Bhavishya Purana [sanskrit]

245,265 words

This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.

brahmovāca |
kiṃ cānyadaparaṃ yūyaṃ vedamantravido janāḥ |
praṣṭavyāḥ kasya saṃskāre viśeṣamupagacchata || 1 ||
[Analyze grammar]

kiṃ dehasyota yenāsau nisargamalinaḥ sthitaḥ |
śukraśoṇitasambhūtaḥ śamalodbhavakīṭavat || 2 ||
[Analyze grammar]

niṣekādiśmaśānāntairvividhairvidhivistaraiḥ |
dehino'tiśayaṃ kecidupagacchanti mānavāḥ || 3 ||
[Analyze grammar]

teṣāṃ gūḍhamanaḥ kāyavāgviduṣṭaiḥ suceṣṭitaiḥ |
asaṃyatamanuṣyāṇāṃ pakṣo'yaṃ dūṣyate mayā || 4 ||
[Analyze grammar]

vaidikākhilasaṃskārasārabhūtā dvijātayaḥ |
sarvakāryakarānsarvānvṛṣalānatiśerate || 5 ||
[Analyze grammar]

caṇḍakarmā vikarmastho brahmahā gurutalpagaḥ |
steno goghnaḥ surāpāṇaḥ parastrīramaṇapriyaḥ || 6 ||
[Analyze grammar]

mithyāvādī madonmatto nāstiko vedanindakaḥ |
grāmayājakanirgranthau bahudoṣo durāsadaḥ || 7 ||
[Analyze grammar]

ni1 ṣiddhācārasaṃsevī coraścāṭo madoddhataḥ |
dhūrto naṭaḥ śaṭhaḥ pāpī sarvāśī sarvavikrayī || 8 ||
[Analyze grammar]

vāṅmanaḥ kāyajairduṣṭairhatā ye brāhmaṇādhamāḥ |
te na śuddhiṃ vrajantīha api yajñaśatairapi2 || 9 ||
[Analyze grammar]

śūdrāṇāṃ yānyaniṣṭāni sampadyante svabhāvataḥ |
viprāṇāmapi tānyeva nirvighnāni bhavanti na || 10 ||
[Analyze grammar]

tasmānmantrognihotraṃ vā vedyāṃ paśuvadho'pi vā |
hetavo na hi vipratve śūdraiḥ śakyā kriyā yathā || 11 ||
[Analyze grammar]

ye cāpi karmabandhena baddhāḥ sīdanti jantavaḥ |
saṃsārānalasantāpaviklavīkṛtamānasāḥ || 12 ||
[Analyze grammar]

te janmamaraṇāṭavyāṃ sukhāmṛtapipāsavaḥ |
kṛpaṇasyāśraye'ṭanto labhante naiva nirvṛtim || 13 ||
[Analyze grammar]

caturvarṇā narā ye tu tattadvīrye narādhamāḥ |
teṣāṃ sarvātmanā sarvairdharmaiḥ sāṅkaryamīkṣyate || 14 ||
[Analyze grammar]

śūdraviprādayo yonau na bhidyante parasparam |
sarvadharmasamānatvātsaṃskārādi nirarthakam || 15 ||
[Analyze grammar]

tadanuṣṭhānavaidharmyaviyogamaraṇādibhiḥ |
asevyasevanairanyaiḥ śūdraviprādayaḥ samāḥ || 16 ||
[Analyze grammar]

buddhyā śaktyā svabhāvena dharmairjātyā1 dibhiḥ śriyā |
kartavyaiḥ puṇyapāpābhyāṃ śanaiḥ2 sarvaśarīragaiḥ || 17 ||
[Analyze grammar]

bandhanai rodhanairnānāyātanopāyapīḍanaiḥ |
daṇḍairadaṇḍakaraṇairviṣādaparivedanaiḥ || 18 ||
[Analyze grammar]

sāttvikaḥ pratidharmādyai rājasaiścitraveṣṭitaiḥ |
tāmasaistāpamohādyairdūyamānāḥ punaḥ1 punaḥ || 19 ||
[Analyze grammar]

śleśmamārutapittādyairmahābībhatsadarśanaiḥ |
kvacidvṛttinivṛttibhyāmamṛtānṛtahitāhitaiḥ || 20 ||
[Analyze grammar]

alaṅkāropayogena manmathādyairviceṣṭitaiḥ |
dhanalābhāśayānaikajantusaṅghātapātanaiḥ || 21 ||
[Analyze grammar]

adhisiddhigatiṃ yāti nānāvidhamanorathaiḥ |
ātmasnehaparadveṣasvīkṛtadravarakṣaṇaiḥ || 22 ||
[Analyze grammar]

atikṣībatvasaṃkṣobhakṣutakṣāmakṣamāmayaiḥ |
yātanopāyapaiśunyaśūnyatvopaśamaistathā || 23 ||
[Analyze grammar]

apraśastairanuṣṭhānaiḥ samīpasthāpadaḥ samāḥ |
hiṃsakāḥ prāṇinaḥ pāpavitathālāpabhāṣiṇaḥ || 24 ||
[Analyze grammar]

sādhūnāṃbhāṣakāḥ stenā nirdayāḥ pāradārikāḥ |
nīcakarmasamācārāḥ sarvabhakṣāḥ piśācavat || 25 ||
[Analyze grammar]

duṣkulīnā durācārā nṛpāṇāmupajīvinaḥ |
viprakāryā vikarmasthā dhanino duṣṭacetasaḥ || 26 ||
[Analyze grammar]

lubdhakā hariṇānhatvā vāsaṃ kṛtvā yathā vane |
tathā khādanti piśunā bahavaśca3 kriyāvaśāt || 27 ||
[Analyze grammar]

vedavādamadhīyānāḥ1 prāṇighātābhiśaṃsinaḥ |
puṣṇanti kapaṭairarthānvedavikrayiṇo'dhamāḥ || 28 ||
[Analyze grammar]

māyino matsaragrastā lubdhā mugdhā madoddhatāḥ |
cāṭāḥ kārpaṭikāḥ kūrāḥ kadaryāḥ kalahapriyāḥ || 29 ||
[Analyze grammar]

vācāṭaduṣṭakulaṭā aṭanto bhāṭakaiḥ saha |
bhaṇḍamānyā bhaṭāṭopaiḥ saṃkruddhāḥ suviluṇṭhakāḥ || 30 ||
[Analyze grammar]

paryaṭā bhāṭakā jīvāḥ kaṇṭhakaślokabhāṣiṇaḥ |
vikrīṇate hyavikreyamabhakṣyadravyabhakṣiṇaḥ || 31 ||
[Analyze grammar]

śūdrakarmānutiṣṭhanto nistapāste narādhamāḥ |
sevādhyāpanavāṇijyakṛṣyādyārambhalambhitāḥ |
gṛhṇantaḥ sampado bāhayāddravyadhānyadhanādikāḥ || 32 ||
[Analyze grammar]

krodhādābhyantarāndoṣāṃstathā duṣṭamanorathān |
atyajanto viśiṣṭānāṃ śreṣṭhāste kacamardinaḥ || 33 ||
[Analyze grammar]

nopadeyāni vastrāṇi nityamādadate dvijāḥ |
hāpayanti na heyāni kathaṃ te guravaḥ kṣitau || 34 ||
[Analyze grammar]

dantikā diṇḍikā bhaṇḍāścaṇḍāścaṇḍālaceṣṭitā |
vaitaṇḍakāste nighnanti yathā siṃho mṛgānpaśūn || 35 ||
[Analyze grammar]

nirgranthaṃ munimālokya manyamānāḥ samunnatam |
paribhūyāvatiṣṭhante dhiktānriktānsavairiṇaḥ || 36 ||
[Analyze grammar]

tasmātsaṃsārikāḥ sattvāścittakleśakalaṅkitāḥ |
dauḥśīlyadaurmanasyādyaistulyajātīyabandhanāt || 37 ||
[Analyze grammar]

śūdrāṃ prarocate vipro rāgiṇīṃ maithunaṃ prati |
sā kāmaduḥkhavigame garbhaṃ dhatte samāgame || 38 ||
[Analyze grammar]

kāmakāmāturābhyastu rocante śūdramānavāḥ |
maithunaṃ prati brāhmaṇye te'pi tāsāṃ sukhāvahāḥ || 39 ||
[Analyze grammar]

ye tu jātyādibhirbhinnā gavāśvoṣṭmataṅgajāḥ |
te vijātiṣu no garbhaṃ kurvate'pi sukhārthinaḥ || 40 ||
[Analyze grammar]

anaḍvāneva goreva kāmaṃ puṣṇāti saṅgame |
ghoṭakāśca ratiṃ samyakkurvate vaḍavāsu ca || 41 ||
[Analyze grammar]

patiṃ karabhamevāpya karabhī ramate mudā |
gajameva patiṃ labdhvā sukhaṃ tiṣṭhati hastinī || 42 ||
[Analyze grammar]

tiryagjātiḥ striyā sākaṃ kurvāṇā'pi hi maithunam |
na tasyāḥ kurute garbhaṃ naro nāpi sukhāsikām || 43 ||
[Analyze grammar]

tiraścā saha kurvāṇā maithunaṃ manujāṅganā |
nādhatte tatkṛtaṃ garbhaṃ na yuktaṃ maithunaṃ tayoḥ || 44 ||
[Analyze grammar]

naivaṃ kaścidvibhāgosti maithune strīmanuṣyayoḥ |
yena saṃkṣīyate bhedaḥ prasphuṭaṃ dvijaśūdrayoḥ || 45 ||
[Analyze grammar]

vedapāṭhacchalenāyaṃ na kriyābhiḥ prapadyate |
bahubhirjaḍasaṅghātairaviśiṣṭe pade'hani || 46 ||
[Analyze grammar]

dehe dehini cāmuṣminnaśucāvanavasthite |
rāgadveṣādibhirdoṣairadhikaṃ paripīḍite || 47 ||
[Analyze grammar]

kulālacakravadbhrāntamānase viṣayārṇave |
ghoraduḥkhabhayākrānte samāje'nīśvarātmani || 48 ||
[Analyze grammar]

janmamṛtyujarāśokāniṣṭayogāgnipīḍite |
hīnasattvaśarīrādau na viśeṣo vibhāvyate || 49 ||
[Analyze grammar]

tasmānmanuṣyabhedo'yaṃ saṅketabalanirmitaḥ |
brāhmaṇyaṃ brāhmaṇāsaṅgādbrāhmaṇī copasevate || 50 ||
[Analyze grammar]

patiṃ tyaktvā mukhasvādalālasairmadalālasaiḥ |
āsevyate viṭaṃ gatvā bandhakī ceṭakairapi || 51 ||
[Analyze grammar]

brāhmaṇyātpracyavante'nye mahāpātakasevitāḥ |
vyalīkakalpanaivaiṣā tasmājjātyādikalpanā || 52 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 43

Cover of edition (2022)

Bhavishya Purana: Sanskrit Text with Hindi Translation
by S. N. Khandelwal (2022)

Publisher: Chaukhamba Sanskrit Pratishthan; Pages: 2538.

Buy now!
Cover of edition (2023)

Complete Bhavisya Mahapurana (English translation)
by Shantilal Nagar (2023)

Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: