Bhavishya Purana [sanskrit]

245,265 words

This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.

śrīgaṇeśāya namaḥ |
oṃ namaḥ kamaladalanayanābhirāmāya |
śrīrāmacaṃdrāya |
svacchaṃ caṃdrāvadātaṃ kavikaramakarakṣobhasaṃjātaphenaṃ bakṣodbhūtiprasūktairvrataniyamaparaiḥ sevitaṃ vipramukhyaiḥ |
oṃkārālaṃkṛtena tribhuvanaguruṇā brahmaṇā dṛṣṭapūtaṃ saṃbhogābhogagamyaṃ janakaluṣaharaṃ pauṣkaraṃ vaḥ punātu || 1 ||
[Analyze grammar]

jayati bhuvanadīpo bhāskaro lokakartā jayati ca śitidehaḥ śārṅgadhanvā murāriḥ |
jayati ca śaśimaulī rudranāmābhidheyo jayati sakalamaulirbhānu māṃścitrabhānuḥ || 2 ||
[Analyze grammar]

namaskṛtyāprameyāya devāya brahmarūpiṇe |
purāṇaṃ saṃpravakṣyāmi yaduktaṃ brahmayoginā || 3 ||
[Analyze grammar]

purāṇasaṃhitāṃ puṇyāṃ papracchū raumaharṣaṇim |
vaktumarhasi cāsmākaṃ purāṇārthaviśārada || 4 ||
[Analyze grammar]

munīnāṃ vacanaṃ śrutvā sūtaḥ paurāṇikottamaḥ |
praṇamya manasā prāha guruṃ satyavatīsutam || |
sūta uvāca |
namaskṛtya jagadyoniṃ brahmarūpadharaṃ harim |
vakṣye paurāṇikīṃ divyāṃ kathāṃ pāpapraṇāśinīm || 6 ||
[Analyze grammar]

yacchrutvā pāpakarmāṇi sa gacchetparamāṃ gatim |
puṇyaṃ pavitramāyuṣyamidānīṃ śṛṇuta dvijāḥ || 7 ||
[Analyze grammar]

bhaviṣyapurāṇamakhilaṃ yajjagāda gadādharaḥ |
madhyaparva hyatho vakṣye pratiṣṭhādivinirṇayam || 8 ||
[Analyze grammar]

dharmapraśaṃsanaṃ cātra brāhmaṇādipraśaṃsanam |
āpaddharmasya kathanaṃ vidyāmāhātmyavardhanam || 9 ||
[Analyze grammar]

pratimākaraṇaṃ caiva sthāpanācitralakṣaṇam |
kālavyavasthāsargādipratisargādilakṣaṇam || 10 ||
[Analyze grammar]

purāṇalakṣaṇaṃ caiva bhūgolasya ca nirṇayam |
nirūpaṇaṃ tithīnāṃ ca śrāddhasaṃkalpamantaram || 11 ||
[Analyze grammar]

mumūrṣorapi yatkarma dānamāhātmyameva ca |
bhūtaṃ bhavyaṃ bhaviṣyaṃ ca yugadharmānuśāsanam || 12 ||
[Analyze grammar]

uccāvacāvadhānaṃ ca prāyaścittādikaṃ ca yat |
ṣaṣṭyādhikāṣṭasāhasranavaślokaśatodbhavam || 13 ||
[Analyze grammar]

paṃcataṃtrasamāyuktaṃ pratitaṃtre ca viṃśatiḥ |
paṃcottaraṃ tathādhyāyāḥ purāṇe'smindvijottamāḥ || 14 ||
[Analyze grammar]

trayāṇāmāśramāṇāṃ ca gṛhastho yonirucyate |
anye'pi sūpajīvanti tasmācchreṣṭho gṛhāśramī || 15 ||
[Analyze grammar]

ekāśramaṃ gṛhasthasya trayāṇāṃ mūrtidarśanam |
tasmādgārhasthamevaikaṃ vijñeyaṃ dharmaśāsanam || 16 ||
[Analyze grammar]

parityajedarthakāmau yau syātāṃ dharmavarjitau |
sarvalokaviruddhaṃ ca dharmamapyācarenna tu || 17 ||
[Analyze grammar]

taḍāgasya ca sānnidhye taḍāgaṃ parivarjayet |
prapāsthāne prapā varjyā maṭhasthāne maṭhaṃ tyajet || 18 ||
[Analyze grammar]

dharmātsaṃjāyate hyartho dharmātkāmo'bhijāyate |
dharmādevāpavargo'yaṃ tasmāddharmaṃ samāśrayet || 19 ||
[Analyze grammar]

dharmaścārthaśca kāmaśca trivargastriguṇo mataḥ |
sattvaṃ rajastamaśceti tasmāddharmaṃ samāśrayet || 20 ||
[Analyze grammar]

ūrdhvaṃ gacchaṃti sattvasthā madhye tiṣṭhaṃti rājasāḥ |
jaghanyaguṇavṛttisthā adho gacchaṃti tāmasāḥ || 21 ||
[Analyze grammar]

yasmindharmaḥ samāyukto hyarthakāmau vyavasthitau |
iha loke sukhī bhūtvā pretyānaṃtyāya kalpate || 22 ||
[Analyze grammar]

tasmādarthaṃ ca kāmaṃ ca yuktvā dharmaṃ samāśrayet |
dharmātsaṃjāyate kāmo dharmādarthobhijāyate || 23 ||
[Analyze grammar]

evaṃ dharmasya madhye'yaṃ caturvargaḥ pradarśitaḥ |
evaṃ ca dharmakāmārthaṃ mokṣasyāpi ca mānavaḥ |
māhātmyaṃ vānutiṣṭhecca sa cānaṃtyāya kalpate || 24 ||
[Analyze grammar]

tasmādarthaṃ ca kāmaṃ ca muktvā dharmaṃ samācaret |
dharmātsaṃjāyate sarvamityāhurbrahmavādinaḥ || 25 ||
[Analyze grammar]

dharmeṇa dhāryate sarvaṃ jagatsthāvarajaṃgamam |
anādinidhanā śaktirnaiṣā brāhmī dvijottama || 26 ||
[Analyze grammar]

karmaṇā prāpyate dharmo jñānena ca na saṃśayaḥ |
tasmājjñānena sahitaṃ karmayogaṃ samācaret || 27 ||
[Analyze grammar]

pravṛttiśca nivṛttiśca dvividhaṃ karma vaidikam |
jñānapūrvā nivṛttiḥ syātpravṛttirvartate'nyathā || 28 ||
[Analyze grammar]

nivṛttiṃ sevamānastu yāti tatparamaṃ padam |
tasmānnivṛttaṃ saṃsevyamanyathā saṃsaretpunaḥ || 29 ||
[Analyze grammar]

śamo damo dayā dānamalobhastyāga eva ca |
ārjavaṃ cānasūyā ca tīrthānusaraṇaṃ tathā || 30 ||
[Analyze grammar]

satyaṃ saṃtoṣa āstikyaṃ śraddhā cendriyanigrahaḥ |
devatābhyarcanaṃ pūjā brāhmaṇānāṃ viśeṣataḥ || 31 ||
[Analyze grammar]

ahiṃsā satyavāditvamapaiśunyaṃ sukalpatā |
śaucācāraścānukaṃpā sarvavarṇe'bravīnmuniḥ || 32 ||
[Analyze grammar]

śraddhāpūrvāḥ smṛtā dharmāḥ śraddhāmadhye tu saṃsthitāḥ |
śraddhāniṣṭhāḥ pratiṣṭhāśca dharmāḥ śraddheva kīrtitāḥ || 33 ||
[Analyze grammar]

prājāpatyaṃ brāhmaṇānāṃ śrutaṃ sthānaṃ kriyāvatām |
sthānamaindraṃ kṣatriyāṇāṃ saṃgrāmeṣvapalāyinām || 34 ||
[Analyze grammar]

vaiśyānāmamṛtaṃ sthānaṃ svadharmamanuvartatām |
gāṃdharvaṃ śūdrajīvānāṃ paricāreṇa vartatām || 35 ||
[Analyze grammar]

aṣṭāśīti sahasrāṇāṃ munīnāmūrdhvaretasām |
smṛtaṃ sthānaṃ tu yatsthānaṃ tadeva guruvāsinām || 36 ||
[Analyze grammar]

saptarṣīṇāṃ tu yatsthānaṃ śrutaṃ tadvai vanaukasām |
prājāpatyaṃ gṛhasthānāṃ sthānamuktaṃ svayaṃbhuvā || 37 ||
[Analyze grammar]

yatīnāṃ yatacittānāṃ tadeva vanavāsinām |
hiraṇyagarbhaṃ yatsthānaṃ tasmānnāvartate punaḥ || 38 ||
[Analyze grammar]

yogināmamṛtaṃ sthānaṃ vyomākhyaṃ paramākaram |
ānaṃdamaiśvaraṃ nāma sā kāṣṭhā paramā gatiḥ || 39 ||
[Analyze grammar]

iti śrībhaviṣye mahāpurāṇe madhyamaparvaṇi prathamabhāge prathamo'dhyāyaḥ || 1 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 1

Cover of edition (2022)

Bhavishya Purana: Sanskrit Text with Hindi Translation
by S. N. Khandelwal (2022)

Publisher: Chaukhamba Sanskrit Pratishthan; Pages: 2538.

Buy now!
Cover of edition (2023)

Complete Bhavisya Mahapurana (English translation)
by Shantilal Nagar (2023)

Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: