Bhavishya Purana [sanskrit]

245,265 words

This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.

sūta uvāca |
dhruvādūrdhvaṃ maharlokaḥ koṭiyojanavistaraḥ |
kalpābhikaraṇe tatra saṃsthitā dvijapuṅgavāḥ || 1 ||
[Analyze grammar]

janaloko maharlokāttathā koṭidvayātmakaḥ |
sanaṃdanādayastatra saṃsthitā brahmaṇaḥ sutāḥ || 2 ||
[Analyze grammar]

janalokāttapolokaḥ koṭitrayasamanvitaḥ |
virājaṃte tu devā vai sthitā dāha vivarjitāḥ || 3 ||
[Analyze grammar]

prājāpatyāttu bhūrlokaḥ koṭiṣaṭkena saṃyutaḥ |
sanatkumārakastatra brahmalokastu sa smṛtaḥ || 4 ||
[Analyze grammar]

tatra loke gururbrahmā viśvātmā viśvatomukhaḥ |
āste yadyogibhiḥ pītvā yogaṃ mṛtyoḥ paraṃ gatam || 5 ||
[Analyze grammar]

gāyaṃti yatayo gāthā hyāstikā brahmavādinaḥ |
yoginastāpasāḥ siddhā jāpakāḥ parameṣṭhinam || 6 ||
[Analyze grammar]

dvāraṃ tu yogināmekaṃ gacchatāṃ paramaṃ padam |
tatra gatvā na śocaṃti sa viṣṇuḥ sa ca śaṃkaraḥ || 7 ||
[Analyze grammar]

sūryakoṭipratīkāśaṃ puraṃ tasya durāsadam |
na me varṇayituṃ śakyaṃ jvālāmālāsamākulam || 8 ||
[Analyze grammar]

tatra nārāyaṇasyāpi bhavanaṃ brahmaṇaḥ pure |
śeṣe tasya hariḥ śrīmānmāyāsahacaraḥ paraḥ || 9 ||
[Analyze grammar]

sa viṣṇurlokakathitaḥ punarāvṛttivarjitaḥ |
prayāṃti ca mahātmāno ye prapannā janārdanam || 10 ||
[Analyze grammar]

ūrdhvaṃ brahmāsanātpūrvaṃ paraṃ jyotirmayaṃ śubham |
vahninā upari kṣiptaṃ tatrāste bhagavānbhavaḥ || 11 ||
[Analyze grammar]

devyā saha mahādevaścintyamāno manīṣibhiḥ |
yogibhiḥ śatasāhasrairvṛtaikatvaiśca saṃvṛtaḥ || 12 ||
[Analyze grammar]

tatra te yāṃti niyatā dvijā vai brahmavādinaḥ |
mahādevapareśānāstāpasā brahmavādinaḥ || 13 ||
[Analyze grammar]

nirmamā nirahaṃkārāḥ kāmakrodhavivarjitāḥ |
drakṣyaṃti brahmaṇā yuktā rudralokaḥ sa vai smṛtaḥ || 14 ||
[Analyze grammar]

ete sapta maharlokāḥ pṛthivyāṃ parikīrtitāḥ |
mahītalādayaścādhaḥ pātālāḥ saṃti vai dvijāḥ || 15 ||
[Analyze grammar]

mahātalaṃ haimatalaṃ sarvavarṇopaśobhitam |
prāsādairvividhaiḥ śubhrairdevatāyatanairyutam || 16 ||
[Analyze grammar]

anaṃtena samāyuktaṃ mucukundena dhīmatā |
nṛpeṇa balinā caiva pātālaṃ svargavāsinā || 17 ||
[Analyze grammar]

śailaṃ rasātalaṃ viprāḥ śāṃkaraṃ hi rasātalam |
pītaṃ sutalamityuktaṃ vitalaṃ vidrumaprabham || 18 ||
[Analyze grammar]

sitaṃ hi vitalaṃ proktaṃ talaṃ caiva sitetaram |
suvarṇena muniśreṣṭhāstathā vāsukinā śubham || 19 ||
[Analyze grammar]

rasātalamiti khyātaṃ sarvaśobhāsamanvitam |
vainateyādibhiścaiva kālanemipurogamaiḥ || 20 ||
[Analyze grammar]

śaṃkukarṇena saṃbhinnaṃ tathā namucipūrvakam |
tathānyairvivi dhairnāgaistalaṃ caiva suśobhanam || 21 ||
[Analyze grammar]

teṣāmadhastānnarakā rauravādyāśca koṭayaḥ |
pāpinasteṣu pātyaṃte na te'vanamituṃ kṣamāḥ || 22 ||
[Analyze grammar]

pātālā nāmadhaścāṃte śeṣākhyā vaiṣṇavī tanuḥ |
kālāgnirudrayogātmā nārasiṃho'pi mādhavaḥ || 23 ||
[Analyze grammar]

yo'naṃtaḥ paṭhyate devo nāgarūpī janārdanaḥ |
tadādhāramidaṃ sarvaṃ sakalāgnimupāśritam || 24 ||
[Analyze grammar]

tamāviśya mahāyogī kālastadvadanānalaḥ |
viṣajvālāsamo'naṃto jagatsaṃharati svayam || 25 ||
[Analyze grammar]

tāmasī śāṃbhavī mūrtiḥ kālātmā parameśvaraḥ |
sa eva garbhamāśritya prakāśayati nityaśaḥ || 26 ||
[Analyze grammar]

iti śrībhaviṣye mahāpurāṇe madhyamaparvaṇi prathamabhāge pātāla varṇanaṃnāma tṛtīyo'dhyāyaḥ || 3 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 3

Cover of edition (2022)

Bhavishya Purana: Sanskrit Text with Hindi Translation
by S. N. Khandelwal (2022)

Publisher: Chaukhamba Sanskrit Pratishthan; Pages: 2538.

Buy now!
Cover of edition (2023)

Complete Bhavisya Mahapurana (English translation)
by Shantilal Nagar (2023)

Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: