Chapter 82

vaiśaṃpāyana uvāca |
tato yuddhāni vṛṣṇīnāṃ babhūva sumahāntyatha |
māgadhasya mahāmātyairnṛpaiścaivānuyāyibhiḥ || 1 ||
[Analyze grammar]

dvaṃdvayuddhaṃ samabhavatsenayorubhayostadā || 1 ||
[Analyze grammar]

rukmiṇā vāsudevasya bhīṣmakasyāhukena ca |
krāthasya vasudevena kauśikasya ca babhruṇā |
gadena cedirājasya dantavaktrasya śaṃbhunā || 2 ||
[Analyze grammar]

vindānuvindāvāvantyau yuyudhānena saṃgatau || 2 ||
[Analyze grammar]

ekalavyo mahārāja pradyumnenātha saṃgataḥ || 2 ||
[Analyze grammar]

tathānyairvṛṣṇivīrāṇāṃ nṛpāṇāṃ ca mahātmanām |
yuddhamāsīddhi sainyānāṃ sainikairbharatarṣabha || 3 ||
[Analyze grammar]

ahāni pañca caikaṃ ca ṣaṭ saptāṣṭau ca dāruṇam || 3 ||
[Analyze grammar]

gajairgajā hayairaśvāḥ padātāśca padātibhiḥ |
rathā rathairvimiśraiśca yodhā yuyudhire nṛpa || 4 ||
[Analyze grammar]

jarāsaṃdhasya rajñastu rāmeṇāsītsamāgamaḥ |
mahendrasyeva vṛtreṇa dāruṇo lomaharṣaṇaḥ || 5 ||
[Analyze grammar]

avekṣya rukmiṇīṃ kṛṣṇo rukmiṇaṃ na vyapothayat || 5 ||
[Analyze grammar]

jvalanārkāṃśusaṃkāśānāśīviṣaviṣopamān || 5 ||
[Analyze grammar]

vārayāmāsa kṛṣṇo vai śarāṃstasya tu śikṣayā || 5 ||
[Analyze grammar]

anyeṣāṃ sumahānāsīdbalaughānāṃ parikṣayaḥ |
ubhayoḥ senayo rājanmāṃsaśoṇitakardamaḥ || 6 ||
[Analyze grammar]

kabandhāni samuttasthuḥ subahūni samantataḥ |
piśācā rākṣasāścaiva māṃsaśoṇitalālasāḥ |
tasminvimarde yodhānāṃ saṃkhyāvyaktirna vidyate || 7 ||
[Analyze grammar]

rathī rāmo jarāsaṃdhaṃ śarairāśīviṣopamaiḥ |
āvṛnvannabhyayādvīrastaṃ ca rājā sa māgadhaḥ || 8 ||
[Analyze grammar]

abhyavartata vegena syandanenāśugāminā || 8 ||
[Analyze grammar]

anyonyaṃ vividhairastrairvidhvā vidhvā vinedatuḥ || 8 ||
[Analyze grammar]

tau kṣīnaśastrau virathau hatāśvau hatasārathī |
gade gṛhītvā vikrāntāvanyonyamabhidhāvatām || 9 ||
[Analyze grammar]

kampayantau bhuvaṃ vīrau tāv udyatamahāgadau |
dadṛśāte mahātmānau girī saśikharāv ubhau || 10 ||
[Analyze grammar]

vyupāramanta yuddhāni prekṣantau puruṣarṣabhau |
saṃrabdhāvabhidhāvantau gadāyuddheṣu viśrutau || 11 ||
[Analyze grammar]

ubhau tau paramācāryau loke khyātau mahābalau |
mattāviva gajau yuddhe anyonyamabhidhāvatām || 12 ||
[Analyze grammar]

tato devāḥ sagandharvāḥ siddhāśca paramarṣayaḥ |
samantataścāpsarasaḥ samājagmuḥ sahasraśaḥ || 13 ||
[Analyze grammar]

pitāmahaśca bhagavānyuddhaṃ draṣṭuṃ samāgataḥ || 13 ||
[Analyze grammar]

taddevayakṣagandharva maharṣibhiralaṃkṛtam |
śuśubhe'bhyadhikaṃ rājandivaṃ jyotirgaṇairiva || 14 ||
[Analyze grammar]

abhidudrāva rāmaṃ tu jarāsaṃdho mahābalaḥ |
savyaṃ maṇḍalamāvṛtya baladevastu dakṣiṇam || 15 ||
[Analyze grammar]

tau prajahruranyonyaṃ gadāyuddhaviśāradau |
dantābhyāmiva mātaṅgau nādayantau diśo daśa || 16 ||
[Analyze grammar]

gadānipāto rāmasya śuśruve'śaninisvanaḥ |
jarāsaṃdhasya caraṇe parvatasyeva dīryataḥ || 17 ||
[Analyze grammar]

na sma kampayate rāmaṃ jarāsaṃdhakaracyutā |
gadā gadābhṛtāṃ śreṣṭhaṃ vindhyaṃ girimivācalam || 18 ||
[Analyze grammar]

rāmasya tu gadāvegaṃ vīryātsa magadheśvaraḥ |
sehe dhairyeṇa mahatā śikṣayā ca vyapohayat || 19 ||
[Analyze grammar]

evaṃ tau tatra saṃgrāme vicarantau mahābalau || 19 ||
[Analyze grammar]

maṇḍalāni vicitrāṇi viceraturariṃdamau || 19 ||
[Analyze grammar]

vyāyacchantau ciraṃ kālaṃ pariśrāntau ca tasthatuḥ || 19 ||
[Analyze grammar]

samāśvāsya muhūrtaṃ tu punaranyonyamāhatām || 19 ||
[Analyze grammar]

evaṃ tau yodhamukhyau tu samaṃ yuyudhatuściram || 19 ||
[Analyze grammar]

na ca tau yuddhavaimukhyamubhāveva prajagmatuḥ || 19 ||
[Analyze grammar]

athāpaśyadgadāyuddhe viśeṣaṃ tasya vīryavān || 19 ||
[Analyze grammar]

rāmaḥ kruddho gadāṃ tyaktvā jagrāha musalottamam || 19 ||
[Analyze grammar]

tamudyataṃ tadā dṛṣṭvā musalaṃ ghoradarśanam || 19 ||
[Analyze grammar]

amoghaṃ baladevena kruddhena tu mahāraṇe || 19 ||
[Analyze grammar]

kruddho'tha rāmabhadrastu gadayā taṃ jagāma ha || 19 ||
[Analyze grammar]

jarāsaṃdho'tha gadayā balabhadraṃ samāhanat || 19 ||
[Analyze grammar]

prathamastvatha rāmeṇa gadāpādaḥ samādade || 19 ||
[Analyze grammar]

dvitīyo magadhendreṇa tṛtīyaṃ tu halāyudhaḥ || 19 ||
[Analyze grammar]

caturthaṃ tu jarāsaṃdhaḥ pañcamaṃ tu yadūdvahaḥ || 19 ||
[Analyze grammar]

tayoḥ pādaprahāraśca cālayāmāsa medinīm || 19 ||
[Analyze grammar]

tato devāḥ sagandharvā yakṣāśca paramarṣayaḥ || 19 ||
[Analyze grammar]

bhītāḥ svastīti caivāhurlokānāṃ brahmaṇaśca ha || 19 ||
[Analyze grammar]

tataḥ kruddho jarāputrastāḍayāmāsa vakṣasi || 19 ||
[Analyze grammar]

śoṇitaṃ codvaman rāmaḥ śramaṃ ca samavāpa ha || 19 ||
[Analyze grammar]

viśramya bhūmau kiṃcittu punarutthāya yādavaḥ || 19 ||
[Analyze grammar]

āhatya gadayā mūrdhni siṃhanādaṃ samānadat || 19 ||
[Analyze grammar]

papāta ca mahīṃ vīro gatāsuriva niḥśvasan || 19 ||
[Analyze grammar]

hato hato jarāsaṃdha ityūcuryādaveśvarāḥ || 19 ||
[Analyze grammar]

saṃjñāṃ ca pratilabhyāśu jarāsaṃdhaḥ pratāpavān || 19 ||
[Analyze grammar]

gadayā ca samājaghne vakṣasyeva halāyudham || 19 ||
[Analyze grammar]

mūrcchāṃ caiva samāpede saṃjñāṃ ca pratilabdhavān || 19 ||
[Analyze grammar]

tato rudhirarāśistu babhau jalamivodgataḥ || 19 ||
[Analyze grammar]

gadājarjarasarvāṅgau rejatuḥ kiṃśukāviva || 19 ||
[Analyze grammar]

samādīptau tu rājendra virathau vidhanurdharau || 19 ||
[Analyze grammar]

gadāhatau mahāvīrau kevalau yuddharaṅginau || 19 ||
[Analyze grammar]

śuśubhāte gadāhastau parasparavadhaiṣiṇau || 19 ||
[Analyze grammar]

dvāveva mṛtyū rājendra saṃgatāviva śobhitau || 19 ||
[Analyze grammar]

tataḥ kruddho haladharaśchettumaicchajjarāsutam || 19 ||
[Analyze grammar]

ūrū ca pothayāmāsa gadayā rājasaṃsadi || 19 ||
[Analyze grammar]

ūrvo raktaṃ samāpede majjā samabhavattataḥ || 19 ||
[Analyze grammar]

tato halī jarāsaṃdhaṃ śiraśchettumudaikṣata || 19 ||
[Analyze grammar]

tato'ntarikṣe vāgāsītsusvarā lokasākṣiṇī |
uvāca baladevaṃ taṃ samudyatahalāyudham |
na tvayā rāma vadhyo'yamalaṃ khedena mādhava || 20 ||
[Analyze grammar]

vihito'sya mayā mṛtyustasmātsādhu vyupārama |
acireṇaiva kālena prāṇāṃstyakṣyati māgadhaḥ || 21 ||
[Analyze grammar]

jarāsaṃdhastu tacchrutvā vimanāḥ samapadyata |
na prajahre tatastasmai punareva halāyudhaḥ |
tau vyupāramatāṃ caiva vṛṣṇayaste ca pārthivāḥ || 22 ||
[Analyze grammar]

prasaktamabhavad yuddhaṃ teṣāmeva mahātmanām |
dīrghakālaṃ mahārāja nighnatāmitaretarām || 23 ||
[Analyze grammar]

te sarve nirjitā rājan kṛṣṇena ripughātinā || 23 ||
[Analyze grammar]

jarāsaṃdhena sahitā viprajagmuryathāgatam || 23 ||
[Analyze grammar]

parājite tvapakrānte jarāsaṃdhe mahīpatau |
astaṃ yāte dinakare nānusasrustadā niśi || 24 ||
[Analyze grammar]

vṛṣṇayaśca mahābhāgāḥ kṛṣṇasaṃkarṣaṇāśrayāḥ || 24 ||
[Analyze grammar]

samānīya svasainyaṃ tu labdhalakṣyā mahābalāḥ |
purīṃ praviviśurhṛṣṭāḥ keśavenābhipūjitāḥ || 25 ||
[Analyze grammar]

khāccyutānyāyudhānyeva tānyevāntardadhustadā || 25 ||
[Analyze grammar]

jarāsaṃdho'pi nṛpatirvimanāḥ svapuraṃ yayau || 25 ||
[Analyze grammar]

rājānaścānugā ye'sya svarāṣṭrāṇyeva te yayuḥ || 25 ||
[Analyze grammar]

jarāsaṃdhaṃ tu te jitvā manyante naiva taṃ jitam |
vṛṣṇayaḥ kuruśārdūla rājā hyatibalaḥ sa vai || 26 ||
[Analyze grammar]

ko nāma hi jarāsaṃdhaṃ raṇe jetuṃ mahīpatiḥ || 26 ||
[Analyze grammar]

śaknuyāl lokavikhyātaḥ sākṣādapi śatakratuḥ || 26 ||
[Analyze grammar]

daśa cāṣṭau ca saṃgrāmāñjarāsaṃdhasya yādavāḥ |
dadurna cainaṃ samare hantuṃ śekurmahārathāḥ || 27 ||
[Analyze grammar]

kṛṣṇastu samare rājañchaktimānapi māgadham || 27 ||
[Analyze grammar]

anyo mṛtyuriti jñātvā na ca hiṃsitavānprabhuḥ || 27 ||
[Analyze grammar]

akṣauhiṇyo hi tasyāsanviṃśatirbharatarṣabha |
jarāsaṃdhasya nṛpatestadarthaṃ yāḥ samāgatāḥ || 28 ||
[Analyze grammar]

alpatvādabhibhūtāstu vṛṣṇayo bharatarṣabha |
bārhadrathena rājendra rājabhiḥ sahitena vai || 29 ||
[Analyze grammar]

bhūyaḥ kṛtvodyamaṃ prāyād yādavān kṛṣṇapālitān || 29 ||
[Analyze grammar]

jitvā tu māgadhaṃ saṃkhye jarāsaṃdhaṃ mahīpatim |
viharanti sma sukhino vṛṣṇisiṃhā mahārathāḥ || 30 ||
[Analyze grammar]

ojastejo balaṃ dhīrdhṛtiriti mahimā śrīryaśo rūpamājñā || 30 ||
[Analyze grammar]

vīryaṃ cetyevamādīnparamaguṇagaṇānye smaranto labhante || 30 ||
[Analyze grammar]

yadbhaktānāṃ yamājñāpyakhilajanamanaḥkṣobhaṇī naiti pārśvaṃ || 30 ||
[Analyze grammar]

cetastvaṃ tasya śaśvaccaraṇakamalayorbhṛṅgatāṃ yāhi viṣṇoḥ || 30 ||
[Analyze grammar]