Chapter 30

janamejaya uvāca |
vistareṇaiva sarvāṇi karmāṇi ripughātinaḥ |
śrotumicchāmyaśeṣeṇa hareḥ kṛṣṇasya dhīmataḥ || 1 ||
[Analyze grammar]

prādurbhāvaḥ purāṇeṣu viṣṇoramitatejasaḥ || 1 ||
[Analyze grammar]

satāṃ kathayatāṃ eva vārāha iti naḥ śrutam || 1 ||
[Analyze grammar]

na jāne tasya caritaṃ vidhiṃ naiva ca vistaram || 1 ||
[Analyze grammar]

na karmaguṇasaṃtānaṃ na hetuṃ na manīṣitam || 1 ||
[Analyze grammar]

kimātmako varāhaḥ sa kā mūrtiḥ kā ca devatā || 1 ||
[Analyze grammar]

kimācāraḥ prabhāvo vā kiṃ vā tena purā kṛtam || 1 ||
[Analyze grammar]

yajñārthaṃ samavetānāṃ miṣatāṃ ca dvijanmanām || 1 ||
[Analyze grammar]

mahāvarāhacaritaṃ kṛṣṇadvaipāyaneritam || 1 ||
[Analyze grammar]

yathā nārāyaṇo brahmanvārāhaṃ rūpamāsthitaḥ || 1 ||
[Analyze grammar]

daṃṣṭrayā gāṃ samudrasthāṃ ujjahārārisūdanaḥ || 1 ||
[Analyze grammar]

karmaṇāmānupūrvyā ca prādurbhāvāśca ye vibhoḥ |
yā cāsya prakṛtirbrahmaṃstāṃ ca vyākhyātumarhasi || 2 ||
[Analyze grammar]

kathaṃ ca bhagavānviṣṇuḥ sureśo'riniṣūdanaḥ |
vasudevakule dhīmānvāsudevatvamāgataḥ || 3 ||
[Analyze grammar]

amarairāvṛtaṃ puṇyaṃ puṇyakṛdbhiralaṃkṛtam |
devalokaṃ samutsṛjya martyalokamihāgataḥ || 4 ||
[Analyze grammar]

devamānuṣayornetā dyorbhuvaḥ prabhavo vibhuḥ |
kimarthaṃ divvyamātmānaṃ mānuṣye saṃnyayojayat || 5 ||
[Analyze grammar]

yaścakraṃ vartayatyeko mānuṣāṇāmanāmayam |
mānuṣye sa kathaṃ buddhiṃ cakre cakrabhṛtāṃ varaḥ || 6 ||
[Analyze grammar]

gopāyanaṃ yaḥ kurute jagataḥ sārvalaukikam |
sa kathaṃ gāṃ gato viṣṇurgopatvamagamadvibhuḥ || 7 ||
[Analyze grammar]

mahābhūtāni bhūtātmā yo dadhāra cakāra ca |
śrīgarbhaḥ sa kathaṃ garbhe striyā bhūcarayā dhṛtaḥ || 8 ||
[Analyze grammar]

yena lokān kramairjitvā tribhistrīṃstridaśepsayā |
sthāpitā jagato mārgāstrivargaprabhavāstrayaḥ || 9 ||
[Analyze grammar]

yo'ntakāle jagatpītvā kṛtvā toyamayaṃ vapuḥ |
lokamekārṇavaṃ cakre dṛśyādṛśyena vartmanā || 10 ||
[Analyze grammar]

yaḥ purāṇe purāṇātmā vārāhaṃ vapurāsthitaḥ |
viṣāṇāgreṇa vasudhāmujjahārārisūdanaḥ || 11 ||
[Analyze grammar]

yaḥ purā puruhūtārthe trailokyamidamavyayam |
dadau jitvā vasumatīṃ surāṇāṃ surasattamaḥ || 12 ||
[Analyze grammar]

yena saiṃhaṃ vapuḥ kṛtvā dvidhā kṛtvā ca tatpunaḥ |
pūrvadaityo mahāvīryo hiraṇyakaśipurhataḥ || 13 ||
[Analyze grammar]

yaḥ purā hyanalo bhūtvā aurvaḥ saṃvartako vibhuḥ |
pātālastho'rṇavagataṃ papau toyamayaṃ haviḥ || 14 ||
[Analyze grammar]

sahasracaraṇaṃ brahman sahasrāṃśuṃ sahasraśaḥ |
sahasraśirasaṃ devaṃ yamāhurvai yuge yuge || 15 ||
[Analyze grammar]

nābhyaraṇyāṃ samutpannaṃ yasya paitāmahaṃ gṛham |
ekārṇavagate loke tatpaṅkajamapaṅkajam || 16 ||
[Analyze grammar]

yena te nihatā daityāḥ saṃgrāme tārakāmaye |
sarvadevamayaṃ kṛtvā sarvāyudhadharaṃ vapuḥ |
garuḍasthena cotsiktaḥ kālanemirnipātitaḥ || 17 ||
[Analyze grammar]

nirjitaśca mahādaityastārakaśca mahāsuraḥ || 17 ||
[Analyze grammar]

uttarānte samudrasya kṣīrodasyāmṛtodadheḥ |
yaḥ śete śāśvataṃ yogamāsthāya timiraṃ mahat || 18 ||
[Analyze grammar]

surāraṇirgarbhamadhatta divyaṃ tapaḥprakarṣādaditiḥ purāṇam |
śakraṃ ca yo daityagaṇāvaruddhaṃ garbhāvasāne nakṛśaṃ cakāra || 19 ||
[Analyze grammar]

padāni yo lokapadāni kṛtvā cakāra daityān salilāśayasthān |
kṛtvā ca devāṃstridivasya devāṃścakre sureśaṃ puruhūtameva || 20 ||
[Analyze grammar]

pātrāṇi dakṣiṇā dīkṣā camasolūkhalāni ca || 20 ||
[Analyze grammar]

gārhapatyena vidhinā anvāhāryeṇa karmaṇā |
agnimāhavanīyaṃ ca vedīṃ caiva kuśān sruvam || 21 ||
[Analyze grammar]

prokṣaṇīyaṃ dhruvāṃ caiva āvabhṛthyaṃ tathaiva ca |
arāṃstrīṇi ca yaścakre havyakavyapradānmakhe || 22 ||
[Analyze grammar]

havyādāṃśca surāṃścakre kavyādāṃśca pitṝnapi |
bhāgārthe yajñavidhinā yogajño yajñakarmaṇi || 23 ||
[Analyze grammar]

yūpān samitsrucaṃ somaṃ pavitraṃ paridhīnapi |
yajñiyāni ca dravyāṇi yajñāṃśca cayanānalān |
sadasyānyajamānāṃśca medhādīṃśca kratūttamān || 24 ||
[Analyze grammar]

vibabhāja purā yaśca pārameṣṭhyena karmaṇā |
yugānurūpaṃ yaḥ kṛtvā lokānanu parikraman || 25 ||
[Analyze grammar]

kṣaṇā nimeṣāḥ kāṣṭhāśca kalāstraikālyameva ca |
muhūrtāstithayo māsā dinasaṃvatsarāstathā || 26 ||
[Analyze grammar]

ṛtavaḥ kālayogāśca pramāṇaṃ vividhaṃ nṛṣu |
āyuḥ kṣetrāṇyupacayo lakṣaṇaṃ rūpasauṣṭhavam || 27 ||
[Analyze grammar]

trayo varṇāstrayo lokāstraividyaṃ pāvakāstrayaḥ |
traikālyaṃ trīṇi karmāṇi trayo'pāyāstrayo guṇāḥ |
sṛṣṭā lokāstrayo'nantā yenānantyena vartmanā || 28 ||
[Analyze grammar]

sarvabhūtaguṇasraṣṭā sarvabhūtaguṇātmakaḥ |
nṛṇāmindriyapūrveṇa yogena ramate ca yaḥ |
gatāgatābhyāṃ yo netā tatreha ca vidhīśvaraḥ || 29 ||
[Analyze grammar]

yo gatirdharmayuktānāmagatiḥ pāpakarmaṇām |
cāturvarṇyasya prabhavaścāturvarṇyasya rakṣitā || 30 ||
[Analyze grammar]

cāturvidyasya yo vettā cāturāśramyasaṃśrayaḥ |
digantaro nabhobhūto vāyurvāyuvibhāvanaḥ || 31 ||
[Analyze grammar]

candrasūryadvayaṃ jyotiryogīśaḥ kṣaṇadātanuḥ |
yaḥ paraṃ śrūyate jyotiryaḥ paraṃ śrūyate tapaḥ || 32 ||
[Analyze grammar]

yaḥ paraṃ prāha parataḥ paraṃ yaḥ paramātmavān |
nārāyaṇaparā vedā nārāyaṇaparāḥ kriyāḥ |
nārāyaṇaparo dharmo nārāyaṇaparā gatiḥ |
nārāyaṇaparaṃ satyaṃ nārāyaṇaparaṃ tapaḥ |
nārāyaṇaparo mokṣo nārāyaṇaparaṃ param |
ādityādistu yo divyo yaśca daityāntako vibhuḥ || 33 ||
[Analyze grammar]

yugānteṣvantako yaśca yaśca lokāntakāntakaḥ |
seturyo lokasetūnāṃ medhyo yo medhyakarmaṇām || 34 ||
[Analyze grammar]

vedyo yo vedaviduṣāṃ prabhuryaḥ prabhavātmanām |
somabhūtaśca bhūtānāmagnibhūto'gnivarcasām || 35 ||
[Analyze grammar]

manuṣyāṇāṃ manobhūtastapobhūtastapasvinām |
vinayo nayavṛttānāṃ tejastejasvināmapi || 36 ||
[Analyze grammar]

sargakāraśca sargāṇāṃ lokaheturanuttamaḥ |
vigraho vigrahārhāṇāṃ gatirgatimatāmapi || 37 ||
[Analyze grammar]

ākāśaprabhavo vāyurvāyuprāṇo hutāśanaḥ |
devā hutāśanaprāṇāḥ prāṇo'gnermadhusūdanaḥ || 38 ||
[Analyze grammar]

rasādvai śoṇitaṃ bhavati śoṇitānmāṃsamucyate |
māṃsāttu medaso janma medaso'sthi nirucyate || 39 ||
[Analyze grammar]

asthno majjā samabhavanmajjāyāḥ śukrasaṃbhavaḥ |
śukrādnarbhaḥ samabhavad rasamūlena karmaṇā || 40 ||
[Analyze grammar]

tatrāpāṃ prathamo bhāgaḥ sa saumyo rāśirucyate |
garbhoṣmasaṃbhavo jñeyo dvitīyo rāśirucyate || 41 ||
[Analyze grammar]

śukraṃ somātmakaṃ vidyādārtavaṃ pāvakātmakam |
bhāvau rasānugāvetau vīryaṃ ca śaśipāvakau || 42 ||
[Analyze grammar]

kaphavarge bhavecchukraṃ pittavarge ca śoṇitam |
kaphasya hṛdayaṃ sthānaṃ nābhyāṃ pittaṃ pratiṣṭhitam || 43 ||
[Analyze grammar]

dehasya madhye hṛdayaṃ sthānaṃ tu manasaḥ smṛtam |
nābhikaṇṭhāntarasthastu tatra devo hutāśanaḥ || 44 ||
[Analyze grammar]

manaḥ prajāpatirjñeyaḥ kaphaḥ somo vibhāvyate |
pittamagniḥ smṛtastvevamagnīṣomamayaṃ jagat || 45 ||
[Analyze grammar]

evaṃ pravartite garbhe vartite'rbudasaṃnibhe |
vāyuḥ praveśanaṃ cakre saṃgataḥ paramātmanā || 46 ||
[Analyze grammar]

tato'ṅgāni visṛjati bibharti parivartayan || 46 ||
[Analyze grammar]

sa pañcadhā śarīrastho bhidyate vardhate punaḥ |
prāṇāpānau samānaśca udāno vyāna eva ca || 47 ||
[Analyze grammar]

prāṇo'sya prathamaṃ sthānaṃ vardhayanparivartate |
apānaḥ paścimaṃ kāyamudānordhvaṃ śarīriṇaḥ || 48 ||
[Analyze grammar]

vyāno vyāyacchate yena samānaḥ saṃnivartate |
bhūtāvāptistatastasya jāyatendriyagocarā || 49 ||
[Analyze grammar]

pṛthivī vāyurākāśamāpo jyotiśca pañcamam |
tasyendriyāṇi śiṣṭāni svaṃ svaṃ yogaṃ pracakrire || 50 ||
[Analyze grammar]

pārthivaṃ dehamāhustu prāṇātmānaṃ ca mārutam |
chidrāṇyākāśayonīni jalasrāvaḥ pravartate || 51 ||
[Analyze grammar]

jyotiścakṣuṣi tejaśca teṣāṃ yantṛ manaḥ smṛtam |
grāmyāśca viṣayāścaiva yasya vīryātpravartitāḥ || 52 ||
[Analyze grammar]

ityetānpuruṣaḥ sarvān sṛjaṃl lokān sanātanān |
naidhane'smin kathaṃ loke naratvaṃ viṣṇurāgataḥ || 53 ||
[Analyze grammar]

eṣa me saṃśayo brahmanneṣa me vismayo mahān |
kathaṃ gatirgatimatāmāpanno mānuṣīṃ tanum || 54 ||
[Analyze grammar]

śruto me svasya vaṃśasya pūrvajānāṃ ca saṃbhavaḥ |
śrotumicchāmi viṣṇostu vṛṣṇīnāṃ ca yathākramam || 55 ||
[Analyze grammar]

āścaryaṃ paramaṃ viṣṇurdevairdaityaiśca kathyate |
viṣṇorutpattimāścaryaṃ mamācakṣva mahāmune || 56 ||
[Analyze grammar]

etadāścaryamākhyānaṃ kathayasva sukhāvaham |
prakhyātabalavīryasya viṣṇoramitatejasaḥ |
karmaṇāścaryabhūtasya viṣṇostattvamihocyatām || 57 ||
[Analyze grammar]

vyāpino devadevasya saṃbhavaṃ vaktumarhasi || 57 ||
[Analyze grammar]