Chapter 29F

janamejaya uvāca bhānumatyāpaharaṇaṃ vijayaṃ keśavasya ca || 1 ||
[Analyze grammar]

chālikyānayanaṃ caiva devalokānmahāmune || 2 ||
[Analyze grammar]

krīḍāṃ ca sāgare divyāṃ kṛṣṇīnāmatitejasām || 3 ||
[Analyze grammar]

aśrauṣaṃ paramāścaryaṃ mune dharmabhṛtāṃ vara || 4 ||
[Analyze grammar]

vajranābhavadhaṃ hyuktaṃ nikumbhavadhakīrtane || 5 ||
[Analyze grammar]

tanme kautūhalaṃ śrotuṃ prasādādbhavato mune || 6 ||
[Analyze grammar]

vaiśaṃpāyana uvāca hanta te kīrtayiṣyāmi vajranābhavadhaṃ nṛpa || 7 ||
[Analyze grammar]

vijayaṃ caiva kāmasya sāmbasya ca mahātmanaḥ || 8 ||
[Analyze grammar]

meroḥ sānau narapate tapaścakre mahāsuraḥ || 9 ||
[Analyze grammar]

vajranābha iti khyāto niścitaḥ samitiṃjayaḥ || 10 ||
[Analyze grammar]

tasya tuṣṭo mahātejā brahmā lokapitāmahaḥ || 11 ||
[Analyze grammar]

vareṇa cchandayāmāsa tapasā paritoṣitaḥ || 12 ||
[Analyze grammar]

avadhyatāṃ sa devebhyo vavre dānavasattamaḥ || 13 ||
[Analyze grammar]

puraṃ vajrapuraṃ caiva sarvaratnamayaṃ śubham || 14 ||
[Analyze grammar]

svacchandena praveśaśca na vāyorapi bhārata || 15 ||
[Analyze grammar]

acintitena kāmānāmupapattirnarādhipa || 16 ||
[Analyze grammar]

śākhānagaramukhyānāṃ saṃvāhānāṃ śatāni ca || 17 ||
[Analyze grammar]

nagarasyāprameyasya samantājjanamejaya || 18 ||
[Analyze grammar]

tathā tadabhavattasya varadānena bhārata || 19 ||
[Analyze grammar]

uvāsa vajranagare vajranābho mahāsuraḥ || 20 ||
[Analyze grammar]

koṭiśo varalabdhaṃ tamasurāḥ parivārya te || 21 ||
[Analyze grammar]

ūṣurvajrapure rājan saṃvāheṣu tathaiva ca || 22 ||
[Analyze grammar]

śākhānagaramukhyeṣu ramyeṣu ca narādhipa || 23 ||
[Analyze grammar]

hṛṣṭapuṣṭapramuditā nṛpa devasya śatravaḥ || 24 ||
[Analyze grammar]

vajranābho'tha duṣṭātmā varadānena darpitaḥ || 25 ||
[Analyze grammar]

purasya cātmanaścaiva jagadbādhitumudyataḥ || 26 ||
[Analyze grammar]

mahendramabravīdgatvā devalokaṃ viśāṃ pate || 27 ||
[Analyze grammar]

ahamīśitumicchāmi trailokyaṃ pākaśāsana || 28 ||
[Analyze grammar]

atha vā me prayacchasva yuddhaṃ devagaṇeśvara || 29 ||
[Analyze grammar]

sāmānyaṃ hi jagatkṛtsnaṃ kāśyapānāṃ mahātmanām || 30 ||
[Analyze grammar]

sa bṛhaspatinā sārdhaṃ mantrayitvā sureśvaraḥ || 31 ||
[Analyze grammar]

vajranābhaṃ suraśreṣṭhaḥ provāca kuruvaṃśaja || 32 ||
[Analyze grammar]

satreṣu dīkṣitaḥ saumya kaśyapo naḥ pitā muniḥ || 33 ||
[Analyze grammar]

tasminvṛtte yathā nyāyyaṃ tathā sa hi kariṣyati || 34 ||
[Analyze grammar]

tataḥ sa pitaraṃ gatvā kaśyapaṃ dānavo'bravīt || 35 ||
[Analyze grammar]

yathoktaṃ devarājena tamuvācātha kaśyapaḥ || 36 ||
[Analyze grammar]

satre kṛtte kariṣyāmi yathā nyāyyaṃ bhaviṣyati || 37 ||
[Analyze grammar]

tvaṃ tu vajrapure putra vasa gaccha samāśritaḥ || 38 ||
[Analyze grammar]

evamukte vajranābhaḥ svameva nagaraṃ gataḥ || 39 ||
[Analyze grammar]

mahendro'pi yayau devo dvārakāṃ dvāramālinīm || 40 ||
[Analyze grammar]

gatvā cāntarhito devo vāsudevamathābravīt || 41 ||
[Analyze grammar]

vajranābhasya vṛttāntaṃ tamuvāca janārdanaḥ || 42 ||
[Analyze grammar]

śaurerupasthito deva vājimedho mahākratuḥ || 43 ||
[Analyze grammar]

tasminvṛtte vajranābhaṃ pātayiṣyāmi vāsava || 44 ||
[Analyze grammar]

tatropāyaṃ praveśe tu cintayāvaḥ satāṃ gate || 45 ||
[Analyze grammar]

nānicchayā praveśo'sti tatra vāyorapi prabho || 46 ||
[Analyze grammar]

tato gato devarājo vāsudevena satkṛtaḥ || 47 ||
[Analyze grammar]

vājimedhe ca saṃprāpte vasudevasya bhārata || 48 ||
[Analyze grammar]

tasminyajñe vartamāne praveśārthaṃ surottamau || 49 ||
[Analyze grammar]

cintayāmāsaturvīrau devarājācyutāv ubhau || 50 ||
[Analyze grammar]

tatra yajñe vartamāne sunāṭyena naṭastadā || 51 ||
[Analyze grammar]

maharṣīṃstoṣayāmāsa bhadranāmeti nāmataḥ || 52 ||
[Analyze grammar]

taṃ vareṇa muniśreṣṭhāśchandayāmāsurātmavān || 53 ||
[Analyze grammar]

sa vavre tu naṭo bhadro varaṃ deveśvaropamaḥ || 54 ||
[Analyze grammar]

devendrakṛṣṇacchandena sarasvatyā pracoditaḥ || 55 ||
[Analyze grammar]

prāṇipatya muniśreṣṭhānaśvamedhe samāgatān || 56 ||
[Analyze grammar]

bhojyo dvijānāṃ sarveṣāṃ bhaveyaṃ munisattamāḥ || 57 ||
[Analyze grammar]

saptadvīpāṃ ca pṛthivīṃ vicareyamimāmaham || 58 ||
[Analyze grammar]

prasiddhākāśagamanaḥ satkurvaṃśca viśeṣataḥ || 59 ||
[Analyze grammar]

avadhyaḥ sarvabhūtānāṃ sthāvarā ye ca jaṅgamāḥ || 60 ||
[Analyze grammar]

yasya yasya va veṣeṇa praviśeyamahaṃ khalu || 61 ||
[Analyze grammar]

mṛtasya jīvato vāpi bhāvenotpāditasya vā || 62 ||
[Analyze grammar]

sa bhūyastādṛśaḥ syāṃ vai jarārogavivarjitaḥ || 63 ||
[Analyze grammar]

tuṣyeyurmunayo nityamanye ca mama sarvadā || 64 ||
[Analyze grammar]

evamastviti sa prokto brāhmaṇairnṛpate naṭaḥ || 65 ||
[Analyze grammar]

saptadvīpāṃ vasumatīṃ paryaṭatyamaropamaḥ || 66 ||
[Analyze grammar]

purāṇi dānavendrāṇāmuttarāṃśca kurūṃstathā || 67 ||
[Analyze grammar]

bhadrāśvān ketumālāṃśca kālāpadvīpameva ca || 68 ||
[Analyze grammar]

parvaṇīsu tu sarvāsu dvārakāṃ yadumaṇḍitām || 69 ||
[Analyze grammar]

āyāti varadattaḥ sa lokavīra mahānaṭaḥ || 70 ||
[Analyze grammar]

tato haṃsāndhārtarāṣṭrāndevalokanivāsinaḥ || 71 ||
[Analyze grammar]

uvāca bhagavāñchakraḥ sāntvayitvā sureśvaraḥ || 72 ||
[Analyze grammar]

bhavanto bhrātaro'smākaṃ kāśyapā devapakṣiṇaḥ || 73 ||
[Analyze grammar]

vimānavāhā devānāṃ sukṛtīnāṃ tathaiva ca || 74 ||
[Analyze grammar]

devānāmasti kartavyaṃ kāryaṃ śatruvadhānvitam || 75 ||
[Analyze grammar]

tatkartavyaṃ na mantraśca bhettavyo vaḥ kathaṃcana || 76 ||
[Analyze grammar]

akurvatāṃ devatājñāmugro daṇḍaḥ patedapi || 77 ||
[Analyze grammar]

sarvatrāpratiṣiddhaṃ vo gamanaṃ haṃsasattamāḥ || 78 ||
[Analyze grammar]

gatvāpraveśyamanyeṣāṃ vajranābhapurottamam || 79 ||
[Analyze grammar]

ito'ntaḥpuravāpīṣu caradhvamucitaṃ hi vaḥ || 80 ||
[Analyze grammar]

tasyāsti kanyāratnaṃ hi trailokyātiśayaṃ śubham || 81 ||
[Analyze grammar]

nāmnā prabhāvatī nāma candrābheva prabhāvatī || 82 ||
[Analyze grammar]

varadānena sā labdhā mātrā kila varānanā || 83 ||
[Analyze grammar]

haimavatyā mahādevyāḥ sakāśāditi naḥ śrutam || 84 ||
[Analyze grammar]

svayaṃvarā ca sā kanyā bandhubhiḥ sthāpitā satī || 85 ||
[Analyze grammar]

ātmecchayā patiṃ haṃsā varayiṣyati śobhanā || 86 ||
[Analyze grammar]

tadbhavadbhirguṇā vācyāḥ pradyumnasya mahātmanaḥ || 87 ||
[Analyze grammar]

sadbhūtāḥ kularūpasya śīlasya vayasastathā || 88 ||
[Analyze grammar]

yadā sā raktabhāvā ca vajranābhasutā satī || 89 ||
[Analyze grammar]

tasyāḥ sakāśātsaṃdeśo nayitavyaḥ samādhinā || 90 ||
[Analyze grammar]

pradyumnasya punastasmādānayadhvaṃ tathaiva ca || 91 ||
[Analyze grammar]

svabuddhyā prāptakālaṃ ca saṃvidheyaṃ hitaṃ mama || 92 ||
[Analyze grammar]

netravaktraprasādaśca kartavyastatra sarvathā || 93 ||
[Analyze grammar]

tathā tathā guṇā vācyāḥ pradyumnasya mahātmanaḥ || 94 ||
[Analyze grammar]

yathā yathā prabhāvatyā manastatra bhavetsthiram || 95 ||
[Analyze grammar]

vṛttāntaścānudivasaṃ pradeyo mama sarvathā || 96 ||
[Analyze grammar]

dvāravatyāṃ ca kṛṣṇasya bhraturmama yavīyasaḥ || 97 ||
[Analyze grammar]

tāvad yatnaśca kartayaḥ pradyumno yāvadātmavit || 98 ||
[Analyze grammar]

paryāvartedvarārohāṃ vajranābhasutāṃ vibhuḥ || 99 ||
[Analyze grammar]

avadhyāste tu devānāṃ brahmaṇo varadarpitāḥ || 100 ||
[Analyze grammar]

devaputrairhi hantavyāḥ pradyumnapramukhairyudhi || 101 ||
[Analyze grammar]

naṭo dattavarastasya veṣamāsthāya yādavāḥ || 102 ||
[Analyze grammar]

pradyumnādyā gamiṣyanti vajranābhavināśanāḥ || 103 ||
[Analyze grammar]

etacca sarvaṃ kartavyamanyacca svayameva hi || 104 ||
[Analyze grammar]

prāptakālaṃ vidhātavyamasmākaṃ priyakāmyayā || 105 ||
[Analyze grammar]

praveśastatra devānāṃ nāsti haṃsāḥ kathaṃcana || 106 ||
[Analyze grammar]

vajranābhepsite tatra praveśaḥ khalu sarvathā || 107 ||
[Analyze grammar]

vaiśaṃpāyana uvāca te vāsavavacaḥ śrutvā haṃsā vajrapuraṃ yayuḥ || 108 ||
[Analyze grammar]

pūrvocitaṃ hi gamanaṃ tatra teṣāṃ janādhipa || 109 ||
[Analyze grammar]

te dīrghikāsu ramyāsu nipeturvīra pakṣiṇaḥ || 110 ||
[Analyze grammar]

padmotpalairāvṛtāsu kañcanaiḥ sparśanakṣamaiḥ || 111 ||
[Analyze grammar]

te vai nadanto madhuraṃ saṃskṛtāpūrvabhāṣiṇaḥ || 112 ||
[Analyze grammar]

pūrvamapyāgatāste tu vismayaṃ janayanti hi || 113 ||
[Analyze grammar]

antaḥpuropabhogyāsu cerūrvāpīṣu te nṛpa || 114 ||
[Analyze grammar]

iṣṭāste vajranābhasya triviṣṭapanivāsinaḥ || 115 ||
[Analyze grammar]

ālapantaḥ sumadhuraṃ dhārtarāṣṭrā janeśvara || 116 ||
[Analyze grammar]

sa tānuvāca daiteyo dhartarāṣṭrānidaṃ vacaḥ || 117 ||
[Analyze grammar]

triviṣṭape nityaratā bhavantaścārubhāṣiṇaḥ || 118 ||
[Analyze grammar]

yadaivehotsavo'smākaṃ bhavadbhiravagamyate || 119 ||
[Analyze grammar]

āgantavyaṃ jālapādāḥ svamidaṃ bhavatāṃ gṛham || 120 ||
[Analyze grammar]

viśrabdhaṃ ca praveṣṭavyaṃ triviṣṭapanivāsibhiḥ || 121 ||
[Analyze grammar]

te tathoktāḥ śakunayo vajranābhena bhārata || 122 ||
[Analyze grammar]

tathotyuktvā hi viviśurdānavendraniveśanam || 123 ||
[Analyze grammar]

cakruḥ paricayaṃ te ca devakāryavyapekṣayā || 124 ||
[Analyze grammar]

mānuṣālāpinaste tu kathāścakruḥ pṛthagvidhāḥ || 125 ||
[Analyze grammar]

vaṃśabaddhāḥ kāśyapānāṃ sarvakalyāṇabhāginām || 126 ||
[Analyze grammar]

striyo remurviśeṣeṇa śṛṇvantyaḥ saṃgatāḥ kathāḥ || 127 ||
[Analyze grammar]

tato vicaratīṃ haṃsā dadṛśuścāruhāsinīm || 128 ||
[Analyze grammar]

prabhāvatīṃ varārohāṃ vajranābhasutāṃ tadā || 129 ||
[Analyze grammar]

haṃsāḥ paricitāṃ cakrustāṃ tataścāruhāsinīm || 130 ||
[Analyze grammar]

sakhīṃ śucimukhī cakre haṃsī rājasutāṃ tadā || 131 ||
[Analyze grammar]

sā tāṃ kadācitpapraccha vajranābhasutāṃ sakhīm || 132 ||
[Analyze grammar]

viśrambhitāṃ pṛthagyuktairākhyānakaśatairvarām || 133 ||
[Analyze grammar]

trailokyasundarīṃ vedmi tvāmahaṃ hi prabhāvati || 134 ||
[Analyze grammar]

rūpaśīlaguṇairdevi kiṃcittvāṃ vaktumutsahe || 135 ||
[Analyze grammar]

vyatikrāmati te bhīru yauvanaṃ cāruhāsini || 136 ||
[Analyze grammar]

yadatītaṃ punarnaiti gataṃ srota ivāmbhasaḥ || 137 ||
[Analyze grammar]

kāmopabhogatulyā hi ratirdevi na vidyate || 138 ||
[Analyze grammar]

strīṇāṃ jagati kalyāṇi satyametadbravīmi te || 139 ||
[Analyze grammar]

svayaṃvaratve nyastā tvaṃ pitrā sarvāṅgaśobhane || 140 ||
[Analyze grammar]

na ca kiṃcidvarayase devāsurakulodbhavam || 141 ||
[Analyze grammar]

vrīḍitā yānti suśroṇi pratyākhyātāstvayā śubhe || 142 ||
[Analyze grammar]

rūpaśauryaguṇairyuktāḥ sadṛśāstvatkulasya hi || 143 ||
[Analyze grammar]

āgatānnecchase devi sadṛśān kularūpayoḥ || 144 ||
[Analyze grammar]

ihaiṣyati kimarthaṃ tvāṃ pradyumno rukmiṇīsutaḥ || 145 ||
[Analyze grammar]

trailokye yasya rūpeṇa sadṛśo'tha kulena vā || 146 ||
[Analyze grammar]

gunairvā cārusarvāṅgi śauryeṇāpyatha vā śubhe || 147 ||
[Analyze grammar]

deveṣu devaḥ suśroṇi dānaveṣu ca dānavaḥ || 148 ||
[Analyze grammar]

mānuṣeṣvapi dharmātmā mānuṣaḥ sa mahābalaḥ || 149 ||
[Analyze grammar]

yaṃ sadā devi dṛṣṭvā hi sravanti jaghanāni hi || 150 ||
[Analyze grammar]

āpīnānīva dhenūnāṃ srotāṃsi saritāmiva || 151 ||
[Analyze grammar]

na pūrṇacandreṇa mukhaṃ nayane vā kuśeśayaiḥ || 152 ||
[Analyze grammar]

utsahāmopamātuṃ hi mṛgendreṇātha vā gatim || 153 ||
[Analyze grammar]

jagataḥ sāramuddhṛtya putraḥ sa vihitaḥ śubhe || 154 ||
[Analyze grammar]

kṛtvānaṅgaṃ vaśe sāṅgaṃ viṣṇunā prabhaviṣṇunā || 155 ||
[Analyze grammar]

hṛtena śambaro bālye yena pāpo nibarhitaḥ || 156 ||
[Analyze grammar]

māyāśca sarvāḥ saṃprāptā na ca śīlaṃ vināśitam || 157 ||
[Analyze grammar]

yānyān guṇānpṛthuśroṇi manasā kalpayiṣyasi || 158 ||
[Analyze grammar]

eṣṭavyāstriṣu lokeṣu pradyumne sarva eva te || 159 ||
[Analyze grammar]

rucyā vahnipratīkāśaḥ kṣamayā pṛthivīsamaḥ || 160 ||
[Analyze grammar]

tejasā sūryasadṛśo gāmbhīryeṇa hradopamaḥ || 161 ||
[Analyze grammar]

prabhāvatī śucimukhīmiti hovāca bhāvinī || 162 ||
[Analyze grammar]

viṣṇurmānuṣalokasthaḥ śrutaḥ sa bahuśo mayā || 163 ||
[Analyze grammar]

pituḥ kathayataḥ saumye nāradasya ca dhīmataḥ || 164 ||
[Analyze grammar]

śatruḥ sa kila daityānāṃ varjanīyaḥ kilānaghe || 165 ||
[Analyze grammar]

kulāni kila daityānāṃ tena dagdhāni mānini || 166 ||
[Analyze grammar]

pradīptena rathāṅgena śārṅgeṇa gadayā tathā || 167 ||
[Analyze grammar]

śākhānagaradeśeṣu vasanti kila ye'surāḥ || 168 ||
[Analyze grammar]

ityete dānavendreṇa saṃdiśyante hi taṃ prati || 169 ||
[Analyze grammar]

manoratho hi sarvāsāṃ strīṇāmevaṃ śucismite || 170 ||
[Analyze grammar]

bhaveddhi me patikulaṃ śreṣṭhaṃ pitṛkulāditi || 171 ||
[Analyze grammar]

yadi nāmābhyupāyaḥ syāttasyehāgamanaṃ prati || 172 ||
[Analyze grammar]

mahānanugraho me syātkulaṃ syātpāvitaṃ ca me || 173 ||
[Analyze grammar]

samarthanāṃ me pṛṣṭā tvaṃ prayaccha śucilāpini || 174 ||
[Analyze grammar]

pradyumnaḥ syād yathā bhartā mama vṛṣṇikulodbhavaḥ || 175 ||
[Analyze grammar]

atyantavairī daityānāmudvejanakaro hariḥ || 176 ||
[Analyze grammar]

asurāṇāṃ striyo vṛddhāḥ kathayantyo mayā śrutāḥ || 177 ||
[Analyze grammar]

pradyumnasya tathā janma purastādapi me śrutam || 178 ||
[Analyze grammar]

yathā ca tena nihato balavān kālaśambaraḥ || 179 ||
[Analyze grammar]

hṛdi me vartate nityaṃ pradyumnaḥ khalu sattame || 180 ||
[Analyze grammar]

hetuḥ sa nāsti tasyārthe yathā mama samāgamaḥ || 181 ||
[Analyze grammar]

dāsī tavāhaṃ sakhyārhe dūtye tvāṃ ca visarjaye || 182 ||
[Analyze grammar]

paṇḍitāsi vadopāyaṃ mama tasya ca saṃgame || 183 ||
[Analyze grammar]

tatastāṃ sāntvayitvā sā prahasantīdamabravīt || 184 ||
[Analyze grammar]

tatra dūtī gamiṣyāmi tavāhaṃ cāruhāsini || 185 ||
[Analyze grammar]

imāṃ bhaktiṃ tavodārāṃ pravakṣyāmi śucismite || 186 ||
[Analyze grammar]

tathā caiva kariṣyāmi yathaiṣyati tavāntikam || 187 ||
[Analyze grammar]

sākṣātkāmena suśroṇi bhaviṣyasi sakāminī || 188 ||
[Analyze grammar]

iti me bhāṣitaṃ satyaṃ smarethāḥ śucilocane || 189 ||
[Analyze grammar]

kathākuśalatāṃ pitre kathayasvāyatekṣaṇe || 190 ||
[Analyze grammar]

kathānukūlatāṃ pitre kathayāyatalocane || 190 ||
[Analyze grammar]

mama tvaṃ tatra me devi hitaṃ samyakprapatsyase || 191 ||
[Analyze grammar]

ityuktvā sā tathā cakre yattatsā tāmathābravīt || 192 ||
[Analyze grammar]

dānavendraśca tāṃ haṃsīṃ papracchāntaḥpure tadā || 193 ||
[Analyze grammar]

prabhāvatyā samākhyātā kathākuśalatā tava || 194 ||
[Analyze grammar]

tattvaṃ śucimukhi brūhi kathāṃ yogyatayā vare || 195 ||
[Analyze grammar]

kiṃ tvayā dṛṣṭamāścaryaṃ jagatyuttamapakṣiṇi || 196 ||
[Analyze grammar]

adṛṣṭapūrvamanyairvā yogyāyogyamanindite || 197 ||
[Analyze grammar]

sovāca vajranābhaṃ tu haṃsī naravarottama || 198 ||
[Analyze grammar]

śrūyatāmityathāmantrya dānavendraṃ mahādyutim || 199 ||
[Analyze grammar]

dṛṣṭā me śāṇḍilī nāma sādhvī dānavasattama || 200 ||
[Analyze grammar]

āścaryaṃ karma kurvantī merupārśve manasvinī || 201 ||
[Analyze grammar]

sumanā caiva kausalyā sarvabhūtahite ratā || 202 ||
[Analyze grammar]

tathāvidūre śāṇḍilyāḥ śailaputryāḥ śubhā sakhī || 203 ||
[Analyze grammar]

naṭaścaiva mayā dṛṣṭo munidattavaraḥ śubhaḥ || 204 ||
[Analyze grammar]

kāmarūpī ca bhojyaśca trailokye nityasaṃmataḥ || 205 ||
[Analyze grammar]

kurūnyātyuttarānvīra kālāmradvīpameva ca || 206 ||
[Analyze grammar]

bhadrāśvān ketumālāṃśca dvīpānanyāṃstathānagha || 207 ||
[Analyze grammar]

devagandharvageyāni nṛtyāni vividhāni ca || 208 ||
[Analyze grammar]

sa vetti devānnṛtyena vismāpayati sarvadā || 209 ||
[Analyze grammar]

vajranābha uvāca śrutametanmayā haṃsi nacirādiva vistaram || 210 ||
[Analyze grammar]

cāraṇānāṃ kathayatāṃ siddhānāṃ ca mahātmanām || 211 ||
[Analyze grammar]

kutūhalaṃ mamāpyasti sarvathā pakṣinandini || 212 ||
[Analyze grammar]

naṭe dattavare tasmin saṃstavastu na vidyate || 213 ||
[Analyze grammar]

haṃsyuvāca saptadvīpānvicarati naṭaḥ sa ditijottama || 214 ||
[Analyze grammar]

guṇavantaṃ janaṃ śrutvā guṇahāryaḥ sa sarvathā || 215 ||
[Analyze grammar]

tava cecchṛṇuyādvīra sadbhūtaṃ guṇavistaram || 216 ||
[Analyze grammar]

naṭaṃ tadāgataṃ viddhi puraṃ tava mahāsura || 217 ||
[Analyze grammar]

vajranābha uvāca upāyaḥ sṛjyatāṃ haṃsi yeneha sa naṭaḥ śubhe || 218 ||
[Analyze grammar]

āgacchenmama bhadraṃ te viṣayaṃ pakṣinandini || 219 ||
[Analyze grammar]

te haṃsā vajranābhena kāryahetorvisarjitāḥ || 220 ||
[Analyze grammar]

devendrāyātha kṛṣṇāya śaśaṃsuḥ sarvameva tat || 221 ||
[Analyze grammar]

adhokṣajena pradyumno niyuktastatra karmaṇi || 222 ||
[Analyze grammar]

prabhāvatyāśca saṃsarge vajranābhavadhe tathā || 223 ||
[Analyze grammar]

daivīṃ māyāṃ samāśritya saṃvidhāya harirnaṭam || 224 ||
[Analyze grammar]

naṭaveṣeṇa bhaimānāṃ preṣayāmāsa bharata || 225 ||
[Analyze grammar]

pradyumnaṃ nāyakaṃ kṛtvā sāmbaṃ kṛtvā vidūṣakam || 226 ||
[Analyze grammar]

pāripārśvaṃ gadaṃ vīramanyānbhaimāṃstathaiva ca || 227 ||
[Analyze grammar]

pārśve gadāṃ vīramatyāṃ bhaimānāṃ ca tathaiva hi || 227 ||
[Analyze grammar]

vāramukhyā naṭīḥ kṛtvā tattūryasadṛśaṃ tadā || 228 ||
[Analyze grammar]

tathaiva bhadraṃbhadrasya sahāyāṃśca tathāvidhān || 229 ||
[Analyze grammar]

pradyumnavihitaṃ ramyaṃ vimānaṃ te mahārathāḥ || 230 ||
[Analyze grammar]

jagmurāruhya kāryārthaṃ devānāmamitaijasām || 231 ||
[Analyze grammar]

ekaikasya samā rūpe puruṣāḥ puruṣasya te || 232 ||
[Analyze grammar]

strīṇāṃ ca sadṛśāḥ sarve svararūpairnarādhipa || 233 ||
[Analyze grammar]

te vajranagarasyātha śākhānagaramuttamam || 234 ||
[Analyze grammar]

jagmurdānavasaṃkīrṇaṃ supuraṃ nāma nāmataḥ || 235 ||
[Analyze grammar]

vaiśaṃpāyana uvāca tataḥ supuravāsīnāmasurāṇāṃ narādhipa || 236 ||
[Analyze grammar]

dadāvājñāṃ vajranābho dīyatāṃ gṛhamuttamam || 236 ||
[Analyze grammar]

ātithyaṃ kriyatāmeṣāṃ bahuratnamupāyanam || 236 ||
[Analyze grammar]

vāsāṃsi suvicitrāṇi sukhāya janarañjanam || 236 ||
[Analyze grammar]

bharturājñāṃ samālabhya tathā cakruśca sarvaśaḥ || 236 ||
[Analyze grammar]

pūrvaśruto naṭaḥ prāptaḥ kautūhalamajījanat || 237 ||
[Analyze grammar]

naṭasyātha dadurdaityāḥ satkāraṃ parayā mudā || 238 ||
[Analyze grammar]

pratyayārthaṃ daduścāpi ratnāni subahūnyatha || 239 ||
[Analyze grammar]

tataḥ sa nanṛte tatra varadatto naṭastadā || 240 ||
[Analyze grammar]

supure puravāsīnāṃ paraṃ harṣaṃ samādadhat || 241 ||
[Analyze grammar]

rāmāyaṇaṃ mahākāvyamuddeśaṃ nāṭakīkṛtam || 242 ||
[Analyze grammar]

janma viṣṇorameyasya rākṣasendravadhepsayā || 243 ||
[Analyze grammar]

lomapādo daśaratha ṛśyaśṛṅgaṃ mahāmunim || 244 ||
[Analyze grammar]

śāntāmānāyayāmāsa gaṇikābhiḥ sahānagha || 245 ||
[Analyze grammar]

rāmalakṣmaṇaśatrughnā bharataścaiva bharata || 246 ||
[Analyze grammar]

ṛśyaśṛṅgaśca śāntā ca tathārūpairnaṭaiḥ kṛtaiḥ || 247 ||
[Analyze grammar]

tatkālajīvito vṛddhā dānavā vismayaṃ gatāḥ || 248 ||
[Analyze grammar]

ācacakṣuśca teṣāṃ vai rūpatulyatvamacyuta || 249 ||
[Analyze grammar]

saṃskārābhinayau teṣāṃ prastāvānāṃ ca dhāraṇam || 250 ||
[Analyze grammar]

dṛṣṭvā sarve praveśaṃ ca dānavā vismayaṃ gatāḥ || 251 ||
[Analyze grammar]

te raktā vismayaṃ nedurasurāḥ parayā mudā || 252 ||
[Analyze grammar]

utthāyotthāya nāṭyasya viśeṣeṣu punaḥ punaḥ || 253 ||
[Analyze grammar]

dadurvastrāṇi tuṣṭāśca graiveyavalayāni ca || 254 ||
[Analyze grammar]

hārānmanoharāṃścaiva hemavaidūryabhūṣitān || 255 ||
[Analyze grammar]

pṛthagartheṣu datteṣu ślokaiste tuṣṭuvurnaṭāḥ || 256 ||
[Analyze grammar]

asurāṃśca munīṃścaiva gotrairabhijanairapi || 257 ||
[Analyze grammar]

preṣitaṃ vajranābhasya śākhānagaravāsibhiḥ || 258 ||
[Analyze grammar]

naṭasya divyarūpasya narendrāgamanaṃ tadā || 259 ||
[Analyze grammar]

purā śrutārtho daityeśaḥ preṣayāmāsa bharata || 260 ||
[Analyze grammar]

ānīyatāṃ vajrapuraṃ naṭo'sāviti harṣitaḥ || 261 ||
[Analyze grammar]

dānavendravacaḥ śrutvā śākhānagaravāsibhiḥ || 262 ||
[Analyze grammar]

nītā vajrapuraṃ ramyaṃ naṭaveṣeṇa yādavāḥ || 263 ||
[Analyze grammar]

āvāsaśca tato dattaḥ sukṛto viśvakarmaṇā || 264 ||
[Analyze grammar]

eṣṭavyaṃ yacca tatsarvaṃ dattaṃ śataguṇottaram || 265 ||
[Analyze grammar]

atha kālotsavaṃ cakre vajranābho mahāsuraḥ || 266 ||
[Analyze grammar]

kārayāmāsa ramyaṃ ca raṅgavāṭaṃ prahṛṣṭavat || 267 ||
[Analyze grammar]

tatastānpariviśrāntānprekṣārthāya pracodayat || 268 ||
[Analyze grammar]

dattvā ratnāni bhūrīṇi vajranābho mahāsuraḥ || 269 ||
[Analyze grammar]

upaviṣṭaśca tāndraṣṭuṃ saha jñātibhirātmavān || 270 ||
[Analyze grammar]

chatre cāntaḥpuraṃ sthāpya cakṣurdṛśye janādhipa || 271 ||
[Analyze grammar]

bhaimāpi baddhanepathyā naṭaveṣadharāstathā || 272 ||
[Analyze grammar]

kāryārthaṃ bhīmakarmāṇo nṛtyārthamupacakramuḥ || 273 ||
[Analyze grammar]

tato ghanaṃ saśuṣiraṃ murajānakabhūṣitam || 274 ||
[Analyze grammar]

tantrīsvaraguṇairviddhamātodyānanvavādayan || 275 ||
[Analyze grammar]

tatastu devagāndhāraṃ chālikyaṃ śravaṇāmṛtam || 276 ||
[Analyze grammar]

bhaimastriyaḥ prajagire manaḥśrotrasukhāvaham || 277 ||
[Analyze grammar]

āgāndhāragrāmarāgaṃ gaṅgāvataraṇaṃ tadā || 278 ||
[Analyze grammar]

viddhamāsāritaṃ ramyaṃ jagire svarasaṃpadā || 279 ||
[Analyze grammar]

layatālasamaṃ śrutvā gaṅgāvataraṇaṃ śubham || 280 ||
[Analyze grammar]

asurāṃstoṣayāmāsurutthāyothāya bhārata || 281 ||
[Analyze grammar]

nāndīṃ ca vādayāmāsa pradyumno gada eva ca || 282 ||
[Analyze grammar]

sāmbaśca vīryasaṃpannaḥ kāryārthaṃ naṭatāṃ gataḥ || 283 ||
[Analyze grammar]

nāndyante ca tadā ślokaṃ gaṅgāvataraṇāśritam || 284 ||
[Analyze grammar]

raukmiṇeyastadovāca samyaksvabhinayānvitam || 285 ||
[Analyze grammar]

rambhābhisāraṃ kauveraṃ nāṭakaṃ nanṛtustataḥ || 286 ||
[Analyze grammar]

śūro rāvaṇarūpeṇa rambhāveṣā manovatī || 287 ||
[Analyze grammar]

nalakūbarastu pradyumnaḥ sāmbastasya vidūṣakaḥ || 288 ||
[Analyze grammar]

kailāso rūpitaścāpi māyayā yadunandanaiḥ || 289 ||
[Analyze grammar]

śāpaśca dattaḥ kruddhena rāvaṇasya durātmanaḥ || 290 ||
[Analyze grammar]

nalakūbareṇātha yathā rambho cāpyatha sāntvitā || 291 ||
[Analyze grammar]

evaṃ rāmasya caritaṃ ṣaṭkāṇḍamatha sottaram || 291 ||
[Analyze grammar]

dhanyaṃ yaśasyamāyuṣyaṃ rājñāṃ ca vijayāvaham || 291 ||
[Analyze grammar]

pūrvaṃ vālmīkinā proktaṃ śṛṅgārādirasānvitam || 291 ||
[Analyze grammar]

niṣādādisvarairyuktaṃ gāyanto madhurasvarāḥ || 291 ||
[Analyze grammar]

etatprakaraṇaṃ vīrā nanṛturyadunandanāḥ || 292 ||
[Analyze grammar]

nāradasya muneḥ kīrtiṃ sarvajñasya mahātmanaḥ || 293 ||
[Analyze grammar]

pādoddhāreṇa nṛtyena tathaivābhinayena ca || 294 ||
[Analyze grammar]

tuṣṭuvurdānavā vīrā bhaimānamitatejasaḥ || 295 ||
[Analyze grammar]

te dadurvastramukhyāni ratnānyābharaṇāni ca || 296 ||
[Analyze grammar]

hārāṃstaralaviddhāṃśca vaidūryamaṇibhūṣitān || 297 ||
[Analyze grammar]

vimānāni vicitrāṇi rathāṃścākāśagāminaḥ || 298 ||
[Analyze grammar]

gajānākāśagāṃścaiva divyanāgakulodbhavān || 299 ||
[Analyze grammar]

candanāni ca divyāni śītāni rasavanti ca || 300 ||
[Analyze grammar]

gurūṇyagurumukhyāni gandhāḍhyāni ca bhārata || 301 ||
[Analyze grammar]

cintāmaṇīnudārāṃśca cintite sarvakāmadān || 302 ||
[Analyze grammar]

prekṣāsu tāsu bahvīṣu dadanto dānavāstadā || 303 ||
[Analyze grammar]

dhanaratnairvirahitāḥ kṛtāḥ puruṣasattama || 304 ||
[Analyze grammar]

striyo dānavamukhyānāṃ tathaiva ca janeśvara || 305 ||
[Analyze grammar]

tato haṃsī prabhāvatyāḥ sakhī prāha prabhāvatīm || 306 ||
[Analyze grammar]

gatāsmi dvārakāṃ ramyāṃ bhaimaguptāmanindite || 307 ||
[Analyze grammar]

pradyumnaśca mayā dṛṣṭo vivikte cārulocane || 308 ||
[Analyze grammar]

bhaktiśca kathitā tasya mayā tava śucismite || 309 ||
[Analyze grammar]

tena hṛṣṭena kālaśca kṛtaḥ kamalalocane || 310 ||
[Analyze grammar]

adya pradoṣasamaye tvayā saha samāgamaḥ || 311 ||
[Analyze grammar]

tadadya ruciraśroṇi tava priyasamāgamaḥ || 312 ||
[Analyze grammar]

na hyātmavanto bhāṣanti mithyā bhaimakulodbhavāḥ || 313 ||
[Analyze grammar]

tataḥ prabhāvatī hṛṣṭā haṃsīṃ tāmidamabravīt || 314 ||
[Analyze grammar]

uṣitāsi mamāvāse svaptumarhasi sundari || 315 ||
[Analyze grammar]

tvayāhaṃ sahitāvāse draṣṭumicchāmi kaiśavim || 316 ||
[Analyze grammar]

niḥsādhvasā bhaviṣyāmi tvayā saha vihaṃgame || 317 ||
[Analyze grammar]

haṃsī tatheti covāca sakhīṃ kamalalocanām || 318 ||
[Analyze grammar]

āruroha ca taddharmyaṃ prabhāvatyā vihaṃgamā || 319 ||
[Analyze grammar]

viśvakarmakṛte tasmin harmyapṛṣṭhe prabhāvatī || 320 ||
[Analyze grammar]

saṃvidhānaṃ cakārāśu pradyumnāgamanakṣamam || 321 ||
[Analyze grammar]

tasmin kṛte saṃvidhāne kāmamānayituṃ yayau || 322 ||
[Analyze grammar]

prabhāvatīmanujñāpya haṃsī vāyusamā gatau || 323 ||
[Analyze grammar]

naṭaveṣadharaṃ kāmaṃ gatvovāca śucismitā || 323 ||
[Analyze grammar]

adya bhūtaḥ sa bhagavan samayo vartate niśi || 323 ||
[Analyze grammar]

tatheti prāha tāṃ kāmaḥ sā nivṛttātha pakṣiṇī || 323 ||
[Analyze grammar]

sā gatvābhyāgatā haṃsī prabhāvatimathābravīt || 324 ||
[Analyze grammar]

abhyeti raukmiṇeyo'sāvāśvasāyatalocane || 325 ||
[Analyze grammar]

pradyumno nīyamānaṃ tu dadṛśe mālyamātmavān || 326 ||
[Analyze grammar]

bhramarairāvṛtaṃ vīraḥ sugandhamarimardana || 327 ||
[Analyze grammar]

nililye tatra mālye tu bhūtvā madhukarastadā || 328 ||
[Analyze grammar]

prabhāvatyā nīyamāne viditārthaḥ pratāpavān || 329 ||
[Analyze grammar]

praveśitaṃ ca tanmālyaṃ strībhirmadhukarāyutam || 330 ||
[Analyze grammar]

upanītaṃ prabhāvatyai strībhistadbhramarāvṛtam || 330 ||
[Analyze grammar]

avidūre ca vinyastaṃ prabhāvatyā janādhipa || 331 ||
[Analyze grammar]

bhramarāste yayuḥ saumya saṃdhyākāle hyupasthite || 332 ||
[Analyze grammar]

sa bhaimapravaro vīrastaiḥ sahāyairvihinataḥ || 333 ||
[Analyze grammar]

karṇotpale prabhāvatyā nililye śanakairiva || 334 ||
[Analyze grammar]

tataḥ prabhāvatī haṃsīmuvāca vadatāṃ varā || 335 ||
[Analyze grammar]

udyacchantaṃ pūrṇacandraṃ samīkṣyātimanoharam || 336 ||
[Analyze grammar]

sakhi dahyanti me'ṅgāni mukhaṃ ca pariśuṣyati || 337 ||
[Analyze grammar]

autsukyaṃ hṛdi cātīva ko'yaṃ vyādhiranauṣadhaḥ || 338 ||
[Analyze grammar]

dadhaddviguṇamautsukyamasau pūrṇaniśākaraḥ || 339 ||
[Analyze grammar]

navoditaḥ śītaraśmiḥ saṃvihārocitapriyaḥ || 340 ||
[Analyze grammar]

na dṛṣṭapūrvo hi mayā śrutimātreṇa kāṅkṣitaḥ || 341 ||
[Analyze grammar]

aho dhūmayate'ṅgāni strīsvabhāvasya dhikkhalu || 342 ||
[Analyze grammar]

kalpayāmi yathā buddhyā yadi nābhyeti me priyaḥ || 343 ||
[Analyze grammar]

kumudvatīgataṃ mārgaṃ hā gamiṣyāmyakiṃcanā || 344 ||
[Analyze grammar]

madanāśīviṣeṇāsmi daṣṭā hāhā manasvinī || 345 ||
[Analyze grammar]

śītavīryāḥ prakṛtyaiva jagato hlādanāḥ sukhāḥ || 346 ||
[Analyze grammar]

dahanti mama gātrāṇi kiṃ nu candragabhastayaḥ || 347 ||
[Analyze grammar]

prakṛtyā śītalo vāyurnānāpuṣparajovahaḥ || 348 ||
[Analyze grammar]

dāvāgnisadṛśo me'dya daṃdahīti śubhāṃ tanum || 349 ||
[Analyze grammar]

tataḥ saṃkalpaye eva sthairyaṃ kāryamivātmanaḥ || 350 ||
[Analyze grammar]

nāvatiṣṭhati nirvīryaṃ manaḥ saṃkalpadharṣitam || 351 ||
[Analyze grammar]

vimanaskāsmi muhyāmi vepathurme mahān hṛdi || 352 ||
[Analyze grammar]

baṃbhramīti ca me dṛṣṭirhā hā yāmi dhruvaṃ kṣayam || 353 ||
[Analyze grammar]

vaiśaṃpāyana uvāca āviṣṭeyaṃ mayā bālā sarvathetyavagamya tu || 354 ||
[Analyze grammar]

kārṣṇirhṛṣṭena manasā saṃsīmidamuvāca ha || 355 ||
[Analyze grammar]

daityendratanayāṃ prāptamavagacchasva māmiha || 356 ||
[Analyze grammar]

ṣaṭpadaiḥ saha ṣaṭpādo bhūtvā mālye nilīya tu || 357 ||
[Analyze grammar]

vidheyo'smi prabhāvatyā yatheṣṭaṃ mayi vartatām || 358 ||
[Analyze grammar]

ityuktvā darśayāmāsa surūpo rūpamātmanaḥ || 359 ||
[Analyze grammar]

taddharmyapṛṣṭhaṃ prabhayā dyotitaṃ tasya dhīmataḥ || 360 ||
[Analyze grammar]

abhibhūtā prabhā caiva rājaṃścandrodbhavā śubhā || 361 ||
[Analyze grammar]

prabhāvatyāstu taṃ dṛṣṭvā vavṛve kāmasāgaraḥ || 362 ||
[Analyze grammar]

candrasyevodaye prāpte parvaṇyāṃ saritāṃ patiḥ || 363 ||
[Analyze grammar]

salajjādhomukhī kiṃcitkiṃcittiryagavekṣiṇī || 364 ||
[Analyze grammar]

prabhāvatī tadā tasthau niścalevāmalekṣaṇā || 365 ||
[Analyze grammar]

kareṇādhaḥpradeśe tāṃ cārubhūṣaṇabhūṣitām || 366 ||
[Analyze grammar]

spṛṣṭvovāca varārohāṃ romāñcitatanustanum || 367 ||
[Analyze grammar]

manorathaśatairlabdhaṃ kiṃ pūrṇendusamaprabham || 368 ||
[Analyze grammar]

adhomukhaṃ mukhaṃ kṛtvā na māṃ kiṃcitprabhāṣase || 369 ||
[Analyze grammar]

prabhopamardaṃ mā kārṣīrvadanasya varānane || 370 ||
[Analyze grammar]

sādhvasaṃ tyajyatāṃ bhīru dāsaḥ sādhvanugṛhyatām || 371 ||
[Analyze grammar]

na kālamiva paśyāmi bhīru bhīrutvamutsṛja || 372 ||
[Analyze grammar]

yācāmyeṣo'ñjalaṃ kṛtvā prāptakālaṃ nibodha me || 373 ||
[Analyze grammar]

gāndharveṇa vivāhena kuruṣvānugrahaṃ mama || 374 ||
[Analyze grammar]

deśakālānurūpeṇa rūpeṇānuttamā satī || 375 ||
[Analyze grammar]

upaspṛśya tato bhaimo maṇisthaṃ jātavedasam || 376 ||
[Analyze grammar]

juhāva samaye vīraḥ puṣpairmantrānudīrayan || 377 ||
[Analyze grammar]

jagrahātha karaṃ tasyā varābharaṇabhūṣitam || 378 ||
[Analyze grammar]

cakre pradakṣiṇaṃ caiva taṃ maṇisthaṃ hutāśanam || 379 ||
[Analyze grammar]

prajajvāla sa tejasvī mānayannacyutātmajam || 380 ||
[Analyze grammar]

bhagavāñjagataḥ sākṣī śubhasyāthāśubhasya ca || 381 ||
[Analyze grammar]

uddiśya dakṣiṇāṃ vīro viprāṇāṃ yadunandanaḥ || 382 ||
[Analyze grammar]

uvāca haṃsīṃ dvārasthāṃ tiṣṭhāvāṃ rakṣa pakṣiṇi || 383 ||
[Analyze grammar]

tasyāṃ praṇamya yātāyāṃ kāmastāṃ cārulocanām || 384 ||
[Analyze grammar]

grahāya dakṣiṇe haste nināya śayanottamam || 385 ||
[Analyze grammar]

ūrāvevopaveśyaināṃ sāntvayitvā punaḥ punaḥ || 386 ||
[Analyze grammar]

cucumba śanakairgaṇḍe vāsayanmukhamārutaiḥ || 387 ||
[Analyze grammar]

tato'syā āpapau vaktraṃ padmaṃ madhukaro yathā || 388 ||
[Analyze grammar]

āliliṅge ca suśroṇīṃ krameṇa ratikovidaḥ || 389 ||
[Analyze grammar]

arāmayad rahasyenāṃ na codvejigavāṃstadā || 390 ||
[Analyze grammar]

āpi kṛtsnaṃ caratyarthaṃ ratikāryaviśāradaḥ || 391 ||
[Analyze grammar]

uvāsa sa tayā sārdhaṃ raman kṛṣṇasutaḥ prabhuḥ || 392 ||
[Analyze grammar]

aruṇodayakāle ca yayau yatra naṭālayaḥ || 393 ||
[Analyze grammar]

akāmayā prabhāvatyā kathaṃcitsa visarjitaḥ || 394 ||
[Analyze grammar]

tāmeva manasā kāntāṃ kāntarupaḥ samudvahan || 395 ||
[Analyze grammar]

ta ūṣurnaṭaveṣeṇa kāryārthaṃ bhaimavaṃśajāḥ || 396 ||
[Analyze grammar]

pratīkṣantastadā vākyamindrakeśavayostadā || 397 ||
[Analyze grammar]

udyogaṃ vajranābhasya trailokyavijayaṃ prati || 398 ||
[Analyze grammar]

pratīkṣanto mahātmāno guhyasaṃrakṣaṇe ratāḥ || 399 ||
[Analyze grammar]

kaśyapasya muneḥ satraṃ yāvattāvannarādhipa || 400 ||
[Analyze grammar]

devāsurāṇāṃ sarveṣāmavirodho mahātmanām || 401 ||
[Analyze grammar]

trailokyavijayārthāya jayatāṃ dharmacāriṇām || 402 ||
[Analyze grammar]

tāvaddivāyāṃ daityendraḥ nāṭayaṃśca naṭānnṛpa || 402 ||
[Analyze grammar]

divāsu nanṛtuste vai rātrāveva kadācana || 402 ||
[Analyze grammar]

evaṃ kālapratīkṣāṇāṃ vasatāṃ tatra dhīmatām || 403 ||
[Analyze grammar]

saṃprāptaḥ prāvṛṣo ramyaḥ sarvabhūtamanoharaḥ || 404 ||
[Analyze grammar]

aharniśaṃ ca vṛttāntaṃ prayacchanti manojavāḥ || 405 ||
[Analyze grammar]

śakrakeśavayorhaṃsāḥ kumārāṇāṃ mahātmanāṃ || 406 ||
[Analyze grammar]

reme saha prabhāvatyā pradyumnaścānurūpayā || 407 ||
[Analyze grammar]

rātrau rātrau mahātejā dhārtarāṣṭrābhirakṣitaḥ || 408 ||
[Analyze grammar]

tairhi vajrapuraṃ haṃsairvasadbhirvāsavājñayā || 409 ||
[Analyze grammar]

vyāptaṃ nṛpa naṭāṃstāṃśca na viduḥ kālamohitāḥ || 410 ||
[Analyze grammar]

divāpi raukmiṇeyastu prabhāvatyā nṛpālaye || 411 ||
[Analyze grammar]

tiṣṭhatyantarhito vīro haṃsasaṃghābhirakṣitaḥ || 412 ||
[Analyze grammar]

māyayāsya praticchāyā dṛśyate hi naṭālaye || 413 ||
[Analyze grammar]

dehārdhena tu kauravya siṣeva sa prabhāvatīm || 414 ||
[Analyze grammar]

saṃnatiṃ vinayaṃ śīlaṃ līlāṃ dākṣyaṃ vilāsitām || 415 ||
[Analyze grammar]

spṛhayantyasurā dṛṣṭvā vidvattāṃ ca mahātmanām || 416 ||
[Analyze grammar]

rūpaṃ vilāsaṃ gandhaṃ ca mṛjāṃ bhāṣāmathāryatām || 417 ||
[Analyze grammar]

tāsāṃ yādavanārīṇāṃ spṛhayantyasurastriyaḥ || 418 ||
[Analyze grammar]

vajranābhasya tu bhrātā sunābho nāma viśrutaḥ || 419 ||
[Analyze grammar]

duhitṛdvayaṃ ca nṛpatestasya rūpaguṇānvitam || 420 ||
[Analyze grammar]

ekā candravatī nāmnā guṇavatyatha cāparā || 421 ||
[Analyze grammar]

prabhāvatyālayaṃ te tu vrajataḥ khalu nityadā || 422 ||
[Analyze grammar]

dadṛśāte tu te tatra ratisaktāṃ prabhāvatīm || 423 ||
[Analyze grammar]

paripapracchatuścaiva viśrambhopagatāṃ satīm || 424 ||
[Analyze grammar]

sovāca mama vidyāsti yādhītā kāṅkṣitaṃ patim || 425 ||
[Analyze grammar]

ratyarthamānayatyāśu saubhagyaṃ ca prayacchati || 426 ||
[Analyze grammar]

devaṃ vā dānavaṃ vāpi vivaśaṃ sadya eva hi || 427 ||
[Analyze grammar]

sāhaṃ ramāmi kāntena devaputreṇa dhīmatā || 428 ||
[Analyze grammar]

dṛśyatāṃ matprabhāvena pradyumnaḥ supriyo mama || 429 ||
[Analyze grammar]

te dṛṣṭvā vismayaṃ yāte rūpayauvanasaṃpadam || 430 ||
[Analyze grammar]

punarevābravītte tu bhaginyau cāruhāsinī || 431 ||
[Analyze grammar]

prabhāvatī varārohā kālaprāptamidaṃ vacaḥ || 432 ||
[Analyze grammar]

devā dharmaratā nityaṃ dambhaśīlā mahāsurāḥ || 433 ||
[Analyze grammar]

devāstapasi raktā hi sukharaktā mahāsurāḥ || 434 ||
[Analyze grammar]

devāḥ satyaratā nityamanṛte tu mahāsurāḥ || 435 ||
[Analyze grammar]

dharmastapaśca satyaṃ ca yatra tatra jayo dhruvam || 436 ||
[Analyze grammar]

devaputrau varayataṃ patividyāṃ dadāmyaham || 437 ||
[Analyze grammar]

ucitau matprabhāvena sadya evopalapsyatha || 438 ||
[Analyze grammar]

tāṃ tathetyūcaturhṛṣṭe bhaginyau cārulocanām || 439 ||
[Analyze grammar]

paripapraccha bhaimaṃ ca kāryaṃ tatprati māninī || 440 ||
[Analyze grammar]

sa pitṛvyaṃ gadaṃ vīraṃ sāmbaṃ cāpyabravīttadā || 441 ||
[Analyze grammar]

rūpānvitau suśīlau ca śūrau ca raṇakarmaṇi || 442 ||
[Analyze grammar]

prabhāvatyuvāca parituṣṭena dattā me vidyā durvāsasā purā || 443 ||
[Analyze grammar]

parituṣṭena saubhāgyaṃ sadā kanyātvameva ca || 444 ||
[Analyze grammar]

devadānavayakṣāṇāṃ yaṃ dhyāsyasi sa te patiḥ || 445 ||
[Analyze grammar]

bhaviteti mayā caiva vīro'yamabhikāṅkṣitaḥ || 446 ||
[Analyze grammar]

pradyumnaṃ tvahameṣyāmi yuvāṃ tāvapyavāpsyatha || 446 ||
[Analyze grammar]

gṛhṇītaṃ tadimāṃ vidyāṃ sadyo vāṃ priyasaṃgamaḥ || 447 ||
[Analyze grammar]

tato jagṛhaturhṛṣṭe tāṃ vidyāṃ bhaginīmukhāt || 448 ||
[Analyze grammar]

dadhyaturgadasāmbau ca vidyāmabhyasya te śubhe || 449 ||
[Analyze grammar]

tau pradyumnena sahitau praviṣṭau bhaimanandanau || 450 ||
[Analyze grammar]

pracchannau māyayā vīrau kārṣṇinā māyinā nṛpa || 451 ||
[Analyze grammar]

tataḥ prabhāvatī dṛṣṭvā pradyumnapramukhānimān || 451 ||
[Analyze grammar]

haṃsīmukhavinirdiṣṭān harṣanirbharamānasā || 451 ||
[Analyze grammar]

utthāya saṃbhramāviṣṭā pradyumnaṃ parirabhya ca || 451 ||
[Analyze grammar]

uvāca vākyaṃ vākyajñā siñcantī netravāriṇā || 451 ||
[Analyze grammar]

dhanyāsmyanugṛhītāsmi yanmayāliṅgato bhavān || 451 ||
[Analyze grammar]

adya māmanugṛhṇīṣva bhartṛbhāvena mānada || 451 ||
[Analyze grammar]

ityuktastu prabhāvatyā pradyumno hṛṣṭamānasaḥ || 451 ||
[Analyze grammar]

gāndharveṇa vivāhena pratijagrāha tāṃ tadā || 451 ||
[Analyze grammar]

gāndharveṇa vivāhena tāvapyaribalārdanau || 452 ||
[Analyze grammar]

pāṇiṃ jagṛhaturvīrau mantrapūrvaṃ satāṃ priyau || 453 ||
[Analyze grammar]

candravatyā gadaḥ sāmbo guṇavatyā tu kaiśaviḥ || 454 ||
[Analyze grammar]

remire'surakanyābhirvīrāste yadupuṃgavāḥ || 455 ||
[Analyze grammar]

mārgamāṇāstvanujñāṃ te śakrakeśavayostadā || 456 ||
[Analyze grammar]

vaiśaṃpāyana uvāca nabho nabhasye'tha nirīkṣya māsi || 457 ||
[Analyze grammar]

kāmastadā toyadavṛndakīrṇam || 458 ||
[Analyze grammar]

prabhāvatīṃ cāruviśālanetrām || 459 ||
[Analyze grammar]

uvāca pūrṇendunikāśavaktraḥ || 460 ||
[Analyze grammar]

tavānanābho varagātri candro || 461 ||
[Analyze grammar]

na dṛśyate sundari cārubimbaḥ || 462 ||
[Analyze grammar]

tvatkeśapāśapratimairniruddho || 463 ||
[Analyze grammar]

balāhakaiścārunirantaroru || 464 ||
[Analyze grammar]

saṃdṛśyate subhru taḍidghanasthā || 465 ||
[Analyze grammar]

tvaṃ hemacārvābharaṇānviteva || 466 ||
[Analyze grammar]

muñcanti dhārāśca ghanā nadantas || 467 ||
[Analyze grammar]

tvaddhārayaṣṭeḥ sadṛśā varāṅgi || 468 ||
[Analyze grammar]

ghanapradeśeṣu balākapaṅktayas || 469 ||
[Analyze grammar]

tvadṛntapaṅktipratimā vibhānti || 470 ||
[Analyze grammar]

nimagnapadmāni saraḥsu subhru || 471 ||
[Analyze grammar]

na bhānti toyāni rayākulāni || 472 ||
[Analyze grammar]

amī ghanā vāyuvaśopayātā || 473 ||
[Analyze grammar]

balākamālāmalacārudantāḥ || 474 ||
[Analyze grammar]

anyonyamabhyāhanituṃ pravṛttā || 475 ||
[Analyze grammar]

vaneṣu nāgā iva śukladantāḥ || 476 ||
[Analyze grammar]

dhanustrivarṇaṃ varagātri paśya || 477 ||
[Analyze grammar]

kṛtaṃ tavāpāṅgamivānanastham || 478 ||
[Analyze grammar]

vibhūṣayantaṃ gaganaṃ ghanāṃśca || 479 ||
[Analyze grammar]

praharṣaṇaṃ kāmijanasya kānte || 480 ||
[Analyze grammar]

ghanānnadantaḥ pratinardamānān || 481 ||
[Analyze grammar]

nirīkṣya suśroṇi śikhīnprahṛṣṭān || 482 ||
[Analyze grammar]

samāhṛtānucchritapicchabhārān || 483 ||
[Analyze grammar]

priyābhirāmānupanṛtyamānān || 484 ||
[Analyze grammar]

harmyeṣu cānye śaśipāṇḍureṣu || 485 ||
[Analyze grammar]

rājanti suśroṇi mayūrasaṃghāḥ || 486 ||
[Analyze grammar]

muhūrtaśobhāmaticārurūpāṃ || 487 ||
[Analyze grammar]

dattvā patanto valabhīmukheṣu || 488 ||
[Analyze grammar]

praklinnapakṣāstarumastakeṣu || 489 ||
[Analyze grammar]

muhūrtacūḍāmaṇitāṃ vidhāya || 490 ||
[Analyze grammar]

prayānti bhūmiṃ navaśādvalānām || 491 ||
[Analyze grammar]

āśaṅkamānā dhṛtacārudehāḥ || 492 ||
[Analyze grammar]

pravāti dhārāntaraniḥsṛtaśca || 493 ||
[Analyze grammar]

sukho'nilaścandanapaṅkaśītaḥ || 494 ||
[Analyze grammar]

kadambasarjārjunapuṣpabhūtaṃ || 495 ||
[Analyze grammar]

samāvahan gandhaṃ naṅgabandhum || 496 ||
[Analyze grammar]

ratiśramasvedavināśahetur || 497 ||
[Analyze grammar]

navodabhārānayane ca hetuḥ || 498 ||
[Analyze grammar]

na mārutaḥ syād yadi cārugātri || 499 ||
[Analyze grammar]

na meghakālo mama vallabhaḥ syāt || 500 ||
[Analyze grammar]

evaṃvidheṣu priyasaṃgameṣu || 501 ||
[Analyze grammar]

ratāvasāne yadupaiti vāyuḥ || 502 ||
[Analyze grammar]

ratiśramasvedaharaḥ sugandhī || 503 ||
[Analyze grammar]

tataḥ paraṃ kiṃ sukhamasti loke || 504 ||
[Analyze grammar]

jalāplutānīkṣya mahānadīnāṃ || 505 ||
[Analyze grammar]

sugātri haṃsāḥ pulinānyadhṛṣṭāḥ || 506 ||
[Analyze grammar]

gatāḥ śramaṃ mānasavāsalubdhāḥ || 507 ||
[Analyze grammar]

sasārasāḥ krauñcagaṇānuviddhāḥ || 508 ||
[Analyze grammar]

na bhānti nadyo'dya sarāṃsi caiva || 509 ||
[Analyze grammar]

hatatviṣaścāyatacārunetre || 510 ||
[Analyze grammar]

gateṣu haṃseṣvatha sāraseṣu || 511 ||
[Analyze grammar]

rathāṅgatulyāhvayaneṣu caiva || 512 ||
[Analyze grammar]

bhogaikadeśena śubhaṃ śayānaṃ || 513 ||
[Analyze grammar]

druvaṃ jagannāthamupendramīśam || 514 ||
[Analyze grammar]

nidrābhyupetā varakālatajjñā || 515 ||
[Analyze grammar]

śriyaṃ praṇamyottamacārurūpām || 516 ||
[Analyze grammar]

nidrāyamāṇe bhagavatyupendre || 517 ||
[Analyze grammar]

meghāmbarākrāntaniśākaro'dya || 518 ||
[Analyze grammar]

padmāmalābhaḥ kamalāyatākṣi || 519 ||
[Analyze grammar]

kṛṣṇasya vaktrānukṛtiṃ karoti || 520 ||
[Analyze grammar]

kadambanīpārjunaketakānāṃ || 521 ||
[Analyze grammar]

srajo dhruvaṃ kṛṣṇamupānayanti || 522 ||
[Analyze grammar]

puṣpāṇi cānyāny ṛtavaḥ samastāḥ || 523 ||
[Analyze grammar]

kṛṣṇātprasādānabhikāṅkṣamāṇāḥ || 524 ||
[Analyze grammar]

nāgāścaranto viṣadigdhavaktrāḥ || 525 ||
[Analyze grammar]

spṛśanti puṣpāṇyatha pādapānām || 526 ||
[Analyze grammar]

pepīyamānānbhramarairjanānāṃ || 527 ||
[Analyze grammar]

kautūhalaṃ te janayantyatīva || 528 ||
[Analyze grammar]

toyātibhārāmbudavṛndanaddhaṃ || 529 ||
[Analyze grammar]

nabhaḥ patiṣyantamivābhīvīkṣya || 530 ||
[Analyze grammar]

nipātagambhīramatipraviṣṭaṃ || 531 ||
[Analyze grammar]

manoharaṃ cārumukhastanoru || 532 ||
[Analyze grammar]

balākamālākulamālyadāmnā || 533 ||
[Analyze grammar]

nirīkṣya ramyaṃ ghanavṛndametat || 534 ||
[Analyze grammar]

sasyāni bhūmāvabhivarṣamāṇaṃ || 535 ||
[Analyze grammar]

jagaddhitārthaṃ vimalāṅgayaṣṭi || 536 ||
[Analyze grammar]

jalāvalambāmbudavṛndakarṣī || 537 ||
[Analyze grammar]

ghanairghanānyodhayatīva vāyuḥ || 538 ||
[Analyze grammar]

pravṛttacakro nṛpatirvanasthān || 539 ||
[Analyze grammar]

gajān gajaiḥ svairiva vīryadṛptān || 540 ||
[Analyze grammar]

abhaumamambho visṛjanti meghāḥ || 541 ||
[Analyze grammar]

pūtaṃ pavitraṃ pavanaiḥ sugandhi || 542 ||
[Analyze grammar]

harṣāvahaṃ cātakabarhiṇānāṃ || 543 ||
[Analyze grammar]

varāṇḍajānāṃ jaladapriyāṇām || 544 ||
[Analyze grammar]

plavaṃgamaḥ ṣoḍaśapakṣaśāyī || 545 ||
[Analyze grammar]

virauti goṣṭhaḥ saha kāminībhiḥ || 546 ||
[Analyze grammar]

ṛco dvijātiḥ priyasatyadharmā || 547 ||
[Analyze grammar]

yathā suśiṣyaiḥ paricaryamāṇaḥ || 548 ||
[Analyze grammar]

guṇo mahāṃstoyajakālajo'yaṃ || 549 ||
[Analyze grammar]

pravṛddhameghasvanabhīṣitā yat || 550 ||
[Analyze grammar]

pariṣvajantyaḥ parivardhayanti || 551 ||
[Analyze grammar]

vināpi śayyāsamayaṃ priyāṇām || 552 ||
[Analyze grammar]

doṣo'yamekaḥ salilāgamasya || 553 ||
[Analyze grammar]

māṃ pratyudārānvayavarṇaśīle || 554 ||
[Analyze grammar]

na dṛśyate yattava vaktratulyo || 555 ||
[Analyze grammar]

ghanagrahagrastatanuḥ śaśāṅkaḥ || 556 ||
[Analyze grammar]

pradṛśyate bhīru yadā śaśāṅko || 557 ||
[Analyze grammar]

ghanāntarastho jagataḥ pradīpaḥ || 558 ||
[Analyze grammar]

tadā nu paśyanti janāḥ prahṛṣṭā || 559 ||
[Analyze grammar]

banduṃ pravāsādiva saṃnivṛttam || 560 ||
[Analyze grammar]

tatrotsavaḥ kāmasamāgamānāṃ || 560 ||
[Analyze grammar]

pradṛśyate yatra sudhāśaśāṅkaḥ || 560 ||
[Analyze grammar]

vilāpasākṣī priyahīnitānāṃ || 561 ||
[Analyze grammar]

saṃdṛśyate bhīru yadā śaśāṅkaḥ || 562 ||
[Analyze grammar]

netrotsavaḥ proṣitakāmukānāṃ || 563 ||
[Analyze grammar]

dṛṣṭvaiva kāntaṃ bhavatītyavaimi || 564 ||
[Analyze grammar]

netrotsavaḥ kāntasamāgatānāṃ || 565 ||
[Analyze grammar]

dāvāgnitulyaḥ priyahīnitānām || 566 ||
[Analyze grammar]

tenaiva dehena varāṅganānāṃ || 567 ||
[Analyze grammar]

candro'pi tāvatpriyavipriyaśca || 568 ||
[Analyze grammar]

vināpi candreṇa pure pituste || 569 ||
[Analyze grammar]

yataḥ prabhā candragabhastigaurī || 570 ||
[Analyze grammar]

guṇāguṇaṃ candramaso na vetsi || 571 ||
[Analyze grammar]

yatastato'haṃ praśaśaṃsayiṣye || 572 ||
[Analyze grammar]

avāpa yo brāhmaṇarājyamīḍyo || 573 ||
[Analyze grammar]

durāpamanyaiḥ sukṛtaistapobhiḥ || 574 ||
[Analyze grammar]

gāyanti viprāḥ pavamānasaṃjñaṃ || 575 ||
[Analyze grammar]

yaṃ sāmagāḥ parvaṇi cāpyudāram || 576 ||
[Analyze grammar]

pitā budhasyottamavīryakarmā || 577 ||
[Analyze grammar]

purūravā yasya suto nṛdevaḥ || 578 ||
[Analyze grammar]

prāṇāgnirīḍhyo'gnimajījanad yo || 579 ||
[Analyze grammar]

naṣṭaṃ śamīgarbhabhavaṃ bhavātmā || 580 ||
[Analyze grammar]

tathaiva paścāccakame mahātmā || 581 ||
[Analyze grammar]

purorvaśīmapsarasāṃ variṣṭhām || 582 ||
[Analyze grammar]

pītaḥ purā yo'mṛtasarvadeho || 583 ||
[Analyze grammar]

munipravīrairvaragātri ghoraiḥ || 584 ||
[Analyze grammar]

nṛpaḥ kuśāgraiḥ punareva yaśca || 585 ||
[Analyze grammar]

dhīmān gato'gnirdivi pūjyate ca || 586 ||
[Analyze grammar]

āyuśca vaṃśe nahuṣaśca yasya || 587 ||
[Analyze grammar]

yo devarājatvamavāpa vīraḥ || 588 ||
[Analyze grammar]

devātidevo bhagavānprasūto || 589 ||
[Analyze grammar]

vaṃśe hariryasya jagatpraṇetā || 590 ||
[Analyze grammar]

bhaimapravīraḥ surakāryahetor || 591 ||
[Analyze grammar]

yaḥ subhru dakṣasya vṛtaḥ sutābhiḥ || 592 ||
[Analyze grammar]

babhūva rājā ca vasuśca yasya || 593 ||
[Analyze grammar]

vaṃśe mahātmā śāśivaṃśaketuḥ || 594 ||
[Analyze grammar]

yaścakravartitvamavāpa vīraḥ || 595 ||
[Analyze grammar]

svaiḥ karmabhiḥ śakrasamaprabhāvaḥ || 596 ||
[Analyze grammar]

yaduśca rājā śāśivaṃśamukhyo || 597 ||
[Analyze grammar]

yo'vāpa mahyāmadhirājabhāvam || 598 ||
[Analyze grammar]

bhojāḥ kule yasya narādhipasya || 599 ||
[Analyze grammar]

vīrāḥ prasūtāḥ surarājatulyāḥ || 600 ||
[Analyze grammar]

na kutsito yasya nṛpo'sti vaṃśe || 601 ||
[Analyze grammar]

na nāstiko naikṛtiko'tha vāpi || 602 ||
[Analyze grammar]

aśraddadhāno'pyatha vā kadaryaḥ || 603 ||
[Analyze grammar]

śauryeṇa vā vāriruhākṣi hīnaḥ || 604 ||
[Analyze grammar]

vaṃśe vadhūstvaṃ kamalāyatākṣi || 605 ||
[Analyze grammar]

ślāghyā guṇānāmapi pātrabhūtā || 606 ||
[Analyze grammar]

kuru praṇāmaṃ śikharāgradanti || 607 ||
[Analyze grammar]

tasya tvamīśasya satāṃ priyasya || 608 ||
[Analyze grammar]

sadāśivenāpi dhṛtasya maulau || 608 ||
[Analyze grammar]

nārāyaṇātmabhavāyanāya || 609 ||
[Analyze grammar]

lokāyanāya tridaśāyanāya || 610 ||
[Analyze grammar]

khagendraketoḥ puruṣottamāya || 611 ||
[Analyze grammar]

kuru praṇāmaṃ śvaśurāya devi || 612 ||
[Analyze grammar]

vaiśaṃpāyana uvāca satrāvasāne tu muneḥ kaśyapasyātitejasaḥ || 613 ||
[Analyze grammar]

jagmurdevāsurāḥ svāni sthānānyamitavikramāḥ || 614 ||
[Analyze grammar]

vajranābho'pi nirvṛtte satre kaśyapamabhyagāt || 615 ||
[Analyze grammar]

trailokyavijayākāṅkṣi tamuvācātha kaśyapaḥ || 616 ||
[Analyze grammar]

vajranābha nibodhasva śrotavyaṃ yadi cenmama || 617 ||
[Analyze grammar]

vasa vajrapure putra svajanena samāvṛtaḥ || 618 ||
[Analyze grammar]

tapasābhyadhikaḥ śakraḥ śaktaścaiva svabhāvataḥ || 619 ||
[Analyze grammar]

brahmaṇyaśca kṛtajñaśca jyeṣṭhaḥ śreṣṭhatamo gunaiḥ || 620 ||
[Analyze grammar]

rājā kṛtsnasya jagataḥ pātrabhūtaḥ satāṃ gatiḥ || 621 ||
[Analyze grammar]

saṃprāpto lokarājyaṃ sa sarvabhūtahite rataḥ || 622 ||
[Analyze grammar]

naiva śakyastvayā jetuṃ vajranābha vihanyase || 623 ||
[Analyze grammar]

ahiṃ padā vyutkramanvai na cirādvinaśiṣyasi || 624 ||
[Analyze grammar]

vajranābhastu tadvākyaṃ nābhinandati bharata || 625 ||
[Analyze grammar]

kālapāśaparītāṅgo martukāma ivauṣadham || 626 ||
[Analyze grammar]

abhivādya sa durbuddhiḥ kaśyapaṃ lokabhāvanam || 627 ||
[Analyze grammar]

trailokyavijayārambhe matiṃ cakre durāsadaḥ || 628 ||
[Analyze grammar]

jñātiyodhān samānīya mitrāṇi subahūni ca || 629 ||
[Analyze grammar]

pratasthe svargamevāgre vijigīṣurviśāṃ pate || 630 ||
[Analyze grammar]

etasminnantare devau kṛṣṇendrau ca mahābalau || 631 ||
[Analyze grammar]

preṣayāmāsaturhaṃsānvajranābhavadhaṃ prati || 632 ||
[Analyze grammar]

tayostadvacanaṃ śrutvā haṃsā vajrapuraṃ yayuḥ || 632 ||
[Analyze grammar]

ūcuśca vacanaṃ teṣāṃ śakrakeśavayostadā || 632 ||
[Analyze grammar]

samāgatāstu tacchrutvā yadumukhyā mahābalāḥ || 633 ||
[Analyze grammar]

mantrayitvā mahātmānaścintāmāpedire tadā || 634 ||
[Analyze grammar]

vajranābho'dya hantavyaḥ pradyumnenetyasaṃśayam || 635 ||
[Analyze grammar]

tayorduhitaro bhāryā bhaktyā tāḥ sarvabhāvanāḥ || 636 ||
[Analyze grammar]

sarvāḥ sagarbhāstāścaiva kiṃ tu kāryamanantaram || 637 ||
[Analyze grammar]

prāptaḥ prasavakālaśca tāsāṃ nāticirādiva || 638 ||
[Analyze grammar]

saṃmantrayitvaitadarthaṃ haṃsānūcurmahābalāḥ || 639 ||
[Analyze grammar]

ākhyeyamarthavatkṛtsnaṃ śakrakeśavayostadā || 640 ||
[Analyze grammar]

haṃsairgatvā tadākhyātaṃ devayostad yathātatham || 641 ||
[Analyze grammar]

tābhyāṃ haṃsāstu saṃdiṣṭā na bhetavyamiti prabho || 642 ||
[Analyze grammar]

utpatsyanti gunaiḥ ślāghyāḥ putrā vaḥ kāmarūpiṇaḥ || 643 ||
[Analyze grammar]

garbhasthāḥ sarvavedāṃśca sāṅgānvetsyantyaninditāḥ || 644 ||
[Analyze grammar]

tathā cānāgataṃ sarvamastrāṇi vividhāni ca || 645 ||
[Analyze grammar]

sadya eṣa yuvānaśca bhaviṣyanti supaṇḍitāḥ || 646 ||
[Analyze grammar]

evamuktvā gatā haṃsāḥ punarvajrapuraṃ vibho || 647 ||
[Analyze grammar]

śaśaṃsuścaiva bhaimānāṃ śakrakeśavabhāṣitam || 648 ||
[Analyze grammar]

prabhāvatī tadā putraṃ suṣuve sadṛśaṃ pituḥ || 649 ||
[Analyze grammar]

sadyoyauvanasaṃprāptaṃ sarvajñaṃ caiva bhārata || 650 ||
[Analyze grammar]

māsamātreṇa suṣuve devī candravatī nṛpa || 651 ||
[Analyze grammar]

candraprabhamiti khyātaṃ tanayaṃ sadṛśaṃ pituḥ || 652 ||
[Analyze grammar]

sadyaśca yauvanaprāptaṃ sarvajñatvaṃ ca bhārata || 653 ||
[Analyze grammar]

guṇavaty- api putraṃ ca guṇavantamaninditā || 654 ||
[Analyze grammar]

yuvānāvatha sadyastau sarvaśāstrārthakovidau || 655 ||
[Analyze grammar]

indropendraprasādena saṃvṛttau yadunandanau || 656 ||
[Analyze grammar]

harmyapṛṣṭhe vardhamānā hṛṣṭāste yadunandanāḥ || 657 ||
[Analyze grammar]

indropendrecchayā vīra nānyathetyavadhāryatām || 658 ||
[Analyze grammar]

niveditāśca saṃbhrāntairdautairākāśarakṣibhiḥ || 659 ||
[Analyze grammar]

vajranābhāya vīrāya triviṣṭapajayaiṣiṇe || 660 ||
[Analyze grammar]

vicārya sarve gṛhyantāṃ mamaite gṛhadharṣakāḥ || 661 ||
[Analyze grammar]

ityuvācāsurapatirvajranābho durāsadaḥ || 662 ||
[Analyze grammar]

tataḥ sainyaṃ samājñaptamasurendreṇa dhīmatā || 663 ||
[Analyze grammar]

āvārayāmāsa diśaḥ sarvāḥ kurukulodvaha || 664 ||
[Analyze grammar]

gṛhyantāmāśu vadhyantāmiti vācastatastataḥ || 665 ||
[Analyze grammar]

uccerurasurendrasya śāsanādariśāsana || 666 ||
[Analyze grammar]

tacchrutvā vyathitāsteṣāṃ mātaraḥ putravatsalāḥ || 667 ||
[Analyze grammar]

rurudustā rudantyo'tha pradyumnaḥ sahasābravīt || 668 ||
[Analyze grammar]

mā bhaiṣṭa jīvamāneṣu sthiteṣvasmāsu sarvathā || 669 ||
[Analyze grammar]

kiṃ no daityāḥ kariṣyanti sarvathā bhadramastu vaḥ || 670 ||
[Analyze grammar]

prabhāvatīmathovāca pradyumno viklavāṃ sthitām || 671 ||
[Analyze grammar]

pitā tava gadāpāṇiḥ pitṛvyaśca sthitastava || 672 ||
[Analyze grammar]

bhrātaraścaiva te devi jñātayaśca tathāpare || 673 ||
[Analyze grammar]

ete pūjyāśca mānyāśca tavārthe khalu sarvathā || 674 ||
[Analyze grammar]

bhaginyau pṛccha bhadraṃ te kāle'yaṃ khalu dāruṇaḥ || 675 ||
[Analyze grammar]

maraṇaṃ sahamānānāṃ yudhyatāṃ vijayo dhruvam || 676 ||
[Analyze grammar]

dānavendrādayo hyete yotsyante'smadvadhaiṣiṇaḥ || 677 ||
[Analyze grammar]

kimatra kāryamasmābhiḥ sarvaiścakrāntarasthitaiḥ || 678 ||
[Analyze grammar]

prabhāvatī rudantī tu pradyumnamidamabravīt || 679 ||
[Analyze grammar]

śirasyañjalimādhāya jānubhyāṃ patitā kṣitau || 680 ||
[Analyze grammar]

gṛhāṇa śastramātmānaṃ rakṣa śatrunibarhaṇa || 681 ||
[Analyze grammar]

jīvanputrāṃśca dārāṃśca draṣṭāsi yadunandana || 682 ||
[Analyze grammar]

āryāṃ nṛvara vaidarbhīmaniruddhaṃ ca mānada || 683 ||
[Analyze grammar]

smṛtvaitānmokṣayātmānaṃ vyasanādarimardana || 684 ||
[Analyze grammar]

durvāsasā varo datto muninā mama dhīmatā || 685 ||
[Analyze grammar]

vaidhavyarahitā hṛdyā jīvaputrā bhaviṣyasi || 686 ||
[Analyze grammar]

eṣa me hṛdayāśvāso bhavitā na tadanyathā || 687 ||
[Analyze grammar]

sūryāgnitejaso vākyaṃ munerindrānujātmaja || 688 ||
[Analyze grammar]

ityuktvā sāsimādāya sūpaspṛṣṭvā manasvinī || 689 ||
[Analyze grammar]

pradadau raukmiṇeyāya jayasveti varaṃ varā || 690 ||
[Analyze grammar]

sa taṃ jagrāha dharmātmā prahṛṣṭenāntarātmanā || 691 ||
[Analyze grammar]

praṇamya śirasā dattaṃ priyayā bhaktiyuktayā || 692 ||
[Analyze grammar]

candravaty- api nistriṃśaṃ gadāya pradadau mudā || 693 ||
[Analyze grammar]

tathā guṇavatī caiva sāmbāyāsiṃ mahātmane || 694 ||
[Analyze grammar]

haṃsaketumathovāca pradyumnaḥ praṇataṃ prabhuḥ || 695 ||
[Analyze grammar]

ihaiva sāmbasahitau yudhyasva saha dānavaiḥ || 696 ||
[Analyze grammar]

ākāśe dikṣu sarvāsu yotsyāmyahamāriṃdama || 697 ||
[Analyze grammar]

ityuktvātha rathaṃ cakre māyayā māyināṃ varaḥ || 698 ||
[Analyze grammar]

sahasraśirasaṃ nāgaṃ kṛtvā sārathimātmavān || 699 ||
[Analyze grammar]

anantabhogaṃ kauravya sarvanāgottamottamam || 700 ||
[Analyze grammar]

sa tena rathamukhyena harṣayanvai prabhāvatīm || 701 ||
[Analyze grammar]

cacārāsurasainyeṣu tṛṇeṣviva hutāśanaḥ || 702 ||
[Analyze grammar]

śarairāśīviṣaprakhyairardhacandrānukāribhiḥ || 703 ||
[Analyze grammar]

bhedanairgādhanaiścaiva tatarda ditisaṃbhavān || 704 ||
[Analyze grammar]

asurāśca raṇe mattāḥ kārṣṇiṃ śatrairitastataḥ || 705 ||
[Analyze grammar]

jaghnuḥ kamalapatrākṣaṃ paraṃ niścayamāsthitāḥ || 706 ||
[Analyze grammar]

ciccheda bāhūn keṣāṃcitkeyūravalayojjvalān || 707 ||
[Analyze grammar]

sukuṇḍalāni cānyeṣāṃ śirāṃsyapi sa cicchide || 708 ||
[Analyze grammar]

kṣuracchinnaiḥ śirobhistaiḥ kāyaiśca śakalairapi || 709 ||
[Analyze grammar]

asurāṇāṃ mahī kīrṇā pradyumnenātitejasā || 710 ||
[Analyze grammar]

deveśvaro devagaṇaiḥ sahitaḥ samitiṃjayaḥ || 711 ||
[Analyze grammar]

dadarśa mudito yuddhaṃ bhaimānāṃ ditijaiḥ saha || 712 ||
[Analyze grammar]

ye gadaṃ caiva sāmbaṃ ca daityāḥ samabhidudruvuḥ || 713 ||
[Analyze grammar]

te yayurnidhanaṃ sarve yādāṃsīva mahodadhau || 714 ||
[Analyze grammar]

viṣamaṃ tu tadā yuddhaṃ dṛṣṭvā devapatirhariḥ || 715 ||
[Analyze grammar]

gadāya preṣayāmāsa svarathaṃ harivāhanaḥ || 716 ||
[Analyze grammar]

dideśa mātalisutaṃ yantāraṃ ca suvarcasam || 717 ||
[Analyze grammar]

sāmbāyairāvaṇaṃ nāgaṃ preṣayāmāsa ceśvaraḥ || 718 ||
[Analyze grammar]

jayantaṃ raukmiṇeyasya sahāyamadadādvibhuḥ || 719 ||
[Analyze grammar]

airāvaṇamadhiṣṭhātuṃ pravaraṃ sa niyuktavān || 720 ||
[Analyze grammar]

devaputradvijau vīrāvaprameyaparākramau || 721 ||
[Analyze grammar]

anujñāpya varādhyakṣaṃ brahmāṇaṃ lokabhāvanam || 722 ||
[Analyze grammar]

anujñaptau vajriṇaivaṃ kuśalau raṇakarmasu || 722 ||
[Analyze grammar]

taṃ mātalisutaṃ caiva gajamairāvaṇaṃ tadā || 723 ||
[Analyze grammar]

devaḥ preṣitavāñchakro vidhijño varakarmasu || 724 ||
[Analyze grammar]

kṣīṇamasya tapo vadhyo yadunāmeṣa durmatiḥ || 725 ||
[Analyze grammar]

praviśanti tu bhūtāni sarvatra tu yathepsitam || 726 ||
[Analyze grammar]

pradyumnaśca jayantaśca prāptau harmyaṃ mahābalau || 727 ||
[Analyze grammar]

asurāñcharajālaughairvikrāmantau praṇeśatuḥ || 728 ||
[Analyze grammar]

parighairvikramantau ca yudhyantau ca raṇājire || 729 ||
[Analyze grammar]

gadaṃ kārṣṇistadovāca durvāryaṃ raṇadurjayaḥ || 730 ||
[Analyze grammar]

upendrānuja śakreṇa ratho'yaṃ preṣitastava || 731 ||
[Analyze grammar]

hariyuṅ mātalisuto yantā cāyaṃ mahābalaḥ || 732 ||
[Analyze grammar]

pravarādhiṣṭhitaścāyaṃ sāmbasyairāvaṇo gajaḥ || 733 ||
[Analyze grammar]

adyopahāro rudrasya dvārakāyāṃ mahābala || 734 ||
[Analyze grammar]

śva eṣyati hṛṣīkeśastasminvṛtte'cyutānuja || 735 ||
[Analyze grammar]

tasyājñayā vadhiṣyāmo vajranābhaṃ sabāndhavam || 736 ||
[Analyze grammar]

abhyutthānakṛtaṃ pāpaṃ triviṣṭapajayaṃ prati || 737 ||
[Analyze grammar]

kariṣyāmi vidhānaṃ tu naiṣa śakraṃ sutānvitam || 738 ||
[Analyze grammar]

vijeṣyatyapramādastu kartavya iti me matiḥ || 739 ||
[Analyze grammar]

kalatrarakṣaṇaṃ kāryaṃ sarvopāyairnarairyudhi || 740 ||
[Analyze grammar]

kalatradharṣaṇaṃ loke maraṇādatiricyate || 741 ||
[Analyze grammar]

evaṃ saṃdiśya bhaimaḥ sa gadasāmbau mahābalau || 742 ||
[Analyze grammar]

pradyumnakoṭyaḥ sasṛje māyayā divyarūpayā || 743 ||
[Analyze grammar]

tamaśca nāśayāmāsa daityasṛṣṭaṃ durāsadam || 744 ||
[Analyze grammar]

jahṛṣe devarājaśca taṃ dṛṣṭvā ripumardanam || 745 ||
[Analyze grammar]

dadṛśuḥ sarvabhūtāni kārṣṇiṃ sarveṣu śatruṣu || 746 ||
[Analyze grammar]

antarātmani vartantaṃ kṣetrajñamiti taṃ viduḥ || 747 ||
[Analyze grammar]

evaṃ vyatītā rajanī raukmiṇeyasya yudhyataḥ || 748 ||
[Analyze grammar]

sametya ca yathānyāyaṃ kṛṣṇo vāsavasaṃnidhau || 748 ||
[Analyze grammar]

asurāṇāṃ tribhāgaśca nihato nātitejasā || 749 ||
[Analyze grammar]

yāvaddhi yodhayāmāsa kārṣṇirdaityān raṇājire || 750 ||
[Analyze grammar]

saṃdhyopāstā jayantena tāvadviṣṇupadījale || 751 ||
[Analyze grammar]

ayodhayajjayantaśca yāvaddaityānmahābalaḥ || 752 ||
[Analyze grammar]

tāvadākāśagaṅgāyāṃ bhaimaḥ saṃdhyāmupāsta vān || 753 ||
[Analyze grammar]

vaiśaṃpāyana uvāca jagataścakṣuṣi tatastrimuhūrtodite ravau || 754 ||
[Analyze grammar]

prādurāsīddharirdevastārkṣyeṇoragaśatruṇā || 755 ||
[Analyze grammar]

haṃsavāyumanobhiśca suśīgrataragaḥ khagaḥ || 756 ||
[Analyze grammar]

tasthau viyati śakrasya samīpe kurunandana || 757 ||
[Analyze grammar]

sametya ca yathānyāyaṃ kṛṣṇo vāsavasaṃnidhau || 758 ||
[Analyze grammar]

pāñcajanyaṃ vibhurdadhmau daityānāṃ bhayavardhanam || 759 ||
[Analyze grammar]

taṃ śrutvābhyāgatastatra pradyumnaḥ paravīrahā || 760 ||
[Analyze grammar]

vajranābhaṃ jahītyuktaḥ keśavena tvareti ca || 761 ||
[Analyze grammar]

tārkṣyamāruhya gaccheti punareva pracoditaḥ || 762 ||
[Analyze grammar]

cakāra sa tathā vīraḥ praṇipatya surottamau || 763 ||
[Analyze grammar]

sa manoraṃhasā vīrastārkṣyeṇāśu yayau nṛpa || 764 ||
[Analyze grammar]

abhyāśaṃ vajranābhasya mahādvaṃdvasya bhārata || 765 ||
[Analyze grammar]

tatastārkṣyagato vīrastatarda raṇamūrdhani || 766 ||
[Analyze grammar]

vajranābhaṃ sthiro bhūtvā sarvāstravidaninditaḥ || 767 ||
[Analyze grammar]

tena tārkṣyagatenaiva gadayā kṛṣṇasūnunā || 768 ||
[Analyze grammar]

urasyabhihato vīro vajranābho mahātmanā || 769 ||
[Analyze grammar]

sa tenābhihato vīro daityo mohavaśaṃ gataḥ || 770 ||
[Analyze grammar]

cakṣāra ca bhṛśaṃ raktaṃ babhrāma ca gatāsuvat || 771 ||
[Analyze grammar]

āśvasetyatha taṃ kārṣṇiruvāca raṇadurjayaḥ || 772 ||
[Analyze grammar]

labdhasaṃjñaḥ sa vīrastu pradyumnamidamabravīt || 773 ||
[Analyze grammar]

sādhu yādava vīryeṇa ślāghyo mama ripurbhavān || 774 ||
[Analyze grammar]

pratiprahārakālo'yaṃ sthiro bhava mahābala || 775 ||
[Analyze grammar]

evamuktvā mahānādaṃ muktvā meghaśatopamam || 776 ||
[Analyze grammar]

gadāṃ mumoca vegena saghaṇṭāṃ bahukaṇṭakām || 777 ||
[Analyze grammar]

tayā lalāṭe'bhihataḥ pradyumno gadayā nṛpa || 778 ||
[Analyze grammar]

udvaman rudhiraṃ bhūri mumoha yadupuṃgavaḥ || 779 ||
[Analyze grammar]

taṃ dṛṣṭvā bhagavān kṛṣṇaḥ pāñcajanyaṃ jalodbhavam || 780 ||
[Analyze grammar]

dadhmāvāśvāsanakaraṃ putrasya ripunāśanaḥ || 781 ||
[Analyze grammar]

taṃ pāñcajanyaśabdena pratyāśvastaṃ mahābalam || 782 ||
[Analyze grammar]

dṛṣṭvā pramuditā lokā viśeṣeṇendrakeśavau || 783 ||
[Analyze grammar]

tasya cakraṃ kare jātaṃ kṛṣṇacchandena bhārata || 784 ||
[Analyze grammar]

kṣuranemisahasrāraṃ daityasaṃghakulāntakam || 785 ||
[Analyze grammar]

taṃ mumocācyutasutaḥ śatrunāśāya bhārata || 786 ||
[Analyze grammar]

namaskṛtvā surendrāya namaskṛtvā mahātmane || 787 ||
[Analyze grammar]

vajranābhasya tatkāyāduccakarta śirastadā || 788 ||
[Analyze grammar]

nārāyaṇasutonmuktaṃ daityānāmanupaśyatām || 789 ||
[Analyze grammar]

gadaḥ sunābhamavadhīd yatamānaṃ raṇājire || 790 ||
[Analyze grammar]

harmyapṛṣṭhe jighāṃsantaṃ raṇadṛptaṃ bhayānakam || 791 ||
[Analyze grammar]

sāmbaḥ samaramadhyasthānasurānarimardanaḥ || 792 ||
[Analyze grammar]

nināya niśitairbāṇaiḥ pretādhipaparigraham || 793 ||
[Analyze grammar]

nikumbho'pi hate vīre vajranābhe mahāsure || 794 ||
[Analyze grammar]

jagāma ṣaṭpuraṃ vīro nārāyaṇabhayārditaḥ || 795 ||
[Analyze grammar]

nibarhite devaripau vajranābhe durāsade || 796 ||
[Analyze grammar]

avatīrṇau mahātmānau harī vajrapuraṃ tadā || 797 ||
[Analyze grammar]

labdhapraśamanaṃ caiva cakratuḥ surasattamau || 798 ||
[Analyze grammar]

rājyasyāciralabdhasya praśamaṃ paripanthinām || 798 ||
[Analyze grammar]

rañjanaṃ prakṛtīnāṃ ca labdhapraśamanaṃ tadā || 798 ||
[Analyze grammar]

sāntvayāmāsatuścaiva bālavṛddhaṃ bhayārditam || 799 ||
[Analyze grammar]

indropendrau mahātmānau mantrayitvā mahābalau || 800 ||
[Analyze grammar]

āyatyāṃ ca tadātve ca bṛhaspatimatānugau || 801 ||
[Analyze grammar]

vajranābhasya tad rājyaṃ caturdhā cakraturnṛpa || 802 ||
[Analyze grammar]

vijayasya caturbhāgaṃ jayantatanayasya vai || 803 ||
[Analyze grammar]

pradyumnasya caturbhāgaṃ raukmiṇeyasutasya ca || 804 ||
[Analyze grammar]

guṇavate caturbhāgaṃ guṇavatyāḥ sutāya vai || 804 ||
[Analyze grammar]

candraprabhasya dadatuścaturbhāgaṃ janeśvara || 805 ||
[Analyze grammar]

sāmbaputrasya ca tadā caturbhāgaṃ narādhipa || 804 ||
[Analyze grammar]

dadatuśca caturbhāgaṃ sāmbaputrasya dhīmataḥ || 804 ||
[Analyze grammar]

koṭyaścatasro grāmāṇāmadhikāstā viśāṃ pate || 806 ||
[Analyze grammar]

śākhāpurasahasraṃ ca sphītaṃ vajrapuropamam || 807 ||
[Analyze grammar]

caturdhā cakratustatra saṃhṛṣṭau śakrakeśavau || 808 ||
[Analyze grammar]

kambalājinavāsāṃsi ratnāni vividhāni ca || 809 ||
[Analyze grammar]

caturdhā cakraturvīrau vīra vāsavakeśavau || 810 ||
[Analyze grammar]

tato'bhiṣiktāste vīro rājāno vāsavājñayā || 811 ||
[Analyze grammar]

devaduṃdubhivādyena nṛpa viṣṇupadījalaiḥ || 812 ||
[Analyze grammar]

svayaṃ śakreṇa devena keśavena ca dhīmatā || 813 ||
[Analyze grammar]

ṛṣivaṃśe mahātmānaḥ śakramādhavanandanāḥ || 814 ||
[Analyze grammar]

vijayasya prasiddhaiva gātirviyati dhīmataḥ || 815 ||
[Analyze grammar]

mātṛjane guṇenāpi mādhavānāṃ mahātmanām || 816 ||
[Analyze grammar]

abhiṣicya jayantaṃ tu bhagavānvāsavo'bravīt || 817 ||
[Analyze grammar]

tvayaite vīra saṃrakṣyā rājānaḥ samitiṃjaya || 818 ||
[Analyze grammar]

mama vaṃśakaro'traikaḥ keśavasya trayo'nagha || 819 ||
[Analyze grammar]

avadhyāḥ sarvabhūtānāṃ bhaviṣyanti mamājñayā || 820 ||
[Analyze grammar]

gamanāgamanaṃ caiva divi siddhaṃ bhaviṣyati || 821 ||
[Analyze grammar]

triviṣṭapaṃ dvārakāṃ ca ramyāṃ bhaimābhirakṣitām || 822 ||
[Analyze grammar]

diśāgajasutānnāgān hayāṃścoccaiḥśravonvayān || 823 ||
[Analyze grammar]

icchayaiṣāṃ prayacchasva rathāṃstvaṣṭṛkṛtānapi || 824 ||
[Analyze grammar]

gajāvairāvaṇasutau śatruṃjayaripuṃjayau || 825 ||
[Analyze grammar]

prayacchākāśagau vīra sāmbasya ca gadasya ca || 826 ||
[Analyze grammar]

ākāśena purīṃ yāntu dvārakāṃ bhaimarakṣitām || 827 ||
[Analyze grammar]

āyāntu ca sutaṃ draṣṭuṃ yatheṣṭaṃ bhimanandanau || 828 ||
[Analyze grammar]

iti saṃdiśya bhagavāndevarājaḥ puraṃdaraḥ || 829 ||
[Analyze grammar]

jagāma bhagavān svargaṃ dvārakāmapi keśavaḥ || 830 ||
[Analyze grammar]

ṣaṇmāsānuṣitastatra gadaḥ pradyumna eva ca || 831 ||
[Analyze grammar]

sāmbaśca dvārakāṃ yātā yānārūḍhā mahābalāḥ || 832 ||
[Analyze grammar]

adyāpi tāni rājyāni meroḥ pārśve nṛpottare || 833 ||
[Analyze grammar]

sthāsyanti ca jagad yāvattāvatte'marasaṃnibhāḥ || 834 ||
[Analyze grammar]

nivṛtte mausale yuddhe svargaṃ yāteṣu vṛṣṇiṣu || 835 ||
[Analyze grammar]

gadapradyumnasāmbāste gatā vajrapuraṃ vibho || 836 ||
[Analyze grammar]

tataḥ proṣya punaryānti svargaṃ svaiḥ karmabhiḥ śubhaiḥ || 837 ||
[Analyze grammar]

prasādena ca kṛṣṇasya lokakarturjaneśvara || 838 ||
[Analyze grammar]

pradyumnottarametatte nṛdeva kathitaṃ mayā || 839 ||
[Analyze grammar]

dhanyaṃ yaśasyamāyuṣyaṃ śatrunāśanameva ca || 840 ||
[Analyze grammar]

putrapautrā vivardhante ārogyadhanasaṃpadaḥ || 841 ||
[Analyze grammar]

yaśo vipulamāpnoti dvaipāyanavaco yathā || 842 ||
[Analyze grammar]