Chapter 44

vaiśaṃpāyana uvāca |
kṛtakārye gate kāle jagatyāṃ ca yathānayam |
aṃśāvataraṇe vṛtte surāṇāṃ bhārate kule || 1 ||
[Analyze grammar]

bhāge'vatīrṇe dharmasya śakrasya pavanasya ca |
aśvinordevabhiṣajorbhāge vai bhāskarasya ca || 2 ||
[Analyze grammar]

pūrvamevāvanigate bhāge devapurodhasaḥ |
vasūnāmaṣṭame bhāge prāgeva dharaṇīṃ gate || 3 ||
[Analyze grammar]

mṛtyorbhāge kṣitigate kalerbhāge tathaiva ca |
bhāge somasya vahneśca varuṇasya ca gāṃ gate || 4 ||
[Analyze grammar]

śaṃkarasya gate bhāge viśveṣāṃ ca divaukasām |
gandharvoragayakṣāṇāṃ bhāgāṃśeṣu gateṣvatha || 5 ||
[Analyze grammar]

bhāge'vatīrṇe mitrasya yamasyāṃśe tathaiva ca || 5 ||
[Analyze grammar]

varuṇasya gate tvaṃśe pṛthivīṃ janamejaya || 5 ||
[Analyze grammar]

bhāgeṣveteṣu gaganādavatīrṇeṣu medinīm |
tiṣṭhannārāyaṇasyāṃśe nāradaḥ pratyadṛṣyata || 6 ||
[Analyze grammar]

jvalitāgnipratīkāśo bālārkasadṛśekṣaṇaḥ |
savyāpavṛttaṃ vipulaṃ jaṭāmaṇḍalamudvahan || 7 ||
[Analyze grammar]

candrāṃśuśukle vasane vasāno rukmabhūṣaṇaḥ |
vīṇāṃ gṛhītvā mahatīṃ kakṣāsaktāṃ sakhīmiva || 8 ||
[Analyze grammar]

kṛṣṇājinottarāsaṅgo hemayajñopavītavān |
daṇḍī kamaṇḍaludharaḥ sākṣācchakra ivāparaḥ || 9 ||
[Analyze grammar]

mudrāsamarpitakaraḥ sumanoveṣṭitāṅgavān || 9 ||
[Analyze grammar]

bhettā jagati guhyānāṃ vigrahāṇāṃ grahopamaḥ |
maharṣirvigraharucirvidvān gāndharvavedavit || 10 ||
[Analyze grammar]

vairikelikilo vipro brāhmaḥ kalirivāparaḥ |
gātā caturṇāṃ vedānāmudgātā prathamartvijām || 11 ||
[Analyze grammar]

devagandharvalokānāmādivaktā mahāmuniḥ || 11 ||
[Analyze grammar]

sa nārado'tha brahmarṣirbrahmalokacaro'vyayaḥ |
sthito devasabhāmadhye saṃrabdho viṣṇumabravīt || 12 ||
[Analyze grammar]

svaraiśca saptabhirviṣṇuṃ jagau vipraḥ sa nāradaḥ || 12 ||
[Analyze grammar]

ṣaḍjaṃ prathamamāvidhya ṛṣabhaṃ ca tataḥ param || 12 ||
[Analyze grammar]

miśrayitvā ca gāndhāraṃ tato dhaivatamadhyamau || 12 ||
[Analyze grammar]

pañcamaṃ ca tataḥ kurvanniṣādaṃ tadanantaram || 12 ||
[Analyze grammar]

kākalīṃ ca vimātrāṃ tu tato dve ca śrutī prabho || 12 ||
[Analyze grammar]

tisrastisrastathā rājaṃl layaiśca saha sarvaśaḥ || 12 ||
[Analyze grammar]

tānatānāgaṇānāṃ ca vivicya kramaśaḥ prabhuḥ || 12 ||
[Analyze grammar]

taiścāpi saptabhirvācyaṃ vācakaiścāpi sarvaśaḥ || 12 ||
[Analyze grammar]

anantavīryaṃ deveśaṃ jagau brahmapuraḥsaram || 12 ||
[Analyze grammar]

etaiḥ saptabhirādyeśaṃ vicinvanprabhavaṃ tathā || 12 ||
[Analyze grammar]

evaṃ samāpya geyaṃ tu vākyametaduvāca ha || 12 ||
[Analyze grammar]

aṃśāvataraṇaṃ viṣṇo yadidaṃ tridaśaiḥ kṛtam |
kṣayāya pṛthivīndrāṇāṃ sarvametadakāraṇam || 13 ||
[Analyze grammar]

yadetatpārthivaṃ kṣatraṃ sthitaṃ tvayi vidhīśvara |
nṛnārāyaṇayukto'yaṃ kāryārthaḥ pratibhāti me || 14 ||
[Analyze grammar]

na yuktaṃ jānatā deva tvayā tattvārthadarśinā |
devadeva pṛthivyarthe prayoktuṃ kāryamīdṛśam || 15 ||
[Analyze grammar]

tvaṃ hi cakṣuṣmatāṃ cakṣuḥ ślāghyaḥ prabhavatāṃ prabhuḥ |
śreṣṭho yogavatāṃ yogī gatirgatimatāmapi || 16 ||
[Analyze grammar]

devabhāgān gatāndṛṣṭvā kiṃ tvaṃ sarvāgrago vibhuḥ |
vasuṃdharāyāḥ sāhyārthamaṃśaṃ svaṃ nānuyuñjase || 17 ||
[Analyze grammar]

tvayā sanāthā devāṃśāstvanmayāstvatpracoditāḥ |
jagatyāṃ saṃtariṣyanti kāryātkāryāntaraṃ gatāḥ || 18 ||
[Analyze grammar]

tadahaṃ tvarayā viṣṇo prāptaḥ surasabhāmimām |
tava saṃcodanārthaṃ vai śṛṇu cāpyatra kāraṇam || 19 ||
[Analyze grammar]

ye tvayā nihatā daityāḥ saṃgrāme tārakāmaye |
teṣāṃ śṛṇu gatiṃ viṣṇo ye gatāḥ pṛthivītalam || 20 ||
[Analyze grammar]

pūḥ pṛthivyāṃ samuditā mathurā nāma nāmataḥ |
niviṣṭā yamunātīre sphītā janapadāyutā || 21 ||
[Analyze grammar]

madhurnāma mahānāsīddānavo yudhi durjayaḥ |
tasya sma sumaharddhyāsīnmahāpādapasaṃtatam |
ghoraṃ madhuvanaṃ nāma yatrāsau nyavasattadā || 22 ||
[Analyze grammar]

tasya putro mahānāsīl lavaṇo nāma dānavaḥ |
lavaṇastasya putro'bhūnmahābalaparākramaḥ |
trāsanaḥ sarvabhūtānāṃ bale mahati tasthivān || 23 ||
[Analyze grammar]

sa tatra dānavaḥ krīḍanvarṣapūgānanekaśaḥ |
sadaivatagaṇāṃl lokānudvāsayati darpitaḥ || 24 ||
[Analyze grammar]

ayodhyāyāmayodhyāyāṃ rāme dāśarathau sthite |
rājyaṃ śāsati dharmajñe rākṣasānāṃ bhayāvahe || 25 ||
[Analyze grammar]

sa dānavo balaślāghī ghoraṃ vanamupāśritaḥ |
preṣayāmāsa rāmāya dūtaṃ paruṣavādinam || 26 ||
[Analyze grammar]

viṣayāsannabhūto'smi tava rāma ripuśca saḥ |
na ca sāmantamicchanti rājāno baladarpitam || 27 ||
[Analyze grammar]

rājñā rājavratasthena prajānāṃ śubhamicchatā |
jetavyā ripavaḥ sarve sphītaṃ viṣayamicchatā || 28 ||
[Analyze grammar]

abhiṣekārdrakeśena rājñā rañjanakāmyayā |
jetavyānīndriyāṇyādau tajjaye hi dhruvo jayaḥ || 29 ||
[Analyze grammar]

samyagvartitukāmasya viśeṣeṇa mahīpateḥ |
nayānāmupadeśena nāsti lokasamo guruḥ || 30 ||
[Analyze grammar]

vyasaneṣu jaghanyasya dharmamadhyasya dhīmataḥ |
balajyeṣṭhasya nṛpaternāsti sāmantajaṃ bhayam || 31 ||
[Analyze grammar]

sahajairbadhyate sarvaḥ pravṛddhairindriyāribhiḥ |
amitrāṇāṃ priyakarairmohairadhṛtirīśvaraḥ || 32 ||
[Analyze grammar]

yattvayā strīkṛte mohātsabalo rāvaṇo hataḥ |
naitadaupayikaṃ manye mahatte karma kutsitam || 33 ||
[Analyze grammar]

vanavāsapravṛttena yattvayā vrataśālinā |
prahṛtaṃ rākṣase nīce naiṣa dṛṣṭaḥ satāṃ vidhiḥ || 34 ||
[Analyze grammar]

satāmakrodhajo dharmaḥ śubhāṃ nayati sadgatim |
yattvayā nihato mohāddūṣitāśca vanaukasaḥ || 35 ||
[Analyze grammar]

sa eva rāvaṇo dhanyo yastvayā vratacāriṇā |
strīnimittaṃ hato yuddhe grāmyāndharmānavekṣatā || 36 ||
[Analyze grammar]

yadi te sa hataḥ saṃkhye durbuddhirajitendriyaḥ |
yudhyasvādya mayā sārdhaṃ mṛdhe yadyasi vīryavān || 37 ||
[Analyze grammar]

tasya dūtasya tacchrutvā bhāṣitaṃ tattvavādinaḥ |
dhairyādasaṃbhrāntavapuḥ sasmitaṃ rāghavo'bravīt || 38 ||
[Analyze grammar]

asadetattvayā dūta kathitaṃ tasya gauravāt |
yanmāṃ kṣipasi doṣeṇa vedātmānaṃ ca susthiram || 39 ||
[Analyze grammar]

yadyahaṃ satpathe mūḍho yadi vā rāvaṇo hataḥ |
yadi vā me hṛtā bhāryā tasya kā paridevanā || 40 ||
[Analyze grammar]

na vāṅmātreṇa duṣyanti sādhavaḥ satpathe sthitāḥ |
jāgarti ca yathā daivaṃ sadā satsvitareṣu ca || 41 ||
[Analyze grammar]

kṛtaṃ dūtena yatkāryaṃ gaccha tvaṃ dūta māciram |
nātmaślāghiṣu nīceṣu praharantīha madvidhāḥ || 42 ||
[Analyze grammar]

ayaṃ mamānujo bhrātā śatrughnaḥ śatrutāpanaḥ |
tasya daityasya durbuddhe mṛdhe pratikariṣyati || 43 ||
[Analyze grammar]

evamuktaḥ sa dūtastu yayau saumitriṇā saha |
anujñāto narendreṇa rāghaveṇa mahātmanā || 44 ||
[Analyze grammar]

sa śīghrayānaḥ saṃprāptastaddānavavanaṃ mahat |
cakre niveśaṃ saumitrirvanānte yuddhalālasaḥ || 45 ||
[Analyze grammar]

tato dūtasya vacanātsa daityaḥ krodhamūrcchitaḥ |
jaghane tadvanaṃ kṛtvā yuddhāyābhimukhaḥ sthitaḥ || 46 ||
[Analyze grammar]

tad yuddhamabhavadghoraṃ saumitrerdānavasya ca |
ubhayoreva dhṛtayoḥ śūrayo raṇamūrdhani || 47 ||
[Analyze grammar]

tau śaraiḥ sādhuniśitairanyonyamabhijaghnatuḥ |
na ca tau yuddhavaimukhyaṃ śramaṃ vāpyupajagmatuḥ || 48 ||
[Analyze grammar]

atha saumitriṇā bāṇaiḥ pīḍito dānavo yudhi |
tataḥ sa śūlarahitaḥ paryahīyata dānavaḥ || 49 ||
[Analyze grammar]

sa gṛhītvāṅkuśaṃ caiva devairdattavaraṃ raṇe || 49 ||
[Analyze grammar]

karṣaṇaṃ sarvabhūtānāṃ lavaṇo virarāsa ha || 49 ||
[Analyze grammar]

śirodharāyāṃ jagrāha so'ṅkuśena cakarṣa ha || 49 ||
[Analyze grammar]

praveśayitumārabdho lavaṇo rāghavānujam || 49 ||
[Analyze grammar]

sa rukmatsarumudyamya śatrughnaḥ śatrutāpanaḥ |
śiraściccheda khaḍgena lavaṇasya mahāmṛdhe || 50 ||
[Analyze grammar]

aṅkuśaṃ caiva ciccheda daityasya ca śiro mahat || 50 ||
[Analyze grammar]

sa hatvā dānavaṃ saṃkhye saumitrirmitranandanaḥ |
tadvanaṃ tasya daityasya cicchedāstreṇa buddhimān || 51 ||
[Analyze grammar]

chittvā vanaṃ sa saumitrirniveśamabhirocayat |
bhavāya tasya deśasya purīṃ paramadharmavit || 52 ||
[Analyze grammar]

tasminmadhuvanasthāne mathurā nāma sā purī |
śatrughnena purā sṛṣṭā hatvā taṃ dānavaṃ raṇe || 53 ||
[Analyze grammar]

sā purī paramodārā sāṭṭaprākāratoraṇā |
sphītā rāṣṭrasamākīrṇā samṛddhabhavanākulā || 54 ||
[Analyze grammar]

udyānavanasaṃpannā susīmā supratiṣṭhitā |
prāṃśuprākārasaṃpannā parikhārgalamekhalā || 55 ||
[Analyze grammar]

cayāṭṭālakakeyūrā prāsādavarakuṇḍalā |
susaṃvṛtadvāramukhī catvarodgārahāsinī || 56 ||
[Analyze grammar]

arogavīrapuruṣā hastyaśvarathasaṃkulā |
ardhacandrapratīkāśā yamunātīraśobhitā || 57 ||
[Analyze grammar]

puṇyāpaṇavatī durgā ratnasaṃcayagarvitā |
kṣetrāṇi rasavantyasyāḥ kāle devaśca varṣati || 58 ||
[Analyze grammar]

aṃśāvataraṇe vṛtte surāṇāṃ bhāvitātmanām || 58 ||
[Analyze grammar]

nārāyaṇaṃ samabhyetya nārado vākyamabravīt || 58 ||
[Analyze grammar]

nāradaḥ |
yamunāyāstaṭe ramye mathurā nāma viśrutā || 58 ||
[Analyze grammar]

naranārīsamuditā sā purī sma prakāśate |
niviṣṭo viṣayaścaiva śūrasenastato'bhavat || 59 ||
[Analyze grammar]

tasyāṃ puryāṃ mahāvīryo rājā bhojakulodvahaḥ |
ugrasena iti khyāto mahāsenaparākramaḥ || 60 ||
[Analyze grammar]

tasya putratvamāpanno yo'sauviṣṇo tvayā hataḥ |
kālanemirmahādaityaḥ saṃgrāme tārakāmaye || 61 ||
[Analyze grammar]

kaṃso nāma viśālākṣo bhojavaṃśavivardhanaḥ |
rājā pṛthivyāṃ vikhyātaḥ siṃhavispaṣṭavikramaḥ || 62 ||
[Analyze grammar]

rājñāṃ bhayaṃkaro ghoraḥ śaṅkanīyo mahīkṣitām |
bhayadaḥ sarvabhūtānāṃ satpathādbāhyatāṃ gataḥ || 63 ||
[Analyze grammar]

dāruṇābhiniveśena dāruṇenāntarātmanā |
yuktastenaiva darpeṇa prajānāṃ lomaharṣaṇaḥ || 64 ||
[Analyze grammar]

na rājadharmābhirato nātmapakṣasukhāvahaḥ |
nātmarājyapriyakaraścaṇḍaḥ kararuciḥ sadā || 65 ||
[Analyze grammar]

sa kaṃsastatra saṃbhūtastvayā yuddhe parājitaḥ |
sa badhvā pitaraṃ rājā mathurāmabhyarakṣata |
kravyādo bādhate lokānāsureṇāntarātmanā || 66 ||
[Analyze grammar]

yo'pyasau hayavikrānto hayagrīva iti smṛtaḥ |
keśī nāma hayo jātaḥ sa tasyaiva jaghanyajaḥ || 67 ||
[Analyze grammar]

sa duṣṭo heṣitapaṭuḥ kesarī niravagrahaḥ |
vṛndāvane vasatyeko nṛṇāṃ māṃsāni bhakṣayan || 68 ||
[Analyze grammar]

ariṣṭo baliputrastu kakudmī vṛṣarūpadhṛk |
gavāmaritvamāpannaḥ kāmarūpī mahāsuraḥ || 69 ||
[Analyze grammar]

riṣṭo nāma diteḥ putro variṣṭho dānaveṣu yaḥ |
sa kuñjaratvamāpanno daityaḥ kaṃsasya vāhanaḥ || 70 ||
[Analyze grammar]

kuñjaratvamagāddaityaḥ kaṃsasyaiva sa vāhanaḥ || 70 ||
[Analyze grammar]

lambo nāmeti vikhyāto yo'saudaityeṣu darpitaḥ |
pralambo nāma bhūtvāsau vaṭaṃ bhāṇḍīramāśritaḥ || 71 ||
[Analyze grammar]

śikharo nāma balavānya āsīddānavarṣabhaḥ || 71 ||
[Analyze grammar]

khara ityucyate daityo dhenukaḥ so'surottamaḥ |
ghoraṃ tālavanaṃ daityaścaratyutsārayanprajāḥ || 72 ||
[Analyze grammar]

varāhaśca kiśoraśca tāv ubhau dānavottamau |
mallau raṅgagatau tau tu jātau cāṇūramuṣṭikau || 73 ||
[Analyze grammar]

yau tau mayaśca tāraśca dānavau dānavāntaka |
prāgjyotiṣe tau bhaumasya narakasya pure ratau || 74 ||
[Analyze grammar]

ete daityā vinihatāstvayā viṣṇo nirākṛtāḥ |
mānuṣaṃ vapurāsthāya bādhante bhuvi mānavān || 75 ||
[Analyze grammar]

tvatkathādveṣiṇaḥ sarve tvanmayān ghnanti mānavān |
tava prasādātteṣāṃ vai dānavānāṃ kṣayo bhavet || 76 ||
[Analyze grammar]

tava te divi bibhyanti tvatto bibhyanti sāgare |
pṛthivyāṃ bibhyati tvatto nānyasya tu kathaṃcana || 77 ||
[Analyze grammar]

durvṛttasya hatasyāpi tvayā nānyena śrīdhara |
divaścyutasya daityasya gatirbhavati medinī || 78 ||
[Analyze grammar]

vyutthitasya tu medinyāṃ hatasya nṛśarīriṇaḥ |
durlabhaṃ svargagamanaṃ tvayi jāgrati keśava || 79 ||
[Analyze grammar]

tadāgaccha svayaṃ viṣṇo gacchāva pṛthivītalam |
dānavānāṃ vināśāya visṛjātmānamātmanā || 80 ||
[Analyze grammar]

mūrtayo hi tavāvyaktā dṛśyādṛśyāḥ surottamaiḥ |
tāsu sṛṣṭāstvayā devāḥ saṃbhaviṣyanti bhūtale || 81 ||
[Analyze grammar]

tavāvataraṇe viṣṇo kaṃsaḥ sa vinaśiṣyati |
setsyate ca sa kāryārtho yasyārthe bhūmirāgatā || 82 ||
[Analyze grammar]

tvaṃ bhārate kāryagurustvaṃ cakṣustvaṃ parāyaṇaḥ |
tadāgaccha hṛṣīkeśa kṣitau tāñjahi dānavān || 83 ||
[Analyze grammar]