Chapter 51

vaiśaṃpāyana uvāca |
kāle gacchati saumyau tau dārakau kṛtanāmakau |
pañca saṃvatsarānprāptau śobhayānau vrajaṃ muhuḥ |
kṛṣṇasaṃkarṣaṇau cobhau riṅginau samapadyatām || 1 ||
[Analyze grammar]

tāvanyonyagatau bālau bālyādevaikatāṃ gatau |
ekamantradharau kāntau bālacandrārkavarcasau || 2 ||
[Analyze grammar]

ekanirmāṇaniryuktāvekaśayyāsanāśanau |
ekaveṣadharāvekaṃ puṣyamāṇau śiśuvratam || 3 ||
[Analyze grammar]

ekakāryāntaragatāvekadehau dvidhā kṛtau |
ekacaryau mahāvīryāvekasya śiśutāṃ gatau || 4 ||
[Analyze grammar]

ekapramāṇau lokānāṃ devavṛttāntamānuṣau |
kṛtsnasya jagato gopau saṃvṛttau gopadārakau || 5 ||
[Analyze grammar]

anyonyavyatiṣaktābhiḥ krīḍābhirabhiśobhitau |
anyonyakiraṇagrastau candrasūryāvivāmbare || 6 ||
[Analyze grammar]

visarpantau tu sarvatra sarpabhogabhujāv ubhau |
rejatuḥ pāṃśudigdhāṅgau dṛptau kalabhakāviva || 7 ||
[Analyze grammar]

kvacidbhasmapradigdhāṅgau karīṣaprokṣitau kvacit |
tau tatra paridhāvetāṃ kumārāviva pāvakī || 8 ||
[Analyze grammar]

kvacijjānubhiruddhṛṣṭaiḥ sarpamāṇau virejatuḥ |
krīḍantau vatsaśālāsu śakṛddigdhāṅgamūrdhajau || 9 ||
[Analyze grammar]

śuśubhāte śriyā juṣṭāvānandajananau pituḥ |
janaṃ ca vipra kurvāṇau hasantau ca kvacitkvacit || 10 ||
[Analyze grammar]

tau bālakau lalitakau mūrdhajavyākulekṣaṇau |
rejatuścandravadanau dārakau sukumārakau || 11 ||
[Analyze grammar]

atiprasaktau ghoṣeṣu ghoṣamāpūrya dārakau || 11 ||
[Analyze grammar]

atiprasaktau tau dṛṣṭvā sarvavrajavicāriṇau |
nāśaknuvadvārayituṃ nandagopaḥ sudurmadau || 12 ||
[Analyze grammar]

tato yaśodā saṃkruddhā kṛṣṇaṃ kamalalocanam |
uvāca śiśurūpeṇa carantaṃ jagataḥ prabhum |
ehi vatsa piba stanyaṃ durvoḍhuṃ mama saṃprati || etāvantamitaḥ kālaṃ kvā gato'si gṛhādbahiḥ |
ityādāya kare putraṃ gṛhānnirvāsya sā ruṣā |
ānāyya śakaṭīmūlaṃ bhartsayantī punaḥ punaḥ || 13 ||
[Analyze grammar]

dāmnā caivodare baddhvā pratyabandhadudūkhale |
yadi śaknoṣi gaccheti tamuktvā karma sākarot |
vyagrāyām tu yaśodāyāṃ nirjagāma tato'ṅgaṇāt || 14 ||
[Analyze grammar]

śiśulīlāṃ tataḥ kurvan kṛṣṇo vismāpayanvrajam |
so'ṅgaṇānniḥsṛtaḥ kṛṣṇaḥ karṣamāṇa udūkhalam || 15 ||
[Analyze grammar]

sa yamābhyām pravṛddhābhyāmarjunābhyāṃ caranvane |
niścakrāma śiśurmadhyātkarṣamāṇa udūkhalam || 16 ||
[Analyze grammar]

tattasya karṣato baddham tiryaggatamudūkhalam |
lagnaṃ tābhyāṃ samūlābhyāmarjunābhyāṃ cakarṣa ha || 17 ||
[Analyze grammar]

tāvarjunau kṛṣyamāṇau tena bālena raṃhasā |
samūlaviṭapau bhagnau sa tu madhye jahāsa vai || 18 ||
[Analyze grammar]

nidarśanārthaṃ gopānāṃ divyaṃ svabalamāsthitaḥ |
taddāma tasya bālasya prabhāvādabhavaddṛḍham || 19 ||
[Analyze grammar]

yamunātīramārgasthā gopyastaṃ dadṛśuḥ śiśum |
krandantyo vismayantyaśca yaśodānikaṭaṃ yayuḥ || 20 ||
[Analyze grammar]

tāstu saṃbhrāntavadanā yaśodāmūcuraṅganāḥ |
ehyāgaccha yaśodeti saṃbhrame kiṃ vilambase || 21 ||
[Analyze grammar]

yau tāvarjunavṛkṣau tu vraje satyopayācitau |
tāvetau tava putrasya patitāv upari drumau |
putrasyopari tāvetau patitau te mahīruhau || 22 ||
[Analyze grammar]

dṛḍhena dāmnā tatraiva baddho vatsa ivodare |
jahāsa madhye vṛkṣābhyāṃ tava putraḥ sa bālakaḥ || 23 ||
[Analyze grammar]

prahasanneva vṛkṣābhyāṃ madhye krīḍannivāṅgaṇe || 23cd ||
[Analyze grammar]

uttiṣṭha gaccha durmedhe mūḍhe paṇḍitamānini |
putramānaya jīvantuṃ muktaṃ mṛtyumukhādiva || 24 ||
[Analyze grammar]

sā bhītā sahasotthāya hāhākāraṃ prakurvatī |
taṃ deśamagamad yatra patitau tau mahādrumau || 25 ||
[Analyze grammar]

dadarśa tābhyāṃ sā madhye drumābhyāmātmajaṃ śiśum |
dāmnā nibaddhamudare karṣamāṇamudūkhalam || 26 ||
[Analyze grammar]

sagopīgopavṛddhaśca sayuvā ca vrajastadā |
paryagacchattato draṣṭuṃ gopeṣu mahadadbhutam || 27 ||
[Analyze grammar]

jajalpuste yathākāmaṃ gopā vanavicāriṇaḥ |
jajalpurjātasaṃbhrāntā sarve vismitacetasaḥ |
kenemau pātitau vṛkṣau ghoṣasyaivāgrapādapau || 28 ||
[Analyze grammar]

vinā vātaṃ vinā varṣaṃ vidyutprapatanaṃ vinā |
vinā hastikṛtaṃ doṣaṃ kenemau pātitau drumau || 29 ||
[Analyze grammar]

aho bata na śobhetāṃ vimūlāvarjunāvimau |
imau nipatitau bhūmau vitoyau jaladāviva || 30 ||
[Analyze grammar]

yadīmau ghoṣaracitau ghoṣakalyāṇakāriṇau || 30 ||
[Analyze grammar]

nandagopa prasannau te drumāvevaṃgatāvapi |
yatra te dārako mukto vimūlābhyāmavikṣataḥ || 31 ||
[Analyze grammar]

autpātikamidaṃ ghoṣe tṛtīyaṃ vartate tviha |
pūtanāyā nipātaśca drumayoḥ śakaṭasya ca || 32 ||
[Analyze grammar]

asmin sthāne niveśo'yaṃ ghoṣasyāsya na vidyate |
utpātā hyatra dṛśyante kathayanto naśobhanam || 33 ||
[Analyze grammar]

nandagopastu sahasā muktvā kṛṣṇamudūkhalāt |
niveśya cāṅke suciraṃ mṛtaṃ punarivāgatam || 34 ||
[Analyze grammar]

nātṛpyatprekṣamāṇo vai kṛṣṇaṃ kamalalocanam || 34 ||
[Analyze grammar]

tato yaśodāṃ garhanvai nandagopo viveśa ha |
sa ca gopajanaḥ sarvo ghoṣameva jagāma ha || 35 ||
[Analyze grammar]

sa ca tenaiva nāmnā tu kṛṣṇo vai dāmabandhanāt |
yena dāmnā nibaddho'sāv udare sudṛḍhaṃ vraje |
ghoṣe dāmodara iti gopībhiḥ parigīyate || 36 ||
[Analyze grammar]

etadāścaryabhūtaṃ hi bālasyāsīdviceṣṭitam |
kṛṣṇasya bharataśreṣṭha ghoṣe nivasatastadā || 37 ||
[Analyze grammar]