Brihat-katha-shloka-samgraha [sanskrit]

35,982 words

The Sanskrit edition of the Brihat-katha-shloka-samgraha: an epic story in the form of a narrative detailling Naravahanadatta’s quest to become the emperor of the Vidyadharas. Similair to the Kathasaritsagara, the Brhatkathaslokasamgraha also represents one of the several abridgements of the “Great Story” (Brihatkatha), said to have originally consisted of 700,000 shlokas (metrical verses). Alternative titles: Bṛhatkathāślokasaṃgraha (बृहत्कथाश्लोकसंग्रह), Bṛhatkathāślokasaṅgraha (बृहत्कथाश्लोकसङ्ग्रह), Bṛhat-kathā-śloka-saṃgraha (बृहत्-कथा-श्लोक-संग्रह), Brihatkathashlokasamgraha, Brhatkathaslokasangraha, Brhat-katha-sloka-samgraha (sangraha).

atha gandharvadattāyāstāṃ guṇākārasaṃpadam |
samākarṇyaiva karṇābhyāṃ mano nītaṃ vidheyatām || 1 ||
[Analyze grammar]

pṛcchāmi sma ca bhūyastamapi śakyā bhavenmayā |
draṣṭuṃ gandharvadatteti tena coktaṃ na śakyate || 2 ||
[Analyze grammar]

agāndharveṇa sā draṣṭuṃ devenāpi na śakyate |
yadi cecchatha tāṃ draṣṭuṃ gāndharvaṃ śikṣyatāmiti || 3 ||
[Analyze grammar]

mayoktaṃ nāradīye'pi nivṛtte kila labhyate |
gāndharvaśabdastattasmādasmākaṃ kāryatāmiti || 4 ||
[Analyze grammar]

tato vyāharitastena vīṇācāryaḥ kharasvaraḥ |
naṣṭaśrutisvarajñāno bhūtiko nāma durbhagaḥ || 5 ||
[Analyze grammar]

āsīcca mama taṃ dṛṣṭvā vikṛtaṃ naravānaram |
alaṃ me nāradīyena kṛtaṃ gandharvadattayā || 6 ||
[Analyze grammar]

īdṛśaḥ śiṣyatāṃ gatvā rājyalābho'pi garhati |
anyāyāgatamaiśvaryaṃ nindantyeva hi sādhavaḥ || 7 ||
[Analyze grammar]

abhyutthānābhivādābhyāṃ taṃ vīṇādattakādayaḥ |
apūjayanmayā cāsau na draṣṭumapi pāritaḥ || 8 ||
[Analyze grammar]

atha ruṣṭakaṭākṣeṇa lohitākṣaḥ sa vīkṣya mām |
vīṇādattakadattāyāṃ pīṭhikāyāmupāviśat || 9 ||
[Analyze grammar]

abravīddattakastaṃ ca yakṣībharturdvijanmanaḥ |
bhavānasyopapannasya nāradīyaṃ karotviti || 10 ||
[Analyze grammar]

tenoktaṃ sābhimānatvādayaṃ māmavamanyate |
na ca pārayate dātuṃ dāridryātkākaṇīmapi || 11 ||
[Analyze grammar]

guruśuśrūṣayā vidyā puṣkalena dhanena vā |
na cāsminnekamapyasti yadyasti pratipadyatām || 12 ||
[Analyze grammar]

dattakenoktamācārya virūpaṃ mantritaṃ tvayā |
ko yakṣīkāmukaṃ śakto daridramiti jalpitum || 13 ||
[Analyze grammar]

yasya dāsaḥ sadāso'haṃ tvaṃ jānāsyeva mādṛśaḥ |
sa yakṣīkāmukaḥ kasmāddaridra iti bhaṇyate || 14 ||
[Analyze grammar]

suvarṇānāṃ śataṃ vāpi gṛhyatāṃ tvād śocitam |
patite droṇamegho'pi na tiṣṭhati jalaṃ sthale || 15 ||
[Analyze grammar]

nāradādiparīvārāṃ sa cābhyarcya sarasvatīm |
durvyavasthitatantrīkāṃ vīṇāṃ mahyamupānayat || 16 ||
[Analyze grammar]

mayā tu sā viparyaksthā sthāpitāṅke yadā tadā |
bhūtiko māṃ dhigityuktvā vīṇādattakamuktavān || 17 ||
[Analyze grammar]

na yakṣīkāmuko mandaḥ śakyaḥ śikṣayituṃ mayā |
vīṇāgrahaṇamapyeṣa na jānāti sukhaiditaḥ || 18 ||
[Analyze grammar]

na nāma svayametena yadi vīṇā na vāditā |
ālekhyavādakāḥ ke'pi na dṛṣṭā naṣṭadṛṣṭinā || 19 ||
[Analyze grammar]

iti saṃtakṣya māṃ vāgbhirātodyaṃ parivartya ca |
sa niṣādo niṣādaṃ me ṣaḍja ityupadiṣṭavān || 20 ||
[Analyze grammar]

athāmarṣaparītena dṛḍhaṃ tāḍayatā mayā |
catasraḥ pañca vā tantryaśchinnāścaḍiti visvarāḥ || 21 ||
[Analyze grammar]

athokto dattakastena tantrīvartakasaṃgraham |
akṛtvā kiṃ karotyasya nāradīyaṃ bhavāniti || 22 ||
[Analyze grammar]

ahaṃ tu vismṛtacchadmā chinnatantrīmapi kṣaṇam |
śrutivāsitakarṇatvānmṛdu vīṇāmavādayam || 23 ||
[Analyze grammar]

atha visphāritairnetrairutkarṇā dattakādayaḥ |
kimetaditi jalpanto māmaikṣanta savismayāḥ || 24 ||
[Analyze grammar]

bhūtikastu bhayakrodhalajjāvismayaniṣprabhaḥ |
kākatālīyamityuktvā gata eva sadakṣiṇaḥ || 25 ||
[Analyze grammar]

evaṃ ca divasaṃ nitvā kṛtaprādoṣikāśanaḥ |
āvasaṃ śayanāvāsaṃ mālāghūpādhivāsitam || 26 ||
[Analyze grammar]

haṃsapakṣāṃśukaprāyakomalāstaraṇāstṛtam |
bhāsvadvajraśilāpādamāseve śayanaṃ tataḥ || 27 ||
[Analyze grammar]

rūpākṛṣṭajagannetre yuvatī sārabhūṣaṇe |
rūpājīve śanaiḥ pādau samavāhayatāṃ mama || 28 ||
[Analyze grammar]

sahajāhāryamādhuryaramaṇīyatarākṣaraiḥ |
vacobhiḥ kila te cittaṃ madīyaṃ hartumaicchatām || 29 ||
[Analyze grammar]

vegavatyā vimuktaṃ ca pratibhānti sma tāni mām |
rāsabhīrasitānīva virasāni svakarṇayoḥ || 30 ||
[Analyze grammar]

tāni cāśrotukāmena nidrāvyājaḥ kṛto mayā |
atha prasupta evāsmi nirāśe te ca jagmatuḥ || 31 ||
[Analyze grammar]

ardhe yāte ca yāminyāḥ śvāsānumitacetane |
dṛṣṭatattva ivāvidyāṃ nidrāmatyajamutkaṭām || 32 ||
[Analyze grammar]

citrapaṭṭapidhānāyāṃ tiṣṭhantyāṃ nāgadantake |
vīṇādattakavīṇāyāṃ tato dṛṣṭiṃ nyapātayam || 33 ||
[Analyze grammar]

mama tvasīdavaśyaṃ māṃ netā śvastatra dattakaḥ |
vīṇā ca vādanīyā syāccirotsṛṣṭā ca sā mayā || 34 ||
[Analyze grammar]

vidyā cārādhyamānāpi duḥkhena paricīyate |
bhaktyā mātuḥ sapatnīva nisargakuṭilā hi sā || 35 ||
[Analyze grammar]

vīṇā saṃnihitā ceyaṃ velā ceyaṃ nirākulā |
jijñāse tāvadityenāṃ vicāryāhaṃ gṛhītavān || 36 ||
[Analyze grammar]

utkarṣannapakarṣaṃśca kāścitkāścinmanāṅ manāk |
vyavasthāpayituṃ tantrīḥ karaśākhabhiraspṛśam || 37 ||
[Analyze grammar]

athāśṛṇavamālāpān svasmādvāsagṛhādbahiḥ |
samudrasena godatta dhāva dhāva sakhe drutam || 38 ||
[Analyze grammar]

vīṇādattakabhadrasya gṛheṣu kṛtakarmaṇaḥ |
sarasvatī bhagavatī vīṇāṃ sārayati svayam || 39 ||
[Analyze grammar]

vīṇāyāḥ sāryamāṇāyāḥ svanasyodaya īdṛśaḥ |
samāptasāraṇāyāstu kīdṛṅ nāma bhaviṣyati || 40 ||
[Analyze grammar]

tasmātsarasvatīvīṇe dṛṣṭvā śrutvā ca saṃhate |
netraśrotrāṇi no yānti pavitrakaratāmiti || 41 ||
[Analyze grammar]

athāvalambyattāṃ vīṇāṃ tvarayā nāgadantake |
prāvṛtya saśiraḥpādaṃ kāyaṃ nidrāṃ kilāgamam || 42 ||
[Analyze grammar]

nāgarāstu nyavartanta jalpanto dīnacetasaḥ |
kathaṃ sarasvatī kṣudrairdṛśyate'smadvidhairiti || 43 ||
[Analyze grammar]

yāpitāyāṃ tu yāminyāṃ kṛtapūrvāhṇikakramam |
māmanulbaṇaveṣaṃ ca vanditvā dattako'bravīt || 44 ||
[Analyze grammar]

amī nāgarakāḥ prāptāścitrayānaprasādhanāḥ |
tadgandharvasamasyāyai yuṣmābhirapi gamyatām || 45 ||
[Analyze grammar]

ājñāpayata yānaṃ ca kareṇuturagādikam |
yena vo rocate gantuṃ tena prasthīyatāmiti || 46 ||
[Analyze grammar]

mayoktaṃ gacchatu bhavānvāhanena yathāsukham |
ahaṃ tu pādacāreṇa gacchāmi śanakairiti || 47 ||
[Analyze grammar]

athāsmadanurodhena māṃ purodhāya dattakaḥ |
prasthitaḥ pādacāreṇa sanāgarakamaṇḍalaḥ || 48 ||
[Analyze grammar]

amantrayanta yāntaśca kruddhā nāgarakā mithaḥ |
yakṣīkāmukarūpo'yamanartho'smānupāgataḥ || 49 ||
[Analyze grammar]

vayamasya prasādena tyaktamaṇḍitavāhanāḥ |
āśādīrghāsu rathyāsu caraṇaiḥ saṃcarāmahe || 50 ||
[Analyze grammar]

merordroṇīrivākramanviśikhā vistṛtāyatāḥ |
apaśyaṃ veśmanāṃ mālāstasyaiva sirasāmiva || 51 ||
[Analyze grammar]

prāsādeṣu ca jalpantīrgavākṣapreritekṣaṇāḥ |
kokilāsubhagālāpāḥ śṛṇomi sma kulāṅganāḥ || 52 ||
[Analyze grammar]

ayi māgadhi vaidehi malayāvati yāvani |
yakṣīkāmukamāyātuṃ sakhyaḥ paśyata dhāvata || 53 ||
[Analyze grammar]

khalayā kila yakṣyāyamīrṣyāmuṣitacetasā |
ākāśātpātitaḥ prāpto dattakena sujanmanā || 54 ||
[Analyze grammar]

dhruvaṃ sā rākṣasī yakṣī yadi vā mṛttikāmayī |
kruddhayā mugdhayā vāpi yayā svārtho na cetitaḥ || 55 ||
[Analyze grammar]

atha vā sarvamevedamalīkaṃ pratibhāti mām |
kva yakṣīkāmikaḥ kvāyaṃ kāmaḥ kāmī rateriva || 56 ||
[Analyze grammar]

iti nirdiśyamāno'hamaṅgulībhiritastataḥ |
nayanotpalamālābhirarcyamānaśca yātavān || 57 ||
[Analyze grammar]

atha nāgarakāḥ prāpan sudhāṃ gṛhapatergṛham |
aṅgaṃ gandharvadattāyāsteṣāmiva manorathāḥ || 58 ||
[Analyze grammar]

maṇihāṭakadantādyairaṅgaistaireva kalpitam |
sphuraddivyaprabhāvāttu na vidma kiṃmayairiti || 59 ||
[Analyze grammar]

tataḥ prathamakakṣāyāmapaśyaṃ saṃnidhāpitām |
āsanānāṃ catuḥṣaṣṭiṃ mahāpaṭṭorṇaveṣṭitam || 60 ||
[Analyze grammar]

teṣu nāgarakaḥ kaścitkāṃścidāha sma sasmitam |
aho mahākhalīkāro yakṣīkāmukamāgataḥ || 61 ||
[Analyze grammar]

sānudāsābhyanujñātāḥ suhṛdo dattakādayaḥ |
samāyātāścatuḥṣaṣṭistāvantyevāsanānyapi || 62 ||
[Analyze grammar]

yakṣīkāmukamālokya pañcaṣaṣṭamanāsanam |
yatsatyaṃ lajjito'smīti tataścoktamṛjurbhavān || 63 ||
[Analyze grammar]

āyatto dattako yasya saputrapaśubāndhavaḥ |
tena gandharvadattāpi sulabhā kimutāsanam || 64 ||
[Analyze grammar]

pañcaṣaṣṭamadṛṣṭvā tu nikṣiptaṃ tatra dattakaḥ |
dattavān svayamākṛṣya mahyamātmīyamāsanam || 65 ||
[Analyze grammar]

te'pi nāgarakāḥ śeṣāḥ sthite tiṣṭhati dattake |
tiṣṭhanti sma sthitā eva bhṛtakā iva bhartari || 66 ||
[Analyze grammar]

athānyadāsanaṃ dattaṃ dattakāyojjvalaprabham |
sa tadadhyāsta śeṣāśca yathāsanamupāviśan || 67 ||
[Analyze grammar]

tatastriṃśacchataṃ tasmādgaṇikānāṃ vinirgatam |
gṛhādasurakanyānāṃ mahāsurapurādiva || 68 ||
[Analyze grammar]

āttaśṛṅgārabhṛṅgārā kācidāvarjayajjalam |
tāsāṃ pratyekamekaikā teṣāṃ pādānadhāvata || 69 ||
[Analyze grammar]

madīyastu yayā pādaḥ pāṇibhyāmavalambitaḥ |
tayā svedajalenaiva dhautaḥ ślathaśarīrayā || 70 ||
[Analyze grammar]

āvarjitavatī yā ca jalaṃ lulitalocanā |
visrastahastayā hastādbhṛṅgāraḥ pātitastayā || 71 ||
[Analyze grammar]

praviśandhautapādaśca śṛṇomi sma prajalpitāḥ |
prāṃśuprākāragarbhasthāḥ śrutihārigiraḥ striyaḥ || 72 ||
[Analyze grammar]

anartho'yamupanyastaḥ sānudāsena dāruṇaḥ |
śulkaṃ gandharvadattāyāvīṇāvādananāmakam || 73 ||
[Analyze grammar]

yadi rūpamupanyasyecchulkaṃ gṛhapatistataḥ |
na yakṣīkāmukādanyaṃ prāpnuyādbhartṛdārikā || 74 ||
[Analyze grammar]

vīnāyāṃ tu prayuktāyāṃ bhagno'yaṃ no manorathaḥ |
hyo yasmādbhūtikenāsya nāradīyaṃ kṛtaṃ kila || 75 ||
[Analyze grammar]

idaṃ tāvanmahadduḥkhaṃ yad yakṣīkāmuko'nayā |
ayaṃ nāsulabhībhūtaḥ śulkadoṣānna labhyate || 76 ||
[Analyze grammar]

idaṃ tu duḥsahataraṃ yadimāṃ bakulāvalīm |
anātmajño balātko'pi gale tāṃ lambayiṣyati || 77 ||
[Analyze grammar]

vīṇāvādanaśulkeyaṃ sābhiyogāśca nāgarāḥ |
prajāpatiśca durlagnaḥ sarvathā śivamastviti || 78 ||
[Analyze grammar]

atha niṣkampakālindīsalilasvacchakuṭṭimām |
jvalanmaṇiśilāstambhāṃ viśālāṃ prāviśaṃ sabhām || 79 ||
[Analyze grammar]

sabhā nāgarakaiḥ sābhādbhinnaprabhavibhūṣaṇaiḥ |
upatyakāsthalī meroḥ phullaiḥ kalpadrumairiva || 80 ||
[Analyze grammar]

atha haṃsa ivotsārya nalinīdalamaṇḍalam |
nirgataḥ kañcukī prerya tiraskariṇikāmbaram || 81 ||
[Analyze grammar]

sa nāgarakasaṃghātamavocadvinayānataḥ |
vijñāpayati vaḥ śreṣṭhī svāgataṃ guṇarāgiṇām || 82 ||
[Analyze grammar]

bhavadbhirvarṇasaṃpannairantaḥsārairidaṃ gṛham |
śātakumbhamayaiḥ pūtaṃ gaṅgāmbhaḥkalaśairiva || 83 ||
[Analyze grammar]

yadi sarve samāyātāyāto vāgamanaśramaḥ |
tato gandharvadattāyai nirdeśo dīyatāmiti || 84 ||
[Analyze grammar]

te parasparamālokya vidrāṇavadanaprabhāḥ |
hrītāḥ sadiśamākāśamapaśyanproṣitottarāḥ || 85 ||
[Analyze grammar]

tataḥ kañcukinā vaktraṃ kṣaṇāddīnatayā kṛtam |
samare kātarasyeva sannacakṣuḥkapolakam || 86 ||
[Analyze grammar]

pratyekaṃ ca mukhānyeṣāmavalokya ciraṃ ciram |
sa yadā yātumārabdhastadāhūya mayoditaḥ || 87 ||
[Analyze grammar]

samāptapratikarmā vā kalyā vā yadi sā tataḥ |
āgacchatu kimadyāpi dṛṣṭairnāgarakairiti || 88 ||
[Analyze grammar]

etāvataiva dattasya tattādṛgmlānamānanam |
jātamucchvasitaṃ svinnakapolasthalapīvaram || 89 ||
[Analyze grammar]

alapatsānudāsasya prītaḥ parijanastataḥ |
yakṣīkāmuka vandyo'si sarvathā śobhitaṃ tvayā || 90 ||
[Analyze grammar]

vāṅmātreṇāpi bhavataścirāducchvasitā vayam |
avagrahe hi jīmūto visphūrjannapi śobhate || 91 ||
[Analyze grammar]

tadevaṃ yādṛśaṃ rūpaṃ yādṛśī cātidhīratā |
tādṛśaṃ yadi vijñānaṃ bhavetkiṃ na bhavediti || 92 ||
[Analyze grammar]

eko nāgarakaścaikamavocaddarśitasmitaḥ |
uddāmitamukhā loke sukhaṃ jīvanti nistrapāḥ || 93 ||
[Analyze grammar]

ko hi vedajaḍaṃ muktvā chāndasaṃ chāttramatrapam |
madhye mahāmanuṣyāṇāmevamuddāmayenmukham || 94 ||
[Analyze grammar]

yakṣīkāmukaśabdo'pi śabda evāsya kevalam |
kva ca priyaguṇā yakṣī guṇa ṛddhiḥ kva cedṛśaḥ || 95 ||
[Analyze grammar]

yatkiṃcidapi bālānāṃ cetastoṣāya kalpate |
utkaṭena hi nāmnāpi prāyastuṣyanti ḍiṇḍikāḥ || 96 ||
[Analyze grammar]

śrutvedamitareṇoktaṃ mā sma nindadbhavānimam |
ko jānāti manuṣyāṇāṃ caritaṃ gūḍhacāriṇām || 97 ||
[Analyze grammar]

yakṣīkāntaḥ prakṛṣṭena dhārṣṭyenājñāpayannapi |
yathā paricitaśrīkastathā māṃ prati śobhate || 98 ||
[Analyze grammar]

tato javanikāṃ prerya kanyā kañcukibhirvṛtā |
devī gandharvadattāgādabhibhūtasabhāprabhā || 99 ||
[Analyze grammar]

kathayāmi kathaṃ rūpaṃ tasyāḥ saṃkṣiptamucyate |
pravrajyāmāsthitā nūnamidānīmapsarogaṇāḥ || 100 ||
[Analyze grammar]

kalpitaṃ ca sabhāmadhye padmarāgaśilāmayam |
candralekheva saṃdhyābhramadhyāsta caturantakam || 101 ||
[Analyze grammar]

tejaso'bhibhavāttasyāḥ saṃkucanti sma nāgarāḥ |
bālāyāḥ śaśilekhāyāḥ puṇḍarīkākarā iva || 102 ||
[Analyze grammar]

sātha prajñāvacaḥśūnyāṃ rūpamātrakaśālinīm |
paribhūtavatī goṣṭhīṃ sabhāstambhāvalīmiva || 103 ||
[Analyze grammar]

atha dakṣiṇamutkṣipya karaṃ kañcukinoditam |
śrūyatāṃ śreṣṭhino vākyaṃ bho nāgarakakuñjarāḥ || 104 ||
[Analyze grammar]

āste gandharvadatteyamiyaṃ vīṇā ca sāritā |
yo vo vādayituṃ śaktaḥ sa kiṃ tiṣṭhati ḍhaukatām || 105 ||
[Analyze grammar]

aśeṣairna ca kartavyā paripāṭirapārthikā |
sā hi yuṣmākamasyāśca lajjākhedaprayojanā || 106 ||
[Analyze grammar]

tataḥ svayaṃ bhavadbhiśca yasminvo bhāvanāhitā |
yuṣmānātmānametāṃ ca sa kleśānmocayatviti || 107 ||
[Analyze grammar]

atha nāgarakāḥ sarve vīṇādattakamabruvan |
tvaṃ naḥ pūjyaḥ pravīṇaśca tasmādutthīyatāmiti || 108 ||
[Analyze grammar]

sa yadā kampitaśirānecchati sma tadāparaḥ |
saṃbhāvitatamasteṣāṃ gatvā vīṇāmavādayat || 109 ||
[Analyze grammar]

tasmindoṣairasaṃkīrṇān guṇānmadhuratottarān |
saṃpādayati śabdo'bhūduccakaiḥ sādhu sādhviti || 110 ||
[Analyze grammar]

tato gandharvadattāyāṃ pragītāyāmabhūnmama |
are jñātaṃ mayedānīṃ tenaivāmī vṛthāśramāḥ || 111 ||
[Analyze grammar]

purā vāmanarūpeṇa baliṃ chalayatā kila |
tripiṣṭapaṃ tribhiḥ krāntaṃ vikramaiścakrapāṇinā || 112 ||
[Analyze grammar]

taṃ ca viśvāvasurnāma gandharvagaṇasevitaḥ |
krāmantaṃ gaganaṃ vegāttriścakāra pradakṣiṇam || 113 ||
[Analyze grammar]

tena ca svayamutpādya stuvatā garuḍadhvajam |
nārāyaṇastutiṃ nāma gītaṃ gītakamadbhutam || 114 ||
[Analyze grammar]

nāradena tataḥ prāptaṃ nāradādvṛtraśatruṇā |
arjunena tatastasmādvirāṭasutayā kila || 115 ||
[Analyze grammar]

parīkṣitprāpnuyānmātustato'pi janamejayaḥ |
iti kramāgataṃ tātastātādāgamitaṃ mayā || 116 ||
[Analyze grammar]

gāndhāragrāmasaṃbaddhaṃ kva gāndhāraḥ kva mānuṣāḥ |
svargānnānyatra gāndhāra ityāhurnāradādayaḥ || 117 ||
[Analyze grammar]

tena yo'yaṃ na jānāti na cedabhyupagacchati |
tadasaṃpādayanneva jāyate doṣavānasau || 118 ||
[Analyze grammar]

ahaṃ punaridaṃ jānan sadyaḥ pariṇamatphalam |
puro nāgarakāṇāṃ ca yathāsāmarthyamutsahe || 119 ||
[Analyze grammar]

mayi saṃkalpayatyevamasau nāgarakarṣabhaḥ |
smayamāno vilakṣyatvātsvamevābhajatāsanam || 120 ||
[Analyze grammar]

tataḥ pratihate tasmin suhṛdmaṇḍalamaṇḍane |
raṅgo bhaṅgamagṛhṇātsa nigṛhyajyeṣṭhamallavat || 121 ||
[Analyze grammar]

atha māṃ janitotsāhamuttiṣṭhāsantamāsanāt |
dṛṣṭvā saṃbhāvitājñānaṃ lajjayāgrāhi dattakaḥ || 122 ||
[Analyze grammar]

anyena ca nimittena calito'haṃ kilāsanāt |
tenoktaṃ saṃkaṭāsthānādanyatra sthīyatāmiti || 123 ||
[Analyze grammar]

tatastamuktavānasmi kimidaṃ na tvayā śrutam |
pathā sakṛtpravṛttāyāḥ kiṃ karotyavaguṇṭhanam || 124 ||
[Analyze grammar]

praviṣṭo'haṃ suhṛdgoṣṭhīṃ yathaiva baṭucāpalāt |
tathā gandharvadattāpi dhṛṣtamājñāpitā mayā || 125 ||
[Analyze grammar]

tadasyā baṭuvidyāyāḥ prāntamaprāpya mādṛśaḥ |
hā kaṣṭaṃ vañcito'smīti paścāttāpena khedyate || 126 ||
[Analyze grammar]

yatra cāmī na lajjante salajjāḥ suhṛdastava |
tatra nirlajjatāślāghī lajjayaiva hi lajjate || 127 ||
[Analyze grammar]

samarthayati mayyevaṃ dattako'pi niruttaraḥ |
aho sāhasamityuktvā tūṣṇīṃbhāvamupeyivān || 128 ||
[Analyze grammar]

ahamapyāsanaṃ tyaktvā tiryakpaśyati dattake |
pārśve gandharvadattāyādattamāsanamāsthitaḥ || 129 ||
[Analyze grammar]

atha kañcukinānītāṃ vīṇāṃ dṛṣṭvāhamuktavān |
aparānīyatāmārya naitāṃ spṛśati mādṛśaḥ || 130 ||
[Analyze grammar]

udaraṃ dṛṣṭametasyālūtātantunirantaram |
jaḍatāṃ gamitā yena paṭutantrīparaṃparā || 131 ||
[Analyze grammar]

smitadarśitadantāgrairanyataḥ kṣiptadṛṣṭibhiḥ |
māmālokya tathābhūtamuktaṃ nāgarakairiti || 132 ||
[Analyze grammar]

brāhmaṇaḥ pūjyatāmeṣa nirlajjāgrapatākayā |
yena sāhasamārabdhaṃ svaguṇākhyāpanopamam || 133 ||
[Analyze grammar]

tantrīkiṇakaṭhorāgrāviśīrṇakarajātatāḥ |
karaśākhāśca no jātāna ca saṃbhāvanedṛśī || 134 ||
[Analyze grammar]

ayaṃ tu komalāgrabhistantrīraṅgulibhiḥ spṛśan |
kadā vādayitā vīṇāṃ vedavedāṅgapāragaḥ || 135 ||
[Analyze grammar]

sarvathāyamabhiprāyo mayaitasyopalakṣitaḥ |
prītimutpādayiṣyāmi tāval locanayoriti || 136 ||
[Analyze grammar]

yāvadutsāryate vīṇā yāvaccānīyate'parā |
tāvadgandharvadattāyārūpaṃ paśyāmyavāritaḥ || 137 ||
[Analyze grammar]

rathyācatvarayātrāsu vakṣyāmi janasaṃnidhau |
īdṛśī tādṛsī dṛṣṭā rūpiṇī yuvatirmayā || 138 ||
[Analyze grammar]

lūtātantutataṃ cāyaṃ vīṇākarparamāha yat |
kiṃ tatsatyaṃ mṛṣetyetaddevairvijñāyatāmiti || 139 ||
[Analyze grammar]

udveṣṭite ca tattasmindṛṣṭaṃ veṣṭanacarmaṇi |
tantucakraṃ bhayodbhrāntalūtāmaṇḍalasaṃkulam || 140 ||
[Analyze grammar]

atha gandharvadattāyājātamaṅgaṃ nirīkṣya mām |
vepathusvedaromāñcalajjāvidhuramākulam || 141 ||
[Analyze grammar]

aparāpi mayā vīṇā samāsphālya paṭukvaṇā |
keśadūṣitatantrīkā prathameva vivarjitā || 142 ||
[Analyze grammar]

sānudāsastato vīṇāṃ sugandhikusumārcitām |
kacchapākāraphalakāmādāya svayamāgataḥ || 143 ||
[Analyze grammar]

māṃ ca pradakṣiṇīkṛtya savikāratanūruhaḥ |
gandharvadattāmiva tāmadadātsubhagasvanām || 144 ||
[Analyze grammar]

mayā tu dhautapādena vīṇāṃ kṛtvā pradakṣiṇām |
abhuktāmbarasaṃvītaṃ pīṭhapṛṣṭhamadhiṣṭhitam || 145 ||
[Analyze grammar]

manāksaṃspṛṣṭamātrāśca karaśākhāmukhaiḥ svayam |
tantrībandhā yathāsthānamasarandhaivatādikam || 146 ||
[Analyze grammar]

tatastantrīṣu gāndhāre jṛmbhamānāsu mantharam |
gandharvadattāmavadaṃ bhīru saṃgīyatāmiti || 147 ||
[Analyze grammar]

sā pragalbhāpi gāndhāramākarṇyāmaragocaram |
tathā ca dhṛṣṭamādiṣṭā bālāśālīnatāṃ gatā || 148 ||
[Analyze grammar]

tāṃ ca pravartayanbhītāṃ trapājanitamūkatām |
tadeva gītakaṃ divyamahaṃ mandamavādayam || 149 ||
[Analyze grammar]

hṛte tasyāstrapāsenau saṃdarśitapathā yathā |
lokaṃ pāvayituṃ puṇyā prāvartata sarasvatī || 150 ||
[Analyze grammar]

vṛttibhirdakṣiṇādyābhistadgītaṃ gītakaṃ tayā |
uparyupari pāṇyantaiḥ pāṇibhiryojitaṃ mayā || 151 ||
[Analyze grammar]

āsīdidaṃ tamobhūtamaprajñātamalakṣaṇam |
tadgītamātraviṣayaśrotramātrajagad tadā || 152 ||
[Analyze grammar]

sabhāyāṃ gāḍhamūrcchāyāṃ mṛdu tadgītavādinam |
paṭubhirdundubhidhvānairabhibhūtaṃ vimāninām || 153 ||
[Analyze grammar]

patitāsu saratnāsu divaḥ kusumavṛṣṭiṣu |
kañcukī cetanāprāptānabhāṣata sabhāsadaḥ || 154 ||
[Analyze grammar]

bho bho nirmatsarāḥ santaḥ satyamākhyāta sādhavaḥ |
gītaṃ yadanayānena kiṃ tatsaṃvāditaṃ na hi || 155 ||
[Analyze grammar]

athodyamitahastaistaiḥ samastairuktamuccakaiḥ |
dharmyaśulkārjitāmeṣa kanyakāṃ labhatāmiti || 156 ||
[Analyze grammar]

tiraskariṇikāṃ nītvā tataḥ kañcukināntarā |
bahiṣkṛtā nāgarakānāstikāstridivādiva || 157 ||
[Analyze grammar]

nirgacchanti hatacchāyāste khaṇḍitamanorathāḥ |
svabhyastaguṇavaiphalyaṃ guṇinaḥ kānna tāpayet || 158 ||
[Analyze grammar]

savīṇādattako'haṃ tu śreṣṭhinābhyantarīkṛtaḥ |
parīkṣya bahuśo rājñā sacivo guṇavāniva || 159 ||
[Analyze grammar]

abhāṣata ca nirgacchaṃsteṣu nāgarakarṣabhaḥ |
yakṣīkāmuka devastvamamānuṣaparākramaḥ || 160 ||
[Analyze grammar]

vayaṃ gandharvadattā ca sānudāsaśca sānugaḥ |
kṛcchrāmāpadamāpannālīlayaiva tvayoddhṛtāḥ || 161 ||
[Analyze grammar]

kāśmaryaḥ khadirāḥ śākāścampakāśca saveṇavaḥ |
ātodyāṅgārthamutkhātāḥ prarohantu yathā purā || 162 ||
[Analyze grammar]

agnihotrāṇi hūyantāṃ dvijāḥ saṃdhyāmupāsatām |
kumāryaḥ pariṇīyantāṃ prasūyantāṃ kulastriyaḥ || 163 ||
[Analyze grammar]

parivrājakanirgranthabhikṣupāśupatādayaḥ |
guruvaktrābhisaṃkrāntān svasiddhāntānadhīyatām || 164 ||
[Analyze grammar]

śāntavīnopasargatvātsakīranagarāḥ sukham |
sacampāmagadhāścāṅgāḥ svasthāṅgāḥ śeratāmiti || 165 ||
[Analyze grammar]

tato gṛhapatirdīnaḥ prārthanābhaṅgaśaṅkayā |
vīṇādattakamālokya prāvocannīcakaistarām || 166 ||
[Analyze grammar]

praśastaṃ dinamadyaivaṃ tenāyaṃ pauruṣārjitaḥ |
ślāghyo gandharvadattāyāḥ karaḥ saṃskrīyatāmiti || 167 ||
[Analyze grammar]

ahaṃ tu sābhilāṣo'pi darśitālīkadhīrataḥ |
avocaṃ smitasaṃkīrṇāmanāsthāmantharāṃ giram || 168 ||
[Analyze grammar]

dvijo'haṃ merukailāsatulyāmalakulodbhavaḥ |
pariṇetuṃ na me yuktamasavarṇāmimāmiti || 169 ||
[Analyze grammar]

athoktaṃ sānudāsena viśrabdhaṃ pariṇīyatām |
yuṣmākaṃ hi savarṇeyamutkṛṣṭā vā bhavediti || 170 ||
[Analyze grammar]

āsīcca mama kiṃ mattaḥ kimunmattaḥ kimārjavaḥ |
ayaṃ yasmādasaṃbaddhamabuddhiriva bhāṣate || 171 ||
[Analyze grammar]

ahaṃ ceyaṃ ca yadyasya brāhmaṇāviti niścayaḥ |
tato matkathamutkṛṣṭā brāhmaṇī brāhmaṇādiyam || 172 ||
[Analyze grammar]

atha imāṃ brāhmaṇīmeṣa manyate kṣatriyaṃ tu mām |
tathā sati kathāpyeṣā kriyamāṇā virudhyate || 173 ||
[Analyze grammar]

kiṃ tu saṃbhāvyate nāyamasaṃbaddhaṃ prabhāṣitum |
yena dharmārthaśāstrārthakṣuṇṇadhīriva bhāṣate || 174 ||
[Analyze grammar]

agrajo'varajāṃ bhāryāṃ svīkurvanna praduṣyati |
te ca svā caiva nṛpaterityuktaṃ manunā yataḥ || 175 ||
[Analyze grammar]

pratyākhyānaṃ ca nitarāmiyaṃ nārhati ninditam |
yasmādakhaṇḍitājñena dāpitā guruṇaiva me || 176 ||
[Analyze grammar]

yadahaṃ grāhitastena vijñānamatimānuṣam |
dāpitā yena tenaiva tena tenaiva dāpitā || 177 ||
[Analyze grammar]

na cāvaśyaparigrāhyā kumārī ciramarhati |
sābhilāṣā viśeṣeṇa pratyākhyānakadarthanām || 178 ||
[Analyze grammar]

tasmādalaṃ mamānena nirbandheneti niścitam |
arthitāṃ sānudāsasya tatheti samamānayam || 179 ||
[Analyze grammar]

atha vaiśravaṇasyeva sūnorākhaṇḍalātmajaḥ |
karaṃ gandharvadattāyāḥ sasaṃskāramupādade || 180 ||
[Analyze grammar]

mandaṃ pādatalena tālamanayā yatkuṭṭayantyāciraṃ gītaṃ māmabhi visphuratkuharitaṃ tāraiḥ subhugnabhruvā |
tenaiva pratanūkṛtāmapaharannasyāḥ krameṇa trapāṃ nirvāṇānmahatāntareṇa subhagaṃ saṃsāramajñāsiṣam || 181 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Brihat-katha-shloka-samgraha Chapter 17

Cover of edition (1990)

Brihat Katha Shloka Samgraha (Hindi translation)
by Shri Budhaswami (श्री बुधस्वामी) (1990)

340 pages; बृहत्कथा श्लोक संग्रह; [Publisher: Bihar Rashtrabhasha Parishad]

Buy now!
Cover of edition (2019)

The Katha Sarit Sagara: The Ocean of the Streams of Story (2 Volumes)
by C.H. Tawney (2019)

1412 pages; (Translated from the Original Sanskrit); [Publisher: Munshiram Manoharlal Publishers Pvt. Lt.]; ISBN: 9788121505017

Buy now!
Like what you read? Consider supporting this website: