Chapter 55

rudra uvāca |
rathayātrā kathaṃ kāryā bhāskarasyeha mānavaiḥ |
phalaṃ ca kiṃ bhavetteṣāṃ yātrāṃ kurvanti ye raveḥ 1 || 1 ||
[Analyze grammar]

vidhinā kena kartavyā kasminkāle surottama |
kathaṃ ca bhrāmayeddevaṃ rathārūḍhaṃ2 divākaram || 2 ||
[Analyze grammar]

devasya ye rathaṃ bhaktyā bhrāmayanti vahanti ca |
teṣāṃ ca kiṃ phalaṃ proktaṃ ye ca nṛtyakarā narāḥ || 3 ||
[Analyze grammar]

bhramanti ye na ca devena nṛtyagītaparāyaṇāḥ |
prajāgaraṃ ca kurvanti bhaktyā śraddhāsamanvitāḥ || 4 ||
[Analyze grammar]

teṣāṃ ca kiṃ phalaṃ proktaṃ. rathaṃ yacchanti 3 ye raveḥ |
baliṃ bhaktaṃ ca ye bhaktyā diśantyāhi kabhojanam || 5 ||
[Analyze grammar]

etanme brūhi nikhilaṃ surajyeṣṭha savistaram |
lokānāṃ śreyase deva paraṃ kautūhalaṃ hi me || 6 ||
[Analyze grammar]

brahmovāca |
sādhu pṛṣṭo'smi bhūteśa gaṇeśo'si trilocana |
śṛṇuṣvaikamanā vacmi yathāpraśnaṃ savistaram || 7 ||
[Analyze grammar]

devasya rathayātreyaṃ bhāskarasya mahātmanaḥ |
indrotsavastathā rudra mayā hyetau prakīrtitau || 8 ||
[Analyze grammar]

martyaloke śāntihetorlokānāṃ lokapūjita |
pravartitāvubhau yasmindeśe devamahotsavau || 9 ||
[Analyze grammar]

na tatropadravāḥ santi rājataskarasambhavāḥ |
tasmātkāryāvimau bhaktyā durbhikṣasyeha śāntaye || 10 ||
[Analyze grammar]

śuklapakṣe tu saptamyāṃ māsi bhādrapade hara |
ghṛtenābhyaṅgayeddevaṃ pañcapūtāṅgajena vai || 11 ||
[Analyze grammar]

abhyaṅgayedmaheśaṃ yaḥ sarṣapaiḥ śraddhayānvitaḥ |
dine dine jagannāthaṃ praviṣṭaṃ varṇake ravim || 12 ||
[Analyze grammar]

sa gacchedyānamārūḍho gairikaṃ kiṅkiṇīkṛtam |
vaiśvānarapuraṃ divyaṃ gandharvāpsaraśobhitam || 13 ||
[Analyze grammar]

śālyodanaṃ khaṇḍamiśraṃ vajraṃ vajrasamanvitam |
varṇabhaktaṃ prayacchedyo bhāskarāya dine dine || 14 ||
[Analyze grammar]

ārūḍhaḥ sa vimānaṃ tu jvālāmālākulaṃ śubham |
gacchenmama puraṃ deva stūyamāno maharṣibhiḥ || 15 ||
[Analyze grammar]

tasmātsarvaprayatnena bhāskarāya naraḥ śiva |
varṇabhaktaṃ pradātavyaṃ praviṣṭasyeha varṇakam || 16 ||
[Analyze grammar]

ghṛtapūrṇaṃ khaṇḍaveṣṭaṃ kāsāraṃ modakaṃ payaḥ |
dadhyodanaṃ pāyasaṃ ca saṃyāvaṃ guḍapūpakān || 17 ||
[Analyze grammar]

ye prayacchanti devasya bhāskarasyeha varṇakam |
te gacchanti na sandeho narā vai mandiraṃ mama || 18 ||
[Analyze grammar]

ahanyahani yo bhaktyā bhāskarāya prayacchati |
abhyaṅgāya ghṛtaṃ deyaṃ sa yāti paramāṃ gatim || 19 ||
[Analyze grammar]

tathā yo varṇabhaktaṃ ca ahanyahani bhaktitaḥ |
sa prāpyeha śubhānkāmāngacchetsa bhavasālayam || 20 ||
[Analyze grammar]

cūrṇamudvartanāyeha yaḥ prayacchecchubhaṃ raveḥ |
sa yāti paramaṃ sthānaṃ yatra devo divākaraḥ || 21 ||
[Analyze grammar]

tatastaṃ snāpayeddevaṃ pauṣe māsi vidhānataḥ |
saptamyāṃ śuklapakṣasya śṛṇuṣvaikamanāstathā || 22 ||
[Analyze grammar]

tīrthodakamupānīya anyadvātha jalaṃ śubham |
vedoktena vidhānena pratimāṃ sthāpayedbudhaḥ || 23 ||
[Analyze grammar]

yajeddhi tīrthanāmāni manasā saṃsmaranbudhaḥ |
prayāgaṃ puṣkaraṃ devaṃ kurukṣetraṃ ca naimiṣam || 24 ||
[Analyze grammar]

pṛthūdakaṃ candrabhāgāṃ śauraṃ gokarṇameva ca |
brahmāvartaṃ kuśāvartaṃ bilvakaṃ nīlaparvatam || 25 ||
[Analyze grammar]

gaṅgādvāraṃ tathā puṇyaṃ gaṅgāsāgarameva ca |
kālapriyaṃ mitravanaṃ śuṇḍīrasvāminaṃ tathā || 26 ||
[Analyze grammar]

cakratīrthaṃ tathā puṇyaṃ rāmatīrthaṃ tathā śivam |
vitastā harṣapaṃthā vai tathā vai devikā smṛtā || 27 ||
[Analyze grammar]

gaṅgā sarasvatī sindhuścandrabhāgā sanarmadā |
vipāśā yamunā tāpī śivā vetravatī tathā || 28 ||
[Analyze grammar]

godāvarī payoṣṇī ca kṛṣṇā veṇyā tathā nadī |
śatarudrā puṣkariṇī kauśikī sarayūstathā || 29 ||
[Analyze grammar]

tathānye sāgarāścaiva sānnidhyaṃ kalpayantu vai |
tathāśramāḥ puṇyatamā divyānyāyatanāni ca || 30 ||
[Analyze grammar]

evaṃ snānavidhiṃ kṛtvā arcayitvā praṇamya ca |
dhūpamarghyaṃ pradattvā tu pratimāmadhivāsayet || 31 ||
[Analyze grammar]

trirātraṃ saptarātraṃ vā māsaṃ māsārdhameva ca |
sthitaṃ snānagṛhe devaṃ pūjayedbhaktito naraḥ || 32 ||
[Analyze grammar]

catvare lepayedvediṃ caturasrāṃ śubhe kṛtām |
caturdiśaṃ śvetakumbhairvitānavaraśobhitām || 33 ||
[Analyze grammar]

kṛṣṇapakṣe tu māghasya saptamyāṃ tripurāṃtaka |
kṛtvāgnikāryaṃ vidhivatkṛtvā brāhmaṇabhojanam || 34 ||
[Analyze grammar]

śaṅkhabherīninādaistu brahmaghoṣaiśca puṣkalaiḥ |
puṇyāhaghoṣavividhairbrāhmaṇānsvasti vācya ca || 35 ||
[Analyze grammar]

tato'sya parayā bhaktyā sūryasya paramātmanaḥ |
rathena darśanīyena kiṅkiṇījālamālinā |
sūryaśca bhrāmayeddevaṃ mahotsavapuraḥsaram || 36 ||
[Analyze grammar]

śuklapakṣe tu māghasya rathamāropayedravim |
kṛtvāgnihomaṃ vidhivattathā brāhmaṇabhojanam || 37 ||
[Analyze grammar]

prīṇayitvā janaṃ sarvaṃ dakṣiṇābhojanādinā |
prapūjya brāhmaṇāndivyānbhaumāṃścāpi suvācakān || 38 ||
[Analyze grammar]

itihāsapurāṇābhyāṃ vācako brāhmaṇottamaḥ |
tato devaśca iṣṭaśca sampūjyo yatnatastadā || 39 ||
[Analyze grammar]

māghasya śuklapakṣasya pañcamyāmekabhaktakam |
ayācitaṃ caturthyāṃ tu ṣaṣṭhyāṃ naktaṃ prakīrtitam || 40 ||
[Analyze grammar]

saptamyāmupavāsaṃ tu āśramādropayedratham |
agnikāryaṃ tu vai kṛtvā rathasya purataḥ śiva || 41 ||
[Analyze grammar]

ṣaṣṭhyāṃ ca rātrau bhūteśa rathasyehādhivāsanam |
brāhmaṇānbhojayitvā tu divyānbhaumāṃśca vācakān || 42 ||
[Analyze grammar]

rathamāropayeddevaṃ saptamyāṃ bhūtabhāvanam |
sitāyāṃ māghamāse tu tasya devālayāgrataḥ || 43 ||
[Analyze grammar]

tatrasthasyaiva devasya kuryādrātrau prajāgaram |
nānāvidhaiḥ prekṣaṇakairdīpavṛkṣopaśobhitaiḥ || 44 ||
[Analyze grammar]

śaṃkhatūryaninādaiśca brahmaghoṣaiśca puṣkalaiḥ |
kuryātprajāgaraṃ bhaktyā devasya purato niśi || 45 ||
[Analyze grammar]

tato'ṣṭamyāṃ ca yatnena devaṃ rathagataṃ nayet |
nagarasyottaraṃ dvāraṃ śaṅkhabherī nināditam || 46 ||
[Analyze grammar]

tataḥ pūrvaṃ dakṣiṇaṃ ca dvāraṃ cāpi tathā param |
evaṃ hi kriyamāṇāyāṃ yātrāyāṃ vatsarāvadhau || 47 ||
[Analyze grammar]

mānavāḥ sukhamedhante rājā jayati cāhitān |
nīrujaśca janāḥ sarve gavāṃ śāntirbhavettathā || 48 ||
[Analyze grammar]

kartārabhrāpi yātrāyāḥ syargabhāgo bhavanti hi |
voḍhāraśca tathā vatsa sūryalokaṃ yajanti vai || 49 ||
[Analyze grammar]

rudra uvāca |
kathaṃ sañcālyate brahmansthāpitā pratibhā sakṛt |
etanme vada deveśa sumahānsaṃśayo hi me || 50 ||
[Analyze grammar]

brahmovāca |
pūrvameva sahasrāṃśoryānahetormahātmanaḥ |
saṃvatsarasyāvayavaiḥ 1 kalpito'sya ratho mayā || 51 ||
[Analyze grammar]

sarveṣāṃ tu rathānāṃ vai sa rathaḥ prathamaḥ smṛtaḥ |
taṃ dṛṣṭvā tu tatastvanye syandanā viśvakarmaṇā || 52 ||
[Analyze grammar]

kalpitāḥ sarvadevānāṃ somādīnāmanekaśaḥ |
viśvakarmakṛtaṃ prāpya rathaṃ devena putraka || 53 ||
[Analyze grammar]

pūjārthamātmano dattaṃ manave satkulodvaha |
manunekṣvākave dattaṃ martyaiḥ sampūjyatāṃ raviḥ || 54 ||
[Analyze grammar]

atastu rathayānena 1 cālanaṃ vihitaṃ raveḥ |
tasmānna cālane doṣaḥ savituścala eva saḥ || 55 ||
[Analyze grammar]

yasmādrathena paryeti bhāskaraḥ pṛthivīmimām |
gacchanna dṛśyate caitanmaṇḍalaṃ savitustathā || 56 ||
[Analyze grammar]

adṛṣṭaṃ calate yasmāttasmādvai pārvatīpriya |
tadevaṃ rathayātrāsu dṛṣṭaṃ bhānormanīṣibhiḥ || 57 ||
[Analyze grammar]

anyeṣāṃ cālanaṃ neṣṭaṃ devānāṃ pārvatīpriya |
brahmaviṣṇuśivādīnāṃ sthāpitānāṃ vidhānataḥ || 58 ||
[Analyze grammar]

tasmādrathena devasya yātrā kāryā vidhānataḥ |
prajānāmiha śāntyarthaṃ pratisaṃvatsaraṃ sadā || 59 ||
[Analyze grammar]

kāñcano vātha raupyo vā dṛḍhadārumayo'pi vā |
dṛḍhākṣayugacakraśca rathaḥ kāryaḥ suyantritaḥ || 60 ||
[Analyze grammar]

tasmin rathavare śreṣṭhe kalpite sumanorame |
āropya pratimāṃ yatnādyojayedvājinaḥ śubhān || 61 ||
[Analyze grammar]

harillakṣaṇasampannānsumukhānvaśavartinaḥ |
kuṅkumena samālabdhāṃścāmarasragvibhūṣitān || 62 ||
[Analyze grammar]

sadaśvānyojayitvā tu rathasyārghyaṃ pradāya ca |
vibudhāmpūjayityā tu dhūpamālyānulepanaiḥ || 63 ||
[Analyze grammar]

āhārairvividhaiścāpi bhojayitvā dvijottamān |
dīnāndhakṛpaṇādīṃśca sarvānsaṃtarpya śaktitaḥ2 || 64 ||
[Analyze grammar]

na kañcidvimukhaṃ kuryāduttamādhamamadhyamam |
sūryakratau tu vitate evamāhurmanīṣiṇaḥ || 65 ||
[Analyze grammar]

yaścintayati bhagnāśaḥ kṣudhāvātaprapīḍitaḥ |
adāturhi pitṝṃstena svargasthānapi pātayet || 66 ||
[Analyze grammar]

yajñaśca dakṣiṇāhīnaḥ saviturna praśasyate || 1 ||
[Analyze grammar]

tasmānnānāvidhaiḥ kāmairbhakṣyalehyasamanvitaiḥ || 67 ||
[Analyze grammar]

pūjayitvā janaṃ sarvamimamuccārayenmanum |
baliṃ gṛhṇantu me devā ādityā vasavastathā || 68 ||
[Analyze grammar]

marutothāśvinau rudrāḥ suparṇāḥ pannagā grahāḥ |
asurā yātudhānāśca2 rathasthā yāstu devatāḥ || 69 ||
[Analyze grammar]

digpālā lokapālāśca ye ca vighnavināyakāḥ |
jagataḥ svasti kurvaṃtu ye ca divyā maharṣayaḥ || 70 ||
[Analyze grammar]

mā vighnaṃ mā ca me pāpaṃ mā ca me paripanthinaḥ |
saumyā bhavantu tṛptāśca devā bhūtagaṇāstathā || 71 ||
[Analyze grammar]

vāmadevyaiḥ pavitraiśca mānastokarathantaraiḥ |
ākṛṣṇena rajasā ṛcamekāmudāharet || 72 ||
[Analyze grammar]

tataḥ puṇyāhaśabdena kṛtavāditraniḥsvanaiḥ |
rathakramaṇakaṃ kuryādvartmanā susamena tu |
puruṣaiścāpi voḍhavyaḥ sūryabhaktisamanvitaiḥ || 73 ||
[Analyze grammar]

sukṛtaiḥ ca 3 pragrahairdāntairbalīvarddairathāpi vā |
yathā paryaṭanaṃ ca syādviṣame pathi gacchataḥ || 74 ||
[Analyze grammar]

upavāsasthitairviprairdivyairbhaumaiśca suvrataiḥ |
triṃśadbhiḥ ṣoḍaśairvāpi pratimāṃ bhāskarasya tu || 75 ||
[Analyze grammar]

sthānātpracālyaṃ vai rudra rathamāropayecchanaiḥ |
rājñī ca nikṣubhā rudra bhārye tasya mahātmanaḥ || 76 ||
[Analyze grammar]

śanairāropayedrudra ubhayoḥ pārśvayo rathe |
nikṣubhāṃ dakṣiṇe pārśve rājñīṃ cāpyuttare tathā || 77 ||
[Analyze grammar]

dvāveva brāhmaṇau tasmindivyo bhaumaśca pārśvayoḥ |
brahmakalpastathā bhaumaḥ kūbarasyopari sthitaḥ || 78 ||
[Analyze grammar]

garuḍaṃ pṛṣṭhataścāsya valgamānaṃ prakalpayet |
ātapatraṃ tathā śvetaṃ svarṇadaṇḍamanaupamam || 79 ||
[Analyze grammar]

suvarṇabindubhiścitraṃ maṇimuktāphalojjvalam |
tatastvindradhanuḥprakhyaṃ svarṇadaṇḍamathāvraṇam || 80 ||
[Analyze grammar]

dhvajaṃ prakalpayettasya patākābhiralaṅkṛtam |
bhūteśanānāvarṇābhissaptabhiḥ kāmanāśanaḥ || 81 ||
[Analyze grammar]

dhvajoparicaraṃ1 vyoma aruṇādhiṣṭhitaṃ bhavet |
rathatuṇḍagatānviprānnayedrathavaraṃ raveḥ || 82 ||
[Analyze grammar]

sārathyaṃ rudra kuryādvai śreyo'rthamātmanaḥ sadā |
nāruheta rathe'śraddho yadīcchecchreya ātmanaḥ || 83 ||
[Analyze grammar]

rathamārohatastasya kṣayaṃ gacchati santatiḥ |
sa ratho devadevasya voḍhavyo brāhmaṇaiḥ sadā || 84 ||
[Analyze grammar]

kṣatriyaiścāpi vaiśyaiśca na tu śūdraiḥ kadācana |
ye tvanyadevatābhaktā ye ca madyapravartakāḥ || 85 ||
[Analyze grammar]

naitaiḥ śūdraiśca voḍhavya itaraistu sadohyate |
upavāsavratopetairvoḍhavyaḥ pārvatīpriya || 86 ||
[Analyze grammar]

svasthānāccalito rudra pūrvadvāraṃ vrajeta3 vai |
dinamekaṃ vasettatra pūjyamāno nṛpeṇa vai || 87 ||
[Analyze grammar]

nānāvidhaiḥ prekṣaṇakaiḥ purāṇaśravaṇena ca |
nānāvidhairbrahmaghoṣairbrāhmaṇānāṃ ca tarpaṇaiḥ || 88 ||
[Analyze grammar]

sthitvā tu tatrāṣṭamyantaṃ navamyāṃ calate punaḥ |
vrajeta dakṣiṇaṃ dvāraṃ nagarasya trilocana || 89 ||
[Analyze grammar]

tatrāpi dinamekaṃ tu tiṣṭhantendhakasūdana |
sthite'tra taiḥ pūjyamāno yathā rājñā tathā nṛpaiḥ || 90 ||
[Analyze grammar]

tasmādapi caledbhadra dvāraṃ paścāttatottaram |
tatrāpi pūjyaḥ śūdraistu vidhivatpriyadarśana || 91 ||
[Analyze grammar]

tasmācca calate rudra vrajenmadhyaṃ purasya tu |
tatrasthaṃ pūjayanti sma brāhmaṇāḥ śraddhayānvitāḥ || 92 ||
[Analyze grammar]

śaṃkhavāditranirghoṣaistathā prekṣaṇakairvaraiḥ |
brahmaghoṣaiśca vividhaiḥ samantāddīpakaiḥ śubhaiḥ || 93 ||
[Analyze grammar]

nānāvidhairvittadānairbrāhmaṇānāṃ ca tarpaṇaiḥ |
dīnāndhakṛpaṇānāṃ ca tarpaṇaistripurāntaka || 94 ||
[Analyze grammar]

puramadhyāttu calitastiṣṭhetprāpya svamaṃdiram |
itthaṃ prāpya sthito devaḥ purato maṃdirasya tu || 95 ||
[Analyze grammar]

tatra sthitaḥ pūjanīyo bhavetpaureṇa kṛtsnaśaḥ |
pūjyamānastvahorātraṃ rathārūḍhastu tiṣṭhati || 96 ||
[Analyze grammar]

apare dine vrajetsthānaṃ taccirantanamādarāt |
trayodaśyāṃ vyatītāyāṃ caturdaśyāṃ trilocana || 97 ||
[Analyze grammar]

sadaivaṃ bhrāmayeddevaṃ graheśaṃ duritāpaham |
parivārayutaṃ rudra sānugaṃ parameśvaram || 98 ||
[Analyze grammar]