Chapter 3

athāvantiṣu jantūnāṃ kṣudrāṇāmapi kenacit |
janyate sma na saṃtāpaḥ pārthive'vantivardhane || 1 ||
[Analyze grammar]

evaṃ bahuṣu yāteṣu vāsareṣu mahīpatiḥ |
kadācidvāhayitvāśvānnivṛtto dṛṣṭavān kvacit || 2 ||
[Analyze grammar]

tamālālambidolāntarvilasantīṃ kumārikām |
kālindīhradasaṃkrāntāṃ lolāmindukalāmiva || 3 ||
[Analyze grammar]

uttarīyāntasaṃsaktamākarṣantīṃ śikhaṇḍakam |
nirmucyamānanirmokaṃ bhogaṃ bhogavadhūmiva || 4 ||
[Analyze grammar]

dṛśyamānastayā rājā tāṃ ca paśyanpunaḥ punaḥ |
āvṛto hayaśālābhiḥ svaṃ viveśa niveśanam || 5 ||
[Analyze grammar]

tatra saṃkṣiptamāsevya majjanādi rahogataḥ |
dolāyamānahṛdayo dolāmeva vyacintayat || 6 ||
[Analyze grammar]

mandāśanābhilāṣasya mandanidrasya bhūpateḥ |
mandadharmārthacintasya divasāḥ katicidgatāḥ || 7 ||
[Analyze grammar]

kadācidatha velāyāṃ mandaraśmau divākṛti |
kṣubhitānāmivāśrauṣītsa nirghoṣamudanvatām || 8 ||
[Analyze grammar]

didṛkṣuḥ kāraṇaṃ tasya samudbhūtakutūhale |
prāsādatalamarohadantaḥpuracarāvṛtaḥ || 9 ||
[Analyze grammar]

nṛmātaṅgaturaṃgoṣṭragavājaiḍakarāsabhān |
saṃpramardantamadrākṣīnmātaṅgaṃ saṃghamardanam || 10 ||
[Analyze grammar]

unmūlitamahāvṛkṣaścūrṇitaprāṃśumaṃdiraḥ |
bhṛṅgamālāparīvāraḥ sa yayau prati pakṣaṇam || 11 ||
[Analyze grammar]

pānaprasaktamātaṅgamaṇḍalaprahitekṣaṇam |
mātaṅgarājamadrākṣīnmātaṅgagrāmaṇīstataḥ || 12 ||
[Analyze grammar]

ādideśa samīpasthāṃ kanyakāmavilambitam |
hastikīṭo'yamuddāmo durdānto damyatāmiti || 13 ||
[Analyze grammar]

karāmbhoruhasaṃsparśasubhagenātha sāmbhasā |
ārātsiṣeca kariṇaṃ kare kuñcitapuṣkare || 14 ||
[Analyze grammar]

atha saṃrambhasaṃhārātsaṃvellitakaraḥ karī |
vavande caraṇau tasyāḥ saṃspṛśya śirasā mahīm || 15 ||
[Analyze grammar]

tāmavantipatirdṛṣṭvā dṛṣṭapūrvāṃ tathāgatām |
citrīyamāṇahṛdayaścintayāmāsa cetasā || 16 ||
[Analyze grammar]

kiṃ citraṃ yadayaṃ nāgaḥ saharāgaḥ sacetanaḥ |
vaśīkṛtaḥ śarīriṇyā vaśīkaraṇavidyayā || 17 ||
[Analyze grammar]

iyaṃ hi vītarāgādīnmunīnapi nirīkṣitā |
vaśīkuryādviśantī ca calayedacalānapi || 18 ||
[Analyze grammar]

athendrāyudharāgeṇa sottarīyeṇa dantayoḥ |
baddhāṃ dolāmadhiṣṭhāya nāgaṃ yāhītyacodayat || 19 ||
[Analyze grammar]

tato mandatarābhyāsaiścaraṇaiḥ saṃghamardanaḥ |
abhistambhamagādvītabhayapaurajanāvṛtaḥ || 20 ||
[Analyze grammar]

tayoktamātapaścaṇḍaḥ saṃtāpayati māmiti |
aśokapallavaiśchāyāmatha tasyāścakāra saḥ || 21 ||
[Analyze grammar]

bandhayitvā gajaṃ stambhe prāsādatalavartinam |
vanditvā ca mahīpālaṃ mātaṅgī pakṣaṇaṃ yayau || 22 ||
[Analyze grammar]

mātaṅgīvandanāpūtamātmānaṃ prekṣya pārthivaḥ |
keyaṃ kasya kuto veti pṛcchati sma surohakam || 23 ||
[Analyze grammar]

sa tasmai kathayāmāsa deva na jñāyate kutaḥ |
sahasaivedamāyātaṃ parunmātaṅgapakṣaṇam || 24 ||
[Analyze grammar]

ṛddhimanto'tra mātaṅgāsteṣāmutpalahastakaḥ |
grāmaṇīstasya kanyeyaṃ sutā surasamañjarī || 25 ||
[Analyze grammar]

iti śrutvā praviśyāntardhyāyan surasamañjarīm |
svadehaṃ yāpayāmāsa pittajvaracikitsitaiḥ || 26 ||
[Analyze grammar]

surohakastu taṃ dṛṣṭvā mātaṅgīdūṣitāśayam |
ākhyadaṅgāravatyai sa tannapturvṛttamīdṛśam || 27 ||
[Analyze grammar]

sā tu sthitvā kṣaṇaṃ tūṣṇīṃ vicārastimitekṣaṇā |
smitāpagamitatrāsaṃ surohakamabhāṣata || 28 ||
[Analyze grammar]

mātaṅgarūpadhāriṇyo yathānyā divyayoṣitaḥ |
tatheyamapi kenāpi nimittenāgatā mahīm || 29 ||
[Analyze grammar]

kva saṃghamardano vyālaḥ kva ca taddantalambanam |
vyāpāro'yamadivyasya prekṣitaḥ kena kasyacit || 30 ||
[Analyze grammar]

atha vālaṃ vimarśena svayaṃ sabandhino gṛham |
kanyāṃ varayituṃ yāmi nātmatulyāsti dūtikā || 31 ||
[Analyze grammar]

sātha pravahaṇārūḍhā vṛddhaviprapuraḥsarā |
gatvā pakkaṇamadhyasthaṃ dadarśotpalahastakam || 32 ||
[Analyze grammar]

dūrādeva sa dṛṣṭvā tāmāttakarkaraveṇukaḥ |
saha mātaṅgasaṃghena vavande dūramutsṛtaḥ || 33 ||
[Analyze grammar]

athāṅgāravatī yānādavatīrṇā tamabravīt |
ahaṃ tvāṃ draṣṭumāyātā tvamapyeṣa palāyase || 34 ||
[Analyze grammar]

kāryaṃ me mahadāsannamādhīnaṃ cāpi tattvayi |
dūrotsaraṇamutsṛjya tena ḍhaukasva māmiti || 35 ||
[Analyze grammar]

tamutsāritamātaṅgaṃ sāsannāsīnamabravīt |
mannaptre dīyatāṃ rājñe rājñī surasamañjarī || 36 ||
[Analyze grammar]

cāṇḍālīsparśanaṃ rājā nārhatītyevamādibhiḥ |
na ca grāmeyakālāpaistvaṃ māṃ bādhitumarhasi || 37 ||
[Analyze grammar]

yaśca divyābhimānaste tatrāpīdaṃ mamottaram |
mamāpi bhadra dauhitraścakravartī bhavādṛśām || 38 ||
[Analyze grammar]

ityaṅgāravatīvākyamākarṇyotpalahastakaḥ |
anuktottara evāsyai tatheti pratipannavān || 39 ||
[Analyze grammar]

atha pracchannamāropya yugyaṃ surasamañjarīm |
mṛtasaṃjīvinī naptūrasāvoṣadhimānayat || 40 ||
[Analyze grammar]

pariṇīya tu mātaṅgīmantarantaḥpurādbahiḥ |
sa buddhyāpi na yāti sma pratyakṣamapi tāṃ smaran || 41 ||
[Analyze grammar]

iyamevāsti tattvena mithyānyaditi cintayan |
gandharvanagarākāraṃ sa saṃsāramamanyata || 42 ||
[Analyze grammar]

gamayandivasānevamekadā saha kāntayā |
sa prāsādagato'paśyatpakṣaṇaṃ nirjanaṃgamam || 43 ||
[Analyze grammar]

taṃ ca dṛṣṭvā triyāmānte mandaṃ surasamañjarī |
krandantī parimṛjyāśrumanuyukteti bhūbhṛtā || 44 ||
[Analyze grammar]

kiṃ śūnyaṃ pakkaṇaṃ dṛṣṭvā rudyate sundari tvayā |
utānyadasti duḥkhasya kāraṇaṃ kathyatāmiti || 45 ||
[Analyze grammar]

sābravītkiṃ mamādyāpi pakkaṇena bavadgateḥ |
kiṃ tu kāraṇamastyanyadbhīṣaṇaṃ tanniśāmyatām || 46 ||
[Analyze grammar]

siddhamātaṅgavidyo'yaṃ pitā mama maharddhikaḥ |
saptavarṇapure pūrvaṃ vāyumukte pure'vasat || 47 ||
[Analyze grammar]

tatra kālaḥ śvapāko'sti vidyādharagaṇādhamaḥ |
ipphako nāma tasyaiva pitrāhaṃ ca pratiśrutā || 48 ||
[Analyze grammar]

tātasya viyatāyātaḥ kadācidatha mārutaḥ |
rajaḥpiśaṅgabhṛṅgālīmaharatkusumasrajam || 49 ||
[Analyze grammar]

sā tu saṃdhyāmupāsīnaṃ gaṅgārodhasi nāradam |
sthāṇusthiraṃ bhujaṃgīva vilolā paryaveṣṭayat || 50 ||
[Analyze grammar]

vyutthitaśca samādhestaṃ dṛṣṭvā lohitalocanaḥ |
nāradaścaṇḍakopatvāduccairidamabhāṣata || 51 ||
[Analyze grammar]

śarīropahatā mālā yeneyaṃ mālabhāriṇā |
kṣiptā mayi manuṣyeṣu caṇḍālaḥ sa bhavatviti || 52 ||
[Analyze grammar]

so'tha śāpopataptena pitrā vijñāpito mama |
tīvrasya brahmaśāpasya pratīkāro bhavatviti || 53 ||
[Analyze grammar]

atha kṛpāmbuśamitakrodhajvālākadambakaḥ |
nāradāgniruvācedaṃ mlānamutpalahastakam || 54 ||
[Analyze grammar]

na śakyaḥ pratisaṃhartuṃ śāpavahnirmayāpyayam |
utsṛṣṭaḥ kṛtapuṅkhena dhānuṣkeṇeva sāyakaḥ || 55 ||
[Analyze grammar]

kiṃ tvanicchāśamāḥ śāpāḥ prājñairabhimukhā gatāḥ |
svalpenāpi hi vañcyante tena tvamapi vañcaya || 56 ||
[Analyze grammar]

pariṇeṣyati gaupālirbhavatastanayāṃ yadā |
tadā tvaṃ dāruṇādasmādasmacchāpādvimokṣyase || 57 ||
[Analyze grammar]

iti śāpe varaṃ labdhvā vayaṃ tvatpādapālitāḥ |
uṣitā varjitā duḥkairahorātrasamāṃ samām || 58 ||
[Analyze grammar]

sāhaṃ muneḥ prasādena jātā tvatpādapālikā |
tenāpi śāntaśāpena svargādasmānnirākṛtā || 59 ||
[Analyze grammar]

sa kadācidito dṛṣṭvā gatamutpalahastakam |
matkṛte tvāmapi krūra ipphakaḥ pīḍayediti || 60 ||
[Analyze grammar]

nirmātaṅgamidaṃ dṛṣṭvā mayā pitṛniveśanam |
caṇḍālabhayaśaṅkinyā ruditaṃ niḥsahāyayā || 61 ||
[Analyze grammar]

asti cātrāpi sukara upāyaḥ sa tu duṣkaraḥ |
mahārājasya sādhyatvātpratikūlo hi pārthivaḥ || 62 ||
[Analyze grammar]

yadi vijñāpayantīṃ maṃ nānyathā vaktumiṣyasi |
tato vijñāpayiṣyāmi kartavye tu bhavānprabhuḥ || 63 ||
[Analyze grammar]

athoktaṃ janarājena yadicchasi taducyatām |
muktvānyastrīkathāṃ bhīru sarvaṃ saṃpādayāmi te || 64 ||
[Analyze grammar]

athānandajanetrāmbusiktānanapayodharā |
atiprasāda ityuktvā abravītsurasamañjarī || 65 ||
[Analyze grammar]

vidyādharādirājena vyavasthā sthāpitā yathā |
hiṃsitavyaḥ sadoṣo'pi na antaḥpuragato nṛpaḥ || 66 ||
[Analyze grammar]

itīdaṃ nṛpatiḥ śrutvā tāmuvāca kṛtasmitaḥ |
anugrahe'pi yācñeti yadidaṃ tadidaṃ nanu || 67 ||
[Analyze grammar]

tataścārabhya divasādaharniśamavantipaḥ |
amāvāsyāṃ śaśīvāsījjanadurlabhadarśanaḥ || 68 ||
[Analyze grammar]

kadācidatha niryāntīṃ purīmudakadānakam |
śrutvā harmyāvalīśeṣāṃ rājāpyāsītsamutsukaḥ || 69 ||
[Analyze grammar]

śaiśavaprāptarājyatvādindriyānītamānasaḥ |
tadālpadarśī samayaṃ visasmāra sa taṃ tataḥ || 70 ||
[Analyze grammar]

prasuptāmeva dayitāmāropya śibikāṃ niśi |
taṭaṃ śivataḍāgasya citravṛttāntamānayat || 71 ||
[Analyze grammar]

tatastanmakarākīrṇaṃ poteneva mahārṇavam |
plavena vyacaratsārdhaṃ bhāryayā vītanidrayā || 72 ||
[Analyze grammar]

anujñātāvagāhāṃśca paśyanpaurakumārakān |
so'paśyaddayitāṃ bhītāṃ mā bhaiṣīriti cābravīt || 73 ||
[Analyze grammar]

sāvadatpālitā yena prajāḥ sarvā na bibhyati |
tasyaivorasi tiṣṭhantī bibhemīti na yujyate || 74 ||
[Analyze grammar]

kiṃ tu yātrānubhūteyamidānīṃ niṣprayojanam |
ihāsitamahaṃ manye tasmādāvartyatāmiti || 75 ||
[Analyze grammar]

yātrāpahṛtacetastvāttadvākyamavakarṇayan |
sabhāryaṃ baddhamātmānamaikṣatāvantivardhanaḥ || 76 ||
[Analyze grammar]

krandatāmatha paurāṇāṃ paśyatāṃ cordhvacakṣuṣām |
ipphakaḥ sphuritakrodhaḥ samutkṣipya jahāra tam || 77 ||
[Analyze grammar]

athāṅgāravatīṃ mūḍhāṃ pautrāpaharaṇaśravāt |
hlādayāmāsaturvākyaiḥ sacivau sajalānilaiḥ || 78 ||
[Analyze grammar]

sā tāv uvāca saṃbhrāntā gatvāsitagiriṃ laghu |
pālakaḥ śrāvyatāṃ sūnorvṛttāntamiti tau gatau || 79 ||
[Analyze grammar]

kāśyapapramukhāṃstatra namaskṛtya ca tāpasān |
vanditāyācacakṣāte pālakāya hṛtaṃ sutam || 80 ||
[Analyze grammar]

atha kaṇṭhagataprāṇaṃ kāśyapaḥ samajīvayat |
svantaḥ khalveṣa vṛttānta iti vākyāmṛtena tam || 81 ||
[Analyze grammar]

saṃdehaścennirīkṣasva nabhaḥprasthāpitekṣaṇaḥ |
āyāntīmeva jānīhi putravārttāṃ śivāmiti || 82 ||
[Analyze grammar]

athāgacchantamaikṣanta nabhaḥprahitadṛṣṭayaḥ |
cakāsadasicarmāṇaṃ divi divyaṃ tapasvinaḥ || 83 ||
[Analyze grammar]

so'vatīrya marunmārgādasvatantrīkṛtepphakaḥ |
saha cāvantināthena kāśyapādīnavandata || 84 ||
[Analyze grammar]

vadhūvanditapāde ca cetanāvati pālake |
vidyādharaḥ kathitavānvṛttāntaṃ munisaṃnidhau || 85 ||
[Analyze grammar]

naravāhanadattasya vidyādharapateḥ priyam |
māṃ divākaradevākhyaṃ jānīta paricārakam || 86 ||
[Analyze grammar]

so'haṃ himavato gacchannabhasā malayācalam |
upariṣṭādavantīnāṃ caṇḍālaṃ dṛṣṭavānimam || 87 ||
[Analyze grammar]

apahṛtyāpagacchantaṃ sadāraṃ medinīpatim |
ipphakaṃ nāma mātaṅgaṃ vidyādharakulādhamam || 88 ||
[Analyze grammar]

muñceti ca mayoktaḥ sanyadāyaṃ na vimuktavān |
tadā yuddhena nirjitya prāptitaścakravartinam || 89 ||
[Analyze grammar]

anuyuktaśca tenāyamayaṃ rājā hṛtastvayā |
kimityavocadetena yanme dārā hṛtā iti || 90 ||
[Analyze grammar]

atha bhartrāhamādiṣṭaḥ saṃyamya prāpyatāmayam |
sabhāsadbhiḥ sabhāṃ sadbhiḥ kāśyapādyairadhiṣṭhitām || 91 ||
[Analyze grammar]

vyavahāre vinirjitya labdhā surasamañjarīm |
vardhamānakamālāṃ vā nirjito'yaṃ sarāsabhām || 92 ||
[Analyze grammar]

ahamapyāryuṣaṃ draṣṭuṃ kāśyapaṃ svaṃ ca mātulam |
āgantā svaḥ pratijñātaṃ teṣāmāgamanaṃ mayā || 93 ||
[Analyze grammar]

tataḥ saṃmānya rājānaṃ divyairambarabhūṣaṇaiḥ |
āliṅgya ca sasauhārdaṃ mayā saha visṛṣṭavān || 94 ||
[Analyze grammar]

sa cāyamipphako baddhaḥ sadāraścaiṣa bhūpatiḥ |
cakravartī ca vo draṣṭumāgantā sāvarodhanaḥ || 95 ||
[Analyze grammar]

te divākaradevasya śrutvedamṛṣayo vacaḥ |
harṣāśrusiktatanavaḥ kṛcchrādakṣapayan kṣapām || 96 ||
[Analyze grammar]

atha prātarnabhovyāpi nirabhre vyomni garjitam |
ākarṇya munayo'pṛcchan kimetaditi khecaram || 97 ||
[Analyze grammar]

so'bravīdeṣa nirghoṣo dundubhīnāṃ vimāninām |
vimānagarbhavartitvāt śrūyate garjitākṛtiḥ || 98 ||
[Analyze grammar]

ayamāyāti naḥ svāmī vidyādharapatīśvaraḥ |
garjaddundubhijīmūto nabhasā dṛśyatāmiti || 99 ||
[Analyze grammar]

rohitendradhanurvidyutbalākādyutipiñjaram |
ambhodānāmiva vyāptasakalāśānabhastalam || 100 ||
[Analyze grammar]

nānāratnaprabhājālakarālamatha tāpasaiḥ |
ārādāyādvimānānāṃ divo vṛndamadṛśyata || 101 ||
[Analyze grammar]

avatīryāśramadvāri vimānaṃ cakravartinaḥ |
sthitamanyāni śailasya kandarāsānumūrdhasu || 102 ||
[Analyze grammar]

vidyādharādhirājasya vimānaṃ kamalākṛti |
padmarāgapalāśānāṃ ṣaḍviṃśatyā pariṣkṛtam || 103 ||
[Analyze grammar]

svayaṃ garuḍapāṣāṇakarṇikāmadhyamāsthitaḥ |
sthitāstasya palāśeṣu bhāryāścitravibhūṣaṇāḥ || 104 ||
[Analyze grammar]

sabhāryākariṇīyūthaḥ sa vidyādharakuñjaraḥ |
sabhāṃ kamalinīmāgātphullānanasaroruhām || 105 ||
[Analyze grammar]

abhivādya tatastatra kāśyapapramukhānmunīn |
harṣātiśayaniśceṣṭaṃ vavande mātulaṃ munim || 106 ||
[Analyze grammar]

bhartāramanuyāntībhiranujyeṣṭhatapasvinaḥ |
devībhirvanditāstasya śvaśurastadanantaram || 107 ||
[Analyze grammar]

anujñātāsanāsīnaṃ kāśyapaścakravartinam |
prasṛṣṭānandanetrāmburabravīdgadgadākṣaram || 108 ||
[Analyze grammar]

aprāpteṣṭārthasaṃpattivāñchāśīrabhidhīyate |
āyuṣmatā tu tatprāptamāśiṣāṃ yadagocaram || 109 ||
[Analyze grammar]

kiṃ tu saṃbhāṣitaiḥ kāryaṃ pratisaṃbhāṣaṇaṃ yataḥ |
ācāramanugacchadbhirasmābhiridamucyate || 110 ||
[Analyze grammar]

anindyamidamaiśvaryaṃ sabhāryāsuhṛdastava |
mahākalpāvasāne'pi kūṭasthaṃ tiṣṭhatāmiti || 111 ||
[Analyze grammar]

pālakenānuyuktastu vadhūnāṃ gotranāmanī |
gomukhaḥ kathayāmāsa preritaścakravartinā || 112 ||
[Analyze grammar]

evamādikathānte ca cakravartī tapasvinaḥ |
abravīdipphakaḥ pūjyāmātaṅga anuyujyatām || 113 ||
[Analyze grammar]

kaṃ doṣamayamuddiśya yātrāvyāpṛtamānasam |
sārdhaṃ surasamañjaryā rājānaṃ hṛtavāniti || 114 ||
[Analyze grammar]

sa pṛṣṭaḥ pratyuvācedaṃ mahyamutpalahastakaḥ |
dattvā duhitaraṃ paścādetasmai dattavāniti || 115 ||
[Analyze grammar]

atha brūhīti pṛṣṭaḥ sannuvācāvantivardhanaḥ |
dattvā na dattavānyo'smai nanvasau pṛcchyatāmiti || 116 ||
[Analyze grammar]

athojjhitāsanaḥ sabhyānuvācotpalahastakaḥ |
yathāhāyaṃ tathaivedaṃ viśeṣaṃ tu nibodhata || 117 ||
[Analyze grammar]

nāradena purā śaptaḥ kruddhenāhaṃ yathā tathā |
pratyakṣameva pūjyānāṃ divyalocanacakṣuṣām || 118 ||
[Analyze grammar]

tadā mayaiṣa dīrghāyurbahukṛtvaḥ prabodhitaḥ |
sutā dattā mayā tubhyamupayacchasva tāmiti || 119 ||
[Analyze grammar]

uktaścaivamuvācāyaṃ ninditāṃ kaḥ sacetanaḥ |
kanyakāmupayaccheta śāpadagdhātkulāditi || 120 ||
[Analyze grammar]

pratyākhyātā yadānena caṇḍasiṃhādisaṃnidhau |
avantipataye dattā tadā surasamañjarī || 121 ||
[Analyze grammar]

saṃdehaścedamī sarve vidyādharagaṇeśvarāḥ |
pṛcchyantāmiti pṛṣṭaiśca tattatheti niveditam || 122 ||
[Analyze grammar]

kāśyapastamathāvocadavasanno'si khecara |
caṇḍasiṃhādibhiryasmātpramāṇaiḥ pratipāditaḥ || 123 ||
[Analyze grammar]

asya cāvinayasyedaṃ prāyaścittaṃ samācara |
vārāṇasyāṃ mṛtāṅgāni gaṅgāmbhasi nimajjaya || 124 ||
[Analyze grammar]

pretāvāsakṛtāvāso vasānaḥ pretacīvaram |
bhaikṣāśanaśca varṣānte muktaśāpo bhaviṣyasi || 125 ||
[Analyze grammar]

athojjayanyāḥ kathamapyupāgatairjarāndhajātyandhajaḍārbhakaiṛ api |
didṛkṣubhirvatsanarendranandanaṃ tapovanaṃ sapramadaistadāvṛtam || 126 ||
[Analyze grammar]