Chapter 24

sūta uvāca |
tataste sakalā daityāḥ kalinā ca puraskṛtāḥ |
kṛtvā ca jalayānāni harikhaṇḍamupāyayuḥ || 1 ||
[Analyze grammar]

manujā harikhaṇḍe ca devatulyā mahābalāḥ |
ayudhyaṃstānmahāśastrairayutābdaprajīvinaḥ || 2 ||
[Analyze grammar]

daśavarṣāntare sarve māyāyuddhaiḥ parājitāḥ |
mahendraṃ śaraṇaṃ jagmurharikhaṇḍanivāsinaḥ || 3 ||
[Analyze grammar]

tadā tu bhagavāñchakro viśvakarmāṇamabravīt |
bhramiśca nāmayantro'yaṃ saṃsthitaḥ saptasindhuṣu || 4 ||
[Analyze grammar]

tvayā viracitastāta tatprabhāvānnarā bhuvi |
anyakhaṇḍe na gacchanti sa ca yantrastu māyinā || 5 ||
[Analyze grammar]

mayena bhraṃśito bhrātrā mlecchaiḥ sārddhaṃ samantataḥ |
saptadvīpeṣu yāsyanti manujā mama vairiṇaḥ || 6 ||
[Analyze grammar]

ato naḥ pāhi maryādāṃ bhūmadhye bhavatā kṛtām |
iti śrutvā viśvakarmā divyayantramacīkarat || 7 ||
[Analyze grammar]

tena yantraprabhāvena bhramitāste babhūvire |
bhramiyantrānmahāvāyurjjāto mlecchavināśakaḥ || 8 ||
[Analyze grammar]

tadvāyorabhavatputro vātyo vātyāsamudbhavaḥ |
daityayakṣāṃśca paiśācāñjitvā jñānamayo balī || 9 ||
[Analyze grammar]

brāhmaṇāḥ kṣatriyā vaiśyāstrivarṇāstena satkṛtāḥ |
balānmlecchānvarṇamayānkṛtvā vātyo mahābalaḥ || 10 ||
[Analyze grammar]

śatārddhābdaṃ maṇḍalīkaṃ padaṃ bhuvi gṛhītavān |
tadanvaye sahasrāśca nṛpāścāsankalau yuge || 11 ||
[Analyze grammar]

vāyupakṣāstrivarṇāḍhyāḥ ṣoḍaśābdasahasrake |
vāyorjātaḥ svayaṃ brahmā vāyorjātaḥ sa vai hariḥ || 12 ||
[Analyze grammar]

vāyorjāto mahādevaḥ sarvaṃ vāyumayaṃ jagat |
vinā vāyuṃ mṛtāḥ sarve vāyunā bhuvi jīvinaḥ || 13 ||
[Analyze grammar]

iti matvā tu te lokā vāyuṃ ca samatarpayan |
punastadā kalirghoro daityarājaṃ baliṃ prabhum || 14 ||
[Analyze grammar]

natvā nivedayāmāsa duḥkhito'bhūttadā baliḥ |
vāmanāntikamāgamya kalimitreṇa saṃyutaḥ || 15 ||
[Analyze grammar]

natvovāca sa vai rājā devadevaṃ janārdanam |
tvayā kaliḥ kṛto mahyaṃ prasannena surottama || 16 ||
[Analyze grammar]

vātyairdvijaiḥ karmabhūmeḥ kalistu sa nirākṛtaḥ |
ekapādo vyatīto'yaṃ kiñcidūnaṃ kaleḥ prabhoḥ || 17 ||
[Analyze grammar]

mayā samyaktu vai bhuktā bhūmirdevendramāyayā |
sahasrābdaṃ kalau prāpte mayā bhuktaṃ mahītalam || 18 ||
[Analyze grammar]

tataḥ sārddhaṃ sahasrābdaṃ devairbhuktaṃ surasthalam |
tataḥ paṃcaśataṃ varṣaṃ kiñcidadhikameva ca || 19 ||
[Analyze grammar]

mayā bhuktā karmabhūmiḥ sarvalokasya kāraṇāt |
tataḥ sārddhaṃ sahasrābdaṃ devairbhukteyamuttamā || 20 ||
[Analyze grammar]

tataḥ sārddhasahasrābdaṃ kiñcidūnaṃ mayā dhṛtā |
sārddhatriṃśatsahasrābdaṃ devairdetyaistathā mahī || 21 ||
[Analyze grammar]

bhuktā daityaiḥ punardevaiḥ tathā devaiśca dānavaiḥ || 22 ||
[Analyze grammar]

tvayā datto hi me deva kaliḥ kalivināśana |
nādhikāraṃ kṛtaṃ nātha satyaṃ satyapriyakṣama || 23 ||
[Analyze grammar]

iti śrutvā balervākyaṃ bhagavānvāmano hariḥ |
svāṃśānmahītale prāpto daityapakṣavivardhanaḥ || 24 ||
[Analyze grammar]

kāmaśarmā tadā vipro yamunātaṭasaṃsthitaḥ |
hariṃ tuṣṭāva manasā dvādaśābdaṃ prayatnataḥ || 25 ||
[Analyze grammar]

tadā tu vāmanaḥ śrīmānvacaḥ prāha dvijottamam |
varaṃ brūhi dvijaśreṣṭha yatte manasi saṃsthitam |
iti śrutvā kāmaśarmā tuṣṭāva ślakṣṇayā girā || 26 ||
[Analyze grammar]

kāmaśarmovāca |
namo devāya mahate sarvapūjyāya te namaḥ || 27 ||
[Analyze grammar]

dharmapriyāya dharmāya devadaityakarāya ca |
daivādhīnanṛṇāṃ bhartre karmakartre namo namaḥ || 28 ||
[Analyze grammar]

daivādhīnāśca te devā daivollaṅghāśca dānavāḥ |
teṣāṃ bharttā kramāddhartā tasmai devāya te namaḥ || 29 ||
[Analyze grammar]

putro bhava hare svāminsaphalaṃ vāñchitaṃ kuru |
iti śrutvā hariḥ sākṣādvāmano balirakṣakaḥ || 30 ||
[Analyze grammar]

svapūrvārddhāddevahūtyāṃ tatpatnyāṃ ca samudbhavaḥ |
dvidhā bhūtvā mahī jātau divyāṅgau divyavigrahau || 31 ||
[Analyze grammar]

bhogasihaḥ kelisiṃha devapo daityapo hariḥ |
jitvā vātyodbhavānbhūpātkalpakṣetramupasthitaḥ || 32 ||
[Analyze grammar]

rahaḥ krīḍāvatī nāma nagarī mayanirmitā |
tatroṣya balavantau tau dadhatuśca kalerdhuram || 33 ||
[Analyze grammar]

patnīyaṃ sarvadharmāṇāṃ sārabhūtā sanātanī |
pativratāyāṃ ye jātā narā āryāḥ surapriyāḥ || 34 ||
[Analyze grammar]

dūṣitāyāṃ narā jātāste sarve varṇasaṅkarāḥ |
iti sañcintya bhagavānkṛtvā kāmamayaṃ vapuḥ || 35 ||
[Analyze grammar]

dine dine sahasrāṇi yoṣito bubhuje hariḥ |
tāḥ sarvā garbhamādhāya yamau suṣuvire mudā || 36 ||
[Analyze grammar]

nāryā tayā sahodaryā remire te sahodarāḥ |
evaṃ ca bahudhā sṛṣṭisteṣāṃ jātā kalau yuge || 37 ||
[Analyze grammar]

pūrvajātāstrivarṇāśca bhakṣayitvā dinedine |
karmabhūmyāṃ vavṛdhire pakṣiṇaśca yathā drume || 38 ||
[Analyze grammar]

ubhayābdasahasrānte tairannāḥ pūrvamānavāḥ |
tadā kaleśca caraṇo dvitīyo bhuvi cāgamat || 39 ||
[Analyze grammar]

sāmprataṃ vartate vārtā kinnarāṇāṃ ca bhūtale |
dvikiṣkumātrāśca narāḥ sārddhā daityamayāḥ smṛtāḥ || 40 ||
[Analyze grammar]

yathā khagāḥ karmahīnāścatvāriṃśābdajīvinaḥ |
bhūmigāśca tathā te vai bhedaṃ teṣveṣu naiva bhoḥ || 41 ||
[Analyze grammar]

dṛśyante cādya yuṣmābhirbhūtale kinnarā narāḥ |
dvitīyacaraṇānte ca bhaviṣyantyevameva hi || 42 ||
[Analyze grammar]

na vivāho na bhūpaśca nodyamo na hi karmakṛt |
bhavitā ca tadā teṣāṃ dvitīyacaraṇāntike || 43 ||
[Analyze grammar]

sapādalakṣābdamitamadyaprabhṛti bho dvijāḥ |
bhogakelyanvayodbhūtā bhaviṣyanti mahītale || 44 ||
[Analyze grammar]

ato mayā ca sahitā bhavanto munisattamāḥ |
kṛṣṇacaitanyamāgamya gamiṣyāmastadājñayā || 45 ||
[Analyze grammar]

vyāsa uvāca |
iti śrutvā tu munayo viśālāpūrnivāsinaḥ |
bho namaste gamiṣyanti yajñāṃśaṃ prati harṣitāḥ || 46 ||
[Analyze grammar]

natvā sarve muniśreṣṭhā yajñāṃśaṃ yajñarūpiṇam |
vacanaṃ ca vadiṣyanti dehyājñāṃ bhagavanprabho || 47 ||
[Analyze grammar]

indraloke gamiṣyāmo nākamadhyaṃ manoharam |
iti śrutvā tu yajñāṃśaḥ sarvaśiṣyasamanvitaḥ || 48 ||
[Analyze grammar]

taiḥ sarvaiḥ saha svarlokaṃ gamiṣyati surapriyaḥ |
tadā kaliḥ samaṃ daityairbhajiṣyati mahītalam |
kimanyacchrotumicchā te hṛṣīkottama tadvada || 49 ||
[Analyze grammar]

manuruvāca |
bhagavanvistarādbrūhi bhogakelicaritrakam |
kalau yathā bhaviṣyanti manujāstattathā prabho || 50 ||
[Analyze grammar]

vyāsa uvāca |
bhogasiṃhe kelisiṃhe vāmanāṃśasamudbhave || 51 ||
[Analyze grammar]

jitvā daityānnaramayānnarānvātyodbhavānbhuvi |
vāmanāṃśamupāgamya harṣitāḥ sambabhūvire || 52 ||
[Analyze grammar]

tadā tu duḥkhitā devāstyaktvā mūrtīḥ samantataḥ |
kṛṣṇacaitanyamāgamya natvocurnatakandharāḥ || 53 ||
[Analyze grammar]

bhagavaṃstvatprasādena caraṇaṃ prathamaṃ kaleḥ |
bhuktā tathā mahī svāmiñjitvā vai daityaprapūjakān || 54 ||
[Analyze grammar]

kiṃ kartavyaṃ ca yajñāṃśa namaste karuṇākara |
iti śrutvā hariḥ prāha tadā śṛṇudhvaṃ surasattamāḥ || 55 ||
[Analyze grammar]

ahaṃ svargaṃ gamiṣyāmi bhavadbhiḥ saha harṣitaḥ |
ato yūyaṃ surāḥ sarve devavaṃśānnarānsadā || 56 ||
[Analyze grammar]

utthāpya śīghramāgamya gacchadhvaṃ ca triviṣṭapam |
iti sūtena kathite munīnprati sumaṇḍalam || 57 ||
[Analyze grammar]

devā vimānamādāya tatra yāsyanti bho manaḥ |
sūtādīṃśca munīnsarvānsamāruhya surāstadā || 58 ||
[Analyze grammar]

yajñāṃśaṃ ca gamiṣyanti nadīhopavane tadā |
ahlādaśca tadā yogī gorakhādyāstathaiva ca || 59 ||
[Analyze grammar]

śaṅkarādyāśca rudrāṃśā nṛpo bhartṛharistadā |
anye tu yoganiṣṭhāśca gamiṣyanti hitapradāḥ || 60 ||
[Analyze grammar]

taiḥ sārddhaṃ kṛṣṇacaitanyo devalokaṃ gamiṣyati |
tadā tau vāmanāṃśau ca dvitīyacaraṇe kalau || 61 ||
[Analyze grammar]

yoganiṣṭhāṃ samādhāya kalpakṣetre vasiṣyataḥ |
tadaiva sakalā daityā harṣitāstairnṛbhirmuhuḥ || 62 ||
[Analyze grammar]

vivarānvarddhayiṣyanti pātālādyānsamantataḥ |
kalestutīyacaraṇe samprāpte kinnarāśca te || 63 ||
[Analyze grammar]

śanaiḥśanaiḥ kṣayaṃ bhūmau gamiṣyanti samantataḥ |
ṣaḍviṃśābdasahasre ca tṛtīyacaraṇe gate || 64 ||
[Analyze grammar]

rudrājñayā bhṛṅgaṛṣirbhūtapakṣo gamiṣyati |
saurabhī nāma tatpatnī janiṣyati mahābalān || 65 ||
[Analyze grammar]

kaulakalpānnarānghorānsarvakinnarabhakṣakān |
ṣaḍviṃśābdavayasteṣāṃ bhaviṣyati tadā kalau || 66 ||
[Analyze grammar]

śaraṇaṃ vāmanāṃśaṃ ca gamiṣyanti sakinnarāḥ |
bhogasihaḥ kelisiṃhastaiśca sārddhaṃ mahadraṇam || 67 ||
[Analyze grammar]

kariṣyati daśābdaṃ ca punastaiśca parājitau |
daityaiḥ sārddhaṃ ca pātālaṃ vāmanāṃśo gamiṣyataḥ || 68 ||
[Analyze grammar]

bhṛṅgasṛṣṭirmahāghorā bhaviṣyati tadā kalau |
mātṛḥ svasuḥ sutāste vai narāśca paśurūpiṇaḥ || 69 ||
[Analyze grammar]

bhuktvā prītyā ca kāmāndhā janiṣyanti sutānbahūn |
kalestṛtīyacaraṇe samāpte tāstu sṛṣṭayaḥ || 70 ||
[Analyze grammar]

tiryyagyonidharā ghorāḥ kṣayiṣyanti kalau yuge |
kaleścaturthacaraṇe samprāpte tu tadā narāḥ || 71 ||
[Analyze grammar]

viṃśadabdavayaskāśca mariṣyanti ca nārakāḥ |
yathā jalamanuṣyāśca yathaiva vanajā narāḥ || 72 ||
[Analyze grammar]

kandamūlaphalāhārā bhaviṣyanti kalau tadā |
ālokā ye tu vikhyātāstāmisrādyā bhayānakāḥ || 73 ||
[Analyze grammar]

te sarve pūrṇameṣyanti karmabhūmibhavairnaraiḥ |
yathā satyasya prathame caraṇe satyalokakaḥ || 74 ||
[Analyze grammar]

dvitīye ca tapoloke janalokastṛtīyakaḥ |
caturthe svargalokaśca pūritaḥ karmabhūmijaiḥ || 75 ||
[Analyze grammar]

tretāyugādyacaraṇe bhuvarlokaṃ bhuvāspadam |
svargalokaṃ yathā taiśca manujaiḥ pūritaṃ smṛtam || 76 ||
[Analyze grammar]

dvitīye ṛṣilokaṃ ca tṛtīye grahaviṣṭapam |
caturthe ca bhuvarlokaṃ pūritaṃ karmajairnaraiḥ || 77 ||
[Analyze grammar]

dvāparādyapade pūrṇe bhaveddvīpaḥ sa puṣkara |
dvitīye śālmalaḥ krauñcastṛtīye dvīpaśeṣakaḥ || 78 ||
[Analyze grammar]

jambūdvīpaścaturthe ca caraṇe munibhiḥ smṛtaḥ |
kaleśca caraṇe cādyedhaścordhvaṃ pūritaṃ jagat || 79 ||
[Analyze grammar]

dvitīye saptapātālastṛtīye bhūtaviṣṭapam |
pūritaṃ manujaistatra karmabhūmisamudbhavaiḥ || 80 ||
[Analyze grammar]

tadādyanārakāssarve pūrṇameṣyanti tairnaraiḥ |
iti te kathitaṃ sarvaṃ yatpṛṣṭo'haṃ mano tvayā || 81 ||
[Analyze grammar]