Chapter 74

vaiśaṃpāyana uvāca |
tasminnahani nirvṛtte dvitīye samupasthite |
saṃkīryata mahāraṅgaḥ paurairyuddhadidṛkṣubhiḥ || 1 ||
[Analyze grammar]

rājabhirviṣayāntasthaiḥ pradhānapuruṣaistataḥ || 1 ||
[Analyze grammar]

nārībhirmāthurīyābhiḥ śyāmābhiḥ saṃghasaṃsthitāḥ || 1 ||
[Analyze grammar]

pīnastanībhiḥ kaṃsasya tathā bilvapayodharaiḥ || 1 ||
[Analyze grammar]

aparākhaṇḍitābhistu mañjarīsadṛśaiḥ stanaiḥ || 1 ||
[Analyze grammar]

bhrū dhanurdṛṣṭiviśikhaṃ nāsā jyā siñjati tataḥ || 1 ||
[Analyze grammar]

ghnantyākṛṣya ca kṛṣṇaṃ tāḥ kaṃsena viniyojitāḥ || 1 ||
[Analyze grammar]

kandalīdaṇḍakāṇḍena badhvā taṃ mohapāśakaiḥ || 1 ||
[Analyze grammar]

nābhīhrade ca gambhīre kālayākhye parājite || 1 ||
[Analyze grammar]

kaṃsadhātrīsṛtāṃ snātvā dantaiśchinnastanīṃ tataḥ || 1 ||
[Analyze grammar]

pāṇibhyāṃ tatkucau gopo na samarthaḥ pradharṣitum || 1 ||
[Analyze grammar]

śakaṭasya ca bhaṅgaṃ sa yathā kāritavāñchiśuḥ || 1 ||
[Analyze grammar]

asmākaṃ śakaṭībhaṅgaṃ yugmayoḥ kucayostataḥ || 1 ||
[Analyze grammar]

ariṣṭaṃ hatavānyo'yaṃ kakudā sadṛśau stanau || 1 ||
[Analyze grammar]

ghātayiṣyati gopo'yaṃ mallābhyāṃ balavattaraḥ || 1 ||
[Analyze grammar]

sacitrāṣṭāstricaraṇāḥ sārgaladvāravedikāḥ |
sagavākṣārdhacandrāśca satalottamabhūṣitāḥ || 2 ||
[Analyze grammar]

prāṅmukhaiścārunirmuktaiḥ mālyadāmāvataṃsitaiḥ |
alaṃkṛtairvirājadbhiḥ śāradairiva toyadaiḥ || 3 ||
[Analyze grammar]

mañcāgāraiḥ suniryuktairyuddhārthaṃ suvibhūṣitaiḥ |
samājavāṭaḥ śuśubhe sa meghaughairivārṇavaḥ || 4 ||
[Analyze grammar]

svakarmadravyayuktābhiḥ patākābhirnirantaram |
śreṇīnāṃ ca gaṇānāṃ ca mañcā bhāntyacalopamāḥ || 5 ||
[Analyze grammar]

antaḥpuragatānāṃ ca prekṣāgārāṇyadūrataḥ |
rejuḥ kāñcanacitrāṇi ratnajvālākulāni ca || 6 ||
[Analyze grammar]

tāni ratnaughakḷptāni sasānupragrahāṇi ca |
rejurjavanikākṣepaiḥ sapakṣā iva khe nagāḥ || 7 ||
[Analyze grammar]

tatra cāmarahāsaiśca bhūṣaṇānāṃ ca śiñjitaiḥ |
maṇīnāṃ ca vicitrāṇāṃ vicitrāścerurarciṣaḥ || 8 ||
[Analyze grammar]

gaṇikānāṃ pṛthaṅmañcāḥ śubhairāstaraṇāmbaraiḥ |
śobhitā vāramukhyābhirvimānapratimaujasaḥ || 9 ||
[Analyze grammar]

tatrāsanāni mukhyāni paryaṅkāśca hiraṇmayaḥ |
prakīrṇāśca kuthāścitrāḥ sapuṣpastabakadrumāḥ || 10 ||
[Analyze grammar]

sauvarṇāḥ pānakumbhāśca pānabhūmyaśca śobhitāḥ |
phalāvadaṃśapūrṇāśca cāṅgeryaḥ pānayojitāḥ || 11 ||
[Analyze grammar]

anye ca mañcā bahavaḥ kāṣṭhasaṃcayabandhanāḥ |
rejuḥ prastaraśastatra prakāśā mañcasaṃcayāḥ || 12 ||
[Analyze grammar]

uttamāgārikāścānye sūkṣmajālāvalokinaḥ |
strīnāṃ prekṣāgṛhā bhānti rājahaṃsā ivāmbare || 13 ||
[Analyze grammar]

prākhaṅmuścāruniryukto meruśṛṅgasamaprabhaḥ |
rukmapatranibhastambhaścitraniryogaśobhitaḥ || 14 ||
[Analyze grammar]

prekṣāgāraḥ sa kaṃsasya pracakāśe'dhikaṃ śriyā |
śobhito mālyadāmaiśca nivāsakṛtalakṣaṇaḥ || 15 ||
[Analyze grammar]

tasminnānājanākīrṇe janaughapratinādite |
samājavāṭe saṃstabdhe kampamānārṇavaprabhe || 16 ||
[Analyze grammar]

nandagopādayo gopā bhojarājasamāhṛtāḥ || 16 ||
[Analyze grammar]

niveditopāyanāste ekasminmañca āviśan || 16 ||
[Analyze grammar]

rājā kuvalayāpīḍo raṅgasya dvāri kuñjaraḥ |
tiṣṭhatviti samājñāpya prekṣāgāramathāyayau || 17 ||
[Analyze grammar]

sa śukle vāsasī bibhracchvetavyajanacāmaraḥ |
śuśubhe śvetamukuṭaḥ śvetābhra iva candramāḥ || 18 ||
[Analyze grammar]

tasya siṃhāsanasthasya sukhāsīnasya dhīmataḥ |
rūpamapratimaṃ dṛṣṭvā paurāḥ procurjayāśiṣaḥ || 19 ||
[Analyze grammar]

tato devāḥ sagandharvāḥ siddhāśca paramarṣayaḥ || 19 ||
[Analyze grammar]

puraṃdaraṃ puraskṛtya jagmuryuddhadidṛkṣavaḥ || 19 ||
[Analyze grammar]

vimānasthāstu te sarve virejuḥ sitacāmarāḥ || 19 ||
[Analyze grammar]

śakro'pyairāvatagataḥ śuśubhe ca samātaliḥ || 19 ||
[Analyze grammar]

ūrvaśīpramukhāḥ sarvā vāramukhyāstadābhavan || 19 ||
[Analyze grammar]

śakrapārśvagatāstāstu sitacāmarapāṇayaḥ || 19 ||
[Analyze grammar]

dilīpapramukhāste tu munayo rājasattamāḥ || 19 ||
[Analyze grammar]

anekayugaparyantaṃ sthitā divi ca śakravat || 19 ||
[Analyze grammar]

bhagavantaṃ jagannāthaṃ draṣṭuṃ gopavibhūṣitam || 19 ||
[Analyze grammar]

nāradād yāstu munayo yuddhaṃ draṣṭuṃ vyavasthitāḥ || 19 ||
[Analyze grammar]

mallābhyāṃ devayoḥ sārdhaṃ raṅgamadhye samutthitam || 19 ||
[Analyze grammar]

amaraughaistadākāśaṃ nibiḍaṃ samapadyata || 19 ||
[Analyze grammar]

raṅgavāṭastadā caiva janaiḥ sarvaiḥ samāvṛtaḥ || 19 ||
[Analyze grammar]

dyauścāpi devasaṃghaiśca nibiḍābhūdviyaccaraiḥ || 19 ||
[Analyze grammar]

ekākāraṃ samabhavadbhūtalaṃ ca nabhaḥsthalam || 19 ||
[Analyze grammar]

tataḥ praviviśurmallā raṅgamāvalgitāmbarāḥ |
tisraśca bhāgaśaḥ kakṣyāḥ prāviśanbalaśālinaḥ || 20 ||
[Analyze grammar]

tatastūryaninādena kṣveḍitāsphoṭitena ca |
vasudevasutau hṛṣṭau raṅgadvāramupasthitau || 21 ||
[Analyze grammar]

ballavau vastrasaṃvītau suravandanabhūṣitau || 21 ||
[Analyze grammar]

ūrdhvapīḍau sragāpīḍau bāhuśastrakṛtodyamau || 21 ||
[Analyze grammar]

āsphoṭayantāvanyonyaṃ bāhū caivārgalāpamau || 21 ||
[Analyze grammar]

tāvāpatantau tvaritau pratiṣiddhau varānanau |
raṅgadvāraṃ samāsādya tasmin gajamavasthitam |
apaśyatkuvalayāpīḍaṃ kṛṣṇo'mbaṣṭhapraṇoditam || baddhvā parikaraṃ śauriḥ samuhya kuṭilālakān |
uvāca hastipaṃ vācā meghanādagabhīrayā || ambaṣṭhāmbaṣṭha mārgaṃ nau dehyapākrama mā ciram |
no cetsakuñjaraṃ hatvā nayāmi yamasādanam || evaṃ nirbhartsito'mbaṣṭhaḥ kupitaḥ kopitaṃ gajam |
codayāmāsa kṛṣṇāya kālāntakayamopamam |
tena mattena nāgena codyamānena vai bhṛśam || 22 ||
[Analyze grammar]

sa mattahastī duṣṭātmā kṛtvā kuṇḍalinaṃ karam |
cakāra codito yatnaṃ nihantuṃ balakeśavau || 23 ||
[Analyze grammar]

tataḥ prahasitaḥ kṛṣṇastrāsyamāno gajena vai |
kaṃsasyamatsaraṃ caiva jagarhe sa durātmanaḥ || 24 ||
[Analyze grammar]

anena gajamukhyena hantuṃ vyavasitaḥ kila || 24 ||
[Analyze grammar]

aho tu kaṃso durmedhāḥ kimato vismayaḥ paraḥ || 24 ||
[Analyze grammar]

iti saṃcintya bhagavānbalabhadramudaikṣata || 24 ||
[Analyze grammar]

tasya tāṃ jagṛhe buddhiṃ balabhadro durātmanaḥ || 24 ||
[Analyze grammar]

tvarate khalu kaṃso'yaṃ gantuṃ vaivasvatakṣayam |
yo māmanena nāgena pradharṣayitumicchati || 25 ||
[Analyze grammar]

saṃnikṛṣṭe tato nāge garjamāne yathā ghane |
sahasotpatya govindaścakre tālasvanaṃ prabhuḥ || 26 ||
[Analyze grammar]

kṣveditāsphoṭitaravaṃ kṛtvā nāgasya cāgrataḥ |
karaṃ ca śrīdharastasya pratijagrāha vakṣasā || 27 ||
[Analyze grammar]

viṣāṇāntarago bhṛtvā punaścaraṇamadhyagaḥ |
babādhe taṃ gajaṃ kṛṣṇaḥ pavanastoyadaṃ yathā || 28 ||
[Analyze grammar]

sa hastācca viniṣkrānto viṣāṇāgrācca dantinaḥ |
vimuktaḥ pādamadhyācca kṛṣṇo dvipamamohayat || 29 ||
[Analyze grammar]

so'ntikāyastu saṃmūḍho hantuṃ kṛṣṇamaśaknuvan |
gajaḥ sveṣveva gātreṣu mathyamāno rarāsa ha || 30 ||
[Analyze grammar]

papāta bhūmau jānubhyāṃ daśanābhyāṃ tutoda ha |
madaṃ susrāva roṣācca gharmāpāya yathā ghanaḥ || 31 ||
[Analyze grammar]

kṛṣṇastu tena nāgena krīḍitvā śiśunā yathā |
nidhanāya matiṃ cakre kaṃsadviṣṭena cetasā || 32 ||
[Analyze grammar]

sa tasya pramukhe pādaṃ kṛtvā kumbhādanantaram |
dorbhyāṃ viṣāṇamutpāṭya tenaiva prāharattadā || 33 ||
[Analyze grammar]

sa tena vajrakalpena svena dantena kuñjaraḥ |
hanyamānaḥ śakṛnmūtraṃ cakārārto rarāsa ha || 34 ||
[Analyze grammar]

kṛṣṇajarjaritāṅgasya kuñjarasyārtacetasaḥ |
kaṭābhyāmatisusrāva vegavadbhūri śoṇitam || 35 ||
[Analyze grammar]

lāṅgūlaṃ cāsya vegena niścakarṣa halāyudhaḥ |
śailapṛṣṭhārdhasaṃlīnaṃ vainateya ivoragam || 36 ||
[Analyze grammar]

tenaiva gajadantena kṛṣṇo hatvā tu kuñjaram |
jaghānaikaprahāreṇa gajārohamatholbaṇam || 37 ||
[Analyze grammar]

so'rtanādaṃ mahatkṛtvā vidanto dantināṃ varaḥ |
papāta samahāmātro vajrabhinna ivācalaḥ || 38 ||
[Analyze grammar]

tatastau tu gajāṅgāni pragṛhya raṇakarkaśau || 38 ||
[Analyze grammar]

gajasya pādarakṣāṃśca jaghnatuḥ puruṣarṣabhau || 38 ||
[Analyze grammar]

tāṃśca hatvā viviśaturmadhyaṃ raṅgasya tāv ubhau || 38 ||
[Analyze grammar]

nāsatyāvaśvinau svargādavatīrṇāvivecchayā || 38 ||
[Analyze grammar]

vṛṣṇyandhakāśca bhojāśca dadṛsurvanamālinau || 38 ||
[Analyze grammar]

kṣveḍitotkruṣṭanādena bāhvorāsphoṭitena ca || 38 ||
[Analyze grammar]

siṃhanādaiśca tālaiśca harṣayāmāsaturjanam || 38 ||
[Analyze grammar]

tau dṛṣṭvā bhojarājastu viṣasāda vṛthāmatiḥ || 38 ||
[Analyze grammar]

paurāṇāmanurāgaṃ ca harṣaṃ cālakṣya bhārata || 38 ||
[Analyze grammar]

taṃ hatvā puṇḍarīkākṣo nadantaṃ dantināṃ varam |
avatīrṇo'rṇavākāraṃ samājaṃ sahapūrvajaḥ || 39 ||
[Analyze grammar]

mallānāmaśanirnṛṇāṃ naravaraḥ strīṇāṃ smaro mūrtimān || 39 ||
[Analyze grammar]

gopānāṃ svajano'satāṃ kṣitibhujāṃ śāstā svapitroḥ śiśuḥ || 39 ||
[Analyze grammar]

mṛtyurbhojapatervirāḍaviduṣāṃ tattvaṃ paraṃ yogināṃ || 39 ||
[Analyze grammar]

vṛṣṇīnāṃ paradevateti vidito raṅgaṃ praviṣṭo hariḥ || 39 ||
[Analyze grammar]

devāśca munayaḥ sarve namaskṛtvā gadādharam || 39 ||
[Analyze grammar]

vimānasthāstato yuddhaṃ dṛṣṭiṃ draṣṭuṃ samādadhuḥ || 39 ||
[Analyze grammar]

tataḥ kṛṣṇo mahābāhurbaladevena saṃyutaḥ || 39 ||
[Analyze grammar]

janāṃśca manasā pūjya kaṃsaṃ hantuṃ samudyataḥ || 39 ||
[Analyze grammar]