Chapter 56

vaiśaṃpāyana uvāca |
sopasṛtya nadītīraṃ baddhvā parikaraṃ dṛḍham |
ārohaccapalaḥ kṛṣṇaḥ kadambaśikharaṃ yuvā || 1 ||
[Analyze grammar]

kṛṣṇaḥ kadambaśikharāl lambamāno'mbudākṛtiḥ |
hradamadhye'karocchabdaṃ nipatannambujekṣaṇaḥ || 2 ||
[Analyze grammar]

nīlotpaladalaśyāmo hrade tasminpapāta ha || 2 ||
[Analyze grammar]

sa kṛṣṇenāvapatatā kṣobhitaḥ sa mahāhradaḥ |
saṃprāśicyata vegena bhidyamāna ivārṇavaḥ || 3 ||
[Analyze grammar]

tena śabdena saṃkṣubdhaṃ tatsarpabhavanaṃ mahat |
uttiṣṭhadudakātsarpo roṣaparyākulekṣaṇaḥ || 4 ||
[Analyze grammar]

sa coragapatiḥ kruddho megharāśisamaprabhaḥ |
tato raktāntanayanaḥ kāliyaḥ samadṛśyata || 5 ||
[Analyze grammar]

pañcāsyaḥ pāvakocchvāsaścalajjihvo'nalānanaḥ |
pṛtubhiḥ pañcabhirghoraiḥ śirobhiḥ parivāritaḥ || 6 ||
[Analyze grammar]

pūrayitvā hradaṃ sarvaṃ bhogenānalavarcasā |
sphuranniva sa roṣeṇa jvalanniva ca tejasā || 7 ||
[Analyze grammar]

krodhena tajjalaṃ tasya sarvaṃ śṛtamivābhavat |
pratiśrotāśca bhīteva jagāma yamunā nadī |
tasya krodhāgnipūrṇena vaktreṇābhūcca mārutaḥ || 8 ||
[Analyze grammar]

dṛṣṭvā kṛṣṇaṃ hradagataṃ krīḍantaṃ śiśulīlayā |
sadhūmāḥ pannagendrasya mukhānniścerurarciṣaḥ || 9 ||
[Analyze grammar]

sṛjatā tena roṣāgniṃ samīpe tīrajā drumāḥ |
kṣaṇena bhasmasānnītā yugāntapratimena vai || 10 ||
[Analyze grammar]

tasya putrāśca dārāśca bhṛtyāścānye mahoragāḥ |
vamantaḥ pāvakaṃ ghoraṃ vaktrebhyo viṣasaṃbhavam |
sadhūmāḥ pannagendrāste nipeturamitaujasaḥ || 11 ||
[Analyze grammar]

praveśitaśca taiḥ sarpaiḥ sa kṛṣṇo bhogabandhanam |
niryatnacaraṇākārastasthau giririvācalaḥ || 12 ||
[Analyze grammar]

dadaṃśurdaśanaistīkṣṇairviṣotpīḍajalāvilaiḥ |
te kṛṣṇaṃ sarpapatayo na mamāra ca vīryavān || 13 ||
[Analyze grammar]

saṃdaśyamāno daśanairna cacāla sa keśavaḥ || 13 ||
[Analyze grammar]

vyacaratsuciraṃ kālaṃ kṛṣṇo vai kāliye hrade || 13 ||
[Analyze grammar]

etasminnantare bhītā gopālāḥ sarva eva te |
krandamānā vrajaṃ jagmurbāṣpasaṃdigdhayā girā || 14 ||
[Analyze grammar]

eṣa mohaṃ gataḥ kṛṣṇo magno vai kāliyahrade |
bhakṣyate sarparājena tadāgacchata māciram || 15 ||
[Analyze grammar]

nandagopāya vai kṣipraṃ ballavāya nivedyatām |
eṣa te kṛṣyate putraḥ sarpeṇeti mahāhrade || 16 ||
[Analyze grammar]

nandagopastu tacchrutvā vajrapātopamaṃ vacaḥ |
ārtaḥ skhalitavikrāntastaṃ jagāma hradottamam || 17 ||
[Analyze grammar]

sabālayuvatīvṛddhaḥ sa ca saṃkarṣaṇo yuvā |
ākrīḍaṃ pannagendrasya janastaṃ samupāgamat || 18 ||
[Analyze grammar]

nandagopamukhā gopāste sarve sāśrulocanāḥ |
idaṃ kiṃ tviti saṃbhrāntāḥ kasyedaṃ karma ceti vai |
hāhākāraṃ prakurvantastasthustīre hradasya vai || 19 ||
[Analyze grammar]

vrīḍitā vismitāścaiva śokārtāśca punaḥ punaḥ |
kecittu kṛṣṇa hā heti hā dhigityapare punaḥ |
apare hā hatāḥ smeti rurudurbhṛśaduḥkhitāḥ || 20 ||
[Analyze grammar]

striyaścaiva yaśodāṃ tām hā hatāsīti cukruśuḥ |
yā paśyasi priyaṃ putraṃ sarparājavaśaṃgataṃ |
saṃditaṃ sarpabhogena kṛṣyamāṇaṃ yathā mṛgam || 21 ||
[Analyze grammar]

aśmasāramayaṃ nūnaṃ hṛdayaṃ te'bhilakṣyate |
putraṃ kathamimaṃ dṛṣṭvā yaśode nāvadīryate || 22 ||
[Analyze grammar]

duḥkhitaṃ bata paśyāmo nandagopaṃ hradāntike |
nyasya putramukhe dṛṣṭiṃ niścetanamavasthitam || 23 ||
[Analyze grammar]

yaśodāmanugacchantyaḥ sarpāvāsamimaṃ hradam |
praviśāmo na yāsyāmaḥ sarvā dāmodaraṃ vinā || 24 ||
[Analyze grammar]

divasaḥ ko vinā sūryaṃ vinā candreṇa kā niśā |
vinā vṛṣeṇa kā gāvo vinā kṛṣṇena ko vrajaḥ |
vinā kṛṣṇaṃ na yāsyāmo vivatsā iva dhenavaḥ || 25 ||
[Analyze grammar]

tāsāṃ vilapitaṃ śrutvā teṣāṃ ca vrajavāsinām |
vilāpaṃ nandagopasya yaśodāṃ rudatīṃ tathā |
ekabhāvaśarīrajña ekadeho dvidhākṛtaḥ |
saṃkarṣaṇastu saṃkruddho babhāṣe kṛṣṇamavyayam || 26 ||
[Analyze grammar]

kṛṣṇa kṛṣṇa mahābāho gopānāṃ nandivardhana |
damyatāmeṣa vai kṣipraṃ sarparājo viṣāyudhaḥ || 27 ||
[Analyze grammar]

ime no bāndhavāstāta tvāṃ matvā mānuṣaṃ prabho |
paridevanti karuṇaṃ sarve mānuṣabuddhayaḥ || 28 ||
[Analyze grammar]

tacchrutvā rauhiṇeyasya vākyaṃ saṃjñāsamīritam |
vikrīḍyāsphoṭayadbāhū tadbhittvā bhogabandhanam || 29 ||
[Analyze grammar]

tasya padbhyāṃ athākramya bhogarāśiṃ jalokṣitam |
śiro'sya kṛṣṇo jagrāha svahastenāvanāmya ca || 30 ||
[Analyze grammar]

tasyāruroha sahasā madhyamaṃ tanmahacchiraḥ |
so'sya mūrdhni sthitaḥ kṛṣṇo nanarta rucirāṅgadaḥ || 31 ||
[Analyze grammar]

lāsyaṃ bahuvidhaṃ kṛṣṇo vidadhe tasya mūrdhani || 31 ||
[Analyze grammar]

tasya nṛttaṃ smaranviṣṇorharṣo'dya mama jāyate || 31 ||
[Analyze grammar]

romṇāṃ sarveṣu gātreṣu rājannudgamayan sadā || 31 ||
[Analyze grammar]

mṛdyamānaḥ sa kṛṣṇena śrāntamūrdhā bhujaṃgamaḥ |
asyaiḥ sarudhirodgāraiḥ kātaraṃ vākyamabravīt || 32 ||
[Analyze grammar]

avijñānānmayā kṛṣṇa roṣo'yaṃ saṃpradarśitaḥ |
damito'haṃ hataviṣo vaśagaste varānana || 33 ||
[Analyze grammar]

tadājñāpaya kiṃ kuryāṃ sadārāpatyabāndhavaḥ |
kasya vā vaśatāṃ yāmi jīvitaṃ me pradīyatām || 34 ||
[Analyze grammar]

namaste brahmarudrendra surāsuranamaskṛta || 34 ||
[Analyze grammar]

śaraṇaṃ tvāṃ prapanno'smi jīvitaṃ me pradīyatām || 34 ||
[Analyze grammar]

aparādhaṃ kṛtaṃ yattu mūḍhenākṛtabuddhinā || 34 ||
[Analyze grammar]

darpānvitena ca mayā na tatsaṃsmartumarhasi || 34 ||
[Analyze grammar]

prasanne tvayi deveśa vainateyo na māṃ haret || 34 ||
[Analyze grammar]

tasmādvidhatsva yatkāryaṃ mayā kartavyamīśvara || 34 ||
[Analyze grammar]

ityuktvā sa śirobhistu kṛṣṇapādāvapūjayat || 34 ||
[Analyze grammar]

pañcamūrdhānataṃ dṛṣṭvā sarpaṃ sarpāriketanaḥ |
akruddha eva bhagavānpratyuvācorageśvaram || 35 ||
[Analyze grammar]

tavāsminyamunātoye naiva sthānaṃ dadāmyaham |
gacchārṇavajalaṃ sarpa saputraḥ sahabāndhavaḥ || 36 ||
[Analyze grammar]

yaśceha bhūyo dṛśyeta sthale vā yadi vā jale |
tava bhṛtyastanūjo vā kṣipraṃ vadhyaḥ sa me bhavet || 37 ||
[Analyze grammar]

śivaṃ cāsya jalasyāstu tvaṃ ca gaccha mahārṇavam |
sthāne tviha bhaveddoṣastavāntakaraṇo mahān || 38 ||
[Analyze grammar]

matpadāni ca te sarpa dṛṣṭvā mūrdhani sāgare |
garudaḥ pannagaripustvayi na prahariṣyati || 39 ||
[Analyze grammar]

evamuktastu kṛṣṇena patatrivaraketunā || 39 ||
[Analyze grammar]

gṛhya mūrdhnā tu caraṇau kṛṣṇasyoragapuṃgavaḥ |
paśyatāmeva gopānāṃ jagāmādarśanaṃ hradāt || 40 ||
[Analyze grammar]

nirjite tu gate sarpe kṛṣṇamuttīrya viṣṭhitam |
vismitāstuṣṭuvurgopāścakruścaiva pradakṣiṇam || 41 ||
[Analyze grammar]

ūcuḥ sarve susaṃprītā nandagopaṃ vanecarāḥ |
dhanyo'syanugṛhīto'si yasya te putra īdṛśaḥ || 42 ||
[Analyze grammar]

adyaprabhṛti gopānāṃ gavāṃ ghoṣasya cānagha |
āpatsu śaraṇaṃ kṛṣṇaḥ prabhuścāyatalocanaḥ || 43 ||
[Analyze grammar]

jātā śivajalā sarvā yamunā munisevitā |
sarvaistīrthaiḥ sukhaṃ gāvo vicariṣyanti naḥ sadā || 44 ||
[Analyze grammar]

vyaktameva vayaṃ gopā vane yatkṛṣṇamīdṛśam |
mahadbhūtaṃ na jānīmaśchannamagnimiva vraje || 45 ||
[Analyze grammar]

evaṃ te vismitāḥ sarve stuvantaḥ kṛṣṇamavyayam |
jagmurgopagaṇā ghoṣaṃ devāścaitrarathaṃ yathā || 46 ||
[Analyze grammar]