Chapter 195

sūryāruṇasaṃvāde svapnavarṇanam |
<poem> || anūruruvāca |
bhagavañchrotumicchāmi saptamīnāṃ paraṃ vidhim |
sarvāsāmanurūpāṇāṃ kathayasva mahāmune || 1 ||
[Analyze grammar]

saptāśvatilaka uvāca |
śṛṇu vīra khagaśreṣṭha saptamīnāṃ paraṃ vidhim |
kīrtayiṣyāmi te sarvaṃ yathāvatparipṛcchate || 2 ||
[Analyze grammar]

tulyaṃ kila khagaśreṣṭha yathākhyātaṃ vivasvatā |
śuklapakṣe ravidine pravṛtte cottarāyaṇe || 3 ||
[Analyze grammar]

putradāradhanakṣetre gṛhṇīyātsaptamīvratam |
ṛṣibhirjñānasaṃpannaiḥ sarvakāmaphala pradaiḥ || 4 ||
[Analyze grammar]

saptamyaḥ saptaākhyātāstāsāṃ nāmāni me śṛṇu |
arkasaṃpuṭakairekā dvitīyā maricaistathā || 5 ||
[Analyze grammar]

tṛtīyā niṃbapatraiśca caturthī phala saptamī |
saptamī kāmikā nāmnā vidhimāsāṃ nibodha me || 6 ||
[Analyze grammar]

paṃcamyāmekabhaktaṃ tu kuryānniyatamānasaḥ |
alpāhāraṃ na kurvīta maithunaṃ dūratastyaje t || 7 ||
[Analyze grammar]

varjayenmadhu māṃsaṃ ca atyamlaṃ ca khagādhipa |
prabhāte caiva ṣaṣṭhyāṃ tu ekaikaparṇasaṃpuṭe || 8 ||
[Analyze grammar]

ghṛtaśālyodanaṃ kṛtvā bhakṣayettu vidhānataḥ |
anyadannamabhuṃjānaḥ saptamyāṃ bhojanaṃ bhavet || 9 ||
[Analyze grammar]

ekaikavṛddhābhiyuktairyo vasettu khageśvara |
anyatra maricaṃ bhakṣenniṃbapatrāṇyataḥ param || 10 ||
[Analyze grammar]

evaṃ labdhaphalānīha pakṣayorubhayorapi |
annādai rahito yatnādanodana iti smṛtaḥ || 11 ||
[Analyze grammar]

ācaredvidhivadbhaktyā pūjayitvā vibhāvasum |
ahorātraṃ vāyubhakṣaḥ kuryādvijayasaptamīm || 12 ||
[Analyze grammar]

ekaikaṃ sapta saptamīratraiva vidhivaccaret |
prālekhya tāsāṃ nāmāni patrakeṣu pṛthakpṛthak || 13 ||
[Analyze grammar]

tāni sarvāṇi nāmāni vilekhya susamāhitaḥ |
śvetacaṃdanadigdhāṃge mālyadāmopaśobhite || 14 ||
[Analyze grammar]

saptadhānyahiraṇyāḍhye śaśikundeṃdusannibhe || 13 ||
[Analyze grammar]

aśvatthāśokapatrāḍhye dadhyodanasamanvite || 15 ||
[Analyze grammar]

tadarthaṃ pūjayedbhaktyā taistairdṛṣṭairna saṃśayaḥ |
dṛṣṭvā tu śobhanaṃ svapnaṃ na bhūyaḥ śayanaṃ svapet || 16 ||
[Analyze grammar]

prātaśca kī rtayetsvapne yathādṛṣṭaṃ khagādhipa |
prājñabhojakaviprebhyaḥ suhṛdbhyaśca khagādhipa || 17 ||
[Analyze grammar]

tato madhyāhnasamaye snātaḥ prayatamānasaḥ |
taṃ caiva devaṃ vidhivatpūjayitvā divākaram || 18 ||
[Analyze grammar]

samyakkṛtajapo maunī naro hutahutāśanaḥ |
niṣkramya devāyatanādbhojakāya nivedayet || 19 ||
[Analyze grammar]

bhavedalābho yadi bhojakānāṃ viprāstamarhaṃti purāṇavijñāḥ |
ye maṃtravedāvayaveṣu niścitā vibhuṃ samabhyarcya divaṃ vrajeyuḥ || 20 ||
[Analyze grammar]

kṛtvaivaṃ saptamī sapta naro bhakti samanvitaḥ |
śraddadhānopi sūryasya sa kathaṃ nāpnuyātphalam || 21 ||
[Analyze grammar]

daśānāmaśvamedhānāṃ kṛtānāṃ yatphalaṃ bhavet |
tatphalaṃ saptamī sapta kṛtvā bhaktyā labheta nā || 22 ||
[Analyze grammar]

duṣpāpaṃ nāsti tadvīra saptamyāṃ yanna dahyate |
na ca rogo'styasau loke ya etābhirna śāmyati || 23 ||
[Analyze grammar]

kuṣṭhāni yāni raudrāṇi duśchedyāni bhiṣagjanaiḥ |
nīyante tāni sarvāṇi garuḍeneva pannagāḥ || 24 ||
[Analyze grammar]

sakalavibudhamānyaṃ svaprakāśaṃ janānāmabhimataphaladāne dīkṣitaṃ taṃ supūjyam |
sutadhanakulabhogaiḥ saukhyapuṇyairupeto vrajati ca sutanuṃ kāṃ śāśvatā tigmaraśmeḥ || 25 ||
[Analyze grammar]