Brihat-katha-shloka-samgraha [sanskrit]

35,982 words

The Sanskrit edition of the Brihat-katha-shloka-samgraha: an epic story in the form of a narrative detailling Naravahanadatta’s quest to become the emperor of the Vidyadharas. Similair to the Kathasaritsagara, the Brhatkathaslokasamgraha also represents one of the several abridgements of the “Great Story” (Brihatkatha), said to have originally consisted of 700,000 shlokas (metrical verses). Alternative titles: Bṛhatkathāślokasaṃgraha (बृहत्कथाश्लोकसंग्रह), Bṛhatkathāślokasaṅgraha (बृहत्कथाश्लोकसङ्ग्रह), Bṛhat-kathā-śloka-saṃgraha (बृहत्-कथा-श्लोक-संग्रह), Brihatkathashlokasamgraha, Brhatkathaslokasangraha, Brhat-katha-sloka-samgraha (sangraha).

atha nāgarakākārastadākārasuhṛdvṛtaḥ |
saṃprasthāpya manaḥ pūrvaṃ nṛpāsthānamagāmaham || 1 ||
[Analyze grammar]

tatra puṣpakasaṃsthānamañcasthānaṃ mahīpatim |
praṇamya tadanujñātaṃ mañcāntaramaseviṣi || 2 ||
[Analyze grammar]

raṅgāṅgaṇamathālokya kuśalaprekṣakākulam |
nṛtyācāryau namaskṛtya mahīpālamavocatām || 3 ||
[Analyze grammar]

rājannupāntanepathye bhṛtye vaḥ samupāgate |
draṣṭumicchatha yāṃ pūrvamājñāpayata tāmiti || 4 ||
[Analyze grammar]

so'bravīnnṛtyagītādikalāśāstraviśāradaḥ |
gomukhaḥ sa ca yāmāha sā pūrvaṃ nṛtyatāmiti || 5 ||
[Analyze grammar]

tābhyāmāgatya pṛṣṭaśca kā pūrvaṃ nṛtyatāmiti |
sa suyāmunadanteti tadupādhyāyamādiśat || 6 ||
[Analyze grammar]

tatastasyāṃ pranṛttāyāṃ pranṛttā nṛtyavedinaḥ |
raṅgaśeṣastu niśceṣṭaḥ suṣuptāvasthāṃ gataḥ || 7 ||
[Analyze grammar]

pratyāhṛtya tataśceto hriyamāṇaṃ balāttayā |
manonetrāṅgasaṃcārairanāhāryairacintayam || 8 ||
[Analyze grammar]

nānugantumalaṃ rambhā nṛttamasyāḥ samenakā |
kuta eva parājetumabalā bālikā priyā || 9 ||
[Analyze grammar]

rājahaṃsaḥ pipāsāndhaḥ prāptaḥ paṅkajinīṃ yathā |
paṅkāvilajalāṃ paśyettathādhyāsamahaṃ priyām || 10 ||
[Analyze grammar]

avocaṃ gomukhaṃ cedaṃ jīyamānāṃ priyāmaham |
aśaktaḥ prekṣituṃ tena raṅgānnirgamyatāmiti || 11 ||
[Analyze grammar]

tenoktamicchayā gantumāgantuṃ vā na labhyate |
vatsarājakulāttena muhūrtaṃ sthīyatāmiti || 12 ||
[Analyze grammar]

viratāyāṃ tatastasyāṃ purāṇārkarucāviva |
jīvalokamiva jyotsnā priyā raṅgamarañjayat || 13 ||
[Analyze grammar]

apṛcchaṃ gomukhaṃ cāsāṃ katamā padmadevikā |
mudrikālatikā ceti sa vihasyedamabravīt || 14 ||
[Analyze grammar]

kīrtikāntyoriyaṃ madhye yā lakṣmīriva rājate |
eṣā naḥ svāminī devī vāmato mudrikālatā || 15 ||
[Analyze grammar]

na ceyaṃ śakyate jetumalaṃ vaḥ śaṅkayā yataḥ |
dṛṣṭā kena śarajjyotsnā khadyotaprabhayā jitā || 16 ||
[Analyze grammar]

mayā vijayamāneyamanekaṃ nartakīśatam |
dṛṣṭā saṃbhāvayāmyasyāstena nṛttaguṇāniti || 17 ||
[Analyze grammar]

gomukhābhimukho yāvatsāvadhānaṃ śṛṇomyaham |
tāvajjaya jayetyuccairvimuktaḥ prekṣakairdhvaniḥ || 18 ||
[Analyze grammar]

raṅgāddṛṣṭā ca niryāntī bādhyamāneva sā mayā |
dainyavepathuvaivarṇyaviṣādaiḥ sahajairiva || 19 ||
[Analyze grammar]

tato visarjitāsthānaṃ namaskṛtya mahīpatim |
svamāvāsaṃ vrajāmi sma kāntācintāpuraḥsaraḥ || 20 ||
[Analyze grammar]

gomukhaṃ cābravaṃ kasmānmāmidānīmupekṣase |
na hyādeśamupekṣante tvādṛśā mādṛśāmiti || 21 ||
[Analyze grammar]

tenoktamaparaḥ kaścitpratyayārthaṃ visarjyatām |
śraddhāsyati na me vākyaṃ vipralabdhā hi sā mayā || 22 ||
[Analyze grammar]

eṣāmanyatamaṃ yāhi gṛhītveti mayodite |
marubhūtika evātra yogya ityayamuktavān || 23 ||
[Analyze grammar]

ayaṃ hariśikhastāvannītyā vakragatiḥ kṛtaḥ |
apāyaśatamālokya kadācijjālamālikhet || 24 ||
[Analyze grammar]

kathaṃ kaṣṭatame bālo vyasanānāṃ catuṣṭaye |
yatpradhānastriyastatra rājaputraḥ pravartyate || 25 ||
[Analyze grammar]

evamaṅgulibhaṅgena vicāryālīkapaṇḍitaḥ |
vihanyādapi naḥ kāryaṃ tasmādeṣa na yujyate || 26 ||
[Analyze grammar]

tapantako'pi bālatvānmūḍhaḥ śūnyamukho yataḥ |
tasmādevaṃvidhe kārye niyogaṃ nāyamarhati || 27 ||
[Analyze grammar]

vikramaikarasatvācca samartho marubhūtikaḥ |
abhyastasāhasastasmādeṣa prasthāpyatāmiti || 28 ||
[Analyze grammar]

tatastau sahitau yātau cirāttu marubhūtikam |
prāptaṃ hariśikho'pṛcchatkiṃ vṛttaṃ bhavatoriti || 29 ||
[Analyze grammar]

tenoktamāvayostāvadveśamadhena gacchatoḥ |
āyātyabhimukhī yaiva saiva yāti parāṅmukhī || 30 ||
[Analyze grammar]

bhañjantī cāṅgulīḥ krodhādvadatyāraktalocanā |
na spraṣṭavyo na saṃbhāṣyo gomukhaḥ pāpavāniti || 31 ||
[Analyze grammar]

kruddhadauvārikākrāntahāṭakastambhatoraṇaiḥ |
kakṣyādvāraiḥ praviṣṭau svaḥ sthānamaryasutāsthitam || 32 ||
[Analyze grammar]

tatraikā dārikāvocaddārikāḥ paśyatādbhutam |
dhūrtenānena cāturyādgomayaṃ pāyasīkṛtam || 33 ||
[Analyze grammar]

aparādho'yametāvatsarpaḥ prāṇaharaḥ kṛtaḥ |
tameva paśyatānena vācālena guṇīkṛtam || 34 ||
[Analyze grammar]

vandamāno yadā kopātsvāminyā nābhinanditaḥ |
saṃbhrāntaśca vilakṣaśca tadā tāmāha gomukhaḥ || 35 ||
[Analyze grammar]

manye niṣkāraṇaṃ kopaṃ devyāḥ ko nāma mādṛśaḥ |
sevakaḥ paricittajñaḥ svāminaṃ kopayediti || 36 ||
[Analyze grammar]

tathānyatamayā kopāttālavṛntabhṛtoditam |
kathaṃ niṣkāraṇo nāma kimidaṃ laghu kāraṇam || 37 ||
[Analyze grammar]

utkaṇṭhādarśamicchantī kasyāpi cirakāṅkṣitam |
tvayā nartayatā kāntā kimiyaṃ sukhamāsitā || 38 ||
[Analyze grammar]

atha vā tadgataṃ nāma svāmī kiṃ karaṇaṃ tvayā |
paśyannabhimukhaṃ prītyā sa tathā vimukhīkṛtaḥ || 39 ||
[Analyze grammar]

bhavānpaśyatu vā mā vā tvadvidheyo yuvā janaḥ |
tvamicchasi jayaṃ yasyāḥ kimasau na parājitā || 40 ||
[Analyze grammar]

tato bhiyāvanamitaṃ mukhamunnamya gomukhaḥ |
uktavānpaśyatānarthaṃ doṣo bhūto guṇo'pi naḥ || 41 ||
[Analyze grammar]

yadi prāksvāminī nṛtyettayā rājā sutoṣitaḥ |
kadāciditarāṃ naiva paśyedvṛttakutūhalaḥ || 42 ||
[Analyze grammar]

tadā ca guṇavidveṣī jano vaktā bhaved yathā |
pakṣapātānnarendreṇa dṛṣṭā madanamañjukā || 43 ||
[Analyze grammar]

itarā yadi nṛtyantī tena dṛṣṭā bhavettadā |
norvaśīmapi paśyetsaḥ kuto madanamañjukām || 44 ||
[Analyze grammar]

prītyā yaśconmukhaḥ paśyan kṛtaḥ svāmī parāṅmukhaḥ |
mayopāyaḥ prayukto'sau kathamityavadhīyatām || 45 ||
[Analyze grammar]

na suyāmunadantāyāḥ śakyaḥ kartuṃ parābhavaḥ |
kṛtānukaraṇaiḥ sākṣādbharatenāpi nṛtyatā || 46 ||
[Analyze grammar]

aryaputre tu vimukhe yuṣmābhiḥ sā parājitā |
sahajairiva vaivarṇyavivādasvedavepanaiḥ || 47 ||
[Analyze grammar]

tena bravīmi sevāpi yāti yadyaparādhatām |
bhaktyārādhitabhartāraḥ sevakā hanta duḥsthitāḥ || 48 ||
[Analyze grammar]

athavā sāparādho'pi dūtaḥ saṃmānamarhati |
saṃdeśaśravaṇāttena saṃmānayata māmiti || 49 ||
[Analyze grammar]

atha sātra parāvṛtya prasādaviśadānanā |
īṣadvihasitajyotsnāsalilasnapitādharā || 50 ||
[Analyze grammar]

ayi candramukhaṃ mā sma gomukhaṃ puruṣaṃ vada |
na hi vatseśvarāsannāḥ śrūyante strīsuhṛddruhaḥ || 51 ||
[Analyze grammar]

anālāpena yaccāsi kṣaṇamāyāsito mayā |
tatkṣamasva na hi svāsthābādhante tvādṛśāmiti || 52 ||
[Analyze grammar]

tataḥ sā gomukhenoktā draṣṭumicchati vaḥ priyaḥ |
saṃdehaścediyaṃ mudrā tadīyā dṛśyatāmiti || 53 ||
[Analyze grammar]

tayoktaṃ kumbhakārāṇāṃ koṭirvasati vaḥ pure |
koṭiḥ kimiti nānītāna hi te kṣīṇamṛttikāḥ || 54 ||
[Analyze grammar]

tenoktaṃ kena vānītā mudrā vā mṛttikāmayī |
na hyārabhyamahākāryāḥ pramādyanti sacetasaḥ || 55 ||
[Analyze grammar]

yaugandharāyaṇasutaḥ priyaṃ mitraṃ priyasya vaḥ |
svāminā preṣitaḥ prītyā dṛśyatāṃ marubhūtikaḥ || 56 ||
[Analyze grammar]

atha devī namaskṛtya prītā vijñāpitā mayā |
yatsaṃdiśati naḥ svāmī yuṣmabhyaṃ tanniśāmyatām || 57 ||
[Analyze grammar]

preritaḥ tvāmahaṃ draṣṭuṃ yena lakṣmīmivālasaḥ |
krīḍatāsmadvidhaireṣa vilakṣaḥ kriyatāmiti || 58 ||
[Analyze grammar]

prasthitāyāṃ tato devyāmāha māṃ padmadevikā |
iyaṃ prasādhyate yāvattāvadāstāṃ bhavāniti || 59 ||
[Analyze grammar]

devyā saha praviśyāntarmuhūrtādiva sā tataḥ |
āha prakṛṣṭapramudā praphullanayanotpalā || 60 ||
[Analyze grammar]

mayā kaliṅgasenāyai tayā gatvā rumaṇvate |
tenāpi bhūmipataye vṛttānto'yaṃ niveditaḥ || 61 ||
[Analyze grammar]

tenoktaṃ kimihākhyeyaṃ taruṇo nanu dārakaḥ |
jīvalokasukhānyeṣa tasmādanubhavatviti || 62 ||
[Analyze grammar]

seyaṃ rājñābhyanujñātā guruṇā manmathena ca |
iyamāyāti te paścād yātu tāvadbhavāniti || 63 ||
[Analyze grammar]

atha praviśya saṃbhrāntā pratīhārī nyavedayat |
sayāno gomukhaḥ prāha laghu śrāvaya māmiti || 64 ||
[Analyze grammar]

mayoktaṃ gomukhastāvadekākī praviśatviti |
sa praviśyoktavāndvāre devī kiṃ vidhṛteti mām || 65 ||
[Analyze grammar]

ajñātapramadāsaṅgamākulībhūtamānasam |
kuru nāgarakaṃ tāvattvaṃ māmityahamuktavān || 66 ||
[Analyze grammar]

tenoktaṃ yuddhavelāyāṃ damyante turagā iti |
yadetadghuṣyate loke tadetattathyatāṃ gatam || 67 ||
[Analyze grammar]

na nāgarakatāṃ prāptumupadeśena śakyate |
iyaṃ hi mokṣavidyeva prayogāvṛttisādhanā || 68 ||
[Analyze grammar]

saṃkṣepatastu vakṣyāmi yad yaddevī kariṣyati |
tattadevānukuryāstvaṃ dakṣo hi labhate śriyam || 69 ||
[Analyze grammar]

anuśiṣya sa māmevaṃ niryāyānīya ca priyām |
sukhaṃ supyāstamityuktvā yathāsvaṃ sasuhṛdgataḥ || 70 ||
[Analyze grammar]

tataḥ praviśya dayitā māmardhākṣṇā niraikṣata |
kṛtaṃ tathaiva ca mayā vanditena ca vanditā || 71 ||
[Analyze grammar]

sarvathā yad yadevāhamanayā kāritastadā |
tadevānukaromi sma nartanācāryaśiṣyavat || 72 ||
[Analyze grammar]

atha buddhvānukūlaṃ māmiyamanvarthavedinam |
smitvā sotkamparomāñcaṃ gāḍhamaṅgamapīḍayat || 73 ||
[Analyze grammar]

tato'hamanapekṣyaiva tatkṛtānukṛtakramam |
aśarīrasya kasyāpi gato bhūtasya vaśyatām || 74 ||
[Analyze grammar]

strīpuṃsatāmāgatayoranabhipretanidrayoḥ |
pradoṣa eva kṣaṇadā kṣīṇā kṣaṇavadāvayoḥ || 75 ||
[Analyze grammar]

prātaḥ pravahaṇenaiva priyāmādāya gomukhaḥ |
māturevānayadgehaṃ manmānasapuraḥsarām || 76 ||
[Analyze grammar]

vardhamānaraterevamatiyāteṣu keṣucit |
dineṣu mama saṃprāptaḥ senānīridamabravīt || 77 ||
[Analyze grammar]

adyāṣṭāsu prayāteṣu muhūrteṣu pravakṣyati |
mauhūrtānumato rājā rātreḥ śāntipuraḥsaram || 78 ||
[Analyze grammar]

tārayiṣyāmi yamunāmahaṃ yātrāgataṃ janam |
yuṣmābhirapi kartavyaṃ yattadājñāpyatāmiti || 79 ||
[Analyze grammar]

mayoktaṃ gomukho gatvā yuṣmānvijñāpayiṣyati |
iti tasminnate mahyaṃ gomukhena niveditam || 80 ||
[Analyze grammar]

adha sakāmukagaṇaḥ śvo gantā gaṇikāgaṇaḥ |
tenaiva sahitā yūyaṃ gantāraḥ śanakairiti || 81 ||
[Analyze grammar]

gomukhena tu vṛttānte kathite'smin rumaṇvate |
pratiṣṭhe sasuhṛtprātaḥ pṛṣṭhato janasaṃhateḥ || 82 ||
[Analyze grammar]

tacca krīḍāgṛhaṃ prāpya kalpitaṃ yamunātaṭe |
divasaṃ gamayāmi sma taṃ triyāmāmukhotsukaḥ || 83 ||
[Analyze grammar]

gomukhānītayā sārdhamāsitvā kāntayā saha |
niśāyāṃ yātakalpāyāmapaśyaṃ rudatīmimām || 84 ||
[Analyze grammar]

kimetaditi pṛṣṭā ca mayā saṃbhrāntacetasā |
yadā noktavatī kiṃcittadānyā dārikābravīt || 85 ||
[Analyze grammar]

apaiti guṇavatsaṅgāddoṣo doṣavatāṃ kila |
gaṇikāśabdadoṣastu naināmadyāpi muñcati || 86 ||
[Analyze grammar]

kāśirājasya yā kanyā vṛtā tubhyaṃ purodhasā |
tasyāścāmaradhāriṇyā bhavitavyaṃ kilānayā || 87 ||
[Analyze grammar]

seyamutprekṣya tadduḥkhaṃ dāruṇaṃ maraṇādapi |
viṣapānakṛtotsāhā hātumicchatyasūniti || 88 ||
[Analyze grammar]

mayoktamahamapyaṅgaṃ tvadviyogarujāturam |
nityotkṣapitamakṣībaṃ tyaktvā sthāsyāmyavedanaḥ || 89 ||
[Analyze grammar]

ityasminneva samaye prāptā hariśikhādayaḥ |
vṛttāntamevamākarṇya bhīṣaṇaṃ sabhiyo'bhavan || 90 ||
[Analyze grammar]

tataḥ saṃbhāṣya suhṛdāvavocanmarubhūtikaḥ |
vayameva viṣaṃ pūrvaṃ pibāmaḥ kalpyatāmiti || 91 ||
[Analyze grammar]

tato hariśikhenoktaṃ kvāsau saṃprati gomukhaḥ |
yo hi mūlamanarthasya sa tāvatpāyyatāmiti || 92 ||
[Analyze grammar]

tena gomukhamāhvātuṃ prahitāgatya dārikā |
abravīdgomukho vakti kiṃ mayātaḥ prayojanam || 93 ||
[Analyze grammar]

dīrghajīvitanāmānamadhyāyaṃ ciravismṛtam |
ahamadhyetumārabhdo vaidyādprāṇapradāditi || 94 ||
[Analyze grammar]

tato hariśikhenoktaḥ kruddhena marubhūtikaḥ |
preryamāṇaṃ galāṣṭrābhiḥ śīghramānaya taṃ śaṭham || 95 ||
[Analyze grammar]

yastvayā ghaṭito'narthaḥ svāmino jīvitaḥ sukham |
svāminyā saha saṃyogaḥ so'yamevaṃ vijṛmbhate || 97 ||
[Analyze grammar]

so'bravītso'yamāyāto vādaḥ saṃprati satyatām |
jvariṣyāmīti saṃcintya maṇḍaṃ pibati muṇḍitaḥ || 98 ||
[Analyze grammar]

sa kālastāvadāyātu svāminī yadviśaṅkitā |
tatraiva vidyāma nyañco pāsyāmastyajyatāṃ tvarā || 99 ||
[Analyze grammar]

atha vālaṃ pralāpena mahīpālaṃ tapantakaḥ |
vijñāpayatu tenāsya dattaḥ pūrvamayaṃ varaḥ || 100 ||
[Analyze grammar]

aprasaṅge'pi bhavatā kāryā vijñāpinā mayi |
siddhiṃ yāsyati cāvaśyaṃ mā sma śaṅkāṃ karoditi || 101 ||
[Analyze grammar]

itīmāmanukūlābhirvāgbhirāśyāsya gomukhaḥ |
māturevānayanmūlaṃ prāviśāma tataḥ purīm || 102 ||
[Analyze grammar]

kumāravaṭakāsthena mayānūktastapantakaḥ |
gomukhena yadākhyātaṃ tatkāryaṃ sādhyatāmiti || 103 ||
[Analyze grammar]

tapantakastu sāsphoṭamidaṃ siddhimiti bruvan |
gatvā rājakulaṃ tasmādāgatyedamabhāṣata || 104 ||
[Analyze grammar]

rājapādairahaṃ pṛṣṭastāta kiṃ kriyatāmiti |
śālīnena mayāpyuktaṃ modako dīyatāmiti || 105 ||
[Analyze grammar]

evaṃ mālāphalādīni niḥsārāṇi tapantakaḥ |
yācate sma prahīṇatvādgatvā gatvā mahīpatim || 106 ||
[Analyze grammar]

iti saśarīrayā kṣaṇamiva kṣaṇadāḥ kṣapayan saha viśarīrayā dayitayā virasāndivasān |
dinarajanīvihāraviparītamahaṃ caritai rathacaraṇāhvayasya caritāni viḍambitavān || 107 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Brihat-katha-shloka-samgraha Chapter 11

Cover of edition (1990)

Brihat Katha Shloka Samgraha (Hindi translation)
by Shri Budhaswami (श्री बुधस्वामी) (1990)

340 pages; बृहत्कथा श्लोक संग्रह; [Publisher: Bihar Rashtrabhasha Parishad]

Buy now!
Cover of edition (2019)

The Katha Sarit Sagara: The Ocean of the Streams of Story (2 Volumes)
by C.H. Tawney (2019)

1412 pages; (Translated from the Original Sanskrit); [Publisher: Munshiram Manoharlal Publishers Pvt. Lt.]; ISBN: 9788121505017

Buy now!
Like what you read? Consider supporting this website: