![Bhavishya Purana [sanskrit] - book cover](/uploads/a/Bhavishya-Purana-Sanskrit.jpg)
Bhavishya Purana [sanskrit]
245,265 words
This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.
Chapter 15
sūta uvāca |
indule svargasaṃprāpte te vīrāḥ śokakātarāḥ |
śāradāṃ pūjayāmāsuḥ sarvalokanivāsinīm || 1 ||
[Analyze grammar]
japtvā saptaśatī stotraṃ trisandhyaṃ premabhaktitaḥ |
dhyānenānandamāpannāstadā saptaśatehani || 2 ||
[Analyze grammar]
sāmantadvijaputraśca cāmuṇḍo nāma viśrutaḥ |
so'ṣṭavarṣavayā bhūtvā pūjayāmāsa caṇḍikām || 3 ||
[Analyze grammar]
dvādaśābde tato jāte tricaritrasya pāṭhataḥ |
parīkṣārthaṃ tu bhaktānāṃ sākṣānmūrtitvamāgatā || 4 ||
[Analyze grammar]
kuṃḍikeyaṃ ca bho bhaktāḥ pūrayāmi ca tāmaham |
yūyaṃ tu manasopāyaiḥ kurudhvaṃ pūraṇe matim || 5 ||
[Analyze grammar]
sukhakhānistu balavānmadhupuṣpaistathā phalaiḥ |
kuṇḍikāṃ pūrayā māsa na pūrṇatvamupāgatā |
balakhānistathā māṃsairmūlaśarmā tu raktakaiḥ || 6 ||
[Analyze grammar]
devakī ca tadā havyaiścandanādibhirarcanaiḥ |
kuṇḍikāṃ pūrayāmāsa na pūrṇatvamupāgatā || 7 ||
[Analyze grammar]
āhrādaścaiva sarvāṃgairudayaḥ śirasā svayam |
kuṇḍikāṃ pūrayāmāsa tadā pūrṇatvamāgatā || 8 ||
[Analyze grammar]
uvāca vacanaṃ devī svabhaktānbhaktavatsalā |
sukhākhāne bhavānvīro bhaviṣyati surapriyaḥ || 9 ||
[Analyze grammar]
balakhānirmahāvīro dīrghe kāle sa mṛtyubhāk |
mūlaśarmā tu balavānraktabījo bhaviṣyati || 10 ||
[Analyze grammar]
devakī ca bhaveddevī cirakālaṃ svalokagā |
āhlādaścaiva kṛṣṇāṃśastayormadhye dvayaṃ varam |
ekastu devavatprokto balādhikyo dvitīyakaḥ || 11 ||
[Analyze grammar]
niṣkāmo'yaṃ devasiṃho mṛto mokṣatvamāpnuyāt |
ityuktvāntardadhe mātā te sarve tṛptimāgatāḥ || 12 ||
[Analyze grammar]
iti śrībhaviṣye mahāpurāṇe pratisargaparvaṇi caturyugakhaṃḍāparaparyāye kaliyugīyetihāsasamuccaye pañcadaśo'dhyāyaḥ || 15 ||
[Analyze grammar]
Other editions:
Also see the following editions of the Sanskrit text or (alternative) English translations of the Chapter 15
Bhavishya Purana: Sanskrit Text with Hindi Translation
by S. N. Khandelwal (2022)
Publisher: Chaukhamba Sanskrit Pratishthan; Pages: 2538.
Buy now!
Complete Bhavisya Mahapurana (English translation)
by Shantilal Nagar (2023)
Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292
Buy now!