Chapter 6

[English text for this chapter is available]

atha ṣaṣṭho'dhyāyaḥ |
sūta uvāca |
etanniśamya muninābhihitaṃ parīkṣid |
vyāsātmajena nikhilātmadṛśā samena |
tatpādamūlamupasṛtya natena mūrdhnā |
baddhāñjalistamidamāha sa viṣṇurātaḥ || 1 ||
[Analyze grammar]

rājovāca |
siddho'smyanugṛhīto'smi bhavatā karuṇātmanā |
śrāvito yacca me sākṣādanādinidhano hariḥ || 2 ||
[Analyze grammar]

nātyadbhutamahaṃ manye mahatāmacyutātmanām |
ajñeṣu tāpatapteṣu bhūteṣu yadanugrahaḥ || 3 ||
[Analyze grammar]

purāṇasaṃhitāmetāmaśrauṣma bhavato vayam |
yasyāṃ khalūttamaḥśloko bhagavānanavarṇyate || 4 ||
[Analyze grammar]

bhagavaṃstakṣakādibhyo mṛtyubhyo na bibhemyaham |
praviṣṭo brahma nirvāṇamabhayaṃ darśitaṃ tvayā || 5 ||
[Analyze grammar]

anujānīhi māṃ brahmanvācaṃ yacchāmyadhokṣaje |
muktakāmāśayaṃ cetaḥ praveśya visṛjāmyasūn || 6 ||
[Analyze grammar]

ajñānaṃ ca nirastaṃ me jñānavijñānaniṣṭhayā |
bhavatā darśitaṃ kṣemaṃ paraṃ bhagavataḥ padam || 7 ||
[Analyze grammar]

sūta uvāca |
ityuktastamanujñāpya bhagavānbādarāyaṇiḥ |
jagāma bhikṣubhiḥ sākaṃ naradevena pūjitaḥ || 8 ||
[Analyze grammar]

parīkṣidapi rājarṣirātmanyātmānamātmanā |
samādhāya paraṃ dadhyāvaspandāsuryathā taruḥ || 9 ||
[Analyze grammar]

prākkūle barhiṣyāsīno gaṅgākūla udaṅmukhaḥ |
brahmabhūto mahāyogī niḥsaṅgaśchinnasaṃśayaḥ || 10 ||
[Analyze grammar]

takṣakaḥ prahito viprāḥ kruddhena dvijasūnunā |
hantukāmo nṛpaṃ gacchandadarśa pathi kaśyapam || 11 ||
[Analyze grammar]

taṃ tarpayitvā draviṇairnivartya viṣahāriṇam |
dvijarūpapraticchannaḥ kāmarūpo'daśannṛpam || 12 ||
[Analyze grammar]

brahmabhūtasya rājarṣerdeho'higaralāgninā |
babhūva bhasmasātsadyaḥ paśyatāṃ sarvadehinām || 13 ||
[Analyze grammar]

hāhākāro mahānāsīdbhuvi khe dikṣu sarvataḥ |
vismitā hyabhavansarve devāsuranarādayaḥ || 14 ||
[Analyze grammar]

devadundubhayo nedurgandharvāpsaraso jaguḥ |
vavṛṣuḥ puṣpavarṣāṇi vibudhāḥ sādhuvādinaḥ || 15 ||
[Analyze grammar]

janamejayaḥ svapitaraṃ śrutvā takṣakabhakṣitam |
yathājuhāva sankruddho nāgānsatre saha dvijaiḥ || 16 ||
[Analyze grammar]

sarpasatre samiddhāgnau dahyamānānmahoragān |
dṛṣṭvendraṃ bhayasaṃvignastakṣakaḥ śaraṇaṃ yayau || 17 ||
[Analyze grammar]

apaśyaṃstakṣakaṃ tatra rājā pārīkṣito dvijān |
uvāca takṣakaḥ kasmānna dahyetoragādhamaḥ || 18 ||
[Analyze grammar]

taṃ gopāyati rājendra śakraḥ śaraṇamāgatam |
tena saṃstambhitaḥ sarpastasmānnāgnau patatyasau || 19 ||
[Analyze grammar]

pārīkṣita iti śrutvā prāhartvija udāradhīḥ |
sahendrastakṣako viprā nāgnau kimiti pātyate || 20 ||
[Analyze grammar]

tacchrutvājuhuvurviprāḥ sahendraṃ takṣakaṃ makhe |
takṣakāśu patasveha sahendreṇa marutvatā || 21 ||
[Analyze grammar]

iti brahmoditākṣepaiḥ sthānādindraḥ pracālitaḥ |
babhūva sambhrāntamatiḥ savimānaḥ satakṣakaḥ || 22 ||
[Analyze grammar]

taṃ patantaṃ vimānena sahatakṣakamambarāt |
vilokyāṅgirasaḥ prāha rājānaṃ taṃ bṛhaspatiḥ || 23 ||
[Analyze grammar]

naiṣa tvayā manuṣyendra vadhamarhati sarparāṭ |
anena pītamamṛtamatha vā ajarāmaraḥ || 24 ||
[Analyze grammar]

jīvitaṃ maraṇaṃ jantorgatiḥ svenaiva karmaṇā |
rājaṃstato'nyo nāstyasya pradātā sukhaduḥkhayoḥ || 25 ||
[Analyze grammar]

sarpacaurāgnividyudbhyaḥ kṣuttṛḍ |
vyādhyādibhirnṛpa |
pañcatvamṛcchate janturbhuṅkta ārabdhakarma tat || 26 ||
[Analyze grammar]

tasmātsatramidaṃ rājansaṃsthīyetābhicārikam |
sarpā anāgaso dagdhā janairdiṣṭaṃ hi bhujyate || 27 ||
[Analyze grammar]

sūta uvāca |
ityuktaḥ sa tathetyāha maharṣermānayanvacaḥ |
sarpasatrāduparataḥ pūjayāmāsa vākpatim || 28 ||
[Analyze grammar]

saiṣā viṣṇormahāmāyā bādhyayālakṣaṇā yayā |
muhyantyasyaivātmabhūtā bhūteṣu guṇavṛttibhiḥ || 29 ||
[Analyze grammar]

na yatra dambhītyabhayā virājitā māyātmavāde'sakṛdātmavādibhiḥ |
na yadvivādo vividhastadāśrayo manaśca saṅkalpavikalpavṛtti yat || 30 ||
[Analyze grammar]

na yatra sṛjyaṃ sṛjatobhayoḥ paraṃ śreyaśca jīvastribhiranvitastvaham |
tadetadutsāditabādhyabādhakaṃ niṣidhya cormīnvirameta tanmuniḥ || 31 ||
[Analyze grammar]

paraṃ padaṃ vaiṣṇavamāmananti tadyanneti netītyatadutsisṛkṣavaḥ |
visṛjya daurātmyamananyasauhṛdā hṛdopaguhyāvasitaṃ samāhitaiḥ || 32 ||
[Analyze grammar]

ta etadadhigacchanti viṣṇoryatparamaṃ padam |
ahaṃ mameti daurjanyaṃ na yeṣāṃ dehagehajam || 33 ||
[Analyze grammar]

ativādāṃstitikṣeta nāvamanyeta kañcana |
na cemaṃ dehamāśritya vairaṃ kurvīta kenacit || 34 ||
[Analyze grammar]

namo bhagavate tasmai kṛṣṇāyākuṇṭhamedhase |
yatpādāmburuhadhyānātsaṃhitāmadhyagāmimām || 35 ||
[Analyze grammar]

śrīśaunaka uvāca |
pailādibhirvyāsaśiṣyairvedācāryairmahātmabhiḥ |
vedāśca kathitā vyastā etatsaumyābhidhehi naḥ || 36 ||
[Analyze grammar]

sūta uvāca |
samāhitātmano brahmanbrahmaṇaḥ parameṣṭhinaḥ |
hṛdyākāśādabhūnnādo vṛttirodhādvibhāvyate || 37 ||
[Analyze grammar]

yadupāsanayā brahmanyogino malamātmanaḥ |
dravyakriyākārakākhyaṃ dhūtvā yāntyapunarbhavam || 38 ||
[Analyze grammar]

tato'bhūttrivṛdaoṃkāro yo'vyaktaprabhavaḥ svarāṭ |
yattalliṅgaṃ bhagavato brahmaṇaḥ paramātmanaḥ || 39 ||
[Analyze grammar]

śṛṇoti ya imaṃ sphoṭaṃ suptaśrotre ca śūnyadṛk |
yena vāgvyajyate yasya vyaktirākāśa ātmanaḥ || 40 ||
[Analyze grammar]

svadhāmno brāhmaṇaḥ sākṣādvācakaḥ paramātmanaḥ |
sa sarvamantropaniṣadvedabījaṃ sanātanam || 41 ||
[Analyze grammar]

tasya hyāsaṃstrayo varṇā akārādyā bhṛgūdvaha |
dhāryante yaistrayo bhāvā guṇanāmārthavṛttayaḥ || 42 ||
[Analyze grammar]

tato'kṣarasamāmnāyamasṛjadbhagavānajaḥ |
antasthoṣmasvarasparśa hrasvadīrghādilakṣaṇam || 43 ||
[Analyze grammar]

tenāsau caturo vedāṃścaturbhirvadanairvibhuḥ |
savyāhṛtikānsaoṃkārāṃścāturhotravivakṣayā || 44 ||
[Analyze grammar]

putrānadhyāpayattāṃstu brahmarṣīnbrahmakovidān |
te tu dharmopadeṣṭāraḥ svaputrebhyaḥ samādiśan || 45 ||
[Analyze grammar]

te paramparayā prāptāstattacchiṣyairdhṛtavrataiḥ |
caturyugeṣvatha vyastā dvāparādau maharṣibhiḥ || 46 ||
[Analyze grammar]

kṣīṇāyuṣaḥ kṣīṇasattvāndurmedhānvīkṣya kālataḥ |
vedānbrahmarṣayo vyasyanhṛdisthācyutacoditāḥ || 47 ||
[Analyze grammar]

asminnapyantare brahmanbhagavānlokabhāvanaḥ |
brahmeśādyairlokapālairyācito dharmaguptaye || 48 ||
[Analyze grammar]

parāśarātsatyavatyāmaṃśāṃśakalayā vibhuḥ |
avatīrṇo mahābhāga vedaṃ cakre caturvidham || 49 ||
[Analyze grammar]

ṛgatharvayajuḥsāmnāṃ rāśīruddhṛtya vargaśaḥ |
catasraḥ saṃhitāścakre mantrairmaṇigaṇā iva || 50 ||
[Analyze grammar]

tāsāṃ sa caturaḥ śiṣyānupāhūya mahāmatiḥ |
ekaikāṃ saṃhitāṃ brahmannekaikasmai dadau vibhuḥ || 51 ||
[Analyze grammar]

pailāya saṃhitāmādyāṃ bahvṛcākhyāṃ uvāca ha |
vaiśampāyanasaṃjñāya nigadākhyaṃ yajurgaṇam || 52 ||
[Analyze grammar]

sāmnāṃ jaiminaye prāha tathā chandogasaṃhitām |
atharvāṅgirasīṃ nāma svaśiṣyāya sumantave || 53 ||
[Analyze grammar]

pailaḥ svasaṃhitāmūce indra pramitaye muniḥ |
bāṣkalāya ca so'pyāha śiṣyebhyaḥ saṃhitāṃ svakām || 54 ||
[Analyze grammar]

caturdhā vyasya bodhyāya yājñavalkyāya bhārgava |
parāśarāyāgnimitra indra pramitirātmavān || 55 ||
[Analyze grammar]

adhyāpayatsaṃhitāṃ svāṃ māṇḍūkeyamṛṣiṃ kavim |
tasya śiṣyo devamitraḥ saubharyādibhya ūcivān || 56 ||
[Analyze grammar]

śākalyastatsutaḥ svāṃ tu pañcadhā vyasya saṃhitām |
vātsyamudgalaśālīya gokhalyaśiśireṣvadhāt || 57 ||
[Analyze grammar]

jātūkarṇyaśca tacchiṣyaḥ saniruktāṃ svasaṃhitām |
balākapailajābāla virajebhyo dadau muniḥ || 58 ||
[Analyze grammar]

bāṣkaliḥ pratiśākhābhyo vālakhilyākhyasaṃhitām |
cakre bālāyanirbhajyaḥ kāsāraścaiva tāṃ dadhuḥ || 59 ||
[Analyze grammar]

bahvṛcāḥ saṃhitā hyetā ebhirbrahmarṣibhirdhṛtāḥ |
śrutvaitacchandasāṃ vyāsaṃ sarvapāpaiḥ pramucyate || 60 ||
[Analyze grammar]

vaiśampāyanaśiṣyā vai carakādhvaryavo'bhavan |
yaccerurbrahmahatyāṃhaḥ kṣapaṇaṃ svagurorvratam || 61 ||
[Analyze grammar]

yājñavalkyaśca tacchiṣya āhāho bhagavankiyat |
caritenālpasārāṇāṃ cariṣye'haṃ suduścaram || 62 ||
[Analyze grammar]

ityukto gururapyāha kupito yāhyalaṃ tvayā |
viprāvamantrā śiṣyeṇa madadhītaṃ tyajāśviti || 63 ||
[Analyze grammar]

devarātasutaḥ so'pi charditvā yajuṣāṃ gaṇam |
tato gato'tha munayo dadṛśustānyajurgaṇān || 64 ||
[Analyze grammar]

yajūṃṣi tittirā bhūtvā tallolupatayā'daduḥ |
taittirīyā iti yajuḥ śākhā āsansupeśalāḥ || 65 ||
[Analyze grammar]

yājñavalkyastato brahmaṃśchandāṃsyadhi gaveṣayan |
guroravidyamānāni sūpatasthe'rkamīśvaram || 66 ||
[Analyze grammar]

śrīyājñavalkya uvāca |
oṃ namo bhagavate ādityāyākhilajagatāmātmasvarūpeṇa kāla |
svarūpeṇa caturvidhabhūtanikāyānāṃ brahmādistambaparyantānāmantarhṛdayeṣu |
bahirapi cākāśa ivopādhināvyavadhīyamāno bhavāneka |
eva kṣaṇalavanimeṣāvayavopacitasaṃvatsaragaṇenāpāmādāna |
visargābhyāmimāṃ lokayātrāmanuvahati || 67 ||
[Analyze grammar]

yadu ha vāva vibudharṣabha savitaradastapatyanusavanamahar |
aharāmnāyavidhinopatiṣṭhamānānāmakhiladuritavṛjina |
bījāvabharjana bhagavataḥ samabhidhīmahi tapana maṇḍalam || 68 ||
[Analyze grammar]

ya iha vāva sthiracaranikarāṇāṃ nijaniketanānāṃ manaindriyāsu |
gaṇānanātmanaḥ svayamātmāntaryāmī pracodayati || 69 ||
[Analyze grammar]

ya evemaṃ lokamatikarālavadanāndhakārasaṃjñājagaragraha |
gilitaṃ mṛtakamiva vicetanamavalokyānukampayā paramakāruṇika |
īkṣayaivotthāpyāharaharanusavanaṃ śreyasi svadharmākhyātmāva |
sthane pravartayati || 70 ||
[Analyze grammar]

avanipatirivāsādhūnāṃ bhayamudīrayannaṭati parita āśāpālais |
tatra tatra kamalakośāñjalibhirupahṛtārhaṇaḥ || 71 ||
[Analyze grammar]

atha ha bhagavaṃstava caraṇanalinayugalaṃ tribhuvanagurubhirabhivanditam |
ahamayātayāmayajuṣkāma upasarāmīti || 72 ||
[Analyze grammar]

sūta uvāca |
evaṃ stutaḥ sa bhagavānvājirūpadharo raviḥ |
yajūṃṣyayātayāmāni munaye'dātprasāditaḥ || 73 ||
[Analyze grammar]

yajurbhirakarocchākhā daśa pañca śatairvibhuḥ |
jagṛhurvājasanyastāḥ kāṇvamādhyandinādayaḥ || 74 ||
[Analyze grammar]

jaimineḥ samagasyāsītsumantustanayo muniḥ |
sutvāṃstu tatsutastābhyāmekaikāṃ prāha saṃhitām || 75 ||
[Analyze grammar]

sukarmā cāpi tacchiṣyaḥ sāmavedatarormahān |
sahasrasaṃhitābhedaṃ cakre sāmnāṃ tato dvija || 76 ||
[Analyze grammar]

hiraṇyanābhaḥ kauśalyaḥ pauṣyañjiśca sukarmaṇaḥ |
śiṣyau jagṛhatuścānya āvantyo brahmavittamaḥ || 77 ||
[Analyze grammar]

udīcyāḥ sāmagāḥ śiṣyā āsanpañcaśatāni vai |
pauṣyañjyāvantyayoścāpi tāṃśca prācyānpracakṣate || 78 ||
[Analyze grammar]

laugākṣirmāṅgaliḥ kulyaḥ kuśīdaḥ kukṣireva ca |
pauṣyañjiśiṣyā jagṛhuḥ saṃhitāste śataṃ śatam || 79 ||
[Analyze grammar]

kṛto hiraṇyanābhasya caturviṃśati saṃhitāḥ |
śiṣya ūce svaśiṣyebhyaḥ śeṣā āvantya ātmavān || 80 ||
[Analyze grammar]