Chapter 2

sūta uvāca |
gopracāraṃ punarvakṣye viśeṣaṃ tatra me śṛṇu |
yajedviṣṇuṃ sala kṣmīkamupacāraiḥ pṛthagvidhaiḥ || 1 ||
[Analyze grammar]

upacāraiśca brahmāṇaṃ rudraṃ caiva karālikām |
varāhaṃ somasūrye ca mahādevaṃ yathākramam || 2 ||
[Analyze grammar]

homaṃ caiva yathā viṣṇoḥ kamalāyāstrayaṃtrayam |
ājyena kṣetrapālānāmanyeṣāṃ madhumiśritaiḥ || 3 ||
[Analyze grammar]

ekaikāmāhutiṃ dadyāllājādiṣu pṛthakpṛthak |
samutsṛjya vidhānena yūpaṃ saṃsthāpya pūjayet || 4 ||
[Analyze grammar]

trihastamāttraṃ racitaṃ kuryānnāgaphaṇānvitam |
ropayedekahastena garbhe homaṃ prayojayet || 5 ||
[Analyze grammar]

lājāsaṃyuktavidhinā viśveṣāmiti sañjapan |
nāgādhipataye tadvadacyutāya tṛtīyakam || 6 ||
[Analyze grammar]

bhaumāyeti caturthaṃ ca tato yūpaṃ nivedayet |
mayi gṛbhṇāmīti sampūjya yūpaṃ ca rudradaivatama || 7 ||
[Analyze grammar]

saṃpūjya rudraṃ pañcāṃgaṃ dhānyaṃ vastraṃ ca dakṣiṇām |
ācāryāya tathā hotre anyeṣāmiṣṭadakṣiṇām || 8 ||
[Analyze grammar]

gopracāre ca śaileyaṃ yūpaṃ hastadvayānvitam |
pañcaśīrṣānvitaṃ kuryāddhastamātraṃ praropayet || 9 ||
[Analyze grammar]

yūpaṃ ca caitravṛkṣaṃ ca kuṇḍalīmaṭhapīṭhikām |
saṃspṛśyācamya vai viprāḥ prāṇāyāmena śudhyati || 10 ||
[Analyze grammar]

caturhastapramāṇena śatakuṇḍena saṃmitam |
tadardhaṃ ca kaniṣṭhena aṣṭakāṣṭādhikaṃ bhavet || 11 ||
[Analyze grammar]

bhūmau ratnaṃ ca saṃsthāpya imaṃ mantramudāharet |
śivalokastathā gāvaḥ sarvadevasupūjitāḥ || 12 ||
[Analyze grammar]

gobhya eṣā mayā bhūmiḥ sampradattā śubhārthinā |
evaṃ nivedayedyastu gopracāraṃ samāhitaḥ || 13 ||
[Analyze grammar]

sa muktaḥ sarvapāpebhyo viṣṇuloke mahīyate |
yāvaṃti tṛṇagulmāni saṃti bhūmau śubhāni ca || 14 ||
[Analyze grammar]

tāvadvarṣasahasrāṇi svargaloke mahīyate |
pūrve sīmāṃ nibadhnīyātkṛtvā vṛkṣasya ropaṇam || 15 ||
[Analyze grammar]

setuṃ kṛtvā dakṣiṇataḥ paścimeṃgāraropaṇam |
uttare khānayetkūpaṃ tasya sīmāṃ na laṃghayeta || 16 ||
[Analyze grammar]

tataḥ sahasradhārāṃ ca śasyena paripūritām |
pradadyādvā tato viprāḥ sarvapāpaiḥ pramucyate || 17 ||
[Analyze grammar]

nagaragrāmapūrve vā uttare paścimepi vā |
na kuryādagnidigbhāge dakṣiṇāṃ vā tataḥ śubhām || 18 ||
[Analyze grammar]

gopracāraṃ khanedyastu vāhayedvā kathaṃcana |
kulāni pātayatyāśu brahmahatyāśca viṃdati || 19 ||
[Analyze grammar]

svargaṃ nayati gocarma samyagdattaṃ sadakṣiṇam |
yāvattṛṇāni tadbhūmau saptasaṃkhyāni saṃkhyayā || 20 ||
[Analyze grammar]

tāvatkālaṃ vasetsvarge viṣṇulokānna taccyutiḥ || 21 ||
[Analyze grammar]

mahāyāgāvasāne ca yo na tarpayati dvijān |
nirarthakaṃ tasya karma prayāsaphalamātrakam || 22 ||
[Analyze grammar]

vṛṣotsargā vasāne tu pradadyādyo mahīṃ dvijāḥ |
na yāti viprāḥ pretatvaṃ tasmādviprādamatsarāḥ || 23 ||
[Analyze grammar]

tatra mānaṃ pṛthakcaiva śṛṇutātra samāgatāḥ |
amānena dadedyastu narakaṃ yāti rauravama || 24 ||
[Analyze grammar]

gavāṃ śataṃ vṛṣaścaiko yatra tiṣṭhatyayaṃtritaḥ |
tadgocarmeti vikhyātaṃ dattaṃ sarvāghanāśanam || 25 ||
[Analyze grammar]

gopracārasya devasya brāhmaṇasya ca bho dvijāḥ |
yāvatkālāvadhe sīmā atīte nāsti pātakam || 26 ||
[Analyze grammar]

maṇḍapaṃ pūjayetsūryaṃ vāsudevasamanvitam |
homastila guḍābhyāṃ ca aṣṭāvaṣṭau pṛthakpṛthak || 27 ||
[Analyze grammar]

dehi meti ca mantreṇa vinyasenmaṃḍapopari |
yatnasiddhaṃ tataḥ kṛtvā śulkaghaṭacatuṣṭayam || 28 ||
[Analyze grammar]

samutsṛjejjapetpaścātsauraṃ sūktaṃ ca vaiṣṇavam |
vaṭapatre tu saṃlikhya citraṃ nirmāya vā punaḥ || 29 ||
[Analyze grammar]

dikpālānsaṃnyasetsvāsu svāsu dikṣu vicakṣaṇaḥ |
baddhāñjaliḥ paṭhenmaṃtrāniṃdrādīnāṃ yathākramam || 30 ||
[Analyze grammar]

dharmasaṃsthāpanārthāya ātmano vibhavāya ca |
vajrahasto mahendra tvaṃ dharmatastrātumarhasi || 31 ||
[Analyze grammar]

bho vahne meṣavāhastvaṃ catuḥśṛṃgavirājita |
anāthaṃ maṇḍapaṃ tvaṃ hi dharmatastrātumarhasi || 32 ||
[Analyze grammar]

yama tvaṃ dakṣiṇāśeśa mahāmahiṣavāhana |
anāthaṃ maṇḍapaṃ tvaṃ hi dharmatastrātumarhasi || 33 ||
[Analyze grammar]

mañcastho rākṣasendrastvaṃ khaḍgapāṇirmahābalaḥ |
anāthaṃ maṇḍapaṃ tvaṃ hi dharmatastrātumarhasi || 34 ||
[Analyze grammar]

vārirāṭ dhvajahasto'si pavano mṛgavāhanaḥ |
anāthaṃ maṇḍapaṃ tvaṃ hi dharmatastrātumarhasi || 35 ||
[Analyze grammar]

dhanādhyakṣo gadāhastaḥ piṃgākṣo naravāhanaḥ |
anāthaṃ maṇḍapaṃ tvaṃ hi dharmatastrātumarhasi || 36 ||
[Analyze grammar]

ādidevosi devānāṃ kartā hartā maheśvaraḥ |
anāthaṃ maṇḍapaṃ tvaṃ hi dharmatastrātumarhasi || 37 ||
[Analyze grammar]

anaṃto nāgarājo yo dharāmuddhṛtya tiṣṭhati |
anāthaṃ maṇḍapaṃ tvaṃ hi dharmatasrātumarhasi || 38 ||
[Analyze grammar]

caturṇāmeva varṇānāṃ sthityarthaṃ mṛgapakṣiṇām |
prītaye vāsudevasya evaṃ maṇḍapamutsṛjet || 39 ||
[Analyze grammar]

bhagne stambhe tṛṇe jīrṇe punastṛṇapradāpane |
sthāpane ca tathaivāsya pratiṣṭhā syādyathākṣayā || 40 ||
[Analyze grammar]

ghātāpāyādidoṣeṇa mriyaṃte yadi jantavaḥ |
pratiṣṭhāyāṃ kṛtāyāṃ tu dharmo me syānna pātakam || 41 ||
[Analyze grammar]

mānuṣāḥ paśavo ye ca nivasantīha maṇḍape |
svasti cāstu sadā teṣāṃ tvatprasādātkila prabho || 42 ||
[Analyze grammar]

tatastriguṇasūtreṇa sutrāmāṇeti vai ṛcā |
saptadhā veṣṭayitvā tu dakṣiṇāṃ saṃprakāśya ca || 43 ||
[Analyze grammar]

upānahau tathā chatramācāryāya nivedayet |
maṇḍape bhojayedviprāṃsteṣāṃ dadyādyathepsitān || 44 ||
[Analyze grammar]

dīnebhyaśca pṛthagdadyādgṛhaṃ viprapuraḥsaram |
praviśettūryaghoṣeṇa prakuryācca gṛhārcanam || 45 ||
[Analyze grammar]

evaṃ prapāyāṃ vijñeyo viśeṣo varuṇaṃ vrajet |
vāsudevena sahitaṃ sāṃgopāṃgaṃ sadakṣiṇam || 46 ||
[Analyze grammar]

sthālīpākavidhānena prakuryāddeśikottamaḥ |
ācāryāya gṛhaṃ dadyātparicchedasamanvitam || 47 ||
[Analyze grammar]

ṛtvije tāmrapātraṃ ca jalapūrṇaṃ ca dhānyakam |
dikpālāndvāradeśe tu kūpayāge viśeṣataḥ || 48 ||
[Analyze grammar]

brahmāṇaṃ nāgarājānaṃ dvārapālau ca paścime |
yajenmantraiḥ pṛthagdevānmantrairebhiryathākramam || 49 ||
[Analyze grammar]

balidānaṃ vidhānena kṛtvā dadyādyathāvidhi |
patākānāmatastattvaṃ pravakṣyāmi yathākramam || 50 ||
[Analyze grammar]

vajrī ca dhūmalī kṛṣṇā pītā caivātha vāruṇī |
śīghrā gaurī umā caiva pītā śuklā prakīrtitā || 51 ||
[Analyze grammar]

kuṃbheṣu pūjayeddevānmaheśaṃ prathamaṃ budhaḥ |
grahāṃśca madhyakalaśe brahmāṇaṃ ca tataḥ param || 52 ||
[Analyze grammar]

vedikāpūrvabhāge tu uttare kalaśe śivam |
dakṣiṇe kalaśe viṣṇuṃ karṇikāyāṃ jaleśvaram || 53 ||
[Analyze grammar]

kalaśe vidhivadbhaktyā upacāraiḥ pṛthagvidhaiḥ |
saṃpūjya vaṭapatre ca nāgānsaṃlikhya nāgajaiḥ || 54 ||
[Analyze grammar]

yo nāgāstānpravakṣyāmi anaṃto vāsukistathā |
tathā karkoṭakaścaiva padmaśca kulikastathā |
padmaścaiva mahāpadmo mantrairebhiḥ pṛthakpṛthak || 55 ||
[Analyze grammar]

puṃḍarīkadalābhāsa śubhakarṇāṃtalocana |
phaṇāsahasrasaṃyukta śaṃkhābjakṛtalocana || 56 ||
[Analyze grammar]

anaṃta nāgarājendra ihāgaccha namo'stu te |
sita kuṃdenduvarṇābha visphuradbhogamaṃḍala || 57 ||
[Analyze grammar]

sarvanāgasya śūrasya kṛtasvastikalāṃchana |
nāgendratakṣaka śrīmannihāgaccha namostu te || 58 ||
[Analyze grammar]

navīnajaladaśyāma śrīmankamalalocana |
viṣadarpabalonmatta grīvāyāmekaśekhara || 59 ||
[Analyze grammar]

śaṃkhapāla iti khyāta jalādhārapratīkṣaka |
adhyakṣe nāgalokānāmihāgaccha namo'stu te || 60 ||
[Analyze grammar]

atipīta suvarṇābha candrārdhāṃkitamastaka |
dīptabhogakṛtāṭopa śubhalakṣaṇalakṣita || 61 ||
[Analyze grammar]

kulīra nāgarājeṃdra sarvasattvahite rata |
tiṣṭheha yajñasiddhyarthaṃ kāmarūpa namostu te || 62 ||
[Analyze grammar]

yaḥ suvarṇena varṇena padmapatrāyatekṣaṇaḥ |
paṃcabiṃdukṛtābhogo grīvāyāmekaśekharaḥ |
tasmai te padmanāgendra tīvrarūpa namo'stu te || 63 ||
[Analyze grammar]

nāginyo nāgakanyāśca tathā nāgakumārakāḥ |
sarve te prītamanasaḥ pūjāṃ gṛhṇaṃtu me sadā || 64 ||
[Analyze grammar]

svagṛhyoktena vidhinā kṛtvāgnisthāpanaṃ budhaḥ |
ājyaṃ saṃskṛtya juhuyāddigīśānāṃ yathākramam || 65 ||
[Analyze grammar]

ādityādigrahāṃścaiva brahmāṇaṃ kṛṣṇameva ca |
madhupiṣṭena ca śivaṃ varuṇaṃ juhuyāttataḥ || 66 ||
[Analyze grammar]

prādeśamātraṃ saṃprokṣya yūpaṃ cāsya pramāṇakam |
caturasraṃ śūlayuktaṃ gaṇānānīya pūjayet || 67 ||
[Analyze grammar]

kūpe nikṣipya tānnāgānpañcaratnaṃ kṣipettataḥ |
sutrāmāṇeti maṃtreṇa tridhā saṃveṣṭya sūtrakaiḥ || 68 ||
[Analyze grammar]

rañjitaḥ kadalīvṛkṣaṃ varuṇāya samutsṛjet |
trātāramiti maṃtreṇa vastramālyena bhūṣayet |
karṇavedhaṃ tataḥ kṛtvā utsṛjedvākyamuccaran || 69 ||
[Analyze grammar]

oṃ adyetyādi sarvabhūtebhyaḥ phalapuṣpapatracchāyāvṛtamukhyanānātaruviracitamārāmaṃ vanaspatidevataṃ supūjitaṃ vedavyāsādyuktaphalāvāptaye amukaṛṣisagotraḥ amukadeva śarmāhamutsṛje || |
mahotsavaṃ tataḥ kuryātkṛtvā baddhāñjaliḥ paṭhet |
vṛkṣāgrātpatitasyāpi ārohātpatitasya vā || 70 ||
[Analyze grammar]

maraṇe cāsthibhaṃge vā kartā pāpairna lipyate |
vajrāghātādidoṣeṇa mriyaṃte taravo yadā || 71 ||
[Analyze grammar]

taddośamanārthāya tasyāpyetatpratiṣṭhitam |
madhye yūpaṃ samāropya catuṣko ṇepi yatnataḥ || 72 ||
[Analyze grammar]

madhulājākṣataṃ dadyādañjanaṃ mālyameva ca |
niśāsūtreṇa saṃveṣṭya kadalīviṭapaṃ nyaset || 73 ||
[Analyze grammar]

veṣṭayetkṣīradhārāṃ ca pātayedghṛtadhārayā |
toyānvitaṃ gucchayuktaṃ veṣṭayetsvagṛhaṃ vrajet || 74 ||
[Analyze grammar]

iti śrībhaviṣye mahāpurāṇe madhyamaparvaṇi tṛtīyabhāge dvitīyo'dhyāyaḥ || 2 ||
[Analyze grammar]