Chapter 4

sūta uvāca |
bhṛguvarya śṛṇu tvaṃ vai vaṃśaṃ pariharasya ca |
jitvā bauddhānpariharo'tharvavedaparāyaṇaḥ || 1 ||
[Analyze grammar]

śaktiṃ sarvamayīṃ nityāṃ dhyātvā premaparo'bhavat |
prasannā sā tadā devī sārdhayojanamāyatam || 2 ||
[Analyze grammar]

nagaraṃ citrakūṭādrau cakāra kalinirjaram |
kaliryatra bhavedbaddho nagare'sminsurapriye || 3 ||
[Analyze grammar]

ataḥ kaliṃjaro nāmnā prasiddho'bhūnmahītale |
dvādaśābdaṃ kṛtaṃ rājyaṃ tena pūrvapradeśake || 4 ||
[Analyze grammar]

gauravarmā tasya sutaḥ kṛtaṃ rājyaṃ pituḥ samam |
svānujaṃ ghoravarmāṇaṃ tatrāsthāpya mudānvitaḥ || 5 ||
[Analyze grammar]

gauḍadeśaṃ samāgamya tatra rājyamakārayat |
suparṇo nāma nṛpatistato'bhūdgauravarmaṇaḥ || 6 ||
[Analyze grammar]

pitustulyaṃ kṛtaṃ rājyaṃ rūpaṇastatsuto'bhavat |
pitustulyaṃ kṛtaṃ rājyaṃ kāravarmā suto'bhavat || 7 ||
[Analyze grammar]

śako nāma tato rājā mahālakṣmīṃ sanātanīm |
trivarṣāṃte ca sā devī kāmākṣīrūpadhāriṇī || 8 ||
[Analyze grammar]

svabhaktapālanā caiva tatra vāsamakārayat |
śatārddhābdaṃ kṛtaṃ rājyaṃ tena vai kāmavarmaṇā || 9 ||
[Analyze grammar]

mithunaṃ janayāmāsa bhogo bhogavatī hi sā |
vikramāyaiva nṛpatiḥ sutāṃ bhogavatīṃ dadau || 10 ||
[Analyze grammar]

svarājyaṃ ca svaputrāya pradadau bhogavarmaṇe |
pitustulyaṃ kṛtaṃ rājyaṃ kālivarmā suto'vat || 11 ||
[Analyze grammar]

mahotsavaṃ mahākālyāḥ kṛtavānsa ca bhūpatiḥ |
tasmai prasannā varadā kālī bhūtvā svayaṃ sthitā || 12 ||
[Analyze grammar]

kalikā bahupuṣpāṇāṃ sā cakāra svaharṣataḥ |
tābhirbhavaṃ ca nagaraṃ saṃjātaṃ ca manoharam || 13 ||
[Analyze grammar]

kalikātā purī nāmnā prasiddhābhūnmahītale |
kauśikastasya tanayaḥ pitustulyaṃ kṛtaṃ padam || 14 ||
[Analyze grammar]

kātyāyanastasya sutaḥ pitustulyaṃ kṛtaṃ padam |
tasya putro hemavataḥ pitustulyaṃ kṛtaṃ padam || 15 ||
[Analyze grammar]

śivavarmā ca tatputraḥ pitustulyaṃ kṛtaṃ padam |
bhavavarmā ca tatputraḥ pitustulyaṃ kṛtaṃ padam || 16 ||
[Analyze grammar]

rudravarmā ca tatputraḥ kṛtaṃ rājyaṃ pituḥ samam |
bhojavarmā ca tatputrastyaktvā vai paitṛkaṃ padam || 17 ||
[Analyze grammar]

bhojarāṣṭraṃ vanoddeśe kārayāmāsa vīryavān |
pitustulyaṃ kṛtaṃ rājyaṃ gavavarmā nṛpobhavat || 18 ||
[Analyze grammar]

pitustulyaṃ kṛtaṃ rājyaṃ viṃdhyavarmā nṛpo'bhavat |
svānujāya svakaṃ rājyaṃ dattvā vaṃgamupāyayau || 19 ||
[Analyze grammar]

pitustulyaṃ kṛtaṃ rājyaṃ sukhasenastato'bhavat |
pitustulyaṃ kṛtaṃ rājyaṃ balākastasya cātmajaḥ || 20 ||
[Analyze grammar]

daśavarṣaṃ kṛtaṃ rājyaṃ lakṣmaṇastatsuto'bhavat |
pitustulyaṃ kṛtaṃ rājyaṃ mādhavastatsuto'bhavat || 21 ||
[Analyze grammar]

pitustulyaṃ kṛtaṃ rājyaṃ veśavastatsuto' bhavat |
pitustulyaṃ kṛtaṃ rājyaṃ surasenastato'bhavat || 22 ||
[Analyze grammar]

pitustulyaṃ kṛtaṃ rājyaṃ tato nārāyaṇo'bhavat |
pitustulyaṃ kṛtaṃ rājyaṃ śāṃtivarmā sutobhavat || 23 ||
[Analyze grammar]

gaṃgākūle śāṃtipuraṃ racitaṃ tena dhīmatā |
nivāsaṃ kṛtavānbhūpaḥ pitustulyaṃ kṛtaṃ padam || 24 ||
[Analyze grammar]

nadīvarmā tasya suto gaṃgādattavaro balī |
cakāra nagarīṃ ramyāṃ nadīhāṃ gauḍarāṣṭragām || 25 ||
[Analyze grammar]

gaṃgayā ca tadāhūtobhijño vidyādharaḥ svayam |
tenaiva rakṣitā cāsītpurī vedaparāyaṇā || 26 ||
[Analyze grammar]

viṃśadvarṣaṃ kṛtaṃ rājyaṃ tena rājñā mahātmanā |
gaṃgāvaṃśastato jāto viśruto'bhūnmahītale || 27 ||
[Analyze grammar]

śārṅgadevastasya suto balavānharipūjakaḥ |
gauḍadeśamupāgamya haridhyānaparobhavat || 28 ||
[Analyze grammar]

daśavarṣaṃ kṛtaṃ rājyaṃ gaṃgādevastu tatsutaḥ |
viṃśadvarṣaṃ kṛtaṃ rājyaṃ cānaṃgastasya bhūpatiḥ || 29 ||
[Analyze grammar]

tanayo balavāṃścāsīdgauḍadeśamahīpatiḥ |
pitustulyaṃ kṛtaṃ rājya tato rājeśvaro'bhavat || 30 ||
[Analyze grammar]

pitustulyaṃ kṛtaṃ rājyaṃ nṛsiṃha stanayo'bhavat |
pitustulyaṃ kṛtaṃ rājyaṃ kalivarmā suto'bhavat || 31 ||
[Analyze grammar]

rāṣṭradeśamupāgamya jitvā tasya nṛpaṃ balī |
mahāvatīṃ purīṃ ramyāmadhyāsya sukhito'bhavat || 32 ||
[Analyze grammar]

pitustulyaṃ kṛtaṃ rājyaṃ dhṛtivarmā suto'bhavat |
pitustulyaṃ kṛtaṃ rājyaṃ tasya putro mahīpatiḥ || 33 ||
[Analyze grammar]

jayacaṃdrājñayā bhūpa urvīmāyāmiti smṛtām |
nagarīṃ kārayāmāsa tatra vāsamakārayat || 34 ||
[Analyze grammar]

kurukṣetre hatāḥ sarve kṣatriyāścaṃdravaṃśinaḥ |
tadā mahīpatī rājā mahāvatyadhipo'bhavat || 35 ||
[Analyze grammar]

viṃśadvarṣaṃ kṛtaṃ rājyaṃ sahoddīnena vai tataḥ |
kurukṣetre mṛtiṃ prāptāḥ suyodhanakalāṃśakāḥ || 36 ||
[Analyze grammar]

ghoravarmā tu nṛpatiḥ sutaḥ pariharasya vai |
kaliṃjare kṛtaṃ rājyaṃ śārdūlastatsuto'bhavat || 37 ||
[Analyze grammar]

tadanvaye ca ye bhūpāḥ śārdūlīyāḥ prakīrtitāḥ |
bhūpānāṃ bahudhā rāṣṭraṃ śārdūlānvayasaṃbhavam || 38 ||
[Analyze grammar]

babhūva sarvato bhūmau mahāmāyāprasādataḥ |
iti te kathitaṃ vipra pāvakīyamahībhujām || 39 ||
[Analyze grammar]

kulaṃ sakalapāpaghnaṃ yathaiva śaśisūryayoḥ |
punaranyatpravakṣyāmi yathā jātaḥ svayaṃ hariḥ || 40 ||
[Analyze grammar]