![Bhavishya Purana [sanskrit] - book cover](/uploads/a/Bhavishya-Purana-Sanskrit.jpg)
Bhavishya Purana [sanskrit]
245,265 words
This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.
Chapter 39
śrīkṛṣṇa uvāca |
anyāmapi pravakṣyāmi padmaṣaṣṭhī śubhāṃ tathā |
yāmupoṣya naraḥ pāpavimuktaḥ svargabhāgbhavet || 1 ||
[Analyze grammar]
mārgaśīrṣe śubhe māsi pañcamyāṃ niyatavrataḥ |
ṣaṣṭhīmupoṣya kamalaṃ kārayitvā sukāñcanam || 2 ||
[Analyze grammar]
śarkarāsaṃyutaṃ dadyādbrāhmaṇāya kuṭuṃbine |
rūpaṃ ca kāṃcanaṃ kṛtvā phalasyaikasya dharmavit || 3 ||
[Analyze grammar]
dadyātprātaḥ kṛtasnāno bhānurme prīyatāmiti |
bhaktyā tu viprānsaṃpūjya saptamyāṃ kṣīrabhojanam || 4 ||
[Analyze grammar]
kṛtvā kuryātphalatyāgaṃ yā ca syātkṛṣṇasaptamī |
etāmupoṣya vidhivadanenaiva krameṇa tu || 5 ||
[Analyze grammar]
tadvai haimaṃ phalaṃ dattvā suvarṇa kamalānvitam |
śarkarāpātrasaṃyuktaṃ vastramālāsamanvitam || 6 ||
[Analyze grammar]
ṣaṣṭhyorubhayormahārāja yāvatsaṃvatsaraṃ tataḥ |
upoṣya dadyātkramaśaḥ sūryamaṃtrānudīrayet || 7 ||
[Analyze grammar]
bhānurarko ravirbrahmā sūryaḥ śukro hariḥ śivaḥ |
śrīmānvibhāvasustvaṣṭā varuṇaḥ prīyatāmiti || 8 ||
[Analyze grammar]
pratimāsaṃ ca saptamyāmekaikaṃ nāma kīrtayet |
pratipakṣaṃ phalatyāgametatkurvansamācaret || 9 ||
[Analyze grammar]
vratāṃte vipramithunaṃ pūjayedvastrabhūṣaṇaiḥ |
śarkarākalaśaṃ dadyāddhaimapadmaphalānvitam || 10 ||
[Analyze grammar]
yathā phalakaro māsastvadbhaktānāṃ sadā rave |
tathānaṃtaphalāvāptirastu janmanijanmani || 11 ||
[Analyze grammar]
imāmanaṃtaphaladāṃ phalaṣaṣṭhīṃ karoti yaḥ |
sa sarvapāpanirmuktaḥ sūryaloke mahīyate || 12 ||
[Analyze grammar]
surāpānādikaṃ kiñcidyadatrāmutra vā kṛtam |
tatsarvaṃ nāśamāyāti sūryalokaṃ sa gacchati || 13 ||
[Analyze grammar]
bhūtānbhavyāṃśca puruṣāṃstārayedekaviṃśatim |
śṛṇuyādyaḥ paṭhedvāpi sopi kalyāṇabhāgbhavet || 14 ||
[Analyze grammar]
haimaṃ phalaṃ sakamalaṃ kalaśaṃ sitāyā ṣaṣṭhīmupoṣya vidhivaddvijapuṃgavāya |
dadyātsurāsuraśiromaṇighṛṣṭapādaṃ bhānuṃ praṇamya phalasiddhimupaiti martyaḥ || 15 ||
[Analyze grammar]
Other editions:
Also see the following editions of the Sanskrit text or (alternative) English translations of the Chapter 39
Bhavishya Purana: Sanskrit Text with Hindi Translation
by S. N. Khandelwal (2022)
Publisher: Chaukhamba Sanskrit Pratishthan; Pages: 2538.
Buy now!
Complete Bhavisya Mahapurana (English translation)
by Shantilal Nagar (2023)
Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292
Buy now!