Chapter 58

vaiśaṃpāyana uvāca |
atha tau jātaharṣau tu vasudevasutāv ubhau |
tattālavanamutsṛjya bhūyo bhāṇḍīraṃ āgatau || 1 ||
[Analyze grammar]

cārayantau vivṛddhāni godhanāni śubhānanau |
sphītasasyaprarūḍhāni vīkṣamāṇau vanāni ca || 2 ||
[Analyze grammar]

kṣvedayantau pragāyantau pracinvantau ca pādapān |
nāmabhirvyāharantau ca savatsā gāḥ paraṃtapau || 3 ||
[Analyze grammar]

niryogapāśairāsaktau skandhābhyāṃ śubhalakṣaṇau |
vanamālākṛtoraskau bālaśṛṅgāvivarṣabhau || 4 ||
[Analyze grammar]

suvarṇāñjanavarṇābhāvanyonyasadṛśāmbarau |
mahendrāyudhasaṃsaktau śuklakṛṣṇāvivāmbudau || 5 ||
[Analyze grammar]

kuśāgrakusumānāṃ ca karṇapūramanoramau |
vanamārgeṣu kurvāṇau vanyaveṣadharāv ubhau || 6 ||
[Analyze grammar]

govardhanasyānucarau vane sānucarau ca tau |
ceraturlokasiddhābhiḥ krīḍābhiraparājitau || 7 ||
[Analyze grammar]

tāvenaṃ mānuṣīṃ dīkṣāṃ vahantau surapūjitau |
tajjātiguṇayuktābhiḥ krīḍābhiśceraturvanam || 8 ||
[Analyze grammar]

tau tu bhāṇḍīramucite kāle krīḍānuvartinau |
prāptau paramaśākhāḍhyaṃ nyagrodhaṃ śākhināṃ varam || 9 ||
[Analyze grammar]

tatra spandolikābhiśca yuddhamārgaiśca daṃśitau |
aśmabhiḥ kṣepaṇīyaiśca tau vyāyāmamakurvatām || 10 ||
[Analyze grammar]

yuddhamārgaiśca vividhairgopālaiḥ sahitāv ubhau |
muditau siṃhavikrāntau yathākāmaṃ viceratuḥ || 11 ||
[Analyze grammar]

tayo ramayatorevaṃ tallipsurasurottamaḥ |
pralambo'bhyāgamatteṣāṃ chidrānveṣī tayostadā || 12 ||
[Analyze grammar]

gopālaveṣamāsthāya vanyapuṣpavibhūṣitaḥ |
lobhayānaḥ sa tau vīrau hāsyaiḥ krīḍanakaistathā || 13 ||
[Analyze grammar]

so'vagāhata niḥśaṅkasteṣāṃ madhyamamānuṣaḥ |
mānuṣaṃ vapurāsthāya pralambo dānavottamaḥ || 14 ||
[Analyze grammar]

prakrīḍitāśca te sarve saha tenāmarāriṇā |
gopālavapuṣaṃ gopā manyamānāḥ svabāndhavam || 15 ||
[Analyze grammar]

sa tu chidrāntaraprepsuḥ pralambo gopatāṃ gataḥ |
dṛṣṭiṃ paridadhe kṛṣṇe rauhiṇeye ca dāruṇām || 16 ||
[Analyze grammar]

aviṣahyaṃ tato matvā kṛṣṇamadbhutavikramamḥ |
rauhiṇeyavadhe yatnamakaroddānavottamaḥ || 17 ||
[Analyze grammar]

hariṇākrīḍanaṃ nāma bālakrīḍanakaṃ tataḥ |
prakrīḍitāśca te sarve dvau dvau yugapadutpatan || 18 ||
[Analyze grammar]

kṛṣṇaḥ śrīdāmasahitaḥ pupluve gopasūnunā |
saṃkarṣaṇastu plutavānpralambena sahānaghaḥ || 19 ||
[Analyze grammar]

gopālāstvapare dvaṃdvaṃ gopālairaparaiḥ saha |
pradrutā laṅghayanto vai te'nyonyaṃ laghuvikramāḥ || 20 ||
[Analyze grammar]

śrīdāmamajayatkṛṣṇaḥ pralambaṃ rohiṇīsutaḥ |
gopālaiḥ kṛṣṇapakṣīyairgopālāstvapare jitāḥ || 21 ||
[Analyze grammar]

te vāhayantastvanyonyaṃ saṃharṣātsahasā drutāḥ |
bhāṇḍīraskandhamuddiśya maryādāṃ punarāgaman || 22 ||
[Analyze grammar]

saṃkarṣaṇaṃ tu skandhena śīghramutkṣipya dānavaḥ |
drutaṃ jagāma vimukhaḥ sacandra iva toyadaḥ || 23 ||
[Analyze grammar]

aviṣahyaṃ manyamānaḥ kṛṣṇaṃ dānavapuṃgavaḥ || 23 ||
[Analyze grammar]

vahandrutataraṃ prāgādavarohaṇataḥ param || 23 ||
[Analyze grammar]

sa bhāramasahaṃstasya rauhiṇeyasya dhīmataḥ |
vavṛdhe sumahākāyaścandrākrānta ivāmbudaḥ || 24 ||
[Analyze grammar]

sa bhāṇḍīravaṭaprakhyaṃ dagdhāñjanagiriprabham |
svaṃ vapurdarśayāmāsa pralambo dānavottamaḥ || 25 ||
[Analyze grammar]

pañcastabakayuktena mukuṭenārkavarcasā |
dīpyamānānano daityaḥ sūryākrānta ivāmbudaḥ || 26 ||
[Analyze grammar]

mahānano mahāgrīvaḥ umahānantakopamaḥ |
raudraḥ śakaṭacakrākṣo nāmayaṃs caraṇaiḥ kṣitim || 27 ||
[Analyze grammar]

sragdāmalambābharaṇaḥ pralambāmbarabhūṣaṇaḥ |
dhīraḥ pralambaḥ prayayau toyalamba ivāmbudaḥ || 28 ||
[Analyze grammar]

sa jahāraiva vegena rauhiṇeyaṃ mahāsuraḥ |
sāgaropaplavagataṃ kṛtsnaṃ lokamivāntakaḥ || 29 ||
[Analyze grammar]

hriyamāṇaḥ pralambena sa tu saṃkarṣaṇo yuvā |
uhyamāna ivaikena kālameghena candramāḥ || 30 ||
[Analyze grammar]

sa saṃdigdhamivātmānaṃ mene saṃkarṣaṇastadā |
daityaskandhagataḥ śrīmān kṛṣṇaṃ cedamuvāca ha || 31 ||
[Analyze grammar]

hriye'haṃ kṛṣṇa daityena parvatodagravarcasā |
pradarśayitvā mahatīṃ māyāṃ mānuṣarūpiṇīm || 32 ||
[Analyze grammar]

kathamasya mayā kāryaṃ śāsanaṃ duṣṭacetasaḥ |
pralambasya pravṛddhasya darpāddviguṇavarcasaḥ || 33 ||
[Analyze grammar]

tamāha sasmitaṃ kṛṣṇaḥ sāmnā harṣakalena vai |
abhijño rauhiṇeyasya vṛttasya ca balasya ca || 34 ||
[Analyze grammar]

aho'yaṃ mānuṣo bhāvo vyaktamevānugṛhyate |
yastvaṃ jaganmayaṃ guhyaṃ guhyādguhyataraṃ gataḥ || 35 ||
[Analyze grammar]

smarārya tanumātmānam lokānāṃ tvaṃ viparyaye |
avagacchātmanātmānaṃ samudrāṇāṃ samāgame || 36 ||
[Analyze grammar]

purātanānāṃ devānāṃ brahmaṇaḥ salilasya ca |
ātmavṛttapravṛttāni saṃsmarādyaṃ ca vai vapuḥ || 37 ||
[Analyze grammar]

śiraḥ khaṃ te jalaṃ mūrtiḥ kṣamā bhūrdahano mukham |
vāyurlokāyurucchvāso manaḥsraṣṭā manustava || 38 ||
[Analyze grammar]

sahasrāsyaḥ sahasrāṅgaḥ sahasracaraṇekṣaṇaḥ |
sahasraśīrṣo viśvātmā śatajihvaḥ śatodaraḥ |
sahasrapatranābhastvaṃ sahasrāṃśudharo'rihā || 39 ||
[Analyze grammar]

yattvayā darśitaṃ loke tatpaśyanti divaukasaḥ |
yattvayā noktapūrvaṃ hi kastadanveṣṭumarhati || 40 ||
[Analyze grammar]

yadveditavyaṃ loke'smiṃstattvayā samudāhṛtam |
viditaṃ yattavaikasya devā api na tadviduḥ || 41 ||
[Analyze grammar]

ātmajaṃ te vapurvyomni na paśyantyātmasaṃbhavam |
yattu te kṛtrimaṃ rūpaṃ tadarcanti divaukasaḥ || 42 ||
[Analyze grammar]

yasya caivaṃvidhaṃ rūpaṃ paśyanti tridivaukasaḥ || 42 ||
[Analyze grammar]

davairna dṛṣṭaścāntaste tenānanta iti smṛta |
tvaṃ hi sūkṣmo mahānekaḥ sūkṣmairapi durāsadaḥ || 43 ||
[Analyze grammar]

tvayyeva parvatastambhā śāśvatī jagatī sthitā |
acalā prāṇināṃ yonirdhārayatyakhilaṃ jagat || 44 ||
[Analyze grammar]

catuḥsāgarabhogastvaṃ cāturvarṇyavibhāgavit |
caturyugeśo lokānāṃ cāturhotraphalāśanaḥ || 45 ||
[Analyze grammar]

yathā tvamasi lokānāṃ tathāhaṃ tacca me matam |
ubhāvekaśarīrau svo jagadarthe dvidhā kṛtau || 46 ||
[Analyze grammar]

ahaṃ vā śāśvataḥ kṛṣṇastvaṃ vā śeṣaḥ purātanaḥ || 46 ||
[Analyze grammar]

lokānāṃ śāśvato devastvaṃ hi śeṣaḥ sanātanaḥ |
āvayordehamātreṇa dvidhedaṃ dhāryate jagat || 47 ||
[Analyze grammar]

ahaṃ yaḥ sa bhavāneva yastvaṃ so'haṃ sanātanaḥ |
dvāveva vihitau hyāvāmekadehau mahābalau || 48 ||
[Analyze grammar]

tadāsse mūḍhavatkiṃ tvaṃ prāgenaṃ jahi dānavam |
mūrdhni devaripuṃ deva vajrakalpena muṣṭinā || 49 ||
[Analyze grammar]

saṃsmāritaḥ sa kṛṣṇena rauhiṇeyaḥ purātanam |
sa balena tadā pūrṇastrailokyāntaracāriṇā || 50 ||
[Analyze grammar]

balenāyujyata tadā mahatānyena dīptimān || 50 ||
[Analyze grammar]

tataḥ pralambaṃ durvṛttaṃ subaddhena mahābhujaḥ |
muṣṭinā vajrakalpena mūrdhni vīraḥ samāhanat || 51 ||
[Analyze grammar]

tasyottamāṅgaṃ sve kāye vikapālaṃ viveśa ha |
tena muṣṭiprahāreṇa kapālaṃ taddvidhābhavat |
jānudbhyāṃ jagatīṃ caiva gatāsuḥ sa jagāma ha || 52 ||
[Analyze grammar]

jagatyāṃ vinikīrṇasya tasya rūpamabhūttadā |
pralambasyāmbarasthasya meghasyeva vidīryataḥ || 53 ||
[Analyze grammar]

tasya bhagnottamāṅgasya dehātsusrāva śoṇitam |
bahugairikasaṃyuktaṃ śailaśṛṅgādivodakam || 54 ||
[Analyze grammar]

sa nihatya pralambaṃ tu saṃhṛtya balamātmanaḥ |
paryaṣvajata kṛṣṇaṃ vai rauhiṇeyaḥ pratāpavān || 55 ||
[Analyze grammar]

taṃ tu kṛṣṇaśca gopāśca divisthāśca divaukasaḥ |
tuṣṭuvurnihate daitye jayāśīrbhirmahābalam || 56 ||
[Analyze grammar]

balenāyaṃ hato daityo bālenākliṣṭakarmaṇā |
vicarantyaśarīriṇyo vācaḥ surasamīritāḥ |
baladeveti nāmasya devaiścoktaṃ divi sthitaiḥ || 57 ||
[Analyze grammar]

balaṃ tu baladevasya tadā bhuvi janā viduḥ |
karmajaṃ nihate daitye devairapi durāsade || 58 ||
[Analyze grammar]