Bhavishya Purana [sanskrit]

245,265 words

This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.

śrīkṛṣṇa uvāca |
agastyavratamastyanyatsarvapāpapraṇāśanam |
tacchṛṇuṣva mahīpāla kathyamānaṃ mayānagha || 1 ||
[Analyze grammar]

yudhiṣṭhira uvāca |
śṛṇomi brūhi me kṛṣṇa devarṣestasya ceṣṭitam |
janma caivārghadānaṃ ca kālamudgamanasya ca || 2 ||
[Analyze grammar]

śrīkṛṣṇa uvāca |
mitraśca varuṇaścaiva pūrvametau surottamau |
maṃdarasya samīpe tu ceraturvipulaṃ tapaḥ || 3 ||
[Analyze grammar]

tayoḥ saṃkṣobhaṇārthāya vāsavena varāpsarāḥ |
urvaśī preṣitā tatra rūpodāryaguṇānvitā || 4 ||
[Analyze grammar]

tasyāḥ saṃdarśanādeva kṣubhitau tau surottamau |
vikāraṃ manaso buddhvā kuṃbhe vīryaṃ sasarjatuḥ || 5 ||
[Analyze grammar]

nimeḥ śāpāttatra jāto vaśiṣṭho bhagavānṛṣiḥ |
anaṃtaramagastyastu jāto divyastapodhanaḥ || 6 ||
[Analyze grammar]

malayasyaikadeśe tu vaikhānasavidhānataḥ |
sabhāryaḥ saṃvṛto vipraistapastepe suduścaram || 7 ||
[Analyze grammar]

āstāṃ daityau purā duṣṭāvādau kṛtayugasya tu |
nāmnā ilvalavātāpī devabrāhmaṇakaṃṭakau || 8 ||
[Analyze grammar]

tayoreko'bhavanmeṣo dvitīyo bhojyadāyakaḥ |
śrāddhakrameṇa tenaivaṃ bahavo nāśitā dvijāḥ || 9 ||
[Analyze grammar]

athānyasmindine daityo hyagastyaṃ saṃnyamantrayat |
bhojyārthaṃ brāhmaṇaiḥ sārddhaṃ bhṛgugargakulodbhavaiḥ || 10 ||
[Analyze grammar]

agastyopyabhavacchrāddhe dhaureyo roṣadarpitaḥ |
so'pi hatvāpacadvahnau vātāpiṃ meṣarūpiṇam || 11 ||
[Analyze grammar]

pariviṣyamāṇeṣu teṣu stimitaṃ prāha dānavam |
agastyo bhagavānkruddhaḥ sarvaṃ me dīyatāmiti || 12 ||
[Analyze grammar]

maiṣaṃ māṃsaṃ tataḥ prādādilvalaḥ kupitastadā |
bhakṣayitvā'bhavatsvastho nirvikāro mahāmuniḥ || 13 ||
[Analyze grammar]

śucirbabhau tataḥ prāha vātāpimilvalaḥ śanaiḥ |
niṣkramasva munerddehaṃ bhittvā kasmādvilaṃbase || 14 ||
[Analyze grammar]

tacchrutvāgastyavipro'pi udgāraṃ kṛtavāngurum |
kuto niṣkramaṇaṃ prāha bhakṣitaḥ sa mayā punaḥ || 15 ||
[Analyze grammar]

jīrṇo'yaṃ bhasmabhūto'yaṃ vātāpirbrahmakaṃṭakaḥ |
ilvalo'pi sphuratkrodhaḥ so'gastyena nirīkṣitaḥ || 16 ||
[Analyze grammar]

bhasmībhūtaḥ kṣaṇenaiva tataḥ śāṃtaṃ jagadbabhau |
tena vaireṇa te duṣṭā naṣṭaśeṣāstu dānavāḥ || 17 ||
[Analyze grammar]

saṃmaṃtrya niścayaṃ merau tato'gastyamupāgatāḥ |
vivarddhayiṣavastejo munerasya divaukasaḥ || 18 ||
[Analyze grammar]

te'gastyamāhurbrahmarṣe samudraṃ śoṣayasva vai |
tacchrutvāgastyavipro'pi āgneyīṃ dhāraṇāṃ dadhat || 19 ||
[Analyze grammar]

tayā pītaḥ samudro'pi bhrāṃtamīnormikacchapaḥ |
pīte samudratoye'pi devaiḥ kruddhaistu dānavāḥ || 20 ||
[Analyze grammar]

kṣayaṃ nītāḥ kṣaṇātsarve krandamānāḥ punaḥpunaḥ |
kṣemaṃ jagatyabhūtsarvamagastyarṣeḥ prasādataḥ || 21 ||
[Analyze grammar]

atha gaṃgānadītoyaiḥ saṃpūrṇe sāgare punaḥ |
maṃthānaṃ maṃdaraṃ kṛtvā netraṃ kṛtvā tu vāsukim || 22 ||
[Analyze grammar]

mamaṃthuḥ sahitāḥ sarve samudraṃ daityadānavāḥ |
athotthitaṃ ratnasaṃghe some śrīkaustubhe gaje || 23 ||
[Analyze grammar]

atilobhānmathyamāne sāgare payasāṃ nidhau |
athotthitaṃ jvaladraudraṃ kālakūṭaṃ mahāviṣam || 24 ||
[Analyze grammar]

yenāsau surasaṃghāte āghūrṇitā ivābhavat |
sāgaraṃ saṃpraviṣṭāste rātrau rātrau viniryuyuḥ || 25 ||
[Analyze grammar]

nirgamya ca vadhaṃ cakrurmunīnāmūrdhvaretasām |
babhaṃjuryajñapātrāṇi divā toye nililyire || 26 ||
[Analyze grammar]

samudramadhye na jñātvā brahmā nārāyaṇo haraḥ |
vāyuḥ kubero vasavaḥ sarve devāḥ savāsavāḥ || 27 ||
[Analyze grammar]

tato mantraiḥ śaṃkareṇa kiñcittatraiva bhakṣitam |
kṣaṇāddagdhaḥ sa maṃtropi nīlakaṃṭhīkṛto haraḥ || 28 ||
[Analyze grammar]

brahmāpi cetanāṃ prāpya abrahmaṇyamuvāca ha |
nāsti kaścijagatyasminviṣamāpātumīśvara || 29 ||
[Analyze grammar]

agastyo dakṣiṇāśāyāṃ laṅkāmūle mahāmuniḥ |
tadgacchadhvaṃ mahābhāgāḥ śaraṇaṃ sarvadā hyasau || 30 ||
[Analyze grammar]

evamuktā gatā devā agastyāśramadakṣiṇām |
devānvīkṣya ca tānharṣādagastyo munisattamaḥ || 31 ||
[Analyze grammar]

dhyānaṃ cakre viṣaṃ yena himādrau saṃpraveśitam |
kaṃṭhīsūtraṃ nikuṃjeṣu himaparvatasānuṣu || 32 ||
[Analyze grammar]

tasminkāle viṣaṃ lagnaṃ kiñciccheṣaṃ drumādiṣu |
unmattakaravīrārkasthalabhūmi jalānile || 33 ||
[Analyze grammar]

tadviṣaṃ cūrṇitaṃ tena kṣaṇātsaṃkocitaṃ tathā |
himavātena duṣṭena vahamānena pāṃḍava || 34 ||
[Analyze grammar]

manuṣyāṇāṃ tu jāyaṃte rogā nānāvidhā bhuvi |
te ca māsatrayaṃ sārddhaṃ pravahaṃti viṣolbaṇāḥ || 35 ||
[Analyze grammar]

vṛṣasaṃkrātimārabhya siṃhāṃte śāmyate viṣam |
rogadoṣāpanodaśca bhavetpārtha prabhāvataḥ || 36 ||
[Analyze grammar]

evaṃ kālena mahatā nīruje vyādhivarjite |
jagatyasminpurā pārtha ghanībhūte prajāgaṇe || 37 ||
[Analyze grammar]

niraṃtare martyaloke ūrdhvabāhu prasāriṇi |
balavāndhūmanirdeśānmṛtyurbhrāmyati mūrtimān || 38 ||
[Analyze grammar]

prajā vyāpādayankālādājagāma mahāmuneḥ |
samīpaṃ mūrtimānkruddho mṛtyustena nirīkṣitaḥ || 39 ||
[Analyze grammar]

bhasmībabhūva paścācca brahmaṇaḥ sukhakāraṇāt |
vyādhivṛndasamopeto mṛtyuranyo vinirmitaḥ || 40 ||
[Analyze grammar]

tathānyo daṃḍakāraṇye śveto nāma nṛpottamaḥ |
svamāṃsamaśnatā tena nirvedātprārthito muniḥ || 41 ||
[Analyze grammar]

bhagavatsarvamevānyaddattaṃ rājyamadānmayā |
annaṃ jalaṃ vā śrāddhaṃ vā na dattaṃ pāpabuddhinā || 42 ||
[Analyze grammar]

tato'gastyaḥ kāruṇyā ratnaiḥ śrāddhamakalpayat |
śrāddhe nivṛtte sahasā divyadehaḥ śriyā vṛtaḥ || 43 ||
[Analyze grammar]

prāptaśca paramaṃ sthānamagastyarṣeḥ prasādataḥ |
atha vindhyo mahāśailaḥ sūryaroṣādvyavardhata || 44 ||
[Analyze grammar]

kasmānmerumivāsau māṃ na karoti pradakṣiṇam |
varddhamānaṃ tu taṃ dṛṣṭvā tato devāḥ savāsavāḥ || 45 ||
[Analyze grammar]

ekībhūyāśramaṃ gatvā stutvā devarṣipuṅgavam |
agastyamūcurbhagavansūryamārganirodhinam || 46 ||
[Analyze grammar]

viṃdhyaṃ nivāraya svainaṃ sthitau sthāpaya parvatam |
agastyopi drutaṃ gatvā prāhedaṃ vindhyaparvatam || 47 ||
[Analyze grammar]

prasthitaṃ tīrthayātrāyāṃ viddhi māmacalottama |
sthitau ca sthīyatāṃ tāvadyāvadāgamanaṃ mama || 48 ||
[Analyze grammar]

evamuktvā saṃprayāto nādyāpi vinivartate |
dṛśyate bhrājayannāśāṃ dakṣiṇāṃ gagane jvalan || 49 ||
[Analyze grammar]

trailokyavaṃdyacaraṇo lopāmudrāsahāyavān |
lopāmudrāpi taṃ prāha devarṣiṃ devapūjitam || 50 ||
[Analyze grammar]

tatrāśramasthalikāyāmṛtukāle hyupasthite |
bhoktumicchāmi viṣayāṃstvayā saha sukheṣiṇī || 91 ||
[Analyze grammar]

bhavedyadi gṛhaṃ ramyaṃ sarvaratnavibhūṣitam |
gajai rathaiśca saṃpūrṇaṃ śayanaiḥ pravarāsanaiḥ || 52 ||
[Analyze grammar]

dukūlapaṭṭanetraiśca vilāsairlalitairmune |
tvayā saha samāyogaṃ yāsye'haṃ kuru cintitam || 53 ||
[Analyze grammar]

etacchutvā munihṛrṣṭaḥ prāhvayaddhanadaṃ kṣaṇāt |
kārayāmāsa bhavanaṃ saṃpūrṇaṃ ratnarāśibhiḥ || 54 ||
[Analyze grammar]

tatra reme sa bhagavānagastyaḥ svāśrame sukham |
tasyaivaṃ ceṣṭitasyarṣeḥ prayacchārghyaṃ yudhiṣṭhira || 55 ||
[Analyze grammar]

āstikyabuddhyā bhaktyā ca dhanaṃ prāpsyasi pāṃḍava |
kanyāyāmāgate sūrye arvāgvai saptame dine || 56 ||
[Analyze grammar]

kanyāyāṃ samanuprāpte sūrye yaḥ sannivartate |
pratyūṣasamaye vidvānkuryāvasyodaye niśi || 57 ||
[Analyze grammar]

snānaṃ śuklatilaistadvacchuklamālyāmbaro gṛhī |
sthāpayedavraṇaṃ kuṃbhaṃ mālyavastravibhūṣitam || 58 ||
[Analyze grammar]

pañcaratnasamāyuktaṃ ghṛtapātreṇa saṃyutam |
nānābhakṣyasamopetaṃ saptadhānyasamanvitam || 59 ||
[Analyze grammar]

kāñcanaṃ kārayitvā tu yathāśaktyā suśobhanam |
puruṣākṛtiṃ praśāntaṃ ca japamaṇḍaladhāriṇam || 60 ||
[Analyze grammar]

kamaṇḍalukaraṃ śiṣyairmṛgaiśca paridhāritam |
mṛtyughnaṃ viṣahantāraṃ darbhākṣeṣṭakaraṃ munim || 61 ||
[Analyze grammar]

tasminkrame samālagnaṃ candanena tato nyaset |
snāpitaṃ cānuliptaṃ ca candanena sugaṃdhinā || 62 ||
[Analyze grammar]

pūjitaṃ cāpi kusumairhṛdyairdhūpaistu dhūpitam |
tataścārghaṃ pradātavyo yairdravyaistāni me śṛṇu || 63 ||
[Analyze grammar]

kharjūrairnālikeraiśca kūṣmāṃḍaistrapuṣairapi |
karkoṭakāravellaiśca karcūrairbījapūrakaiḥ || 64 ||
[Analyze grammar]

vṛṃtākairdāḍimaiścaiva nāraṃgaiḥ kadalīphalaiḥ |
dūrvāṃkuraiḥ kuśaiḥ kāśaiḥ padmainīlotpalaistathā || 65 ||
[Analyze grammar]

nānāprakārairbhakṣyaiśca gobhirvastrai rasaiḥ śubhaiḥ |
virūḍhaiḥ saptadhānyaiśca vaṃśapātre nidhāpitaiḥ || 66 ||
[Analyze grammar]

sauvarṇaraupyapātreṇa tāmravaṃśamayena ca |
mūrdhni sthitena namreṇa jānubhyāṃ pṛthivītale || 67 ||
[Analyze grammar]

dakṣiṇābhimukho bhūtvā hyarghyapādyādikaṃ ca yat |
śīlena cetasā bhaktyā dadyātkauravanandana || 68 ||
[Analyze grammar]

kāśapuṣpapratīkāśa agnimārutasaṃbhava |
mitrāvaruṇayoḥ putra kuṃbhayone namo'stu te || 65 ||
[Analyze grammar]

viṃdhyavṛddhikṣayakara meṣatoyaviṣāpaha |
rakto vallabhadevarṣe laṃkāvāsa namo'stu te || 70 ||
[Analyze grammar]

vātāpirbhakṣito yena samudrāḥ śoṣitāḥ purā |
lopāmudrāpatiḥ śrīmānyo'sau tasmai namo'stu te || 71 ||
[Analyze grammar]

yenoditena pāpāni pralayaṃ yāṃti vyādhayaḥ |
tasmai namo'stvagastyāya saśiṣyāya suputriṇe |
brāhmaṇo vedaṛcayā dadyādarghyaṃ namo'stu te || 72 ||
[Analyze grammar]

agastyaḥ khanamānaśca nityaṃ prājāpatyaṃ balimicchamānaḥ |
ubhau varṇau vṛṣṭyanugrahārthamupoṣa satyādeṣvaśikho jagāma || |
dattvaivamarghyaṃ kauṃteya pratipūjya ca puṣpakaiḥ |
visarjayitvāgastyaṃ taṃ viprāya pratipādayet || 73 ||
[Analyze grammar]

daivajñavyāsarūpāya vedavedāṃgavādine |
evaṃ yaḥ kurute bhaktyā hyagastyapratipūjanam |
phalamekaṃ tathā dhānyaṃ kopaṃ vāsaṃ parityajet || 74 ||
[Analyze grammar]

saṃpūrṇe ca tato varṣe punara nyadupakramet |
dattvārghyaṃ saptavarṣāṇi krameṇānena pāṃḍava |
pumānphalamavāpnoti tadekāgramanāḥ śṛṇu || 75 ||
[Analyze grammar]

brāhmaṇaścaturo vedānsarvaśāstraviśāradaḥ |
kṣatriyaḥ pṛthivīṃ sarvāṃ prāpnotyarṇavamekhalām || 76 ||
[Analyze grammar]

vaiśyo'pyāyuṣyamāpnoti godhanaṃ cāpi naṃdati |
śūdrāṇāṃ dhanamārogyaṃ sanmānaścādhiko bhavet || 77 ||
[Analyze grammar]

strīṇāṃ putrāḥ prajāyaṃte saubhāgyaṃ vṛddhiṛddhimat |
vidhavānāṃ mahāpuṇyaṃ vardhate pāṃḍunandana || 78 ||
[Analyze grammar]

kanyā bhartāramāpnoti vyādhermucyeta duḥkhitaḥ || 79 ||
[Analyze grammar]

yeṣu deśeṣvagastyarṣeḥ pūjanaṃ kriyate janaiḥ |
teṣu deśeṣu parjanyaḥ kāmavarṣī prajāyate || 80 ||
[Analyze grammar]

ītayaḥ praśamaṃ yāṃti naśyaṃti vyādha yastathā |
paṭhaṃti ye tvagastyarṣeḥ khyānaṃ śṛṇvaṃti cāpare || 81 ||
[Analyze grammar]

te sarve pāpanirmuktāściraṃ sthitvā mahītale |
haṃsayuktavimānena svargaṃ yāṃti narottama || 82 ||
[Analyze grammar]

martyo yadīcchati gṛhaṃ paramarddhiyuktaṃ bhogaśarīramarujaṃ paśuputrapuṣṭim |
tatsarvavallabhamunerudaye mahārghyaṃ yacchenmahārghaphalavastradhanaiḥ sahānyaiḥ || 83 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 118

Cover of edition (2022)

Bhavishya Purana: Sanskrit Text with Hindi Translation
by S. N. Khandelwal (2022)

Publisher: Chaukhamba Sanskrit Pratishthan; Pages: 2538.

Buy now!
Cover of edition (2023)

Complete Bhavisya Mahapurana (English translation)
by Shantilal Nagar (2023)

Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: