Chapter 72

vaiśaṃpāyana uvāca |
sa cintayitvā dhanuṣo bhaṅgaṃ bhojavivardhanaḥ |
babhūva vimanā rājā cintayanbhṛśaduḥkhitaḥ || kathaṃ bālo vigatabhīravamatya mahābalam |
prekṣamāṇastu puruṣairdhanurbhaṅktvā vinirgataḥ || yasyārthe dāruṇaṃ karma kṛtvā lokavigarhitam |
pitṛsvasrātmajānbhītaḥ ṣaḍevāhaṃ upasthitam || daivaṃ puruṣakāreṇa na śakyamativartitum |
nāradoktaṃ ca vacanaṃ nūnaṃ mahyamupasthitam || evaṃ rājā vicintyātha niṣkramya sa gṛhottamāt |
prekṣāgāraṃ jagāmāśu mañcānāmavalokakaḥ || 1 ||
[Analyze grammar]

sa dṛṣṭvā sarvaniryuktaṃ prekṣāgāraṃ nṛpottamaḥ |
śreṇīnāṃ dṛḍhasaṃyuktairmañcavāṭairnirantaram || 2 ||
[Analyze grammar]

sottamāgārayuktābhirvalabhībhirvibhūṣitam |
kuṭībhiśca pravṛddhābhirekastambhaiśca bhūṣitam || 3 ||
[Analyze grammar]

sarvataḥ sāraniryuktaṃ svāyataṃ supratiṣṭhitam |
udakpravaṇasaṃśliṣṭaṃ mañcārohaṇamuttamam || 4 ||
[Analyze grammar]

nṛpāsanaparikṣiptaṃ saṃcārapathasaṃkulam |
channaṃ tadvedikābhiśca mānavaughabharakṣamam || 5 ||
[Analyze grammar]

sa dṛṣṭvā bhūṣitaṃ raṅgamājñāpayata buddhimān |
śvaḥ sacitrāḥ samālyāśca sapatākāstathaiva ca || 6 ||
[Analyze grammar]

suvāsitā vapuṣmanta upanītottaracchadāḥ |
kriyantāṃ mañcavāṭāśca valabhīvīthayastathā || 7 ||
[Analyze grammar]

akṣavāṭe karīṣasya kalpyantāṃ rāśayo'vyayāḥ |
paṭāstaraṇaśobhāśca balayaścānurūpataḥ || 8 ||
[Analyze grammar]

sthāpyantāṃ sunikhātāśca mahākumbhā yathākramam |
udabhārasahāḥ sarve sakāñcanaghaṭottarāḥ || 9 ||
[Analyze grammar]

balayaścopakalpyantāṃ kaṣāyāścaiva kumbhaśaḥ |
prāśnikāśca nimantryantāṃ śreṇyaśca sapurogamāḥ || 10 ||
[Analyze grammar]

ājñā ca deyā mallānāṃ prekṣakāṇāṃ tathaiva ca |
samāje mañcaśobhāśca kalpyantāṃ sūpakalpitāḥ || 11 ||
[Analyze grammar]

evamājñāpya rājā sa samājavidhimuttamam |
samājavāṭānniṣkramya viveśa svaṃ niveśanam || 12 ||
[Analyze grammar]

āhvānaṃ tatra saṃcakre tasya malladvayasya vai |
cāṇūrasyāprameyasya muṣṭikasya tathaiva ca || 13 ||
[Analyze grammar]

tau tu mallau mahāvīryau balinau yuddhaśālinau |
kaṃsasyājñāṃ puraskṛtya hṛṣṭau viviśatustadā || 14 ||
[Analyze grammar]

tau samīpagatau mallau dṛṣṭvā jagati viśrutau |
uvāca kaṃso nṛpatiḥ sopanyāsamidaṃ vacaḥ || 15 ||
[Analyze grammar]

bhavantau mama vikhyātau mallau vīradhvajocitau |
pūjitau ca yathānyāyaṃ satkārārhau viśeṣataḥ || 16 ||
[Analyze grammar]

tanmatto yadi satkāraḥ smaryate sukṛtāni vā |
kartavyaṃ me mahatkarma bhavadbhyāṃ svena tejasā || 17 ||
[Analyze grammar]

yāvetau mama saṃvṛddhau vraje gopālakāv ubhau |
saṃkarṣaṇaśca kṛṣṇaśca bālāvapi jitaśramau || 18 ||
[Analyze grammar]

etau raṅgagatau yuddhe yudhyamānau vanecarau |
nipātānantaraṃ śīghraṃ hantavyau nātra saṃśayaḥ || 19 ||
[Analyze grammar]

bālāvimau capalakāvakriyāviti sarvathā |
nāvajñā tatra kartavyā kartavyo yatna eva hi || 20 ||
[Analyze grammar]

tābhyāṃ yudhi nirastābhyāṃ gopābhyāṃ raṅgasaṃnidhau |
āyatāṃ ca tadātve ca śreyo mama bhaviṣyati || 21 ||
[Analyze grammar]

nṛpateḥ snehasaṃyuktairvacobhirhṛṣṭamānasau |
ūcaturyuddhasaṃmattau mallau cāṇūramuṣṭikau || 22 ||
[Analyze grammar]

yadyāvayāstau pramukhe sthāsyete gopakilbiṣau |
hatāvityavagantavyau pretarūpau tapasvinau || 23 ||
[Analyze grammar]

yadi vā pratiyotsyete tāvariṣṭapariplutau |
āvābhyāṃ roṣayuktābhyāṃ pramukhasthau vanaukasau || 24 ||
[Analyze grammar]

hatvā tau goṣu saṃvṛddhau dāsyāvastava bhūtalam || 24 ||
[Analyze grammar]

vyapaitu te bhayaṃ rājannāvāṃ mallottamau mṛdhe || 24 ||
[Analyze grammar]

ityuktvāspoṭanaṃ cakre mattamalladvayaṃ tathā || 24 ||
[Analyze grammar]

siṃhanādaṃ ca taccakre bhūgolakavidārakam || 24 ||
[Analyze grammar]

evaṃ vāgviṣamutsṛjya tāv ubhau mallapuṃgavau |
anujñātau narendreṇa svagṛhaṃ pratijagmatuḥ || 25 ||
[Analyze grammar]