Chapter 29

vaiśaṃpāyana uvāca |
yattatsatrājite kṛṣṇo maṇiratnaṃ syamantakam |
adāttaddhārayadbabhrurbhojena śatadhanvanā || 1 ||
[Analyze grammar]

sadā hi prārthayāmāsa satyabhāmāmaninditām |
akrūro'ntaramanvicchanmaṇiṃ caiva syamantakam || 2 ||
[Analyze grammar]

satrājitaṃ tato hatvā śatadhanvā mahābalaḥ |
rātrau taṃ maṇimādāya tato'krūrāya dattavān || 3 ||
[Analyze grammar]

akrūrastu tadā ratnamādāya bharatarṣabha |
samayaṃ kārayāṃ cakre nāvedyo'haṃ tvayācyute || 4 ||
[Analyze grammar]

vayamabhyupapatsyāmaḥ kṛṣṇena tvāṃ pradharṣitam |
mamādya dvārakā sarvā vaśe tiṣṭhatyasaṃśayam || 5 ||
[Analyze grammar]

hate pitare duḥkhārtā satyabhāmā yaśasvinī |
prayayau rathamāruhya nagaraṃ vāraṇāvatam || 6 ||
[Analyze grammar]

satyabhāmā tu tadvṛttaṃ bhojasya śatadhanvanaḥ |
bharturnivedya duḥkhārtā pārśvasthāśrūṇyavartayat || 7 ||
[Analyze grammar]

pāṇḍavāṇāṃ tu dagdhānāṃ hariḥ kṛtvodakaṃ tadā |
kulyārthe ca sa bhrātṝṇāṃ nyayojayata sātyakim || 8 ||
[Analyze grammar]

tatastvaritamāgamya dvārakāṃ madhusūdanaḥ |
pūrvajaṃ halinaṃ śrīmānidaṃ vacanamabravīt || 9 ||
[Analyze grammar]

hataḥ prasenaḥ siṃhena satrājicchatadhanvanā |
syamantakaḥ sa madgāmī tasya prabhurahaṃ vibho || 10 ||
[Analyze grammar]

tadāroha rathaṃ śīghraṃ bhojaṃ hatvā mahābalam |
syamantako mahābāho saha nau sa bhaviṣyati || 11 ||
[Analyze grammar]

tato rathaṃ samāruhya rāmakṛṣṇau mahābalau || 11 ||
[Analyze grammar]

śatadhanvavināśāya nagarādvāraṇāvatād || 11 ||
[Analyze grammar]

śatadhanvā tato bhīto vijñāyācyutamāgatam || 11 ||
[Analyze grammar]

tataḥ pravavṛte yuddhaṃ tumulaṃ bhojakṛṣṇayoḥ |
śatadhanvā tato'krūramavaikṣatsarvatodiśam || 12 ||
[Analyze grammar]

anāptau ca vadhārhau ca kṛtvā bhojajanārdanau |
śakto'pi śāṭhyāddhārdikyaṃ nākrūro'bhyupapadyata || 13 ||
[Analyze grammar]

apayāne tato buddhiṃ bhojaścakre bhayārditaḥ |
yojanānāṃ śataṃ sāgraṃ hayayā pratyapadyata || 14 ||
[Analyze grammar]

vikhyātā hṛdayā nāma śatayojanagāminī |
bhojasya vaḍavā rājanyayā kṛṣṇamayodhayat || 15 ||
[Analyze grammar]

tataḥ kruddhau bhojakṛṣṇau tvaritau tu mahābalau || 15 ||
[Analyze grammar]

vañcayitvā tataḥ kṛṣṇaṃ śatadhanvātibuddhimān || 15 ||
[Analyze grammar]

pūrvāṃ diśaṃ jagāmāśu hayayā vātavegayā || 15 ||
[Analyze grammar]

atha drutamagātkṛṣṇo rathena rathināṃ varaḥ || 15 ||
[Analyze grammar]

balena sahito rājanprayayau tasya mārgaṇe || 15 ||
[Analyze grammar]

kṣīṇāṃ javena hṛdayāmadhvanaḥ śatayojane |
dṛṣṭvā rathasya svāṃ vṛddhiṃ śatadhanvānamārdayat || 16 ||
[Analyze grammar]

tatastasyā hayāyāstu śramātkhedācca bhārata |
khamutpeturatha prāṇāḥ kṛṣṇo rāmamathābravīt || 17 ||
[Analyze grammar]

tiṣṭhasveha mahābāho dṛṣṭadoṣā hayā mayā |
padbhyāṃ gatvā hariṣyāmi maṇiratnaṃ syamantakam || 18 ||
[Analyze grammar]

padbhyāmeva tato gatvā śatadhanvānamacyutaḥ |
mithilāmabhito rājañjaghāna paramāstravit || 19 ||
[Analyze grammar]

syamantakaṃ ca nāpaśyaddhatvā bhojaṃ mahābalam |
nivṛttaṃ cābravītkṛṣṇaṃ ratnaṃ dehīti lāṅgalī || 20 ||
[Analyze grammar]

nāstīti kṛṣṇaścovāca tato rāmo ruṣānvitaḥ |
dhikśabdapūrvamasakṛtpratyuvāca janārdanam || 21 ||
[Analyze grammar]

bhrātṛtvānmarṣayāmyeṣa svasti te'stu vrajāmyaham |
kṛtyaṃ na me dvārakayā na tvayā na ca vṛṣṇibhiḥ || 22 ||
[Analyze grammar]

praviveśa tato rāmo mithilāmarimardanaḥ |
sarvakāmairupacitairmaithilenābhipūjitaḥ || 23 ||
[Analyze grammar]

etasminneva kāle tu babhrurmatimatāṃ varaḥ |
nānārūpān kratūn sarvānājahāra nirargalān || 24 ||
[Analyze grammar]

dīkṣāmayaṃ sa kavacaṃ rakṣārthaṃ praviveśa ha |
syamantakakṛte prājño gāṃdīputro mahāyaśāḥ || 25 ||
[Analyze grammar]

arthān ratnāni cāgryāṇi dravyāṇi vividhāni ca |
ṣaṣṭiṃ varṣāṇi dharmātmā yajñeṣu viniyojayat || 26 ||
[Analyze grammar]

akrūrayajñā iti te khyātāstasya mahātmanaḥ |
bahvannadakṣiṇāḥ sarve sarvakāmapradāyinaḥ || 27 ||
[Analyze grammar]

atha duryodhano rājā gatvā sa mithilāṃ prabhuḥ |
gadāśikṣāṃ tato divyāṃ balabhadrādavāptavān || 28 ||
[Analyze grammar]

prasādya tu tato rāmo vṛṣṇyandhakamahārathaiḥ |
ānīto dvārakāmeva kṛṣṇena ca mahātmanā || 29 ||
[Analyze grammar]

akrūrastvandhakaiḥ sārdhamapāyādbharatarṣabha |
hatvā satrājitaṃ yuddhe sahabandhuṃ mahābalī || 30 ||
[Analyze grammar]

śvaphalkatanayāyāṃ tu tārāyāṃ narasattamau || 30 ||
[Analyze grammar]

bhaṅgakārasya tanayau viśrutau ca mahābalau || 30 ||
[Analyze grammar]

jajñāte'ndhakamukhyasya śatrughno bandhumāṃśca tau || 30 ||
[Analyze grammar]

varāttu bhaṅgakārasya sa kṛṣṇapratimo'bhavat || 30 ||
[Analyze grammar]

jñātibhedabhayātkṛṣṇastamupekṣitavānatha |
apayāte tadākrūre nāvarṣatpākaśāsanaḥ || 31 ||
[Analyze grammar]

anāvṛṣṭyā tadā rāṣṭramabhavadbahudhā kṛśam |
tataḥ prasādayāmāsurakrūraṃ kukurāndhakāḥ || 32 ||
[Analyze grammar]

punardvāravatīṃ prāpte tasmindānapatau tataḥ |
pravavarṣa sahasrākṣaḥ kacche jalanidhestadā || 33 ||
[Analyze grammar]

kanyāṃ ca vāsudevāya svasāraṃ śīlasaṃmatām |
akrūraḥ pradadau dhīmānprītyarthaṃ kurunandana || 34 ||
[Analyze grammar]

atha vijñāya yogena kṛṣṇo babhrugataṃ maṇim |
sabhāmadhyagataṃ prāha tamakrūraṃ janārdanaḥ || 35 ||
[Analyze grammar]

yattad ratnaṃ maṇivaraṃ tava hastagataṃ vibho |
tatprayacchasva mānārha mayi mānāryakaṃ kṛthāḥ || 36 ||
[Analyze grammar]

ṣaṣṭivarṣagate kāle yad roṣo'bhūttadā mama |
sa saṃrūḍho'sakṛtprāptastataḥ kālātyayo mahān || 37 ||
[Analyze grammar]

tataḥ kṛṣṇasya vacanātsarvasātvatasaṃsadi |
pradadau taṃ maṇiṃ babhrurakleśena mahāmatiḥ || 38 ||
[Analyze grammar]

tatastamāryavatprāptaṃ babhrorhastādariṃdamaḥ |
dadau hṛṣṭamanāḥ kṛṣṇastaṃ maṇiṃ babhrave punaḥ || 39 ||
[Analyze grammar]

sa kṛṣṇahastātsaṃprāpya maṇiratnaṃ syamantakam |
ābadhya gāṃdinīputro virarājāṃśumāniva || 40 ||
[Analyze grammar]

yastvevaṃ śṛṇuyānnityaṃ śucirbhūtvā samāhitaḥ || 40 ||
[Analyze grammar]

sukhānāṃ tatsakalpānāṃ phalabhāgī bhaviṣyati || 40 ||
[Analyze grammar]

ā brahmabhavanāccāpi yaśaḥkhyātirna saṃśayaḥ || 40 ||
[Analyze grammar]

bhaviṣyati naraśreṣṭha satyametadbravīmi te || 40 ||
[Analyze grammar]

tataḥ sarve yaduvarā hṛṣṭāḥ prāñjalayastadā || 40 ||
[Analyze grammar]

vavandire mahātmānaḥ kṛṣṇaṃ kamalalocanam || 40 ||
[Analyze grammar]