Bhavishya Purana [sanskrit]

245,265 words

This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.

śrīkṛṣṇa uvāca |
puṇyā mahānavamyasti tithīnāṃ pravarā tithiḥ |
sānuṣṭheyā suraiḥ sarvaiḥ prajāpālairviśeṣataḥ || 1 ||
[Analyze grammar]

bhavānutthāpayetpārtha samvatsarasukhāya vai |
bhūtapretapiśācānāṃ prītyarthaṃ cotsavāya vā || 2 ||
[Analyze grammar]

yudhiṣṭhira uvāca |
kasmātkālātpravṛtteyaṃ navamī mahaśabdayuk |
kimādāvupapanno'sti bhagavannavamīvidhiḥ || 3 ||
[Analyze grammar]

yaśodāgarbhasambhūteruta yātrā pravartate |
utāho pūrvamevāsītkṛtatretāyugādiṣu || 4 ||
[Analyze grammar]

yadasyāṃ prāṇinaḥ kecinmanyante ghātayanti ca |
hatānāṃ prāṇināṃ teṣāṃ kā gatiḥ pāralaukikī || 5 ||
[Analyze grammar]

svayaṃ ghnatāṃ ghātayatāmanumodayatāṃ tathā |
etanme saṃśayaṃ pūrvaṃ vaktumarhasi keśava || 6 ||
[Analyze grammar]

śrīkṛṣṇa uvāca |
pārtha yā paramā śaktiranantā lokaviśrutā |
ādyā sarvagatā śuddhā bhāvagamyā manoharā || 7 ||
[Analyze grammar]

ādyāṣṭamī kalākālī dvitīyā sarvamaṅgalā |
māyā kātyāyanī durgā cāmuṇḍā śaṅkarapriyā || 8 ||
[Analyze grammar]

dhyāyanti yāṃ yogaratāṃ sā devī parameśvarī |
rūpabhedairnāmabhedairbhavānī pūjyate śivā || 9 ||
[Analyze grammar]

aṣṭamyāṃ tu navamyāṃ tu devadānavarākṣasaiḥ |
gandharvairuragairyajñaiḥ pūjyate kinnarairnaraiḥ || 10 ||
[Analyze grammar]

anyeṣvapi yugeṣvādau sṛṣṭeḥ pūrvaṃ pradarśitā |
pūjyateyaṃ purā devī tebhyaḥ pūrvataraiḥ śubhaiḥ || 11 ||
[Analyze grammar]

āśvayukchuklapakṣe ca yāṣṭamī mūlasaṃyutā |
sā mahānavamī nāma trailokye'pi sudurlabhā || 12 ||
[Analyze grammar]

kanyāgate savitari śuklapakṣe'ṣṭamī tu yā |
mūlanakṣatrasaṃyuktā sā mahānavamī smṛtā || 13 ||
[Analyze grammar]

aṣṭamyāṃ ca navamyāṃ ca jaganmātaramambikām |
pūjayityā'śvine māsi viśoko jayati dviṣaḥ || 14 ||
[Analyze grammar]

santarjayantī huṃkāraiḥ khaḍgādibhiraharniśam |
navamyāṃ pūjitā devī dadāti navamaṃ phalam || 15 ||
[Analyze grammar]

sā puṇyā sā pavitrā ca sā dharmasukhadāyinī |
tasmātsadā pūjanīyā cāmuṇḍāmuṇḍamālinī || 16 ||
[Analyze grammar]

tasyāṃ yadyupayujyante prāṇino mahiṣādayaḥ |
sarve te svargatiṃ yānti ghnatāṃ pāpaṃ na vidyate || 17 ||
[Analyze grammar]

na tathā balidānena puṣpadhūpavilepanaiḥ |
yathā saṃtuṣyate loke mahiṣairvindhyavāsinī || 18 ||
[Analyze grammar]

uddiśya durgāṃ hanyante vidhānādye'tra jantavaḥ |
svargaṃ te yānti kaunteya ghātayanto'pi bhaktitaḥ || 19 ||
[Analyze grammar]

bhavānīprāṅgaṇe prāṇā yeṣāṃ yātā yudhiṣṭhira |
teṣāṃ svarge dhruvaṃ vāso varāste'psarasāṃ priyāḥ || 20 ||
[Analyze grammar]

manvantareṣu sarveṣu kalpeṣu kurunandana |
teṣu sarveṣu caivāsīnnavamīyaṃ purārcitā || 21 ||
[Analyze grammar]

prasiddhānādinidhanā varṣevarṣe yudhiṣṭhira |
bhūyobhūyo'vatāraiśca bhavānī pūjyate suraiḥ || 22 ||
[Analyze grammar]

avatīrṇā bhuvi sadā nityaṃ daityanibarhiṇī |
svargapātālamartyeṣu karoti sthitipālanam || 23 ||
[Analyze grammar]

punaścaiṣā mahādevī yaśodā garbhasaṃbhavā |
kaṃsāsurasyottamāṅge pādaṃ dattvā gatāyuṣaḥ || 24 ||
[Analyze grammar]

tataḥ prabhṛti lokeṣu yaśodānaṃdadāyinīm |
viṃdhyācale sthāpayitvā punaḥ pūjā pravartitā || 25 ||
[Analyze grammar]

pūrvapravṛddho'pi punarbhaginyā mahimā kṛtaḥ |
bhuvi sarvopakārāya sarvopadravaśāṃtaye || 26 ||
[Analyze grammar]

evaṃ viṃdhyopavāsinyā navarātropavāsinaḥ |
ekarātreṇa naktena svaśaktyā'yācitena vā || 27 ||
[Analyze grammar]

yajanairyājanairdevāḥ sthānesthāne purepure |
gṛhegṛhe bhaktipare grāmegrāme vanevane || 28 ||
[Analyze grammar]

snātaiḥ pramuditairhṛṣṭairbrāhmaṇaiḥ kṣatriyairnṛpaiḥ |
vaiśyaiḥ śūdrairbhakticitrairmlecchairanyaiśca mānavaiḥ || 29 ||
[Analyze grammar]

strībhiśca kuruśārdūla tadvidhānamidaṃ śṛṇu |
jayābhilāṣī nṛpatiḥ pratipatprabhṛtikramāt || 30 ||
[Analyze grammar]

lohābhihārikaṃ karma kārayedyāvadaṣṭami |
prāgudakpravaṇe deśe patākābhiralaṃkṛtam || 31 ||
[Analyze grammar]

maṇḍapaṃ kārayeddivyaṃ navasaptakaraṃ varam |
āgneyyāṃ kārayetkuṇḍaṃ hastamātraṃ suśobhanam || 32 ||
[Analyze grammar]

mekhalātrayasaṃ yuktaṃ yonyaśvatthadalābhayā |
rājacihnāni sarvāṇi śastrāṇyastrāṇi yāni ca || 33 ||
[Analyze grammar]

ānīya maṇḍape tāni sarvāṇyevādhivāsayet |
tatastu brāhmaṇaḥ snātaḥ śuklāṃbaradharaḥ śuciḥ || 34 ||
[Analyze grammar]

oṃkārarapūrvakairmantraistalliṃgairjuhuyād ghṛtam |
lohanāmābhavatpūrvaṃ dānavastu mahābalaḥ || 35 ||
[Analyze grammar]

sa devaiḥ samare kruddhairbahudhā śakalīkṛtaḥ |
tadaṃgasambhavaṃ lohaṃ yatsarvaṃ dṛśyate kṣitau || 36 ||
[Analyze grammar]

śastrāstramantrairhotavyaṃ pāyasaṃ ghṛtasaṃyutam |
hutaśeṣaṃ turaṃgāṇāṃ gajānāmupahārayet || 37 ||
[Analyze grammar]

lohābhihārikaṃ karma tenaitadṛṣibhiḥ smṛtam |
baddhapratiśaravyaṃ ca gajāśvasamalaṃkṛtam || 38 ||
[Analyze grammar]

bhrāmayennagare nityaṃ naṃdighoṣapurassaram |
pratyahaṃ nṛpatiḥ snātvā saṃpūjya pitṛdevatāḥ || 39 ||
[Analyze grammar]

pūjayedrājacihnāni phalamālyānulepanaiḥ |
hutaśeṣaṃ pradātavyamaupanāyanike dvije || 40 ||
[Analyze grammar]

tasyābhiharaṇādrājño vijayaḥ samudāhṛtaḥ |
pūjāmaṃtrānpravakṣyāmi purāṇoktānahaṃ tava || 41 ||
[Analyze grammar]

yaiḥ pūjitāḥ prayacchanti kīrtimāyur yaśobalam |
yathāṃbudaśchādayati śivāyemāṃ vasundharām || 42 ||
[Analyze grammar]

tathācchādaya rājānaṃ vijayārogyavṛddhaye || |
gandharva kulajātastvaṃ mā bhūyāḥ kuladūṣakaḥ || 43 ||
[Analyze grammar]

brahmaṇaḥ satyavākyena somasya varuṇasya ca |
prabhāvācca hutāśasya varddhasva tvaṃ turaṃgama || 44 ||
[Analyze grammar]

tejasā caiva sūryasya munīnāṃ tapasā yathā |
rudrasya brahmacaryeṇa pavanasya balena ca || 45 ||
[Analyze grammar]

smara tvaṃ rājaputro'si kaustubhaṃ ca maṇiṃ smara |
yāṃ gatiṃ brahmahā gacchetpitṛhā mātṛhā tathā || 46 ||
[Analyze grammar]

bhūmyarthenṛtavādī ca kṣatriyaśca parāṅmukhaḥ |
sūryācandramasau vāyuḥ pāvakaśca na yatra vai || 47 ||
[Analyze grammar]

vrajecca tāṃ gatiṃ kṣipraṃ tacca pāpaṃ bhavetkila |
vikṛtiṃ yadi gacchestvaṃ yuddhedhvani turaṃgama |
ripūnvijitya samare saha bhartrā sukhī bhava || 48 ||
[Analyze grammar]

śakraketo mahāvīrya suparṇastvayyupasthitaḥ |
patatrirāḍvainateyastathā nārāyaṇadhvajaḥ || 49 ||
[Analyze grammar]

kāśyapeyo'mṛto jñeyo nāgārirviṣṇuvāhanaḥ |
aprameyo durādharṣo devaśatruniṣūdanaḥ || 50 ||
[Analyze grammar]

garutmānmārutagatistvayi sannihitaḥ sthitaḥ |
śastravarmāyudhānyodhānrakṣā smāṃśca ripūndaha || 51 ||
[Analyze grammar]

kumudairāvaṇau padmaḥ puṣpadaṃto'tha vāmanaḥ |
supratīkoñjano nīla ete'ṣṭau devayonayaḥ || 52 ||
[Analyze grammar]

eteṣāṃ putrapautrāśca balānyaṣṭau samāśritāḥ |
bhadro mandro mṛgaścaiva gajaḥ saṃkīrṇa eva ca |
vanevane prasūtāste kariyoniṃ mahāgajāḥ || 53 ||
[Analyze grammar]

pāṃtu tvāṃ vasavo rudrā ādityāḥ samarudgaṇāḥ |
bhartāraṃ rakṣa nāgendra samayaṃ pratipālayan || 54 ||
[Analyze grammar]

avāpurhi jayaṃ yuddhe gamane svasti no vraja |
śrīste somādbalaṃ viṣṇostejaḥ sūryājjavonilāt |
sthairyaṃ merorjayaṃ rudrādyaśo devātpuraṃdarāt || 55 ||
[Analyze grammar]

yuddhe rakṣaṃtu nāgāstvāṃ diśaśca saha daivataiḥ |
aśvinau saha gaṃdharvaiḥ pāṃtu tvāṃ sarvataḥ sadā || 56 ||
[Analyze grammar]

hutabhugvasavo rudrā vāyuḥ somo maharṣayaḥ |
nāgakinnaragandharvayakṣa bhūtagaṇāgrahāḥ || 57 ||
[Analyze grammar]

pramathāśca sahādityairbhūteśo mātṛbhiḥ saha |
śakrasenāpatiḥ skando varuṇaścāśritāstvayi || 58 ||
[Analyze grammar]

pradahaṃtu ripūnsarvānrājā vijayamṛcchatu |
yāni prayuktānyaribhirdūṣaṇāni samaṃtataḥ || 59 ||
[Analyze grammar]

etāni paraśatrūṇāṃ hatāni tava tejasā |
kālanemivadhe yuddhe yuddhe tripura ghātane || 60 ||
[Analyze grammar]

hiraṇyakaśiporyuddhe yuddhe devāsure tathā |
śobhitāsi tathaivādya śobhamānāstu bhūpateḥ || 61 ||
[Analyze grammar]

nīlāṃ śvetāmimāṃ dṛṣṭvā naśyaṃtvadya nṛpārayaḥ |
vyādhibhirvividhairghoraiḥ śastraiśca yudhi nirjitāḥ || 62 ||
[Analyze grammar]

sadyaḥ svasthā bhavaṃti sma tvadvātenāpamārjitāḥ || 63 ||
[Analyze grammar]

pūtanā revatī nāmnā kālarātrīti yā smṛtā |
dahaṃtvāśu ripūnsarvānpatāke tvāmupāgatāḥ || 64 ||
[Analyze grammar]

asiśca ripuhā khaḍgastīkṣṇakarmā durāsadaḥ |
śrīgarbho vijayaścaiva dharmadhārastathaiva ca || 65 ||
[Analyze grammar]

ityaṣṭau tava nāmāni svayamuktāni vedhasā |
nakṣatraṃ kṛttikā tubhyaṃ gururdevo maheśvaraḥ || 66 ||
[Analyze grammar]

hiraṇyaṃ ca śarīraṃ te dhātā devo janārdanaḥ |
pitā pitāmaho devastvaṃ māṃ pālaya sarvadā || 67 ||
[Analyze grammar]

śarmapradastvaṃ samare varma sarvāyaso hyasi |
rakṣa māṃ rakṣaṇīyo'haṃ tava varmannamo'stu te || 68 ||
[Analyze grammar]

dundubhe tvaṃ sapatnānāṃ ghoṣāddhṛdayakampana |
bhava bhūmipa sainyānāṃ tathā vijayavarddhanaḥ || 69 ||
[Analyze grammar]

yathā jīmūtaghoṣeṇa hṛṣyaṃti varavāraṇāḥ |
tathāstu tava śabdena harṣo'smākaṃ mudāvahaḥ || 70 ||
[Analyze grammar]

yathā jīmūtaśabdena strīṇāṃ trāso'bhijāyate |
tathā ca tava śabdena trasyaṃtvasmaddviṣo raṇe || 71 ||
[Analyze grammar]

sarvāyudha mahāmātra sarvadevārisūdana |
cāpa māṃ sarvadā rakṣa sākaṃ sāyakasattamaiḥ || 72 ||
[Analyze grammar]

puṇyastvaṃ śaṅkha puṣpāṇāṃ maṅgalānāṃ ca maṅgalam |
viṣṇunā vidhṛto nityaṃ manaḥśāṃtiprado bhava || 73 ||
[Analyze grammar]

śaśāṃkakarasaṃkāśa himaḍiṃḍīrapāṃḍura |
protsārayāśu duritaṃ cāmarāmaravallabha || 74 ||
[Analyze grammar]

sarvāyudhānāṃ prathamā nirmitā'si pinākinā |
śūlāyudhādviniṣkṛṣya kṛtvā muṣṭiparigraham || 75 ||
[Analyze grammar]

caṃḍikāyāḥ pradattāsi sarvaduṣṭanibarhiṇi |
tathā vistāritā cāsi devānāṃ pratipāditā || 76 ||
[Analyze grammar]

sarva sattvāṃgabhūtāsi sarvāśubhanivāriṇi |
churike rakṣa māṃ nityaṃ śāntiṃ yaccha namo'stu te || 77 ||
[Analyze grammar]

protsāraṇāya duṣṭānāṃ mādhusaṃgrahaṇāya ca |
brahmaṇā nirmitaścāsi vyavahāraprasiddhaye || 78 ||
[Analyze grammar]

yaśo dehi sukhaṃ dehi jayado bhava bhūpateḥ |
tāḍayāśu ripūnsarvānhemadaṃḍa namostu te || 79 ||
[Analyze grammar]

vijayo jayado jetā ripughātī priyaṃkaraḥ |
duḥkhahā dharmadaḥ śāṃtaḥ sarvāriṣṭavināśanaḥ || 80 ||
[Analyze grammar]

ete'ṣṭau saṃnidhau yasmāttava siṃhā mahābalā |
tena siṃhāsaneti tvaṃ viprairvedeṣu gīyase || 81 ||
[Analyze grammar]

tvayi sthitaḥ śivaḥ sākṣāttvayi śakrasureśvaraḥ |
tvayi sthito harirdevastvadarthaṃ tapyate tapaḥ || 82 ||
[Analyze grammar]

namaste sarvatobhadra bhadrado bhava bhūpateḥ |
trailokyajayasarvasva siṃhāsana namo'stu te || 83 ||
[Analyze grammar]

lohābhihārikaṃ karma kṛtvedaṃ maṃtrapūrvakam |
phalanaivedyakusumairdhūpadīpavilepanaiḥ || 84 ||
[Analyze grammar]

aṣṭamyāṃ dhāvanaṃ kṛtvā pūrvāhne snānamācaret || 85 ||
[Analyze grammar]

durgāṃ kāṃcanamūrtiṃ raupyāṃ vā paittalīṃ vārkṣī caitrīṃ tāmrīṃ vādhibhavataḥ kṛtvā dāruvicitratoraṇavinyastāṃ śobhane sthāne purato vinyastadṛṣṭāṃ vicitragṛhamadhyagāṃ snātāṃ kuṃkumacaṃdanagaṃdhaiścatuḥsamaiścīrapaṭṭaiścarcitagātrāṃ devīṃ kusumairabhyarcya tāṃ bahubhiḥ puṣyamāṇakīrtistairdvi jananairjanitaparitoṣairdivānvito naredraḥ svayaṃ prayacchetpurohitaiḥ sārdhaṃ bilvapatreṇārcanena maṃtreṇānena bhagavatyai || |
jayaṃtī maṃgalā kālī bhadrakālī kapālinī |
durgā śivā kṣamā dhātrī svāhā svadhā namostu te || 86 ||
[Analyze grammar]

amṛtodbhavaḥ śrīvṛkṣo mahādevīpriyaḥ sadā |
bilvapatraṃ prayacchāmi pavitraṃ te sureśvari || 87 ||
[Analyze grammar]

durgā saṃpūjanīyā ca taddināddroṇapuṣpayā |
sā cābhīṣṭā sureśānyāstathā rūḍhavraṇāyutaḥ || 88 ||
[Analyze grammar]

tataḥ khaḍgaṃ namaskṛtya śatrūṇāṃ mānamarddanam |
icchetsvavijayaṃ rājyaṃ subhikṣaṃ cātmano nṛpa || 89 ||
[Analyze grammar]

punaḥ punaḥ praṇamyātha dhyāyecca hṛdaye śivām |
mahiṣaghnīṃ bahubhujāṃ kumārīṃ siṃhavāhinīm || 90 ||
[Analyze grammar]

dānavāṃstarjayatī ca khaḍgoddhatakarāṃ śubhām |
ghaṃṭākṣasragdharāṃ durgāṃ raṇāraṃbhe vyavasthitām || 91 ||
[Analyze grammar]

tato jayajayākāraiḥ stavaṃ kuryādimaṃ tataḥ || 92 ||
[Analyze grammar]

sarvamaṅgalamāṅgalye śive sarvārthasādhike |
śaraṇye tryaṃbake gauri nārāyaṇi namo'stu te || 93 ||
[Analyze grammar]

kuṃkumena samālabdhe candanena vilepite |
bilvapatrakṛtāmāle durge'haṃ śaraṇaṃ gataḥ || 94 ||
[Analyze grammar]

kṛtvaivamarccāṃ kauravya aṣṭamyāṃ jāgaraṃ niśi |
naṭanartanagītaiśca kārayettu mahotsavam || 95 ||
[Analyze grammar]

evaṃ hṛṣṭairniśāṃ nītvā prabhāte cāruṇodaye |
pātayenmahiṣānmeṣānagrato natakandharān || 96 ||
[Analyze grammar]

śataṃ cāpi śatārdhaṃ vā tadarddhaṃ vā yathecchayā |
surāsavabhṛtaiḥ kuṃbhaistarpayetparameśvarīm || 97 ||
[Analyze grammar]

kāpālikebhyastaddeyaṃ dāsīdāsajanaistathā |
vibhajya sarvaṃ kauṃteya suhṛtsaṃbaṃdhibaṃdhuṣu || 98 ||
[Analyze grammar]

tatoparāhṇasamaye navamyāṃ syaṃdane sthitām |
bhavānīṃ bhrāmayedrāṣṭre svayaṃ rājā sasainyavān || 99 ||
[Analyze grammar]

sahasraiḥ puruṣairvāpi rathayuktaiḥ suśikṣitaiḥ |
śanaiḥ śanairadhikayā dīptyā prajvaladīpakaiḥ || 100 ||
[Analyze grammar]

ākṛṣṭakhaḍgairvīraiśca dhāturaktairgajaistathā |
nadadbhiḥ śaṃkhapaṭahairnṛtyadbhi rvārayauvataiḥ |
alaṃkṛtābhirnārībhirbālakaiḥ suvibhūṣitaiḥ || 101 ||
[Analyze grammar]

bhūtebhyastu baliṃ dadyānmaṃtreṇānena sāmiṣam |
saraktaṃ sajalaṃ sānnaṃ gandhapuṣpākṣa tairyutam || 102 ||
[Analyze grammar]

trīṃstrīnvārāṃstriśūlena digvidikṣu kṣipedbalim |
baliṃ gṛhṇantvimaṃ devā ādityā vasavastathā || 103 ||
[Analyze grammar]

maruto'thāśvinau rudrāḥ suparṇā pannagā grahāḥ |
asurā yātudhānāśca mātaraśca piśācakāḥ || 104 ||
[Analyze grammar]

śākinyo yakṣavetālā yoginyaḥ pūtanāḥ śivāḥ |
jṛṃbhakāḥ siddhagandharvā vyālā vidyādharā dharāḥ || 105 ||
[Analyze grammar]

dikpālā lokapālāśca ye ca vighnavināyakāḥ |
jagatāṃ śāṃtikartāro brahmādyāśca maharṣayaḥ || 106 ||
[Analyze grammar]

savighnaṃ mama pāpaṃ te śāmyaṃtu paripanthinaḥ |
saumyā bhavaṃtu tṛptāśca bhūtāḥ pretāḥ sukhāvahāḥ || 107 ||
[Analyze grammar]

ityevaṃ bhrāmayedrāṣṭre durgāṃ devī rathe sthitām |
narayānena vā pārtha tato'vighnaṃ samāpayet || 108 ||
[Analyze grammar]

athotpanneṣu vipreṣu bhūtaśāṃtiṃ samācaret |
yena vighnā na jāyaṃte yātrā saṃpūrṇatāṃ vrajet || 109 ||
[Analyze grammar]

evaṃ ye kurvate yātrāṃ rājāno'nye'pi mānavāḥ |
mahānavamyāṃ naṃdāyāṃ putrakā hṛṣṭamānasāḥ || 110 ||
[Analyze grammar]

te sarve pāpanirmuktā yāṃti bhāgavatīṃ purīm || 111 ||
[Analyze grammar]

na teṣāṃ śāvako nāgnirna caurā na vināyakāḥ |
vighnaṃ kurvanti rājendra yeṣāṃ tuṣṭā maheśvarī || 112 ||
[Analyze grammar]

nīrujaḥ sukhino bhogabhoktāro bhayavarjitāḥ |
bhavaṃti bhaktāḥ puruṣāḥ bhagavatyāḥ kimucyate || 113 ||
[Analyze grammar]

ityeṣa te samākhyāto durgādevyā mahotsavaḥ |
paṭhatāṃ śṛṇvatāṃ caiva sarvāśubhavināśanaḥ || 114 ||
[Analyze grammar]

śūlāgrabhinnamahiṣāsurapṛṣṭhaviṣṭāmṛtkhātakhaḍgarucirāṃgadabāhudaṇḍām |
abhyarcya paṃcavadanānugatāṃ navamyāṃ durgāṃ sudurgagahanāni taraṃti martyāḥ || 115 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 138

Cover of edition (2022)

Bhavishya Purana: Sanskrit Text with Hindi Translation
by S. N. Khandelwal (2022)

Publisher: Chaukhamba Sanskrit Pratishthan; Pages: 2538.

Buy now!
Cover of edition (2023)

Complete Bhavisya Mahapurana (English translation)
by Shantilal Nagar (2023)

Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: