Harivamsa [text] [sanskrit]

76,857 words

The Sanskrit edition of the Harivamsa, an important addition to the larger epic Mahabharata, existing in several editions. The text deals with the ancient Indian Solar and Lunar dynasties leading and recounts the history of Krishna.

vaiśaṃpāyana uvāca |
dhṛtaṃ govardhanaṃ dṛṣṭvā paritrātaṃ ca gokulam |
kṛṣṇasya darśanaṃ śakro rocayāmāsa vismitaḥ || 1 ||
[Analyze grammar]

sa nirjalāmbudākāraṃ mattaṃ madajalokṣitam |
āruhyairāvataṃ nāgamajagāma mahītalam || 2 ||
[Analyze grammar]

sa dadarśopaviṣṭaṃ vai govardhanaśilātale |
kṛṣṇamakliṣṭakarmāṇaṃ puruhūtaḥ puraṃdaraḥ || 3 ||
[Analyze grammar]

taṃ dṛśya bālaṃ mahatā tejasā dīptamavyayam |
gopaviṣadharaṃ viṣṇuṃ parijajñe puraṃdaraḥ || 4 ||
[Analyze grammar]

tālastambhavanaśyāmaṃ sa taṃ śrīvatsalakṣaṇam |
paryāptanayanaḥ śakraḥ sarvairnetrairudaikṣata || 5 ||
[Analyze grammar]

dṛṣṭvā cainaṃ śriyā juṣṭaṃ martyaloke'maropamam |
surāṇāṃ kāryasiddhyarthaṃ nityaṃ karmasu niṣṭhitam |
sūpaviṣṭaṃ śilāpṛṣṭe śakraḥ sa vrīḍito'bhavat || 6 ||
[Analyze grammar]

tasyopaviṣṭasya sukham pakṣābhyāṃ pakṣipuṃgavaḥ |
antardhānagataśchāyāṃ cakāroragabhojanaḥ || 7 ||
[Analyze grammar]

chāyayā ca tayā yuktaṃ keśavaṃ yajñarūpiṇam || 7 ||
[Analyze grammar]

taṃ vivikte nagagataṃ lokavṛttāntatatparam |
upatasthe gajaṃ hitvā kṛṣṇaṃ balaniṣūdanaḥ || 8 ||
[Analyze grammar]

sa samīpagatastasya divyasraganulepanaḥ |
rarāja devarājo vai vajrapūrṇakaraḥ prabhuḥ || 9 ||
[Analyze grammar]

kirīteṇārkavarṇena vidyudvidyotakāriṇā |
kuṇḍalābhyāṃ sa divyābhyāṃ satataṃ śobhitānanaḥ |
pañcastabakalambena devabhūṣaṇabhūṣitaḥ || sahasrapatrakāntena dehabhūṣaṇakāriṇā |
īkṣamāṇaḥ sahasreṇa netrāṇāṃ kāmarūpiṇām |
tridaśājñāpanārthena meghanirghoṣakāriṇā |
praṇāma akarocchakraḥ kṣantavyamiti cābravīt |
tuṣṭāva ca hariṃ viṣṇuṃ gopaveṣavibhūṣitam || namaste devadeveśa bhūtabhāvanabhāvana |
hiraṇyaretase tubhyaṃ namaḥ somapradāyine || namo vedaikatattvārtha tannibodhana bodhana |
namaḥ praṇavavācyāya vācakāya namo namaḥ || namaste viśvarūpāya namo lokahitāya te |
namo gopavirūpāya namo godharadhāriṇe || namaḥ purāṇarūpāya namaste madhusūdana || kiṃ vānena jagannātha namaskāreṇa keśava |
yā yāstu devadevasya mūrtayo mūrtimattara |
namastābhyastathā viṣṇo sarvābhyaḥ sarvakāmada || kṣantavyaṃ mama deveśa kṛtaṃ gopālanandana |
ajñānādetha vā jñānād roṣādvā yadunandana || samartheṣvasamartheṣu roṣaḥ prasphurati prabho |
na kenacidbhavāñchāsyaḥ śāstā sarvasya vai prabho || tvannimittamidaṃ sarvamaindraṃ mama sudurlabham |
tvatprasādajjagannātha devānāmīśvaro yataḥ || tataśca devadeveśa kṣantavyaṃ dāsa ityaham |
ityuktvātha punarvākyaṃ vyājahāra śacīpatiḥ || kṛṣṇaṃ kamalapatrākṣamabālaṃ bālarūpiṇam |
atasīpuṣpasaṃkāśaṃ śrīvatsakṛtalakṣaṇam |
upaviṣṭaṃ śilāpṛṣṭhe kṛtvā karmātimānuṣam || na hi dāseṣu kopo'sti svāmināṃ svāmisattama |
atha divyena madhuram vyājahāra svareṇa tam || 10 ||
[Analyze grammar]

kṛṣṇa kṛṣṇa mahābāho jñātīnāṃ nandivardhana |
atidaivaṃ kṛtaṃ karma tvayā prītimatā gavām || 11 ||
[Analyze grammar]

mayā sṛṣṭeṣu megheṣu yugāntāvartakāriṣu |
yattvayā rakṣitā gāvastenāsmi paritoṣitaḥ || 12 ||
[Analyze grammar]

svāyaṃbhuvena yogena yaccāyaṃ parvatottamaḥ |
dhṛto veśma ivākāśe ko hyetena na vismayet || 13 ||
[Analyze grammar]

pratiṣiddhe mama mahe mayeyaṃ ruṣitena vai |
ativṛṣṭiḥ kṛtā kṛṣṇa gavāṃ vai saptarātrikī || 14 ||
[Analyze grammar]

sā tvayā pratiṣiddheyaṃ meghavṛṣṭirdurāsadā |
devaiḥ sadānavagaṇairdurnivāryā mayi sthite || 15 ||
[Analyze grammar]

aho me supriyaṃ kṛṣṇa yattvaṃ mānuṣadehavān |
samagraṃ vaiṣṇavaṃ tejo vinigūhasi roṣitaḥ || 16 ||
[Analyze grammar]

sādhitaṃ devatānāṃ hi manye'haṃ kāryamavyayam |
tvayi mānuṣyamāpanne yuktenaivaṃ svatejasā || 17 ||
[Analyze grammar]

setsyate vīra kāryārtho na kiṃcitparihāsyate |
devānām yadbhavānnetā sarvakāryapurogamaḥ || 18 ||
[Analyze grammar]

ekastvamasi lokānāṃ devānāṃ ca sanātanaḥ |
dvitīyaṃ nānupaśyāmi dhuraṃ yaste samudvahet || 19 ||
[Analyze grammar]

yathā hi puṃgavaḥ śreṣṭho magne dhuri niyujyate |
evaṃ tvamasi devānāṃ magnānāṃ dvijavāhana || 20 ||
[Analyze grammar]

tvaccharīragataṃ kṛṣṇa jagatpraharaṇaṃ tvidam |
brahmaṇā sādhu nirdiṣṭaṃ dhātubhya iva kāñcanam || 21 ||
[Analyze grammar]

svayaṃ svayaṃbhūrbhagavānbuddhyātha vayasāpi vā |
na tvānugantuṃ śakto vai paṅgurdrutagatiṃ yathā || 22 ||
[Analyze grammar]

stāṇubhyo himavāñchreṣṭho hradānāṃ varuṇālayaḥ |
garutmānpakṣiṇāṃ śreṣṭho devatānāṃ bhavānvaraḥ || 23 ||
[Analyze grammar]

apāmadhastāl loko vai tasyopari mahīdharāḥ |
nāgānāmupariṣṭādbhūḥ pṛthivyupari mānuṣāḥ || 24 ||
[Analyze grammar]

manuṣyalokādūrdhvaṃ tu khagānāṃ gatirucyate |
ākāśasyopari ravirdvāraṃ svargasya bhānumān || 25 ||
[Analyze grammar]

devalokaḥ parastasmādvimānagahano mahān |
yatrāhaṃ kṛṣṇa devānāmaindre vinihitaḥ pade || 26 ||
[Analyze grammar]

tvayā hi lokanāthena viṣṇunā prabhaviṣṇunā || 26 ||
[Analyze grammar]

svargādūrdhvaṃ brahmaloko brahmarṣigaṇasevitaḥ |
tatra somagatiścaiva jyotiṣāṃ ca mahātmanām || 27 ||
[Analyze grammar]

tasyopari gavāṃ lokaḥ sādhyāstaṃ pālayanti hi |
sa hi sarvagataḥ kṛṣṇa mahākāśagato mahān || 28 ||
[Analyze grammar]

uparyupari tatrāpi gatistava tapomayī |
yāṃ na vidmo vayaṃ sarve pṛcchanto'pi pitāmaham || 29 ||
[Analyze grammar]

pitāmaho'pi bhagavāṃstvatprasādād yadṛcchayā || 29 ||
[Analyze grammar]

yāṃ yoganiratā viṣṇo bhajante brahmavādinaḥ || 29 ||
[Analyze grammar]

lokastvarvāgduṣkṛtināṃ nāgalokastu dāruṇaḥ |
pṛthivī karmaśīlānāṃ kṣetraṃ sarvasya karmaṇaḥ || 30 ||
[Analyze grammar]

khamasthirāṇāṃ viṣayo vāyunā tulyavṛttinām |
gatiḥ śamadamāḍhyānāṃ svargaḥ sukṛtakarmaṇām || 31 ||
[Analyze grammar]

brāhme tapasi yuktānāṃ brahmalokaḥ parā gatiḥ |
gavāmeva hi goloko durārohā hi sā gatiḥ || 32 ||
[Analyze grammar]

sa tu lokastvayā kṛṣṇa sīdamānaḥ kṛtātmanā |
dhṛto dhṛtimatā vīra nighnatopadravaṃ gavām || 33 ||
[Analyze grammar]

tadahaṃ samanuprāpto gavāṃ vākyena coditaḥ |
brahmanaśca mahābhāga gauravāttava cāgataḥ || 34 ||
[Analyze grammar]

ahaṃ bhūtapatiḥ kṛṣṇa devarājaḥ puraṃdaraḥ |
aditergarbhaparyāye pūrvajaste purātanaḥ || 35 ||
[Analyze grammar]

tejastejasvinaścaiva yatte darśitavānaham |
megharūpeṇa tatsarvaṃ kṣantumarhasi me vibho || 36 ||
[Analyze grammar]

evaṃ kṣāntamanāḥ kṛṣṇa svena saumyena tejasā |
brahmaṇaḥ śṛṇu me vākyaṃ gavāṃ ca gajavikrama || 37 ||
[Analyze grammar]

āha tvā bhagavānbrahmā gāvaścākāśagā divi |
karmabhistoṣitā divyaistava saṃrakṣaṇādibhiḥ || 38 ||
[Analyze grammar]

bhavatā rakṣitā gāvo gobhirlokāśca rakṣitāḥ |
yadvayaṃ puṃgavaiḥ sārdhaṃ vardhāmaḥ prasavaistathā || 39 ||
[Analyze grammar]

karṣakānpuṃgavairvāhyairmedhyena haviṣā surān |
śriyaṃ śakṛtpavitreṇa tarpayiṣyāma kāmagāḥ || 40 ||
[Analyze grammar]

tadasmākaṃ gurustvaṃ hi prāṇadaśca mahābala |
adyaprabhṛti no rājā tvamindro vai bhaviṣyasi || 41 ||
[Analyze grammar]

tasmāttvaṃ kāñcanaiḥ pūrṇairdivyasya payaso ghaṭaiḥ |
ebhistvamabhiṣicyasva mayā hastāvanāmitaiḥ || 42 ||
[Analyze grammar]

ahaṃ kilendro devānāṃ tvaṃ gavāmindratāṃ gataḥ |
govinda iti lokāstvāṃ stoṣyanti bhuvi śāśvatam || 43 ||
[Analyze grammar]

mamopari yathendrastvaṃ sthāpito gobhirīśvaraḥ |
upendra iti kṛṣṇa tvāṃ gāsyanti divi devatāḥ || 44 ||
[Analyze grammar]

ye ceme vārṣikā māsāścatvāro vihitā mama |
eṣāmardhaṃ prayacchāmi śaratkālaṃ tu paścimam || 45 ||
[Analyze grammar]

varṣārdhe ca dhvajo nityaṃ tataḥ pūjāmavāpsyati |
mamāmbuprabhavaṃ darpaṃ tadā tyakṣyanti barhinaḥ || 46 ||
[Analyze grammar]

alpavīryamadāścaiva ye cānye meghanādinaḥ |
śāntiṃ sarve gamiṣyanti jalakālavicāriṇaḥ || 47 ||
[Analyze grammar]

triśaṅkvagastyacaritāmāśāṃ ca vicariṣyati |
sahasraraśmirādityastāpayan svena tejasā || 48 ||
[Analyze grammar]

tataḥ śaradi yuktānāṃ maunamūkeṣu barhiṣu |
yāvatsukhataraistoyairvipluteṣu pluteṣu ca || 49 ||
[Analyze grammar]

haṃsasārasapūrṇeṣu nadīnāṃ pulineṣu ca || 52ab ||
[Analyze grammar]

mattakrauñcapraṇādeṣu matteṣu vṛṣabheṣu ca |
goṣu caiva prahṛṣṭāsu kṣarantīṣu payo bahu || 50 ||
[Analyze grammar]

nivṛtteṣu ca megheṣu niryātya jagato jalam |
ākāśe śastrasaṃkāśe haṃseṣu vicaratsu ca || 51 ||
[Analyze grammar]

jātapadmeṣu toyeṣu vāpīṣu ca saritsu ca |
taḍāgeṣu ca kānteṣu toyeṣu vimaleṣu ca |
kalamāvanatāgrāsu pakvakedārapaṅktiṣu || 52 ||
[Analyze grammar]

madhyasthaṃ salilārambhaṃ kurvantīṣu nadīṣu ca |
sasasyāyāṃ ca sīmāyāṃ manoharyāṃ munerapi || 53 ||
[Analyze grammar]

pṛthivyāṃ pṛthurāṣṭrāyāṃ ramāyāṃ varṣasaṃkṣaye |
śrāmatsu paṅktimārgeṣu phalavatsu tṛṇeṣu ca |
ikṣumatsu ca deśeṣu pravṛtteṣu makheṣu ca || 54 ||
[Analyze grammar]

tataḥ pravartsyate puṇyā śaratsuptotthite tvayi |
loke'smin kṛṣṇa nikhile yathaiva tridive tathā || 55 ||
[Analyze grammar]

narāstvāṃ caiva māṃ caiva dhvajākārāsu yaṣṭiṣu |
mahendraścāpyupendraśca mahīyetāṃ mahītale || 56 ||
[Analyze grammar]

ye cāvayoḥ sthitā vṛtte mahendropendrasaṃjñite |
mānavāḥ praṇamiṣyanti teṣāṃ nāstyanayāgamaḥ || 57 ||
[Analyze grammar]

svargalokādayānīya maṇipīṭhaṃ surādhipaḥ || 57 ||
[Analyze grammar]

niveśya kṛṣṇaṃ ratnaiḥ prāṅ muktādyairabhiṣecayat || 57 ||
[Analyze grammar]

kṛtvā nīrājanaṃ divyairalaṃkṛtya ca bhūṣaṇaiḥ || 57 ||
[Analyze grammar]

tataḥ śakrastu tān gṛhya ghaṭāndivyapayodharān |
abhiṣekeṇa govindaṃ yojayāmāsa yogavit || 58 ||
[Analyze grammar]

dṛṣṭvā tamabhiṣicyantaṃ gāvastāḥ saha yūthapaiḥ |
stanaiḥ prasnavasaṃyuktaiḥ siṣicuḥ kṛṣṇamavyayam || 59 ||
[Analyze grammar]

meghāśca divi muktābhiḥ sāmṛtābhiḥ samantataḥ |
siṣicustoyadhārābhirabhiṣicyantamavyayam || 60 ||
[Analyze grammar]

vanaspatīnāṃ sarveṣāṃ susrāvendunibhaṃ payaḥ |
vavarṣuḥ puṣpavarṣaṃ ca nedustūryāṇi cāmbare || 61 ||
[Analyze grammar]

stuvanti munayaḥ sarve vāgbhirmantraparāyaṇāḥ |
vasiṣṭho vāmadevaśca jābāliratha kāśyapaḥ |
viśvāmitro bharadvājaḥ kaṇvo'trirbhagavānprabhuḥ |
ete ca munayaḥ sarve siddhāśca paramarṣayaḥ |
ekārṇavavimuktaṃ ca dadhāra vasudhā vapuḥ || 62 ||
[Analyze grammar]

prasādaṃ sāgarā jagmurvavurvātā jagaddhitāḥ |
ītayaḥ praśamaṃ jagmurjagmurnirvairatāṃ nṛpāḥ || 63 ||
[Analyze grammar]

kṛṣṇe'bhiṣita etāni sarvāṇi kurunandana || 63 ||
[Analyze grammar]

nirvairāṇyabhavaṃstāta krūrāṇyapi nisargataḥ || 63 ||
[Analyze grammar]

mārgastho vibabhau bhānuḥ somo yogena saṃgataḥ |
pravālapuṣpaśabalāḥ phalavantaśca pādapāḥ || 64 ||
[Analyze grammar]

madaṃ prasusruvurnāgā yātāstoṣaṃ vane mṛgāḥ |
alaṃkṛtā gātraruhairvātubhirbhānti parvatāḥ || 65 ||
[Analyze grammar]

devalokopamo lokastṛpto'mṛtasutarpitaḥ |
āsītkṛṣṇābhiṣeke hi divyasvargarasokṣitaḥ || 66 ||
[Analyze grammar]

abhiṣiktaṃ tu taṃ gobhiḥ śakro govindamavyayam |
divyaśuklāmbaradharam devarājo'bravīdidam || 67 ||
[Analyze grammar]

eṣa me prathamaḥ kṛṣṇa niyogo goṣu yaḥ kṛtaḥ |
śrūyatāmaparaṃ cāpi mamāgamanakāraṇam || 68 ||
[Analyze grammar]

kṣipraṃ saṃsādhyatāṃ kaṃsaḥ keśī ca turagādhamaḥ |
ariṣṭaśca madāviṣṭo rājarājyaṃ tataḥ kuru || 69 ||
[Analyze grammar]

pitṛṣvasari jātaste mamāṃśo'hamiva sthitaḥ |
sa te rakṣyaśca mānyaśca sakhye ca viniyujyatām || 70 ||
[Analyze grammar]

tvayā hyanugṛhītaḥ sa tava vṛttānuvartakaḥ |
tvadvaśe vartamānaḥ sa prāpsyate vipulaṃ yaśaḥ || 71 ||
[Analyze grammar]

bhāratasya ca vaṃśasya sa variṣṭho dhanurdharaḥ |
bhaviṣyatyanurūpaśca tvāmṛte na ca raṃsyate || 72 ||
[Analyze grammar]

bhārataṃ tvayi cāsaktaṃ tasmiṃśca puruṣottame |
ubhābhyāmapi saṃyoge yāsyanti nidhanaṃ nṛpāḥ || 73 ||
[Analyze grammar]

pratijñātaṃ ca me kṛṣṇa ṛṣimadhye sureṣu ca |
mama putro'rjuno nāma jātaḥ kuntyāṃ kurūdvahaḥ || 74 ||
[Analyze grammar]

so'strāṇāṃ pāratantrajñaḥ śreṣṭhaścāpavikarṣaṇe |
taṃ pravekṣyanti vai sarve rājānaḥ śastrayodhinaḥ || 75 ||
[Analyze grammar]

akṣauhiṇyaśca śūrāṇāṃ rājñāṃ saṃgrāmaśālinām |
samare rājadharmeṇa yojayiṣyanti mṛtyunā || 76 ||
[Analyze grammar]

tasyāstracaritaṃ mārgaṃ dhanuṣo lāghavena ca |
nānuyāsyanti rājāno devā vā tvāṃ vinā prabho || 77 ||
[Analyze grammar]

sa te bandhuḥ sahāyaśca saṃgrāmeṣu bhaviṣyati |
tasya yogo vidhātavyastvayā govinda matkṛte || 78 ||
[Analyze grammar]

draṣṭavyaḥ sa yathāhaṃ vai tvayā mānyaśca nityaśaḥ |
jñātā tvameva lokānāmarjunasya ca nityaśaḥ || 79 ||
[Analyze grammar]

tvayā hi nityaṃ rakṣyaḥ sa āhaveṣu mahatsu ca |
rakṣitasya tvayā tasya na mṛtyuḥ prabhaviṣyati || 80 ||
[Analyze grammar]

arjunaṃ viddhi māṃ kṛṣṇa māṃ caivātmānamātmanā |
ātmā te'haṃ yathā śaśvattathaiva tava so'rjuna || 81 ||
[Analyze grammar]

tvayā lokānimāñjitvā balerhastāttribhiḥ kramaiḥ |
devatānāṃ kṛto rājā purā jyeṣṭhakramādaham || 82 ||
[Analyze grammar]

tvāṃ ca satyamayaṃ jñātvā satyeṣṭaṃ satyavikramam |
satyenopetya devā vai yojayanti ripukṣaye || 83 ||
[Analyze grammar]

so'rjuno nāma me putraḥ pituste bhaginīsutaḥ |
iha sauhṛdatāṃ yātu bhūtvā sahacaraḥ purā || 84 ||
[Analyze grammar]

tasya te yudhyataḥ kṛṣṇa svasthāne'tha gṛhe'pi vā |
voḍhavyā puṃgaveneva dhūḥ sarvā raṇavāhinī || 85 ||
[Analyze grammar]

kaṃse vinihate kṛṣṇa tvayā bhāvyarthadarśinā |
abhitastanmahadyuddhaṃ bhaviṣyati mahīkṣitām || 86 ||
[Analyze grammar]

tatra teṣāṃ nṛvīrāṇāmatimānuṣakarmaṇām |
vijayasyārjuno bhoktā yaśasā tvaṃ tu yokṣyase || 87 ||
[Analyze grammar]

etanme kṛṣṇa kārtsnyena kartumarhasi bhāṣitam |
yadyahaṃ te surāścaiva satyaṃ ca priyamacyuta || 88 ||
[Analyze grammar]

śakrasya vacanaṃ śrutvā kṛṣṇo govindatāṃ gataḥ |
prītena manasā yuktaḥ prativākyaṃ jagāda ha || 89 ||
[Analyze grammar]

prīto'smi darśanādeva tava śakra śacīpate |
yattvayābhihitaṃ cedaṃ na kiṃcitparihāsyate || 90 ||
[Analyze grammar]

jānāmi bhavato bhāvaṃ jānāmyarjunasaṃbhavam |
jāne pitṛṣvasā dattā pāṇḍorvasumatīpateḥ || 91 ||
[Analyze grammar]

yudhiṣṭhiraṃ ca jānāmi kumāraṃ dharmanirmitam |
bhīmasenaṃ ca jānāmi vāyoḥ saṃtānajāṃ tanum || 92 ||
[Analyze grammar]

nāgāyutasamaprāṇamanekāsuramardanam || 92 ||
[Analyze grammar]

aśvibhyāṃ sādhu jānāmi sṛṣṭaṃ putradvayaṃ śubham |
nakulaṃ sahadevaṃ ca mādryāḥ kukṣibhavāv ubhau || 93 ||
[Analyze grammar]

kānīnaṃ cāpi jānāmi savituḥ prathamaṃ sutam |
pitṛṣvasari karṇaṃ vai prasūtaṃ sūtatāṃ gatam || 94 ||
[Analyze grammar]

dhārtarāṣṭrāśca me sarve viditā yuddhakāṅkṣiṇaḥ |
duryodhanamukhāḥ śakra kauravāṇāṃ mahābalāḥ |
pāṇḍoruparamaṃ caiva śāpāśaninipātajam || 95 ||
[Analyze grammar]

tadgaccha tridivaṃ śakra sukhāya tridivaukasām |
nārjunasya ripuḥ kaścinmamāgre prabhaviṣyati || 96 ||
[Analyze grammar]

arjunārthe ca tān sarvānpāṇḍavānakṣatānyudhi |
kuntyā niryātayiṣyāmi nivṛtte bhārate mṛdhe || 97 ||
[Analyze grammar]

yacca vakṣyati māṃ śakra tanūjastava so'rjunaḥ |
bhṛtyavattatkariṣyāmi tava snehena yantritaḥ || 98 ||
[Analyze grammar]

satyasaṃdhasya tacchrutvā priyaṃ prītasya bhāṣitam |
praṇamya devadevasya mūrdhnā śakraḥ padāmbujam |
kṛṣṇasya sākṣāttridivaṃ jagāma tridaśeśvaraḥ || 99 ||
[Analyze grammar]

etadākhyānamāyuṣyāṃ puṇyaṃ pāpaprāṇāśanam || 99 ||
[Analyze grammar]

parjanyaprītijanakamavagrahanivārakam || 99 ||
[Analyze grammar]

sarvasaukhyapriyakaraṃ devaguhyamanuttamam || 99 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Harivamsa Chapter 62

Cover of edition (2013)

Harivamsa Purana in 3 Volumes
by Shanti Lal Nagar (2013)

Text with English Notes and Index; [Eastern Book Linkers]

Buy now!
Cover of edition (2012)

Harivamsa Purana
by Ras Bihari Lal and Sons (2012)

Set of 10 Volumes; Transliterated Text with English Translation; [5425 pages]

Buy now!
Cover of edition (2021)

Shri Harivamsa Purana in Marathi
by Jitendra Nath Thakur (2021)

श्रीहरिवंशपुराण [Dharmik Prakashan Sanstha, Mumbai]

Buy now!
Cover of edition (2012)

Shri Harivamsha Purana (Telugu)
by Gollapudi Veeraswamy Son (2012)

శ్రీ వారివంశవ్రరాణం [Gollapudi Veeraswamy Son]

Buy now!
Cover of Gujarati edition

Harivamsa Purana in Gujarati
by Gita Press, Gorakhpur (2017)

હરિવંશપુરાણ

Buy now!
Cover of edition (2021)

Harivansha Mahapurana (Kannada)
by Saraswati Prakashan, Belgaum (2021)

1568 pages

Buy now!
Cover of edition (2013)

Shri Harivamsa Purana (Narayani Language)
by Ramtej Pandey (2013)

With Commentary (Set Of 3 Volumes); Sanskrit Text with Hindi Translation; [Chaukhamba Sanskrit Pratishthan]

Buy now!
Like what you read? Consider supporting this website: