Harivamsa [text] [sanskrit]

76,857 words

The Sanskrit edition of the Harivamsa, an important addition to the larger epic Mahabharata, existing in several editions. The text deals with the ancient Indian Solar and Lunar dynasties leading and recounts the history of Krishna.

vaiśaṃpāyana uvāca |
kṣiptaṃ yaduvṛṣaṃ dṛṣṭvā sarve te yadupuṃgavāḥ |
nipīḍya śravaṇān hastairmenire taṃ gatāyuṣam || 1 ||
[Analyze grammar]

andhastvanāvignamanā dhairyādavikṛtaṃ vacaḥ |
provāca vadatāṃ śreṣṭhaḥ samāsātkaṃsamojasā || 2 ||
[Analyze grammar]

aślāghyo me mataḥ putra tavāyaṃ vākpariśramaḥ |
ayukto garhitaḥ sadbhirbāndhaveṣu viśeṣataḥ || 3 ||
[Analyze grammar]

ayādavo yadi bhavāñchṛṇu tāvad yaducyate |
na hi tvāṃ yādavā vīra balātkurvanti yādavam || 4 ||
[Analyze grammar]

aślāghyā vṛṣṇayaḥ putra yeṣāṃ tvamanuśāsitā |
ikṣvākuvaṃśajo rājā vinivṛttaḥ svavaṃśakṛt || 5 ||
[Analyze grammar]

bhojo vā yādavo vāsi kaṃso vāsi yathā tathā |
sahajaṃ te śirastāta jaṭī muṇḍo'pi vā bhava || 6 ||
[Analyze grammar]

ugrasenastvayaṃ śocyo yo'smākaṃ kulapāṃsanaḥ |
durjātīyena yena tvamīdṛśo janitaḥ sutaḥ || 7 ||
[Analyze grammar]

na cātmano guṇāṃstāta pravadanti manīṣiṇaḥ |
pareṇoktā guṇā gauṇyaṃ yānti vedārtasaṃmitāḥ || 8 ||
[Analyze grammar]

pṛthivyāṃ yaduvaṃśo'yaṃ nindanīyo mahīkṣitām |
bālaḥ kulāntakṛnmūḍho yeṣāṃ tvamanuśāsitā || 9 ||
[Analyze grammar]

sādhustvamebhirvākyaiśca tvayā sādhviti bhāṣitaiḥ |
na vācā sādhitaṃ kāryamātmā ca vivṛtaḥ kṛtaḥ || 10 ||
[Analyze grammar]

guroranavaliptasya mānyasya mahatāmapi |
kṣepaṇaṃ kaḥ śubhaṃ manyeddvijasyeva vadhaṃ kṛtam || 11 ||
[Analyze grammar]

mānyāścaivābhigamyāśca vṛddhāstāta yathāgrayaḥ |
krodho hi teṣāṃ pradahel lokānantargatānapi || 12 ||
[Analyze grammar]

budhena tāta dāntena nityamabhyucchritātmanā |
dharmasya gatiranveṣyā matsyasya gatirapsviva || 13 ||
[Analyze grammar]

kevalaṃ tvaṃ tu garveṇa vṛddhānagnisamāniha |
vācā dunoṣi marmaghnyā amantroktā yathāhutiḥ || 14 ||
[Analyze grammar]

vasudevaṃ ca putrārthe yadi tvaṃ parigarhase |
tatra mithyāpralāpaṃ te nindāmi kṛpaṇaṃ vacaḥ || 15 ||
[Analyze grammar]

dāruṇe'pi pitā putre naiva dāruṇatāṃ vrajet |
dāruṇo'pi pituḥ putraḥ kaḥ putre dāruṇaḥ pitā |
putrārthe hyāpadaḥ kaṣṭāḥ pitaraḥ prāpnuvanti hi || 16 ||
[Analyze grammar]

putrāste hyāpadaḥ kaṣṭātpitaraṃ tārayanti tu || 16 ||
[Analyze grammar]

chādito vasudevena yadi putraḥ śiśustadā |
manyase yadyakartavyaṃ pṛcchasva pitaraṃ svakam || 17 ||
[Analyze grammar]

garhatā vasudevaṃ ca yaduvaṃśaṃ ca nindatā |
tvayā yādavaputrāṇāṃ vairajaṃ viṣamarjitam || 18 ||
[Analyze grammar]

akartavyaṃ yadi kṛtaṃ vasudevena putrajam |
kimarthamugrasenena śiśustvaṃ na vināśitaḥ || 19 ||
[Analyze grammar]

punnāmno narakātputro yasmāttrātā pitṝn sadā |
tasmādbruvanti putreti putraṃ dharmavido janāḥ || 20 ||
[Analyze grammar]

pitrā putrastu goptaścetko doṣo vada sāṃpratam || 20 ||
[Analyze grammar]

rakṣitastava pitrāsi kimarthaṃ vada bāliśa || 20 ||
[Analyze grammar]

anena tava vākyena śatravo yādavāḥ kṛtāḥ || 20 ||
[Analyze grammar]

jātyā hi yādavaḥ kṛṣṇaḥ sa ca saṃkarṣaṇo yuvā |
tvaṃ cāpi vidhṛtastābhyāṃ jātavaireṇa cetasā || 21 ||
[Analyze grammar]

uddhūtānīha sarveṣāṃ yadūnāṃ hṛdayāni vai |
vasudeve tvayā kṣipte vāsudeve ca kopite || 22 ||
[Analyze grammar]

kṛṣṇe ca bhavato dveṣādvasudevavigarhaṇāt |
tyakṣyāmahe vayaṃ sarve bhavantaṃ yadi sādhavaḥ |
asanto vayamevātra loke khyātā narādhama || yadi saktāḥ parityaktuṃ putra tvāṃ sāṃprataṃ vayam |
sarvānasmānparityajya gacchasīti na saṃśayaḥ |
śaṃsanti hīmāni bhayaṃ nimittānyaśubhāni te || 23 ||
[Analyze grammar]

sarpāṇāṃ darśanaṃ tīvraṃ svapnānāṃ ca niśākṣaye |
puryā vaidhavyaśaṃsīni kāraṇairanumīmahe || 24 ||
[Analyze grammar]

eṣa ghoro grahaḥ svātīmullikhan khe gabhastibhiḥ |
vakramaṅgārakaścakre vyāharanti kharaṃ dvijāḥ || 25 ||
[Analyze grammar]

budhena paścimā saṃdhyā vyāptā ghoreṇa tejasā || 25 ||
[Analyze grammar]

vaiśvānarapathe śukro hyaticāraṃ cacāra ha || 25 ||
[Analyze grammar]

ketunā dhūmaketostu nakṣatrāṇi trayodaśa || 25 ||
[Analyze grammar]

bharaṇyādīni bhinnāni nānuyanti niśākaram || 25 ||
[Analyze grammar]

śivā śmaśānānniṣkramya niḥśvāsāṅgāravarṣiṇī |
ubhe saṃdhye purīṃ ghorā paryeti bahu vāśatī || 26 ||
[Analyze grammar]

ulkā nirghātanādena papāta dharaṇītale |
calatyaparvaṇi mahī girīṇāṃ śikharāṇi ca || 27 ||
[Analyze grammar]

prāksaṃdhyā parighagrastā bhābhirbadhnāti bhāskaram |
pratilomaṃ ca yāntyete vyāharanto mṛgadvijāḥ || 28 ||
[Analyze grammar]

grastaḥ svarbhānunā sūryo divā naktamajāyata |
dhūmotpātairdiśo vyāptāḥ śuṣkāśanisamāhatāḥ || 29 ||
[Analyze grammar]

prasravanti ghanā raktaṃ sāśanistanayitnavaḥ |
calitā devatāḥ sthānāttyajanti vihagā nagān || 30 ||
[Analyze grammar]

yāni rājavināśāya daivajñāḥ kathayanti hi |
tāni sarvāṇi paśyāmo nimittānyaśubhāni vai || 31 ||
[Analyze grammar]

tvaṃ cāpi svajanadveṣī rājadharmaparāṅmukhaḥ |
animittāgatakrodhaḥ saṃnikṛṣṭabhayo hyasi || 32 ||
[Analyze grammar]

yastvaṃ devopamaṃ vṛddhaṃ vasudevam dhṛtavratam |
mohātkṣipasi durbuddhe kutaste śāntirātmanaḥ || 33 ||
[Analyze grammar]

tvadgato yo hi naḥ snehastaṃ tyajāmo'dya vai vayam |
ahitaṃ svasya vaṃśasya na tvāṃ vayamupāsmahe || 34 ||
[Analyze grammar]

sa hi dānapatirdhanyo yo drakṣyati vanegatam |
puṇḍarīkapalāśākṣaṃ kṛṣṇamakliṣṭakāriṇam || 35 ||
[Analyze grammar]

bālaṃ cābālasadvṛttamīśvaraṃ sakaleśvaram || 35 ||
[Analyze grammar]

yogidhyeyaṃ sadādṛśyaṃ santaṃ sadasadātmakam || 35 ||
[Analyze grammar]

yo hi drakṣyati taṃ kṛṣṇaṃ tasmai bhūyo namo namaḥ || 35 ||
[Analyze grammar]

ādyānāmādyamādiṃ ca sakalaṃ niṣkalaṃ hariṃ || 35 ||
[Analyze grammar]

yo hi drakṣyati taṃ devaṃ tasmai bhūyo namo namaḥ || 35 ||
[Analyze grammar]

vayameva nirānandās vayā guptā yataḥ sadā || 35 ||
[Analyze grammar]

yeṣāṃ tvamīśvaro'dhanyasteṣāṃ śāntiḥ kuto ratiḥ || 35 ||
[Analyze grammar]

chinnamūlo hyayaṃ vaṃśo yadūnāṃ tvatkṛte kṛtaḥ |
kṛṣṇo jñātīn samānāyya sa saṃdhānaṃ kariṣyati || 36 ||
[Analyze grammar]

kṣāntameva tadānena vasudevena dhīmatā |
kālasaṃpakvavijñāno brūhi tvaṃ yad yadicchasi || 37 ||
[Analyze grammar]

mahyaṃ tu rocate kaṃsa vasudevasahāyavān |
gaccha kṛṣṇasya nilayaṃ prītiste tena rocatām || 38 ||
[Analyze grammar]

anyathā tu gatiḥ kaṃsa tava nāstīti niścayaḥ || 38 ||
[Analyze grammar]

andhakasya vacaḥ śrutvā kaṃsaḥ saṃraktalocanaḥ |
kiṃcidapyabruvan krodhādviveśa svaṃ niveśanam || 39 ||
[Analyze grammar]

te ca sarve yathāveśma yādavāḥ śrutavistarāḥ |
jagmurvigatasaṃkalpāḥ kaṃsavaikṛtaśaṃsinaḥ || 40 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Harivamsa Chapter 66

Cover of edition (2013)

Harivamsa Purana in 3 Volumes
by Shanti Lal Nagar (2013)

Text with English Notes and Index; [Eastern Book Linkers]

Buy now!
Cover of edition (2012)

Harivamsa Purana
by Ras Bihari Lal and Sons (2012)

Set of 10 Volumes; Transliterated Text with English Translation; [5425 pages]

Buy now!
Cover of edition (2021)

Shri Harivamsa Purana in Marathi
by Jitendra Nath Thakur (2021)

श्रीहरिवंशपुराण [Dharmik Prakashan Sanstha, Mumbai]

Buy now!
Cover of edition (2012)

Shri Harivamsha Purana (Telugu)
by Gollapudi Veeraswamy Son (2012)

శ్రీ వారివంశవ్రరాణం [Gollapudi Veeraswamy Son]

Buy now!
Cover of Gujarati edition

Harivamsa Purana in Gujarati
by Gita Press, Gorakhpur (2017)

હરિવંશપુરાણ

Buy now!
Cover of edition (2021)

Harivansha Mahapurana (Kannada)
by Saraswati Prakashan, Belgaum (2021)

1568 pages

Buy now!
Cover of edition (2013)

Shri Harivamsa Purana (Narayani Language)
by Ramtej Pandey (2013)

With Commentary (Set Of 3 Volumes); Sanskrit Text with Hindi Translation; [Chaukhamba Sanskrit Pratishthan]

Buy now!
Like what you read? Consider supporting this website: