Chapter 147

śrīkṛṣṇa uvāca |
śvetadvīpe sukhāsīnaṃ devadevaṃ jagatprabhum |
vāsudevaṃ jagannāthaṃ sthitisaṃyamakārakam || 1 ||
[Analyze grammar]

parāvarāṇāṃ sraṣṭāraṃ purāṇaṃ paramavyayam |
ādidevaṃ jagannāthaṃ jagataḥ kāraṇātma kam || 2 ||
[Analyze grammar]

praṇipatya mahādevaṃ carācaraguruṃ harim |
lakṣmīḥ provāca rājendra pādasaṃvāhane sthitā || 3 ||
[Analyze grammar]

bhagavandevadeveśa bhaktānāmanukampaka |
praṣṭavyaṃ kiñcidicchāmi praṣṭuṃ praśnavidāṃ vara || 4 ||
[Analyze grammar]

prakuruṣva mahābhāga dayāṃ kṛtvā mamopari |
vrataṃ kiñcitkathaya me rūpasaubhāgyadāyakam || 5 ||
[Analyze grammar]

uttamaṃ sarvavarṇānāṃ vratānāmapi cottamam |
kṛtena yena deveśa sarvatīrthaphalaṃ bhavet || 6 ||
[Analyze grammar]

viṣṇuruvāca |
gṛhasthaścāśramāṇāṃ ca varṇānāṃ brāhmaṇo yathā |
yathā nadīṣu sarvāsu jāhnavī lokaviśrutā || 7 ||
[Analyze grammar]

hradānāmudadhiḥ śreṣṭho devānāṃ viṣṇuruttamaḥ |
strīṇāṃ devā yathā lakṣmīstathedaṃ vratamuttamam || 8 ||
[Analyze grammar]

na gaṅgā na kurukṣetraṃ na kāśī na ca puṣkaram |
pāvanāni mahābhāge yathedaṃ vratamuttamam || 9 ||
[Analyze grammar]

gauryā devyā kṛtaṃ pūrvaṃ śaṃkareṇa mahātmanā |
rāmeṇa sītayā sārddhaṃ rājyaṃ prāpya kṛtaṃ purā || 10 ||
[Analyze grammar]

damayantīviyogena nalena tu tathā kṛtam |
kṛṣṇayā sahitaiḥ pārtha pāṃḍavairvana vāsibhiḥ || 11 ||
[Analyze grammar]

kṛtametadvrataṃ bhadre svargamokṣapradāyakam |
raṃbhayā menayā vāpi paulomyā satyabhāmayā || 12 ||
[Analyze grammar]

śāṃḍilyā cāpyarundhatyā urvaśyā devadattayā |
kṛtaṃ vratamidaṃ bhadraṃ saubhāgyasukhakāmyayā || 13 ||
[Analyze grammar]

pātāle nāgakanyābhiḥ kṛtametatsuśobhanam |
gāyatryā ca sarasvatyā sāvitryā brahmabhāryayā || 14 ||
[Analyze grammar]

anyābhiḥ sarvanārībhiḥ sarvakāmaphalepsubhiḥ |
tasmātte'haṃ pravakṣyāmi sarvapāpapraṇāśanam || 15 ||
[Analyze grammar]

vasuprītikaraṃ ramyaṃ vratānāṃ paramaṃ śṛṇu |
brahmahā mucyate pāpātsurāpo vasuhārakaḥ || 16 ||
[Analyze grammar]

gurubhāryābhigāmī ca hyeteṣāṃ saṃgamī ca yaḥ |
mānakūṭaṃ tulākūṭaṃ kanyāvṛttirgavāṃ vratī || 17 ||
[Analyze grammar]

agamyāgamano yastu māṃsāśī vṛṣalīpatiḥ |
kuṇḍāgnibhojī yastu syādbhūbhihartā tathaiva ca || 18 ||
[Analyze grammar]

ebhiḥ sarvairmahāpāpairmucyate nātra saṃśayaḥ |
ebhiḥ syānnaranārībhiḥ kartavyaṃ vratamuttamam || 19 ||
[Analyze grammar]

ataste'haṃ vidhiṃ vakṣye vidhānamavadhāraya |
kāñcanākhyā purī nāma vrataṃ trailokyaviśrutam || 20 ||
[Analyze grammar]

yaḥ karoti naro devi nārī vā bhaktisaṃyutā |
tasya putrāśca pautrāśca jāyate vipulaṃ dhanam || 21 ||
[Analyze grammar]

tasminmāse ca kartavyaṃ vratametacca sundari |
tasminmāse ca kartavyā kāñcanākhyā purī śubhā || 22 ||
[Analyze grammar]

śuklakṛṣṇatṛtīyāyāmekādaśyāṃ ca pūrṇimā |
saṃkrāṃtirvā mahābhāge kuhūrvā cāṣṭamī tithiḥ || 23 ||
[Analyze grammar]

parvasvanyeṣu sarveṣu dātavyā kāñcanī purī |
vratī snātvā tu pūrvāhṇe nadyādau vimale jale || 24 ||
[Analyze grammar]

mṛttikālaṃbhanaṃ kāryaṃ maṃtreṇānena suvrate |
uddhṛtāsi yathāpūrvaṃ viṣṇunā kroḍarūpiṇā || 25 ||
[Analyze grammar]

lokānāmupakārārthaṃ vandanātsiddhikāmadā |
tasmāttvaṃ vaṃditā pāpaṃ hara me'nekajanmajam || 26 ||
[Analyze grammar]

āpastu viśvayonirhi viṣṇunā nirmitāḥ svayam |
sānnidhyaṃ tīrthasahitaṃ kartavyaṃ mama sāṃpratam || 27 ||
[Analyze grammar]

anena vidhinā snātvā yajamānaḥ samāhitaḥ |
gṛhamāgamya śuddhātmā nālapanpiśunāṃstva rāt || 28 ||
[Analyze grammar]

pākhaṃḍino vikarmasthāndhūrtāṃśca kitavācchaṭhān |
prakṣālya pāṇivadanaṃ kuryāttvācamanaṃ tataḥ || 29 ||
[Analyze grammar]

upavāsasya niyamaṃ kuryānnaktasya vā punaḥ |
śaṃkhapravaramādāya hemayuktaṃ jalairbhṛtam || 30 ||
[Analyze grammar]

dvādaśākṣaramaṃtreṇa tajjalaṃ cābhimaṃtrayet |
pibetto'yaṃ gṛhe gatvā harirityakṣaraṃ japet || 31 ||
[Analyze grammar]

śamīvṛkṣamayā vedī catuḥstaṃbhasamanvitā |
caturhastapramāṇena kāryyā caiva suśobhanā || 32 ||
[Analyze grammar]

vastreṇāveṣṭitāḥ stambhā vitānavara maṇḍitāḥ |
puṣpamālānvitāḥ kāryā divyadhūpādhivāsitāḥ || 33 ||
[Analyze grammar]

madhye tu maṃḍalaṃ kāryaṃ padmākhyaṃ varṇakaiḥ śubhaiḥ |
yena dṛṣṭena deveśi sarvapāpa kṣayo bhavet |
maṃḍalasya tu madhye vai bhadrapīṭhaṃ suśobhanam || 34 ||
[Analyze grammar]

āsanaṃ tatra vinyasya komalaṃ vastraveṣṭitam |
tasyopari nyaseddevaṃ lakṣmyā yuktaṃ janārdanam || 35 ||
[Analyze grammar]

agre tu kalaśaḥ kāryo jalapūrṇaḥ suśobhanaḥ |
kṣīrasāgaranāmā sa kalpitavyaḥ prayatnataḥ || 36 ||
[Analyze grammar]

pañcaratnasamāyuktaṃ vastreṇāve ṣṭayeddhanam |
kumbhaṃ prapūrṇamudakaistasyopari nyasedbudhaḥ || 37 ||
[Analyze grammar]

tasyopariṣṭātsaṃsthāpya kāṃcanākhyāṃ purīṃ śubhām |
catuṣpalā hyuttamā syāddvipalā madhyamā smṛtā || 38 ||
[Analyze grammar]

sāmānyaikapalā kāryā kalaśaistu samanvitā |
modakānsthāpayeddivyānsamaṃtātsuṃdarākṛtīn || 39 ||
[Analyze grammar]

tadagre kadalīstambhaistoraṇaṃ parikalpayet |
cātuścaraṇikāṃstatra viprānāvāhya suṃdari || 40 ||
[Analyze grammar]

pratiṣṭhāṃ kārayettasya vedamantraiḥ suśobhanaiḥ |
tasyā madhye nyasedviṣṇuṃ haimaṃ lakṣmyā samanvitam || 41 ||
[Analyze grammar]

netre ratnamaye kārye daśanā vajrabhūṣitāḥ |
muktāphalamayaṃ tasya bhūṣaṇaṃ parikalpayet || 42 ||
[Analyze grammar]

aṃgaṃ svarṇamayaṃ kāryaṃ śaṃkhacakragadāyudham |
pañcāmṛtena deveśaṃ snāpya nārāyaṇaṃ vibhum || 43 ||
[Analyze grammar]

tameva gaṃdhapuṣpādyairmaṃtramuccārya pūjayet |
brāhmaṇo vaidikairmantraiḥ pūjayenmadhusūdanam || 44 ||
[Analyze grammar]

śeṣā varṇāḥ purāṇoktaistāñchṛṇuṣva mama priye |
vāsudevāya pādau tu gulphau saṃkarṣaṇāya ca || 45 ||
[Analyze grammar]

trailokyajanakāyeti jānunī pūjayeddhareḥ |
trailokyanāthāya guhye jñānamayāya vai kaṭim || 46 ||
[Analyze grammar]

dāmodarāyetyudaraṃ hṛdayaṃ viśvarūpiṇe |
nityaṃ hi pūjayeddevi uraḥ śrīvatsadhāriṇe || 47 ||
[Analyze grammar]

kaṇṭhaṃ kaustubhanāthāya āsyaṃ yajñamukhāya ca |
daityāṃtakāriṇe bāhū svairnāmairāyudhāni ca || 48 ||
[Analyze grammar]

śiraḥ sarvātmane devi devadevasya pūjayet |
śriyaṃ prapūjayeddevīṃ devyā maṃtraiḥ pṛthagvidhaiḥ || 49 ||
[Analyze grammar]

indrādilokapālānāṃ pūjā kāryā yathākramam |
navagrahāṇāṃ homaśca kartavyo vighnanāśanaḥ || 50 ||
[Analyze grammar]

pūjā gaṇapateḥ kāryā tathā homo vidhānataḥ |
agre naivadyamatulaṃ dāpayeddhṛtapācitam || 51 ||
[Analyze grammar]

pāyasaṃ ghṛtapūrāṃśca modakānpūrikāstathā |
sohālikādinaivedyaṃ pheṇikāḥ śarkarāstathā || 52 ||
[Analyze grammar]

deśakālodbhavānyeva phalāni vinivedayet |
dīpāndaśa diśo dadyātpārthivānraktavartikān || 53 ||
[Analyze grammar]

etena tu viśālākṣi mūlamantreṇa dāpayet |
puṣpamālānvitānkṛtvā caṃdanena vibhūṣitān || 54 ||
[Analyze grammar]

abhimaṃtrya prayatnena viṣṇustabakavācakaiḥ |
sahasraśīrṣādibhirmaṃtrairjapadbhirbrāhmaṇottamaiḥ || 55 ||
[Analyze grammar]

ṣoḍaśātha sapatnīkānpūjayecca yathāvidhi |
bhūṣayecca śubhairvastraistathālaṃkāraṇādibhiḥ || 56 ||
[Analyze grammar]

viṣṇuṃ matvā dvijaḥ pūjyo lakṣmīṃ matvā ca brāhmaṇīm |
chatraṃ copānahau caiva aṃgulyābharaṇaṃ tathā || 57 ||
[Analyze grammar]

phalāni sapta dhānyāni bhojanaṃ ca yadīpsitam |
dātavyaṃ ca sabhāryāya kṛṣṇo me prīyatāmiti || 58 ||
[Analyze grammar]

śayyāṃ sopaskarāṃ caiva vastreṇācchādya yatnataḥ |
tathā prakalpayedvittaśaktyā ca suṃdarī yathā || 59 ||
[Analyze grammar]

vrate pūrṇe ca gaurdeyā sarvopaskarasaṃyutā |
purīṃ ghaṭāpayetpūrvaṃ vastreṇācchādyayastaḥ |
yathā kuryātprayāsena yathā kartā na paśyati || 60 ||
[Analyze grammar]

dīpāṃstu dīpitāṃstatra ānayedyajñamaṇḍapam |
śvetavastreṇa netre tu yajamānasya ca priye || 61 ||
[Analyze grammar]

śrutavāñchāstravitprājñaḥ kṛtasarvāghasaṃkṣayaḥ |
ābadhya netre suprājña ācāryastamidaṃ vadet || 62 ||
[Analyze grammar]

sarvakāmapradāṃ paśya kāṃcanākhyāṃ purīmimām |
varavastrayutāṃ ramyāṃ duḥkhadaurbhāgyanāśinīm || 63 ||
[Analyze grammar]

evamukto mahābhāga paṭamunmucya netrayoḥ |
puṣpāñjaliṃ gurau kṣiptvā sa paśyettāṃ purīṃ śubhām || 64 ||
[Analyze grammar]

dṛṣṭvā tāṃ nagarīṃ devi yajamānaḥ samāhitaḥ |
sauvarṇaṃ pātramādāya raupyaṃ tāmramathāpi vā || 65 ||
[Analyze grammar]

atha vā śaṃkhamādāya pātrālābhe tu sundari |
pañcaratnaṃ kṣipetpātre jalaṃ gāṅgaṃ tathā phalam || 66 ||
[Analyze grammar]

siddhārthamakṣatāḥ pūrvaṃ rocanā dadhi vā punaḥ |
tataścārdhyaṃ pradātavyaṃ kṛṣṇāya prabhaviṣṇave || 67 ||
[Analyze grammar]

lakṣmīnārāyaṇau devau sarvakāmaphalapradau |
rukmapuryāḥ pradānena yacchaitāṃ vāṃchitaṃ mama || 68 ||
[Analyze grammar]

nārāyaṇa hṛṣīkeśa jñānajñeya niraṃjana |
lakṣmīkāṃta jagannātha gṛhāṇārghyaṃ namostu te || 69 ||
[Analyze grammar]

evamarghyaṃ tato dattvā viṣṇave prabhaviṣṇave |
devyāstvarghyaṃ pradātavyaṃ bhaktiyukte na cetasā || 70 ||
[Analyze grammar]

jānubhyāmavaniṃ gatvā maṃtrametamudīrayet |
brahmaṇā pūjitā devī viṣṇunā śaṃkareṇa ca || 71 ||
[Analyze grammar]

pārvatyā pūjitā lakṣmīḥ skaṃdavaiśravaṇena ca |
mayā ca pūjitā devi dharmasya vijigīṣayā || 72 ||
[Analyze grammar]

saubhāgyaṃ dehi me putrāndhanaṃ pautrāṃśca pūjitān |
gṛhāṇārghyaṃ mayā dattaṃ devi saukhyaṃ prayaccha me || 73 ||
[Analyze grammar]

ya evaṃ purato dattvā pūrvoktavidhinā tava |
rātrau jāgaraṇaṃ kuryādbhaktiyuktena cetasā || 74 ||
[Analyze grammar]

gītanṛtyavinodena upākhyānaiśca vaiṣṇavaiḥ |
yena kena vinodena nidrā naiva prajāyate || 75 ||
[Analyze grammar]

unnidro jāgṛyādyastu śatayajñaphalaṃ labhet |
prabhāte vimale snātvā saṃpūjya pitṛdevatāḥ || 76 ||
[Analyze grammar]

brāhmaṇāṃśca sapatnīkānparidhāpyānubhojayet |
dakṣiṇāśca yathāśaktyā pradāya ca kṣamāpayet || 77 ||
[Analyze grammar]

dīnāṃdhabadhirānpaṃgūnsarvāṃstānparitoṣayet |
paścātpāraṇakaṃ kāryamupavāsī bhavedyadi || 78 ||
[Analyze grammar]

madhuraṃ payasā yuktaṃ suhṛdbhirbāṃdhavaiḥ saha |
evametadvrataṃ kāryamekādaśyāṃ śucismite || 79 ||
[Analyze grammar]

śuklāyāmatha kṛṣṇāyāṃ tṛtīyāyāṃ tathā tithau |
saṃkrāṃtivāsare vāpi vyatīpāte ca vaidhṛtau || 80 ||
[Analyze grammar]

yadā vā jāyate vittaṃ cittaṃ ca varavarṇini |
gaurānīya pradātavyā kṛṣṇo me prīyatāmiti || 81 ||
[Analyze grammar]

evaṃ kṛte ca yatpuṇyaṃ tanna śakyaṃ niveditum |
api varṣasahasreṇa kulalakṣaśatairapi || 82 ||
[Analyze grammar]

kalpakoṭisahasrāṇi kalpakoṭiśatāni ca |
brahmalokaṃ samāsādya brahmaṇā pratimodyate || 83 ||
[Analyze grammar]

brahmakādrudralokaṃ tatparaṃ viṣṇusaṃnidhau |
indrādilokapālānāṃ vratī lokamavāpnuyāt || 84 ||
[Analyze grammar]

tato bhuktvā śuciḥ śrīmānbhogāṃstrailokyasuṃdari |
cakravartī bhavedbhūmau brahmaṇyo vaiṣṇavastathā || 85 ||
[Analyze grammar]

ya idaṃ śṛṇuyānnityaṃ vācayamānaṃ samaṃtataḥ |
kulasaptakamuddhṛtya vaiṣṇavaṃ lokamāpnuyāt || 86 ||
[Analyze grammar]

tvayā kāṃcanapuryākhyaṃ vratametatkṛtaṃ purā |
tena puṇyena labdho'haṃ bhartā trailokyapūjitaḥ || 87 ||
[Analyze grammar]