Chapter 3

śrīsūta uvāca |
śālivāhanavaṃśe ca rājāno daśa cābhavan |
rājyaṃ paṃcaśatābdaṃ ca kṛtvā lokāntaraṃ yayuḥ || 1 ||
[Analyze grammar]

maryyādā kramato līnā jātā bhūmaṃḍale tadā |
bhūpatirdaśamo yo vai bhojarāja iti smṛtaḥ |
dṛṣṭvā prakṣīṇamaryyādāṃ balī digvijayaṃ yayau || 2 ||
[Analyze grammar]

senayā daśasāhasryā kālidāsena saṃyutaḥ |
tathānyairbrāhmaṇaiḥ sārddhaṃ siṃdhupāramupāyayau || 3 ||
[Analyze grammar]

jitvā gāṃdhārajānmlecchānkāśmīrānnāravāñchaṭhān |
teṣāṃ prāpya mahākośaṃ daṃḍayogyānakārayat || 4 ||
[Analyze grammar]

etasminnantare mleccha ācāryyeṇa samanvitaḥ |
mahāmada iti khyātaḥ śiṣyaśākhāsamanvitaḥ || 5 ||
[Analyze grammar]

nṛpaścaiva mahādevaṃ marusthalanivāsinam |
gaṃgājalaiśca saṃsnāpya paṃcagavyasamanvitaiḥ |
caṃdanādibhirabhyarcya tuṣṭāva manasā haram || 6 ||
[Analyze grammar]

bhojarāja uvāca |
namaste girijānātha marusthalanivāsine |
tripurāsuranāśāya vahumāyāpravarttine || 7 ||
[Analyze grammar]

mlecchairguptāya śuddhāya saccidānandarūpiṇe |
tvaṃ māṃ hi kiṃkaraṃ viddhi śaraṇārthamupāgatam || 8 ||
[Analyze grammar]

sūta uvāca |
iti śrutvā stavaṃ devaḥ śabdamāha nṛpāya tam |
gaṃtavyaṃ bhojarājena mahākāleśvarasthale || 9 ||
[Analyze grammar]

mlecchaissudūṣitā bhūmirvāhīkā nāma viśrutā |
āryyadharmo hi naivātra vāhīke deśadāruṇe || 10 ||
[Analyze grammar]

babhūvātra mahāmāyī yo'sau dagdho mayā purā |
tripuro balidaityena preṣitaḥ punarāgataḥ || 11 ||
[Analyze grammar]

ayoniḥ sa varo mattaḥ prāptavāndaityavarddhanaḥ |
mahāmada iti khyātaḥ paiśācakṛtitatparaḥ || 12 ||
[Analyze grammar]

nāgantavyaṃ tvayā bhūpa paiśāce deśadhūrtake |
matprasādena bhūpāla tava śuddhiḥ prajāyate || 13 ||
[Analyze grammar]

iti śrutvā nṛpaścaiva svadeśānpunarāgamat |
mahāmadaśca taiḥ sārddhaṃ siṃdhutīramupāyayau || 14 ||
[Analyze grammar]

uvāca bhūpatiṃ premṇā māyāmadaviśāradaḥ |
tava devo mahārāja mama dāsatvamāgataḥ || 15 ||
[Analyze grammar]

mamocchiṣṭhaṃ sabhuṃjīyādyathā tatpaśya bho nṛpa |
iti śrutvā tathā dṛṣṭvā paraṃ vismayamāgataḥ || 16 ||
[Analyze grammar]

mlecchadharme matiścāsīttasya bhūpasya dāruṇe || 17 ||
[Analyze grammar]

tacchrutvā kālidāsastu ruṣā prāha mahāmadam |
māyā te nirmitā dhūrta nṛpamohanahetave || 18 ||
[Analyze grammar]

haniṣyāmi durācāraṃ vāhīkaṃ puruṣādhamam || |
ityuktvā sa dvijaḥ śrīmānnavārṇajapatatparaḥ || 19 ||
[Analyze grammar]

japtvā daśasahasraṃ ca taddaśāṃśaṃ juhāva saḥ |
bhasma bhūtvā sa māyāvī mlecchadevatvamāgataḥ || 20 ||
[Analyze grammar]

bhayabhītāstu tacchiṣyā deśaṃ vāhīkamāyayuḥ |
gṛhītvā svagurorbhasma madahīnatvamāgatam || 21 ||
[Analyze grammar]

sthāpitaṃ taiśca bhūmadhye tatroṣurmadatatparāḥ || |
madahīnaṃ puraṃ jātaṃ teṣāṃ tīrthaṃ samaṃ smṛtam || 22 ||
[Analyze grammar]

rātrau sa devarūpaśca bahumāyāviśāradaḥ |
paiśācaṃ dehamāsthāya bhojarājaṃ hi so'bravīt || 23 ||
[Analyze grammar]

āryyadharmo hi te rājansarvadharmottamaḥ smṛtaḥ |
īśājñayā kariṣyāmi paiśācaṃ dharmadāruṇam || 24 ||
[Analyze grammar]

liṃgacchedī śikhāhīnaḥ śmaśrudhārī sa dūṣakaḥ |
uccālāpī sarvabhakṣī bhaviṣyati jano mama || 25 ||
[Analyze grammar]

vinā kaulaṃ ca paśavasteṣāṃ bhakṣyā matā mama |
musalenaiva saṃskāraḥ kuśairiva bhaviṣyati || 26 ||
[Analyze grammar]

tasmānmusalavanto hi jātayo dharmadūṣakāḥ |
iti paiśācadharmaśca bhaviṣyati mayā kṛtaḥ || 27 ||
[Analyze grammar]

ityuktvā prayayau devaḥ sa rājā gehamāyayau |
trivarṇe sthāpitā vāṇī sāṃskṛtī svargadāyinī || 28 ||
[Analyze grammar]

śūdreṣu prākṛtī bhāṣā sthāpitā tena dhīmatā |
paṃcāśadabdakālaṃ tu rājyaṃ kṛtvā divaṃ gataḥ || 29 ||
[Analyze grammar]

sthāpitā tena maryyādā sarvadevopamāninī |
āryyāvartaḥ puṇyabhūmirmadhyaṃ viṃdhyahimālayoḥ || 30 ||
[Analyze grammar]

āryya varṇāḥ sthitāstatra viṃdhyānte varṇasaṃkarāḥ |
narā musalavantaśca sthāpitāḥ siṃdhupārajāḥ || 31 ||
[Analyze grammar]

barbare tuṣadeśe ca dvīpe nānāvidhe tathā |
īśāmasīhadharmmāśca surai rājñaiva saṃsthitāḥ || 32 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṃḍāparaparyāye kaliyugīyetihāsasamuccaye tṛtī yo'dhyāyaḥ || 3 ||
[Analyze grammar]