Harivamsa [text] [sanskrit]

76,857 words

The Sanskrit edition of the Harivamsa, an important addition to the larger epic Mahabharata, existing in several editions. The text deals with the ancient Indian Solar and Lunar dynasties leading and recounts the history of Krishna.

vaiśaṃpāyana uvāca |
budhasya tu mahārāja vidvānputraḥ purūravāḥ |
tejasvī dānaśīlaśca yajvā vipuladakṣiṇaḥ || 1 ||
[Analyze grammar]

brahmavādī parākrāntaḥ śatrubhiryudhi durjayaḥ |
āhartā cāgnihotrasya yajñānāṃ ca divo mahīm || 2 ||
[Analyze grammar]

satyavādī puṇyamatiḥ kāmyaḥ saṃvṛtamaithunaḥ |
atīva triṣu lokeṣu yaśasāpratimaḥ sadā || 3 ||
[Analyze grammar]

taṃ brahmavādinaṃ kṣāntaṃ dharmajñaṃ satyavādinam |
urvaśī varayāmāsa hitvā mānaṃ yaśasvinī || 4 ||
[Analyze grammar]

tayā sahāvasad rājā daśa varṣāṇi pañca ca |
pañca ṣaṭ sapta cāṣṭau ca daśa cāṣṭau ca bhārata || 5 ||
[Analyze grammar]

vane caitrarathe ramye tathā mandākinītaṭe |
alakāyāṃ viśālāyāṃ nandane ca vanottame || 6 ||
[Analyze grammar]

uttarān sa kurūnprāpya manorarathaphaladrumān |
gandhamādanapādeṣu meruśṛṅge tathottare || 7 ||
[Analyze grammar]

eteṣu vanamukhyeṣu surairācariteṣu ca |
urvaśyā sahito rājā reme paramayā mudā || 8 ||
[Analyze grammar]

deśe puṇyatame caiva maharṣibhirabhiṣṭute |
rājyaṃ sa kārayāmāsa prayāge pṛthivīpatiḥ || 9 ||
[Analyze grammar]

uttare jāhnavītīre pratiṣṭhānemahāyaśāḥ || 9 ||
[Analyze grammar]

eka evapurā devaḥ praṇavaḥ sarvavāṅmayaḥ || 9 ||
[Analyze grammar]

devo nārāyaṇo nānya eko'gnivarṇa eva ca || 9 ||
[Analyze grammar]

purūravasa evāsīttrayī tretāmukhe nṛpa || 9 ||
[Analyze grammar]

agninā prajayā rājā lokaṃ gāndharvameyivān || 9 ||
[Analyze grammar]

tasya putrā babhūvuste ṣaḍindropamatejasāḥ |
divi jātā mahātmāna āyurdhīmānamāvasuḥ |
viśvāyuścaiva dharmātmā śrutāyuśca tathāparaḥ |
dṛḍhāyuśca vanāyuśca śatāyuścorvaśīsutāḥ || 10 ||
[Analyze grammar]

āyoḥ putrāś tathā pañca sarve vīrā mahārathāḥ |
svarbhānutanayāyāṃ ca prabhāyāṃ jajñire nṛpa |
nahuṣaḥ prathamaṃ jajñe vṛddhaśarmā tataḥ param |
dambho rajiranenāśca triṣu lokeṣu viśrutāḥ || 11 ||
[Analyze grammar]

rajiḥ putraśatānīha janayāmāsa pañca vai |
rājeyamiti vikhyātaṃ kṣatramindrabhayāvaham || 12 ||
[Analyze grammar]

yatra devāsure yuddhe samupoḍhe sudāruṇe |
devāścaivāsurāścaiva pitāmahamathābruvan || 13 ||
[Analyze grammar]

āvayorbhagavanyuddhe vijetā ko bhaviṣyati |
brūhi naḥ sarvabhūteśa śrotumicchāmahe vacaḥ || 14 ||
[Analyze grammar]

brahmovāca |
yeṣāmarthāya saṃgrāme rajirāttāyudhaḥ prabhuḥ |
yotsyate te vijeṣyanti trīṃl lokānnātra saṃśayaḥ || 15 ||
[Analyze grammar]

yato rajirdhṛtistatra śrīśca tatra yato dhṛtiḥ |
yato dhṛtiśca śrīścaiva dharmastatra jayastathā || 16 ||
[Analyze grammar]

te devā dānavāḥ prītā devenoktā rajerjaye |
abhyayurjayamicchanto vṛṇvānā bharatarṣabha || 17 ||
[Analyze grammar]

sa hi svarbhānudauhitraḥ prabhāyāṃ samapadyata |
rājā paramatejasvī somavaṃśavivardhanaḥ || 18 ||
[Analyze grammar]

te hṛṣṭamanasaḥ sarve rajiṃ daiteyadānavāḥ |
ūcurasmajjayāya tvaṃ gṛhāṇa varakārmukam || 19 ||
[Analyze grammar]

athovāca rajistatra tayorvaidevadaityayoḥ || 19 ||
[Analyze grammar]

svārthajñaḥ svārthamuddiśya yaśaḥ svaṃ ca prakāśayan || 19 ||
[Analyze grammar]

rajiruvāca |
yadi devagaṇān sarvāñjitvā śakrapurogamān |
indro bhavāmi dharmeṇa tato yotsyāmi saṃyuge || 20 ||
[Analyze grammar]

devāḥ prathamatobhūyaḥ pratīyurhṛṣṭamānasāḥ || 20 ||
[Analyze grammar]

evaṃ yatheṣṭaṃ nṛpate kāmaḥ saṃpadyatāṃ tava || 20 ||
[Analyze grammar]

śrutvā suragaṇānāṃ tu vākyaṃ rājā rajistadā || 20 ||
[Analyze grammar]

papracchāsuramukhyāṃstu yathā devānapṛcchata || 20 ||
[Analyze grammar]

dānavā darpapūrṇāstu svārthamevānugamya ha || 20 ||
[Analyze grammar]

pratyūcustaṃ nṛpavaraṃ sābhimānamidaṃ vacaḥ || 20 ||
[Analyze grammar]

dānavā ūcuḥ |
asmākamindraḥ prahrādo yasyārthe vijayāmahe || 21 ||
[Analyze grammar]

asmiṃstu samaye rājaṃstiṣṭhethā devacoditaḥ |
sa tatheti bruvanneva devairapyabhicoditaḥ |
bhaviṣyasīndro jitvaiva devairuktaḥ sa pārthivaḥ |
jaghāna dānavān sarvānye vadhyā vajrapāṇinā || 22 ||
[Analyze grammar]

sa vipranaṣṭāṃ devānāṃ paramaśrīḥ śriyaṃ vaśī |
nihatya dānavān sarvānājahāra rajiḥ prabhuḥ || 23 ||
[Analyze grammar]

tato rajiṃ mahāvīryaṃ devaiḥ saha śatakratuḥ |
rajiputro'hamityuktvā punarevābravīdvacaḥ || 24 ||
[Analyze grammar]

indro'si tāta bhūtānāṃ sarveṣāṃ nātra saṃśayaḥ |
yasyāhamindraḥ putraste khyātiṃ yāsyāmi karmabhiḥ || 25 ||
[Analyze grammar]

sa tu śakravacaḥ śrutvā vañcitastena māyayā |
tathetyevābravīd rājā prīyamāṇaḥ śatakratum || 26 ||
[Analyze grammar]

tasmiṃstu devaiḥ sadṛśo divaṃ prāpte mahīpatau |
dāyādyamindrādājahrurācārāttanayā rajeḥ || 27 ||
[Analyze grammar]

tāni putraśatānyasya tadvai sthānaṃ śatakratoḥ |
samākrāmanta bahudhā svargalokaṃ triviṣṭapam || 28 ||
[Analyze grammar]

tato bahutithe kāle samatīte mahābalaḥ |
hṛtarājyo'bravīcchakro hṛtabhāgo bṛhaspatim || 29 ||
[Analyze grammar]

badarīphalamātraṃ vai puroḍāśaṃ vidhatsva me |
brahmarṣe yena tiṣṭheyaṃ tejasāpyāyitaḥ sadā || 30 ||
[Analyze grammar]

brahman kṛśo'haṃ vimanā hṛtarājyo hṛtāśanaḥ |
hataujā durbalo mūḍho rajiputraiḥ kṛto vibho || 31 ||
[Analyze grammar]

bṛhaspatiruvāca |
yadyevaṃ coditaḥ śakra tvayā syāṃ pūrvameva hi |
nābhaviṣyattvatpriyārthamakartavyaṃ mayānagha || 32 ||
[Analyze grammar]

prayatiṣyāmi devendra tvatpriyārthaṃ na saṃśayaḥ |
yathā bhāgaṃ ca rājyaṃ ca na cirātpratilapsyase |
tathā tāta kariṣyāmi mā te bhūdviklavaṃ manaḥ || 33 ||
[Analyze grammar]

tataḥ karma cakārāsya tejaso vardhanaṃ tadā |
teṣāṃ ca buddhisaṃmohamakarodṛṣisattamaḥ || 34 ||
[Analyze grammar]

nāstivādārthaśāstraṃhi dharmavidveṣaṇaṃ param || 34 ||
[Analyze grammar]

paramaṃ tarkaśāstrāṇāmasatāṃ tanmanonugam || 34 ||
[Analyze grammar]

na hi dharmapradhānānāṃ rocate vai kathāntare || 34 ||
[Analyze grammar]

te tadbṛhaspatikṛtaṃ śāstraṃ śrutvālpacetasaḥ || 34 ||
[Analyze grammar]

pūrvoktadharmaśāstrāṇāmabhavandveṣiṇaḥ sadā || 34 ||
[Analyze grammar]

pracakrurnyāyarahitaṃ tanmataṃ bahu menire || 34 ||
[Analyze grammar]

tenādharmeṇa te pāpāḥ sarva eva kṣayaṃ gatāḥ || 34 ||
[Analyze grammar]

trailokyarājyaṃ śakrastu prāpya duṣprāpameva ca || 34 ||
[Analyze grammar]

bṛhaspatiprasādāddhi parāṃ nirvṛtimabhyagāt || 34 ||
[Analyze grammar]

te yadā sma susaṃmūḍhā rāgonmattā vidharmiṇaḥ |
brahmadviṣaśca saṃvṛttā hatavīryaparākramāḥ || 35 ||
[Analyze grammar]

tato lebhe suraiśvaryamindraḥ sthānaṃ tathottamam |
hatvā rajisutān sarvān kāmakrodhaparāyaṇān || 36 ||
[Analyze grammar]

ya idaṃ cyāvanaṃ sthānātpratiṣṭhāṃ ca śatakratoḥ |
śṛṇuyāddhārayedvāpi na sa daurātmyamāpnuyāt || 37 ||
[Analyze grammar]

rajeḥ pañca śatānyāsanputrāṇāmamitaujasām || 37 ||
[Analyze grammar]

devairabhyarthito daityān hatvendrāyādadāddivam || 37 ||
[Analyze grammar]

indrastasmai punarhatvā gṛhītvā caraṇau rajeḥ || 37 ||
[Analyze grammar]

ātmānamarpayāmāsa prahrādādyariśaṅkitaḥ || 37 ||
[Analyze grammar]

pitaryuparate putrā yācamānāya no daduḥ || 37 ||
[Analyze grammar]

guruṇā hūyamāne'gnau balabhittanayān rajeḥ || 37 ||
[Analyze grammar]

avadhīddhvaṃsitānmārgānna kaścidavaśeṣitaḥ || 37 ||
[Analyze grammar]

arogaśca bhavettāta yāvajjīvamakalmaṣaḥ || 37 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Harivamsa Chapter 21

Cover of edition (2013)

Harivamsa Purana in 3 Volumes
by Shanti Lal Nagar (2013)

Text with English Notes and Index; [Eastern Book Linkers]

Buy now!
Cover of edition (2012)

Harivamsa Purana
by Ras Bihari Lal and Sons (2012)

Set of 10 Volumes; Transliterated Text with English Translation; [5425 pages]

Buy now!
Cover of edition (2021)

Shri Harivamsa Purana in Marathi
by Jitendra Nath Thakur (2021)

श्रीहरिवंशपुराण [Dharmik Prakashan Sanstha, Mumbai]

Buy now!
Cover of edition (2012)

Shri Harivamsha Purana (Telugu)
by Gollapudi Veeraswamy Son (2012)

శ్రీ వారివంశవ్రరాణం [Gollapudi Veeraswamy Son]

Buy now!
Cover of Gujarati edition

Harivamsa Purana in Gujarati
by Gita Press, Gorakhpur (2017)

હરિવંશપુરાણ

Buy now!
Cover of edition (2021)

Harivansha Mahapurana (Kannada)
by Saraswati Prakashan, Belgaum (2021)

1568 pages

Buy now!
Cover of edition (2013)

Shri Harivamsa Purana (Narayani Language)
by Ramtej Pandey (2013)

With Commentary (Set Of 3 Volumes); Sanskrit Text with Hindi Translation; [Chaukhamba Sanskrit Pratishthan]

Buy now!
Like what you read? Consider supporting this website: