Chapter 48

vaiśaṃpāyana uvāca |
kṛte garbhavidhāne tu devakī devatopamā |
jagrāha sapta tān garbhānyathāvatsamudāhṛtān || 1 ||
[Analyze grammar]

ṣaḍgarbhānniḥsṛtān kaṃsastāñjaghāna śilātale |
āpannaṃ saptamaṃ garbhaṃ sā nināyātha rohiṇīm || 2 ||
[Analyze grammar]

sārdharātre sthitaṃ garbhaṃ śātayantī rajasvalā |
nidrayā sahasāviṣṭā papāta dharaṇītale || 3 ||
[Analyze grammar]

sā svapnamiva taṃ dṛṣṭvā garbhaṃ niḥsṛtamātmanaḥ |
apaśyantī ca taṃ garbhaṃ muhūrtaṃ vyathitābhavat || 4 ||
[Analyze grammar]

tāmāha nidrā saṃvignāṃ naiśe tamasi rohiṇīm |
rohiṇīmiva somasya vasudevasya rohiṇīm || 5 ||
[Analyze grammar]

karsaṇenāsya garbhasya svagarbhe cāhitasya vai |
saṃkarṣaṇo nāma śubhe tava putro bhaviṣyati || 6 ||
[Analyze grammar]

sā taṃ putramavāpyaiva hṛṣṭā kiṃcidavāṅmukhī |
viveśa rohiṇī veśma suprabhā rohiṇī yathā || 7 ||
[Analyze grammar]

tasya garbhasya mārgeṇa garbhamādhatta devakī |
yadarthaṃ sapta te garbhāḥ kaṃsena vinipātitāḥ || 8 ||
[Analyze grammar]

taṃ tu garbhaṃ prayatnena rarakṣur tasya rakṣiṇaḥ |
jāgrataḥ prayatāḥ sarve māsān saṃkhyāya śastriṇaḥ |
sa tatra garbhavasatiṃ vasatyātmecchayā hariḥ || 9 ||
[Analyze grammar]

yasminnahani deveśaṃ garbhamādatta devakī || 9 ||
[Analyze grammar]

yaśodāpi samādhatta garbhaṃ tadahareva tu |
viṣṇoḥ śarīrajāṃ nidrāṃ viṣṇornirdeśakāriṇīm || 10 ||
[Analyze grammar]

garbhakāle tvasaṃpūrṇe aṣṭame māsi te striyau |
devakī ca yaśodā ca suṣuvāte samaṃ tadā || 11 ||
[Analyze grammar]

yāmeva rajanīṃ kṛṣṇo jajñe vṛṣṇikule prabhuḥ |
tāmeva rajanīṃ kanyāṃ yaśodāpi vyajāyata |
nandagopasya bhāryā vai kaṃsagopasya saṃmatā || 12 ||
[Analyze grammar]

tulyakālaṃ hi garbhiṇyau yaśodā devakī tathā |
aṣṭamyāṃ śrāvaṇe māse kṛṣṇapakṣe mahātithau |
rohiṇyāmardharātre ca sudhāṃśorudaye tathā |
devakyajanayadviṣṇuṃ yaśodā tāṃ tu kanyakām |
muhūrte'bhijite prāpte sārdharātre vibhūṣite || 13 ||
[Analyze grammar]

sāgarāḥ samakampanta celuśca dharaṇīdharāḥ |
jajvaluścāgnayaḥ śāntā jāyamāne janārdane || 14 ||
[Analyze grammar]

śivāḥ saṃpravavurvātāḥ praśāntamabhavad rajaḥ |
jyotīṃsi ca prakāśanta jāyamāne janārdane || 15 ||
[Analyze grammar]

abhijinnāma nakṣatraṃ jayantī nāma śarvarī || 15 ||
[Analyze grammar]

muhūrto vijayo nāma yatra jāto janārdanaḥ || 15 ||
[Analyze grammar]

avyaktaḥ śāśvataḥ sūkṣmo harinārāyaṇaḥ prabhuḥ || 15 ||
[Analyze grammar]

jāyate bhagavāṃstatra nayanairmohayañjagat || 15 ||
[Analyze grammar]

anāhatā duṃdubhayo devānāṃ prāṇadandivi |
ākāśātpuṣpavarṣaṃ ca vavarṣa tridiveśvaraḥ || 16 ||
[Analyze grammar]

antardhānagatāḥ sarve munayaḥ saṃśitavratāḥ || 16 ||
[Analyze grammar]

astuvanniśi deveśaṃ jāyamānaṃ janārdanam || 16 ||
[Analyze grammar]

eṣa eva jagatsvāmī vasudevasya veśmani || 16 ||
[Analyze grammar]

bālyaṃ vapuḥ samāsthāya tūṣṇīmāste'tha paśyata || 16 ||
[Analyze grammar]

paśyatainaṃ suviśrabdhāḥ sākṣāl lokeśvaraṃ prabhum || 16 ||
[Analyze grammar]

mānuṣīṃ tanumāsthāya lambantaṃ devakīkare || 16 ||
[Analyze grammar]

eṣa hantuṃ durātmānaṃ kaṃsamāvirbhaviṣyati || 16 ||
[Analyze grammar]

namastasmai jagaddhātre viṣṇave kṛṣṇarūpiṇe || 16 ||
[Analyze grammar]

acintyavibhave tasmai viśvakartre namo namaḥ || 16 ||
[Analyze grammar]

gīrbhirmaṅgalayuktābhiḥ stuvanto madhusūdanam |
arthyābhirgīrbhirevaṃ taṃ jāyamānaṃ janārdanam |
maharṣayaḥ sagandharvā upatasthuḥ sahāpsarāḥ || 17 ||
[Analyze grammar]

jāyamāne hṛṣīkeśe prahṛṣṭamabhavajjagat || 17 ||
[Analyze grammar]

indraśca tridaśaiḥ sārdhaṃ tuṣṭāva madhusūdanam || 17 ||
[Analyze grammar]

vasudevastu taṃ rātrau jātaṃ putramadhokṣajam || 17 ||
[Analyze grammar]

śrīvatsalakṣaṇaṃ dṛṣṭvā yutaṃ divyaiśca lakṣaṇaiḥ || 17 ||
[Analyze grammar]

devakī ca tato dīnā tamuvāca śucismitā || 17 ||
[Analyze grammar]

upasaṃhara sarvāsu divyaṃ rūpamidaṃ hare || 17 ||
[Analyze grammar]

jānātu māvatāraṃ te kaṃso'yaṃ ditijāntaka || 17 ||
[Analyze grammar]

uvāca vasudevastaṃ rūpaṃ saṃhara vai prabho || 17 ||
[Analyze grammar]

bhīto'haṃ deva kaṃsasya tasmādevaṃ vadāmyaham || 17 ||
[Analyze grammar]

mama putrā hatāstena tava jyeṣṭhāmbujekṣaṇa || 17 ||
[Analyze grammar]

vasudevavacaḥ śrutvā rūpaṃ saṃharadacyutaḥ || 17 ||
[Analyze grammar]

anujñāpya pitṛtvena nandagopagṛhaṃ naya || 17 ||
[Analyze grammar]

ugrasenamate tiṣṭhanyaśodāyai dadau tadā || 17 ||
[Analyze grammar]

evaṃ samākule kāle suṣupū rakṣiṇastadā || 17 ||
[Analyze grammar]

na kevalaṃ rakṣitāraḥ sāyudhā mohitāḥ kila || 17 ||
[Analyze grammar]

sā purī madhurā sarvā suṣvāpa harimāyayā || 17 ||
[Analyze grammar]

vasudevādṛte tasmāddevakyāśca mahīpate || 17 ||
[Analyze grammar]

vasudevastato gatvā devakīgarbhaveśma tat || 17 ||
[Analyze grammar]

dadarśa devadeveśaṃ rātrau jātamadhokṣajam || 17 ||
[Analyze grammar]

nīlakuñcitakeśāntamunnidrāmbujavaktrakam || 17 ||
[Analyze grammar]

nīlameghanibhaṃ kāntaṃ tejoraśimamānuṣam || 17 ||
[Analyze grammar]

śayānamambuje patre vaṭapatre yathā purā || 17 ||
[Analyze grammar]

prācīnaśirasaṃ kṛṣṇaṃ paścimanyastapādakam || 17 ||
[Analyze grammar]

tatra dṛṣṭo jarāyurna na ca prasavavedanā || 17 ||
[Analyze grammar]

devakī sumukhī dṛṣṭvā sāsīnā putralokinī || 17 ||
[Analyze grammar]

atyantavismayāviṣṭā vasudevena sābhavat || 17 ||
[Analyze grammar]

vasudevastu saṃgṛhya dārakaṃ kṣiprameva tu |
śayānamaṅke devakyā rātrāvādāya yādavaḥ |
yaśodāyā gṛhaṃ bhīto viveśa sutavatsalaḥ || 18 ||
[Analyze grammar]

tayā hṛtapratyayasarvavṛttiṣu || 18 ||
[Analyze grammar]

dvāḥstheṣu paureṣvanuśāyiteṣvatha || 18 ||
[Analyze grammar]

dvārastu saravāḥ pihitā duratyayā || 18 ||
[Analyze grammar]

bṛhatkapāṭāyasakīlaśṛṅkhalaiḥ || 18 ||
[Analyze grammar]

tāḥ kṛṣṇavāhe vasudeva āgate || 18 ||
[Analyze grammar]

svayaṃ viśīryanta tamo yathā raveḥ || 18 ||
[Analyze grammar]

vavarṣa parjanya upāṃśugarjitaṃ || 18 ||
[Analyze grammar]

śeṣo'nvagādvāri nivārayanphaṇaiḥ || 18 ||
[Analyze grammar]

magho'tivarṣatyasakṛd yamānujā || 18 ||
[Analyze grammar]

gambhīratoyaughajavormiphenilā || 18 ||
[Analyze grammar]

bhayānakāvartaśatākulā nadī || 18 ||
[Analyze grammar]

mārgaṃ dadau sindhuriva śriyaḥ pateḥ || 18 ||
[Analyze grammar]

nandavrajaṃ śaurirupetya tatra tān || 18 ||
[Analyze grammar]

gopānprasuptānupalabhya nidrayā || 18 ||
[Analyze grammar]

sutaṃ yaśodāśayane nidhāya tam || 18 ||
[Analyze grammar]

sutāmupādāya punargṛhānagāt || 18 ||
[Analyze grammar]

yaśodāyāstvavijñātaṃ tatra nikṣipya dārakam |
gṛhya tāṃ dārikāṃ cāpi devakīśayane'nyasat || 19 ||
[Analyze grammar]

suptā eva tadā sarve rakṣiṇo viṣṇumāyayā || 19 ||
[Analyze grammar]

parivarte kṛte tābhyāṃ garbhābhyāṃ bhayaviklavaḥ |
vasudevaḥ kṛtārtho vai nirjagāma niveśanāt || 20 ||
[Analyze grammar]

bahirantaḥ puradvāraḥ sarvāḥ pūrvavadāvṛtāḥ || 20 ||
[Analyze grammar]

tato bāladhvaniṃ śrutvā gṛhapālāḥ samutthitāḥ || 20 ||
[Analyze grammar]

te tu tūrṇamupavrajya devakyā garbhajanma tat || 20 ||
[Analyze grammar]

ācakhyurbhojarājāya yadudvignaḥ pratīkṣate || 20 ||
[Analyze grammar]

ugrasenasutāyātha kaṃsāyānakaduṃdubhiḥ |
nivedayām_āsa tadā kanyāṃ tāṃ varavarṇinīm || 21 ||
[Analyze grammar]

bhīto nivedayāmāsa jātā naḥ kanyaketi ha || 21 ||
[Analyze grammar]

tacchrutvā tvaritaḥ kaṃso rakṣibhiḥ saha vegitaḥ |
ājagāma gṛhadvāraṃ vasudevasya vīryavān || 22 ||
[Analyze grammar]

sa tatra tvarito dvāri kiṃ jātamiti cābravīt |
dīyatāṃ śīghramityevaṃ vāgbhiḥ samabhitarjayat || 23 ||
[Analyze grammar]

tato hāhākṛtāḥ sarvā devakīpramukhāḥ striyaḥ |
uvāca devakī dīnā bāṣpaviklavayā girā |
dārikā putra jāteti kaṃsaṃ tūvāca devakī || 24 ||
[Analyze grammar]

śrīmanto me hatāḥ sapta putragarbhāstvayā vibho |
dārikeyaṃ hataivaiṣā paśyasva yadi manyase || 25 ||
[Analyze grammar]

dṛṣṭvā kaṃsastu tāṃ kanyāmahṛṣyata mudā yutaḥ |
hataivaiṣā yadā kanyā jātetyuktvā vṛthāmatiḥ || 26 ||
[Analyze grammar]

sā garbhaśayane kliṣṭā garbhāmbuklinnamūrdhajā |
kaṃsasya purato nyastā pṛthivyāṃ pṛthivīsamā || 27 ||
[Analyze grammar]

pāde tāṃ gṛhya puruṣaḥ samāvidhyāvadhūya ca |
udyacchanneva sahasā śilāyāṃ samapothayat |
sāvadhūtā śilāpṛṣṭhe'niṣpiṣṭā divamutpatat || 28 ||
[Analyze grammar]

hitvā garbhatanuṃ cāpi sahasā muktamūrdhajā |
jagāmākāśamāviśya divyasraganulepanā |
hāraśobhitasarvāṅgī mukuṭojjvalabhūṣitā |
kanyaiva cābhavannityaṃ divyā devairabhiṣṭutā || 29 ||
[Analyze grammar]

nīlapītāmbaradharā gajakumbhopamastanī |
rathavistīrṇajaghanā candravaktrā caturbhujā || 30 ||
[Analyze grammar]

vidyudvispaṣṭavarṇābhā bālārkasadṛśekṣaṇā |
payodharasvanavatī saṃdhyeva sapayodharā || 31 ||
[Analyze grammar]

sā vai niśi tamograste babhau bhūtagaṇākule |
nṛtyatī hasatī caiva viparītena bhāsvatī || 32 ||
[Analyze grammar]

vihāyasagatā raudrā papau pānamanuttamam |
jahāsa ca mahāhāsaṃ kaṃsaṃ ca ruṣitābravīt || 33 ||
[Analyze grammar]

kaṃsa kaṃsa vināśāya yadahaṃ ghātitā tvayā |
sahasā ca samutkṣipya śilāyāṃ vinipātitā || 34 ||
[Analyze grammar]

tasmāttavāntakāle'haṃ kṛṣyamāṇasya śatruṇā |
pāṭayitvā karairdehamuṣṇaṃ pāsyāmi śoṇitam || 35 ||
[Analyze grammar]

evamuktvā vaco ghoraṃ sā yatheṣṭena vartmanā |
khaṃ sā devālayaṃ devī sagaṇā vicacāra ha || 36 ||
[Analyze grammar]

sā kanyā vavṛdhe atra vṛṣṇisadmani pūjitā || 36 ||
[Analyze grammar]

putravatpālyamānā sā devī devājñayā tadā || 36 ||
[Analyze grammar]

viddhi caināṃ athotpannāmaṃśāddevīṃ prajāpateḥ || 36 ||
[Analyze grammar]

ekānaṃśāṃ yogakanyāṃ rakṣārthaṃ keśavasya tu || 36 ||
[Analyze grammar]

tāṃ vai sarve sumanasaḥ pūjayanti sā yādavāḥ || 36 ||
[Analyze grammar]

devavaddivyavapuṣaṃ kṛṣṇaḥ saṃrakṣito yayā || 36 ||
[Analyze grammar]

ekānaṃśeti yāmāhurutpannāṃ mānavā bhuvi || 36 ||
[Analyze grammar]

tasyāṃ gatāyāṃ kaṃsastu tāṃ mene mṛtyumātmanaḥ |
vivikte devakīṃ caiva vrīḍitaḥ pratyabhāṣata || 37 ||
[Analyze grammar]

pitṛṣvasaḥ kṛto yatnastava garbhā hatā mayā |
anyathaivānyato devi mama mṛtyuḥ samutthitaḥ || 38 ||
[Analyze grammar]

nairāśyena kṛto yatnaḥ svajane prahṛtaṃ mayā |
daivaṃ puruṣakāreṇa na cātikrāntavānaham || 39 ||
[Analyze grammar]

tyaja garbhakṛtāṃ cintāṃ tvamimāṃ śokakārikām |
hetubhūtastvahaṃ teṣāṃ sati kālaviparyaye || 40 ||
[Analyze grammar]

kāla eva nṛṇāṃ śatruḥ kālaśca pariṇāmakaḥ |
kālo nayati sarvaṃ vai hetubhūtaśca madvidhaḥ || 41 ||
[Analyze grammar]

āgamiṣyanti vai devi yathābhāgamupadravaḥ || 41 ||
[Analyze grammar]

idaṃ tu kaṣṭaṃ yajjantuḥ kartāhamiti manyate || 41 ||
[Analyze grammar]

mā kārṣīḥ putrajāṃ cintāṃ vilāpaṃ śokajaṃ tyaja |
evaṃprāyā nṛṇāṃ yonirnāsti kālasya saṃsthitiḥ || 42 ||
[Analyze grammar]

patāmi pādayormūrdhnā putravattava devaki |
madgatastyajyatāṃ roṣo jānāmyapakṛtaṃ svayam || 43 ||
[Analyze grammar]

ityuktavantaṃ kaṃsaṃ sā devakī vākyamabravīt || 43 ||
[Analyze grammar]

sāśrupūrṇamukhī dīnā bhartāramabhivīkṣatī |
uttiṣṭhottiṣṭha vatseti kaṃsaṃ māteva jalpatī || 44 ||
[Analyze grammar]

devakyuvāca |
mamāgrato hatā garbhā ye tvayā kālarūpiṇā |
kāraṇaṃ tvaṃ na vai putra kṛtānto hyatra kāraṇam || 45 ||
[Analyze grammar]

garbhakṛntanametanme sahanīyaṃ tvayā kṛtam |
mūrdhnā padbhyāṃ nipatatā svaṃ ca karma jugupsatā || 46 ||
[Analyze grammar]

garbhe'pi niyato mṛtyurbālye'pi na nivartate |
yuvāpi mṛtyorvaśagaḥ sthaviro mṛta eva tu || 47 ||
[Analyze grammar]

kālamūlamidaṃ sarvaṃ hetubhūtastvameva hi || 47 ||
[Analyze grammar]

ajāte darśanaṃ nāsti yathā nāsti tathaiva saḥ |
jāto'pyajātatāṃ yāti vidhātrā yatra nīyate || 48 ||
[Analyze grammar]

tadgaccha putra mā te bhūnmadgataṃ manyukāraṇam |
mṛtyunāpahṛte pūrvaṃ śeṣo hetuḥ pravartate || 49 ||
[Analyze grammar]

vidhinā pūrvadṛṣṭena prajāsargeṇa tattvataḥ |
mātāpitrostu kāryeṇa janmatastūpapadyate || 50 ||
[Analyze grammar]

niśamya devakīvākyaṃ sa kaṃsaḥ svaṃ niveśanam |
praviveśa susaṃrabdho dahyamānena cetasā |
kṛtye pratihate dīno jagāma vimanā bhṛśam || 51 ||
[Analyze grammar]

svavadhaṃ cintyamānastu kanyāvākyamanusmaran || 51 ||
[Analyze grammar]