Chapter 3

śaunaka uvāca |
saṃvarṇaśca mahīpālaḥ kasminkāle samāgataḥ |
lomaharṣaṇa me brūhi dvāparasya nṛpāṃstathā || 1 ||
[Analyze grammar]

sūta uvāca |
bhādrasya kṛṣṇapakṣe tu trayodaśyāṃ bhṛgau dine |
saṃvarṇo munibhiḥ sārddhaṃ pratiṣṭhāne samāgataḥ || 2 ||
[Analyze grammar]

pratiṣṭhānaṃ kṛtaṃ ramyaṃ pañcayojanamāyatam |
arddhakrośonnataṃ harmyaṃ racitaṃ viśvakarmaṇā || 3 ||
[Analyze grammar]

buddhivaṃśe prasenasya saktāyā bhūpatiḥ kṛtaḥ |
yaduvaṃśe sātvataśca madhurābhūpatiḥ kṛtaḥ || 4 ||
[Analyze grammar]

mlecchavaṃśe śmaśrupālo marudeśasya bhūpatiḥ |
krameṇa varddhitā bhūpāḥ prajābhiḥ sahitā bhuvi || 5 ||
[Analyze grammar]

daśavarṣasahasrāṇi saṃvarṇo bhūpatiḥ smṛtaḥ |
tasyātmajo'yamarcājñaḥ kṛtaṃ rājyaṃ pitussamam || 6 ||
[Analyze grammar]

tasya putraḥ sūrijāpī piturarddhaṃ ca rājyakṛt |
sūryayajñastasya putraḥ saurayajñaparāyaṇaḥ || 7 ||
[Analyze grammar]

śatahīnaṃ kṛtaṃ rājyaṃ tasmādātithyavardhanaḥ |
śatahīnaṃ kṛtaṃ rājyaṃ dvādaśātmā tu tatsutaḥ || 8 ||
[Analyze grammar]

śatahīnaṃ kṛta rājyaṃ tasmājjāto divākaraḥ |
śatahīnaṃ kṛtaṃ rājyaṃ tasmājjātaḥ prabhākaraḥ || 9 ||
[Analyze grammar]

śatahīnaṃ kṛtaṃ rājyaṃ bhāsvadātmā ca tatsutaḥ |
śatahīnaṃ kṛtaṃ rājyaṃ vivasvajjñastadātmajaḥ || 10 ||
[Analyze grammar]

śatahīnaṃ kṛtaṃ rājyaṃ haridaśvārcanastataḥ |
śatahīnaṃ kṛtaṃ rājyaṃ tasmādvaikartanaḥ sutaḥ || 11 ||
[Analyze grammar]

śatahīnaṃ kṛtaṃ rājyaṃ stasmādarkeṣṭimānsutaḥ |
śatahīnaṃ kṛtaṃ rājyaṃ tasmānmārtaṃḍavatsalaḥ || 12 ||
[Analyze grammar]

śatahīnaṃ kṛtaṃ rājyaṃ mihirārthastu tatsutaḥ |
śatahīnaṃ kṛtaṃ rājyaṃ tasmādaruṇapoṣaṇaḥ || 13 ||
[Analyze grammar]

śatahīnaṃ kṛtaṃ rājyaṃ tasmāddyumaṇivatsalaḥ |
śatahīnaṃ kṛtaṃ rājyaṃ tasmāttaraṇiyajñakaḥ || 14 ||
[Analyze grammar]

śatahīnaṃ kṛtaṃ rājyaṃ tasmānmaitreṣṭivardhanaḥ |
śatahīnaṃ kṛtaṃ rājyaṃ citrabhānūrjakastataḥ || || 15 ||
[Analyze grammar]

śatahīnaṃ kṛtaṃ rājyaṃ tasmādvairocanaḥ smṛtaḥ |
śatahīnaṃ kṛtaṃ rājyaṃ haṃsanyāyī tu tatsutaḥ || 16 ||
[Analyze grammar]

pitustulyaṃ kṛtaṃ rājyaṃ tasmādvedapravardhanaḥ |
śatahīnaṃ kṛtaṃ rājyaṃ tasmātsāvitra ucyate || 17 ||
[Analyze grammar]

śatahīnaṃ kṛtaṃ rājyaṃ dhanapālastato'bhavat |
śatahīnaṃ kṛta rājyaṃ mlecchahantā sutaḥ smṛtaḥ || 18 ||
[Analyze grammar]

śatahīnaṃ kṛtaṃ rājyaṃ tasmādānaṃdavarddhanaḥ |
śatahīnaṃ kṛtaṃ rājyaṃ dharmapālasutastataḥ || 19 ||
[Analyze grammar]

śatahīnaṃ kṛtaṃ rājyaṃ brahmabhakta sutastataḥ |
pitustulyaṃ kṛtaṃ rājyaṃ tasmādbrahmeṣṭivarddhanaḥ || 20 ||
[Analyze grammar]

pitustulyaṃ kṛtaṃ rājyaṃ tasmādātmaprapūjakaḥ |
pitustulyaṃ kṛtaṃ rājyaṃ parameṣṭhī sutastataḥ || 21 ||
[Analyze grammar]

pitustulyaṃ kṛtaṃ rājyaṃ tasmāddhairaṇyavarddhanaḥ |
śatahīnaṃ kṛtaṃ rājyaṃ dhātṛyājī tu tatsutaḥ || 22 ||
[Analyze grammar]

pitustulyaṃ kṛtaṃ rājyaṃ tadvidhātṛprapūjakaḥ |
pitustulyaṃ kṛtaṃ rājyaṃ tasmādvai druhiṇaḥ kratuḥ || 23 ||
[Analyze grammar]

pitustulyaṃ kṛtaṃ rājyaṃ tasmādvairañcya ucyate |
śatahīnaṃ kṛtaṃ rājyaṃ tatputraḥ kamalāsanaḥ || 24 ||
[Analyze grammar]

pitustulyaṃ kṛtaṃ rājyaṃ śamavartī tu tatsutaḥ |
pitustulyaṃ kṛtaṃ rājya śrāddhadevastu tatsutaḥ || 25 ||
[Analyze grammar]

pitustulyaṃ kṛtaṃ rājyaṃ tasmādvai pitṛvarddhanaḥ |
pitustulyaṃ kṛtaṃ rājyaṃ somadattastu tatsutaḥ || 26 ||
[Analyze grammar]

pitustulyaṃ kṛtaṃ rājyaṃ saumadattistadātmajaḥ |
pitustulyaṃ kṛtaṃ rājyaṃ tasmādvai somavarddhanaḥ || 27 ||
[Analyze grammar]

pitustulyaṃ kṛtaṃ rājyamavataṃsaḥ sutastataḥ |
pitustulyaṃ kṛtaṃ rājyaṃ prataṃsastanayastataḥ || 28 ||
[Analyze grammar]

pitustulyaṃ kṛtaṃ rājyaṃ parātaṃsastadātmajaḥ |
pitustulyaṃ kṛtaṃ rājyamayataṃsastato'bhavat || 29 ||
[Analyze grammar]

pitustulyaṃ kṛta rājyaṃ samātaṃsastu tatsutaḥ |
pitustulyaṃ kṛtaṃ rājyamanutaṃsastadātmajaḥ || 30 ||
[Analyze grammar]

pitustulyaṃ kṛtaṃ rājyamadhitaṃsastato'bhavat |
pitustulyaṃ kṛtaṃ rājyamabhitaṃsastadātmajaḥ || 31 ||
[Analyze grammar]

pitustulyaṃ kṛtaṃ rājyaṃ samuttaṃsastato'bhavat |
pitustulyaṃ kṛtaṃ rājyaṃ taṃsonāma suto'bhavat || 32 ||
[Analyze grammar]

pitustulyaṃ kṛtaṃ rājyaṃ duṣyaṃtastanayastataḥ |
śakuṃtalāyāṃ tasmācca bharato nāma bhūpatiḥ || 33 ||
[Analyze grammar]

pitustulyaṃ kṛtaṃ rājyaṃ duṣyaṃtaḥ svargatiṃ gataḥ |
bharatonāma tatputro devapūjana tatparaḥ || 34 ||
[Analyze grammar]

mahāmāyāprabhāvena ṣaṭtriṃśadvarṣajīvanam |
ṣaṭtriṃśābdasahasrāṇi nṛpāyurvarddhitaṃ tathā || 35 ||
[Analyze grammar]

tasya nāmnā smṛtaḥ khaṃḍo bhārato nāma viśrutaḥ |
tena bhūmervibhāgaśca kṛtaṃ rājyaṃ pṛthak ciram || 36 ||
[Analyze grammar]

divyaṃ varṣaśataṃ rājyaṃ tasmājjāto mahābalaḥ |
divyaṃ varṣaśataṃ rājyaṃ bharadvājastato'bhavat || 37 ||
[Analyze grammar]

divyaṃ varṣaśataṃ rājyaṃ tasmādbhavanamanyumān |
aṣṭādaśasahasrāṇi samā rājyaṃ prakīrtitam || 38 ||
[Analyze grammar]

bṛhatkṣetrastato hyāsītpitustulyaṃ kṛtaṃ padam |
suhotrastanayastasya pitustulyaṃ kṛtaṃ padam || 39 ||
[Analyze grammar]

vītihotrastasya suto rājyaṃ daśasahasrakam |
yajñahotrastato'pyāsītpitustulyaṃ kṛtaṃ padam || 40 ||
[Analyze grammar]

śakrahotrastato jātaḥ pitustulyaṃ kṛtaṃ padam |
prasanno bhagavāniṃdrastaṃ nṛpaṃ svargamāptavān || 41 ||
[Analyze grammar]

tadāyodhyāpatiḥ śrīmānpratāpeṃdro mahābalaḥ |
bhārataṃ varṣamadadhadvarṣaṃ daśasahasrakam || 42 ||
[Analyze grammar]

maṃḍalīkastasya sutaḥ pitustulyaṃ kṛtaṃ padam |
vijayeṃdrastasya sutaḥ pitustulyaṃ kṛtaṃ padam || 43 ||
[Analyze grammar]

dhanurdīptastasya sutaḥ pitustulyaṃ kṛtaṃ padam |
iṃdrājñayā śakrahotro ghṛtācyā saha bhūtale || 44 ||
[Analyze grammar]

prāptāvānsadhanurdīptaṃ jitvā rājyamacīkarat |
hastīnāma suto jāta airāvatasutaṃ gajam || 45 ||
[Analyze grammar]

āruhya paścime deśe hastinānagarī kṛtā |
daśayojanavistīrṇā svargaṃgāyāstaṭe śubhā || 46 ||
[Analyze grammar]

rājyaṃ daśasahasraṃ ca tatra vāsaṃ cakāra saḥ |
tatputrastvajamīḍhākhyaḥ pitustulyaṃ kṛtaṃ padam || 47 ||
[Analyze grammar]

tasmājāto rakṣapālaḥ pitustulyaṃ kṛtaṃ padam |
suśamyarṇastasya sutaḥ pitustulyaṃ kṛtaṃ padam || 48 ||
[Analyze grammar]

tasya putraḥ kururnāma piturarddhaṃ kṛtaṃ padam |
iṃdrasya varadānena sadehaḥ svargamāgataḥ || 49 ||
[Analyze grammar]

tadā sāttvatavaṃśe'sminvṛṣṇirnāma mahābalaḥ |
mathurāyāṃ sthito rājyaṃ sarvaṃ svavaśamāptavān || 50 ||
[Analyze grammar]

bhagavato varadānena hareradbhutakarmaṇaḥ |
paṃcavarṣasahasraṃ ca sarvaṃ rājyaṃ vaśīkṛtam || 51 ||
[Analyze grammar]

nirāvṛttistasya sutaḥ pitustulyaṃ kṛtaṃ padam |
daśārī tasya tanayaḥ pitustulyaṃ kṛtaṃ padam || 52 ||
[Analyze grammar]

viyāmunastasya sutaḥ pitustulyaṃ kṛtaṃ padam |
jīmūtastasya tanayaḥ pitustulyaṃ kṛtaṃ padam || 53 ||
[Analyze grammar]

vikṛtistasya tanayaḥ pitustulyaṃ kṛtaṃ padam |
tasmājjāto bhīmarathaḥ pitustulyaṃ kṛtaṃ padam || 54 ||
[Analyze grammar]

tasmājjāto navarathaḥ pitustulyaṃ kṛtaṃ padam |
tasmājjāto daśarathaḥ pitustulyaṃ kṛtaṃ padam || 55 ||
[Analyze grammar]

tasmājjātaśca śakuniḥ pitustulyaṃ kṛtaṃ padam |
tasmājjātaḥ kuśuṃbhaśca pitustulyaṃ kṛtaṃ padam || 56 ||
[Analyze grammar]

tasmājjāto devarathaḥ pitustulyaṃ kṛtaṃ padam |
devakṣetrastasya sutaḥ pitustulyaṃ kṛtaṃ padam || 57 ||
[Analyze grammar]

tasya putro madhurnāma pitustulyaṃ kṛtaṃ padam |
tato navarathaḥ putraḥ pitustulyaṃ kṛtaṃ padam || 58 ||
[Analyze grammar]

kuruvatsasta sya sutaḥ pitustulyaṃ kṛtaṃ padam |
tasmādanurathaḥ putraḥ pitustulyaṃ kṛtaṃ padam || 59 ||
[Analyze grammar]

puruhotraḥ sutastasya pitustulyaṃ kṛtaṃ padam |
vicitrāṅgastasya sutaḥ pitustulyaṃ kṛtaṃ padam || 60 ||
[Analyze grammar]

tasmātsātvatavānputraḥ pitustulyaṃ kṛtaṃ padam |
bhajamānastasya sutaḥ pitustulyaṃ kṛtaṃ padam || 61 ||
[Analyze grammar]

vidūrathastasya sutaḥ pitustulyaṃ kṛtaṃ padam |
surabhaktastasya sutaḥ pitustulyaṃ kṛtaṃ padam || 62 ||
[Analyze grammar]

tasmācca sumanāḥ putraḥ pitustulyaṃ kṛtaṃ padam |
tatikṣetrastasya sutaḥ pitustulyaṃ kṛtaṃ padam || 63 ||
[Analyze grammar]

svāyaṃbhuvastasya sutaḥ pitustulyaṃ kṛṃtaṃ padam |
haridīpaka evāsau tasya rājyaṃ pitussa mama || 64 ||
[Analyze grammar]

devamedhāssutastasya pitustulyaṃ kṛtaṃ padam |
surapālastadā jātaḥ pitustulyaṃ kṛtaṃ padam || 65 ||
[Analyze grammar]

śakrājñayā kuruścaiva dvāpara tritaye pade |
vyatīte ca sukeśyāssa svarveśyāyāḥ patiḥ prabhuḥ || 66 ||
[Analyze grammar]

āgato bhārate khaṃḍe kurukṣetraṃ tadā kṛtam |
viṃśadyojanavistīrṇaṃ puṇya kṣetraṃ smṛtaṃ budhaiḥ || 67 ||
[Analyze grammar]

dvādaśābdasahasraṃ ca kuruṇā rājyasātkṛtam |
tasmājjahnussuto jātaḥ pitustulyaṃ kṛtaṃ padam || 68 ||
[Analyze grammar]

tasmācca suratho jātaḥ pitustulyaṃ kṛtaṃ padam |
vidūrathastasya sutaḥ pitustulyaṃ kṛtaṃ padam || 69 ||
[Analyze grammar]

sārvabhaumastasya sutaḥ pitustulyaṃ kṛtaṃ padam |
jayasenastasya sutaḥ pitustulyaṃ kṛtaṃ padam || 70 ||
[Analyze grammar]

tasmādarṇava evāsau pitustulyaṃ kṛtaṃ padam |
catussāgaragāmī ca pitustulyaṃ kṛtaṃ padam || 71 ||
[Analyze grammar]

ayutāyustasya suto rājyaṃ daśasahasrakam |
akrodhanastasya sutaḥ pitustulyaṃ kṛtaṃ padam || 72 ||
[Analyze grammar]

tasmādṛkṣassuto jātaḥ pitustulyaṃ kṛtaṃ padam |
bhīmasenastasya sutaḥ pitustulyaṃ kṛtaṃ padam || 73 ||
[Analyze grammar]

dilīpastasya tanayaḥ pitustulyaṃ kṛtaṃ padam |
pratīpastasya tanayo rājyaṃ paṃcasahasrakam || 74 ||
[Analyze grammar]

śaṃtanustasya putraśca rājyamekasahasrakam |
vicitravīryastatputro rājyaṃ vai dviśataṃ samāḥ || 75 ||
[Analyze grammar]

pāṃḍuśca tanayo yasminrājyaṃ paṃcaśataṃ kṛtam |
yudhiṣṭhirastasya suto rājyaṃ paṃcāśadabdakam || 76 ||
[Analyze grammar]

suyodhanena ṣaṣṭyabdaṃ kṛtaṃ rājyaṃ tataḥ param |
yudhiṣṭhireṇa nidhanaṃ tasya prāptaṃ kurusthale || 77 ||
[Analyze grammar]

pūrvaṃ devāsure yuddhe ye daityāśca surairhatāḥ |
te sarve śaṃtano rājye janmavaṃtaḥ pratasthire || 78 ||
[Analyze grammar]

lakṣamakṣauhiṇī teṣāṃ tadbhāreṇa vasundharā |
śakrasya śaraṇaṃ prāptāvatāraṃ ca tato hareḥ || 79 ||
[Analyze grammar]

sa śaurervasudevasya devakyāṃ janmanāviśat |
evaṃ kṛṣṇo mahāvīryo rohiṇīnilayaṃ gataḥ || 80 ||
[Analyze grammar]

paṃcatriṃśaduttaraṃ ca śataṃ varṣaṃ ca bhūtale |
uṣitvā kṛṣṇacandraśca tato golokamāgataḥ || 81 ||
[Analyze grammar]

caturthacaraṇānte ca harerjanma smṛtaṃ budhaiḥ |
hastināpuramadhyasyābhimanyostanayastataḥ || 82 ||
[Analyze grammar]

rājyamekasahasraṃ ca tato'bhūjjanamejayaḥ |
trisahasraṃ kṛtaṃ rājyaṃ śatānīkastato'bhavat || 83 ||
[Analyze grammar]

pitustulyaṃ kṛtaṃ rājyaṃ yajñadattastataḥ sutaḥ |
rājyaṃ paṃcasahasraṃ ca niścakrastanayo'bhavat || 84 ||
[Analyze grammar]

sahasramekaṃ rājyaṃ taduṣṭrapālastato'bhavat |
pitustulyaṃ kṛtaṃ rājyaṃ tasmāccitrarathassutaḥ || 85 ||
[Analyze grammar]

pitustulyaṃ kṛtaṃ rājyaṃ dhṛtimāṃstanayastataḥ |
pitustulyaṃ kṛtaṃ rājyaṃ suṣeṇastanayo'bhavat || 86 ||
[Analyze grammar]

pitustulyaṃ kṛtaṃ rājyaṃ sunīthastanayo'bhavat |
pitustulyaṃ kṛtaṃ rājyaṃ makhapālaḥ suto'bhavat || 87 ||
[Analyze grammar]

pitustulyaṃ kṛtaṃ rājyaṃ na cakṣustanayastataḥ |
pitustulyaṃ kṛtaṃ rājyaṃ sukhavaṃtastato'bhavat || 88 ||
[Analyze grammar]

pitustulyaṃ kṛtaṃ rājyaṃ tasmātpāriplavassutaḥ |
pitustulyaṃ kṛtaṃ rājyaṃ sunayastatsuto'bhavat || 89 ||
[Analyze grammar]

pitustulyaṃ kṛtaṃ rājyaṃ medhāvī tatsuto'bhavat |
pitustulyaṃ kṛtaṃ rājyaṃ tasmājjāto nṛpaṃjayaḥ || 90 ||
[Analyze grammar]

pitustulyaṃ kṛtaṃ rājyaṃ mṛdustattanayo'bhavat |
pitustulyaṃ kṛtaṃ rājyaṃ tigmajyotistu tatsutaḥ || 91 ||
[Analyze grammar]

pitustulyaṃ kṛtaṃ rājyaṃ tasmājjāto bṛhadrathaḥ |
pitustulyaṃ kṛtaṃ rājyaṃ vasudānastato'bhavat || 92 ||
[Analyze grammar]

pitustulyaṃ kṛtaṃ rājyaṃ śatānīkastato'bhavat |
pitustulyaṃ kṛtaṃ rājyaṃ tasmādudyāna ucyate || 93 ||
[Analyze grammar]

pitustulyaṃ kṛtaṃ rājyaṃ tasmājjāto hyahīnaraḥ |
pitustulyaṃ kṛtaṃ rājyaṃ nirmitrastanayo'bhavat || 94 ||
[Analyze grammar]

pitustulyaṃ kṛtaṃ rājyaṃ kṣemakastatsuto'bhavat |
rājyaṃ tyaktvā sa medhāvī kalāpagrāmamāśritaḥ || 95 ||
[Analyze grammar]

mlecchaiśca maraṇaṃ prāpto yamalokamato gataḥ |
nāradasyopadeśena pradyotastanayastataḥ || 96 ||
[Analyze grammar]

mlecchayajñaḥ kṛtastena mlecchā hananamāgatāḥ || 97 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṃḍāparaparyāye dvāparanṛpopākhyāne tṛtīyo'dhyāyaḥ || 3 ||
[Analyze grammar]