Chapter 47

vaiśaṃpāyana uvāca |
so ājñāpayata saṃrabdhaḥ sacivānātmano hitān |
yattā bhavata sarve vai devakyā garabhakṛntane || 1 ||
[Analyze grammar]

prathamādeva hantavyā garbhāste sarva eva hi |
mūlādeva hi hantavyaḥ so'nartho yatra saṃśayaḥ || 2 ||
[Analyze grammar]

devakī ca gṛhe guptā pracchannairabhirakṣitā |
svairaṃ caratu visrabdhā madbalairyatnamāsthitaiḥ || 3 ||
[Analyze grammar]

māsānvai puṣpamāsādīn gaṇayantu mama striyaḥ |
pariṇāme tu garbhasya śeṣaṃ jñāsyāmahe vayam || 4 ||
[Analyze grammar]

vasudevaśca saṃrakṣyaḥ strīsanāthāstu bhūmiṣu |
apramattairmama hitai rātrāvahani caiva ha |
strībhirvarṣavaraiścaiva vaktavyaṃ na ca kāraṇam || 5 ||
[Analyze grammar]

eṣa mānuṣako yatno mānuṣaireva sādhyate |
śrūyatāṃ yena daivaṃ hi madvidhaiḥ pratihanyate || 6 ||
[Analyze grammar]

mantragrāmaiḥ suvihitairauṣadhaiśca suyojitaiḥ |
yatnena cānukūlena daivamapyanuvartate || 7 ||
[Analyze grammar]

evaṃ sa yatnavān kaṃso devakīgarbhakṛntane |
bhayena mantrayāmāsa śrutārtho nāradātsa vai || 8 ||
[Analyze grammar]

atha brahmatanūjastu nārado munipuṃgavaḥ || 8 ||
[Analyze grammar]

viṣṇave sarvamācakhyau yathā kaṃsaviceṣṭitam || 8 ||
[Analyze grammar]

evaṃ śrutvā prayatnaṃ vai kaṃsasyāriṣṭasaṃjñitam |
śrutvaiva kaṃsarājasya ceṣṭitaṃ jagatīpatiḥ |
antardhānaṃ gato viṣṇuścintayāmāsa vīryavān || 9 ||
[Analyze grammar]

saptemāndevakīgarbhānbhojaputro vadhiṣyati |
aṣṭame ca mayā garbhe kāryamādhānamātmanaḥ || 10 ||
[Analyze grammar]

tasya cintayatastvevaṃ pātālamagamanmanaḥ |
yatra te garbhaśayanāḥ ṣadgarbhā nāma dānavāḥ || 11 ||
[Analyze grammar]

vikrāntavapuṣo dīptāste'mṛtaprāśanopamāḥ |
amarapratimā yuddhe putrā vai kālaneminaḥ || 12 ||
[Analyze grammar]

āryakaṃ vai parityajya hiraṇyakaśipuṃ purā || 12 ||
[Analyze grammar]

upāsāṃ cakrire daityāḥ purā lokapitāmaham |
tapyamānāstapastīvraṃ jaṭāmaṇḍaladhāriṇaḥ || 13 ||
[Analyze grammar]

samāḥ sahasramayutamambuvāyuvicāriṇaḥ || 13 ||
[Analyze grammar]

teṣāṃ prīto'bhavadbrahmā ṣadgarbhāṇāṃ varaṃ dadau |
brahmovāca bho bho dānavaśārdūlāstapasāhaṃ sutoṣitaḥ |
brūta vo yasya yaḥ kāmaḥ ko varo vaḥ pradīyatāṃ || 14 ||
[Analyze grammar]

te tu sarve samānārthā daityā brahmāṇamabruvan |
yadi no bhagavānprītaḥ śrūyatāṃ no varo varaḥ || 15 ||
[Analyze grammar]

avadhyāḥ syāma bhagavandaivataiḥ samahauragaiḥ |
śāpapraharaṇaiścāpi niyataiḥ paramarṣibhiḥ || 16 ||
[Analyze grammar]

yakṣagandharvapatibhiḥ siddhacāraṇamānavaiḥ |
mā bhūdvadho no bhagavandadāsi yadi no varam || 17 ||
[Analyze grammar]

tānuvāca tato brahmā suprītenāntarātmanā |
bhavadbhiryadidaṃ proktaṃ sarvametadbhaviṣyati || 18 ||
[Analyze grammar]

ṣaḍgarbhāṇāṃ varaṃ dasttvā svayaṃbhūstridivaṃ gataḥ |
tato hiraṇyakaśipuḥ saroṣo vākyamabravīt || 19 ||
[Analyze grammar]

māmutsṛjya varo yasmādvṛto vaḥ padmasaṃbhavāt |
tasmādvastyājitaḥ snehaḥ śatrubhūtāṃstyajāmyaham || 20 ||
[Analyze grammar]

ṣaḍgarbhā iti yo yaṃ vaḥ śabdaḥ pitrābhivardhitaḥ |
sa eva vo garbhagatānpitā sarvānvadhiṣyati || 21 ||
[Analyze grammar]

ṣaḍeva devakīgarbhāḥ ṣadgarbhā vai mahāsurāḥ |
bhaviṣyanti tataḥ kaṃso garbhasthānvo vadhiṣyati || 22 ||
[Analyze grammar]

śaptvā caivaṃ tato daityāndaityeśo roṣamūrcchitaḥ || 22 ||
[Analyze grammar]

pātāle jalagarbhasthāṃścakārāmitavikramaḥ || 22 ||
[Analyze grammar]

jñātvā haristu taṃ śāpaṃ kaṃsasya ca viniścayam || 22 ||
[Analyze grammar]

jagāmātha tato viṣṇuḥ pātālaṃ yatra te śurāḥ |
ṣaḍgarbhāḥ saṃyatāḥ santi jalagarbhagṛheśayāḥ || 23 ||
[Analyze grammar]

sa dadarśa jale suptān ṣaḍgarbhān garbhasaṃsthitān |
nidrayā kālarūpiṇyā sarvānantarhitāniva || 24 ||
[Analyze grammar]

svapnarūpeṇa teṣāṃ vai viṣṇurdehānathāviśat |
prāṇeśvarāṃśca niṣkṛṣya nidrāyai pradadau tadā || 25 ||
[Analyze grammar]

tāṃ covāca tadā nidrāṃ viṣṇuḥ satyaparākramaḥ |
gaccha nidre mayotsṛṣṭā devakībhavanāntikam || 26 ||
[Analyze grammar]

imānprāṇeśvarān gṛhya ṣaḍgarbhānnāma dehinaḥ |
ṣaḍgarbhāndānavottamān |
sarvaprāṇeśvarī caiva |
ṣaṭsu garbheṣu devakyā yojayasva yathākramam || 27 ||
[Analyze grammar]

jāteṣveteṣu garbheṣu nīteṣu ca yamakṣayam |
kaṃsasya viphale yatne devakyāḥ saphale śrame || 28 ||
[Analyze grammar]

prasādaṃ te kariṣyāmi matprasādasamaṃ bhuvi |
yena sarvasya lokasya devi devī bhavīṣyasi || 29 ||
[Analyze grammar]

bhaviṣyanti mamāsrāṇi tathā bāhusthitāni te || 29 ||
[Analyze grammar]

śārṅgaśaṅkhagadācakra musalaṃ śūlameva ca || 29 ||
[Analyze grammar]

saptamo devakīgarbho yo'ṃśaḥ saumyo mamāgrajaḥ |
sa saṃkrāmayitavyaste saptame māsi rohiṇīm || 30 ||
[Analyze grammar]

saṃkarṣaṇāttu garbhasya sa tu saṃkarṣaṇo yuvā |
bhaviṣyatyagrajo bhrātā mama śītāṃśudarśanaḥ || 31 ||
[Analyze grammar]

patito devakīgarbhaḥ saptamo'yaṃ bhayāditi |
aṣṭame mayi garbhasthe kaṃso yatnaṃ kariṣyati || 32 ||
[Analyze grammar]

yā tu sā nandagopasya dayitā kaṃsagopateḥ |
yaśodā nāma bhadraṃ te bhāryā gopakulodvahā || 33 ||
[Analyze grammar]

tasyāstvaṃ navamo'smākaṃ kule garbho bhaviṣyasi |
navamyāmeva saṃjāto kṛṣṇapakṣasya vai tithau || 34 ||
[Analyze grammar]

ahaṃ tvabhijito yoge niśāyā yauvane gate |
ardharātre kariṣyāmi garbhamokṣaṃ yathāsukham || 35 ||
[Analyze grammar]

aṣṭamasya tu māsasya jātāvāvāṃ tataḥ samam |
prāpsyāvo garabhavyatyāsaṃ prāpte kaṃsasya śasane || 36 ||
[Analyze grammar]

ahaṃ yaśodāṃ yāsyāmi tvaṃ devi bhaja devakīm |
āvayorgarbhavyatyāse kaṃso gacchatu mūḍhatām || 37 ||
[Analyze grammar]

tatastvāṃ gṛhya caraṇe śilāyāṃ nirasiṣyati |
tatastaddhastavibhraṣṭā madyogādbhavitā śubhā |
nirasyamānā gagane sthānaṃ prāpsyasi śāśvatam || 38 ||
[Analyze grammar]

macchavīsadṛśī kṛṣṇā saṃkarṣaṇasamānanā |
bibhratī vipulānbāhūnmama bāhūpamānbhuvi || 39 ||
[Analyze grammar]

triśikhaṃ śūlamudyamya khaḍgaṃ ca kanakatsarum |
pātrīṃ ca pūrṇāṃ madhunaḥ paṅkajaṃ ca sunirmalam || 40 ||
[Analyze grammar]

vasānā mecakaṃ kṣaumaṃ pītenottaravāsasā |
śaśiraśmiprakāśena hāreṇorasi rājatā || 41 ||
[Analyze grammar]

divyakuṇḍalapūrṇābhyāṃ śravaṇābhyāṃ vibhūṣitā |
candrasāpatnyabhūtena tvaṃ mukhena virājitā || 42 ||
[Analyze grammar]

mukuṭena tricakreṇa keśabandhena śobhitā |
bhujagābhoganirghoṣairbāhubhiḥ parighopamaiḥ || 43 ||
[Analyze grammar]

bhujagābhairbhujairbhīmairbhūṣayantī diśo daśa || 43 ||
[Analyze grammar]

aṣṭabhiḥ śobhayantyugraiḥ śārṅgacakrāsidhāribhiḥ || 43 ||
[Analyze grammar]

dhvajena śikhibarhāṇāmucchritena samīpataḥ |
aṅgajena mayūrāṇāmaṅgadena ca bhāsvatā || 44 ||
[Analyze grammar]

kīrṇā bhūtagaṇairghorairmannideśānuvartinī |
kaumāraṃ vratamāsthāya atridivaṃ tvaṃ gamiṣyasi || 45 ||
[Analyze grammar]

tatra tvāṃ śatadṛk śakro matpradiṣṭena karmaṇā |
abhiṣekeṇa divyena daivataiḥ saha yokṣyate || 46 ||
[Analyze grammar]

tatraiva tvāṃ bhaginyarthe grahiṣyati sa vāsavaḥ |
kuśikasya tu gotreṇa kauśikī tvaṃ bhaviṣyasi || 47 ||
[Analyze grammar]

sa te vindhye nagaśreṣṭhe sthānaṃ dāsyati śāśvatam |
tataḥ sthānasahasreaistvaṃ pṛthivīṃ śobhayiṣyasi || 48 ||
[Analyze grammar]

tataḥ sumbhanisumbhau a dānavau nagacārtiṇau |
tau ca kṛtvā manasi māṃ sānugau nāśayiṣyasi || 49 ||
[Analyze grammar]

trailokyacāriṇī sā tvaṃ bhuvi satyopayācitā |
bhaviṣyasi mahābhāge varadā kāmarūpiṇī || 50 ||
[Analyze grammar]

kṛtānuyātrā bhūtaistvaṃ nityaṃ māṃsabalipriyā |
tithau navamyāṃ pūjāṃ ca prāpsyase sapaśukriyām || 51 ||
[Analyze grammar]

ye ca tvāṃ matprabhāvajñāḥ praṇamiṣyanti mānavāḥ |
na teṣāṃ durlabhaṃ kiṃcitputrato dhanato'pi vā || 52 ||
[Analyze grammar]

kāntāreṣvavasannānāṃ mganānāṃ ca mahārṇave |
dasyubhirvā niruddhānāṃ tvaṃ gatiḥ paramā nṛṇām || 53 ||
[Analyze grammar]

tvaṃ siddhiḥ śrīrdhṛtiḥ kīrtirhrīrvidyā saṃnatirmatiḥ |
saṃdhyā lakṣmīrvapurmedhā kāntiḥ śraddhā kriyā gatiḥ |
saṃdhyā rātriḥ prabhā nidrā kālarātristathaiva ca || 54 ||
[Analyze grammar]

tvāṃ tu stoṣyanti ye bhaktyā stavenānena vai śubhe || 54 ||
[Analyze grammar]

tasyāhaṃ na praṇaśyāmi sa ca me na praṇaśyati || 54 ||
[Analyze grammar]

vaiśaṃpāyana uvāca |
āryāstavaṃ pravakṣyāmi yathoktamṛṣibhiḥ purā || 54 ||
[Analyze grammar]

nārāyaṇīṃ namasyāmi devīṃ tribhuvaneśvarīm || 54 ||
[Analyze grammar]

nṛṇāṃ bandhaṃ vadhaṃ ghoraṃ putranāśaṃ dhanakṣayam |
vyādhimṛtyubhayaṃ caiva pūjitā śamayiṣyasi || 55 ||
[Analyze grammar]

bhaviṣyasi mahābhāge varadā kāmarūpiṇī || 55 ||
[Analyze grammar]

mohayitvā ca taṃ kaṃsamekā tvaṃ bhokṣyase jagat |
ahamapyātmano vṛttiṃ vidhāsye goṣu gopavat |
svavṛddhyarthamahaṃ caiva kariṣye kaṃsaghātanam || 56 ||
[Analyze grammar]

evaṃ tu tāṃ samādiśya gato'ntardhānamīśvaraḥ |
sā cāpi taṃ namaskṛtya tathāstviti vinirgatā || 57 ||
[Analyze grammar]

yaścaitatpaṭhate stotraṃ śṛṇuyādvāpyabhīkṣṇaśaḥ || 57 ||
[Analyze grammar]

sarvārthasiddhiṃ labhate naro nāstyatra saṃśayaḥ || 57 ||
[Analyze grammar]