Chapter 36

vaiśaṃpāyana uvāca |
evamastviti saṃhṛṣṭaḥ śakrastridaśavardhanaḥ |
saṃdideśāgrataḥ somaṃ yuddhāya śiśirāyudham || 1 ||
[Analyze grammar]

gaccha soma sahāyatvaṃ kuru pāśadharasya vai |
asurāṇāṃ vināśāya jayārthaṃ ca divaukasām || 2 ||
[Analyze grammar]

tvamapratimavīryaśca jyotiṣāṃ ceśvareśvaraḥ |
tvanmayaṃ sarvalokānāṃ rasaṃ rasavido viduḥ || 3 ||
[Analyze grammar]

kṣayavṛddhistava vyaktā sāgare khe ca maṇḍale |
parivartasyahorātraṃ kālaṃ jagati yojayan || 4 ||
[Analyze grammar]

lokacchāyāmayaṃ lakṣma tavāṅke śaśasaṃsthitam |
na viduḥ soma devāśca ye ca nakṣatrayoginaḥ || 5 ||
[Analyze grammar]

tvamādityapathādūrdhvaṃ jyotiṣāṃ copari sthitaḥ |
tamaḥ protsārya vapuṣā bhāsayasyakhilaṃ jagat || 6 ||
[Analyze grammar]

śvetabhānurhimatanurjyotiṣāmadhipaḥ śaśī |
abdakṛtkālayogātmā ījyo yajñaraso'vyayaḥ || 7 ||
[Analyze grammar]

oṣadhīśaḥ kriyāyonirabjayoniranuṣṇabhāk |
śītāṃśuramṛtādhāraścapalaḥ śvetavāhanaḥ || 8 ||
[Analyze grammar]

tvaṃ kāntiḥ kāntavapuṣāṃ tvaṃ somaḥ somavṛttinām |
saumyastvaṃ sarvabhūtānāṃ timiraghnastvamṛkṣarāṭ || 9 ||
[Analyze grammar]

tadgaccha tvaṃ sahānena varuṇena varūthinā |
śamayasvāsurīṃ māyāṃ yayā dahyāma saṃyuge || 10 ||
[Analyze grammar]

soma uvāca |
yanmā vadasi yuddhārthe devarāja varaprada |
eṣa varṣāmi śiśiraṃ daityamāyāpakarṣaṇam || 11 ||
[Analyze grammar]

etānmacchītanirdagdhānpaśyasva himaveṣṭitān |
vimāyānvimadāṃścaiva daityasaṃghānmahāhave || 12 ||
[Analyze grammar]

tato himakarotsṛṣṭāḥ sabāṣpā himavṛṣṭayaḥ |
veṣṭayanti sma tān ghorāndaityānmeghagaṇā iva || 13 ||
[Analyze grammar]

tau pāśaśuklāṃśudharau varuṇendū mahāraṇe |
jaghnaturhimapātaiśca pāśapātaiśca dānavān || 14 ||
[Analyze grammar]

dvāvambunāthau samare tau pāśahimayodhinau |
mṛdhe ceraturambhobhiḥ kṣubdhāviva mahārṇavau || 15 ||
[Analyze grammar]

tābhyāmāplāvitaṃ sainyaṃ taddānavamadṛśyata |
jagatsaṃvartakāmbhodaiḥ pravṛttairiva saṃvṛtam || 16 ||
[Analyze grammar]

tāv udyatāṃśupāśau tu śaśāṅkavaruṇāv ubhau |
tāṃ māyāṃ śamayāmāstāṃ devau daiteyanirmitām || 17 ||
[Analyze grammar]

śītāṃśujalanirdagdhāḥ pāśaiśca prasitā mṛdhe |
na śekuścalituṃ daityā viśiraskā ivādrayaḥ || 18 ||
[Analyze grammar]

śītāṃśunihatāste tu peturdaityā himārditāḥ |
himaplāvitasarvāṅgā niruṣmāṇa ivāgrayaḥ || 19 ||
[Analyze grammar]

teṣāṃ tu divi daityānāṃ viparītaprabhāṇi ha |
vimānāni vicitrāṇi prapatantyutpatanti ca || 20 ||
[Analyze grammar]

tānpāśahastagrathitāṃśchāditāñchītaraśmibhiḥ |
mayo dadarśa māyāvī dānavāndivi dānavaḥ || 21 ||
[Analyze grammar]

sa śilājālavitatāṃ gaṇḍaśailāṭṭahāsinīm |
pādapotkaṭakūṭāgrāṃ kandarākīrṇakānanām || 22 ||
[Analyze grammar]

siṃhavyāghragajākīrṇāṃ nadantīṃ dvipayūthapaiḥ |
īhāmṛgagaṇākīrṇāṃ pavanāghūrṇitadrumām || 23 ||
[Analyze grammar]

nirmitāṃ svena putreṇa krauñcena divi kāmagām |
prathitāṃ pārvatīṃ māyāṃ sasṛje sa samantataḥ || 24 ||
[Analyze grammar]

sāśmaśabdaiḥ śilāvarṣaiḥ prapatadbhiśca pādapaiḥ |
nijaghne devasaṃghāṃstāndānavāṃścāpyajīvayat || 25 ||
[Analyze grammar]

naiśākarī vāruṇī ca māye'ntardadhatustataḥ |
aśmabhiścāyasaghanaiḥ kiraddevagaṇān raṇe || 26 ||
[Analyze grammar]

sāśmasaṃghātaviṣamā drumaparvatasaṃkaṭā |
abhavaddyaurasaṃhāryā pṛthivī parvatairiva || 27 ||
[Analyze grammar]

nānāhato'śmabhiḥ kaścicchilābhiścāpyatāḍitaḥ |
nāniruddho drumagaṇairdevo'dṛśyata saṃyuge || 28 ||
[Analyze grammar]

tadasaṃsrastadhanuṣaṃ bhagnapraharaṇāvilam |
niṣprayatnaṃ surānīkaṃ varjayitvā gadādharam || 29 ||
[Analyze grammar]

sa hi yuddhagataḥ śrīmānīśo na sma vyakampata |
sahiṣṇutvājjagatsvāmī na cukrodha gadādharaḥ || 30 ||
[Analyze grammar]

kālajñaḥ kālameghābhaḥ samīkṣan kālamāhave |
devāsuravimardaṃ sa draṣṭukāmo janārdanaḥ || 31 ||
[Analyze grammar]

tato bhagavatādiṣṭau raṇe pāvakamārutau |
māyāyā mayasṛṣṭāyāḥ pravṛddhāyāḥ śamāya vai |
tataḥ pravṛddhāvanyonyaṃ pravṛddhajvālaveginau |
coditau viṣṇuvākyena tau māyāmapakarṣatām || 32 ||
[Analyze grammar]

tābhyāmudbhrāntameghābhyāṃ pravṛddhābhyāṃ mahāmṛdhe |
dagdhā sā pārvatī māyā bhasmabhūtā nanāśa ha || 33 ||
[Analyze grammar]

so'nalo'nilasaṃyuktaḥ so'nilaścānalākulaḥ |
daityasenāṃ dadahaturyugānteṣviva mūrcchitau || 34 ||
[Analyze grammar]

vāyuḥ pradhāvitastatra paścādagniśca mārutāt |
ceraturdānavānīke krīḍantāvanilānalau || 35 ||
[Analyze grammar]

bhasmāvayavabhūteṣu prapatatsūtpatatsu ca |
dānavānāṃ vimāneṣu vimāneṣu samantataḥ || 36 ||
[Analyze grammar]

vātaskandhāpaviddheṣu kṛtakarmaṇi pāvake |
māyāvadhe vinirvṛtte stūyamāne gadādhare || 37 ||
[Analyze grammar]

niṣprayatneṣu daityeṣu trailokye muktabandhane |
saṃprahṛṣṭeṣu deveṣu sādhu sādhviti sarvaśaḥ || 38 ||
[Analyze grammar]

jaye daśaśatākṣasya mayasya ca parājaye |
dikṣu sarvāsu śuddhāsu pravṛtte dharmasaṃstare || 39 ||
[Analyze grammar]

apāvṛte candrapathe svayanasthe divākare |
prakṛtistheṣu lokeṣu nṛṣu cāritrabandhuṣu || 40 ||
[Analyze grammar]

virājamānā devāstu tato munigaṇaiḥ saha || 40 ||
[Analyze grammar]

abhinnabandhane mṛtyau hūyamāne hutāśane |
yajñaśobhiṣu deveṣu svargārthaṃ darśayatsu ca || 41 ||
[Analyze grammar]

lokapāleṣu sarveṣu dikṣu saṃyānavartiṣu |
bhāve tapasi śuddhānāmabhāve pāpakarmaṇām || 42 ||
[Analyze grammar]

devapakṣe pramudite daityapakṣe viṣīdati |
tripādavigrahe dharme adharme pādavigrahe || 43 ||
[Analyze grammar]

apāvṛte mahādvāre vartamāne ca satpathe |
svadharmastheṣu varṇeṣu loke'sminnāśrameṣu ca || 44 ||
[Analyze grammar]

prajārakṣaṇayukteṣu bhrājamāneṣu rājasu |
gīyamānāsu gāthāsu devasaṃstavanādiṣu |
praśāntakalmaṣe loke śānte tamasi dāruṇe || 45 ||
[Analyze grammar]

agnimārutayostasminvṛtte saṃgrāmakarmaṇi |
tanmayā vimalā lokāstābhyāṃ jayakṛtakriyāḥ || 46 ||
[Analyze grammar]

pūrvadevabhayaṃ śrutvā mārutāgnibhayaṃ mahat |
kālanemiriti khyāto dānavaḥ pratyadṛśyata || 47 ||
[Analyze grammar]

bhāskarākāramukuṭaḥ śiñjitābharaṇāṅgadaḥ |
mandarotkīrṇasaṃkāśo mahārajatasaṃvṛtaḥ || 48 ||
[Analyze grammar]

śatapraharaṇodagraḥ śatabāhuḥ śatānanaḥ |
śataśīrṣaḥ sthitaḥ śrīmāñchataśṛṅga ivācalaḥ |
kakṣe mahati saṃvṛddho nidāgha iva pāvakaḥ || 49 ||
[Analyze grammar]

dhūmrakeśo hariśmaśrurdaṃṣṭrālauṣṭhapuṭānanaḥ |
trailokyāntaravistāri dhārayanvipulaṃ vapuḥ || 50 ||
[Analyze grammar]

bāhubhistulayanvyoma kṣipanpadbhyāṃ mahīdharān |
īrayanmukhaniḥśvāsairvṛṣṭimanto balāhakān || 51 ||
[Analyze grammar]

tiryagāyataraktākṣaṃ mandarodagravakṣasam |
didhakṣantamivāyāntaṃ sarvāndevagaṇānmṛdhe || 52 ||
[Analyze grammar]

tarjayantaṃ suragaṇāṃśchādayantaṃ diśo daśa |
saṃvartakāle tṛṣitaṃ dṛptaṃ mṛtyumivotthitam || 53 ||
[Analyze grammar]

sutalenocchrayavatā vipulāṅguliparvaṇā |
lambābharaṇapūrṇena kiṃciccalitavarmaṇā || 54 ||
[Analyze grammar]

ucchritenāgrahastena dakṣiṇena vapuṣmatā |
dānavāndevanihatānuttiṣṭhata iti bruvan || 55 ||
[Analyze grammar]

taṃ kālanemiṃ samare dviṣatāṃ kālasaṃmitam |
vīkṣanti sma surāḥ sarve bhayavitrastalocanāḥ || 56 ||
[Analyze grammar]

taṃ sma vīkṣanti bhūtāni kramantaṃ kālaneminam |
trivikrame vikramantaṃ nārāyaṇamivāparam || 57 ||
[Analyze grammar]

socchrayanprathamaṃ pādaṃ mārutāghūrṇitāmbaram |
prākrāmadasuro yuddhe trāsayan sarvadevatāḥ || 58 ||
[Analyze grammar]

sa mayenāsurendreṇa pariṣvaktaḥ kraman raṇe |
kālanemirbabhau daityaḥ saviṣṇuriva mandaraḥ || 59 ||
[Analyze grammar]

atha pravivyathurdevāḥ sarve śakrapurogamāḥ |
dṛṣṭvā kālamivāyāntaṃ kālanemiṃ bhayāvaham || 60 ||
[Analyze grammar]