Bhavishya Purana [sanskrit]

245,265 words

This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.

śaunaka uvāca |
brahmāvarte kathaṃ mlecchā na prāptāḥ kāraṇaṃ vada |
sūtaḥ prāha śṛṇuṣvedaṃ sarasvatyāḥ prabhāvataḥ || 1 ||
[Analyze grammar]

mlecchāḥ prāptā na tatsthāne kāśyapo nāma vai dvijaḥ |
kalau prāpte sahasrābde svargātprāptaḥ surājñayā || 2 ||
[Analyze grammar]

āryāvatī ca tatpatnī daśa putrānakalmaṣān |
kāśyapātsā labdhavatī teṣāṃ nāmāni me śṛṇu || 3 ||
[Analyze grammar]

upādhyāyo dīkṣitaśca pāṭhakaḥ śuklamiśrakau |
agnihotrī dvivedī ca trivedī pāṇḍya eva ca || 4 ||
[Analyze grammar]

caturvedīti kathitā nāmatulyaguṇāḥ smṛtāḥ |
teṣāṃ madhye kāśyapaśca sarvajñānamasamanvitaḥ || 5 ||
[Analyze grammar]

kāśmīre prāptavānso'pi jagadambāṃ sarasvatīm |
tuṣṭāva pūjanaṃ kṛtvā raktapuṣpaistvathākṣataiḥ || 6 ||
[Analyze grammar]

dhūpairdīpaiśca naivedyaiḥ puṣpāṃjalisamanvitaḥ || 7 ||
[Analyze grammar]

kāśyapa uvāca |
mātaḥ śaṃkaradayite mayi te karuṇā kuto nāsti |
bho'si tvaṃ jagadaṃbā jagataḥ kiṃ māṃ bahirna yasi || 8 ||
[Analyze grammar]

devi tvaṃ surahetordharmadrohiṇamāśu haṃsi mātaḥ |
uttamasaṃskṛtabhāṣāṃ tvaṃ kuru mlecchāṃśca mohayeḥ śīghram || 9 ||
[Analyze grammar]

aṃba tvaṃ bahurūpā huṃkārā ddhūmralocanaṃ hasi |
bhīmaṃ durgā daityaṃ hatvā jagatāṃ sukhaṃ nayasi || 10 ||
[Analyze grammar]

daṃbhaṃ mohaṃ ghoraṃ garvaṃ hatvā sadā sukhaṃ śeṣe |
bodhaya mātarjagato duṣṭānnaṣṭā nkuru tvaṃ vai |
tadā prasannā sā devī bho munestasya mānase || 11 ||
[Analyze grammar]

vāsaṃ kṛtvā dadau jñānaṃ miśradeśe munirgataḥ |
sarvānmlecchānmohayitvā kṛtvātha tāndvijanmanaḥ || 12 ||
[Analyze grammar]

saṃkhyādaśasahasraṃ ca naravṛndaṃ dvijanmanām |
dvisahasraṃ smṛtā vaiśyāḥ śeṣāḥ śūdrasutāḥ smṛtāḥ || 13 ||
[Analyze grammar]

taiḥ sārddhamāryadeśe sa sarasvatyāḥ prasādataḥ |
avasadvai muniśreṣṭho munikāryarataḥ sadā || 14 ||
[Analyze grammar]

teṣāmāryasamūhānāṃ devyāśca varadānataḥ |
vṛddhirbhavati bahulā catuṣkoṭinarāḥ striyaḥ || 15 ||
[Analyze grammar]

teṣāṃ putrāśca pautrāśca tadbhūpaḥ kāśyapo muniḥ |
viṃśottaraśataṃ varṣaṃ tasya rājyaṃ prakīrtitam || 16 ||
[Analyze grammar]

rājyaputrākhyadeśe ca śūdrāścāṣṭasahasrakāḥ |
teṣāṃ bhūpaścāryapṛthustasmājjātassa māgadhaḥ || 17 ||
[Analyze grammar]

māgadhaṃ nāma tatputramabhiṣicya yayau muniḥ |
iti śrutvā bhṛguśreṣṭhaḥ śaunako harṣamāgataḥ || 18 ||
[Analyze grammar]

sūtaṃ paurāṇikaṃ natvā viṣṇudhyānaparo'bhavat |
punaśca śrutivarṣānte bodhitā munayastathā || 19 ||
[Analyze grammar]

nityanaimittikaṃ kṛtvā papracchuridamādarāt |
lomaharṣaṇa me brūhi ke rājānaśca māgadhāt |
kalau rājyaṃ kṛtaṃ yaistu vyāsaśiṣya vadasva naḥ || 20 ||
[Analyze grammar]

sūta uvāca || |
māgadho māgadhe deśe prāptavānkāśyapātmajaḥ || 21 ||
[Analyze grammar]

pitṛrājyaṃ smṛtaṃ tena tvāryadeśaḥ pṛthakkṛtaḥ |
pāñcālātpūrvato deśo māgadhaḥ parikīrtitaḥ || 22 ||
[Analyze grammar]

āgneyyāṃ ca kaliṃgaśca tathāvantastu dakṣiṇe |
ānartadeśā nairṛtyāṃ siṃdhudeśastu paścime || 21 ||
[Analyze grammar]

vāyavyāṃ kaikayo deśo madradeśastathottare |
īśāne caiva koṇindaścāryadeśaśca tatkṛtaḥ || 24 ||
[Analyze grammar]

deśanāmnā tasya sutā magadhasya mahātmanaḥ |
tebhyoṃśāni pradattāni tatpaścātkratumudvahan || 25 ||
[Analyze grammar]

balabhadrastadā tuṣṭo yajñabhāvena bhāvitaḥ |
śiśunāgaḥ kratorjāto balabhadrāṃśasaṃbhavaḥ || 26 ||
[Analyze grammar]

śatavarṣaṃ kṛtaṃ rājyaṃ kākavarmā suto'bhavat |
tadrājyaṃ navativarṣaṃ kṣemadharmā tato'bhavat || 27 ||
[Analyze grammar]

aśītivarṣaṃ rājyaṃ tatkṣetraujāstatsuto'bhavat |
daśahīnaṃ kṛtaṃ rājyaṃ vedamiśrastato'bhavat || 28 ||
[Analyze grammar]

daśahīnaṃ kṛtaṃ rājyaṃ tato'jātaripussutaḥ |
daśahīnaṃ kṛtaṃ rājyaṃ darbhakastanayo'bhavat || 29 ||
[Analyze grammar]

daśahīnaṃ kṛtaṃ rājyamudayāśvastato'bhavat |
daśahīnaṃ kṛtaṃ rājyaṃ naṃdavardhana eva tat || 30 ||
[Analyze grammar]

daśahīnaṃ kṛtaṃ rājyaṃ tasmānnaṃdasuto'bhavat |
pitustulyaṃ kṛtaṃ rājyaṃ śūdrīgarbhasamudbhavaḥ || 31 ||
[Analyze grammar]

nandājjātaḥ pranandaśca daśavarṣaṃ kṛtaṃ padam |
tasmājātaḥ parānandaḥ pitustulyaṃ kṛtaṃ padam || 32 ||
[Analyze grammar]

tasmājjātassamānaṃdo viṃśadvarṣaṃ kṛtaṃ padam |
tasmājātaḥ priyānaṃdaḥ pitustulyaṃ kṛtaṃ padam || 33 ||
[Analyze grammar]

devānaṃdastasya sutaḥ pitustulyaṃ kṛtaṃ padam |
yajñabhaṃgaḥ sutastasmātpiturarddhaṃ kṛtaṃ padam || 34 ||
[Analyze grammar]

mauryānaṃdastasya sutaḥ pitustulyaṃ kṛtaṃ padam |
mahānandastato jātaḥ pitustulyaṃ kṛtaṃ padam || 35 ||
[Analyze grammar]

etasminneva kāle tu kalinā saṃsmṛto hariḥ |
kāśyapādudbhavo devo gautamo nāma viśrutaḥ || 36 ||
[Analyze grammar]

bauddhadharmaṃ ca saṃskatya paṭṭaṇe prāptavānhariḥ |
daśavarṣaṃ kṛtaṃ rājyaṃ tasmācchākyamuniḥ smṛtaḥ || 37 ||
[Analyze grammar]

viṃśadvarṣaṃ kṛtaṃ rājyaṃ tasmācchuddhodano'bhavat |
triṃśadvarṣaṃ kṛtaṃ rājyaṃ śākya siṃhastato'bhavat || 38 ||
[Analyze grammar]

śatādrau dvisahasre'bde vyatīte so'bhavannṛpaḥ |
kaleḥ prathamacaraṇe vedamārgo vināśitaḥ || 39 ||
[Analyze grammar]

ṣaṣṭivarṣaṃ kṛtaṃ rājyaṃ sarvabauddhā narāḥ smṛtāḥ |
nareṣu viṣṇurnṛpatiryathā rājā tathā prajāḥ || 40 ||
[Analyze grammar]

viṣṇorvīryānusāreṇa jagaddharmaḥ pravarttate |
tasminharau ye śaraṇaṃ prāptā māyāpatau narāḥ || 41 ||
[Analyze grammar]

api pāpasamācārā mokṣavaṃtaḥ prakīrtitāḥ |
śakyasiṃhādbuddhasiṃhaḥ piturarthaṃ kṛtaṃ padam || 42 ||
[Analyze grammar]

caṃdraguptastasya sutaḥ paurasā dhipateḥ sutām |
sulūvasya tathodvāhya yāvanībauddhatatparaḥ || 43 ||
[Analyze grammar]

ṣaṣṭivarṣaṃ kṛtaṃ rājyaṃ biṃdusārastato'bhavat |
pitṛstulya kṛtaṃ rājyamaśokastanayo'bhavat || 44 ||
[Analyze grammar]

etasminneva kāle tu kānyakubjo dvijottamaḥ |
arbudaṃ śikharaṃ prāpya brahmahomamathākarot || 45 ||
[Analyze grammar]

vedamaṃtraprabhāvācca jātāścatvāri kṣatriyāḥ |
pramarassāmavedī ca capahāniryajurvidaḥ || 46 ||
[Analyze grammar]

trivedī ca tathā śuklotharvā sa parihārakaḥ |
airāvatakule jātāngajānāruhya te pṛthak || 47 ||
[Analyze grammar]

aśokaṃ svavaśaṃ cakussarve bauddhā vināśitāḥ |
caturlakṣāḥ smṛtā bauddhāḥ divyaśastraiḥ prahāritāḥ || 48 ||
[Analyze grammar]

avante pramaro bhūpaścaturyojanavistṛtām |
ambāvatīṃ nāma purīmadhyāsya sukhito'bhavat || 49 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṃḍāparaparyāye kaliyugabhūpavarṇano pākhyāne ṣaṣṭhodhyāyaḥ || 6 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 6

Cover of edition (2022)

Bhavishya Purana: Sanskrit Text with Hindi Translation
by S. N. Khandelwal (2022)

Publisher: Chaukhamba Sanskrit Pratishthan; Pages: 2538.

Buy now!
Cover of edition (2023)

Complete Bhavisya Mahapurana (English translation)
by Shantilal Nagar (2023)

Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: