Harivamsa [text] [sanskrit]

76,857 words

The Sanskrit edition of the Harivamsa, an important addition to the larger epic Mahabharata, existing in several editions. The text deals with the ancient Indian Solar and Lunar dynasties leading and recounts the history of Krishna.

janamejaya uvāca |
brahmaṇā devadevena sārdhaṃ salilayoninā |
brahmalokaṃ gato brahmanvaikuṇṭhaḥ kiṃ cakāra ha || 1 ||
[Analyze grammar]

kimarthaṃ cādidevena nītaḥ salilayoninā |
viṣṇurdaityavadhe vṛtte devairakṛtasatkriyaḥ || 2 ||
[Analyze grammar]

brahmaloke ca kiṃ sthānaṃ kaṃ vā yogamupāsta saḥ |
kaṃ vā dadhāra niyamaṃ sa vibhurbhūtabhāvanaḥ || 3 ||
[Analyze grammar]

kathaṃ tatrāsatastasya viśvaṃ jagadidaṃ mahat |
śriyamāpnoti vipulāṃ surāsuranarārcitām || 4 ||
[Analyze grammar]

kathaṃ svapiti gharmānte budhyate cāmbudakṣaye |
kathaṃ ca brahmalokastho dhuraṃ vahati laukikīm || 5 ||
[Analyze grammar]

caritaṃ tasya viprendra divyaṃ bhagavato divi |
vistareṇa yathātattvaṃ sarvamicchāmi veditum || 6 ||
[Analyze grammar]

vaiśaṃpāyana uvāca |
śṛṇu nārāyaṇasyādau vistareṇa pravṛttayaḥ |
brahmalokaṃ yathārūḍho brahmaṇā saha modate || 7 ||
[Analyze grammar]

kāmaṃ tasya gatiḥ sūkṣmā devairapi durānugā |
yattu śakṣyāmyahaṃ vaktuṃ tanme nigadataḥ śṛṇu || 8 ||
[Analyze grammar]

eṣa lokamayo devo lokāścaitanmayāstrayaḥ |
eṣa devamayaścaiva devāścaitanmayā divi || 9 ||
[Analyze grammar]

devena vardhate yaddhi sarvaṃ taddhi janārdanāt |
yatpravṛttaṃ ca devebhyastadviddhi madhusūdanāt || 10 ||
[Analyze grammar]

agnīṣomamayaṃ lokaṃ yaṃ vidurviduṣo janāḥ |
taṃ somamagniṃ lokaṃ ca veda viṣṇuṃ pitāmahaḥ || 11 ||
[Analyze grammar]

kṣīrād yathā dadhi bhaveddadhnaḥ sarpiryathā bhavet |
mathyamāneṣu bhūteṣu tathā loko janārdanāt || 12 ||
[Analyze grammar]

yathendriyaiśca bhūtaiśca paramātmā vidhīyate |
tathā vedaiśca devaiśca lokaiśca vidito hariḥ || 13 ||
[Analyze grammar]

yathā bhūtendriyāvāptirvihitā bhuvi dehinām |
tathā prāṇeśvarāvāptirdevānāṃ divi vaiṣṇavī || 14 ||
[Analyze grammar]

satriṇāṃ satraphaladaḥ pavitraṃ paramātmavān |
lokatantradharo hyeva mantrairmantra ivārcyate || 15 ||
[Analyze grammar]

asya pāraṃ na paśyanti bahavaḥ pāratantriṇaḥ |
eṣa pāraṃ paraṃ caiva lokānāṃ veda mādhavaḥ || 16 ||
[Analyze grammar]

asya devāndhakārasya mārgitavyasya daivataiḥ |
śṛṇu vai yattadā vṛttaṃ brahmaloke purātanam || 17 ||
[Analyze grammar]

sa gatvā brahmaṇo lokaṃ dṛṣṭvā paitāmahaṃ padam |
vavande tānṛṣīn sarvānviṣṇurārṣeṇa karmaṇā || 18 ||
[Analyze grammar]

so'gniṃ prāksavane dṛṣṭvā hūyamānaṃ maharṣibhiḥ |
avandata mahātejāḥ kṛtvā paurvāhṇikaṃ vidhim || 19 ||
[Analyze grammar]

sa dadarśa makheṣvājyairijyamānaṃ maharṣibhiḥ |
bhāgaṃ yajñiyamaśnānaṃ svadehamaparaṃ sthitam || 20 ||
[Analyze grammar]

abhivādyābhivādyānāmṛṣīṇāṃ brahmavarcasām |
paricakrāma so'cintyo brahmalokaṃ sanātanam || 21 ||
[Analyze grammar]

sa dadarśocchritānyūpāṃścaṣālāgravibhūṣitān |
makheṣu ca brahmarṣibhiḥ śataśaḥ kṛtalakṣaṇān || 22 ||
[Analyze grammar]

ājyadhūmaṃ samāghrāya śṛṇvanvedāndvijeritān |
yajñairijyantamātmānam paśyaṃstatra cacāra ha || 23 ||
[Analyze grammar]

tamūcurṛṣayo devāḥ sadasyāḥ sadasi sthitāḥ |
arghyodyatabhujāḥ sarve pavitrāntaritānanāḥ || 24 ||
[Analyze grammar]

svāgataṃ te suraśreṣṭha padmanābha mahādyute |
namo'stu te hṛṣīkeśa madhukaiṭabhasūdana |
dāmodara namaste'stu padmapatrāyatekṣaṇa || prabhustvaṃ sarvadevānāṃ lokānāṃ prabhuravyayaḥ |
tvaṃ yajñastvaṃ vaṣaṭkārastvayi sarvaṃ pratiṣṭhitam |
idaṃ yajñiyamātithyaṃ mantrataḥ pratigṛhyatām || 25 ||
[Analyze grammar]

tvamasya yajñapūtasya pātraṃ pādyasya pāvanaḥ |
atithistvaṃ hi mantroktaḥ sa dṛṣṭaḥ satataṃ mataḥ || 26 ||
[Analyze grammar]

tvayi yoddhu gate viṣṇo na prāvartanta naḥ kriyāḥ |
avaiṣṇavasya yajñasya na hi karma vidhīyate || 27 ||
[Analyze grammar]

sadakṣiṇasya yajñasya tvatprasūtaṃ phalaṃ bhavet |
sadakṣiṇamahāyajñāstvatprasūtirjanārdana |
yadyātmānamihāsmābhirijyamānaṃ nirīkṣase || 28 ||
[Analyze grammar]

evamastviti tānviprānbhagavānpratyapūjayat |
mumude brahmalokastho brahmaiva hi pitāmahaḥ || 29 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Harivamsa Chapter 39

Cover of edition (2013)

Harivamsa Purana in 3 Volumes
by Shanti Lal Nagar (2013)

Text with English Notes and Index; [Eastern Book Linkers]

Buy now!
Cover of edition (2012)

Harivamsa Purana
by Ras Bihari Lal and Sons (2012)

Set of 10 Volumes; Transliterated Text with English Translation; [5425 pages]

Buy now!
Cover of edition (2021)

Shri Harivamsa Purana in Marathi
by Jitendra Nath Thakur (2021)

श्रीहरिवंशपुराण [Dharmik Prakashan Sanstha, Mumbai]

Buy now!
Cover of edition (2012)

Shri Harivamsha Purana (Telugu)
by Gollapudi Veeraswamy Son (2012)

శ్రీ వారివంశవ్రరాణం [Gollapudi Veeraswamy Son]

Buy now!
Cover of Gujarati edition

Harivamsa Purana in Gujarati
by Gita Press, Gorakhpur (2017)

હરિવંશપુરાણ

Buy now!
Cover of edition (2021)

Harivansha Mahapurana (Kannada)
by Saraswati Prakashan, Belgaum (2021)

1568 pages

Buy now!
Cover of edition (2013)

Shri Harivamsa Purana (Narayani Language)
by Ramtej Pandey (2013)

With Commentary (Set Of 3 Volumes); Sanskrit Text with Hindi Translation; [Chaukhamba Sanskrit Pratishthan]

Buy now!
Like what you read? Consider supporting this website: