvinīm |
mūrdhnyupāghrāya savyena parijagrāha pāṇinā || 17 ||
[Analyze grammar]

dadṛśustāṃ priyāṃ madhye bhaginīṃ rāmakṛṣṇayoḥ |
rukmapadmakaravyagrāṃ śriyaṃ padmālayāmiva || 18 ||
[Analyze grammar]

athākṣatamahāvṛṣṭyā puṣpaiśca vividhaiḥ śubhaiḥ |
avakīrya ca lājaistāṃ striyo jagmuryathāgatam || 19 ||
[Analyze grammar]

tataste yādavāḥ sarve pūjayanto janārdanam |
upopaviviśuḥ prītāḥ praśaṃsanto'dbhutaṃ kṛtam || 20 ||
[Analyze grammar]

pūjyamāno mahābāhuḥ paurāṇāṃ rativardhanaḥ |
vijahāra mahākīrtirdevairiva sa taiḥ saha || 21 ||
[Analyze grammar]

samāsīneṣu sarveṣu yādaveṣu janārdanam |
niyogāttridaśendrasya nārado'bhyāgamatsabhām || 22 ||
[Analyze grammar]

so'tha saṃpūjitaḥ pūjyaḥ śūraistairyadupuṃgavaiḥ |
kare saṃspṛśya govindaṃ viveśa mahadāsanam || 23 ||
[Analyze grammar]

tataḥ prāha mahābāhurāhuko nṛpatirmunim || 23 ||
[Analyze grammar]

mune vācaya kiṃ cidvai purāṇaṃ paramottamam || 23 ||
[Analyze grammar]

tatheti hariṇā bhūpa harivaṃśasya pustakam || 23 ||
[Analyze grammar]

nikṣiptamāsane puṇye nārado'vācayattadā || 23 ||
[Analyze grammar]

śrotavyo'pyuddhavaścāśu bhūtvā maunamupāśritaḥ || 23 ||
[Analyze grammar]

sukhopaviṣṭastūṣṇīṃ tāṃ nārado'vācayatkathāṃ || 23 ||
[Analyze grammar]

sukhopaviṣṭastānvṛṣṇīnupaviṣṭānuvāca ha |
āgataṃ śakravacanājjānīdhvaṃ māṃ nararṣabhāḥ || 24 ||
[Analyze grammar]

śṛṇudhvaṃ rājaśārdūlāḥ kṛṣṇasyāsya parākramam |
yāni karmāṇi kṛtavānbālyātprabhṛti keśavaḥ || 25 ||
[Analyze grammar]

ugrasenasutaḥ kaṃsaḥ sarvānnirmathya bāndhavān |
rājyaṃ jagrāha durbuddhirbadhvā pitaramāhukam || 26 ||
[Analyze grammar]

samāśritya jarāsaṃdhaṃ śvaśuraṃ kulapāṃsanaḥ |
bhojavṛṣṇyandhakān sarvānavamanyata durmatiḥ || 27 ||
[Analyze grammar]

jñātikāryaṃ cikīrṣaṃstu vasudevaḥ pratāpavān |
ugrasenasya rakṣārthaṃ svaputraṃ paryarakṣata || 28 ||
[Analyze grammar]

nandagopasya bhavane govrajeṣu ca vardhitaḥ || 28 ||
[Analyze grammar]

sa gopaiḥ saha dharmātmā mathuropavane vasan |
atyadbhutāni karmāṇi kṛtavānmadhusūdanaḥ || 29 ||
[Analyze grammar]

pratyakṣaṃ śūrasenānāṃ śrūyate mahadadbhutam |
yathānena śayānena śakaṭāntaracāriṇā || 30 ||
[Analyze grammar]

rākṣasī nihatā raudrā śakunīveṣadhāriṇī |
pūtanā nāma ghorā sā mahākāyā mahābalā |
viṣadigdhaṃ stanaṃ kṣudrā prayacchantī mahātmane || 31 ||
[Analyze grammar]

dadṛśustāṃ vinihatāṃ rākṣasīṃ te vanecarāḥ |
baleḥ sutāṃ mahāghorāṃ bhīṣaṇāṃ vikṛtānanām |
punarjāto'yamityāhuruktastasmādadhokṣajaḥ || 32 ||
[Analyze grammar]

atyadbhutamidaṃ cāsīd yacchiśuḥ puruṣottamaḥ |
pādāṅguṣṭhena śakaṭaṃ krīḍamāno vyaloḍayat || 33 ||
[Analyze grammar]

bhakṣayandadhi govindaḥ payaḥpānaṃ ca sāgrajaḥ || 33 ||
[Analyze grammar]

dāmnā colūkhale baddho viprakurvan kumārakān |
ulūkhale parāmṛdgād vṛkṣau satyopacāyinau |
dāmodara iti khyāto vasudevasutastataḥ || 34 ||
[Analyze grammar]

babhañjārjunavṛkṣau dvau khyāto dāmodarastataḥ || 34 ||
[Analyze grammar]

kāliyaśca mahānāgo durādharṣo mahābalaḥ |
krīḍatā vāsudevena nirjito yamunāhrade || 35 ||
[Analyze grammar]

akrūrasya ca pratyakṣaṃ yannāgabhavane prabhuḥ |
pūjyamānastadā nāgairdivyaṃ vapuradhārayat || 36 ||
[Analyze grammar]

śītavātārditā gāśca dṛṣṭvā kṛṣṇena dhīmatā |
dhṛto govardhanaḥ śailaḥ saptarātraṃ mahātmanā |
śiśunā vāsudevena gavāṃ trāṇārthamicchatā || 37 ||
[Analyze grammar]

tathā suduṣṭo'tibalo mahākāyo narāntakṛt |
gopatirvāsudevena nihato'riṣṭakaḥ kṣitau || 38 ||
[Analyze grammar]

dhenukaḥ sa mahākāyo dānavaḥ sumahābalaḥ |
nihato vāsudevena gavāṃ trāṇāya durmatiḥ || 39 ||
[Analyze grammar]

sunāmānamamitraghnaṃ sarvasainyapuraskṛtam |
vṛkairvidrāvayāmāsa grahītuṃ samupāgatam || 40 ||
[Analyze grammar]

rauhiṇeyena saṃgamya vane vicaratā punaḥ |
gopaveṣadhareṇaiva kaṃsasya bhayamāhṛtam || 41 ||
[Analyze grammar]

tathā vanagataḥ śaurirdaṃṣṭrāyudhabalaṃ hayam |
pragrahaṃ bhojarājasya jaghāna puruṣottamaḥ || 42 ||
[Analyze grammar]

pralambaśca mahākāyo rauhiṇeyena dhīmatā |
dānavo muṣṭinaikena kaṃsāmātyo nipātitaḥ || 43 ||
[Analyze grammar]

etau hi vasudevasya putrau surasutopamau |
vavṛdhāte mahātmānau brahmagārgyeṇa saṃskṛtau || 44 ||
[Analyze grammar]

janmaprabhṛti cāpyetau gārgyeṇa paramarṣiṇā |
yāthātathyena vijñāya saṃskāraṃ pratipāditau || 45 ||
[Analyze grammar]

yadā tvimau naraśreṣṭhau sthitau yauvanagau mukhe |
siṃhaśāvāvivodīrṇau mattau haimavatau yathā || 46 ||
[Analyze grammar]

tato manāṃsi gopīnāṃ haramāṇau mahābalau |
āstāṃ goṣṭhacarau vīrau devaputrasamadyutī || 47 ||
[Analyze grammar]

naitau jave vā yuddhe vā krīḍāsu vividhāsu vā |
nandagopasya gopālāḥ śekuḥ pratisamīkṣitum || 48 ||
[Analyze grammar]

vyūḍhoraskau mahābāhū sālaskandhāvivodgatau |
śrutvemau vyathitaḥ kaṃso mantribhiḥ sahito'bhavat || 49 ||
[Analyze grammar]

nāśakacca yadā kaṃso grahītuṃ balakeśavau |
nijagrāha tataḥ krodhādvasudevaṃ sabāndhavam || 50 ||
[Analyze grammar]

sahograsenena tadā coravadgāḍhabandhanam |
kālaṃ mahāntamavasatkṛcchramānakaduṃdubhiḥ || 51 ||
[Analyze grammar]

kaṃsastu pitaraṃ badhvā śūrasenā śaśāsa ha |
jarāsaṃdhaṃ samāśritya tathaivāhvṛtibhīṣmakau || 52 ||
[Analyze grammar]

kasyacittvatha kālasya mathurāyāṃ mahotsavam |
pinākinaṃ samuddiśya kaṃsaścakre narādhipaḥ || 53 ||
[Analyze grammar]

tatra mallāḥ samāpeturnānādeśyā viśāṃ pate |
nartakā gāyakāścaiva kuśalā nṛttasāmasu || 54 ||
[Analyze grammar]

tataḥ kaṃso mahātejā raṅgavāṭaṃ mahādhanam |
kuśalaiḥ kārayāmāsa śilpibhiḥ sādhuniṣṭhitaiḥ || 55 ||
[Analyze grammar]

tatra mañcasahasrāṇi paurajānapadairjanaiḥ |
samākīrṇānyadṛśyanta jyotirbhirgaganaṃ yathā || 56 ||
[Analyze grammar]

bhojarājaḥ śriyā juṣṭaṃ rājamañcaṃ maharddhimat |
aruroha tataḥ kaṃso vimānaṃ sukṛtī yathā || 57 ||
[Analyze grammar]

raṅgadvāre gajaṃ mattaṃ prabhūtāyudhakalpitam |
śūrairadhiṣṭhitaṃ kaṃsaḥ sthāpayāmāsa vīryavān || 58 ||
[Analyze grammar]

yadā hi sa mahābhojo rāmakṛṣṇau samāgatau |
śuśrāva puruṣavyāghrau sūryācandramasāviva || 59 ||
[Analyze grammar]

tadāprabhṛti yatto'bhūd rakṣāṃ prati narādhipaḥ |
na ca śete sukhaṃ rātrau rāmakṛṣṇau vicintayan || 60 ||
[Analyze grammar]

śrutvā tu rāmakṛṣṇau ca taṃ samājamanuttamam |
ubhau viviśaturvīrau śārdūlau govrajaṃ yathā || 61 ||
[Analyze grammar]

tataḥ praveśe saṃruddhau rakṣibhiḥ puruṣarṣabhau |
hatvā kuvalayāpīḍaṃ sasādinamariṃdamau |
avamṛdya durādharṣau raṅgaṃ viviśatustadā || 62 ||
[Analyze grammar]

cāṇūrāndhrau viniṣpiṣya keśavena balena ca |
augraseniḥ sa duṣṭātmā sānujo vinipātitaḥ || 63 ||
[Analyze grammar]

yatkṛtaṃ yadusiṃhena devairapi suduḥsaham |
karma tatkeśavādanyaḥ kartumarhati kaḥ pumān || 64 ||
[Analyze grammar]

yaddhi nādhigataṃ pūrvaiḥ prahrādabaliśambaraiḥ |
tadidaṃ śauriṇā cittaṃ prāpitaṃ bhavatāmiha || 65 ||
[Analyze grammar]

etena muramākramya daityaṃ pañcajanaṃ tathā |
śailasaṃghānatikramya nisundaḥ sagaṇo hataḥ || 66 ||
[Analyze grammar]

narakaśca hato bhaumaḥ kuṇḍale cāhṛte śubhe |
prāptaṃ ca divi deveṣu keśavena mahad yaśaḥ || 67 ||
[Analyze grammar]

vītaśokabhayābādhāḥ kṛṣṇabāhubalāśrayāḥ |
yajantu bahubhiryajñairyādavā vītamatsarāḥ || 68 ||
[Analyze grammar]

devānāṃ sumahatkāryaṃ kṛtaṃ kṛṣṇena dhīmatā |
kṣipramāvedaye cedaṃ bhavatāṃ bhadramastu vaḥ || 69 ||
[Analyze grammar]

yadiṣṭaṃ vo yaduśreṣṭhāḥ kartāsmi tadatandritaḥ |
bhavatāmasmi yūyaṃ ca mama yuṣmāsvahaṃ sthitaḥ || 70 ||
[Analyze grammar]

iti saṃbodhayan kṛṣṇamabravītpākaśāsanaḥ |
māmapraiṣītsuraśreṣṭhaḥ prītāstuṣṭāstathā vayam || 71 ||
[Analyze grammar]

yatra hrīḥ śrīḥ sthitā tatra yatra śrīstatra saṃnatiḥ |
saṃnatirhrīstathā śrīśca nityaṃ kṛṣṇe mahātmani || 72 ||
[Analyze grammar]

hatā brahmadviṣaḥ sarve yajadhvaṃ brāhmaṇāḥ sadā || 72 ||
[Analyze grammar]

namaskurudhvaṃ haraye sadā namata mādhavam || 72 ||
[Analyze grammar]

yajadhvaṃ satataṃ yajñairenaṃ lokanamaskṛtam || 72 ||
[Analyze grammar]

āraṇyakāḥ sadā santu bhavatāṃ jñānahetavaḥ || 72 ||
[Analyze grammar]